Ka Nupepa Kuokoa, Volume XXVII, Number 11, 17 March 1888 — HE OPUU PUA UA HALA. [ARTICLE]

HE OPUU PUA UA HALA.

E ke Kl'okoa e; Aloka. . Ua oluolu i ka Makua Lar.i, ke kii ana mai a iawe aku no ka home lani malpna ae, i ka ekolu oka maua mau keikikane, a o ka pokii loa hoi iloko o ia ohana, oia o Joseph Nawahi Jr. Ua hanau ia oia ma Home Lani Hilo, Hawaii, ma ka mahina o lune la 24 hora 3 a. m., A. D. a ua make aku la iloko o Maraki 3, hora 6me 40 minute p. m. A. D. 1888 a iloko hoi o ka 2 makahiki 8 malama me 9 la me 15 hora me 40 minule o kona ola ana ma keia ao. He omaimai oia no kekahi mau pule elua a oi aku. A mamua ae o kona make ana, o kana mau hopuna olelo hope loa i pane mai ai ia maua, oia keia. E hoi no au i ka Home Lani. A pela io no, oiai, he mau hora wale no mahope mai o ia hoopuka ana i kela mau huaolelo, ua hoi aku la oja i kela home lani maluna ae kahi o ke ola mau loa. Ua waihoia kona wahi kino ma ka pa ilina home lani, e pili pu ana me ko maua wahi pa. He kulana kona a maua i mahalo nui ai ma na ano a pau loa, i loaa e iaia i kona wa opiopio loa. Ano ia mea, ua nui ke aloha ame na hoomanao ana nona, i ili iho maluna o maua a me ka ohana holookoa a pau. Aka. e like me ka olelo o ka Buke Nui: Nana no i haswi mai, a nana no i lawe aku. O kou makemake ke hana ia. Joseph Nawahi.