Ka Nupepa Kuokoa, Volume XXVII, Number 20, 19 May 1888 — KA AINA KANAKA NUI. [ARTICLE]

KA AINA KANAKA NUI.

Aole i loihi na la i kaahope ae nei, ua lawe ia mai na lono e pili ana i kekahi poino i makaikai ae ia Kina, oia hoi ka make ana mai nei o eha tausani Pake i kela olai ikaika i hoonaneue ai i ka papaku o ka honua. Ua nui m kaumaha i ili iho maluna o na ohana lehulehu i keia make weliweli, a oiai, aole i ano nalo loa aku na hoomanao ana no ia la, ua lohe ia mai nei, he eha miliona Pake i keia manawa i hoonele ia rae na home ole ma kela ino nui o ka waikahe ikaika nana i pulumi aku na opala a pau, a koe iho kela heluna nui i hoike ia ae ta, ke noho ilihune nei ine ka home ole.