Ka Nupepa Kuokoa, Volume XXVI, Number 27, 2 July 1887 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVI, HELU 27   HONOLULU, POAONO,IULAI, , 1887   NA HELU A PAU, 2135

HOOLAHA KUMAU

 

 

@@@@@@@@@  KEY VAILANCOURT ASHFORD

 

ASHFORD & ASHFORD

(@@@@@@@AKIPOKA.)

 

@@@@@@H@@k@ka, Pele ma ke Kano-

@@@@@@@Luna Hooponopono @ me

@@@@@@Palapala Hoolue

 

@@@@@@@@NA AHA A PAU O KE

@@@@

 

@@@@@@@@@@@KANAWAI A PAU.

@@@@@@@ 21 Alanui Kalepa, Hono

@@@@@@  Hale   2082-1y

 

 

@@@@@@@ Pahu Leta Helu 415-

 

@han. T. Gulick

 

@@@ a he Agena Hooiaio Palapala

@@@ no no Paahona.  He Age

@@@haawi Laikini Mare

 

@@@@HANA

@@@@@

            AGENA KOMISINA

 

@@mea Hooponopono Waiwai Paa.

@@@@@@@Pohaku o Kimo Kam@bela,

@@@@@@koke ana me ko ke Kani

@@@@@Kalepa, Honolulu, H.I.

2110-11

 

@@@@ (AKONI.)

 

@@@ a he kokua ma ke kanawai

 

H@ Luna Hooiaio Palapala

@@@@ HANA: Ma ke Keena Loio Kuhia.

Tf

 

CECIL BROWN

 

@@ A HE KOKUA MA KE KANAWAI?

 

@@@@@@Hoolaio Palapala no ha Makupuni o Oahu

 

@@@@HANA:   Ma alanui Kalepa.

Tf.

 

WILLIAM C. ACHI

 

@@@@ he kokua ma ke kanawai imua o na

@@@@@ keia Aupuni.

He Mea Ana Aina a he Boroka ma na

@@@@@

@@@@@ @ana, Helu 15, Alanui Kaahumanu

@@@@@. Ia ke Keena mua iho nei o Kini

@@@@@                             2114-y

 

@OHN MAHIAI KANEAKUA.

 

@ LOIO A HE KOKUA MA KE KANAWAI.  HE MEA UNUHIOLELO MA KA OLELO @KRITANIA A ME KA OLELO HAWAII.  @@@@ Hana ma ke Keena o ka Loio @@hina.

 

1 p.

 

 

JAMES M MONSARRAT.

(MAUNAKEA.)

 

@@ A HE KOKUA MA KE KANAWAI

 

He Luna Hooiaio Palapala.

 

@ E hana ia no na Palapala Kuai, Palapala @@@@@@ma, a me na palapala pili kanawai e @@ma ka @@elo Hawaii.  Dala no ka hoaie ma @ @ @@@@ ma na waiwai paa.

 

@ KEFNA HANA:    Alanui Kalepa

 

 

KAMIKA, KAKINA a me KINI

 

LOIO, LOIO, LOIO

@@@ HANA:  Helu ----Alanui Papu, Honolulu.        @@

 

@. B. COLE

      @@@@@

 

LOIO, LOIO, LOIO

 

h@ Luna Hooialo Palapala

 

@@@@HANA:  Helu 15 alanui Kaahumao

    2079 1 y

 

 

WR. KAKELA

 

@@@@ A HE KOKUA MA KE KANAWAI

 

  H@ Luna Hoolaio Palapala.

       Tf

 

M. THOMPSON,

LOIO MA KE KANAWAI

 

K@@@ Hana, aia iluna o ka Hale Pohaku e @@@@@@@ mpble, kihi o na alanui   Papu me K@@@@  Honolulu

 

HE LOIO IMUA O NA AUA.

 

@@@@@makemakeia, alaila e haawi no oia @@@@@ manao kanawai ma ke kakua ana ma ka @@@@@@@@@ kea no o ka hihia e manaoia ana e @@@@@@maluna o na olelo ike e waiho ia mai @@@@@ka mea nana ka hihia.            2121 1 yr

 

 

WILDER & CO. (WAILA MA.)

 

@@@ kuai papa a me na lahe kukuia hale @@@@@@ a pau, a ma na me @@ pono a poau @@ ka hale.

 

Kihi Alanui Moiwahin me Pap@      tf

 

E GO HITCHOCK

(AIKUE HIKIKOKI).

 

LOIO, A KOKUA MA NA MEA A PAU A

@@@ ANA MA KE KANAWAI

 

Kohi ia no na Bila Aio, me ka awiwi KOHALA HAWAII.       2114. 1yr

 

S. K. MAHOE

 

LOIO A HE KOKUA MA KE KANAWAI.

 

He Agena Hooiale Palapala Kope no ha Makupuni o Oahu

 

 

@o Luna Hooiala Palapala Kepa Paehono @ k@ Apana e Waialua, Oahu

 

E loaa no ma Waialua, Oahu            2128 – 1 yr

 

WILLIAM MCCANDLESS.

 

HALEKUAI BIPI O WILIAMA MA KALALENA oia Ulako@eo.  Na ano Bipi a me na Ia a pau o ka makeke @o na kumukuai oluolu.  Uala Kahiki a pele ‘ku.

2002 – 1yr

 

 

EDISEPA FERIDO

 

 

KA HIENA KAULANA O BAGALIA

 

 

KA OLALI O NA MEA HUNA POHIHIHI

 

Ka Aina Lawa Pahaohao o Mauna Beria

 

Ke Kuhikuhi Puuone Poupou Kamahao, a o ka Liona Hana Meheu Pololei.

 

Ha Moolelo Enelani i unu@i ia no ke Kuokea

 

OIAI laua e kaahele ana ma na ao kaalewailokoo ka sekona pokole loai keehi iho ai laua mawahooaina Daimana, a pa no kahea a ka liona Hame Boro, e Setiwa e aohe kanaka o kou aina nei, ia wa oili mai la o Setiwa a pane mail la:

 

A!  O o eke keia e Hame Buro ke @lii o Bevia, heaha ka huaki?

 

He huakai!  He huakai imi i ko keiki, auhea la ua keiki nei au, wahi a Hame Buro.

 

Pane aku la o Setiwa, aohe a’u keiki ua ike no oe aohe a’u wahine, pehea e loaa ai ka’u keiki, he nuhou no oe

 

Aole, he keiki no kau, no ka mea, kau mai nei no au i kuu mau maka i aina Daimna nei, ike mai nei no wau i ka maaloalo o kekahi keiki ui, auhea la ua keiki la au, mai huma oe ia’u.

 

Ia wa pane aku la o Setiwa, i mea e pau ai no kou kuhihewa a me ke pohihihi o kou naau, e kii ae au i kela keiki, ke keiki hoi a kuu koa’loha Guni Lewa, nona ka inoa o Guni Galena.

 

Ia wa kii aku la o Setiwa i ua keiki l@ a lawe mai la a pane aku la@i ua liona la, eia wale no ke keiki ma ko’u  wahi nei, aole anei keia oia?

 

Pane mai ia ua liona la, aole kena, aka, he ano halialia wale mai la no ia’u me he mea la, he hoa’loha kena keiki no ua keiki la au.

 

Pane aku la ua Setiwa la, aole, aole a’u keiki e ae, o ka oiaio keia a’u e olelo aku nei ia oe, aole au i manao e hoopunipuni aku ia oe.

 

Pane mai la ua liona la, heaha ia hoi ua nele ae la no, e hele no maua ma ka maua k=huakai, hui aloha ae la lakou a nalo aku la ua aina alohilohi la.

 

I kela wa a ka aina i nalo aku ai huli ae la o Guni Galena a pane aku la ia Setiwa, owai kela kaikamahine ui, nani lua kona mau helehelena, ina paha na’u kela wahine, kani pono ka naue.

 

Pane aku la o Setiwa, o ka waihne ia ko aikane a Edisepa, ka mea hoi a’u I papa aku ai iaia mai hana i ka hewa me ua kaikamahine la, aka e like me kona ano mau o ka paakiki, pela aku la no oia i hana aku la.

 

Kaahele hou ae la ua Bakinelosa la no kana huakai imi kane a ike ae la oia i kekahi hale aniani e ku ana i ka lewa a kipa aku la oia ilaila, iaia i hii aku ai, aia hoi, he kanaka ua paa i na kaulahao mai ke poo a kona mau wawae, nona ka inoa i ike ia e Hame Buro, Euredula.

 

E hoomanao oe e ka mea heluhelu o Euredula no keia i hoopaa pio ia ai e Edisepa a me Heneri.

 

No ka ike ana o Hame Buro, aole ia o ka mea nana i wawahi ka maluhia o kana kaikamahine, kaahele hou ae la oia ma ka lewa iloko o na makahiki 2, a no ka nele, pane aku la oia i kana hanai penei:

 

E kuu hanai, ua kaapuni ia ae nei e kaua ka lewa iloko o na puni elima iloko o ka la hookah, a o ka 2 maka hiki keia o ko kaua noho ana ma keia wahi aobe nae he wahi mea a loaa iki, he ane paha aole no ianei, e aho no kaua e hoi.

 

Pane aku la ua Bakinelosa la, aole, aole au e ae e hoi hope a hiki i ka loaa ana o ka mea a kuu naau i aloha ai, @ nana oe k ka nui o ko kaua luhi a me ka nui o ko kaua poino ma keia huakai nolaila, o ka’u wale no 14 oe, e imi kaua me ka hoomanawanui iloko o na makahiki 8 i koe, a I loaa ole, alaila kaua hoi.

 

Na keia mau huaolelo a ua Bakinelosa la, ae aku la oia, a pane aku la oia, aohe aina loaa hou aku ia kaua ma keia wahi aku, e aho e nee kaua no ke aupuni honua, malia aia ilaila ke kolohe kahi i pee ai ia kaua.

 

E hoomanao oe e ka mea heluhelu, sole i ke aupuni ho@ua aka, eia no oia i ka lewa, ua ike oia i ke aupuni alohilohi o Bakinelosa e imi ana iaia, aka, ua nee ae-la ke aupuni pohihihi o kamaa ulaula a ma ke komohana a ka la a kau mai la.  No ia mea n@@ aku la ua aina la main a maka aku o ka liona Hame Buro.

 

Mahope iho o keia mau olelo a ua liona la, hoonee ae la oia i ke aupuni Alohilohi no ke aupuni honua, a ma kahi he mile ke kie@ie mai ka honua ae, hoonee aku la ua liona la i ka aina imua me ka mam@ nei i oi pakela ae i ko na mea mama e ae a pau.

 

I keia wa a ka aina e lele mama la, aia ua liona Hame Buro la ke kiei la maluna o na aina, e nana ana ma na kuahiwi, e halo ana ma na pali, na ana na poopoo, a me na kualono, a hala hope m@ la na aina, kau aku la laua iluna o ka ili bualala o ka moana, aia no na maka o ua Hame Buro la ke ki ola la i ka lena ike a kona mau maka maluna o ka moana holookoa, me kona makaala ana hoi iloko o na ale kawahawaha me kona  @@anao e ike lihi aku ana la hoi ia i ka mea  a kana hanai i aloha ai, a i ka hope loa o ka nana ana a ua liona la, aea ae la kona poo a pane aku la i kana kaikamahine penei:

 

E kuu lei ua nele kaua?

 

Pane aku la o Bakinelosa, heaha iho la hoi ka mea i nele ai, aole hoi i puni ka honua ia kaua ka aina i ka hele ia?

 

Pane aku la ua liona la, me he mea la, aole no i ke aupuni honua nei ka mea a kaua e imi nei, ke halialia wale mai nei no ia’u aia no oia i ka lewa i keia wa.

 

Pane aku la ua.  Bakinelosa la me ka leo piha hoonaukiuki i ka liona, kahaha, pay no hoi na apa ia oe, ilaila aku nei no hoi kaua a nele, ke olelo hou mai nei hoi oe e hoi hou kaua ilaila, aole au e ae aku ana i kau e hele kaua ma keia alahele, no ka mea aole no i puni ia kaua ka honua i ka hele ia, me he mea la o ka hapawalu wale no ka kaua i nana mai nei a o ka ehiku hapawalu koe a i nele kaua i ka mea a kaui e imi nei ma kela aupuni honua, he nani nele ana no ia ua hele kino ia aohe o ka lohe pepeiao.

 

Pane aku la ka liona me ka ico hookuakeeo, oia paha, hele aku kaua imua, i loihi i ke ka@  ailio ia.

 

I kela wa i wiliwilihou ae ai ua liona ia i kona huelo a hili se la i ka lewa a e like me ke poha ana o na @ekili he 10,000 i ka wa hookah a nakolokolo ae i ka lewa, pela okoa iho la no ka halulu o ka honua holookoa, kuikipikio ae la ka moana hoookoa naueue ae la ka honua, mae iho la na laau ulu o na kuahiwi, a ma@le na holoholona a pau e holoholo an@ ma ka honua, he mea oiaio aole i lohe ia ma ka honua holookoa kekahi mea halulu nui e like me keia, a ia wa no i nee aku ai ua aina la imua me ka mama nui i oi paumi aku i ko ka wa mua, a  ia wa pu no i pii ae ai ua liona la iluna o kekahi kumulaau loihi a nana pono aku la kona mau maka imua me ka leha ana mao a maanei o ka moana me he mea la e au ana kona maka i ka mea a kiona naau i enemi ai a iloko o na puni o ka honua he 52 i kaapuni ia e ua aina ala i iho iho ai ua liona ala mai luna iho o ka laau, a me na maka molohai o ka molowa oia i pane aku ai i kana hanai penei he 52 ae nei puni o ka poepoe honua ia kaua, aohe nae kaua i halawai iki me ka mea a kaua e imi nei, a i ole hoi ia me kekahi mea nana e hoike mai i kahi o ua mea ala e noho nei, nolaila, o ka hope loa o ko’u manao ia oe e kuu hanai, e hoi kaua no ko kaua aina. Aohe e loaa no ka mea, he kupua kela.

 

Pane aku la o Bainkelosa me ka leo piha hoonaukiuki, pehea no e loaa pi he hana oe a lele nupule ka aina o kaua, nawai e ike iho kanaka hele ae malalo o ka honua, a kanaka hoi malalo o ka moana, ina paha he lele malie ka kaua, hele malie hoi, ninaninau ma kela a me keia aina, alaila, he manaolana ko’u aole e nele ka loaa o kela kanaka ia kaua, nolaila, o kuu manao ia oe e kuu kahu hanai, e hoopili ka aina o kaua I ka moana e like me na aina e ae, a hoonee malie aku kaua ma na aupuni a pau e ninau hele ai, a i nele kaua ilaila, he nani nele ana ia ua hele ia me ka naau haahaa.

 

I kela wa, inaina iho la ua kahu hanai nei ona i kona heoluhi, oiai ua a@uwale na wahi a pau o ka honua i ua liona la, a ua ike no ua liona la ame no i ka honua ua kaeaea la, aka, aole Lo@e hihi na kana hanai ka huakai, e aho la hooko ana malalo o na ka@oha a kana kaikamahine.

 

Huli ae laua liona la a hoonee hou iho la i ua aupuni Alohilohi la a pali i ka ili o ke kai, a hoomaka aku la ka nee hele ana o ua aina la no ka hele huli ana ma ka moana a ma ka aina.

 

He po hookah me ka la hookah, hui aku la ua aina Alohilohi la me ke aupuni o Pelekane , a i ke ala ana ae o na kanaka o Pelekane, ike mai la lakou i keia aina kamahao hou, a wahi a na kanaka i hooho ae ai, he aina hou ua hoea mai loko mai o ke kai.

 

Hai ia aku la ka lohe i ka moiwahine o Pelekane, oia hoi o Meresetina, a hele mai la ua ahiwahine la me kona mau haia wahine.

 

Ia lakou i kokoke mai ai i ua aina alohilohi la, ike mai la lakou I na liona keokeo e holoholo ana a weliweli iho la lakou me ka makau nui.

 

Ike aku la lakou i kekahi kaikamahine ui e lawe hele ia ana e ka liona keokeo, kahea aku la ke ahiwahine i ua wahine opio la e hele mai, a ua hele mai la kela.

 

Ia Bakinelosa i hiki mai ai ma kahi o Meresetina e ku aku na, honi aku la ua Meresetina i ka aala o na wai ala a maule iho la a me kona mau haia wahine a me na kanaka a pau i honi i ke ala o ua wai ala la.

 

Mahope iho o ka pau ana o na hora 5 puoho nui ae la ua poe kaikamahine la a me na kanaka a pau, a i ko lakou nana ana ae, aia hoi, aole ka aina hou a lakou i ike ai, me he mea la he moeuhane ka lakou i ike ai.

 

I keia mau hora 5 a keia poe i mau le ai, ua hoouna aku la o Bakinelosa i kana mau liona he 50 ko lakou nui e hele huli maluna o ka aina o Pelekane a hela ae la na hora 4 o ko lakou hele huli ana, hoi like mai la lakou a hoike mai la i ko lakou aliiwahine, aole itaila ka mea a ke aliiwahine i makemake ai, a pela iho la i hala e ai ua aina la, mamua o ke ala ana ae o keia no mai ko lakou maale ana.

 

O keia aliiwahine Meresetina oia no ke aliiwahine nana i imi hala ia Hene@@@@@@@@

Ri a kaawale aku ai mai Pelekane aku e like me na mea i hoike ia ma na helu i hol@ o keia nanea.

 

Ma keia nalowale ana o ka aina alohilohi mai Pelekane aku, hoea aku la oia no ke aupuni o Aina Ala, a e like no me na haawina i loaa mua ma Pelekane, pela no i kela aina.

 

Haalele aki la ua Bakinelosa la ia aina Ala, a pae aku la oia ma ka mokupuni Nalo Pakiana, kahi hoi a Cala udila e noho hookahi ana.

 

I ua aina la i pili aku ai, honi aku la o Calaudila i ke ala o ka pua a maule iho la oia no 5 hora, a hele aku la o Bakinelosa a kokoke i kahi o ua Calau dila la e waiho maule ana, a nana iho la i kona mau helehelena a @ahi a Bakinelosa i pane ae ai, nani keia kaikamahine a maikai a pehea la oia i noho hookah ai ma keia wahi mokupuni uuku.

 

Komo iho la ke aloha iloko o Bakinelosa no ua Calaudila la, a kau iho la kona mau lima maluna o na helehelena o Calaudila, me ka puana ae penei:  E kuu aikane aloha, e aia mai maule hou oe.

 

I kela wa kaakaa ae la na maka o ua Calaudila la a ike ae la oia i keia kaikamaine ui a pane ae la ua Calaudila la, auwe!  Owai oe.

 

Pane iho la o Bakinelosa, e ala mai moe, no ka mea, ua hala ka wa o ka moe, aia ka la i luna lilo e moe no ka oe?

 

Pane ae la o Calaudila, ae ua aia mua iho nei no au, na ke ala o kekahi mea aala i hoohiamoe hou iho nei ia’u, a oia ko’u mea i moe ai.

 

Ia wa pane aku ia o Bakinelosa e ka wahine ui, o oe wale no ma keia aina?

 

Pane mai la kela, e ka nohea a’u e ike nei, ae. Owau wale no ko keia aina.

 

Pane hou aku la o Bakinelosa, heaha kou mea i male kane ole ai?  i kokoolua hoi no keia aina kanaka ole.

 

Panai hou mai la kela i ka ninau, ua male kane no nae oe?

 

Pane aku la o Bakinelosa, aole au i male kane, aka.  He huakai imi kane nae ka’u e hele nei.

 

Ninau hou mai la o Calaudila, ua @aop@@o no me ia oe ka ano o kau @ane a me kona inoa?

 

Paneaku la ua   Bakinerosa la, aole au i ike i kona ano, aole hoi i kona inoa, aka, ua hoohaule ia au e iala a @@ule iloko o ka hewa i ko’u wa e moe ana, a i kuu puoho ana ae, ua neo ka manu o Kaula i ka mahe a noho iho la au me ke aloha mauwale ia iala, ma ke aka ku wale no ko’u ike ana, aohe nae he maopopo.

                                                                                                                (Aole i pau)

 

 

LAUDILA.

KA NAITA HOOPAHAOHAO O NA

 

KAKAI MAUNA ME NA KAE! PALO O ITALIA

 

Ka Olali oke Kahua Kaua

 

Ka Eneu nana I hoo@@@unihi ka O@@hi malamalama o ka La; ka U@kelakela, malamaia @@waena o na kuahiwi me na k @@@@@@@a nani nana i hooenalule ka p@u@@ o na a@@wahine a pau o Europe a i eha ka ‘eha lima @le a ke aloha.

 

KA KAKANI PRAINIO@IO Wiliau o ka Hikina

 

A o ke Kupuou Iwikani o ka Makakila

IA WA, huli hoi aku la ke alu opio no ka lumi auau i ukaliia e kana aliiwahine, ia laua ma ka lumi auau, ua hoomaemae iho la laua ia laua a huli hoi aku la no ka lumi moe o eha ka puuwai, ia laua i haule aku ai iluna o ko laua moe oia no ka manawa i hooko ia ai na koii koi a ka makemake,  pela wale no ua mau alii nei o ka apa ana a ao wale no ka po.  Nolaila ka mea kakau i hoomanao ae ai i wahi kanaenae no na mau alii opio nei o ka kou:

 

Auhea wale oe e ka liko,

Eka maoli ili lahilahi,

Kaua i ka nu’a o ka lehua,

I ka halakau a na manu,

Ilaila kaua pulupe,

I ka hana mao ole a ke aloha,

I walea na manu ilaila,

I ka ono o ka wai o ka lehua,

Eiae o ka punohu ula,

Keiki a wali Kanahele,

Haina mai ana ka puana,

O ka ui Pomelia he inoa.

 

I ka puka ana mai o ka la i ke kakahiaka nui, ua ala mai la ka olomana Kelaudila a me ka ohana alii, ua hele aku la lakou no ka lumi hookipa malaila lakou kahi i kali ai i @a alii opio, i ka hiki ana mai o ka manawa i ka hora ewalu, ua ala mai la ua mau alii opio @@@, ua hele no hoi a haena na ibu i ka makani @@@@@@@@@@@@@@@@@@@@@@@@@@@@@@@@@@@@@@@a mea o ka luu i ka mau.

 

I na alii opio ma ka lumi hookipa ua pane mai lakona Makuakane, e kuu keiki, o keia ka la hana nui ka la hoi e wela ai ka ili o na aoao a elua i ka maka o na mea kaua, nolaila, mahope o ka pau ana o ko kakou paina kakahi aka, e hoomakaukau koke oe i kou puali kaua no ka pa@o ana me na enemi, eia ke nee mai nei ke alii powa me kona puali kaua nui, me he mea ia he 98,800 poe naita malalo o ke alakaiana a ua alii powa la, aka, aole loa lakou i helu ia i   kou mau naita.

 

I ka lohe ana o ke keiki alii Laudila i keia mau olelo a kona Makuakane, ua pane aku lla oia, e kuu Makuakane, aole o’u makemake e hookah hou ia kekahi koko maloko o ka pa alii nei, e kahi koko maloko o ka pa alii nei, eia wale no ka pono ma ke kahua kaua wale no e hookah ia ai ke koko o na me a pau, aole hoi maloko o ka pa alii nei.

I ke kuu anaiho o na olelo a ke alii opio, ua naue aku la lakou no ka lumi paina malaila lakou kahi i paina ai a lawa pono ka makemake, i ka maona ana o na mea a pau, ua huli hoi nui aku la lakou no ka lumi hookipa, ia manawa i haawi aku ai ke alii opio i na kauoha I kona mau naita, e hoomakaukau i kona puali kaua a e ku makaukau no ka wa e hiki aku ai na kauoha mai ke alii opio aku, ua ae mai la kona mau ukali a hoi nui aku la e hoomakau no ko lakou kulana pale, o na alii oio hoi aia aku laua ma ko laua lumi kahi i hooluolu ai, he elua hora ko laua nein oho ana ma ka lumi, ua kauoha aku la ke alii opio e hele aku kekahi o kona mau ukali imua o kona alo, he manawa ole ua hiki mai la kekahi o kona mau ukali a ku ana imua ona, ua huli mai la oia a pane mai la i kekahi o kona mau ukali, ua makemake au e hele aku kekahi o ko kaua mau naita o ko kaua puali e ku a e hoomakakiu i ka nui o na naita o ke alii powa.

 

I ka lohe ana o kona mau ukali i ka olelo a ko lakou alii opio, ua kunou aku la ko lakou mau poo a puka nui aku ia a kena aku la i kekahi mau naita he 12 a me akahi ukali, e hele lakou e makai iloko o na ululaau, me ka nana pono ana i kea no o ko lakou nui a me lakou makaukau, kauoha pu aku la no hoi e hoopahaohao lakou i na hana pahaohao a lakou i hana mau ai ma na moana o Italia, ua ae mai la lakou, a kau nui ae la maluna o ko lakou mau lio a hoomaka nui aku la e pii, e like me ka imo ana o k maka, pela ka hikiwawe o ka nalo ana aku o ua mau kiu nei mai ka maka @ku o ka poe e nana aku ana, aole i liuliu, ua lohe aku la na mea a pau i ka halulu o ke kuahiwi, na like pu me kekahi makani puahiohio e luku ana i na laau pela ka halulu o ka ululaau, i na mea a pau e lohe nei i ka halulu o ka ululaau, he mea haohao nui loa ia i na mea a pau.

 

I na hololio kamahao e holo la iloko o ka ululaau, me he makani puahiohio ia, aole i liuliu ua halawai aku la ka ike a ko lakou mau maka me ka lena ike i kekahi puali kaua nui e nee mai ana i kai o ke kulanakauhale, i ka hoomaopodo aku aole i kana mai ka nui o ua puali kaua nei, ia lakou i maalo ae ai imua o ua puali naita nei e like me kekahi kino aka, ua pioloke ae la ua poe naita nei; luai mai la lakou i na huaolelo mulea imua o na kiu o ke alii opio, aka aole lakou i hoolohe aku ia mau huaolelo, aka, kaapuni ae la lakou i ka puali kaua o ke alii powa no 35 puni i ka minute hookah, pela mau lakou i kaapuni ai no elu hora, a huli hoi aku la lakou no ko kulanakauhale, o na powa hoi, ua nui loa ko lakou weliweli no keia mau hana pahaohao imua o ko la kou mau maka, a hoopuka ae la kahi naita i hookua ia ai Ii ahailono, ua ike au aole kakou e pakele ana ina o kea no keia o na naita o ua keiki alii nei, alaila he mea maopopo e haule pio ana kakou i mau luahi na ka make mainoino, no ka mea, ma ka’u nana aku i ka po a makou i kaua ai, ua like loa makou me ka ole imua o na olona wikani o kela poe, eia no hoi ke, o keia no ka poe nana i pepehi ke akua Poowalu a me kona mau tausani naita kino pahaohao, ka mea a kakou i lohe ai mamua he kupua oia, aka ua lilo oia he pio na keia  poe, a ua lohe kakou ua li ia oia malua o Mauna Aniani, nolaila e kuu pokii, i kaua kaua ina e ike ana kaua e pio ana ko kaua aoao, alaila e haalele kaua i ka kaua mau mea kaua, a e hele kaua ma kea no he mau kanaka makaikai i kea no o ke kaua, alaila @@@@@@@@@@@@@@ no ia.

 

@@@@@@@@@@@@@@@@@@@@@@@@@@@@ Hawaii.

 

I ka lohe ana o kona pokii i na olelo a kona kaikuaana, ua hoapono aku la oia me ka olelo pu aku, ina pela i ka wa no e kaua ai kakou o ko’u wa no ia e holo ai ma ka aoao o ua keiki la a huli mai au e kaua ia oukou, pane mai la kona kaikuaana, ina pela o kaua pu no ke hooko i kena manao, a huli aku lakou iho no kai o ke kulanakauhale, ia lakou e nee nei no ke kulanakauhale a hiki paha i ka hora eha, ua puka aku la lakou iwaho o ka hu’a o ka ululaau, malaila lakou kahi i hooluana ai, kauoha aku la ke alii powa e hoomaha na lio, e hanai i ka ai a e hooinu i ka wai, pela no hoi na maita e ai lakou a maona, e hooluolu me ka makaukau no nae i ka wa e kauoha ia aku ai, ua hooluana iho la lakou mahope o ka pau ana o ka paina ana, ua haiolelo mai la ke alii powa imua o kona mau naita me na huaolelo hoolanalana manao oia keia malalo iho nei.

 

Imua oukou e a’u mau keiki punahele o ka laau ihe a me ka pahikaua, ke koi kaua hoi a me ka newa, na keiki hoi i hele a paulehia i ka maa pohaku a me ke kakaka, ka poe hoi a’u i kappa aku ai he mau liona hihiu no na ululau a kakou i aloha nui ai, i hele hoi a paulehia i ka oniu ana i na mea kaua, a ua kappa aku au ia oukou, na opuu pua Pama o na ululaau a me na pali kuhoho o ko kakou mau kaiaulu, ua hiki mai kakou i ko kakou wa e hoohana ia ai na akamai a me na ike a me ka ikaika o ko kakou mau a@ huki, a ua hilinai au maluna o oukou a pau loa a i ka hapalua o keia po e lele poi po aku ai kakou a kau aku i ka hoopai maluna o ke kulanakauhale o Mauna Aniani nei, e luku aku hoi i ko ke ku lanakauhale a e puhi aku i kea hi me ka hoohakalia ole, i loaa ai he uku panai no ko oukou alii opio a me k oukou poe hoa kanaka i alualu aku la mahope o ko lakou haku alii, nolaila e ikaika oukou a e koa hoi mai emi i hope e hele imua a lanakila, imua a make paha, imua a loaa ka inoa kaulana, aloha oukou a pau.

 

 

Ia manawa noi ikuwa ae ai na leo o ua mau naita nei, a holo aku la ka leo a kokolo aku la i na pepeiao o ka poe a pau o ke kulanakauhale, a hala loa aku la i na paia laahia o ka hale alii, ia wa i kauoha ae ai ke alii opio i kona mau puali naita e hoomakaukau lakou no ka lele kaua ana aku maluna o ka enemi, he manawa ole ua makaukau mai la kona mau naita, oia no ka manawa i hele mai ai kekahi o kona mau ukali a ku ana imua o ke alii opio, a pane mai la, e ke alii abonui, a ilihia hi o kou mau naita, ua makaukau lakou a pau, i hakalia wale no i ke kauoha au e ke ahi ae, ua pono e hoi oe a makaukau au alaila pii aku kakou e hoopuehu i ko kakou mau enemi, ia wa i aia ae ai @e alii opio a hele aku la ma ka lumi e ahu ana o kona may pono kaua, kahiko iho la oia a paa puka mai la oia ma ka lumi e noho ana o kana aloha me ka naau kaumaha, pane mai la oia e  kuu kane, ka mea hookah a kuu puuwai i aloha ai, e aho no o kaua no ke hele i ke kaua, ma kou wahi e hiamoe ai malaila pu no me a’u.

 

Pane aku la kana kane, e kuu lei aloha he wahine, mai hoohihi oe ia’u, no ka mea o ka’u huakai huakai pohihihi, nolaila e noho oe a mai hoolaau oe ia’u, no ka mea e imi ana au i ka pono o ko kaua mau makaainana, a me ka pono o kou aupuni, ia manawa oia i muki aku aii na papalina o kana aloha, a puka

Aku la oia iwaho o ka lumi nui kahi a ka ohana alii e kali mai ana, e ukali ana ka ui Pomelia ma ka aoao o kana kane a hiki imua o ka ohana alii ua ku like ae la lakou iluna a hoomaikai mai la imua o ke alii opio, ia wa i haawi aku ai ke alii opio i kona hoomaikai a pane aku la oia, eia au ke hele nei e anai aku i na enemi o  Mauna Aniani nei, a ma keia mua aku e noho ana ke aupuni o Mauna Aniani iloko o ka oluolu maikai, a hiki i ka I nuli ana o ka honua.

 

Ia wa i puka aku ai ke alii opio a hui me kona mau naita a ua panai pu mai la lakou me na kukai olelo ana me ka oluolu.

 

I ke alii opio i kau ae ai maluna o kona lio oia no ka manawa i kau ae ai kona mau ukali maluna o ko lakou mau lio, e like me ka imo ana a ka maka i nalowale aku ai ke alii opio me kona puali kaua @@ aole i liuliu, ua lohe a@.

 

@@@@@@@@@@@@@@@@@@@@@@@@@@@@@@@@@@@@@@@@@@@@@@@

Ne mau m @@@@@@@ ua lohe ia aku la kekahi mau l@o ikuwa, a aole i liuliu hou iho, ua lohe hou aku la no ke kulanakauhale i ka nei o ka pihe uwauwa, me ka hoopuka pu ana aku i na huaolelo hailuli he nui, pela i hoomaka ai ka hakaka.

 

Maanei e hoakaka pokole aku ai ka mea kakau i ke ano o ka huakai a ke alii opio, a me kona mau naita:

 

I ka wa a ke alii opio i komo aku ai iloko o ka ululaau me kona mau naita, ua mahele iho la oia i kona mau naita, ua mahele iho la oia i kona mau naita i elua mehele, a kauoha aku la i kekahi hapa e hele lakou ma ke komahana, a o ka lua hoi e hele pu me ia ma ka hikina, I ka wa’e halawai ai kona mau naita me kona mau enemi, o ko lakou wa no ia e lele kaua aku ai maluna o ko lakou mau enemi me ka hookaulua ole iho.

 

I ka lohe ana o kona mau naita i keia mau huaolelo mai ka waha aku o ko lakou alii, ua haawi ae la lakou he mau leo huro o ka hauoli a nalo aku la ua mau naita nei no ke komohana a o ke alii opio hoi a me kona mau naita, ua huli aku la oia no ka hikina a hele aku la, aole i liuliu aku ka hele ana, aia hoi ua halawai aku la ka lena ike a na maka o ke alii opio maluna o kona mau enemi, i ke alii opio e ku ana me ke kaulona pono ana o kona mau maka maluna o kona mau enemi, ua haawi aku la oia i kekahi hoailona i kona mau naita.

 

I ka ike ana o kona mau naita i keia hoailona i haawi ia aku ia lakou, oia no ka manawa o ua poe ihu kani nei o Italia i lele aku ai me ka weliweli nui, e luku ana ua poe nei me ka mainoino nui, ua like pu ua poe powa nei me ka laiki e oki ia ana me ka mea oki, ka hiolo mao a maanei o ka lakou mau pahikaua, ke lohe ia aku la na leo ahiu o ua poe nei, ke kani oeoe nein a mea kaua, ke nei nei ka honua i ke kapuai o na lio, ke lohe ia aku la ka uuina o na laau, he ike ia aku la ka lalapa mai o na huna ahi mai ka maka mai o na mea kaua, ke lohe ia la ke kani o na @ekala kila iloko o ke kulanakauhale alii, he hapalua hora keia kaua ana, ua hoopuipui ia mai la ko ke alii opio puali mamuli o ka hiki ana mai o kekahi hapa  o kona puali i hele ai ma ke komohana, a anai mai la I naita ma ka welau hema o na powa, na ia mea i hoopioloke ae i ka manao o ke alii powa, ma kona nana aku i kona poe naita me he mea la ua like loa me kekahi kao keiki e haehae ia ana imua o ka ilio hihiu, oia ka ua alii powa la i pane aku ai imua o kona mau ukali.         (Aole I pau)