Ka Nupepa Kuokoa, Volume XXVI, Number 29, 16 July 1887 — Make Ulia ma Kekaha, Kauai. [ARTICLE]

Make Ulia ma Kekaha, Kauai.

Ua loaa aku ke kino make o kekahi keiki pukiki nona na makahiki 14 paha ma ka lihi kai o Kekaha Kauai. Ua ike ia ka haalele ana iho o keia ke iki i ka hale maluna o kona lio a iho aku la i ka auau kai, ma ka auina la o ka lio wale no kai hoi ae i kauhale aole nae ke keiki. Ika huli īa ana aku, loaa aku la e waiho mai ana m:v ka lihi kai ua make, me| kekahi eha nui ma kona poo. Ua malama ia he aha niele no ke kino make aua hooholo ia, ua make keia keiki ma ka ulia ana i kekahi poino me kona lio me he la ua peku ia oia ma ke poo ke kumu i make koke ai.