Ka Nupepa Kuokoa, Volume XXVI, Number 39, 24 September 1887 — Page 4
| This text was transcribed by: | Chyloe Leon Guerrero |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki $2.00
No Eono Mahina 1.00
KUIKE KA RULA.
Poaono Sepatemaba 24, 1887
No na Ekalesia.
"E hoopoina ana au i na mea i hala, a e kikoo aku ana au i na mea mamua."
KAWAIAHAO
Ma Halelu 34, pauku 13 ka poolelo o ka pule kakabiaka o ka la Sabati nei. "E kaohi kou alelo mai ka hewa, a me kou mau lehelehe i ole e olelo ino."
1. Heaha na olelo hewa?
2. Heaha na ano olelo kupono i ke alelo?
3. He mea kokua nui na lehelehe olelo pono
I ka po iho o ia la Sabati, ma Kawaihao no ke anauna hui; aia ma Ioane 21, pauku 10 ke poolelo, "Ke aloha mai nei anei oe iau?" He ninau no ka Haku ia Simona. Na hoike o ke aloha ia Iesu Kristo.
1. Ina ua hoolohe iaia, a hana i kana hana, he hoike ia o ke aloha.
2. Ina ua pili mau oe Iaia, he hoike ia o ke aloha.
3. Ina ua eha pu oe me ia, alaila ua aloha oe.
O ka põe i aloha i ka Haku, e ola pu lakou me Ia iloko o kona aupuni.
He hoike hapaha o na Kula Sabati ke malamaia ana i ka la apopo; i ka hora i o o ke kakahiaka e hoomaka ai na hana. E hele mai ae mamua o ka manawa.
Ua hala aku la o Kalua Nailipelape la ma kela kapa, i ka la 10 iho nei o keia mahina, ma ka Halemai.
He lulu ko ka ekalesia o Kawaiahao i ka la Sabati, la 9 o Okatoba, no na koena o na puka aniani o ka luakini, a me na hana hou maloko o ka hale. Aia na pepa kakau mua ma na lima o na komile. E hooikaika pu kakou i keia luhi a pau ae, a maemae like ka hale maloko a mawaho.
Ua mareia e ke kahoo Theina Ulukou MAinalulu me Vipuni hala i ka la 18 iho nei o keia mahina.
KAUMAKAPILI
Na ke kahu i malama na hana o ka pule awakea o ka la Sabati nei. Apo po he hoike kula Sabati ma keia luakini, e hooinaka ana i ka hora ia e hele nui ae na haumana me na kumu.
I ka po iho o ka la apopo ma Kaumakapili ke anaina hou.
EWA
Sept. 18 oia ke Sabati, na malama ae ka apana o Kapuaikaula, Ewa, i ko na hoike Kula Sabati ku i ka wa i hui pu ia mai me na Kula Sabati e Kalihi me Moanalua. Ua hoo( illegible).
KAPAA, KAUAI
He oia mau ka maikai e na hana o ka ekalesia, aole holomua ke nee malie no nae - He maikai ke ola o ke kanu a me ka ohana - Ke hoomau nei no oia i ka hana.
- Ke nee malie nei ka Ahahui B Au na kekahi Ma kamahele o keia ekalesia - He eleu loa ole ka Peresidena ka Solomona Pukala - Ua hiki aku paha ka nui o na dala i lele ia e keia Ahahui i ke kanakolu a oi, aia ma ka lima o ka Puuku, Geo. H. Ikaja.
- He maikai na hana Kula Sabati, e malama ia ana ka hoike hapaha o ke Kula Sabati o Kapaa, i Sept 25, malalo o ka noho kahu Kula Sabati ana o S. Pukila a me ke kokua ana o ke kahu ekalesia iaia ma ka hapai pu ana i ka nana - E malama ia ana ma Anahola, Kauai, ma ke kauoha a ke K. S. N. o Kauai Hikina G. B. Meheula.
- Ke kukulu hoi ia nei i halekula hou ma Kealia, Kauai, no ka nui loa o na haumana kokoke he zoo i keia wa. A na ke Col. Z. S. Spalding i ae e kukulu no ke tausani a oi aku sala, a no ia mea ua ae aku ka Papa Hoonaauao e makana i $700 iaia - Oia kekahi hana kaulana ana i hana ai i mea e hoonui ia ai ka naauao i ka lahui a pomaikai ka aina no ia mea waiwai o ka naauao.
- Ke ko nei he Halupule Pope ma Keaha, Kauai nei. He halepule maikai keia.
- Ma ka la 20 Sept. ka la Iubile o Col. Z. S. Spalding. Ua haawai makana aku o Gen. H. Dole a me kona mau hoa luna hana haole, he wait gula o ke kumukuai he $305.00 ia Z. S. Spalding.
Ua puka o Gen. H. Dole i ahi a me Batalamana no keia mokupuni.
A S, Wilcox, W. H. Rice, F. Gay he mau Luna makaemana no ka mokupuni o kauai nei.
Hoike Hui o na Kula Sabati o ka Mokupuni o Oahu.
E like me ka hooholo ana a ka Ahahui Kula Sabati o Oahu, ma ka halawai ma ka malama o Aperila: E Hoi ke Hui na Kula Sabati ma Waialua.
Nolaila, ke hoolaha ia aku nei, e hoike hui ana na Kula Sabati o ka mokupu ni o Oahu me Waialua, ke hiki aku i ka Peaiina la 7 o Okatoba.
Ua hoolaha e aku nei nae kou hoa paahana i kona mau Kula Sabati o na Koolau, ma ka la 8. O ka maua no ia i koi hoo ia aka, mahope mai o ka maua hoohele ana, i a hiki mai na noi lenul hu e hoike ma ka la 7, i hiki ai i na haumana ke hui no na hana o ko lakou mau ekalesia, nolaila, ua ae aku au i ka hoolaha aku nei pela.
Nolaila, e na Kula Sabati o na Kona, mai Wailupe a M. kua, na Kula Sabati au i hoonoli mai ai i wahi kauwa lawelawe a i ulu nae, aole au i launa pu me ka hapanui o Oukou, koe waie no ke Kula Sabati o Ewa, mahope iho o kou hookohu ia ana i ( illegible)
A laila ka pali mua, a iho i ka lua o ka maka pu nuna, manao ae la o ka pau la ia o ka pai, kau mai ana no he pali hou, a pane ae ia au: "He lohe pepeiao wale no i na Koolau nei o Maui, a akahi no ka ike pono i ke ino o na alanui, aole he hana ia, ke ala kahi a ke kanaka e hele ai. Pehea la e makaala ole ia nei na alanui pali o Koolau nei e na Kuhina Kalaiaina mua i ike pono ai la hoi i ka pilikia o na alanui?
I kou ike ana i na alanui pali, he kou ke awaawaa, ua lilo na pohaku kipapa i ka eli ia e ka wai, a ua eli ia ke alanui a awaawaa. Pehea la hui ia mau kanaka e eku hele hei i ke ino o na alanui?
Ua nui na alalai o ke ala ma kekahi wahi, he nahelehele a paa ke alanui; a ma kekahi wahi o kealanui, ua hana ia ka nahelehele ma na wahi papu o ke ala. Ua lohe wale au i na kamaaina o na Koolau, i ka hele ole o na luna aupuni ma na alanui pali, no ka inoino, a ua kau lakou maluna o ka moku mai Hana a Kahului, ma kahi maikai e hele ai, aole hele ia o ia wahi e hoike ia aku nei.
Pehea la e pau ai ka pilikia o ia alanui pali o kakou? E pono e hele ke Kuhina Kalaiaina e nana i ike pono i ke ino, ka hana ole ia o na dala ma ia mau alanui; oia wale no paha ma na alanui o kahi maikai e hoomole ai, e like me Hana a me Kipahulu.
Mai ke kakahiaka ko makou hele ana ma ua ala pali la a hiki i Nahiku, a ua aui ka la. Ki[a ma ka hale o Mr. Miki, hookipa ia i na mea pono kino no ia mau hora. A pau ka paina ana, ua hoomaka aku la na kamalii e hele ma na kauhale e olelo aku ai e hele i ka halepule e lohe i ka olelo a na malihini mai Oahu mai, he mau misiona laua no ka Ahahui Hoole Waiona.
Ia manawa no hoi ua holo kau wahi keiki e huki i ka pele o ka halepule, a ike aku la makou i ka moe ae o kaoo o na kanaka, e hele ana i ka halepule, a o ko makou hele aku la no ia a hiki i ka halepule. Hoomaka ka halawai me na olelo paipai mai a mau aku; hookuu ka halawai a halawai hou ke huli hoi mai maua a moe maanei, e hele ana maua a no Hana i keia la.
Pau na kukai olelo ana e na hoa o ia wahi, kau maluna o na lio hele aku ma ke alanui, hiki i kahi kaulana a kakou e lohe wale nei, oia o Kuhiwa, kahi a na kanaka i hele aku ai ma ia alanui, ua piha kela kio i ka wai, hele a "hoohanini Mana i ka Waiopua," a i ko laua hoi ana mai a ma kae o ua kawa nei, waiho i na haawe lau uwala, a lele aku ia ke kanaka mua a make loa, oia no kona naaupo, i ka hele ole aku e nana i ka wai i ka piha pono a i ke emi hoi, o ka lele naaupo aku la no ia o na kanaka mua nei a make loa. A liuliu aku, lele aku la ke kanaka elua, a pono ae la kona leo, aole no hoi ou ( illegible) aohe wai e ! aohe wai ! ( (illegible) laua a elua; a oia no (illegible) wahi.
(illegible) oluolu ia no ka noho (illegible) huaai, he uliuli na (illegible ).
(illegible) iau maikai ko laila; ma (illegible) e kipa mau ia ai e na (illegible) kanaka heahea me (illegible) .
(illegible) ma ia mau alu, (illegible) mahele e hoolei pau (illegible) aala, a e kani (illegible) ka leo o ke ka- (illegible) ana ka leo o ka (illegible) a ke kanaka, a e (illegible) manao o ka ike lihi (illegible) he ole nau he ike (illegible).
(illegible) Aole i pau.
(illegible) Manao a ke Kalaiaina ma ka Pono o na Kanaka.
(illegible) Akua i mea e wai (illegible) Ua haawai mai oia ( illegible) kahi e ulu ai ka ai. Ua haawi mai ia i ka luau i mea e paa ai ka (illegible) i mea e pono ai na mea he nui la. Ua haawi mai no hoi oia i na mea ulu a pau i mea e hooko ai i na makemake o na kanaka. Ua haawi mai oia no kakou i mau lima, a me ka ikaika e lawelawe ai, a hooponopono i ka aina, me na mea a pau e waiwai ai. Aka, i ka noho naaupo ana o na kanaka na hone ka lakou.
(illegible) ma mua o ke Akua i haawi mai ai, i mea e waiwai ai no ke kanaka. He aha pohaku ka hale o ke kanaka, a i ole ia, he hale kamala no, he hale (illegible) a he hale pelapela maoli no hoi o ia au kahiko loa o ke au o na kupuna o kakou. O ka lau o na laau (illegible) ia he ili o na hoolohe ana, a he ia laau no hoi kekahi; a hahai no hoi i na holoholona i mea ai na lakou, a imi no hoi i na lau hua ulu aela i mau nei ai na lakou ma ka nahelehele.
- Pela ke kanaka he maopopo ole i ka hana a kela hoohelena liihi loa, o ka manao. Hoomakaukau no lakou i ka lakou mau mea ai a nui i ke kau. Ina pela ke kanaka ia au kahiko, alaila aole e noho nele a noho hune no hoi, a ua loko no ka noho ana o lakou.
E like no me ka oho naaupo o lake oho o ia au kahiko ka hoomaopopo ole i ka hana akamai a ka naonao, a me ka eleu, pela no e noho ilihune ai na kanaka i ka wa naaupo, aole i ike lakou i kahi e loaa mai ai ka waiwai. Ike lakou i ka waiwai no kahi e mai, a kahaha ko lakou naau i ka nui o ka waiwai o na aina e, aole lakou hoomaopopo, ua lulu wale mai ke Akua ma na aina a pau i mea e waiwai nui ai.
2 - Nolaila, he mea nui ke kalaimina. Ua nui no ke ano o ia hua.
a. O ka lepo, kahi e niahi ai ke kanaka, he aina ia.
e. O ka moana, kahi e lawaia ai ke kanaka, he aina ia.
i. O ka pa kuai, he aina ia.
o. O ke kalai waa, he aina ia.
u. O ke kukulu hale, he aina ia.
h. O kela mea keia mea e waiwai ai na kanaka he nui, ua kapaia ia mea he aina.
O ka hooponopono ana i na aina, i mea e waiwai ai, ua kapaia ia mea e na kakaolelo kahiko, he kalaiaina.
3 - I ko kakou noho ana ma keia ao, ua nui loa na mea a kakou e makemake ai i mea e oluolu ai ko kakou noho ana. O na mea a pau e ko ai ka makemake o ke kanaka, a e hooluolu ai hoi i kona noho ana, he waiwai ia. He mea waiwai ka ai, no ka mea, he mea ia e o!a ai. No laila hoi, he waiwai ka i-a, a he waiwai ka laau lapaau Aole nau o ka mea ola wale no ka i kapaia waiwai, o na mea no a pau i makemakeia, ina he mea e pono ai ka noho ana, he waiwai ia. Ua makemakeia ka malamalama i ka po; nolaila, he waiwai ka aila. Ua makemake ia ka malu i ka la, nolsila, he waiwai ka mamalu. Ua makemakeia ka lole silika, nomaila, he waiwai ke enuhe hana silika.
Aohe nae he waiwai na hua i waiho wale ia. O ka aina i mahi ole ia, a noho ole ia, aole ia he waiwai. O ke dala i waiho wale ia iloko o na mauna, aole ia he waiwai. O ka i-a e holoholo ana ma ka moana, aole ia he waiwai O ka laau ala i nalo loa ma kahi hiki ole ia e ke kanaka, aole ia he waiwai; a loaa hoi i ko ke kanaka lima, alaila, lilo ia mau mea i mea waiwai, aole waiwai i ka wa e waiho wale ana. I ole e loaa i ko ke kanaka lima, aole oia e hoolulu ia; a loaa iaia, alaila ua ko kona makemake, ua oluolu oia, a ua waiwai hoi oia.
Ina he nui ke dala a kekahi kanaka, ua olelo ia, ua nui kona waiwai, aole nau oia e maona ma ia mea, aole mahana kona kino, aka, he kumu no ia e hiki ai ke kuai a loa amai kela mea, keia i makemakeia Nolaila, ua waiwai ke kanaka ke nui kona dala. O ke dala ka mea e hiki ai ke ana i ka nui a me ka maikai. Ina makemake nui ia kekahi waiwai no kona maikai loa, ua nui ke dala iloko o ia waiwai.
Ua makemake nui loa ia kela mea no kona maikai; a no ka makemake nui ia, e loaa nui mai ke dala ke kuai aku. O kekahi waiwai, aole nui kona maikai iho, ua nui no nae ke dala iloko. He maikai ka hao, a ua oi loa aku konna maikai mamua o ke gula.
Ua nui loa nae ke dala iloko o ke gula, no ka mea, e hiki no ke kuai aku a nui ka loaa mai.
WAIWAI KUAI
He waiwai kuai kekahi waiwai, a he waiwai loaa ole i ke kuai kekahi waiwai.
Ina e ana ia ka maikai, ua oi loa aku kekahi waiwai kuai ole, mamua o kekahi waiwai kuai. Ua oi aku ka maikai o ke ea mamua o ka lole, no ka mea, ola ke kanaka me ka lole ole, aole ola ke kanaka ke loaa ole iaia ke ea maikai.
WAIWAI KUAI OLE
Waiwai kuai ole ka malamalama o ka la. Ina e ana ia ka maikai, ua oi aku ia mamua o na moku a me na waa, no ka mea, ola no ke kanaka me ka moku ole, me ka waa ole, aole e ola ke loaa ole iaia ka malamalama. Ina nana kakou i ka waiwai kuai, me ka waiwai kuai ole, eia ko laua mau like ole: Ka waiwai kuai ole, he waiwai pau ole ia no ka nui loa; a o ka waiwai kuai, e pau wale ia no ka uuku. He mau waiwai pau ole ke ea, a me ka malamalama, no ka nui loa; pau koke ka lole, ka moku, ka waa, no ka aeku. (Aole i pau.)
Hoike Hui o na Kula Sabati o ka Mokupuni o Oahu.
E like me ka hoopla ana a a ka ahuhui Kula Sabati o Oahu, ma ka halawai o Aperila, e hoike hui na kula Sabati ma Waialua. Nolaila ke hoolaha ia aku nei, e hoike hui ana na kula Sabati o ka mokupuni Oahu nei ma Waialua, ke hiki aku i ka Poalima la 5 o Okatoba.
Ua hoolaha e aku nei nae kou hoa paahana i kona mau kula Sabati o na Koolau, ma ka la 8. O ka maua no ia i hooholo ai, aka mahope mai o ka maua hooholo ana, ua hiki mai no hoi na noi he hui, e hoike ma ka la 7, i hiki ai i na haumana ke hoi no na hana o ko kalou ekalesia, nolaila, ua ae aku au a ke hoolaha aku nei pela.
Nolaila e na kula Sabati o na Kona, mai Wailupe a Makua, aole au i launa pu me oukou, mahope iho o kou hookohu ia ana i kahn kula Sabati nui no na Kona, eolaila ke kono ia aku nei oukou e naue nui mai no na hana o ko kakou pono uhane.
E malamala ana he lulu dala mawaena o na hoike, a ma ka po iho he Aha Mele Nui na na Kula Sabati, o na loaa a pau e hooliloia no ka laila luakini hou. E.S. TIMOTEO.
ROMURA.
(illegible)
Ka mea i kapaia kaiOpuu Rose o na kihapai, me ka Puuwai o kona lahui; a o ka Manu Aeto hai o na kualono me na Ululaau anoano polikua o Alegeila.
HE IWIKANI EUEU O IA AU I HALA.
- A O KA -
Hookalakupua o Ka Makakila.
HELU 32
A ME lakou i hooili hou ia ai ke kolu o ka hoouka kaua e ka lio keokeo a me kona mea hooholo, a hiki i ka pau loa ana o na kiai i ka make, a pela laua nei i hoea aku ai imua o na kiai o ua kulanakauhale kamahao la. E like me na alakai a ka Popoki Eleele, pela no keia i hoea aku ai imua o ua poe kiai nei me kona mau kamaa nani lua ole, a no ia mea, ua hele mai la na mea a pau me ke ke koi ana mai iaia nei e hele i ka hale ahahaina e lealea ai, a me na kaikamahine ui e paa ana i na pa mea ai o na ano a pau e kon o mai ana iaia nei e ai, me na huaolelo o ka maalea nui, e aumeume la iaia nei, imua a i hope e kulana nei, pela mau lakou nei e kauo hele ai iaia nei i o a ianei, aka, he mea ole wale no ia mau kokoia o ka manawa, a no na la loihi aole loa keia i puni iki, a no ia mea i ninau mai ai ua poe kaikamahine la i kana mea ono a i makemake ai hoi, a e hiki no ia lakou ke hooko iloko o ka manawa pokole loa me ka halaia ole.
Ia manawa no i pane aku au kela i Mamua ae o kuu hoike ana aku ia oukou i kau mea ono loa, ke noi aku nei au ia oukou, e hoohiki mua mai oukou, e haawi pololei mai oukou aole hoi e hoopunipuni mai iau, ma ka inoa o Alahe, a me Ariare ka nani e hina ai ke kupaa o ka mea kupaa. Ia wa no i hoohiki like mai ai lakou me ka moe uhane mua ole o ka hua kapu a ko lakou haku ke noi ia aku ana, oiai aohe mea i ike i kona wahi i ku ai. Ke noi aku nei au e haawi ia mai iau ka hua ohia mai na lala mai o Salamite e kapio la i na ipuka aniani o Laudera.
I ka puka ana aku o ka inoa Salamite mai ke keiki alii aku, ua uwe like ae la ua poe wahine ui la, a i mai la; Nani ka paakiki o kau mea i noi mai nei; o ka mea au i noi mai nei, aole ia he mea okoa, aka, o ka hanai ponoi no ia a ko makou haku, a o ka makou milimili hookahi no ia, ka mea nona ka nani e like me keia mau kamaa, i hana ia he kino o ka laau ohia i luluu i na hua pala, a o ia mau hua oia no kona mau waiu. Aole au e ai e i na mea a pau mai ia oukou mai, aia wale no a ai mua au i ka hua ohia mai luna mai o na lala o ka mea i kapaia o Sulamite, ka mea nana e haaheo o Ariare ka nani e haule ai ke kupaa o ka mea kupaa.
Iloko o keia wa, uwe hou ae la ua poe kaikamahine nei me ka ehaeha nui, a ke hoolohe aku la ua kamahele kaulana la i ka leo uwe helu e i mai ana:
"Kuu haku i ka Ua Haao,
Ke lele ae la mauku o Auaulele,
Lele pu no ka ua me ka makani,
Kuu haku i ka wai nauke poo e."
A noi pa mai la ua poe kaikamahine la e kala aku keia i ka hoohiki a lakou i hoohiki ai, aka ua hoole loa aku la keia; a no ka oi loa aku o ka ianei hoole ana me ke koi mau ana aku, ua ae mai la ua poe kaikamahine la me na waimaka e kiheahea la i na papalina, a iloko o ka manawa pokole i hoea mai ai lakou me ka hua ohia i hele a pala, e aihue aku ai i ka puu moni ai, a oia ka ua olali la i lalau iho ai a ai ae la, a ia manawa no i loli ae ai ua ka mahele kaulana nei a kaua he hua ohia nani loa a lele aku la a pili hou no i kona wahi i lawe ia mai ai e kiei iho ana i na ipuka aniani pahaohao o ua hale la, me ka leha ana aku o kona mau kiionohi i ke kino aka o ka mea ana i ai iho ai. Maanei e na hoa, e aui ae kakou a makaikai aku i na pala a me na hiona kamahao o keia ohia a kaua e ike iho la e ka mea heluhelu.
O ka mea nona ka inoa a kaua i ike ae nei, oia no ke kaikamahine hapai punahele loa a ua kupua la i kapaua o Sulamite, a i hoonalowale ia he kumu laau ohia, a kaua e hoohewahewa iho ai a lalau hewa aw i na lala a me na hua o ua ohia ala, a o ka paa no ia i ka hopu ia. He ui oia i like kona ili me ka hua ohia e kau iho la, a he nani hoi e like me ka pua rose, a ua like a like me ke kamahele kaulana e moe lolii la i ka poli o Hooipo, a ke aumeume la ua mau hua ohia pahaohao la, a o ka mea i oleloia:
"E like me na laau ohia mawaena o na laau o ka nahelehele,
Pela kau mea i aloha ai mawaena
o na keikikane;
Ua noho iho au malalo o kona malu
me ka oluolu,
A ua ono kona hua i kuu ai ana."
(Aole i pau.)
Eia mai ka kakou nanea Romura ka hookalakupua o ka makakila, ke hele aku la e huli i kona makamaka, a ike iaia e hookipa, e hoonuu a lawa i kona momona, a aole no e nele kona ono ia he lehua i ka iu.
He mau Kaiko on a Rama.
Eia ma Puna nei keia mau kupuino kahi i ekepue ai o Kamuela ka inoa o kekahi, a no Kohala mai oia a o Kipi kekahi no Puna nei no oia. O ka hana mau a keia mau makai o ka inu i ka rama a on a hele i ka pepa piliwaiwai me na pake me ka hoowalwale ana mai i na hoa o ka ahahui lipine bolu e komo pu aku i ka laua ;mau hana ekaeka. Aole maluhia iki o keia apana e laa keia mau kanaka o ke aupuni e hokae ai me ka malama pono ole i ka laua hana.
Me ka ike pono no o na poo o ka oihana maikai o keia apana i ke kupono ole o keia mau kanaka no ka malama ana i ka maluhia aka aole nae e hoopau iki ia o keia mau ino.
Na oukou e nana mai i keia in a paha he oi aku ka pono o na Kaiko on a rama mau ma ka hoomalu ana i na hewa o ka apana a aole paha. L.D. Laulipo.
No ka Ua Naulu
Mr. Lunahooponopono, Welina: - He mau la welawela keia o ka aina a kou wahi kiu mea hou e lualai nei, ua hele a uwe o kaina Kanupuniu i ka olu o ka la, uina ko kumu pepeiao me he keiki la no na Kona, a ua pahola pu kona hie ma na wahi a pau o ke kula, aohe wahi kupu mauu ae, he kuakea pu wale no i kau a mea o ka maloo.
Ka aina o Kawaihaeuka, eia ka aina iloko o na palena i maopopo ole ka hope, oiai, ua pau ke kuleana hoolimalima o na on a mua i ka la 17 o Augate i hala, a mai ia la mai a hiki i keia la a kou kiu hookolo mea hou e kaulele nei, aohe maopopo o ka on a aina hou. O na lono e lohe ia mai nei, aia ia Sam. Aparker, W. C. Lumaheihei paha, a no na auhau hoi hookahi dala ka no ke poo o ka holoholona hookahi. Ea! uwi ka papa auwae la e na hoaluhi, aloha ino.
Ka lokomaikai o na on a aina mua. Mamuli o keia mau kumu pilikia e lo no ia mai nei, ua hai mai na on a aina mua oia hoi na hoa hui o John Maguire, ina e inoino ka hana a na on a aina hou, alaila, e hoi kela a me keia kanaka i ko lakou aina, oia hoi ka aina o Waika, oia hoi ka aina e pili pu ana me Kahuwa Kanch o ua hui la, ma keia ua mau no ko makou mahalo i keia hui i ka wa ia lakou ka aina o Kawaihae nei, a he au keia o na hoa e kilo nei e like me ka maka o ka hoku, a i makani luna alaila, e hele ino auanei ke ao.
Ke kali nei makou o ka la e hui aina ai, alaila, e hoike hou aku no au i na mea hou.
Ka Aoo i loihi na la o keia ola ana. Eia ma ka ua naulu nei he kanaka o Mr. Kalihina kona inoa i loaa na la lehulehu ma keia ola ana, nona ka heluna he 100 makahiki e ola nei no, aole no oia i laua iho ke ai wahi kalo paa nei no. O keia Kalihina, oia no ka makuakane o ka Rev. A. Pali e lualai mai la i Lahaina, a e hoomanao iho kakou, ua imi aku kana keiki i ka oihana laahia, ua ili pu aku na hoomaikai a na Lani iluna o kona makua a lehulehu wale na la ma keia ola ana, a ke hanu nei no i na ea oluolu o keia noho ana, a eia ka ninau" Owai hou ae o na makua misionari i loaa na la loihi e like me ko Pali. L.S. Keaniani.
PAPA! PAPA!
AIA MA KAHI
LEWERS & COOKE
(O LUI MA)
ma ke kahua kahiko ma alanui Panu a me Moi.
E loaa ai
PAPA NOUAIKI
o kela a me keia ano
Pika, Na Puka Aniani, Na Olepelepe Na Pou, Na On a, Na Papa Hele, Na Papu Ku, A me na Papa Moa nui loa.
Na Pili o na Hale o na Ano a Pau
Na Pepa Hoonani, Na Pena o na Wai e pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.
NA WAI VANIKI
- A ME NA-
WAI HOOHINUHINU NANI
O NA ANO A PAU LOA
NA BALAKI ANO NUI WALE
A ke hai ia aku nei ka lono i na Makamaka pau, ua makaukau keia mau Makamake o oukou e hoolawa aku ma na mea a pau e pili ana ma ka lawa oihana
- NO KA-
UKU HAAHAA LOA
E like me kamea o nolo ana mawaena
LAUA A ME KA MEA KUAI
HELE MAI E WAE NO OUKOU
HOOLAHA KUMAU
Kakela a me Kukulu
HALEKUAI NUI O NA WAIWAI
E laa na pahiolo, koi hole,
hamale, koi nui a me liilii, kila,
wili puaa, rula, apuapu, kui o na ano a pau, kala kaa, hao hoopaa pulima
pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, pepa lakala, lina hao, ami, keehi, a me
- KAULA OPU-
Palau o na ano a pau,
Oo, ho, koala, pe, kipa kua, hao kope, au ho a a aku, kua bipi, uwea pa, uwea keleawe, hao piula, kaa palala, ipuhao, ipu
PA PALAI MAKAU ME KE A
Ili wai, papa holoi, hopa ala,
uaina, huakai, ehi wawae
hulu pena, a pela aku
Pena wali, kini nui a me liilii
ano a pau, me ka pepa kuhikuhi, pena keokeo aila pena, aila hoomaloo, vaniki kaa, a me vaniki moe,
PENA HOOMALOO
- a me aniani hale-
AILA MAHU, AILA MIKINI, AILA KAA, INIKA KAMAA
PAUDA, KUKAEPELE, KUKAE PAUDA, UIKI IPUKUKUI A ME NA ANO HE NUI A LEHU.
LOLE MAKEPO
AHINAHINA, KALAKOA, KEO, LEPONALO, HULU, UWEWAHINE, KUI, HUMUHUMU, A ME KA LOPI
Ke Kuike e loaa no ia ma
Kakela & Ku
NA MEA PIUI
Mikini Humuhumu
Mikini a WHEELER a me V
MIKINI A WILCOX ME
NA MIKINI
- REMINGTON
He nui loa na mea hao me na au o na ano a pau, aole hiki ke ia aku, hewa i ka wai na mea
Laau Lapaau Kaulana
A DR. JAYNE
LAAU HOOMAEMAE
LAAU HOOPAU NAIO
KUNU, PENIKILA
PAAKAI, LAAU HOOPA
Na ua Laau Hamo a Pela Aku
Kakela me K