Ka Nupepa Kuokoa, Volume XXVII, Number 21, 26 May 1888 — KO KAKOU MAU OIHANA. [ARTICLE]

KO KAKOU MAU OIHANA.

Aohe paha he wa eae i Ueela ai ke kuia 0 na ano oihana & pau e like me ko keia mau la e hele nei. He mea hiki ke hoike maoli ia ka oiaio, ua emi hope mai ka holomua 0 na oihana hana lima, me ka paakiki nui ka hoohana ana e hiki ai ke puka pono. Ma ka hooikaika a nie ka malama i ka manawa, peta wale iho la no e hiki ai ke hoohana ia na hana lima malalo o ka mikiala hana. Ke ano palaleha loa aku nei kakou na Hawaii i ka hakoko pu ana me na kuia 0 keia mau la e nee nei, a oiai he mea hiki ole ia kakou ke kaohi mai i ka manawa, nolaila 0 keia wale no ka wa kupono no kakou a pau e hoao ai e noho lanakila maluna o ia mau kui?, alaila e lilo no kakou a pau he mana a kuleani maluna iho o ka kakou, mamuli o ka hookuonoono, ka makaala i ka hana a me ka malama 1 ka manawa. j Ma na oihana hana lima, ua ike ia no ka holomoku nui ana o keia mau | hana ma ka lima o na kanaka o na aina e i kukulu i na ahahui a me ke kumupaa. Heaha ko kakou kumu oka bana ole ana e like me kela poe, o ka hoohuihui i ko kakou ikaika a heleaku maluna o ke kahua like me kela poe? Ao!e makou i ike i ke kumu e kanalua la ai o kela manao, ina aia ik>ko o kakoo na manaolana o ka hoeueu i ko kakou lahui ma ia ala o ka pomaikai, he moeuhane nele ole ia i ka ukali ia mai e kekahi poe e ae. Nolaila, eia wale no ka manawa kuoono no kakou e ala ai a hapsi i kela ouiu ahahui no ka hoomau ana i ka paa o ko kakou mau lima i ka hana, no kou pono iho a me ka ohana.^