Ka Nupepa Kuokoa, Volume XXVI, Number 50, 10 December 1887 — Page 3
This text was transcribed by: | Rob Escuadro |
This work is dedicated to: | ko'u anakala Walter Kuiee, II o Nanakuli, Oahu |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Ahaolele Kuikawa o 1887.
HE KANAWAI
E HOOMAOPOPO ANA NO KA UKU ANA I NA LILO O KA AHAOLELO KUIKAWA O KA MAKAHIKI 1887.
E hooholoia e ka Moi a me ka Ahaolelo o ko Hawaii Pae Aina.
E hookaawale ia a ma keia ke hoohaawale ia nei na dala he Umi Tausani ($10,000.00) mai loko ae o ka Waihona o ka lehulehu no ka aku ana i na lilo o ka Ahaolelo Kuikawa o ka makahiki 1887.
Aponoia i keia la 21 o Novemaba, A. D. 1887.
KALAKAUA REX.
HE KANAWAI
E HOOPAU LOA AI I KA MOKUNA L. O NA KANAWAI O KE KAU O 1886.
E hooholoia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna L. o na Kanawai o ke Kau o 1886, oia ke Kanawai i kapa ia "He Kanawai e hookaawale ana i haawina hoomau no Thomas W. Everett" i apono ia ma ka la 15 o Okatoba, 1886, e hoopau ia a ma keia ke hoopau loa ia nei.
Aponoia i keia la 21 o Novemaba, A. D. 1887.
KALAKAUA REX.
HE KANAWAI
E HOOPAU LOA AI I KA MOKUNA XLVII O NA KANAWAI O KE KAU O 1886.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna XLVII o na Kanawai o ke Kau o 1886, oia ke Kanawai i kapaia "He Kanawai e hooholo ana i haawina hoomau no ka mea Kiekie ke Kama Alii Wahine Poomaikalani" i apono ia ma ka la 15 o Okatoba, A. D. 1886, e hoopau ia a ma keia ke hoopau loa ia nei.
PAUKU 2. E lilo keia i Kanawai ma ka la 31 o Dekemaba, 1887.
Aponoia i keia la 21 o Novemaba, A. D. 1887.
KALAKAUA REX.
HE KANAWAI
E HOOPAU LOA AI I KA MOKUNA XLVIII O NA KANAWAI O KE KAU O 1886.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna XLVIII o na Kanawai o ke Kau o 1886, oia ke Kanawai i kapa ia "He Kanawai e hooholo ai i haawina hoomau no ka mea Hanohano W. C. Parke i apono ia ma ka la 15 o Okatoba, A. D. 1886, e hoopau ia a ma keia ke hoopau loa ia nei.
PAUKU 2. e lio keia i Kanawai ma ka la 31 o Dekemaba, 1887.
Aponoia i keia la 21 o Novemaba, A. D. 1887.
KALAKAUA REX.
HE KANAWAI
E HOOPAU LOA AI I KA MOKUNA VII O NA KANAWAI O KE KAU O 1880 E LIKE ME IA I HOOLOLI IA AI E KA MOKUNA 21 O NA KANAWAI O KE KAU O 1882.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna VII o na Kanawai o ke Kau o 1880, e like me ia i hoololi ia ai e ka Mokuna 21 o na Kanawai o ke Kau o 1882, oia ke Kanawai i kapa ia "He Kanawai e hoomaopopo ana i ke Kuauhau o na Alii o Hawaii nei" i apono ia ma ka la 9 o Augate, A. D. 1880, e hoopau ia, a me keia ke hoopau loa ia nei.
Aponoia i kela 21 o Novemaba, A. D. 1887.
KALAKAUA REX.
HE KANAWAI
E HOOLOLI AI I KA PAUKU 2 O KE KANAWAI I KAPAIA "HE KANAWAI E HOOPAU AI I KA MOKUNA 10 O KE KANAWAI KIVILA, A E HOOPONOPONO AI I KA OIHANA AOPALAPALA O KE AUPUNI" I APONOIA MA KA LA 10 O IANUARI, A. D. 1865.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Ma keia ke hoololi ia nei ka Pauku a o ke Kanawai olelo ia, a penei e heluhelu ia ai:
"Pauku 2. E hoonoho ia i Buro Hooko i kapa ia ka Buro Hoonaauao; i hooponopono ia e kekahi Papa he elima lala, a e kapa ia ka Papa Hoonaauao. E hookohu ia na hoa o ia Papa i olelo ia e ka Moi; a hookahi o lakou e hoonoho ia e ia i Peresidena, a e hana lakou a pau me ka uku ole; aka, aole e hoonoho ia kekahi kanaka e noho ana iloko o ka oihana hemolele a Kahunapule paha i Peresidena. Ina ua noho aku ka Peresidena na kekahi hoa o ka Papa e lawelawe ana ma ke ano he Hope Peresidena no ka manawa, e hoomalu i na halawai o ka Papa."
Aponoia i keia la 21 o Novemaba, A. D. 1887.
KALAKAUA REX.
HE KANAWAI.
E PILI ANA I NA HUI I HOOHUI IA A ME KA HAAWI ANA I NA PALAPALA HOOHUI.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Ma keia ua haawi ia ka mana i ke Kuhina Kalaiaina e lawelawe i ka mana a pau i loaa iaia, a i ole ia, iaia me ka ae pu ana o ka Moi iloko o ka Ahakukamalu mamua o ka la ehiku o Iulai, A. D. 1887, e pili ana i na Palapala Hoohui.
Eia nae hoi, aole e haawi ia kekahi Palapala Hoohui e ke Kuhina.
PAUKU 2. E lilo keia i Kanawai mai kona la aku e apono ia ai.
Aponoia i keia la 24 o Novemaba, A. D. 1887.
KALAKAUA REX.
HE KANAWAI
E HOOLOLI AI I KA MOKUNA XI O NA KANAWAI O KE KAU O 1876.
E PILI ANA I KE OLA O KA LEHULEHU.
E hooholo ia i ka Moi a me ka Ahaolelo o ko Hawaii Pae Aina.
PAUKU 1. Ma keia ke hoololi ia nei ka Pauku a o ka Mokuna XI o na Kanawai o ke Kau o 1876, a penei e heluhelu ia ai: "E hoololi ia a ma keia ke hoololi ia nei ka Pauku 1 o ka Mokuna 59 o ke Kanawai Hoopai Karaima, i aponoia ma ka la 7 o Iulai, 1870, a penei e heluhelu ia ai:
PAUKU 1. E hoonoho ia he Papa Ola no ke Aupuni, elima ka nui o na hoa o ia Papa.
"E hookohuia na hoa o ua Papa la e ka Moi, a hookahi o lakou e hoonoho ia e ia i Peresidena, a e hana lakou a pau, koe ka Peresidena, me ka uku ole, na ua Papa la i olelo ia e nana a e malama i ke ola o ka lehulehu. Ina ua hele ka Peresidena, alaila, e koho ia kekahi lala o ka Papa e lakou i Hope Peresidena Kuikawa, a nana e hoomalu i ko lakou mau halawai ana: he mana ko ua Papa la e hoonoho i Kakauolelo, a me na kauka lapaau, a me na Luna, a e uku ia lakou no ka lakou hana e like me ka mea i apona ia e ka hapa nui o na lala o ka Papa ma kekahi halawai i kahea pono ia no ka hana, a o ia uku e uku ia mai loko ae o na dala i hookaawale ia no na hana o ka Papa e ka Ahaolelo. Aka ina ua hoohana ka Papa i kona mau hoa ponoi na ka Aha Kuhina e hooholo i ka uku kupono e uku ia, aka aole e uku ia kekahi uku i ka Peresidena koe wale no ka mea i hooholo ia e ka Ahaolelo. a na ua Papa nei ma o kona Peresidena la e hoike aku i ka Ahaolelo ma na Kau mau i hoike a me na hoakaka piha no na dala a pau i hoolilo ia, a me na mea i hana ia a me na mea e ae e pili ana i ke ola o ka lehulehu a ua Papa Ola nei i manao ai he kupono e noonoo ia."
Aponoia i keia la 24 o Novemaba, M. H. 1887.
KALAKAUA REX.
HE KANAWAI
E HOOLOLI AI I KA PAUKU 1266 O KE KANAWAI KIVILA E PILI ANA I KA HOONOHO ANA I NA NOTERI NO KA LEHULEHU
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Ma keia ke hoololi ia nei ka Pauku 1266 o ke Kanawai Kivila, a penei e heluhelu ia ai:
"Pauku 1266. E hoonoho ia e ke Kuhina Kalaiaina hookahi a oi ae paha kanaka kupono ma kela a me keia Apana Hookolokolo Kaapuni o ke Aupuni, i mau Noteri no ka lehulehu, a e noho lakou ma ia oihana a hiki i ka wa e hoopau ia ai e ke kuhina i olelo ia."
Aponoia i keia la 25 o Novemaba, 1887.
KALAKAUA REX
HE KANAWAI
E HOOLOLI AI I KA PAUKU I. O KA MOKUNA 17 O NA KANAWAI O 1882.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Ma keia ke hoololi ia nei ka Pauku I. o ka Mokuna 17 o na Kanawai o 1882, a penei e heluhelu ia ai:
"PAUKU 1. Ma keia ua haawi ia no ka mea Hanohano H. Kuihelani Eono Haneri Dala no kela a me keia makahiki, oiai oia e ola ana, a ua kauoha ia ke Kuhina Waiwai e uku aku ia mau dala no loko ae o ka Waihona Dala o ke Aupuni ma ke ano e like me na uku makahiki a me na haawina e ae a ke Aupuni e uku ai."
PAUKU 2. E lilo keia i Kanawai mai ka la 31 o Dekemaba, M. H. 1887 aku.
Aponoia i keia la 25 o Novemaba, M. H. 1887.
KALAKAUA REX.
HE KANAWAI
E HOOLOLI A E HOOHUI AI I KE KANAWAI E PILI ANA I NA EEMOKU.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. E kukulu ia, a ma keia ke kukulu ia nei i Buro ma ka Oihana Kalaiaina, e kapa ia ka Buro Eemoku no ka hooponopono ana i ka hele ana mai o na limahana a me na eemoku e ae, iloko o keia Aupuni.
PAUKU 2. O ka Buro i olelo ia, oia no ke Kuhina Kalaiaina nana e lawelawe ma ke ano o kona oihana ma ke ano ka Peresidena o ia Buro, a ne elima mau lala e ae i hookohu ia e ka Moi, a e ka Papa Eemoku.
PAUKU 3. Na ke Kuhina Kalaiaina i kela a me keia manawa me ka apono ana o ka Papa Eemoku a me ka Aha Kuhina e hana a hoolaha aku i na rula a me na hooponopono ana, a e hana i na mea i manao ia ua kupono ai i ka hele ana mai o na eemoku mai na aina e mai, a no ka hooponopono a malama maikai ana i na eemoku i hele a i lawe ia mai iloko o keia Aupuni: A e hana no hoi i na rula i manao ia ua kupono e pili ana i na manawa a me na olelo o na aelike no ka hana, a hoolilo ana aku no ka hana, o kekahi poe eemoku i hele mai malalo o na aelike hana, a ua hana paha i na palapala aelike hana.
PAUKU 4. Oia mau rula a me ia mau hooponopono ana, a me na hoololi ana aku, me na pakui ana aku o ia mau rula i hooholo ia e like me na olelo o ka Pauku 3 o keia kanawai, e hoolaha ia no maloko o kekahi mau nupepa ma ka olelo Beritania a me ka olelo Hawaii ma Honolulu, a ma ia wa e like no ko lakou mana me ko ke kanawai.
PAUKU 5. O kela a me keia mea e kue ana i kekahi rula a hooponopono ana i hooholo a pai ia e like me na olelo o na Pauku 3 a me 4 o keia kanawai, e kau ia maluna ona ka hoopai, aole e oi aku mamua o Hookahi Tausani Dala, a he mana ko kela a me keia Lunakanawai Hoomalu e hookolokolo i na hihia o ia ano.
PAUKU 6. O na dala i hookaawale ia e ka Ahaolelo no na hana i manao ia ma keia kanawai e uku ia no mailoko ae o ka Waihona Aupuni ma ke kauoha o ke Kuhina Kalaiaina.
PAUKU 7. O ke kanawai i kapa ia, "He Kanawai e hoomakaukau ai no ka lawe ana mai i na kanaka hana, a e kokua ai i na eemoku mai na aina e mai" i hana ia ma ka la 30 o Dekemaba, M. H. 1864; a me ke kanawai i kapaia "He Kanawai e hoakea ana i na mana o ka Buro o na Eemoku mai na aina e mai" i hana ia ma ka la 23 o Iune, M. H. 1868; a me ke kanawai i kapa ia "He Kanawai e kokua ana i na poe mai na aina e e komo mai ana iloko o keia Aupuni e noho ai" i hana ia ma ka la 23 o Iune, M. H. 1868, a me na kanawai a me na hapa kanawai e kue ana i keia, ma keia ua hoopau loa ia.
Aponoia i keia la 25, o Novemaba, M. H. 1887.
KALAKAUA REX.
HE KANAWAI
E HOOLOLI AI I KE KANAWAI E PILI ANA I KA HOOKUPA ANA I NA KANAKA MAI NA AINA E MAI.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Me keia ke hoololi ia nei na Pauku 428, 429, 431 a me 433 malalo o ka Haawina VIII o ka Mokuna VII o ke Kanawai Kivila, a penei e huluhelu ia ai:
"Pauku 428. Na ke Kuhina Kalaiaina e malama a e hooponopono i ka hookupa ana i na kanaka mai na Aina E mai."
"Pauku 429. Na ke Kuhina Kalaiaina ma ke noi ana o kekahi kanaka mai na Aina E mai i noho iloko o keia Aupuni no elua a oi ae makahiki mamua koke iho o kona noi ana a hoike ana i kona manao e noho paa iloko o keia Aupuni, e hoohiki aku i ua mea noi la, a koi aku i ua kanaka la o ka aina e kakauinoa i ua hoohiki nei ke maopopo i ua Kuhina la aole he makilo ua kanaka la, aole hoi he mea mahuka mai ka lima mai o ke Kanawai o kekahi Aina E."
Ina he noho ua mea noi nei ma kekahi Mokupuni e ae mawaho o ka Mokupuni o Oahu, ua hiki no iaia, mahope o ko ke Kuhina Kalaiaina imua o kekahi Lunakanawai o kekahi Aha Hokolokolo kakau, a ma keia ua haawiia i na Lunakanawai o ia mau Aha ka mana e hoohiki aku i na olelo hoohiki o ia ano"
"Pauku 431. E kakauinoa ia ka olelo hoohiki e ka mea i hoohiki ia i kupa, a e hoohiki ia oia ma ke ano ana i manao ai he paa loa i kona Lunaikehala, a e kakau inoa ia ka olelo hoike no ka hoohiki ana e ke Kuhina Kalaiaina a i ole ia e kona Kakauolelo mua paha, a i ole ia ina he noho ka mea noi ma kekahi Mokupuni e ae, e kekahi Lunakanawai o kekahi Aha Kakau."
"Pauku 433. He mana no ko ka Moi me ka ae ana o ka Aha Kuhina e haawi aku i kekahi kanaka e noho ana ma ka ama e, a e noho ana paha iloko o keia Aupuni no ka manawa wale no i palapala hookupa e haawi ana i ua kanaka nei o ka Aina E i na pono a me na pomaikai a pau o ke kupa maoli me kona haalele ole i kona kupa ana i kona aina ponoi ma ia palapala hookupa ua hoolilo ia ua kanaka la o ka aina e i kanaka malalo o na kanawai o keia Aupuni i hoolohe ai oia i ke Alii e like me ka mea i hookupa ia e like me na olelo mamua ae."
PAUKU 2. O kela a me keia Lunakanawai o kekahi Aha Kakou mahope koke o kona hoohiki ana aku i kekahi kanak o na aina e i ka hoohiki hookupa e like me na olelo o ka pauku mamua ae, e hoouna koke aku oia i ke Kuhina Kalaiaina i ka mua o ia olelo hookahi me ka malama io i kope o ia mea.
PAUKU 3. O ka Mokuna XLVIII o na Kanawai o ke Kau o 1882 a me na Kanawai a me na hapa Kanawai a pau e kue ana i keia e hoopau ia a ma keia ke hoopau loa ia nei.
Aponoia i keia la 25 o Novemaba, 1887.
KALAKAUA REX.
HE KANAWAI
E HOOPAU LOA AI I KE KANAWAI I KAPAIA "HE KANAWAI E PILI ANA I NA LUNAKANAWAI O KA AHA HOOKOLOKOLO KIEKIE I APONOIA MA KA LA 15 O OKATOBA, 1886, A E HOALA HOU I NA KANAWAI I HOOPAU IA MA IA KANAWAI.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. O ke Kanawai i kapa ia "He Kanawai e pili ana i na Lunakanawai o ka Aha Hookolokolo Kiekie" i apono ia ma ka la 15 o Okatoba, M. H. 1886, e hoopau ia, a ma keia ke hoopau loa ia nei.
PAUKU 2. O na pauku a pau o ke Kanawai Kivila a me na kanawai a pau i hoopau ia e ua kanawai nei i kapa ia "He Kanawai e pili ana i na Lunakanawai o ka Aha Hookolokolo Kiekie," ma keia ke hoala hou ia nei a ke hoololi ia nei ma keia i kanawai.
PAUKU 3. E lilo keia i kanawai mai ka la mua aku o Ianuari, M. H. 1888.
Aponoia i keia la 26 o Novemaba, M. H. 1887.
KALAKAUA REX.
HE KANAWAI
E HOOLOLI AI I KE KANAWAI I KAPA IA "HE KANAWAI E PILI ANA I KA LAPAAU ANA ME NA LAAU A NA KAUKA PAKE" I APONO IA MA KA LA 13 O AUGATE, M. H. 1880.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. E hoololi ia a ma keia ke hoololi ia nei ka Pauku 3 o ke kanawai i kapaia "He Kanawai e pili ana i ka lapaau ana me na laau o na Kauka Pake" i apono ia ma ka la 13 o Augate, M. H. 1880, a penei e heluhelu ia ai:
"Pauku 3. O na mea a pau i laikini ia e like me ia i olelo mua ia, e pili no ia lakou na kanawai a me na rula e kau ia nei maluna o na Kauka Lapaau a Kauka oki paha i laikini ia, eia nae aole e loaa i kekahi mea i laikini ia malalo o keia kanawai, ka mana e haawi i na palapala ae no ka lawelawe ana i ka opiuma a o kekahi mea i hanaia me ka opiuma, a i kekahi laau make paha a e haawi i na palapala hoike e loaa ai ka opiuma, a mea i hana ia me ka opiuma paha, a o na palapala hoike a palapala e ae paha i haawi ia mamua aku nei e ka poe i laikini ia malalo o ke kanawai i olelo ia i kapa ia 'He Kanawai e pili ana i ka lapaau ana me na laau a na Kauka Pake' ma keia ke hoolilo ia nei i mea ole."
PAUKU 2. E lilo keia i Kanawai mai kona la e apono ia ai.
Aponoia i keia la 26 o Novemaba, M. H. 1887.
KALAKAUA REX.
HE KANAWAI
E HOOMAOPOPO ANA I KA UKU O NA LUNAMAKAAINANA.
E hooholo ia e ka Moi a me ka Ahaolelo o ko Hawaii Pae Aina.
PAUKU 1. Ma keia ke hoomaopopo ia nei ka uku o na Lunamakaainana he Elua Haneri me Kanalima Dala pakahi no kela me keia kau o na makahiki elua.
PAUKU 2. E lilo keia i kanawai mai kona la e apono ia ai.
Aponoia i keia la 28 o Novemaba, M. H. 1887.
KALAKAUA REX.
Ua hookohuia o Wiliama J. Brodie Esq., i keia la i Agena haawi Laikini Mare
no ka Apana o Kohala Akau, Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Novemaba, 29, 1887.
2158-3t
I kulike ai me na mea i hoike ia maloko o ka Pauku 231 o ke Kanawai Kivila,
nolaila, ua hookaawale ae nei au i keia la 30 o Novemaba, 1887, i Pa Aupuni
no ka hoopaa ana i na Holoholona Auwana ma Kalaoa 1, a me Hawanawana
ma ka aoao ma Puna-uku o ke Alanui Aupuni, ma ka Apana o Kona Akau,
Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Nov. 30, 1887.
I kulike ai me na mea i hoikeia maloko o ka Pauku 232 o ke Kanawai Kivila,
nolaila, ua hookohu aku au i keia la 30 o Novemaba, 1887, ia Geo. D. Hueu,
i Luna Pa Aupuni no na Pa Aupuni i hoike ia ae la maluna, ma ka
Apana o Kona Akau, Mokupuni o Hawaii.
ULULANI,
Kiaaina o Hawaii.
Keena Kiaaina, Hawaii, Nov. 30, 1887.
Ua Hookohu ia o Pierre Jones, Esq., i keia la 23 o Novemaba, 1887,
i lala no na Komisina Pa ma ka Apana o Kona, Mokupuni o Oahu.
O keia iho malalo na lala o ka Papa i keia wa:
J. F. Brown,
D. Kahanu,
P. Jones.
LORRIN A. THURSTON,
Kuhina Kalaiaina.
Keena Kalaiaina, Nov. 23, 1887.
2156 3t
KUAI KUDALA O NA LAIKINI AWA.
E kuai ia aku ana ma ke kudala akea na Laikini Awa o na Mokupuni
no ka Makahiki Hookahi e hoomaka ana i Ianuari 1, 1887.
Malalo iho e loaa no na kuhikuhi ana:
OAHU.
Honolulu ………… 3 - Ewa me Waianae…………..1
Koolaupoko………. 1 - Waialua……………………1
MAUI.
Lahaina…………….2 - Hana……………………….1
Makawao…………..1
HAWAII.
Hilo…………………2 - Kohala Akau………………1
Kau………………….1
KAUAI.
Hanalei………………1 - Lihue………………………1
Kawaihau……………1 - Koloa……………………...1
Waimea………………1
E kuai ia aku ana na laikini o ka Mokupuni o Oahu nei ke hiki aku i ka la i hoike
ia ae la maluna, i ka hora 12 awakea, ma ke alo iho o Aliiolani Hale.
O ka laikini o na Mokupuni e ae, e kuai ia aku ana no ma ia la hookani ma na
apana i hoikeia ae la, ma ka hora a me kahi a na Luna Makai Nui a o ko lakou
mau hope paha e manao ai.
Kumukuai hoomaka: Ko Honolulu, he $500 pakahi. Hilo me Lahaina,
he $300 pakahi, A no na Apana e ae i hoikeia ae nei, he $100 pakahi.
KA UKU ANA: E hookaa ia ka iwakaluakumamalima pakeneta i ka wa e
haule ai ka hamare kudala a e lilo loa kela hookaa mua ana ina aole e uku ia
ke kumukuai piha o ka laikini maloko o na la he umi mai ke kukala ana.
LORIN A. TURSTON,
Kuhina Kalaiaina.
Keena Kalaiaina, Nobvemaba 19, 1887.
2154-4t
Ua hookohuia o John Lucas, Esq., i Agena Hooiaio Palapala Kepa
i keia la 15 o Novemaba, 1887, no ka Apana o Honolulu, Mokupuni o Oahu.
L. A. THURSTON,
Kuhina Kalaiaina.
Keena Kalaiaina Novemaba 15, 1887.
2155-3t
Ua hookohu ia o J. G. Howie i keia la 14 o Novemaba, 1887,
i Komisina Pa no ka Apana o Lahaina, Mokupuni o Maui,
ma kahi o J. C. Kirkwood i make.
O keia iho malalo na lala o ka Papa i keia wa:
Kia Nahaolelua,
E. S. Kaiue,
J. G. Howie.
L. A. THURSTON,
Kuhina Kalaiaina.
Keena Kalaiaina Novemaba 14, 1887.
2155-3t
Ua hookohuia o Edward W. Purvis i keia la 14 o Novemaba, 1887,
i Luna Hooko no ka p\Papa Nana o na Holoholona no ka Mokupuni o Kauai,
ma kahi o S. W. Wilcox i waiho mai.
O keia iho malalo na lala o ka Papa i keia wa:
Edward W. Purvis, Luna Hooko;
Samuel Hundley,
Louis Kahlbaum.
LORRIN A. THURSTON,
Kuhina Kalaiaina.
Keena Kalaiaina Novemaba, 14 1887.
2155-3t
MA NA MEA E PILI ANA I NA KAHU MALAMA WAIWAI
O KA LUAKINI A EKALESIA O KAUKEANO.
NO KA MEA, he Ahahui i hoopuka mua ia ka ae ma ka inoa
"Ka Luakini a Ekalesia Haole Elua o Honolulu," a oia inoa a me ia ano,
ua hoololi ia mamuli o kekahi Olelo Hooholo a ka Ahakukamalu,
ma ka la 28 o Ianuari, 1856, a o "Na Kahu Malama Waiwai o ka Luakini
a me ka Ekalesia o Kaukeano," i kulike ai me na kanawai i hana ia e pili ana ia mea,
ua waiho pono mai me ka mea nona ka inoa malalo iho nei, he palapala noi e hoopau
i ua Ahahui la, a me kekahi palapala hooia i pakui pu ia, e like me ka mea i kauoha
ia e ke kanawai; a nolaila,
Ke haawi ia aku nei ka hoolaha i na mea a pau i kuleana a e noho kuleana nei ma
kekahi ano iloko o ua Ahahui nei, o na kue no ka ae ia o ua noi la i oleloia,
e waiho ia ae ma ke Keena Kalaiaina ma ka la 26 o IANUARI, 1888,
a mamua ae paha, a o kela a me keia mea a mau mea paha i makemake e lohe
ia ka lakou ma na mea e pili ana, e hiki kino ae ma ua Keena Kalaiaina la,
ma Aliiolani Hale, Honolulu, i ka hora 11 o ke kakahiaka o ua la nei,
a e hoike ae i na kumu e hiki ole ai ke ae ia ua noi la.
(Kakauinoaia) L. A. THURSTON,
Kuhina Kalaiaina.
Keena Kalaiaina, Nov. 23, 1887.
2156-10t
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao
Alanui Papu, Honolulu.
HOOLAHA I KA POE AIE.
O ka poe a pau he mau koina ka lakou i ka waiwai o Kahalehau (k) i make,
ke kauohaia aku nei lakou e waiho koke mai i ko lakou mau hooiaio kupono
i ka mea nona ka inoa malalo iho noko o na mahina eono mai keia la aku.
GEO. C. BECKLEY,
Lunahooponopono o ka waiwai o Kahalehau.
Honolulu, Novemaba 29, 1887.
2157-5t
HOOLAHA HOU.
HOOMAHA KULA AUPUNI
E hoomaha ana na Kula Aupuni a pau, mai ka Poalima, la 16 o Dekemaba,
a hiki i ka Poakolu, la 4 o Ianuari, 1888. Ma ke kauoha o ka Papa Hoonaauao.
W. JAS. SMITH,
Kakauolelo o ka Papa Hoonaauao.
Oihana Hoonaauao, Dekemaba, 2, 1887.
2157-2t
AHA HOOKOLOKOLO KIEKIE O Ko Hawaii Pae Aina. Ma ka hooponopono waiwai.
Ma ka hana o ka Waiwai o Lapana (k) o Waiau, Ewa, Oahu, i make kauoha ole.
Ma ka waihoia ana mai o ka palapala noi a Melani (w), wahine a ka mea make,
e hoike ana ua make kauoha ole o Lapana (k), ma ka la 16 o Novemaba, 1887,
a e noi ana, e hoopuka ia ka Palapala Hookohu Lunahooponopono Waiwai ia
Cecil Brown, o Honolulu Oahu.
Ua kauohaia o ka POALUA, ka la 27 o DEKEMABA, 1887, ma ka hora 10 kakahiaka,
oia ka manawa i kohoia no ka hoolohe ana i ua noi la, ma ka hale hookolokolo ma
Aliiolani Hale, Honolulu, a ma ia manawa a ma ia wahi no e hele mai ai na mea a pau
i pili e hoike mai i ke kumu, ina he kumu oiaio ko lakou e ae ole ia ai ua noi la.
A e hoolahaia ia mea ma ka olelo Hawaii, i ekolu manawa maloko o ke KUOKOA,
he nupepa puka hebedoma ma Honolulu.
Kakauia ma Honolulu, Novemaba 30, 1887.
Na ka Aha:
HENRY SMITH,
Hope Kakauolelo.
2157-3t
AHA KAAPUNNI APANA EHA, o ko Hawaii Pae Aina. Ma ka Hooponopono Waiwai.
Ma ka Waiwai o Waialeale (k) o Kapaa, Kauai, i make. Imua o ka Lunakanawai Kaapuni
ma ke Keena.
No ka mea, ma ka la 30 o Okatoba, M. H. 1887, ua waihoia mai imua o ka Aha, kekahi Palapala,
i olelo ia, oia no ke Kauoha Hope Loa a Waialeale (k) i make aku la; a me ka Palapala Hoopii e
noi ana e hooiaioia kela Palapala Kauoha a e hoopuka hoi ka Palapala Luna Hooko no - ua waiho
ia mai e Kaulokeahi (w).
Nolaila, ua kauoha ia o ka POAHA, oia ka la 12 o IANUARI M. H. 1888, ma ka hora
10 kakahiaka, ma ka Rumi Hookolokolo o ia Aha, ma Kapaa, ma Kauai, oia ka la me ka hora,
e hooiaioia'i ia Palapala Kauoha, a e hoolohe hoi no ia noi ana mai, a me ka poe a pau i pili,
e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke KUOKOA,
he nupepa i pai ia a i hoolahaia ma Honolulu.
A ua kauoha hou ia, e hoopukaia na Palapala Kena no na hoike no ia Palapala Kauoha,
a me na hoolina o ka mea make, e hele mai a e kue i kela Palapala Kauoha i ka wai oleloia.
Kakauia ma Koloa, Kauai, ko Hawaii Pae Aina.
Novemaba, 25, 1887.
JACOB HARDY,
Lunakanawai Kaapuni Apana Eha.
2157-3t
AHA HOOKOLOKOLO APANA EHA o ko Hawaii Pae Aina. Ma ka Hooponopono
Waiwai. Ma ka hana o ka Waiwai o LOLANUI (k), o Waimea, Kauai, i make. Ma ke
keena imua o ka Lunakanawai Kaapuni.
Ma ka heluhelu a me ka waiho ana mai o ka palapala noi a me ka papa hoike a NOHOUKA,
Lunahooponopono o ka Waiwai o Lolanui (k), no Waimea, i make, e noi ana e apono ia na
hoolilo he $14.00, a e hoike ana, o na mea i loaa mai iaia he $50.00, a e nboi ana e nana a apono
ia kela mau mea, a e kauoha ia e mahele ia ka waiwai e waiho ana ma kona lima i na mea i
kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauoha ia, o ka POAKOLU, ka la 4 o IANUARI, M. H. 1888, ma ka hora umi o kakahiaka,
imua o ua Lunakanawai la, ma ke keena ma ka Hale Hookolokolo ma Koloa, oia kahi a me ka
manawa i koho ia no ka hoolohe ana i ua noi la, a me na papa hoike i oleloia, a o ka poe a pau
i pili malaila e hele mai a e hoike i ke kumu, ina he kumu io ko lakou e ae ole ia ai ua noi la,
a malaila e hoike mai ai na hoike o na mea i kuleana mnaloko o ka waiwai i oleloia. A o
keia kauoha ma ka olelo Hawaii, e pai ia maloko o ke KUOKOA, he nupepa i pai a hoolahaia
ma Honolulu, i ekolu pule pai ana, mai ka la 26 o Novemaba, a hiki i ka la 10 o Dekemaba, 1887.
Kakauia ma Koloa, Kauai, ko Hawaii Pae Aina, i keia la 19 o Novemaba, 1887.
JACOB HARDY,
Lunakanawai Kaapuni Apana Eha.
2156-3t
MA KE KEENA O KA LUNAKAWAI Kaapuni Apana Elua o ko Hawaii Pae Aina,
ma ka Hooponopono Waiwai. Mokupuni o Maui, Hawaii Pae Aina. Ma ka Waiwai
o Chas. Sylva, no Wailuku, Maui, i make.
No ka mea, ma ka la 10 o Novemaba, M. H. 1887, ua waihoia mai imua o ka Aha,
kekahi Palapala, i oleloia, oia no ke Kauoha Hope Loa a Chas. Sylva i make aku la; a me ka
Palapala Hoopii e noi ana e hooiaioia kela Palapala Kauoha a e hoopuka hoi ka Palapala
Luna Hooko no Thos. W. Everett ua waihoia mai e Thos. W. Everett.
Nolaila, ua kauohaia o ka POAKOLU oia ka la 14 o DEKEMABA, M. H. 1887,
ma ka hora 10 a.m. ma ka Rumi Hookolokolo o ia Aha, ma Wailuku, Maui, oia
ka la me ka hora, e hooiaio ia ai ia Palapala Kauoha, a e hoolohe hui no ia noi ana
mai, a me ka poe a pau i pili, e kue ana ia Palapala Kauoha, a me ka hoopuka ana i
ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke KUOKA he nupepa
i pai ia a i hoolahaia ma Honolulu.
Kakauia ma Wailuku, ko Hawaii Pae Aina, Novemapa 11, 1887.
GRO. E. RICHARDSON,
Lunakanawai Kaapuni Apana Elua H. P. A.
2155 3t
AHA HOOKOLOKOLO KIEKIE O ko Hawaii Pae Aina. Ma ka hooponopono waiwai.
Ma ka hana o ka waiwai o William Kuaaka o Honolulu, Oahu, i make Olelo Kauoha e
koho ana i la e hooiaio ia a ka Palapala Kauoha, a no ka hoolaha ana.
No ka mea ma ka la 14 o Novemaba 1887, ua waihoia mai imua o ka Aha kekahi Palapala,
i oleloia, oia no ke Kauoha Hope Loa a William Kuaaka i make aku la; a me ka
Palapala Kauoha a e hoopuka ia hoi ka Palapala Luna Hooko ia James H. Boyd
ua waihoia mai e Kaaihue.
Nolaila, ua kauohaia o ka POAKAHI oia ka la 12 o DEKEMABA, 1887,
ma ka hora 10 o kakahiaka ma ka Rumi Hookolokolo o ia Aha, ma Aliiolani Hale,
Honolulu, oia ka la me ka hora, e hooiaio ia ai ia Palapala Kauoha a e hooloheia ai
hoi ia noi ana mai, a me na poe a pau i pili; e kue ana la Palapala Kaoha, a me ka
hoopuka ana i ka Palapala Luna Hooko.
A ua kauoha hou ia, e hoolahaia ia mea no na pule ekolu iloko o ke
KUOKOA he nupepa i pai ia a i hoolaha ia ma Honolulu.
Kakauia ma Honolulu, Novemaba 14 1887.
Na ka Aha:
HENRY SMITH,
Hope Kakauolelo.
2155-3t
HOOLAHA.
G. W. A. HAPAI.
He Luna Hooko Mare.
- A HE -
AGENA HOOIAIO PALAPALA.
E Loaa no ma Hilo-taona, Hawaii, ma na manawa a pau.
2152-1y
LAAU MAI LEPERA HELU 1.
A. S. H. Meekapu e hoomau ia ana no ka lehulehu, i loaa ai ka pono a lanakila ke inu i
keia laau e hoopau i na mai Lepera kaokao, koko ino, mai hui, a me kua hanee, e hoouna
ia no ke hoouna mua ia mai ua lilo laau.
S. H. MEEKAPU M. D.
Waikahalulu.