Ka Nupepa Kuokoa, Volume XXVII, Number 5, 4 February 1888 — KULA SABATI. [ARTICLE]

KULA SABATI.

Ma ka halawai o ke Komite Hooko j ka Ahahui Kula Sabati Euanelio, ua hooholoia e paiia he mau pepa Haa«ina Kula Sabati no kela a me keia Sabati me na ninau i hakuia e Miss E. W. Laiana. Ina paha e kauoha ana na Kula Sabati i mau pepa iooo, e hiki ana ke kuaiia keia mau pepa haawina mamuli o keia mau kumukuai, 10 pepa 3 hiki i 50 pepa no na keneta 5 pakahi no ka mahina hookahi; 50 pepa a oi no na keneta 4 pakahi no ka mahina hookahi: oia hoi no keia uku makahiki, 10 pepa $6, 20 pepa $iz, 30 pepa $18, 40 pepa $24, 50 pepa $24, 100 pepa $48, 150 pepa $72. E nakumukula Sabati, e kukakuka pu me na hoahanau, a lulu dala, a hoouna koke mai i ka uku makahiki no ka pepa i makemakeia i ka puuku, A. L. Smith,' ma Honolulu, oia no ka mea e hooholo loa i ka hana o na Kula Sabati.