Ka Nupepa Kuokoa, Volume XXVI, Number 47, 19 November 1887 — Page 2
| This text was transcribed by: | Malialani Cabaniss |
| This work is dedicated to: | Hawaiinuiakea School of Hawaiian Knowledge |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki...$2.00
No Eono Mahina...1.00
KUIKE KA RULA.
Poaono...Novemaba 19, 1887.
KAMA OLE.
Ua ano pohihihi makou i na Kumu kanawai me na Rula o ka hale ilihune Lunalilo Home, a no ia pohihihi aole e hik ke hooia loa aku i ka makou mau manao i manao ai no ka waiho ana aku imua o ka lehulehu, koe wale no ko makou waiho ana aku i mau ninau--Nawai la e huli a hoike mai i na kanaka ponoi o ka Moi Lunalilo i nele a kupono e hoihoi ia no ka Home Ilihune?
Ina ua nele maoli na poo o keia oihana i haawiia aku ai na hilinai ana a pau no na pono huli a pulama ana mai i keia poe nele, e pono no paha keia Ahaolelo e noonooo, a hookaawale ae i puu dala no na lilo, a i uku no hoi i manao ia he kupono no kekahi kanaka kupono i hilinai ia no ka huli ana a hai mai i ka poe nele ma kela a ma keia Mokupuni, ina he ake ko lakou no ka uku. Aka, o ke kanaka a mea e ae paha e koi ana, a e lawe ana paha i ka uku, no na hana i hanaia no ka pomaikai o kekahi mea ilihune, i hele a luuluu i na makahiki, a i ikeia no hoi kona hiki ole ke malama iaia iho, ua manao makou, aole ia mea i kupono no keia ola ana.
O ke aloha ka mea nui, a ina e ikeia kekahi mea i kanikoo, e malama aku iaia a e hoomama aku no hoi ma na mea kupono a pau no kona mau la hope, a oia ka makou e noi nei me ke kuoo i na lala o ka Home Lunalilo e nana i keia poe; a ke manao nei makou he nui wale o keia poe i koe. O ke kahi mea i ikeia e ko makou mea kakau ma na Koolau o Oahu nei, oia no ka noho ana o kekahi luahine a elemakule malalo o kekahi hale i kupono ole ka noho'na no na mea ola uhane. Ma ka ninau ana, ua hai ia mai he aneane e haneri makahiki o ke kane, a ma ke kanaiwa hoi o ka wahine. O ka wahine ka i loaa i ka poino mamuli o ka lilo ana o kona ike a o ka elemakula ua ano hapopo no ia. Ua ike pono ko makou mea kakau i ka hele kino o keia mau mea i kahunaimu e hana ai no laua, a ina e loaa ka i-a, e haawiia aku ana no na laua e hoomaemae no laua iho. Ua kahaha ka manao i keia mau hana, oiai ua hala ka wa o ka pono o ia mau hana ana. Ua hala aku la laua ma kela aoaoa i keia wa, aka, aole no paha i pau loa ia poe i manaoia he malama pono ia e ka ohana.
E nana ma ka aoao eha o ke KUOKOA o ka la 12 iho nei, ma ka hapa hope o ka Sam. P.K. Nawaa palapala no ka Ekalesia ma Koloa, Kauai, e olelo ana ***"ua loaa aku he mau keiki ilihune a he mau elemakule kama ole e oni wale ana i ko laua wahi pupupu hale i hele a ekaeka, aole hoi he mea e uhi ana maluna o laua."***He hoike ana mai anei keia ke malama pono ia nei keia apana hana o ka Home? A he mea pono anei na na Ekalesia e malama keia mau makaainana o ka Moi i make, me ka haalele iho he kia hoomanao e ku ana i ke ao nei no ka pono o na mea a pau i nele? Ke hoole nei makou.
Heaha ka hewa ke kokua ka waihona lahui i keia mea, ian ua kokua a kokua ole paha mamua'e, ma ka hoonui ana i ka Home ina aole i lawa i keia wa no ka poe i koe ma ka hoakea ana? Maanei e haule ai ka makou peni no ka lawe hou ana mai i ka wa kupono no keia manao hookahi; a ke manaolana nei makou e hoaiai ia mai ana makou ma na wahi i pohihihi Ua kanalua ole makou i ka hoihoi hou ana mai i ko makou mau manao ke ike makou i ka hewa.
HE LEO ALOHA I KO LAHAINALUNA
O ke poo manao maluna ae ka mea a'u i hiaai nui ai e kamailio oluolu i na pokii imi naauao o'u e noho mai la i Lahainaluna, ka mea i kapa pinepine ia "Ke kukui pio ole i ka makani Kauaula." Oiai, ua ike pinepine ia iloko o keia mau la ma na npepa o kakou mai ka olelo malihini a i ka olelo makuahine, na nema ana no na mea e pili ana, na lawelawe ana a ke Kumu hou ke kula, a ma ka hakilo ana i na manao i hoopuka ia mai Lahainaluna mai, ua ike ia he hookahi wale no mea ano nui, oia no ka hoemi ia mai o na Buke e kula ia ai, a i na Buke o ke ano haahaa.
O keia hoololi ana a ke Kumu Nui hou i keia mau la iloko o na buke haahaa, ke manao nei au, oia kekahi hana maikai loa i hana ia iwaena o na Kula Aupuni i keia au naauao, aole ma ka manao ana e lele e iluna iloko o na buke kiekie, alaila, loaa ka naauao, aole pela, oiai e ike ia no ka hewa o ia mea mahope mai, oia hoi, aole he maopopo o ka manao e heluhelu ia ana, aka, i mea e oluolu ai ka imi ana a me ka hoomaopopo ana i ka manao o kela a me keia huaolelo, he pono e hoomakaia mai na huaolelo ano liilii aku. Heaha la auanei kawaiwai ke holomua kakou ma na buke kiekie o ka naauao me ka hoomaopopo ole i ka waiwai io o ia mea, oia hoi ka naauao maoli? Eia ka haina, aole he waiwai. Aole au e olelo ana, ua waiwai ole keia mau buke kiekie, aka, ua waiwai maoli no lakou ke ikeia, aka, ua waiwai maoli no lakou ke ikeia ka haumana ua hoomaopopo oia i na huaolelo liilii, a mai laila mai e hoomaka ai oia i ke keehina mua o keia mea he imi naauao, a ma ia ano e pii ae ke kanaka opio a kau i ka pane poo o ka naauao.
He nui a lehulehu na haumana i puka maikai mai mai Lahainaluna mai iloko o kela mau makahiki i hala, aka, i ka wa i hooomaka mai ai e namu, aia hoi, ua lilo maoli no ka olelo haole i mea ole, oiai, ma ka Piliolelo (Grammar), ua hoopololei ia mai kakou ma ke kamailio ana a me ke kakau pololei ana, a nolaila mai ka nui o ko kakou hemahema ma ke kamailio ana, a aneane hiki ole no i na haole ke hoomaopopo mai i ke ano o ka kakou mea e kamailio aku ai i kekahi wa. A pela no ka hookuikui, (spelling) he mea ia e kuhikuhi mai ana i ke ano o ka hookuikui ana i na huapalapala a lilo i mamala olelo (syllable) a huaolelo paha, no ka mea, ina no e kapeke iki ae ka hookuikui ana, alaila, e lilo ana ka manao i ano e. a i ole ia, i mea ole paha, alaila, ua lilo ka luhi a pau i hooikaika ai i mea poho wale.
No na buke kiekie e like me ka Huinahelu, Arthmetic, Ana Aina, Surveying, Hoailonahelu, Algebra a pela aku, aole a'u mau kamailio ana e pili ana no laila, no ka mea, o ke ake nui ia o kuu mau p-okii o ke kau aku ilaila, a o ko kakou iini nui no ia, aia nae a maopopo ae na mea liilii, aia hoi na kaola liilii nana e koo ae i keia pahu nui iluna, oia hoi ka "naauao" a oia auanei ka mea nana e hapai i ka inoa o ke kanaka opio a hele pu ia me na olohe hooponopono aupuni o keia au e nee nei.
Mai manao pu no hoi, o ko ke kumu naauao ka mea e loaa ai ka naauao ia oe, aole pela, aka, e hui pu kona ike ao mai me kou hooikaika pu iho, alaila, pela auanei e holomua loa ai ka makaukau o ka haumana. E hoopau loa hoi i na manao e pili ana no ka naauao ole o keia kumu nui hou, oiai, he okoa na "halau" i ao ia ai, a he like ole na "talena" i loaa i kela a me keia kanaka. E hoomau i ka imi naauao, ina no he eono makahiki, a lawa ole no, imi hou ia aku no, pela na aupuni nui o ke ao nei, ua 40 a 50 makahiki o kekahi poe iloko o ke kula, aka, imi mau no nae.
Ko oukou kaikuaana i ka wa o S.E. Bishop, SAMUEL T. KAIAIA.
Kekahi haumana o ka 1873.
Anahola, Kauai, Novemaba 3, 1887.
AHAOLELO O 1887.
(Mai ka aoao ekahi mai.)
LA HANA 12, NOV. 17.
Halawai ka hale e like me ka hoopanee ana; pule ke kahunapule, heluhelu ia ka moolelo o ka la hana i hala a apono ia.
NA PALAPALA HOOPII
Na ka Peresidena i heluhelu mai he hoopii mai Waianae e hoolako ia apana me ke kauka Aupuni Waiho ia i ke komite malama ola.
Na Naone he hoopii mai Honolulu e hoolawa ia ke alanui Kawaiahao me na kukui a me na paipu wai; a o ka hale hoahu aila mahu e hoonee ia ma kahi e aku. Waihoia i ke komite o na aina Aupuni.
HOIKE KOMITE WAF
Na Wilimana luna hoomalu o ke komite wae i hoike mai i ka hoopii e weheia i alanui mai ke alanui Kamika a i Peleula. Waiho ia i ke Kuhina Kalaiaina.
Na ia komite no he hoopii e haawi ana i uku hoomau no D. Napela. Waihoia ma ka papa a noonoo i ke kau mau o 1888.
Na ia komite no i ka hoopii a Z.K. Meyers no kona uku e hoihoi hou i ke Kuhina Kalaiaina. Aponoia.
OLELO HOOHOLO ME NA BILA.
Na Kini i heluhelu mai no ka wa mua i ke kanawai e hoomaopopo ana i kekahi haawina dala e hiki ai ke hoohana ia ma ka lawe ana mai i ka wai o ke kuahiwi o Kukuihaele no na wiliko. Waihoia no ka heluhelu elua.
Na Naone i waiho mai he olelo hooholo e kauoha ana i ke Kuhina Kalaiaina e hoohana koke aku i ka haawina dala o 1,500 no ka hoakea ana i ke alanui o Pauoa e like me ka hoakaka a ka bila haawina o ke kau o 1886.
Pane ke Kuhina Kalaiaina, aohe haawina dala i koe no na alanui o Honolulu nei, ua pau i ke kikoo ia mai, a eia na palapala hookaa a pau ma ke keena Kalaiaina.
Na Kamauoha i noi mai e hapai ia ae ka olelo hooholo e ninau ana i ke Kuhina o na Aina E i na mea pili i ke Kuikahi Panailike mai ka papa ae, i hiki ai i ke Kuhina ke pane mai, malia paha ua loaa mai nei kekahi pane e pili ana no ia mea mai Amerika.
Pane mai ke Kuhina, aole he mau pane i loaa mai, ua pokole ka manawa no lakou e noonoo ai.
Hora i a hoomaha ka hale a noho hou i ka hora 1.
Hora i auina la, noho hou ka hale
NA HANA O KA LA
Ma ke noi a ke lii Kakela, ua hapai ia ka noonoo ana i na rula hou o ka hale i hana no ka la. Ua noonoo ia kekahi mau rula uuku me na hoololi, a hooholo loa ia e lilo i mau rula no ka hale.
NA HANA PAU OLE.
Na Kakela i noi e noho ke komite o ka hale, e noonoo i ke koena o na itamu o ka bila haawina. Ke lii Townsend lunahoomalu; a ua hooholoia keia mau itamu malalo iho:
NA LILO MOI.
Ko ka Moi Puuku me Kakauolelo...$750
Na lilo Alo Alu...2,000
Na ke lii Waila i hookomo mai malalo o ke poo o "Na lilo Moi" he haawina dala no ka hoonaauao ana i ke Kama'lii Wahine Kaiulani i 300 no 3 mahina, oia o Ianuari, Feberuari me Maraki, ua like me i@o no ka mahina, a ua aponoia.
OIHANA HOOKOLOKOLO
Lunakanawai Hoomalu o Honolulu...$750
Lunakanawai Hoomalu o wailuku...375
Lunakanawai Apana o Koolaupko...125
OIHANA AINA E
Uku o ke Kuhina...1,250
Uku o ke Kakauolelo...625
OIHANA KALAIAINA
Uku o ke Kuhina...1,250
Uku o ka Luna Nana Paahana...600
OIHANA WAIWAI
Uku o ke Kuhina...1,250
Uku Luna Dute Nui...875
Uku Luna Dute o Mahukona...31 25
OIHANA LOIO KUHINA
Uku o ke Kuhina...1,250
Uku o ka Ilamuku...875
PAPA OLA.
Uku Kakauolelo Papa Ola...450
Ma ke noi a Kamika ua hoopau ia ke komite a ua noi aku i ka hale e noho hou i kahi wa aku.
Nonoi o Makee me Likikini e hookuu ia laua no kekahi mau la.
Ma ke noi ua hoopanee ka hale a ka hora 10 Poalima
LA HANAU O KA MOI.
Ua hoomaka ia na hana o ka la me na kipu aloha mai na manuwa Conquest me Vandalia a i olowalu pu ia no hoi e ko ka aina nei mau pu. He mau huakai ike Alii a pela aku, a o ka hana nui o ka la oia no ka heihei waapa a moku pea ma ke awa. Aole he maikai kupono o ka la kulaia o ka Moi, oiai ua hoike e mai no na lani i na ano keakea ma o na ao kaalelewa la i na la pokole iki ae--he ino ke hiki mai ana, a e like me ke kiekie o ko ka la pii ana, pela no ka mahuahua ana mai a ka ua me ka makani e pa ana mai ke kukulu hema mai. Aole nae i hookaulua ia na hana i makaukau no ka la a kekahi wa aku, ua ulele like no ko ke kai mau keiki me ko ka aina, a ua hoomakaia na hana me ka heihei moku pea penei:
Ua holo ia keia heihei e na waa o Whitney, Wilikoki, na manuwa Vandalia me Conquest a me kekahi mau waa e ae, a i ka pahu no haule kekahi o lakou ma o ka huikau ana o kahi i kahi a koe aku kela maluna ae. I ka hoopuka ana, ua noa mai la ka ikaika o ka makani me ka ua mamua pono. Ua haule mai ka hapanui o na waa i ko Wilikoki, a oia wale no koi ike ia i ka hele imua a o Vandalia aku mahope, aia i ka huli ana ka puka ana o ka waa hope. Ma keia heihei, o Lorrin A. Thurston, ke Kuhina Kalaiaina, kekahi o na sela o ka waa o Wilikoki, a o kana hana ke ka i ka wai e komo mai ana. Ka manawa i holo ia'i: Vandalia, 2 h. 28 min. 23 sek.; Wilikoki, 2 h. 28 min. 15 sek.; Whitney, 2 h. 35 min. 20 sek.
Heihei 2--Aole i holo ia no ka ino loa.
Heihei 3--Ua hoe ia keia heihei e na waapa o na manuwa Amerika me kekahi o na moku kalepa e ku nei ma ke awa. Ua eo keia heihei ia Vandalia iloko o ka wa holo he 23 min. 27 sek.; Daisy, 26 min. 9 sek. A o na waapa iho i koe no ka ae ole ana o na manuwa, ua hoe ia no mawaena o Red White ank Blue, Puuloa me Pualii, a ua eo i ka waa nana iloko o 22 min. 35 sek., Puuloa mai ka hope.
Heihei 4--He heihei waa keia mawaena o Iwalani, Lukaohu me kekahi waa e ae, a i ka moa mua ke ao.
Heihei 5--Heihei waapa huelopoki mawaena o Kapiolani i hoe ia e na luina o ka mokukaua Conquest me ko ka Moi waa Homai, a na ka waa hope ka lanakili iloko o 34 min. 48 sek.
Heihei 6--He heihei keia mawaena o na waapa aulu o ka Moi me ka Honolulu, a o kekahi no hoi o na heihei maikai loa i manao ia'i, aka, ua poho wale ia mau manaolana ana a pau. Ua ike ia ka ino, a he mea no hoi i olelo nui ia e na kamaaina ma ka oihana me na holona pu no hoi, aole lakou e pakele ana ke hoonahoa aku, aka, aole pela ka ike a kekahi poe aia no a pau poo pau hiu ko lakou ike. Ua hoole no na luna nana o ka heihei i ka puka ana o keia mau waa a ua manao no hoi ko ke Alii poe hoe waa pela, he mea ole nae ia i ka lua o na hoe waa, ua olelo lakou e hoe ia no ua heihei nei, a mamuli o ia pakiki ua hookuu ia lakou e hoe.
I ka hoomaka ana ua puka e no ka waapa o ka Hui Honolulu a ma ko laua ala no ka poe pele ua loaa ia laua na poino ma ka weluwelu ana o na waapa a o ka auwae o na hoe waa ke okuku ana, a na ka mokuahi liilii lakou i hoihoi mai iloko nei.
Heihei 7--He heihei 14 hoe keia mawaena o Hanakeoki me ka lana o ka Vandalia, ua lilo ka makaleho ana o keia heihei i na keiki o Hanakeoki iloko o 29 min. 12 sek.
O ka heihei keia i lilo nui ai na manuwa Amerika, a ua lono wale ia ma kahi o $4,000 ka lilo, no keia heihei ka hapanui. Ua hooheihei ia keia lana ma kekahi mau wahi e aku, a ua piha paha iaia ka ekolu kauna o ka lanakila ana, a i nei hoi poino. A ma keia heihei no hoi, no ka ino loa o waho, ua lilo aku ka hoe lala o Hanakeoki a me ka hoe ka ka hoi ana mai.
Heihei 8--Aohe heihei.
Heihei 9--Heihei waapa pea no na mokukaua wale no. Eo i ka waa o ka mokukaua Conquest, i hookele kino ia e ka kapena o ka mokukaua iloko o 53 min. 35 sek.
Heihei 10--He heihei moku pea keia, a ua lilo ke eo ia Reform iloko o 59 min. 1 sek.; Ei@a, 1 h 5 min. 16 sekona.
Heihei 11--Aole heihei.
Heihei 12--Heihei waa pea. Ua lilo ka eo o keia heihei ia Kauwahi, a o kekahi mau waa e iho ua huli ke alo ilalo.
Heihei 13--Heihei waapa 2 hoe Eo ia I don't see Why, manawa 13 min. 6 sek.
Heihei 14--Heihei waapa huelopoki. Lilo ka lanakila ia Juniata, iloko o 21 min. 27 1/2 sek.
Heihei 15--Aohe i hooheihei ia no ka pau ana o na waapa i ka nahaha.
Heihei 16--He mau moku i hana ia a like me na manuwa, ekolu ka nui. Ua lilo ana ka makana i ke Conquest no ka oi aku o ka nani.
Heihei 17--Heihei waapa. Eo ia Kanoelani, i hoe ia e na luina o ka mokukaua Mohican, manawa 30 min. 25 sek.
Heihei 18--Heihei waapa 4 hoe. Poholo wale keia heihei no ka uwala liilii ana o na waapa.
Heihei 19--Heihei waapa, pono waapa no. Eo ia Kanoelani, iloko o ka manawa holo he 10 min. 12 sek.
Ua haawi ia ke eo i ka waapa o Vandalia ma ka heihei mawaena o ia waapa a me Hanakeoki, e like me na Rula o ka Hui Heihei Waapa o Honolulu nei. A ua lohe ia e noi aku ana na keiki o Hanakeoki e hoe hou ia ua heihei nei ma ka la 28 o keia mahina. Mahope o ka paa ana o keia i ka hoonoho ia, ua loaa mai ka ae mai ka manuwa mai no ka hoe hou ana, $600 ka pili.
Aole i manao ia e hololea ana na hana o ka heihei i ka la i malama ia ai, eia nae, malalo o ke alakai ana a me na hana i hanaia ua lawa ka makemake o ka poe makaikai.
He maluhia na hana a pela pu no hoi me ka aha kanaka nui e noho ana malalo o ka malu o na hale mokuahi a iluna no hoi o na oneki o na moku e pili ana i ka uwapo.
Nui na hana lealea a ko uka aku nei e aka ai a mamae ka iwi aoao i na hana hookikakaha a na auwaa o kela a me keia ano, e olepelepe ia ana e ka makani me na ale, a o na moku kupanaha hoi kekahi a na manuwa i hana ai a hookuu e holo ana i o a ianei me na kanaka o luna, a o kekahi o lakou he mau paele na kanaka me na mea kani e hookani ana.
Maikai ka malama ia ana o na hana, a e haawi ia na mahalo ana i na poo o keia oihana no ko lakou hoomanawanui i ka panee ana i ka lakou hana imua.
KAUKA WEA (WEBB.)
Keena Oihana, Alanui Akea. Kokoke i kahi o ke Komisina Amerika.
HORA OIHANA
Mai ka hora 7 a 9 AM
Mai ka hora 1 a 3 PM
Mai ka hora 7 a 8 PM
MA KE KEENA O KA LUNAKAnawai Kaapuni Apana Elua o ko Hawaii Pae Aina, ma ka Hooponopono Waiwai. Mokupuni o Maui, Hawaii Pae Aina. Ma ka Waiwai o Chas. Sylva, no Wailuku, Maui, i make.
No ka mea, ma ka la 10 o Novemaba, M.H. 1887, ua waihoia mai imua o ka Aha, kekahi Palapala, i oleloia, oia no ke Kauoha Hope Loa a Chas. Sylva i make aku la; a me ka Palapala Hoopii e noi ana e ooiaioia kela Palapala Kauoha a e hoopuka hoi ka Palapala Luna Hooko no Thos. W. Everett ua waihoia mai e Thos. W. Everett.
Nolaila, ua kauohaia o ka POAKOLU oia ka la 14 o DEKEMABA, M.H. 1887, ma ka hora 10 a.m. ma ka Rumi Hookolokolo o ia Aha, ma Wailuku, Maui, oia ka la me ka hora, e hooiaio ia ai ia Palapala Kauoha, a e hoolohe hui no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke KUOKOA he nupepa i pai ia a i hoolahaia ma Honolulu.
Kakauia ma Wailuku, ko Hawaii Pae Aina, Novemapa 11, 1887.
GEO. E. RICHARDSON.
Lunakanawai Kaapuni Apana Elua H.P.A.
2155 3t
AHA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o William Kuaaka o Honolulu, Oahu, i make, Olelo Kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea ma ka la 14 o Novemaba 1887, ua waihoia mai imua o ka Aha kekahi Palapala, i oleloia, oia no ke Kauoha Hope Loa a William Kuaaka i make aku la; a me ka Palapala Hoopii e noi ana e hooiaioia kela Palapala Kauoha a e hoopuka ia hoi ka Palauala Luna Hooko ia James H. Boyd ua waihoia mai e Kaaihue.
Nolaila, ua kauohaia o ka POAKAHI oia ka la 12 o DEKEMABA, 1887, ma ka hora 10 o kakahiaka ma ka Rumi Hookolokolo o ia Aha, ma Aliiolani Hale, Honolulu, oia ka la me ka hora, e hooiaio ia ai ia Palapala Kauoha a e hooloheia ai hoi ia noi ana mai, a me na poe a pau i pili; e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolahaia ia mea no na pule ekolu iloko o ke KUOKOA he nupepa i pai ia a i hoolaha ia ma Honolulu.
Kakauia ma Honolulu, Novemaba 14, 1887.
Na ka Aha:
HENRY SMITH,
Hope Kakauolelo.
2155 3t
MA KE KAUOHA
Ua hookohuia o John Lucas, Es@ i Agena Hooiaio Palapala Kepa i keia la 15 o Novemaba, 1887, no ka Apana o Honolulu, Mokupuno o Oahu.
L.A. THURSTON.
Kuhina Kalaiaina.
Keena Kalaiaina Novemaba 15, 1887.
2155 3t
Ua hookohu ia o J.C. Howie i keia la 14 o Novemaba, 1887, i Komisina Pa no ka Apana o Lahaina, Mokupuni o Maui, ma kai o J. @ Kirkwood i make.
O keia iho malalo o na lala o ka Papa i keia wa: Kia Nahaolehua, E.S. Kai@e, J.G. Howie.
L.A. THURSTON.
Kuhina Kalaiaina
Keena Kalaiaina Novemaba 14, 1887.
2155 3t
Ua hookohuia o Edward W. Purvis i keia la 14 o Novemaba, 1887, i Luna Hooko no ka Papa Nana o na Holoholona no ka Mokupuni o Kaua, ma kahi o S.W. Wilcox i waiho mai.
O keia iho malalo na lala o ka Papa i keia wa: Edward W. Purvis, Luna Hooko: Samuel Hundley, Louis Kahlbaum.
LORRIN A. THURSTON,
Kuhina Kalaiaina
Keena Kalaiaina Novemaba 14, 1887.
2155 3t
Ua hookohuia aku o Henry Martin, Esq., i keia la 10 o Novemaba, 1887, i Agena no ka Hoomate ana ma ka Paeaina o Hawaii nei:
LORRIN A THURSTON
Kuhina Kalaiaina.
Keena Kalaiaina, Novemaba, 10, 1887.
2154 3t
Ua hookohu ia na mea no lakou na inoa malalo iho nei i keia la 7 o Novemaba, 1887, i mau lala no ka Papa Nana Holoholona no ka Mokupuni o Kauai: Samuel W. Wilcox, Samuel Hundley, Louis Kahlbaum.
LORRIN A. THURSTON.
Kuhina Kalaiaina
Keena Kalaiaina Novemaba 7, 1887.
2154 3t
Ua hookohuia na mea no lakou na inoa malalo iho nei i keia la 7 o Novemaba, 1887, i mau laal no ka Papa Komisina Pa no ka Apana o Makawao, Mokupuni o Maui: C. Copp, S.F. Chillingworth, E.M. Walsh,
LORRIN A THURSTON
Kuhina Kalaiaina
Keena Kalaiaina, Novemaba 7, 187.
2154 3t
Ua hookohuia na mea no lakou na inoa malalo iho nei i keia la 7 o Novemaba, 1887, i mau lala no ka Papa Komisina Pa no ka Apana o Wailuku, Mokupuni o Maui: W.A. McKay, A.N. Kepoikai, W.B. Keanu.
LORRIN A THURSTON,
Kuhina Kalaiaina.
Keena Kalaiaina, Novemaba 7, 1887.
2154 3t
KUAI KUDALA O NA LAIKINI AWA.
E kuai ia aku ana ma ke kudala akea na Laikini Awa o na Mokupuni no ka Makahiki Hookahi e hoomaka ana i Ianuari 1, 1887. Malalo iho e loaa no na kuhikuhi ana:
OAHU
Honolulu...3
Koolaupoo...1
Ewa me Waianae...1
Waialua...1
MAUI.
Lahaina...2
Makawao...1
Hana...1
HAWAII.
Hilo...2
Kau...1
Kohala Akau...1
KAUAI.
Hanalei...1
Kawaihau...1
Waimea...1
Lihue...1
Koloa...1
E kuai ia aku ana na laikini o ka Mokupuni o Oahu nei ke hiki aku i ka la i hoike ia ae la maluna, i ka hora 12 awakea, ma ke alo iho o Aliiolani Hale.
O ka laikini o na Mokupuni e ae, e kuai ia aku ana no ma ia la hookani ma na apana i hoikeia ae la, ma ka hora a me kahi a na Luna Makai Nui a o ko lakou mau hope paha e manao ai.
KUMUKUAI HOOMAKA: Ko Honolulu, he $500 pakahi. Hilo me Lahaina, he $300 pakahi, A no na Apana e ae i hoikeia ae nei, he $100 pakahi.
KA UKU ANA: E hookaa ia ka iwakaluakumamalima pakeneta i ka wa e haule ai ka hamare kudala a e lilo loa kela hookaa mua ana ina aole e uku ia ke kumukuai piha o ka laikini maloko o na la he umi mai ke kukala ana.
LORRIN A. THURSTON,
Kuhina Kalaiaina
Keena Kalaiaina, Novemaba 10, 1887.
2154 4t
I keia la ua hookohuia o S.H. Mahuka i Lunakanawai no ka Apana o Kohala Hema, Mokupuni o Hawaii.
ULULANI, Kiaaina o Hawaii.
Hilo, Hawaii, Okatoba 15, 1887. 2153 3t
I keia la ua hookohuia o J.P. Miau, i Lunakanawai no ka Apana o Hamakua, Mokupuni o Hawaii.
ULULANI, Kiaaina o Hawaii.
Hilo, Hawaii, Okatoba 15, 1887. 2153 3t
E malamaia ana ka POAKAHI, la 28 o Novemaba, 1887, i la kulaia Aupuni, oia ka la i haawiia mai ai ke Kuokoa o Hawaii nei e na Aupuni o Beritania Nui me Farani, a e paniia ana na ipuka o na hale oihana aupuni a pau a puni ka Paemoku ma ia la.
LORRIN A. THURSTON,
Kuhina Kalaiaina.
Keena Kalaiaina, Okatoba 29, 1887.
2153 3t
Ua hookohu ia aku na Keonimana malalo iho nei i mau Luna Ohi Auhau no ka 1887.
HAWAII.
Hilo...Daniel Porter
Puna...J.M. Kauwila
Kau...J.H.S. Martin
Kona Hema...J.W. Kuaimoku
Kona Akau...John Johnson
Kohala Akau...J.P. Sisson
Kohala Hema...J. Stupplebeen
Hamakua...R. Ryman
MAUI.
Lahaina...Kia Nahaolelua
Wailuku...H.G. Treadway
Makawao...Chas. Copp
Hana...J.P. Sylva
Molokai & Lanai...D. Kalauokalani
KAUAI.
Hanalei...John Kakina
Kawaihau...S. Naauao
Koloa...B. Obeda
Lihue...S.R. Hapuku
Waimea...J.K. Kapuniai
Niiahu...G.W. Malama
OAHU
Honolulu...Geo H. Luce
Ewa & Waianae...John D. Holt
Koolauloa...J. Paukealani
Waialoa...J. Amara
Koolaupoko...James Merseberg
W.L. GREEN
2152 4t Kuhina Waiwai
HOOLAHA HOU.
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Keau (k) me Rev. H. Bingham, ma ka la 28 o Aperila, 1884, a i kakau kope ia ma ka Buke !! aoao 130. Nolaila, ke hoolaha aku nei ka mea moraki e hooko ana oia ia ma@a kuai, mamuli o ka ul@@ ia ana o na kumu aelike o kela moraki, a ma ia hoike ana e kuai ia aku ana ma ke kudala akea, ma ka hale ku@@@ o J.F. Morgan, ma Honolulu, ke hiki aku i ka POAKAHI, la 12 o DEKEMABA, i ka hora 12 awakea, i na waiwai a pau i hoike ia ma ua moraki nei, e like me na h@@kaka malalo iho:
Kela mau apana aina e waiho la ma Hipawai, manoa, Mokupuni o Oahu, a i hoike ia ma ka Palapala Sila Nui Hele 25@2 nona ka ili he 1@87 uka, a me kela auana aina ma Mahukona. Kohala, Hawaii, i hoike ia ma ka Palapaa Sila Nui Helu 0818, a nona ka ili he 22 eka me 1080 anana.
REV H BINGHAM
Mea Moraki.
No na mea i koe e ninau ia W.R. Castle, Loio
2155 4t
HOOLAHA HOOKO MOKAKI ME KE KUAI
MAMULI o kekahi mana kuai i hoikeia maloko o kekahi Palapala Moraki i hanaia mawaena o Wahikulani me Rev. H. Bingham, ma ka la 21 o Maraki, 1884, i kakau kope ia ma ka Buke 37, aoao 304. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki ia ana o na kumu aelike o kela moraki, a ma ia hooko ana e kuai ia aku ana ma ke kudala akea, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12, awakea, i na waiwai a pau i hoike ia ma ua moraki nei, e like me na hoakaka ana malalo iho:
Kela apana aina e waiho ia ma Waiehu, Mokupuni o Maui, a i hoike ia ma ka Palapala Sila Nui Helu 3218, a nona no hoi ka ili he 5.84 eka.
REV H BINGHAM.
Mea Moraki.
No na mea i koe e ninau ia W.R. Castle, Loio
2155-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Hoopii me Kaluaaha a me A.J. Cartwright, kahu malama waiwai, ma ka la 26 o Dekemaba, 1882, a i kakau kope ia ma ka Buke 09, aoao 137 me 138. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki ia ana o na kumu aelike o kela moraki, a ma ia hooko ana e kuaiia aku ana ma ke kudala akea, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887. i ka hora 12 awakea, i na waiwai a pau i hoike ia ma ua moraki nei, e like me na hoakaka ana malalo iho:
Kela apana aina e waiho la ma Kumueli, Kamalo, Mokupuni o Molokai, a i hoikeia ma ka Palapala Sila Nui, Helu 2997, ma ka inoa o Kalua, a nona no hoi ka ili he 4.40 eka.
A.J. CARTWRIGHT,
Mea Moraki
No na mea i koe e ninau ia W.R. Castle, Loio.
2155 4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o W.S. Akana a me Mrs. C.C. Armstrong, ma ka la 30 o Iulai, 1885, a i kakau kipe ia ma ka Buke 94, aoao 314. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki ia ana o na kumu aelike o kela moraki, a ma ia hooko ana e kuai ia aku ana ma ke kudala akea, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12 awakea, i na waiwai a pau i hoike ia ma ua moraki nei, e like me na hoakaka malalo iho:
Kela mau apana aina e waiho la ma ka Apana o Hilo, Mokupuni o Hawaii, he 70 mau eka i hoike ia ma ka Palapala Sila Nui Helu 1354 ia Wahamana, a he 24 mau eka ma ka Palapala Sila Nui Helu 1055 ia H. Weeks, he mau aina maikai loa,
A.J. CARTWRIGHT,
Luna o ka Mea Moraki.
No na mea i koe e ninau ia W.R. Castle, Loio
2155 4t
HOOLAHA HOOKO MOKAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Kapihi (w) me Bila Kehu nui a me A.J. Cartwright, mea malama waiwai, ma ka la 29 o Dekemaba, 1882, a i kakau kope ia ma ka Buke 77, aoao 196 me 197. Nolaila, ke hoolaha aku nei ka mea moraki e hooko ana oia ia m@na kuai, mamuli o ka uhaki ia ana o na kumu aelike o kela moraki, a ma ia hooko ana e kuai aku ana ma ke kudala akea, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12 awakea, i na waiwai a pau i hoike ia ma ua moraki nei, e like me na hoakaka malalo iho:
Kela mau apana aina e waiho la ma Manoa, Mokupuni o Oahu, a i hoike ia ma ka Palapala Sila Nui Helu 136, ma ka inoa o Kunaia, nona ka ili he 2.14 eka, a me ka hapa o kela aina i hoike ia ma ka Palapala Sila Nui Helu 136, nona ka ili he 3 eka.
A.J. CARTWRIGHT, Mea malama waiwai a mea Moraki.
No na mea i koe e ninau ia W.R. Castle, Loio.
2155 4t
HOOLAHA HOOKO MORAKI ME KE KUAI
MAMULI O KEKAHI MANA KUAI i hoike ia maloko o kekahi Palapala Moraki i hanaia mawaena o Ana Momona a me kekahi poe e ae a me S. Roth, ma ka la 29 o Iulai, 1882, a i kakau kope ia ma ka Buke 74 aoao 192. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki ia ana o na kumu aelike o kela moraki, a ma ia hooko ana e kuai ia aku ana ma ke kudala aku, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12 awakea, i na waiwai a pau i hoike ia ma ua moraki nei, e like me na hoakaka ana malalo iho:
Kela apana aina e waiho la ma Waiau, Ewa, Mokupuni o Oahu, nona ka ili i hiki aku i ke 35 7.10 eka, he aina maikai, a i ike ia ma ka inoa "ka aina o Kahalepouli."
S. ROTH, Mea Moraki.
No na mea i koe e ninau ia W.R. KAKELA, Loio.
2155 4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Kapuahilani (k) me A.J. Cartwright, mea malama waiwai, ma ka la 30 o Dekemaba, 1882, a i kakau kope ia ma ka Buke 77 aoao 197 me 198. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki ia ana o na kumu aelike o kela moraki, a ma ia hooko ana e kuai ia aku ana ma ke kudala akea, ma ka hale kudala o J.F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12 awakea, i na waiwai a pau i hoike ia ma ua moraki nei, e like me na hoakaka malalo iho:
Kela mau apana aina e waiho la ma Laia, Koolauloa, Mokupuni o Oahu, a i hoike ia ma ka Palapala Sila Nui Helu 3008 ma ka inoa o Kaiolohia, nona hoi ka ili he 1 40 eka, a me kela apana i hoikeia ma ka Palapala Sila Nui Helu 2915 ia Keawe, nona ka ili he 1.09 eka.
A.J. CARTWRIGHT, Mea Malama Waiwai a Mea Moraki.
No na mea i koe e ninau ia W.R. Castle, Loio.
2154 4t
HOOLAHA HOU
HOOLAHA A KA LUNAHOOPONOPONO WAIWAI.
Ua hookohu pono ia mai ka mea nona ka inoa malalo iho nei i Lunahooponopono Waiwai ma ka la 15 o Okatoba, 1887, ma ka W@@@@ o Kanipee (k), i make, o Hawaii, @@@@ H@@@ S.L. Austin, ka Lunakanawai Kaapuni A@@@ na Ekolu. Nolaila, ke kauohaia aku @@@ poe a pau he mau koina ka lakou i ka @@@ make, e hoike koke mai i ka lakou ma @@@ aie kupono i hooiaio ia, iloko o eono ma @@@ mai keia la aku o hoole mau loa ia aku @@@ na poe a pau he aie ko lakou i ka mea @@@ e hookaa koke mai ia'u. A ina he mau @@@@ kekahi o ka mea i make e paa ia nei@@@ kekahi poe, e hoihoi mai @ie ka hakalua @@@@
JNO. BELL.
Lunahooponopono Waiwai K@@@
Honomakau, Kohala Akau, Novemaba @@ 1887.
@@@@ @@
KUAI A KA LUNAHOOPONOPONO WAIWAI
Mamuli o ke kauoha i hoopuke i @@@@@ Kiekie o ko Hawaii Paeaina, i @@@@@@@@ la 4 o Novemaba, 1887, e kauoha ana @@@@ C. Parke, ka Lunahooponopono Waiwai @@@@ ka Waiwai o W.E. Wright, e kuai aku @@@ waiwai paa e hoike ia aku nei malalo @@@@ ma ke kauoha hoi a W.C. Parke @@@@@@@ Lunahooponopono Waiwai i olelo ia ae la, @@@ e kuai kudala aku ana ka mea @@@@@@@@@@ malalo iho nei, ma kona hale kudala, @@@@@ Honolulu, ke hiki aku i ka POAKOLU, ka la @@ o NOVEMABA, 1887, ma ka hora 12 o ka awakea, na apana aina i hoike @@@@@@
1 Kela apana aina e @@@@@ ma @@@@ Kapalama, Honolulu, a i hoikeia ma ka @@@@ 2703 L.C,A, 1810, 75 100 eka @@@@ emi mai paha.
2 Kela paana aina e waiho @@@@@@@ kahua, i haawina ia @@@ H. @@@@@@@@@@@ palapala i hanaia e John B. @@@@@@@@@@@@@@@ ka Buke 7 aoaoa 501 a mai @@@@@@@@@@@@@@@ Wright ma ka palapala hoo@@@@@@@@@@@@@@@@@ ko o ka Aha Hooko Kauoha imua o @@@@@@@@ Kiekie i Iulai 23, 18@@ E hoomaka ana @@@@ kuai mai ka $600 aku. No na mea @@@ ninau ia W.C. Parke, ka Luna@@@@ Waiwai. He kuike ke kumukuai @@@@ a pau i ka mea kuai @@@@
JAS. F. MORGAN, Luna @@@@
Honolulu, Novemaba 1887. @@@@ @@
AHA KIEKIE O KO HAWAII PAE AINA. Ma ka hooponopono Waiwai Ma ka hana o ka waiwai @@@ CHARLES WARREN CLARK o Honolulu, @@@ make. Olelo Kauoha e koha ana i @@@@@ io ia ai ka Palapala Kauoha, a @@@@@@@@@ ana.
No ka mea, ma ka la 8 o Novemaba 188@ ua waiho ia mai imua o ka Aha @@@@@@ pala, i oleloia, oia no ke Kauoha @@@@@ Charles Warren Clark i make aka @@@@@ Palapala Hoopui e noi ana e @@@@@@@@@@@ lapala Kauoha a e hoopuka ia @@@@@@@@ Luna Hooko ia Mrs. Ellen P. @@@@@@@@@ ia mai e Mrs. Ellen P. Clark @@@@@
Nolaila, ua kauohaia o ka POALUA @@@@@ la 6 o DEKEMABA, 1887, ma ka hora @@ o ke kakahiaka ma ka Rumi Hookolokolo @@@ ma Aliiolani Hale, Honolulu, ma ka @@@@@@@ hora, e hooiaio ia ai ia Palapala K@@@@@@ hooloheia ai hoi ia noi ana mai, a me @@@@@ a pau i pili@ e kue ana ia Palapala K@@@@@@ me ka hoopuka ana i ka Palapala @@@@@ Hooko.
A ua kauoha hou ia, e hoolahaia @@@@@@ ko o na pule ekolu iloko o Hawaiian Gazette me KUOKOA he mau nupepa i pai ia @@@@@ haia ma Honolulu.
Kakauia ma Honolulu, Novemaba 8, 18@@
Na ka Aha: HENRY SMITH
Hope Kakau@@@
2154 3t
OLELO HOOLAHA
E ike na mea a pau e nana @@@@@@@@ o ka mea nona ka inoa malalo iho, @@@@@@ hu ponoia mai au e S.L. Austia, L@@@@@@ wai Kaapuni Apana Ekolu, i Lunahooponopono no ka Waiwai o Alapai i make, o Hawaii, Kohala Akau, ma ka la 14 o Okatoba 1887. Nolaila, ke kauohaia aku nei @@@@@ pau i aie mai ia Alapai e hookaa ma@@@@@@ me ka poe a pau i aie aku ai o Alapai @@@@@ ho mai i ko lakou mau hoike oia@@@@@@@@@@@ na Malama Eono, o hoole loa ia aku @@@@@@ pono.
LAHAPA KAH@@@
Lunahooponopono Waiwai o @@@@@
Kohala Akau, Novemaba 3, 1887, @@@@ @@
HOOLAHA HOOPONOPONO WAIWAI
Ua hookohu pono ia mai @@@ @@@@@@@@ mua malalo iho nei i mau luna @@@@@@@@ pono ana i ka palapala hooilina o @@@@@ Waiau, Ewa i make, a ke haawi aku @@@@@ i ka lohe i na mea a pau he @@@@@ ko lakou ma na waiwai o ka mea i make, ma @@@@@@@@@@ na ano a pau a aole paha e waiho @@@@@@@ me na palapala ma ke keena @@@@@@@@@@@ ma. ma Honolulu, maloko o @@@@@@@@@@@@ mai ka puka ana aku o keia hoolaha @@@@@ ia aku lakou, a o na mea no hoi a pa@@@@@@@ ua waiwai nei e hookaa koke mai @@@@@@@@ hakalia ole ma kahi o na Sing @@@@@@@@
TONG @@@@@@
LEONG NA,.
Na Luna o ka Palapala Hoo@@@@@@
Honolulu, Novemaba, 12, 1887. @@@@ @@
HOOLAHA A KA LUNAHOOPONOPONO WAIWAI.
Ua hookohu kupono ia mai ka mea @@@@ inoa malalo iho nei i Lunahooponopono Waiwai ma ka Waiwai o Russel New@@@@@@@@@ na, Maui, i make. Nolaila, ke kauoha @@@ nei na poe a pau he mau koina ka lakou @@@@ io ia mea ua waiwai la e waiho koke m@@@@@ iloko o Eono Mahina, o hoole loa @@@@@@ lakou pono.
Ke haawi ia aku nei no @oi ke @@@@@@ poe a pau i aie i na Waiwai @@@@@ h@@@@@ mai ia'u me ka hakalia ole, ma @@@@@@@ ma Wailuku, Maui.
H.G. TREAD@@@@
Lunahooponopono Waiwai o @@@@@@@@@ ton o Lahaina, Maui, i make.
Wailuku, Maui, Novemaba 4, 1887.
2154 3t
I KA LEHULEHU.
O na mea nona na inoa malalo iho @@@@ mau mea i kuleana i kekahi apana aina @@@@ ho la ma Waiapuka, Kohala Akau, @@@@@@ pihaia ma ka Palapala Sila Nui h@@@@@@@ kuleana helu 10865 no P@@@@ a i m@@@@@@ Kaohi (k), Iwiula (k), Hele@@ (w), a me Kalei (k), ia Peter Dalton, ma ka @@@@@@@@ ia ma ka la 28 o Feberuari, 1882, @@@@@@@ ia ma ka Buke 74, aoao 12 me 13, a @@@@@ makemake ka mea paa moraki e pani, @@@@ rati la, nolaila, ke hai ia au nei ka @@@@@@ holookoa ma keia, o ka mea e lilo ai @@@@ la ma ke kuai ana, he kuleana wale no @@@ ia akahi hapalua o ua aina la, oiai, o @@@@@ p@lua, no na mea nona na inoa ma@@@@@@@ mamuli o ka mana o kekahi palapala k@@@@ a Kamae (w), kekahi o na kaikuahine o @@@ i oleloia ae nei, a i komo ole hoi iloko @@@ moraki i oleloia ae nei.
PETER DORION (k), KAHALIKOA PETER (w)
Honolulu, Novemaba 7, A.D. 1887.
2154 3t
HOOLAHA A KA LUNA AUHAU.
APANA O HONOLULU, MOKUPUNI O OAHU, 1887.
Ke hai ia aku nei ka lohe i ka poe hookaa auhau o keia Apana, ke hoomaka nei ka mea nona ka inoa malalo iho, i ka ohi ana i na auhau o keia makahiki, ma kona keena ma kapuaiwa Hale O ka poe e hookaa ole ana a hala ka la 15 o Dekemaba, e kuala ia no lakou ma ka umi pa keneta a me na koina o ia ohi ana.
GEO. H. LUCE.
Luna Ohi Auhau, Honolulu.
Keena Auhau, Nov. 1, 1887 2153 4t