Ka Nupepa Kuokoa, Volume XXVII, Number 21, 26 May 1888 — KA MOHO HEIHEI HOE PUKAHI O KE AO NEI. [ARTICLE]

KA MOHO HEIHEI HOE PUKAHI O KE AO NEI.

Ma ka mokupea P!anter, i lohe ia mai ai ka heihei hoe pukahi no ka moho oke ao nei, mawaena o Hanalana o Kanadi me Kemp o Auseteralia, ma ke ala heihei oka muliwai Paramata, no ka puu dala he $2.500 a moho hoi o ke ao nei. Ma ka 'a 15 o Mei, oia ka la i heihei ?i na kana*a elua imua ona tausani poe makaikai i lehau ma ke alawai o ka Paramata, ua lilo mua ia Kemp ke alakai ana oka heihei, a mamua oka hiki ana 1 ke mile akahi, ua hookui pu aku la ko Hanalana waapa me ko Kemp, aiawa o Kemp i hookuu aku ai ia Hanalana mamua, a ma ke ala hu li hoi, ua akeakea ae o Hanalana i kona waapa maniua o Kemp, a|ua hookui hou iho la laua ma ia wahi no ka manawa elua. Ika wa 1 kaawale like ai laua, ua holo hou no ka pahu ee, a puka aku la o Kemp he elima waapa loihi ka haule o Hanalana mahope, a nolaila ua hooholo ia ke eo na ke keiki o Auseteralia, a nana e papahi kela inoa hanohano —ka moho o ke ao nei. O ka ekolu manawa iho ia keia o ka eo ana o Hanalana ma ke kahua hei- | hei, he elua ia Beach ahe hookahi ia Kemp.