Ka Nupepa Kuokoa, Volume XXVII, Number 21, 26 May 1888 — Page 4
This text was transcribed by: | Diane Poche |
This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki ... $2.00
No Eono Mahina ... 1.00
---KUIKE KA RULA.---
Poaono, ... Mei 26, 1888.
Haawina Kula Sabati.
HAPAHA ELUA.
HAAWINA XXI. Iune 3, 1888.
Ke kaulia ana o Iesu ma ke kea. Mat. 27:33---50.
A HIKI aku la lakou i kahi i kapaia o Gologota, oia hoi keia i hoikeia he wahi iwipoo.
34 Haawi aku la lakou i ka vinega i kawaili pu ia me ka laau awaawa, e inu, a i ka hoao ana iho, aole ia i makemake e inu.
35 Kau aku la lakou iaia ma ke kea a puunaue aku la i kona mau kapa, a puu iho la hoi i ko ai ka mea i oleloia e ke kaula, Ua puunaue ae lakou i kuu mau kapa aahu no lakou, a no ko'u kapakomo ua pau no lakou.
36 Noho iho la lakou ilaila a kiai aku la iaia.
37 Kau aku la lakou maluna ae o kona poo i ka palapala o kona ahewa ana, O IESU, KE ALII O KA POE IUDAIO.
38 Elua hoi kanaka powa ai kaulia pu me ia ma ke kea, ma ka lima akau kekahi, ma ka lima hema hoi kekahi.
39 O ka poe maalo ae, kuamuamu aku la lakou ia ia, e hooluliluli ana i ko lakou poo.
40 Me ka i ana, O oe ka mea nana e wawahi ana ka luakini, a hooku hou ae i na la ekolu, e hoola oe ia ao iho. A o ke Keiki oe a ke Akua, e iho mai oe ilalo mailuna mai o ke kea:
41 Hoomaewaewa aku la no hoi ka poe kahuna nui me ka poe kakauolelo, a me ka poe lunakahiko, i aku la:
42 Ua hoola kela ia hai, aole ka e hiki iaia ke hoola iaia iho A o ke alii ia no ka Iseraela, e iho ia ilalo mai ke kea mai, a e manaoio aku makou ia ia.
43 Ua paulele aku no ia i ke Akua, a ina makemake mai ke Akua ia ia, e hoola mai kela iaia ano; no ka mea, ua olelo mai no ia. Owau no ke Keiki a ke Akua.
44 Pela mai no hoi na powa e kau pu ana me ia, hoino mai la ia ia.
45 Mai ka hora aono a hiki ka hora aiwa, ua pouli ka honua a pau.
46 A i ka iwa o ka hora, kahea aku la o Iesu me ka leo nui, Eli, Eli, lama sabaketani? oia hoi keia, e kuu Akua, E kuu Akua; no ke aha la oe i haalele mai ai ia'u?
47 A lohe ae la kekahi poe o lakou e ku ana malaila, i mai la lakou, ke kahea aku nei oia ia Eha.
48 Holo koke ae la kekahi o lakou, lalau ae la i ka huahuakai, ho-u iho la i ka vinega, kau la ia ma ka ohe, a haawi aku la iaia e inu.
49 I mai la kekahi poe, Alia, a ike kakou, e hele mai paha o Elia e hoola ia ia.
50 Kahea hou aku la o Iesu me ka leo nui, alaila kuu aku la ia i ka uhane.
Pauka Gula. Hoohaahaa iho la oia iaia iho me ka ae aku i ka make, i ka make hoi ma ke kea. Pil. 2:8.
Na Heluhelu La.
Poakahi Mat. 27:1---32.
Poalua Mat. 27:33---56.
Poakolu Mar. 15:22---41.
Poaha Lu. 23:33---49.
Poalima Io. 19:17---37.
Poaono Is. 5:3 ---12
Sabati I Cor. 1:18--31
Mahea o Iesu i ko Petero hoole ana iaia? I ka hora ehia o kakahiaka? Mahea o Iesu ma ia hope iho? 27:1, 1. Heaha ka Pilato? 27:11-14 Ihea ka Pilato hoouna ana ia Iesu? Lu. 23:5---12. E hoike mai i na mea i hana ia mahope o ka hoihoi ia ana o Iesu i Pilato? 27:15---25; Lu. 23:13---15. Ua aha ia o Iesu mahope o ka hoahewa ia ana? 26---30.
KA MAKE ANA O IESU NO KAKOU.
I I ka hele ana i ka make. p. 33, 34. Mahea ke kaulia ana o Iesu ma kea? Owai kekahi inoa? heaha na mea i hai ia no ia hele ana? Mat. 27:32. Lu. 23:26---32. Heaha ka i haawi ia ia Iesu e inu? No keaha kona hoole ana?
II Ke kaulia ana ma ke kea. p. 35, 37, 38. Pehea ke kaulia ana ma ke kea? Heaha ka Iesu olelo i ka wa e kakia ia ana oia ma ke kea? Lu. 23:34. No keaha ka ae ana o Iesu e make mainoino e like me ia? Io. 3:14. I ka hora ehia ke kaulia ana iaia? Mar. 15:25. Heaha ka olelo kakau maluna ae o ke kea? Ma na olelo hea? No keaha? He oiaio anei ia olelo? Owai ka i kaulia pu me Iesu? Ua loaa anei ka hoolaulea ia ke ole ka make ana o Iesu?
III Na mea i ike ia ma ke kea. 35---45. Heaha ka hana a na koa ma kahi i kauli ia'i o Iesu? p. 35. Heaha ka olelo i hooko ia ma ia hana? Hal. 22:18. Owai na makamaka e ku mai ana? Io. 19:25, 26. Mat. 27:55, 56. Heaha ka hanba a ka lehulehu i ka ike ana ia Iesu? Ua manaoio anei lakou ina ua iho mai o Iesu mai ke kea mai? Ina ua manao o Iesu e hoopakele iaia iho ia wa, ua hiki anei? No keaha kona hoola ole ana iaia iho? Heaha ka hana a na powa? Heaha ka mea i hai ia nokekahi olaua? Lu. 23:39---43. Heaha ka i hoike ia no Iesu a me kona makuahine a me Ioane? Io. 19:26, 17. Heaha mai o a o o ka aina? Ehia pane ana o Iesu mai ke kea mai? (1) Lu. 23:34. (2) Lu. 23:43. (3) Io. 19:26, 27. (4) Mat. 27:46. (5) Io. 19:28. (6) Io. 19:50. (7) Lu. 23:46.
III Pau aku la. p. 46-50. Heaha ka Iesu olelo hope? p. 46. I ka hora ehia kona make ana? heaha ka i pau? Heaha na mea i ike ia i ka wa ona i make ai? heaha na haawina mai ke kea mai?
1 O Kalenari i ke kikowaena.
2 Ina ua makaukau o Iesu e make i ola kakou, aole anei he pono e imi kakou i ke ola?
3 Ua ike ia ke ino loa o ka hewa, ma ko Iesu make ana. Ua aloha ke Akua a ua i@ni e hoola.
4 Aole wahi e ae e ola'i kakou.
5 Ua hoike ia ka waiwai nui o ka uhane, a me ka makemake o ka lani.
6 He pono ke Akua, a e hoola ana i na mea a pau e manaoio ana iaia.
Hoole Waiona.
[Na ka Ahahui W. C. T. U.]
Ma Kaleleonalani, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kono ia kau nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia pule. Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU." ! !
[W. C. T. U.]
KEIA WAHI BO BULU.
1.
Kau ka inoa a hoohiki.
Ma ka Aha Hui Bulu,
E waiho loa i ka waiona
Ole loa e eoopa hou,
E no ka hoailona,
Keia wahi bo bulu,
Na ke Akua e kokua
I kupaa mau ai kakou.
Cho. Kakaou mai i na inoa,
Kau no hoi ka bo bulu,
Waiwai ea ke hoohiki,
Mana hoi ka bo bulu.
2
Pono keia hoailona
Nou a no ka hoa ou;
Kau no hoi a hoohiki
No ke aloha i ka hoa
E kau ai ka bo bulu,
A auhee na enemi la
Ke ikea ka bo bulu.
KA MISIONA LIPINE BOLU A
MISS MARY E. GREEN ME
KONA MAU HOA I KA
MOKUPUNI KAKU-
HIHEWA.
Ma ka hora 6 a oi p. m. hiki aku la makou ma kahi o Mr. Kapu ma Punaluu, e kali mai ana no hoi ia makamaka o ko makou hoea aku, he haiolelo oia no ke ola o na uhane a me ka pono o na kamaaina o ia wahi (Ekalesia o Hauula.)
Ua hoaumoe ma kona wahi ia po a ao ae Poalua, May 1, he la halawai ia no na wahine ma Kahana, nolaila ua lana ka manao e halawa ana me na kamaaina ma ia wahi.
Mahope o ka paina kakahiaka, ua makauku ka makou huakai no ka hana me ke kamaaina pu me Kapu, hiki aku makou ua akoakoa na kamaaina a pau maloko, ua lawelawe i ka lakou hana a e kali ana ia makou, a hookuu ia ka lakou hana me ka pule a ko lakou haiolelo a Kapu.
Mahope o keia ka makou misiona, he hui keia ua ku mua ia Kanoelehua, aole hoi a makou hana nui. koe wale no o ka poe i koe iho, he 50 ka nui o ka poe i hiki mai iloko o keia halawai ana, aole hoi he hookahi o lakou i puka aku i waho i ka wa i kono ia aku ai e kakau i ko lakou mau inoa ma ka hoohiki, ua paa paha ko lakou manao e paio pu me keia malaga waina a me kona mau hoa e holapu nei iwaena o ka lahui Hawaii, a ina pela ea, e hoomau aku oukou e kupaa a e kue mau a hiki i ka hopena.
O ka'u apana keia i mahalo loa ai a pela pu no hoi paha me ko'u mau hoa, i ka nana aku mahuahua na opio lede e hooikaika pu ana i na hana a ka Haku, he mau luna nui wahine ko keia ahahui a o Kapu ke kakauolelo.
Hookuu ka makou hana a hoi aku la no Punaluu, a hiki ma kauhale, aka aole i hoomaha iho ua holo aku ia no ka makaikai ia Kaliuwaa.
He wahi makaikai nui ia keia, nani na laau ohia a me na kuawa ma keia awaawa kaulana, a hoomanao ae la au i ko'u aina hanau kahi i kaulana i na hua ai momona o kela me keia ano
He mau hora ko makou o ka hoonanea ana malaila a haalele aku la ia Kaliuwaa no kauhale.
Poakolu, Mei 2, mahope o ka paina kakahiaka, kau ma na lio o makou no ka nee hou aku imua.
O kapu no kekahi ma keia huakai a makou, a pomaikai makou i kona hele pu ana mai, a kipa makou ma ka halekula o Hauula i noho poo ia e Mr. J. Donnely, he haole oluolu keia ia makou, makaikai i ka rumi kula a me ko ke kokua kumu.
Ma ka hora 12 aina awakea hookipa oia ia makou ma kona home.
Pau ka paina ana kau ma na lio no Kahuku ma kahi o ka Hon. J. Campbell e malama ia ana e Kaluhi, aole ia o ka hale ia makou i hiki aku ai ua hele oia, a na ka pake hana makou i hookipa, a ma ka molehuleho ana hoi mai ana o ua o Kaluhi a hui iho la makou me ka oluolu.
Hoaumoe ia po ao ae me ka maikai, a mahope iho o ka paina kakahiaka ua naue aku la i ke komo kauhale me ke alakai ana a Kapu, oiai o kekahi no ia o kona mau apana.
Ma keia komo kauhale ana a makou, ua loaa he mau hua, a i ka pau ana o na hale i ke komo ia ua huli hoi mai@ la no ka makaukau e hele no Waialua.
Mahope iho o ka aina awakea, liuliu na lio o makou a makaukau na mea a pau, a lulu lima pu me Kapu, a huli hoi aku la oia no kona wahi a naue loa aku la no hoi makou no Waialua.
Ma ka hora o ia ahiahi hiki malaila, a malaila i kaawale ai makou, noho no hoi laua i kahi o ko laua makamaka a pela no hoi me a'u i kahi o ko'u makamaka.
Poalima Mei 4, mahope o ka paina kakahiaka ana ma ke kahua o ka halekula kaikamahine o Haleiwa makou i makaikai ai, kahi hoi i hoonaauao ia ai o kekahi mau lede opio e noho mai nei; a ua hui hoi makou me kekahi poe o lakou ma na wahi a makou i hele ai, a ua nui ka hauoli i ka hui ana me ka lakou kumu a makua hoi o ka noho ana o ia wahi.
Ua apo mai no kekahi o lakou i ka makou misiona e hele nei.
Pau ka makaikai ana ia wahi, ua hele aku la makou i ke komo kauhale e like no me ka mea maa mau i ka makou hana, a no ka wela loa ua hoomaha no ke ahiahi a me ka Poaono ae.
Ma ka la Sabati ae ma ka halepule na hana o ia la kula Sabati mamua, a pau ia lawelawe ia na hana no ka lipine bolu e Miss Green.
Na Mr Kanoelehua nae i kukulu keia ahahui mamua iho, aole a makou olelo ana no keia ahahui, aka, ua loaa he mau inoa hou ia makou he 4 ko lakou nui.
He elua halawai ana o keia ahahui i ka mahina, ma na ahiahi Poalima o kela a me keia elua pule.
Ma ka Poakahi ae Mei 7, haalele ia Waialua no Makua ma ka lae o Kaena. Aia he wahi ohana e noho ana ma Waiakaaiea kokoke i ka lae o Kaena, kipa aku la makou ma ia hale a launa pu me lakou, a e like no hoi me ka mea i maa mau i ka makou ana hana, pela no keia, a ua apo mai lakou me ka hauoli o ka manao, a ua loaa ia makou na mahalo no lakou.
Haalele aku la makou ia wahi a hiki aku la makou ma ka lae o Kaena e nana mai ai ia Makua, hookuu aku la makou i ko makou wahi kamaaina o ka hele ana mai oia o Kaumaha e hoi no kona wahi, a huli hele mai la no hoi makou no Makua.
Hiki makou ma kahi o kamaaina o Namea, hookipa ia me ka maikai, a ma ka hora 7 o ia ahiahi ua malama ia he wahi halawai me na kamaaina o ia wahi ma kahi o ka haku mea hale mamuli o kon oluolu, a ua akakoa mai la na makamaka.
I ka akoakoa ana ua hoomaka koke ia na hana e ka makuahine Miss Green a ua maopopo i n akamaaina ka manao o keia mau mea, he elua wale no nae i loaa ka hae, ao ka nui iho oia noho mai no.
Hookuu ia na hana me ka maikai, a hooluolu ko makou mau wahi pauku kino ia po a ao.
Poalua Mei 8, pau ka makou paina kakahiaka, liuliu no ka hele ana i Waianae, a hiki malaila mahope o ka hora 1 p. m. K@pa ma kahi o Rev. Kekahuna a launa me ia a me na makamaka o ia wahi, a hauoli k amanao i ka hui me na makua o ka pono.
Ma ka hora 7 a oi o ia ahiahi wehia he halawai maloko o ka luakini, a he 42 ka nui o ka poe i hiki ae, a ua lawelawe ia na hana e Miss Green me ka noho no nae o ka Paresidena a me ke Kakauolelo ma ko laua noho.
Ua kukuluia keia Ahahui Lipine Bolu e Mr. A. F. Judd ko kakou Lunakanawai Kiekie oiai oia ma Waianae i kekahi mau pule aku nei mamua.
Ua hoakakaia na mea a pau e Miss Green i kokua ia e Pua, Kama a me Kekahuna, a ua loaa no he mau wahi hua mawaho ae o na lala mau.
Hookuu ia ka halawai a huli hoi aku la no hoi no kauhale no ka hooluolu ana.
Poakolu Mei 9, mahope o ka paina kakahiaka, ua koomakaukau na lio na ka naue ana no ka ia hamau leo
Hoea aku la ma kahi o ka Rev. Nawaa, a e kali mai ana no ia makamaka ia makou o ka hiki aku. a hui pu me ia, kana wahine a me ka ohana, a hoouluolu ma ia po a ao ae.
Poaha Mei 10, ma keia wahi aole i loaa ia makou he halawai, no ka mea he ku mamao loa na kauhale o keia wahi, a o ka lapule wale no ka la e akoakoa ai na hoahanau, nolaila ua hoi lao mai la no makou no Honolulu nei me ke kipa ana no nae i kekahi mau kauhale ma Ewa.
Minamina makou no ka loaa ole o kekahi Ahahui @ 3. no ia wahi, hooikaika nui o Nawaa no keia mea, ina e loaa kekahi mau komite e kokua ai iaia, nolaila ina paha he mea oluolu i ka Ahahui makua o Honolulu nei ka hoouna ana aku i komite hoeueu no ia apana no ka mea o a hoi k apana pili kokoke mai ana i Honolulu nei.
He nani ke kulana o ka aina ke nana aku ma na whai a pau, uliuli maikai na mahi laiki a na pake mai o a o; eia nae ka mea apiki, o ka laiki wale no ka mea ike ia aku, o ke kalo hoi ka mea i kamaaina he kakaikahi wale o lakou, a ua nele kekahi hapa o na kamaaina i ka ai ole, aia wale no i Honolulu e loaa ai ka ai, aka ma na wahi no nae a makou i noho ai ua lawa me na mea a pau.
Ma ko'u hoohalike ana i ke kulana o kekahi hapa o na kamaaina ka poe hoi no lakou ka aina me na pake ka poe o na aina e mai, me he mea la ua oi aku na pake ke kuonoono, aole wale no ma Oahu nei keia kuonoono o na pake, aka ma na mokupuni e ae no o kakou nei, he nui a he lehulehu wale o lakou ma ia kulanalike.
Ke hooki nei au maanei i ka'u apana hana, nolaila ia oukou e na makamaka i loa ke kea hanohano o ka Lipine Bolu o ka mokupuni o Kakuhihewa, e malama oukou a e noonoo hoi i ke ano nui o keia mea, a mai puni i n ahoowalewale ia mai, aka e hooikaika aku i na makamaka i koe e komo mai ma keia poai o ka noho ana maemae, aole hoi e noho malalo o na hana ino a ka rama, aole hoi ia oukou wale no aka i ke poe Lipine Bolu no a pau mai Hawaiii a hiki i Kauai.
Me ka mahalo. O. M. KEKUEWA.
Leleo, Mei 16, 1888.
NA ANOAI O KA UWAHIKOLO
LIO.
I ke KUOKOA:---
Aloha wale:
Ma ka la 1 o Mei iho nei, ua naue aku la au no ka Uwahi kololio he hau, wahi a ka oleloia.
NO NA ALANUI.
Ke hanaia nei na alanui mai Kuikuiopikea aku a hiki i Waiahole, nona keia hooheno ana:
"Waiohule i kamaole
Hoole ka wahi luna puha'u olalo."
AHAAINA HUI KUMU KULA.
Ma ia la no ua malama ae na makua mea keiki o Keokea me Kamaole he ahahui noonoo i kumu kula olelo Enelani na lakou, i ka hiki ana aku o'u ma ka luakini o Koekea, ua komo aku la e hoolohe i na mea hou.
Ua ku mai la o Kahaulelio a hoomalu mai la 1 ke anaina, pule o J. Kamakele, a pau ka pule ana o ka hoomaka no ia o na hana ma ka hoike ana o na makua mea keiki i ko lakou manao, a mahope iho ua ku mai o Kahaulelio a paipai mai i na makua e hoouna mau i na keiki i ke kula, me na aahu kupono, a he waiwai nui kana mau olelo ao ke lawe a malama.
I ka pau ana o kana, ua ku mai o J. Kamakele a luai mai la i na olelo wai meli imua o ke akea, pahee lua kela, a he nani okoa aku no hoi kana.
Mahope iho ua koho ia o G. Kalauao i komite e noi aku i ka oluolu o ka Luna Ku@ a e ae mai ke aupuni e hoihoi i ka hapalua o ka aina, halekula na na makua no na lilo o ka hana ana, a he haawi buke mahope iho o keia a o ka pau no ia.
I ka pau ana o na hana, ua kono ia na mea a pau e ka Hon. Kamakele e naue aku ma kona wahi, a o kou mea e kakau nei kekahi.
Ua ai a lewa, ua inu a kena i kona lokomaikai, a ke haawi aku nei au i kuu mahalo piha.
Kou oiaio. G. P. Z. HIUAWELA.
Honuaula, Mei 3, 1888.
Pakele ke alahaka o Kapiolani Paka mai pau i ke ahi i ke ahiahi Sabati i hala, e ole ka ike e ia ana e na kokua Ma ka aoao maanei i ike e ia ai ke ahi, maluna pono ae o ke kahawai, a ua hoopio ia e Jeo Heleluhe a me kahi mau ohua e ae o ka Hooilina Alii me na pakeke wai. Ua manao ia he ahi keia i a mamuli o ke kika i kiola ia, a i ka maloo iho hoi o ka laau a me ka lepo lio, ua emoole ka a ana ae o ke ahi holapu.
HE WAHI HANA APIKI.
Ka Nupepa "KUOKOA" e: Aloha oe:
E oluolu oe e hoike ae ma ke akea i keia maluna ae:
Ma kekahi la o keia mau hebedoma aku nei, ua hiki mai la he wahi taata no ka hoomana Moremona, mai Laie mai ai Waimea nei, a moe i kauhale kamaaina, a i ke kakahiaka o kekahi la ae, ua malamaia he wahi halawai haipule, a o ua wahi kanaka nei ke alakai, a eia ka'u wahi i ike ai i ka wahahee, a o ke ano iho la paha ia o ka palu e loaa ai ka ia; a penei"
"Ua hoopaapaa makou me na kumu a makou no ka la hope o ke ao nei e hiki mai ana. O ka na kumu Moremona a makou he elua makahiki i koe mai keia la aku, alaila, e hiki mai ana ka la hope loa o ke ao nei. A o ka makou hoi i manao ai ka na Lunakahiko a me na hoahanau he eono makahiki i koe a hiki mai ua la nui weliweli la.
Wahi a ua wahi kanaka nei imua o ke anaina i pane hou aku ai:
"E na makamaka, ke ike mai la oukou i ka manao o na kumu a makou, a me ko makou manao. E pono nae kakou e hailona ma ka Baibala, a penei e hana ai.
"Ina e paa wau i ka Baibala a wehe ae, ku elua mokuna ma kuu aoao akau, alaila, ua pololei na kumu a makou, a i ku ole hoi he elua mokuna malaila, a ku hoi he elua mokuna ma kuu hema nei la, alaila pololei ka makou."
I ka amama ano o ka pule, wehe ae la, elua mokuna ma ka aoao akau, pane ae la ua wahi kanaka nei,
Ua pololei ka ka na kumu a makou, elua makahiki i koe, alaila, iho mai o Iesu e hookolokolo i ko ke ao nei, nolaia, e pono oukou e huli mai ma keia aoao i loaa ke ola.
Akamai no keia wahi kanakka i ka pelo i wahi e huli mai ai o kanaka, he huli no nae ka poe ma@po
Aia a o ka la i ike ole ia e na mea a pau ike aku la ka hoi lakou la. Ahu no hoi ka wahahee.
Mai hele hou e wahahee pela o ike auanei oe i ka moe kokolo ka uwahi o kula i ke anu. E olelo i ka mea oiaio.
E aloha auanei. J. B. KUPA.
Waialua, Apr. 3, 1888.
NO KA UA KANILEHUA.
Ilaila aku nei kou mea kakau no elua ae nei pule a oi, e kilohi ana i ka nani o ua aina lu lehua la o Panaewa, oiai ka nani molale e halii iho ana maluna o ua aina la.
He kau kiure loihi keia, aole i pau a huli hoi mai nei kou mea kakau ma ka pule i hala; a eia na hihia ano nui o ke kau kiure o Hilo:
Mrs. Kahekili Koko, he puhi waiona mai ka apana o Hamakua, ahewaia he $100 me na koina. Ua ahewa mau ia e ka lunakanawai apana no $200, aka, lawe ae ka Lunakanawai Makale i ka hapalua o ia hoopai.
Lanakila liilii he lawe ola, mai ka apana ae o Kohala hema, hookuu ia e na kiure. Kalaiokona me Kale Aki no ka mea i hoopiiia, Peterson no ka aoao aupuni.
He haole paele Nuheberadi, he wawahi hale me ka hoao ana aihue; ae no i kona hewa, a hoopaiia 3 mahina paahao.
He wahine Pukiki o ia ano like no, 1 mahina paahao.
Mei 15, oia ka la i noho ai ka hihia pepehi kanako o Kawelo, a hoopanee i kekahi la ae, a ma ka hora 10 p. m. komo na kiure i ka rumi, a i ka hora 3 0 ka wanaao loaa ka olelo hooholo a ma ka hora 9 a.m. ka helu helu ia ana e ahewa ana ia Kawelo no ka lawe ola ma ke degere 3; a hoopai ia elima makahiki ma ka hana oolea.
O keia ka hihia ano nui o keia kau, a ua unua mai ko Laupahoehoe holookoa i mau hoike ma na aoao elua, a no elua la me elua po ka noho ana o na aoao elua, akahi no a loaa ka olelo hooholo.
O Kale Aki ka loio ma ka aoao o ka mea i hoopiiia, ua hooikaika oia me ka pauaho ole no ka pono o kona haku, a o Peterson ma ka aoao aupuni.
KIURE HAOLE
J. H. Reeve, aihue bipi, ahewaia no 1 makahiki, Hikikoki no ka mea i hoopiiia, Peterson no ka aoao o ke aupuni.
He haole hoeha iho i ka Iapana no Papaikou, Hilo, a hookuuia. Hikikoki no ka mea i hoopiiia, Peterson no ke aupuni.
Poe pake piliwaiwai no Laupahoehoe, miko. Numa no na pake, a ona Kalaiokona no ke aupuni.
O na hihia kivila aole au i maopopo ia, aka, aia no ke noho la.
Na loio i hoi mai, Numana, Peterson me Kale Aki.
Na lawehala i lawe ia mai; Kawelo, Reeve me 2 pake.
J. KAWAIOULU.
Hilo, Mei 19.
B. F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. Honolulu.
E loaa mau ana na lole hou o na ano a pau maluna o kela a me keia moku.
PAPA! PAPA!
AIA MA KAHI O
LEWERS & COOKE.
(O LUI MA.)
ma ke kahua kahiko ma Alanui Papu a me Moi
E loaa ai na
PAPA NOUAIKI
o kela a me keia ano.
Na Pani Puka, Na Puka Aniani, Na Olepelepe,
Na Pou, Na O-a, Na Papa Hele. Na Papu
Ku, A me na Papa Moe nui loa.
NA PILI O NA HALE O NA ANO A PAU.
Na Pepa Hoonani, Na Pena o na Wai a pau.
Na Kui mai ke Nui a ke Makalii. Na Ami
Puka, Na Ami Puka Aniani, Na Ami
o na ano a pau, Na Aila Pena, o
kela me keia ano. Na Aila Hoo-
maloo. He lehulehu wale.
Na Aila e ae o na
ano a pau.
NA WAI VANIKI
---A ME NA---
WAI HOOHINUHINU NANI!
o na ano a pau loa.
NA BALAKI ANO NUI WALE
A ke hai ia aku nei ka lono i na Makamaka ma
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
---NO KA---
UKU HAAHAA LOA.
E like me ka mea e holo ana mawaena
LAUA a me ka MEA KUAI.
HELE MAI E WAE NO OUKOU
Ka Waiwai o ka Hilinai
A AYER Laau Sasaparila, kai kaulana a hilinai nui ia no ka hoomaemae koko, ma na wah a pau o ka honua, ne aneane 40 makahiki i hala ae nei, a ua lawelawe nui ia hoi iwaena o na oihana lapaau. Okeia
LAAU SASAPARILA, no loko ae ia o ke aa Sasaparila Honedura maoli ; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea oloko o ka honua a me ka hao.
HE koko inoino a nawaliwali anei kou ? Ua awili pu anei me na ano mai ikaika ? A ua hui pu anei me na wai awaawa hoopehu Na Keia
LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomamona hou ana i ke koko ino, a me ka hooikaika pu i kona holo poo ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAII no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka
Ayer Laau Sasaparila.
I HOOMAKAUKAUIA E
Kauka J. C. Aver & Co., Lowell, Mass.
HOLLISTER & CO.
Na A ena ma ka Paeaina Hawaii.
Helu 100. Alanui Papu, Honolulu
M. R. FRIETAS.
Kaiopihi, Kohala.
Halekuai
na mea ai, no na lole, a
me na mea hoonani e ae
he nui loa
E kuai ia aku ana me ke Ku-
mukuai haahaa loa.
Ke kau leo ia aku nei na Ha-
waii Ponoi a pau e naue
nui ae.
Kakela a me Kuke.
HALEKUAI NUI O NA WAIWAI.
E laa na pahiolo, koi hole,
hamale kui nui a me liilii, kila,
wili puaa, rula, apuapu, kui o na ano
a pau, kala kaa, aho keopaa puka
pohaku hoana, kepa, lei ilio kaa-
la hao ilio, pahi, upa, pahi umiumi,
kalapu, kope hulu, pulupulu, cepa ka
lakala, lina hao, ami, keehi, a me
---KAULA OPU---
Palau o na ano a pau,
Oo, ho, kopala, pe, kipi-
kua, hao kope, au ho a pa
a aku, kua bipi, lei bi-
pi, kaula hao bipi, uwea
pa, uwea keleawe, hao pi@
piula, kaa palala, ipuhao, ipu ti
PA PALAI MAKAU ME KE AHO
Ili wai, papa holoi, kopa ala, kaula
@uaina, hu'akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMA-
LOO
---a me aniani hale---
AILA MAHU, AILA MIKINI, AILA HAMO
AILA KAA, INIKA KAMAA.
PAUDA, KUKAEPELE, KIANA
PAUDA, UIKI IPUKUKUI ONA
ANO HE NUI A LEHULEHU.
LOLE MAKEPONO
---E aa na---
AHINAHINA, KALAKOA, KEO-
KEO, LEPONALO, HULUMANU
UWE-WAHINE, KUI HUMUHU
MU, A ME KA LOPI
Ke Kuike a loaa no ia ma kahi
Kakela & Kuke !
NA MEA PIULA
Mikini Humuhumu
Makini a WHEELER a me WILSON
MIKINI WILOX ME GIBBS
NA MIKINI A
---REMINGTON---
He nui loa mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike
Laau Lapaau Kaulana Loa
A DR. JAYNE.
LAAU HOOMAEMAE KOKO,
LAAU HOOPAU NAIO, LA@
KUNU, PENIKILA, HUAALE,
PAAKAI, LAAU HOOPAA HI,
Me na Laau Hamo, a Pela 'ku.
Kakela me Kuke.