Ka Nupepa Kuokoa, Volume XXVII, Number 8, 25 February 1888 — Page 2
| This text was transcribed by: | Cheryl Mokuau |
| This work is dedicated to: | Dawn |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki $2.00
No Eono Mahina 1.00
KUIKE KA RULA
Poaono… Feberuari 25, 1888
KA MAI LEPERA.
He nui na lono i hiki mai io makou no ka nui hoolauwili o kokahi poe makamaka i loaa i keia ano mai o ka Lepera. He oiaio, he mea kaumaha io no ke aloha ke hiki mai kona minute hope loa o ka hookaawale ana i ka mea mai a me kona ohana, aka, ke huli ae hoi kakou a nana aku ma kekahi aoao, he hana poino loa ia ke hoohuika ia kakou iho ma kahi hookahi. He lehulehu o keia poe i loohia me keia ano mai hookaawale ohana, ka huna loa ana ia lakou ma na home, e noho pu ana, e ai pu ana a e moe p ana ma kahi hookahi me kona ea mai a me ko na alii upehupehu, ua moe like maluna o ka moena hookahi, a puhi pu i ka ipupaka hookahi.
Eia ka makou kau leo i na makamaka. O ka mea mai, e hookaawale koke aku iaia mai ka ohana aku no na halemai. O na poe i loaa kukonukonu loa, e aho e ae aku i na kauoha a ka Papa Ola e holo no Molokai. Aole makou i ike i ke kumu o ke kanalua ia ana o keia mau mea elua, ina o ke aloha a me ke palekana ka huaolelo ma ko kakou umauma no ka pomaikai o ko kakou lahui, alaila, aole loa e loaa ia kakou ka palekana ina e malama a huna kakou i keia ano mai ma ko kakou mau home. E olelo ia mai paha auanei makou no ke aloha ole a pela aku. Eia ka makou kumu pale: “Aole loa e loaa ka oluolu i ka mea mai, ina aole e loaa na kokua ma ka lapaau ana i ua mea mai la. O ua mau kokua la mai na Kauka mai no ia i ao i keia oihana o ka lapaau i na mai ma ke kino o ke kanka.”
Ma ka aoao hoi o ke Aupuni, e lawelawe na Makai i na poe mai, aole ma ke ano he mau poe lawehala lakou, aka, make ano o ka haawi ana aku i na kokua o ke aloha no ka pomaikai o ka lehulehu.
KA LAPAAU ANA I NA MAI
Ma ka apana o Kamoiliili, ua lapaau ia kekahi wahine nona ka inoa o Hana e kekahi Kahuna hoopunipuni ma ka hooluu ana iaia no ehiku manawa iloko o ka wai, a loaa oia i ka mai @wa ikaika, a pakele pu hoi kona ola mai poino. Mahope mai oia manawak, ua puni hou aku oia i kekahi luahine kahuna a ua hana iho iaia me ka panina o kana hana he hooluu hou i ka mea mai ilo ko o ka wai aniani, me ka pii ino o ka mai a pakele pu hou kona ola mai poino.
Oiai ka mai e waiho ana iloko o ka pilikia nui, ua kii ia mui ke kauka aupuni Dr. Wood ua hele aku oia a ike maka i ka nui pilikia o keia wahine, ua haawi koke aku oia i na lapaau ana e like me ka hiki iaia, a iloko o keia mau la, ke pii hikiwawe ae nei ka palekana ana o kela wahine.
Eia ka makou ao i ka lahui. Mai puni i keia poe kahuna hoopunipuni, i ka puawa, ka omole gini, ka luu i ka wai a pela aku. Aole loa he mai malalo iho o ka la i lapaau ia no kona palekana, e hooluu iloko o ka wai, he mea ia e kala ia ai o na hala a me na hewa. O ka laau, oia wale no ka mea nui, a nana mai ka oluolu a me ka palekana o ka mea i loohia e kekahi ano mai. O na aumakua, he mea kamailio wale no ia a me ke kuhihewa nui. Hookahi no kokua ma ka lani, a nona mai ke ola; a o ka laau oia ke mea e oluolu ai o ke kanaka.
HE LETA MAI NA AINA E MAI.
Ua loaa mai kekahi leta ia makou, mai kekahi makamaka e noho ana ma na aina e i kona hoaloha ma Honolulu nei, a oia keia malalo iho:
Nu Ioka, Jan. 24, 1888.
E kuu hoaloha—
Mahope koke iho o ko makou hoi ana mai Bosetona mai, o ko`u manao mua e kau wahi leta aku nau, aka, o ka nui o ka makou mau wahi e hele ai i ka makaikai, pela ka nui o ko makou ike i keia aina kamahao, a he mea hiki ole i kekahi ke hoo maopopo iho i ka nee awiwi ana o ka manawa, mai kahi pule a komo i kahi mahina, ua poina a hala ka manawa kupono e kau wahi leta aku ai nau.
He nui ka`u mau hale i hele makaikai ai, a o ka oi aku no nae, oia na halepule o Nu Ioka nei, he hiki ke noho ia e na poe he elua a ekolu paha tausani. I kuu wa i Bosetona, ua hele au i ka halepule o Dr. Brooks i kekahi la Sabati, a he mea e ko`u pahaohao i ka nui o na poe e noho ana iloko o ke anaina haipule me ka maluhia.
Mahope ike mai o ka la Karisimaka, ua hoomaka mai la ke ano anu o Nu Ioka nei, a ua olelo mai na kamaaina o ko lakou manawa anu no keia. O ka Poakahi, oia keia la a`u e kakau nei, ua nui loa ke anu me ka hau e uhi pu ana i ka aina holookoo, a he keokeo wale no kau e ike aku ma na wahi a pau, a ua hoopoka ae ka nupepa Evening Post o ka la anu hookahi keia i ikeia he 15 degere malalo o ke anu kaumaha mau o ke ea.
He nui ke aloha i ka poe makilo e moe ana iloko o ka welu ma kapa alanui, na kane, na wahine a me na keiki O kekahi poe o lakou e hele ana ma na alanui a haule iho la iloko o ke kowa hau a ha loa, a o kekkahi poe no na make, ua hoihoi ia i na home, a i ole i ka halemai. He nui ko`u hoomanao ia kakou ma Hawaii, aole i loaa ia kakou ia mau haawina o ka makilo no ka ilihune. E haawi aku oe i ko`u aloha i na hoahanau o Kawaiahao, me ka hai pu ana aku, o na poe waiwai ma keia aina, ua waiwai loa lakou; a o na poe ilihune, ua makilo lakou me ka ilihune haalele loa, a ko lakou kanaaho wale no, o ka loaa aku o na kokua mai na hoakanaka i kukulu i na ahahui no na hana aloha a manawalea.
Ua hele makaikai au i na halepai kii a me na hale hoikeike, a he nui na mea nani a`u i ike ai maloko oia mau wahi Aia maloko o kekahi haleole nui, ua hele aku au e nana i ke kii pena o Iesu, nona ke kiekie he 25 + 22, he ku i ka eehia ke nana aku i ko`u heluhelu pinepine ana i ka Baibala no ko kakou Hoola o ke ao nei. Ua hoike mai kona mau helehelena i ka ehaeha o kona make ana; ma kona maka a ma kona kino me ka moakaka, he mea hiki ole ia`u ke uumi iho i ka waimaka no kona nana mai me he mea kino ola la, e hoike mai ana i ka nui o kona ehaeha, a me he mea la, e noi mai ana e haawi aku i kokua.
Ua halawai au me Limaikaika wahine i ka la mamua ae o ko makou haalele ana ia Bosetona. Oia me kona ohana, a he nui wale aku o kekahi poe no o kakou o Honolulu. Ua holo aku lakou maluna o ke kaaahi no Kapalakiko.
O ka holo hau oia ka lealea nui iloko o keia kulanakauhale, a he eono tausani kanaka i kela a me keia la maloko o Central Park. I ka Poaha nei, oia ka la oi loa aku o ka piha ma kahi o ke kanaha tausani o na poe holohau, a ua hele pu aku au me lakou nei e nana, a ua holo hau no nae au.
AWAIAULU IA.
Ma ka po Poakahi iho nei, Feberuari 20, ma ka home noho o Mr. August Drier, ma Ululani, Kulaokahuaa, ua hoohui ia o Mr. John Markham a me Miss Anna Dreier ma ka berita maemae o ka mare, na ka Bihopa o Olba i hipuu ia laua a paa a lilo i hookahi, “Hookahi puuwai, hookahi pana ana.” He nui na maka maka a me na hoaloha i hoea ae ma laila e ike ai ia laua, a ua pahola ia mai imua o lakou na hookipa pumehana a me na hoolauna oluolu ana.
Mahope koke iho o ka mare ia ana, ua lulumi aku la na hoaloha e haawi i ko lakou mau hoomaikai ana no na opio i hipuu ia, a mawaena o ia poe ka Hon. A.S. Cleghorn a me Mr. a me Mrs. Boardman, na poo o ka Oihana Dute o ke Aupuni, a me na kakauolelo opio o loko o ia keena, Mr. F.A. Schaefer, ke kanikela o Italia, Mr. Nakayama, ke kanikela Iapana, a me kekahi poe maka hanohano e ae o keia kulanakauhale.
Pau ae la ka ike ana kono ia mai la na mea a pau i akoakoa ae e hele i ka papaaina—ua ai a ua lawa, ua inu a kena, a koe okoa aku na mea maikai i pahola ia mai e ka lokomaikai o Mrr. Reier, ka makuakane o ka ui nohea opio i mare ia iho la Malaila pu ae o Mr. Berger a me kana mau keiki puhi ohe kahi i hoohonehone ai me ka la kou mau mea kani, a ua malama ia he aha hulahula mahope iho o ka paina ana.
I ke ahiahi Poallua nei ke ee ana aku o na mea i mare ia maluna o ka mokuahi Mikahala a holo aku la no Kauai e hoohala ai no kekahi mau pule, a ke puana ae nei makou e hahai ia ko laua alahele ma keia mua aku me na hauoli a me na pomaikai he nui.
NA AUMOKU KAUA O KA PA KIPIKA.
O Adimarala Henage, ka Alibikaua nana e alakai nei na aumoku kaua Beritania ma ka moana Pakipika, ma kana hoike i ke keena kaua a Enelani, ua hai aku oia no ka nawaliwali maoli no o na aumoku Pelekane e malama a kiai nei ma ka moana Pakipika. Ua hooholoka man kaua e hoomahuahua aku i ka nui o na aumoku kaua malalo o ke alakai ana a ua Adimarala la, no ka malama a me ka hoopakele ana i na waiwi Pelekane a pau, e lawe ia ana mai kahi wahi aku a i kahi wahi okoa aku.
Ua ulu mai keia kauoha ana a me ke noi ana akui i ke Aupuni o Enelani, no ka powa a hao wale ia ana o na waiwai o na moku Canada e kekahi moku kaua Anerika Corwin i ka makahiki i hala ma na kai o Otowa. Ua olelo ae ua Adimarala wiwo ole la, ina oia iloko o kela mau kai i ka wa a kela mokukaa Amerika i hao wale ai i ka waiwai o kela mau moku, ina ua hoike koke aku oia i ke kaulike o na me kaua o Beritania ma ka waha o ka pukuniahi, ina e hapai hou ia kela hana hao wale ma ka aoao o Amerika.
KELA ME KEIA.
I ka Poalua nei i hoopanoe ia ai ke Kau Kiure Kuikawa o Ianuari.
Iaehinei i holo pukaka ae ai ka lio o ka loio Makuna a pakele mai poino loa ke kaa.
He eke leta ko `keia la ma ka moku kalepa J.D. Spreckels e holo aku ana no Kapalikiko.
I ke ahiahi Poahaa nei, i huli hoi aku ai o Hon. F. H. Hayselden me kona ohana no Lanai.
K hooholomua nei ke aupuni i ke kukulu ana i na uwapo loihi ma ka uwapo o Kinau.
Ua waiho aku o M. Colbern i ka hana Kokua Lana Paahao Nui o Kawa no kekahi mea okoa ae.
E nana ae e na hoa o ka puali Leleiohoku Guards i ka hoolaha a ko oukou Kakauolelo.
Maikai ke puhi ohe a ka Bana i keia mau po mahina iho nei, a lehulehu na makaikai i akoakoa ae ma Ema Kuea a ine Tamaki Kuea.
I kekahi mau la o keia pule iho nei, ua haki iho ke kue o kahi kaamahu lawe pohaku o ke aupuni, a eia ke hana hou ia nei.
He mau la wale mai no keia o ka mokukaua Amerika Adamu mai Samoa mai. O ka mokukaua Omaha hoi, mai Panama mai.
He mau la lele uwati iho nei keia o na luina manuwa, a eia lakou ma na alanui o ke kulanakauhale nei kahi e maaloalo nei.
I keia Poalua ae e ku mai ai ka mokuahi lawe leta Belgic mai Kapalakiko mai, a e lawe aku ana oia i kekahi poe ohua Pake me Iapana no Iokahama me Honokaona mai keia awa aku.
Ma ka moku Winkelman inehinei, ua hiki mai na ukana i lawe loa ia ai e ka mokuahi Kulanakauhale o Nu Ioka no keia awa. Maluna o ia moku na mea lea`ea Konohi o na Pake i lawe loa ia ai.
Ua haule he kihei uhi kaa i ke kakahiaka Sabati nei ma ke Alanui Moi E oluolu hoi ka mea e loaa ana e hoihoi ae i ke Keena o ke ‘KUOKOA’ a e loaa no he wahi makana kupono.
Moloko o ka luakini ma keanae, ma Maui, Feb. 12, 1888, ua hoohui ia ma ka berita o ka mare o Aiona k. me Wainee Poai w, e ka Rev. S. kamakahiki. He papaaina i laluu i na mea ai kai panee ia mai mahope o ka mare ia ana ma kahi o Napihaa. He nui ka poe i akoakoa ae.
Ma ke ahiahi Poalina iho nei ma Kapalama, Feb. 17, ua hoohuiia i hookahi puuwai e ka Rev. J. Waiamau o J. Kukailan o ke awaawa olu o Pauoa me Lilia Puunui. Ma ke ahiahi Poaono ae i haawi mai ai na paa mare he papa aina i luluu i na mea ai, a ua ai a lawa, ua mu a kena.
LEO I NA KULA SABATI
I na Kula Sabati o na Kohala, oia o Kohala Akau, Kohala Komohana, me Kohala Hema, Aloha oukou.
Elike me na rula, ma kahi e noho ai o ka ahanui, e malama ia no ka hoike Kula Sabati.
Pela oukou e na Kula Sabati i hoike ia ae la maluna.
Me ka mahalo. W.A. MIO.
Feberuari, 15, 1888.
W.M. KIPIKONA
I ke sabati i hala, ua malama ia ka huakai hoolewa hope loa o ka mea make W.M. Kipikona, mai kona wahi noho ae a ka halepule Katolika Roma. Ua malama ia ke anaina pule e ka Bihopa o Ola, a ua ku i ka eehia a me ke kaumaha na lawelawe ana i ke kanaka i kaulana iloko o ko kakou mau moolelo hooponopono Aupuni, iloko nei o ka aina a hala loa aku iwaho.
I ka pau ana o ka pule, ua buki ia e na kanaka ke kaakupapau he aneane elua haneri ka nui a hiki i ka ilina o Koula, waihoia aku la kona kino malaila no ka manawa a hiki i ka wa e makaukau ai ka hale e hana ia aku ana ma Ilanai, alaila, hoihoi ia aku ilaila.
KA MAKANA A CLEAVELAND I KA POPE.
O ka makana a Peresidena Cleaveland i ka Pope Leo XIII ua waihoia aku iaia ma ke keena alii o ka Vaticona mai ka elele Amerika aku, ka Akibihoba Ryan o Piladelepia, a o ua makana la, oia ke Kkumukanawai o Amerika Huipuia. Me keia mau olelo i pane aku ai ka Elele:
E ka makua hemolele, me ka hanohano a me ka hauoli makou i wae ai i keia makana na kou kiekie, he hoike no ka manao aloha a me ka haoli kiekie o ka Mea Mahaloia, ka Peresidena o na Mokuaina Hui o Amerika, maluna o ka Iubile laahia o kou komo mua ana iloko o ka oihana laa e ka mea kiekie. He panai i kou kiekie mai ka mea e noho hoomalu ana maluna o 60,000,000 kanaka kuokoa, he kanaka i koho pono ia e lakou, i ake e hookaulike i ke kahua o ka manao kiekie me kona hilinai nui i ka naauao o ke Aka. He mea hoi i loaa ka malamalama a me ke kaulike o ka hoopau ana aku i na oihana ano nui a pau e hoopuni ana maluna ona. He mea hoomalu kiekie oia i hilinai ia e na kanaka, ka mea i kuahana akea i kona manao, o ka nohona Karistiano ka mea nana e hoolawa ke kahua paa o ka noho ana malamalama a me ka lokahi pu, e hoike ana i ko ke ao nei he hookahi puana o ka lokahi.
“O ia hoohui ana, e ka mea kiekie, ua like me na manawalea i loaa ia oe mai na Moi mai o ka honua nei, pela keia makana mai ia lahui kuokoa i hui pu ia ma o ka Peresidena la. He poe Kaaristiano lakou, he hoopono a me ka wiwo ole, a pelu pu no me keia mua aku e like me ka moolelo i haia o ia lahui kanaka nui.
“Ma ia Repubalika o Amerika, ua ae kaokoa ia ka hoonana Katolika e lawe lawe i kana oihana laa no na kanaka ma o ka hoomalu ana a ke Kumukanawai i kona pono nui, e like me ia i hoikeia ma keia owili pepa ka makana hanohano mai ka Peresidena. Ma Amerika Huipuia, ua kuokoa holookoa ka hoomana Katolika mai na hoomana e ae. O keia kulana kana i nonoi ai. Ke nonoi aku nei makou i kou kiekie e kau mai i kou hoomaikai maluna o ka Repubelika opio i ulu mahuahua ae ma ka panepoo iloko o ke keneturia hookahi; e hoomaikai i ka aina a kou hoa lawelawe o ka oihana laa Columbus i huli ai, a maluna pu hoi o ka Peresidena naauao a me ke akahai o Amerika Huipuia.”
Ao mai la ka Pope i ka owili pepa a makaikai iho la me ke kahaha a me kau hauoli, pane mai la oia i keia mau huaolelo:
“Ua loaa mai ia`u na manawalea mai na wahi a pau o ka honua—mai Italia, Farani, Geremania, Hunegari, Sepania, me Enelani; a o ka makana hookahi mai Amerika Huipuia ka`u e olelo nei, ua hoolawa loa ia au. E like me kou kulana Akibihopa, e hau oli oe iloko o ke kuokoaa. O ia kuokoa i loaa ia kakou, he pomaikai kiekie ia no ka hoolaulaha ana i ka hoomana. A oiai owau ke poo o ia hoomana, ua aie au i ka`u hana, ke aloha me ka hauoli i na aoao a pau o ka hoomana, aka, no Amerika, he aie kuikawa ko`u nona. O ke alakai ia ana o ka lahui he kiekie; o kou aupuni he kuokoa, a no keia mua aku, ua piha me ka manaolana. Ua kono mai kou Peresidena i ko`u mahalo kiekie loa, a oiai keia makana i waihoia mai ia`u ma keia la, he oiaio, ua hoolawa ia au a ua hoonee ia kuu puuwai. Ke haawi nei au me ka manao maikai ma ou la i kou Peresidena a me koou aupuni nui i kok`u mahalo kiekie loa, ke aloha a me ka hauoli, a ke apono nei au i na hoomaikai ana nou, no kou Peresidena a me kou aupuni.”
Ua olelo ae ka Pope i na Elele, e kau pu ana oia i ka makana a ka Peresidena iwaena o na makana a na alii ma kahi hoikeike, a oia no hoi ka makana waiwai hookahi ana i wae ai mai ka nui iho. Ua hoohala ia a aneane he hora ma na kamailio ana me na Elele, a ua hoohauoli nui ia oia no ka makana nui a ka Peresidena. Pae Aina.
HOOLAHA HOU
LELEIOHOKU GUARDS.
Ke kauohaia aku nei na hoa a pau o ka Puali Leleiohoku Guards e hele mai i ka halawai ma ke ahiahi Poaha e hiki mai ana, Maraki 2, 1888, ma ka hale paikau, a ina e hiki ole mai. kekahi, alaila, e oki ia no mai ka puali aku.
Me ka mahalo.
J. MANA
Feb. 24, 1888 2169-1t
KUAI A. KA HOPE LUNA HOOKO WAIWAI.
O ka mea nona ka inoa malalo nei, he Hope Luna Hooko Waiwai o JOACHIM ZABLAN, e kua kudala ia aku ana ma ke kudala akea ma ka rumi kudala o J. F. Morgan, i ka POAKOLU, MAR. 7, 1888 hora 12 awaken, o kela apana aina e waiho la ma Halawa, Kohala Akau, Hawaii, me na hale a me na pono a pau maluna o ka aina. He hale hou loa keia i lako me na lako wai a hale kuke no ekolu wale no makahiki o ke ku ana.
E kuai ia ana na lako a pau maluna o ka aina, mamuli o kekahi moraki 1800 ia J. Wright, a i kope ia hoi ma ka Buke 97, aoao 48-49. Ua hiki no ke ae ia ka mea kuai mai e hooloihi aku i ka manawa o ka oraki, me ke apono ana mai i ka $1,200 e waiho pu ia me ka moraki no na makahiki elua a ekolu paha, a na ua me a kuai la e uku aku ia J. Wright mawaena o ka $2,000 a me ka $1,200. Na ka mea kuai e uku na lilo o ke panihakahaka ana a waiho aku ia J. Wright.
O na kanaka a pau e makmake ana e kuai i keia mau pono, e ninau ae lakou ia Mr Wright, a i ole, i ka mea nona ka inoa malalo iho nei.
W.C. Parke,
Luna Hooko Waiwai o J. Zablan.
Na aina e kuai ia ana: R.P. 5449 no Nakiaha: E hoomaka ana ma ka pohaku i hoailona ia + e pili ana i ko S. Molale ma ka iwi o ka loi liilii a holo aku AK. 18 o Hik. 4 kaul, a i ka pohaku nui i hoailona ia + oia ko Naukana pohaku, he 87 o Hik. 9.70 kaul. Ma ko Naukana a i ka pohaku i hoailona ia + alaila he 11 o Kom. I ko S. Molale pohaku i hoailona ia + 4.44 kaul. Malaila ku i kahi i hoomaka ai, Ili, e ka, 7 kau. 2169-2t
AHA Hookolokolo Kaapuni Apana Elua o Ko Hawaii Pae Aina. Ma ka hooponopono Waiwai. Ma ka hana o ka waiwai o C.K. Kakani, no Hana, Maui i make.
Ma ka heluhelu a me ka waiho ana mai o ka Palapala Noi a me ka Papa Hoike a M.H. Reuter Lunaponopono o ka waiwai o C.K. Kakani, no Hana, Maui, i make, e noi ana e aponoia na hoolilo he $____ a e hoike ana o na mea i loaa mai iaia he $___, a e noi ana e nana a apono ia kela mau mea; a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kanoha ia o ka POAHA, ka la 22 o MARAKI, N.H. 1888, ma ka hora 10 kakahiaka, imua o ua Lunakanawai la, ma ke keena ma ka hale hookolokolo ma Hana, oia kahi a me ka manawa i kohoia no ka hoolohe ana i ua oi la, a me na papa hoike i oleloia, a o ka poe a pau i pili malaila, e hele mai a e hoike i ke kum, ina he kumu io ko lakou, e ae ole ia ai ua hoi la a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ke KUOKOA, he nupepa i pai a hoolahaia ma Honolulu, i ekolu pule mamua ae o ka manawai i olelo ia no ka hoolohe ana.
Kakauia ma Wailuku, Ko Hawaii Pae Aina Feb. M. H. 1888.
GEORGE E RICHARDSON,
Lunakana wai Kaapuni Apana Elua.
2168—3t
MA KE KAUOHA
OLELO HOOLAHA NO KA O LIMA
E ike auanei ma mea a pua, a na makaakau ka Papa Ola e haawi i ka olima ana me ka aku ole i na mea a paa i e ole ia, a ke kauoha ia aku nei na makua a mea paha e paa ana i ke keiki e like me ia i kahikahi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papu Ola ma Kapamoo, ma alanui Hotele, ma na hora hana o ke Kaaka Aupuni i hai ia malalo iho nei:
{Mai ka hora 8
Hora Hana {a “ “ 10
{kbakahiaka
N. B. EMERSON,
Pelekikena o ka Papa Oli j 6-6m
HOOLAHA HOU.
AHA HOOKOLOKOLO KIEKIE O ko a waii Pae Aina. Ma ka hooponopono waiwai. Ma ka hana o ka waiwai o Kailikole(k), o Waikiki, Honolulu, Oahu, i make. Olelo Kauoha e koho ana i ka e hooia ia ai ka palapala kauoha a no ka hoolaha ana.
No ka mea ma ka la 230 Feberuari, 1888, wa ihoia mai imua o ka aha kekahi palapala i ole ko ia oia no ke kauoha hope loa a Kailikole (k) i make aku la; a me ka palapala hoopii e noi ana e hooiaioia kela palapala kauoha a e hoopuku ia hoi ka palapala luna hooko ia Nahora Hipo, ua waihoia mai e Nabera Hipa i oleloia.
Nolaila, ua kauohaia o ka POAKAHI, oia ka la 19 a MAKAKI, 1888, ma ka hora 10 o kakahiaka, ma ka rumi hookolokolo o ia aha, ma Aliiolani hale, Honolulu, oia ka la me ka hora e hooiaio ia ai ia palapala kauoha a e hooleia ai hoi ia noi ana mai, a me na poe a pau i pili, e kue ana ia palapala kauoha, a me ka hoopuka ana i ka palapala luna hooko.
A ua kauoha hou ia, e hoolahaia ia mea no na pule ekolu iloko o ke KUOKOA, he nupepa i pai ia a i hoolaha ia ma Honolulu.
Kakauia ma Honolulu, Feberuari 23, 1888,
Na ka Aha:
HENRY SMITH,
2169-3t Hope Kakauolelo.
AHA HOOKOLOKOLO KIEKIE O KO Hawaii Pae Aina. Ma ka hooponopono waiwai. Ma ka hana o ka Waiwai o Kaae (w), o Honolulu i make kauoha ole.
Ma ka waihoia ana mai o ka palapala noi a Kanakanui o Honolulu, e hoike ana ua make kauoha ole o Kaae ma Honolulu, ma ka malama o Dekemba 1886, a e noi ana e hoopuka ia ka palapala hookohu lunahooponopono waiwai ia Wm. Chas. Achi.
Ua kaohaia o ka POAKAHI, ka la 12 of MARAKI, 1888, ma ka hora 10 kakahiaka, oia ka manawa i konoia no ka hoolohe ana i ua noi la, ma ka Hale Hookolokolo ma Aliiolani Hale, Honolulu, a ma ia manawa a ma ia wahi no e hele mai ai na mea a pau i pili, e hoike i ke kumu ina he kumu oiaio ko lakou e ae ole ia ai ua noi la. A e hoolhaaia ia mea ma ka olelo Hawaii. I ekolu kmanawa maloko o ke KUOKOA, he nupepa puka hebedoma ma Honolulu.
Kakauia ma Honolulu, Feberuari 21, 1888.
Na ka Aha:
HENRY SMITH
2169-3t Hope Kakauolelo.
AHA Hookolokolo Kiekie o Ko Hawaii Pae Aina. Ma ka hooponopono Waiwai. Ma ka hana o ka waiwai o Mii (k) o Hakipuu, Koolaupoko, Oahu, i make. Olelo kauoha e koho ana i la e hooiaia ai ka palpala kauoha a no ka hoolaha ana.
No ka mea ma ka la 20 of Feberuari 1888, waihoia mai imua o ka aha kekahi palapala i oleloia, oia no ke kauoha hope loa a Mii (k) i make aku la; a me ka palapala hoopii e oi ana e hoiaio ia kela palapala kauoha a e hoopuka ia hoi ka palapala luna ho6ko ia Kiha (w) ua waihoia mai e Kiha (w) i oleloia.
Nolaila, ua kauoha ia o ka POALUA, ka la 13 o MARAKI, 1888, ma ka hora 10 kakahiaka, ma Aliiolani hale Honolulu, oia ka la me ka hora e hoiaio ia ai ia palapala kauoha a e hooleia ai hoi ia noi ana mai, a me na poe a pau i pili e ke ana ia palapala kauoha, a me ka hoopuka ana i ka palapala luna hooko.
A ua kauoha hou ia, e hoolaha ia ia mea no na pule ekolu iloko o ke KUOKOA, he nupepa i pai ia a i hoolahaia ma Honolulu.
Kakauia ma Honolulu, Feberuari 20, 1888.
Na ka Aha:
HENRY SMITH
Hope Kakauolelo.
AHA Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o Kailihaona (d) no Lihue, Kauai, i make. Imua o ka Lunakanawai Kaapuni, ma ke Keena.
No ka mea, ma ka la 9 o Feberuari, M.H. 1888, ua waihoia mai imua o ka aha, kekahi Palapala, i olelo ia, oia no ke kauoha hope loa o Kailihaona (k) i make aku la; a me ka palapala hoopii e noi ana e hooiaioia kela palapala kauoha a e hoopuka ia hoi ka palapala luna hooko no Geo. N. Wilcox ua waihoia mai e Meleana (w) wahine kane make a Kailihaona.
Nolaila, ua kauoha ia o ka POALUA, oia ka la 20 o MARAKI, MH. 1888, ma ka hora 10 a.m. ma ka rumi hookolokolo o ia Aha ma Lihue, ma Kauai, oia ka la me ka hora, e hoiaio ia`i ia palapala kauoha, a e hoolohe hoi no ia noi ana, a me ka poe a pau i pili, e kue ana ia Palapala Kauoha, a me ka hoopuka ana i ka palapala luna hooko.
A ua kauoha hou ia, e hoolaha no ia mea no na pule ekolu iloko o ke ‘KUOKOA” he nupepa i pai ia a i hoolaha ia ma Honolulu.
A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, ma Hawaii nei, e hele mai a e kue i kela palapala kauoha i ka wa i olelo ia.
Kakaauia ma Koloa, Kauai, ko Hawaii Pae Aina, Feberuari 18, 1888.
JACOB HARDY,
Lunakanawai Kaapuni Apana Eha. 2169-3t
OLELO HOOLAHA.
Ke hoike ia aku nei ka lohe i na poe a pau ma keia hoolaha, ua makemake ia na poe mea aina i kuleana i kekahi apana aina a mau apana aina paqha ma Hamohamo, e hele mai a kuka pu me a`u ma ko`u home Molaulani, no ke kleana o ia mau koi ana iloko o ua aina la. Mahope iho o ka hala ana o na mahina ekolu mai keia la, e hoole loa ia no na koi ana mahope aku o ia wa.
LILIUOKALANI,
Kapalama, Feb. 9, 1988 fy 11-4t
OLELO HOOLAHA.
OWAU o ka mea nona ka mea malalo nei, ke hoike nei au i ka lohe i na mea a pau aole e hoaie mai i kuu wahine mare oia o Mrs Kinoulu Kaholoaa, oiai ua haalele mai oia ia` me na keiki me ke kumu ole. Nolaila, ke papa loa aku nei au i na ano kanaka a pau aole e hoaie i kuu wahine mare ma ko`u inoa.
G.W. KAHOLOAA.
Kalihi-waena, Oaahu, Feb. 18, 1888
2168 3t
HOOLAHA HUI.
Ke hoolaha ia aku nei e ka mea nona ka inoa malalo iho nei, ua hoohui ia ma ka inoa hui o SEM CHUNG LUNG CO. e lawelawe i ka Oihana Halekuai Mea Ai, ma Honokaa, Hamakua, Hawaii.
AH GOK ASIN.
Fy 11-21
OLELO HOOLAHA
E IKE na mea a pau ke nana mai i keia, owau o ka mea nona ka ino malalo iho nei, ke haawi aku nei au i ka lohe i na mea a pau e hoaie mai ana i kuu kane mare, William A. Powell, aole loa e kuleana kekahi hoaie ana iaia ma ko`u waiwai.
MRS. P. ULIA POWELL
Honollu, Dek. 30, 1887 [2161 3m]
HOOLAHA HOU
HOOLAHA HOOKO MORAKI ME KE KUAI.
MAMULI O KEKAHI MANA KUAI i hoike ia maloko o kekahi Palapala Moraki i hanaia mawaena o Manu (w) a me kama kane mare o Keoaipoe o Hilo, Mokupuni o Hawaii o ka aoao mua, a me w.H. Holmes, o ia wahi no, no ka aoao elua, ma ka la 19 o Mei A.D. 1886, i kaku kope ia ma ke keena Kakau Kope o ke Aupuni, ma ka Buke 100 aoao 191 a me 192, a mamuli o ka uhai ia ana o na kumu aelike o keia moraki, no ka uku ole ia ana o na dala kumupaa a me na dala ukupanee i ka wa i olelo ia, nolaila, ke hoolaha ia aku nei e ka mea nona ka aoao elua o ua moraki nei, e hooko ana ia ia mana kuai, a mai ia hooko ana e kudala akea ana ia i kela aina i hoike ia ma ia moraki, e like me na h@kaka ana iho, ma ka la 17 or MARAKI, A.D. 1888, ma ka Puka o ka Hale hookolokolo, ma Hilo Kaona ma ka hora 12 o ia la. No na mea e makemake ana e nina, e ninau ia D.H. Hitchcock, ka Loio o ka Aoao Elua ma kona keena ma Hilo.
W. H. HOLMES.
Hilo, Feberari 7, 1888.
O ka aina e kuai ia ana oia kela aina a Keooipoe a me Manu nona na Eka 7-10 e waiho nei ma Puueo, Hilo, Hawaii, me na hale e ku ana maluna. 2168 3t
HOOLAHA HOOKO MORAKI ME KE KUAI.
MAMULI o ke kekahi mana kuai i hoike ia maloko o kekahi palapala moraki i hana ia mawaena o Kalaaukahi o ka aoaoa mua a me J.R. Holt Jr. o ka aoao elua, ma ka la 5 o Sepatemaba, 1888, i kakau kope ia ma ka buke 97 aoao 214, a mamuli o ka uhai ia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kdala akea ana ia i ka aina i hoike ia ma ia moraki, ma ka POA KAHI, la 5 o MARAKI, 1888, ma ke keena kudala o J.F. Morgan, ma Honollulu, ma ka hora 12 o oia la.
Aia ma kahi a W.R. Kakela na olelo hoa kaka no keia mea.
Hanaia i keia la 2 o Feberuari, 1888.
JAS. H. HOLT JR,
Ia A.J. Cartwright.
Penei na aina e kudala ia ana:
1-11 3-10 eka a Ninale Sila Nui 7677 ia Kapuuhonua.
2-54-10 eka malaila no Sila Nui 1375 ia Hoolele. fy 4-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hana ia mawaena o I.K. Solomona o ka aoaoa mua, a me Mrs. Elizabeth Beckwith o ka aoao elua, ma ka la 4 of mei, 1885, i kakau kope ia ma ka buke 93 aoao 227, a mamuli o ka uhaiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari 1888.
Penei na aina e kudala ia ana:
Aia ma Kalihi Oahu.
1. 1-1 51-100 eka aina kalo momona he hapa o ka Sila nui 3289 ia Kumano.
2-1 16-100 eka apana i o ka Sila Nui 1497 ia ae aina kalo. fy 4-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hana ia mawaena o Jos. Paa, o ka aoao mua, a me Jno. . Blaisdell Jr, o kaaoao elua, ma ka la 31 o Maraki, 1883, i kakau kOpe ia ma ka buke 7 aoaoa 496, a mamuli o ka uhaiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, c kudala akea ana ia i ka aina i hoike ia ma ia moraki, ma ka POAKAHI, la 5 of MARAKI, 1888, ma ke kee na kudala o J. F. Mogan, ma Honolulu, ma ka hora 1 o iala.
Aia ma kahi o W.R Kakela na olelo hoakaka no keia mea.
Hanaia i keia la 2 o Feberuari, 1888.
JNO L. BLAISDELL JR,
Penei na aina e kudala ia ana:
He 10 eka ma Kohala, he hapa loi o ka aina o Uwai a Sila Nui 10908, a me eka o ka aina o Apiki, Sila Nui helu 780, he hapa keia i mahele ole ia. f7 4-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hanaia mawaena o Kalai & Kane o ka aoao mua, a me S.I. Shan o ka aoao elua, ma ka la 9 o Iune 1882, i kakau kope ia ma ka buke 79 aoao 59, a mamuli o ka haiia ana o na kumu aelike o kela moraki, nolaila ke hoolaha ia aku nei e ka mea nona ka aoao elua o ua moraki nei, e hooko ana oia @a mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 1 o Feberuari, 1888.
S.I. SHAN
O ka aoao elua.
Penei na aina e kudala ia ana:
1 eka me 4 11-100 kaulahao aina momona, ma Kalihi, Oahu, oia ka apana 1 me ½ apana 3 Sila Nui helu 150. fy 4-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hanaia mawaena o Kahae w., a me Pahio kana kane o ka aoao mua, a me W.W. Hall o ka aoao elua, ma ka la 6 o Iune 1883, i kakau kope ia ma ka buke 82 aoao 194, a mamuli o ka hai ia ana o na kumu aelike o kela moraki, nolaila, ke hoolaha ia aku noi e ka mea nona ka aoao elua o ua moraki nei, e hooko ana oia ia mana kuai, a ma ia hooako ana e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888.
W.W. HALL,
Malama Waiwai.
Penei na aina e kudala ia ana:
He apana aina 13-25 eka i na Kaanapali, Maui, koke i Lahaina, aia ma ka Sila Nui helu 4587, ma ka inoa o Apolo. fy 4-4t
HOOLAHA LUNA HOOKO WAIWAI
Ua koho ia na mea nona na inoa malalo iho nei, i mau Luna Hooko no ka waiwai o Dr. J.W. Smith,, o Koloa i make. Nolaila ke hoolaha ia aku nei ma ke akea, no na poe a pau he mau koi ka lakou ia Dr. J.W. Smith, e hoike koke mai i na mea nona na inoa malalo iho nei, iloko o ka manawa he ono mahina mai keia la aku o ka hoolaha, ina aole e hoole loaa ia no ia mau koi mahope aku o ia manawa.
W.K. SMITH,
Luna Hooka Kauoha (w),
J.K. SMITH,
Luna Hooko Kauoha.
Koloa, Jan. 1888 fy 11-3t
HOOLAHA HOU
Aha Kaapune Apana Elua o ko Hawaii Ko Hawaii Pae Aina Ma ka hooponopono waiwai. Ma ka hana o ka waiwai Nauliuli o Kula Maui, i make.
Ma ka heluhelu a me ka waiho ana mai o ka palapala noi a me ka Papa Hoike o S.I. Chillingworth Lunahooponopono o ka waiwai o Nauliuli, no Kuka i make, e noi ana e apono ia na hoolilo he $______, a e hoike ma na mea i loaa mai he $_____, a e hoi an@ e nana a apono ia kela mau mea, a e kauoha@ e mahele i na waiwai e waiho ana ma k@ mai i na mea i kuleana malaila, a e hookuu ana iaia a me kona mau hope mai ko lakou @ ana ma ia ano.
Ua kauohaia, o ka POAHA, ka la S o MORAKI, M. h. 1888, ma ka hora umi o kakahiaka aka, imua o ua Lunakanawai la ma ke Keena, ma ka hale hookolokolo, ma Makawao, oia kahi a me ka manawa i oho ia no ka hope he ana i na noi la, a me na papa hoike i olelo ia, a o ka poe a pau ii pili malaila, e hele ma a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o na waiwai i olelo ia. A o keia kauoha ma ka olelo Hawaii, e pai ia maloko o ke KUOKOA he nupepa i pai a hoolaha ia ma Honolulu ekolu pule mamua ae o ka manawa i olelo, no ka hoolohe ana.
Kakauia ma Wailuku, ko Hawaii Pae Aina i keia la 4 o Feberuari, M.H. 1888.
CEO E. RICHARDSON,
Lunakanawai Kaapuni Apana Elua.
fy 11-3t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hana ia mawaena o Kahele o ka aoao mua, @ me William Dean o ka aoao elua, ma ka la 27 o Okatoba, 1882, i kakau kope ia ma ka buke 77 aoao 2 a mamuli o ka uhaiia ana o na ka mu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kua, @ ma ia hooko ana, e kudala akea ana ia i @ ma i hoike ia ma ia moraki, ma ka POAKAHI la 5 o MARAKI, 1888, ma ke keena kudala o J.F.Morgan, ma Honolulu, ma ka hora 12 o ia la.
Aia ma kahi o W.R. Kakela, na olelo hoakaka no keia mea.
Hanaia i keia la 2 o Feberuari, 1888.
WM. DEAN,
Penei ka aina e kudala ia ana:
He apana aina ma Puunui, Honolulu, o2 ka apana elua o ka Sila Nui 7475 no Kaiw@ he 13 eka a oi.
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hanaia mawaena o E.M. Smithies, o Waiohinu, Kau, o ka aoao elua, ma ka la 20 o Nov. 1883, i kakau kope ia ma ka uke 85 aoao 1563, a mamuli o ka uhai ia ana o na kumu aelike o kela moraki; Nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai a ma ia hooko ana, e kudala akea ana ia i ka aina i hoikeia ma ia oraki, ma ka POAKA HI, la 5 o MARAKI, 1888, ma ka hale hookolokolo o Waiohinu, Kau, e E. Smith, luna kudala, Waihohinu, ma ka hora 12 o ia la.
Aia ma kahi o W.R. Kakela, na olelo hoa kaka no keia mea.
Hanaia i keia la 2 o Feberuari, 1888.
T.C. LOWREY,
Penei ka waiwai e kudala ia ana:
I-He apana aina ma Honuapo, he 6 1 eki kuleana 878, ma ka inoa o Keohokuma.
2-4 10 o ka eka i hoolilo iaia ma ka palapa la kuai o Schaefer hope no J.R. Spencer, e pili ana i ko Martin.
3-1 moe me na noho, pahu a me elua moe palua, 2 pela me 4 noho, 2 papa holoi maka, 2 papakaukau, i like me na olelo o ka morati.
[POO AUPUNI.]
ILOKO O KA AHA HOOKOLOKO Kiekie o ke Aypuni Hawaii:
o Kalakaua, ma ka lokomaikai o ke Aka ko Hawaii Pae Aina, Moi:
I ka Ilamuku o ke Aupuni, a i ole i kona. Hope, me ka mahalo:
Ke kauoha ia aku nei oe e kii aku ia Christopher K. Miller, ka mea i hoopii ia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Ahu Hookoloko Kiekie ma ke kau o Ianuari e ua Aha la e malama ia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 2 o Ianuari e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Minnie E. Miller, ka mea hoopii, e like me ka mea i hoakakaia iloko o kana palapala hoopii i pakuiia.
A e hoihoi mai oe i ka palapala kii me ka hoike piha o kau mau hana no ia mea.
[SILA] Ikea ka Mea Hanohano A.F. JUDD, Lunakanawai Nui o ka makou Aha Hookolokolo Kiekie
Ma Honolulu, i keia la 115 o Novemaha, M.H. 1887.
HENRY SMITH
Kakauolelo.
Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la i keia la e hoolaha ia ia mea, a e hoopanee ia ka hihia a ke kau ae o Aperila e hiki mai ana.
Kakauia ma Honolulu, Ianuari 6, 1888.
WILLIAM FOSTER,
jy 14-6t Rakauolelo.
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Kahalekai o ka aoao mua, a me S.D Dole Kahu Waiwai o ka aoao el@ ma ka i o Mei 1885, i kakau kope ia ma ka buke 96 aoao 252, a mamuli o ka uhai ia ana o na kumu aelike o kela moraki nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI 1888, ma ke keena kudala o J.F.Morgan, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888.
S.B. DOLE, Kahu.
Penei na aina e kudala ia ana:
1-92-100 eka aina kalo momona loa ma Manoa, he hapa o ka Sila Nui 2587 ia Aia.
2-1 98-1100 eka malaila no, he hapa o ka waiwai o Moehonua. fy-4-4t
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi palapala moraki i hana ia mawaena o Daniela k., o ka aoao mua a me Helen S. Norton o ka aoao elua, ma ka la 13 o Ianuar, 1882, i kakau kope ia ma ka buke 70 aoao 436, mamuli o ka uhai ia anaa o na kumu aelike o kela moraki, nolaila, ke hoolahaia aaku nei e ka mea nona ka aoao elua of ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888; ma ke keena kudala o J.F. Morgan ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888.
HELEN S. NORTON.
Penei ka aina e kudalaia ana:
Kela kuleana o Huailua helu 7207, ma Waikele, Ewa, he 2 eka me 8 kaulahao. fy 4-4t