Ka Nupepa Kuokoa, Volume XXVI, Number 26, 25 June 1887 — HOPUIA O CHUN LUNG. [ARTICLE]

HOPUIA O CHUN LUNG.

Ma ka Poaha nei i pahola ae ai na lono ua hoopukaia he palapala hoopii no Mr. Chun I.ung, ka pake iaia ka laikini opiuma i lilo iho nei, mamuli o ka hoopii a kekahi pake iaia no ke kuai opiuma mana ole malalo o ke kanawai hou o 1886. Mamua aku nei ua noii pono ia keia kanawai opiuma hou e kekahi mau loio o ke kulanakauhale nei a ua ikea kona lalau loa, me na hooia pu mai o na Lunakanawai Kiekie he kanawai mana ole. Nolaila oka poe a pau i hoopii ia iho nei malalo o ia kanawai, ua hookuu laelae ia. E hooponopono ia ana keia hihia ma ke kanawai ma keia mau la iho, a ina e ku ka hewa no ka mea iaia ka laikini opiuma e paa nei, alaila, he mea ole ia laikini a me kona loaa pu i na haawe koikoi a ka hoopai.