Ka Nupepa Kuokoa, Volume XXVII, Number 20, 19 May 1888 — FANNIE G. MORLEY. [ARTICLE]

FANNIE G. MORLEY.

I ke ahiahi o ka la Sabati, Mei 13, i waiho mai ai keia kumu 0 ke Kula Hanai o Kawaiahao i kona kuleana ma ke kino, a hoi aku la no kela aoao. He mau wahi la wale no ko Miss Morley waiho ana īloko oka nawaliwali oke kino, he hikiwawe nae ka hopena. Oi paa wale aku na makamaka, a me ke akamai ona kauka, aole nae hiki ke hoopaa mai, a i ke ahiahi o ka Ia hoomaha hoano komo aku la oia iloko o ka maha mau loa. He kumu keia i aloha nui ia ena haumana oke kula, ame na poe eae i pu me ia. Ua aloha nui no hoi oia i na kaikamahine Hawaii, a ua haawi oia 1 kona ola no lakou. He kumu Kula Sabati oia e kokua nui ana i ka hana Kula Subati ma Kawaiahao, a ua aloha ia oia e na makua Hawaii i ike iaia, a i ike hoi i kana mau hana miikai no na kaikamahine a lakou. Oia nei no ke kumu ao himeni 0 la kula, a mamuli o kana inau alakai ana, ua oi ae ka makaukau o na haumana, ua hele mau ka ike o na haum.*iu innia ma ka himeni me ka oluolu, a pela no hoi i ulu mau ai ka pili aloha mawaena oke kum«i me na keiki. He kumu keia i īke maopopo ike kulana oka hoonaauao ana. He aloha kona no kana hana, a oiai h£ elua wale no makahiki o kona lawelawe ana i ka hana mawaena o ka lahui Hawaii, ua ike ia no nae ka hua 0 kana hana ma 0 na haumana. I ka auwina la Poalua nei, ua hwe ia ke kino lehu iloko o ka hiakini o Kawaiahao, a ilaila kahi i malama ia ai ke anaina pule ame na hana aloha hope loa no ka mea i hila. He nui wale ka poe i akoakoa ae ona Haole a me n? Hawaii, a he eehia na hana i alakai e ke kahu oka ekalesia o Kaukeano, a kokua pu ia no hoi e ke kahu o Kawaiahao. Mahope iho ona hana ma ka luakini, mamuli oka lokomaikai oka ohana 0 Haalelea ua waiho ia aku la ke kino no ka manawa; maloko o ko lakou hale ihna ma ka pa o Kawaiahao. Aloha wale ! I hele mai no ka hoi oia e kokua ika pono o na kaikamahine Hawaii, a lilo kona ola ma ia hana, hookipa ia aku la no ke kino lehu me kamaaina. He hana maikai loa keia a lakou i hana aku ai no ko kakou kaikamahine o ka aina e. Eia ka mea aloha, ona makua, na kaikunane ame na kaikuahine, ame na hoaaloha he lehulehu e noho mai la ma kela huli oiea moana. Aloha lakou ke hiki aku keia lono kaumaha.