Ka Nupepa Kuokoa, Volume XXVII, Number 18, 5 May 1888 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Kela me Keia

 

          He pele pauahi kai kani ae inehinei no ka apana helu @@.

          Ke keia Poalua ae e haalele mai ai ka @@@ okuahi Australia no Kapalakiko.

          E hoomaka ia ana i keia mau la iho, ke ana i ke alahao o ke kulanakauhale nei.

          Ua pau loa ae nei i ka hoomaemaeia ke alanui Nuuanu a hiki i ka huina o Maemae.

          He 63 tini opiuma i loaa aku iluna o ka Australia, me ka maopopo ole o ka ona nona ia mau waiwai.

          I kekahi la o keia pule iho nei ma ka Aha Hoomalu, ua hoopai he ia wahi @@@ no kanaha la no ka aeahaukae.

          I nehinei i ma’amaia ai ka halawai @@@ a na hoa o ka Papa Ola.  Ma ke ke@@@ o ka Papa.

          I keia la paha e puma hou ai ka nu@@epa Paredaiso o ka Pakipika n ka hoouna aku i na aina e.

          Ua ku ae ma ke awa o Kapalakiko ka mokukaua Olelo E Zilveren Kruis, @@ e hlo loa mai ana oia no Honolulu @@@.

          E malama ia ana i keia la he heihei @@@ holo kaa ma Kapiolani Paka, mawaena o na lio Neli me Ivanoho no ka pili he $100.

          Ke ku makaukau nei na makai ina @@ alanui me na kaulaili, no ka  hoea ae o ka eneni (ilio), hei na poo me na wawae iloko o ke kipuka a na police.

          Pouli pu i ka uwahi na aumoku kaua @@ ke awa, i ka wa e kipu aloha ana i ka le@@ i ko lakou ikaika.

          Piha pono ka halawai o ka hui. Lipi@@@Bolu i ke ahiahi Poaono nei, a ua hiki nui ae he mau sela o na mokukaua Beritannia o ke awa i ka halawai.

          Maka Mikahala o ke Sabati i hala, i huli hou mai ai ka Rev. A. Mackintosh, mai kana huakai hooluohi aku nei i ka @nokupuni o lalo.

          Ua hala aku nei ma ke Kinau o ka Poalua nei no Hilo, l Lunakanawai Ma Hale o ka Aha Kiekie, i ke kau Ahaolelo @@na Hilo, Hawaii.

          Ua nahaha mai nei ka mokuahi Sana poblo i hiki pinepine mai ai i keia awa mamua aku nei, ma kekahi wahi mokupuni mawaho mai o Kina.

          I ka wa e kipu ia ana na pu aloha i ka Moi n ka holo i Kona i ka Poaha nei, ua  haule aku kekahi mau Iapana iloko o ke kai mai luna aku o ka moku kaua ao Iapana.

          Ua hoohui ae nei o Kimo Pelekane opio me kekahi poe e ae malalo o ka inoa hui Honolulu Dairy, a e hoolawa aku no i na kauoha waiu a na makama ka ke hoike aku iaia.

          Ua holo hoomaamaa ki topido aku ka mokukaua Beritania Comorana iwaho o ke awa i ka Poakolu, a ua make nui na akule i ka wa i pahu ai o ka pa@@@.

          Ua kaha i aiho nei e M. D. Monsarrat, he kii palapala aina o 10x5 kapuai o ka aina mahiko o Hilea, Kau, a he ku i ka mikioi kana peni o ke kaha ana ia apana hana.

          Ua lohe ia mai  nei ma ka Malulani o ka Poalua nei, ke pii anei ka ikaika o na uluwena ahi o ke aliiwahine o Kilauea.  I keia Poakahi ae e holo aku ai ke Kinau no ke awa o Keauhou.

          He ahaaina awakea ka na wahine o ka hui misionari o kakou i ka Poaha nei, ma kekahi o na rumi o ka halepohaku hou o Makinani.  Ua lohe mai makua ua kokoke e piha ka 200 dala no ka pomaikai o ko lakou ahahui.

          Ma ke ahiahi Poakolu nei, ua haawi ia he anaina hulahula maloko o halealii Iolani no ka hanohano o Kapena Wiseman o ka mokukaua Beritania Caroline a ua lehulehu na poe i hiki ae  ma ia ano lealea o Eurona.

          Ke hoomaka nei na makai o ke ku lanakauhale i ka hopuhopu ina ilio metala ole, a e noh aie nei hoi i ka aupuni no ko lakou mau auhau kino.  He hu ka aka i ka mama o na ilio i ka holo.

          Eia e waena o kakou nei kekahi haole hiki ke heluhelu i ka manao o ke kanaka, o Washington Irving Bihopa kona inoa.  Ma ka Auseteralia oia i hoea mai nei no ka hooluolu a hcomaha ana.

          Ua pau ko W. H. Cummings kuleana hoa hui no ka Hui Palaoa Kalo Hawaii o Wailuku, Maui, a ua lilo aku hoi o Mr. J. D. Holt. Jr., a me A. N. Kepoikai  i mau hoa hui hou me W. H. Daniels.

Ua hiki mai nei he eniginia o Mr. Gribbe ka inoa, ma ka Auseteralia mai nei a e hoomaka aku ana i ke ana ana i na alanui no ka hoomoe ana i ke alahao, ke hiki mai hoi na lako no ke alahao ma ka mokumahu Alameda e ku ma ana i keia la.

He mau ia ku wale mai no keia o ka mokukaua Amerika Trenton, a ke hiki mai oia, e hookau ia aku ana maluna ona ka hae Alihikaua Adimarala Kimale o ka mokukaua Vandalia.

O ka Poalua iho nei ka la e kudala ia ai ka moku Hawaii Kaimiloa imua o ke akea, aka ua hoopane ia aku ia a i ka Poakahi, la 14 o keia mahina.

I ke awakea Poalua i ku mai ai ka mokuahi Australia mai Kapalakiko mai ma 16 la makamaka hou o ka hikina, me ka piha ukana o ohua no keia awa.

Ua hookoku ia o Kauka Kimeblala (Kimball) i Kauka aupuni no ka hale Maawi laau o ka Papa Ola ma Kapamoo, ma kahi o Kauka Wahie i waiho mai, a ma ka Poakolu nei kona hoau mua ana.

Ma ka Australia o ka Poalua nei i hoea mai ai o Kapena R. P. Leary no ka noho pani ana ma kahi o Kapena Kempff o ka mokukaua Adamu, oiai ua hala kona manawa noho ma ka oihana maluna o ia moku, a e huli hoi aku ana oia no Amerika Huipuia.

He 50 ka huina nui o na make o keia kulanakauhale no ka mahina holookoa o Aperila, pela ka hoike a ka agena o ka Papa Ola, oia hoi, he 29 kane a he 21 wahine.  Me keia malalo iho ka mahelehele ana ma na lahui; Hawaii 33: Pake, 8 Pukiki, 3 Amerika 4 kahi mau lahui e ae, 2.

Ua hoolilo ia aku nei o Julius Hoting a me Mr. H. renjes i mau hoa hou no ka hui kalepa o F. A. Schaefer & Co. He mau keonimana i laua i kamaaiana o kakou ma na kulana kupakako.

E nana ae e na makamaka i ka palapala pane a ka Moi i ka ahahui lipine bolu o Hamakua, e lilo oia ka Makua poo o ia ahahui. Ke haawi aku  nei ke KUOKOA i ka mahalo, i ka ulu ana o ia manao maikai i kela ahahui e noi aku i ko kakou Moi, oia kekahi lala o ia hui.

Ma ka Australia mai nei i loaa mai ai ka lono kaumaha ua make hou aku ia keiki a Kapena Kempff, o ka makukaua Amerika Adamu,  nona na makahiki i hiki i ka eiwa a oi aku, ma Kapalakiko mai nei.  O ka elua iho la ia o na keiki i poino a keia haole iloko o ekolu paha mahina a oi aku.

Ua hookohu ia o Kauka J.H. Kimebala, ko Hilo Kauka Aupuni no eono aenei makahiki i hala, i Kauka Aupuni no ke kulanakauhale i ka Poakolu nei, ma kahi o Kauka Wahie i waiho aku. I ke kakahiaka Poaha nei oia i hoomaka ai i ka lawelawe ana i ka oihana ma ka Hale Lapaau o ka Papa Ola, ma Kapamoo.

Ma ka halekula Bihopa ma Niupaipai, ua haule iho kekahi keiki kula ma ka inoa o Alex. May, nona na makahiki he ehiku mai lina iho o kekahi kumu laau a hai ia kona wawae. Na Kauka Berodi i hooponopono kahi o ka eha, a ua palekana oia i kekahi la ae.

I ka awakea Poakahi nei, ma ka luakini o Sana Anaru, ua hoohuna ma ka berita o ka mare o Mr. J. M. Dowsett me Miss W. Wideman, no Honolulu nei, e ka Rev. A. Mackintosh. Us hoopihaia ka halepule e na makamaka a me na hoaloha o na paa mare, me ka hoonani ia o na wahi a pau i ka uliuli o na pua. Mahope iho o ka mae ana, ua malama ia he anaina ike aku ia laua ma kahi noho o na makua o ka wahine. Ua hiki pu ae ka Moi a me ka Hooilina Moi.

 

KINIPOPO

 

Ma ka Poaono i hala ua malama hou ia ke kinipopo mawaena o ka hui Honolulu me ko ka mokukaua Amerika Vandalia, a ua lilo hou  no ke eo o ka la i ko Honolulu mau keiki mikioi i ka apo popo.  He heluna nui o na ma kaikai i hki ae, a na ka Puali Puhi Ohe, hookani mai naleo mele oiai na aoao elua e paani ana. He eha holo oi o ka Honolulu i ka Vandalia.

 

NA ANOAI O KEALIA

 

Ua hooholo ka ekalesia o Kapaa ma o ka aha lunala e ae aku i ke noi a ke kahu e hoomaha oia a e imi i ikaika hou ae nona i ko keia wa.

He oia mau no ka nee malie ana o na hana o keia ekalesia imua –

O ka poe hoomaloka a me ka poe palaka, a me ka poe hoauhee ia lakou iho, aia no ke moe mai la iloko o ka lakou mau hale, peni ka puma hiamoe nana ka pukaihu i ka makani.

He 3 mau ano hoomana maloko o keia ekalesia i keia wa.

Hoolepope, Katolika, Maoremona.

He hale wiliko hou ma Kealia iloko o ka hui o Make & Co.

He wii ano hou loa aole i loaa mamua, aole i hoao ia ma na mahiko e ae.

I ke keiki lalawai wale no o Kealia, Col. Z. S. Spalding, aia no oia ma kona hale kakela kahi i luakaha ai.

He maikai a he makalapua ke ola o ke alii Geo H. Dole a me kona ohana.  He 11 a laua mau keiki, aole laua i lu ka iho eia no ka la iluna.

He maikai a he mohaha ka ohana keiki a ka Rev. J. M. Kealoha a me kana lede. Oia no ka maa nawaliwali ma ke kino.

 

Nuhou o na Aina E.

 

Berelina, apt. 9. – Ua hai ia ae kekahi lono iloko o keia la, ua waiho aku o Bisimaka i kona mou manao kue no ka mare ana o ke keikialii Alekanedero me ka kaikamahine alii Vitoria o Geremania, mahope i kahi a ka Emepera Faredarika i wehewehe mai ai no ke ku pono o keia hoohui ana.  Ua ae aku nei ua kilokilo la o Europa, a i ka mahina ae nei o Iune e hoohui ia ai na keikialii.

Ua olelo ia ae i ka wa i make aku la o ka Emepera Uilama, ua waiho iho oia he puu dala mahuahua no ka haawi i kanakolu dala (marks) Geremania i na koa ilihuna a pau a i hoeha ia paha i kela kaua o Geremania me Farani i ka makahiki 1870.

E hiki aku ana i ka pule elua a ekolu paha o aperila, ka Moiwahine Vitoria o Enelani i Berelina, a ua makaukau na hoohanohano no ka apo ana aku iaia me na hoohiwahiwa.

O ka po mua loa a ka puukani leo mele lea Patti i haawi ai make kulana kauhale o Buenos Ayres, ua ohi ia na dala he 21,000 mana palapala komo. He hoike ana i ke ohohia nui o  na kanaka no kona kaulana ma ka himeni.

Aperila, 22 – Ua hoea aku ka Moiwa hine o Enelani ma Berelina, a ua lokahi na nupepa ma ke apo a hookipa ana aku iaia, me ka hoike nui ae i ka minamina no kona hoea ana aku iloko o ka manawa o ke kaumaha o ka lahui. Ua hoike ae o Bistmaka i kona manao e haawi ia na hookipa hanohano ana i ka Moiwahine, ua lilo ia i mea nui i na nupepa a pau o ia aupuni. Ua maopopo laulaha ia no hoi ua hoea aku ka Moiwahine no ka ike ana i kana hunona imiperiala, a e haawi aku hoi i kana kaikamahine i na kakoo ana o kona mau manao aloha a hoolanalana.

Aole i maopopo loa ka holopono o ka hoohui ana ma ka mare i ke kaikamahine alii Vitoria me ke keiki alii Alikanedero.

I ka make ana mai  nei o ke Suletana o Zanziba, ua waiho oia i kana mau poe wahine he 27, me na keiki he 232.

Ua manao wale ia, e hookau ia aku ana ka Emebasedoa Geremania Kauna Mernester o Parisa, ma kahi o Bisimaka, i kuhikuhi puu one no Geremania.

O Kenela Boulanger, oia ke kalai aupuni noeau loa iloko o Farani i keia mau la, a o kona inoa hookahi oia ka mea kamilio nui ia iloko o na hooponopono pili aupuni ana. Ua ninau ia aku o Kauna Moleke, heaha la kona manao no Boulanger, ua pane aku oia –“He kanaka piha ike, a he noeau i ka hoomaunauna ole i ka huaolelo.”

Ua hooholo mai nei ka Aha Kuhina o Italia, no ka hooki a hoopau loa ana i ka lawelawe ana o na mea kaua iloko o Aferika, a ua hoouna ia aku  na kauoha no ko lakou hoi mai i Italia.

I ka wa e hauoli ana o kekahi mau paa mare i ka piha ana o na makahiki he kanalima, mahope iho o kela ahaaina hoomanao, ua hakaha iho la laua a kiola ia ka wahine iloko o ke ahi e kana kane, a o ua kane la hoi, oki iho la i kona puu i ka pahi a make loa.

Ua haawi aku nei ka Pope Leo i ke kauoha no ka hookiekie loa ana ae i ka papohaku e hoopuni la i kona hale alii ka Vatikana, mamuli o ke kiekie loa o na hale e kukulu ia nei mawaho o kona paalii, a me ka nana pu ia aku o loko o ka pa kahi a ka Pope e hele ai i kana huakai holoholo o ke kakahiaka ke kumu o keia hookiekie hou ana ae i kona pa.

Ua olelo ia ae, ina e oluolu ana ka ami o ka Emepera Feredarika o Geremania, e lawelawe no oia i ke aupuni ma na mea e hooi aku ai i ka holomua a me ka ai pakiko ana o ke aupuni Emepera.

O ka lilo no na halelio me koa o ka Emepera o Rusia, he $1,3000,000 no ka makahiki.

Ke hele makaikai nei ka Moiwahine Vitoria o Enelani iloko o Italia, malalo o ka inoa kapakapa, ke Aliiwahine o Balemorala.

He 180,000 hale inu rama ma Enelani a puni, a he 20,000 o ia mau hale inu rama ma ke kulanakauhale o Ladana.

He kanalima miliona dala ka waiwai io i na waiwai i hoopoino ia mai nei e ka wai ma Geremania.

He 500 mile ka loihi o ke alahao i hoomoe ia mai nei ma Iapana, a he 500 mile hou i koe i hana ia aku ana.

I ka wa e ola ana o ka Emepera Uilama o Geremania, ua ike oia i na poo Kalaunu o ke ao me keia ka hoonohonoho ana: 6 Pope, 8 Emepera, 5@ Moi, 6 Suletana me 21 Peresidena.

 

He aoa ka hana hui a na ilio iloko o Kuapapanui i keia manawa, hakaka aku hakaka moi, nanahu aku, manahu mai, a he uwo hoi ka kekahi mau ihio, ku ke pai hana ka haawe i kau a mea o ka nui o na ilio mekala ole.

 

HE MOOLELO NO

 

Lonoikamakahiki

 

-ka-

 

Pua Alii Kiekie na Kalani

--

Ke Alii Nui o Hawaii.

 

[ KAKAU IA NO KA NUPEPA KUOKOA]

--

Ua noho wale ia no ka hoi keia aina a puni.

Mai ka wa kamalii mai a hiki i ka elemakule ana.

A oia keia a kaua e hoi pu nei he alo a he alo.

I mai la o Kapaihilani iaia nei, aohe kanaka o na kaha e like me oe ua makaikai ia e a’u a puni keia aina o Kauai nei.

Aole no hoi he kanaka o na pali Koolau e like me oe, he maka malihili oe i ka’u ike e hoomaopopo aku nei i keia manawa.

O kou mea paha e ike ole ai, i kahi wahi wa hele au me ko’u mau makua a noho ma ka aoao ma Puna.

I ka wa paha i hiki ai i na kaha a i ole ma na pali, ua hala au ma kahi i hoike mau ia aku la ia oe.

Aole no pela, aohe wahi i koe o keia aina i ka hele mau ia e kou hoa nei, a no na manawa lehulehu aole wau i ike ia oe.

I hou aku la o Lonoikamakahiki, i ko’u noho no paha i kauhale.

Hokahi no paha ua kuaaina o ka hale wale no kahi e noho ai a po ae ana ka la.

He mau hana epa wale no keia a ke alii i kona hoa kanaka.

I mai la kela:

Aole paha oe no Kauai nei, a mahea oe ie hele mai nei a hiki i ko kaua hui ana i keia wa.

E hewa auanei hoi oe ke hoike pololei mai i kou wahi i hele mai nei, a loaa iho nei au ia oe i anei.

Ae, he mea maikai ia, mai ke kai mai nei au o ka’u huaka i holo mai nei a hui iho la kaua.

He mea oiaio loa kau e kamailio mai nei ia’u

He keu oe o ke kanaka kino puipui, he helehelena hanohano, me na nanaina o ke kanaka ui, a he mau ouli o ke kanaka koa a ikaika hoi.

Ua nohoalii ia e ka haakeo me ka waipahe.

He kulana o ke kilakila.

He mau hiohiona o ke alii nuimai ka po mai.

He hewa anei wau ke koho aku i kou kulana, ma ko’u manao e halialia e wale mai nei no ia’u i keia wa a kaua e kamailio nei.

Me he pua alii kiekie la oe mai ka po mai.

He ha’o ke kanaka e like me kou ano, aohe e nalo ke kanaka i puma maloko mai o ka lalani alii.

He hoike e mai no ke kahoaka a me ka ouli o ia lalani.

E like me ka’u e ike nei ia oe i “keia manawa.

Ina nae oe e hoike pono mai ana ia’u i kou aina hanau, a i ole i kou mau kupuna, alaila ua hiki ia’u ke huli aku i kou lalani, a e loaa pono no auanei ia’u ke hookolo aku.

No kau i hoike mau mai nei ia’u no Kauai nei oe, ke hoole aku nei au ia oe, ua ike pono loa  no au i na wahi kanaka o Kauai nei, aole lakou i helu ia imua o kou hanohano.

A o hea la kou aina hanau, a pehia la oe i hele mai mei a haalele i kou mau makua?

Ae, he mea oiaio kau e ko’u hoaloha a kamaaina lokomaikai hoi e kamailio mai nei.

E hai aku au i  kau mau ninau, i mea hoi e nui ole ai ka kaua hana.

O Hawaii ko’u one hanau, a o ko’u mau kupuna ua make e lakou.

O ko’u mau makua, ua make no lakou, aka, i ko lakou make ana, ua nui no wau ia wa, ua moa ka’u imu liilii ke ho-a.

Nolaila, ua maopopo no ko lakou ano ia’u aole nae hoi lakou i olelo mai ia’u e, he pili lakou i ka lalani alii o Hawaii nei.

Oia la i lohe oe e kuu makamaka maikai, e oluolu oe e lawe aku i ka’u mau mea e hoike aku nei ia oe.

E kala mai oe i ko’u mau hemahema ina ua like a like ole paha me kou makemake.

Ia manawa i olelo aku ai o Kapaihilani.

Heaha auanei ka’u mea e hoahewa aku ai i kau mau hoike e pili ana i kou mau kupuna a makua hoi.

O oe no ka i ike i kou mau pili mai mai na kupune mai hoi.

Aohe a’u mea a hoahewa aku ai, he mahalo wale aku no ko’u i kou ahonui i ka hoike ana mai  nei.

A eia ka’u ninau i koe a o ka pau no ia.

Owai la kou inoa, i hiki hoi ia’i ke kahea aku i kou inoa, a i hiki hoi ia oe ke o mai.

 

                   (Aole i pau.)

 

 

HE PEPEHI KANAKA MANAONAO MA AUSETURIA – KA IKE A KA MAKAI KIU @@@@@@@

-

 

Kahea koke ia ae la ka Aha Koronero e noho ninaninau no ke kumu o ka make ana o Guga, a ua maopopo lea i pepehi maoli ia ke kumu o ka make ana, a me he la ua hikiwawe loa kona make ana, oiai ma kekahi rumi okoa aku e pili koke mai ana kekahi kaikamahine opiopio kahi i hana ai a po ia la me ka lohe ole i kekahi hamumu a i ole nakeke paha o hoike mai ana he hakaka ko loko o ua rumi  nei i loaa aku la ke kino make, a me he la ma ka nana aku, ua hoolala mua ia ke ano o kona pepehi ia ana.

“aohe a’u mea e ae e kuhi aku ai ka mea nana i hana i keia karaima o ke kanaka kalepa wale no , oia o Alfonso Mendoza, ka mea nana i hoolimalima ua rumi nei i loaa aku la ka mea i make.

“O  keia rumi i loaa aku la ka mea make, o kekahi ia o na rumi i hoolimalima ia e kekahi lede hanohano nona ka inoa ka lLede Barona Mayer, a no kona lawa ana i na rumi ana i makemake ai ua hoolimalima hou aku ia oia i narumi iho i koe i ka poe e makemake mai ana, a pela iho la i loaa ai keia rumi i ua kanaka kalepa nei.

“Ma ko’u ninau ana i keia lede, hai mai la oia ia’u, ma ka la 6 o Okatoga, ua noi ia mai oia e kekahi keonimana opio no kekahi o ua mau rumi nei, e makemake ana oia e ike. Ma kona hoomaopopo aku he keonimana opio keia ma kahi o ka umikumamaono o na makahiki.  Ua hoike aku oia i ua rumi nei i ke kanaka opio, a no kona makemake ana e lawe me ka uku pu ana mai i ka uku hoolimalima o ka mahina mua, nolaila, ua haawi ia aku la inia ke ki, a ia la hookahi no hoomaka mai la oia e noho ma ua rumi nei.

“I kekahi la ae, kakau aku ia oia i kona inoa maluna o ka buke hoomanao, a ike ia iho la o Alfonso Mendoza kona inoa, he kanaka kalepa, a mai ke kulanakauhale mai oia o Napela. Ia kakahiaka hookahi no ua kamailio pu ua lede nei me ua kanaka kalepa nei, a ua hai aku ua kanaka la iaia i hele mai oia ma Viena no ke kuai ana i na silika o kela a me keia ano, ma ke ano  kuai nui, a aohe ona manao e hoi koke no Napela a hala kekahi wa loihi. Ma ka hoomaopopo aku a ua lede nei, oiai laua e kamailio ana, me he la hoohepa maoli iho no kana olelo ana i ka olelo Geremania, i kumu paha e manao ia ai he kanaka Italia oia.

“I keia wa a’u e kamailio nei me ka lede, hooho ae la ke kaikamahine kauwa a ua lede nei, i ka ike ana aku i kekahi wa-hi leta e waiho mai ana iluna o ka papahele, a i ka hopu ana aku a haawi mai, pane aku la: ‘Auwi, eia la; o ka wa hi keia o ka leta a’u i ike ai e waiho ana iluna o ke pakaukau o ua kanaka  nei; ke hoomaopopo la au ma ke kakau lima, no ka mea, he maikai kakau ia ana.

“nana iho la au i ua wa-hi leta la, a ike iho la au i ka i noa o ua kanaka kalepa nei, ua hoouna iamai iaia mai “Wiener-Neustadt” mai, a oka waiwai o ua leta la maloko he 169 apana dala gulden. Noonoo iho la no au aohe mea okoa nana i hoouna mai keia leta, aka, nana ponoi no, ua kakau oia i keia leta a paa a hele ponoi no oia a “Wiener-Neustadt i ka ia mamua iho e hookomo ai i ua leta nei i ka hale leta, a i hana oia pela i kumu e hele kino aku ai ke kanaka lawe leta e imi a loaa oia ma kahi mehameha, alaila, powa mai oia, no ka mea, ua ike oia he mau leta puu dala nui ka keia kanaka lawe leta e lawe mau ai. Ua holopono kana mau mea a pau i manao ai, a ua loaa iaia ma keia powa ana he $7,600, mak ke dala pepa a dala maoli.

“aole i ike ia kona haalele ana i ua hale nei. Oka olelo a ke kaikamahine kauwa ua  ike oia i ka la mamua iho iloko o kona rumi he elua mau paiki, hookahi pu panapana a me ka loulu, aole nae i ike ia kona hele ana me ka lawe ana i keia mau ukana.

Mamuli o keia mau hoike a pau ua moapopo loa oa Alfonso Mendoza ka mea nana i pepehi o Guga.  Noai paha aole ia o kaona inoa? Wahi a kekahi noonoo o’u, no ka mea, he mea mau mawaena o ka poe hana ia mau ano hano aole o lakou hele ma ko lakou inoa ponoi ke hana ia poe i keia mau mea, a ua manaoio no hoi au pela i ko’u lohe ana mai la mai ka lede barona mai ua hoohepa keia powa i kana olelo a kumu e manao ia aku ai he kanaka oia no ka lahui okou.

“huli akahele ia aku la e a’u na wahi a pau o loko o ua rumi nei, a iloko o kahi waiho ka@@@ loaa aku ia, ia’u he @@@@@@@ ka @@@ ua ma ka ia @@@@@@@ na hua kumu E. F  a o ka @@@@@@@@ ike a @@@ke kuni ua kuai @@ @@ @@@@@@@ he wahi okoa aku keia.  Ninau aku la au i kalede barona i na ua ko maopopo oia i ke kahi mea i noho mua iloko o kela rumi me ka inoa i kulike me ke a mau hua kumu a @@@ mai @@@@@@ i pu @@@@@@@@@ na wahi a puu o @@@ @@@@ hiki iaia ke hooia iho aohe @@@ o loko o kela rumi mamua ae o ka hoolimalima ia ana mai e ke kanaka kalepa. No keia mea, hooholo iho la au aia iloko o keia mau hua kumu e ike ia ai ka inoa io o ua powa nei.

“no ke kanaka e hana ana i  na hana o keia ano me kanmanao e nalo, he hemahema nui loa keia ona, ka waiho ana iho la i keia mau mea mahope. A mamuli o ka loaa ana iho la ia’u o ia mau mea, ua loaa ia’u ke ala maikai e hahai aku ai i ka meheu o kapowa, a mai na nupepa mai hoi kekahi kokua nui mamuli o ka paipai ana i na kanaka e kokua i na makai ma ka hoike ana aku ia lakou i na mea a pau a lakou e ike ana i pili i ua powa nei.

“he mea maa mau ia makou i na makai kiu, a he mea hiki ole  no hoi ia makou ke hoakaka lea aku, oiai makou e lawelawe ana i ka makou oihana, a e laa iho la na hana o keia ano, ka loaa e ana mai o na hoike i kinohi no ke ala e hiki ai ka hoohana ana aku i ka hana, a iloko o keia hana a’u e hana nei ua hoike e ia mai la ia’u o ka papale i loaa iho la oia ka mea kupono e imi mua kau ai i kahi i loaa mai ai, a ke hahai makou i na kuhikuhi o keia ano aole e nele ana ka loaa o ka mea e huli ia ana. Ma ka hoike a ke kuni o ka papale ua ike ia ua kuai ia ma Klagenfurt, a hooholo iho la au o ka’u wahi ia e hele mua aku ai e huli.

“Mamua o ko’u hana ana pela, ninau mua aku la au ma ka hale kaaahi ina ua ike ia kekahi kanaka malaila me na hiohiona a’u i hahai aku la, a hai ia mai la au ua ike ia no, a ma ka hoomaopopo aku a ka mea nana au i hai mai ua puapuahulu loa ua kanaka la i kona hiki ana mai, ua hookomo mai oia i kona poo ma kahi puma aniani uuku, a na noi mai i palapala holo ka ahi e hiki ai iai-i ke holo a Udine, me ka leo hawanawana keia o ka pane ana mai. Us anopahaohao no ka i ke kanaka nana i hai mai ke ano puapuahulu o ua kanaka la a’u e huli nei, aka hoi, o ka hora i no ia ia wa, a aohe wahi mea iki i lohe ia  no ka powa ia manawa, nolaila, aole oia i hoomaopopo hou aku.

“Ua maa ke kanaka malama ukana o ua alahao la i ka ike mau ana i ua kanaka nei, oiai he holo mau oia maluna o na kaa o ia alahao.

                   (aole i pau)

HOOLAHA A KA LUNAHOOPONOPONO WAIWAI

 

Oiai, ua hookuhu, pono la mai ka mea nona ka inau malalo iho i Lunahooponopono no ka waiwai o Samuel Hueu Kahimoku no Honolulu i make aku nei, nolaila ke hoolaha ia aku nei, a no poe a pau he mau kuina ka lakou i kela waiwai . e waiho mai ia mau ko@ iloko o na malama he eono mai keia la aku me na haoiaio kapono, ma kona hale noho ma alanui Adams, a i ole, ma ke Keena o ka Papa Ola ma Honolulu a i ole e hoole mau  @@@ ia aku no ia mau @@@@ a @@ ka poe e pau i aie @@@ wai wai la, ke kauoha ia aku nei lakou e uku koke mai iaia.

                             WILLIAM TELL

 

Lunahooponopono o ka waiwai o Samuel Hueu Kahimoku i make.

Honolulu, Aperial 21, 1888.                       2177 @@

 

PACIFIC HARDWARE COMPANY

-

Na hope a Dillingham Ma.

 

Mau Mea Kuai Lako Hao

 

Alanui Papu. Honolulu.

 

OLELO HOOLAHA NO KA O LIMA

 

E ike auanei na mea a pau, ua makaukau ka Papa Ola e haawi i ka @ lima ana me ka uku ole i na mea a pau i @ ole ia, a ke lauoha ia aku  nei na makua a mea paha e paa ana i ke keiki e like me ia i kuhikuhi ia e na pauka 311 a me 312 o ke Kanawa Kivila, e hele mai ma ka Hale Haawi Laau o ka Papa Ola ma Kapanoo, ma alanui Hotele, ma na hora hana o ke Kauka Aupuni i hai ia malalo iho nei:

         

                              {     Mai ka hora S

          Hora Hana {     a ka hora @@

                              {     kakahhiaka

                                      N. B. Emerson,

Pelekikena o ka Papa Ola.      @@@@@@@@@@

 

-

 

MRS. THOMAS LACK,

 

HELU ST. ALANUI PAPU.

 

MEA KUAI A LAWELAWE I

 

-NA-

Mikini Humuhumu na Aahu a nui wal Aku

HE AGENA KUAI NO NA MIKINI

 

White, New Home,

          Davis, Crown Howe,

                   Me Florence,

                             Na Kui Mikini o na

                                      Ano a pau a Howard @

                                                Na pepa ana lole o

                                                          na ano a pau, a me

                                                                   kela keia mea

NA LOPI MIKINI A KALAKA.

 

HE AGENA KUAI I NA

 

Pu Raifela, Pu Panapana, Pu ki manu,

                   Na Poka, Lu, Pauda, Kukaepele.

 

NA KAPUAHI AILA MAHU

 

Mai ke nui a ka liilii.

 

-

 

Ma ka lawelawe nui ana o’u i ka hana lima akamai o ka oihana hana pu a pela aku, ua makaukau au e hooko kaulua ole i na kauoha a pau.

O na kauoha mai na mokupuni e hookohnia.                            2082-tf.

 

FRANK GERTZ,

 

(A BIG PICTURE OF A TRAIN HERE)

 

UA WEHE AE NEI AU I NA KAHIKO AUIAI O NA

 

Kamaa o na Ano a Pau

 

No na Wahine na Kane a me na Keiki i wae pono ia e Mr. Gerte iloko o Amerika.

-          0 –

 

HE OLUOLU KE KUMUKUAI MA KE KU IKE

 

-0-

E loaa mau mai ana na waiwai ma na mokuahi a pau m@@@@

 

Pahu Hale Leta 351.                                      Bele Telepono 274.

KA AGENA OIHANA HAWAII

No. 68 ALANUI PAPU KIHIO ALANUI KALEPA, HONOLULU, H. I. HE AGENA OHANA, A ME AGENA OHI DALA NO KA BILA A PAU.

KEENA OIHANA.

 

Na Waiwai paa – kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimlima, a aelike e ohi i na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unohiolelo ma na olelo a pau iloko o keia aupuni.

Na Panihakanaka ola, Hale, a me na waiwai o na ano a pau i na ahahui Pani kakahaka helu ekahi.

Na Malama ana i na Buke a me ka Hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Date e pili ana i na waiwai mai ko na aina e mai.

Na ukana o kela a me kaia ano, e kuai a hoolilo aku.

Na Kauoha o na Mokupuni, e hooko ia no me ka eleu.

O na hana a pau a na makamaka e haawi mai ana no ka hooko aku i ke kauoha, e hooko ia no me ka eleu  a me ka mikinla.

 

                                      Agena Oihana Hawaii.

                             2170 1 yr. Mar. 3.