Ka Nupepa Kuokoa, Volume XXVII, Number 22, 2 June 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

 

No ka Makahiki          $2.00

No Eono mahina         1.00

-KUIKE KA RULA.-

 

Poaono            Iune 2, 1888.

 

Haawina Kula Sabati.

 

HAPAHA ELUA.

 

HAAWINA XXII. Iune 10, 1888.

 

            Ko Iesu ala hou ana. Mat. 28:1-15.

A NOA ae la ka Sabati, a wehe ae la ke alaula mua o ka hebedoma, hele aku la o Maria no Magedala, a me kekahi Maria e nana i ka halekupapau.

            2 Aia hoi, he olai nui: no ka mea ua iho mai ka anela a ka Haku mai ka lani mai, a olokaa ae la i ka pohaku mai ka puka ae, a noho iho la iluna o ia mea.

            3 Ua like kona helehelena me ka uila, a huali kona kapa e like me ka hau.

            4 Haalulu iho la ka poe kiai i ka maka'u iaia, a ua like lakou me kanaka make.

            5 Olelo mai la ka anela i ua mau wahine la, Mai maka'u olua, no ka mea, ua ike au e imi ana olua ia Iesu i ka mea i kaulia ma ke kea.

            6 Aole ia maanei, no ka mea, ua ala ae ia e like me kana olelo ana: e haele mai olua e nana i kahi i waiho ai o ka Haku.

            7 E haele koke olua e hai aku i kana poe haumana, ua ala ae ia mai ka make mai; aia hoi, e hele aku ana ia mamua o oukou i Galilaia, malaila oukou e ike aku ai iaia. Eia hoi ua hai aku no au ia olua.

            8 Hoi koke aku la laua iwaho o ka halekupapau me ka maka'u a me ka olioli nui, a holo aku la laua e hai i na haumana ana.

            9 I ko laua hele ana aku e hai i na haumana, halawai mai la o Iesu me laua, i mai la, Aloha olua! Hele aku la laua, apo ae la ma kona wawae, a hoomana aku la iaia.

            10 Alaila, i mai la o Iesu ia laua, Mai maka'u olua, ou haele e i aku i ko'u poe hoahanau, e haele aku lakou i Galilaia, malaila lakou e ike ai ia'u.

            11 A hala aku la laua, alaila, hele aku la kekahi mau mea o ka poe kiai iloko o ke kulanakauhale, a hai aku la i ka poe kahuna nui i na mea a pau i hanaia.

            12 A akoakoa ae la lakou me ka poe lunakahiko, kukakuka iho la lakou a haawi aku la i na moni he nui i ka poe koa.

            13 I aku la, e olelo aku oukou, Na kana poe haumana no i kii mai i ka po, a lawe malu aku la iaia i ko makou wa e hiamoe ana.

            14 Ina e hiki aku keia i na pepeiao o ke kiaaina, na makou ia e hoolealea aku, a e hoopakele ia oukou.

            15 Lawe ae la lakou i ua moni la, a hana aku la e like me ka lakou i kauoha mai ai.

            Pauku Gula. Aka, ua ala io no o Kristo mai ka make mai, a ua lilo oia i hua mua o ka poe i moe. 1 Korineto, 15:20.

NA HELUHELU LA.

Poakahi           Mat. 28:1-15

Poalua             Mar. 16: 1-13.

Poakolu           Lu. 24: 1-12.

Poaha Io. 20:1-18.

Poalima           1 Cor. 15:1-28

Poaono            1 Cor. 15:15-58

Sabati  1 Thess. 4:14-18

 

            Mahea ko Iesu make ana no Kakou? Pehea ka hoomaopopo ana ina ua make io o Iesu? Io. 19:31-34. mahea ke kanu ia ana o Iesu? 27:57-60. Ua aha na Iudaio i mea e maopopo ai ke kii ole ia ana o ke kino ma ka luakupapau? 27:62-66.

            I Ke ala hou ana o Iesu, p. 1, 2. Ehia la ka waiho ana o Iesu ma ka luakupapau? 1 Cor. 15:4. Ma ka la hea kona ala hou ana? I ke kakahiaka anei? Heaha ka olelo i hooko ia? 16:21; 20:19. Heaha ka Paulo olelo no ke ala hou ana? 1 Cor. 15:11-20. Me kona kino mua anei ko Iesu ala hou ana? Io. 20:25. Lu. 24:39-48. Ua like anei me na kino e loaa ana ia kakou i ke ala hou ana? 1 Cor. 15:50-52.

            II Na mea i maopopo ai ko Iesu ala hou ana. 1-15. Owai kai hele mua i ka luakupapau? p. 1. Mar. 16, 1. Heaha ka haawina i ao ia mai no ka malama ana i ka la Sabati?

            Heaha ka mea e keakea ana ia lakou? Mar. 16:3, 4. Pehea ka weheia ana? Heaha ka haawina no kakou ma keia? Owai kai loaa ma ka luakupapau? Heaha ka olelo o na anela? E ike aku ana ia Iesu mahea?

            Owai ka i ike mua ia Iesu? Mar. 16:9. mahope iho ia wai? 9, 10. Ia wai kekahi? Mat. 28:9; Lu. 24-34: Lu. 24: 13-35: Mar. 15:14; Io. 20:26; Io. 12: 1-24: Mat. 28:16; 1 Cor. 15:6.

            Iloko o na la ehia keia mau ikeia ana? Oih. 1:3. Aole anei i maopopo ma ka Iesu mau hana. e hana ia nei e ola ana no ia?

            II Na haawina i ao ia ma kona ala hou ana. Pehea e maopopo ai ma ko Iesu ala hou ana, oia ke Keiki a ke Akua ka Hoola o ke ao nei? 1 Cor. 15:13-17.

            Aole anei e ao mai ana no ke ola mahope? Heaha ka mea i ao ia no ke ola hou ana o kakou? Io. 15:35-54; Pil. 3:20, 21. He mea anei e lana'i ka manao? He mea hoolana anei no ka poe hewa?

 

            1 Ua hoike ia o Iesu no ke Keiki a ke Akua.

            2 Ke ola nei ka Hoola o kanaka, a ua hiki ke hoola,-a ke makemake nei e kokua a hoola.

            3 Aole o ka make ka hopena, he ola no ma o ae o ka luakupapau.

            4 E hoola hou ia ana kakou mai ka make mai.

 

HAAWINA XXIII. Iune 17, 1888.

 

Ke kauoha nui. Mat. 28:16-2v.

HELE aku la ka poe haumana he umikumamakahi i Galilaia i ka mauna a Iesu i hoike mai ai ia lakou.

            17 A ike aku la lakou iaia, hoomana aku la iaia; aka, ua kanalua kekahi poe.

            18 Hele mai la o Iesu olelo mai la ia lakou, i mai la, Ua haawiia mai ia'u ka mana a pau ma ka lani a ma ka honua nei.

            19 E hele ae oukou e hoohaumana i na lahuikanaka a pau, e bapetizo ana ia lakou iloko o ka inoa o ka Makua, a o ke Keiki, a o ka Uhane Hemolele.

            20 E ao aku ana ia lakou e malama i na mea a pau a'u i kauoha aku ai ia oukou. Aia hoi, owau no me oukou i na manawa a pau, a hiki i ka hopena o keia ao. Amene.

            Pauku Gula. Haawi mai la ka Haku i ka olelo: he lehulehu loa ka poe i hoolaha, Hal. 68:11.

NA HELUHELU LA.

Poakahi           Mat. 28:16-20

Poalua             Mar. 16:15-20

Poakolu           Lu. 54:46-53

Poaha  Io. 21:1-24

Poalima           Oih. 1:1-12

Poaono            Oih. 2:1-18

Sabati Oih 2:22-47.

KE KAUOHA NUI.

            I Ka halawai nui ana. p. 16, 17. Ua kauoha o Iesu i na haumana e akoakoa mahea? 26:32; 28:7, 10 Owai kai hele ae? p. 16. Ua aha lakou oiai e kali ana? Io. 21:1-24. A hoea mai o Iesu ua aha lakou a pau? pehea kekahi?

            II Ke kauoha nui. 18, 19. Heaha ka Iesu olelo mua ia lakou? He nui anei ka mana i haawi ia ia Iesu? Heaha kona mana ma ka lani? Ka mana o ke Akua o ka Uhane Hemolele. Heaha kona mana ma ka honua? E ao, e alakai he mana maluna o na mea a pau

            Heaha ka hana mua o ke Kristiano? 19. E lawelawe anei na mea a pau ma keia alakai ana i kanaka ia Iesu? Ua kauoha ia anei e lawe ia ka hana o ke Ola ma na wahi pouli a pau? Ina ua ikaika ma na hana a ka Haku ma kou aina ponoi, nele anei ka manao nui no ka poe e noho nele ana ma kahi mamao aku? A ia huli mai kanaka, e aha? No keaha ka bapetizo ia ana? Ua laa no wai? He mea nui anei ka lilo ana no Iesu?

            III Ke ao ana. p. 20. Heaha kekahi hana a ka ekalesia? E ao i keaha? Mahea i hoike ia na kauoha a Iesu? Ina e ao aku ana kekahi ia hai, aole anei he pono iaia e malama i na mea ana i ao ai? O keia ao ana aku ia hai, he mea anei ia e kokua ia kakou iho? Ahea hoomaka ia lawelawe hana; i ka wa i lilo mua i haumana na ka Haku-e kali paha a mahope loa mai? Aole anei ma ka lawelawe ana e makaukau ai?

            Heaha ka olelo hoolana a Iesu? He mea anei ia e lana'i ka manao o na haumana a pau?

            IV Ka hoi hou ana i ka lani. Mar. 16:19, 20. Lu. 24:50-53; Oih. 1:9-12. Heaha ka Iesu hana hope ma ke kino? mai hea aku kona pii hou ana i ka lani? Owai kai ike iaia? No keaha keia hoi hou ana?

 

            1 He mana, a he aloha lua ole ko Iesu ka Hoola?

            2 E hoolilo i na lahui aina a pau i haumana na Iesu.

            3 Nolaila, e lilo kakou a pau i haumana na Iesu.

            4 E bapetizoia ma ka inoa o Iesu.

            5 Ke hana nei ka Makua, ke Keiki a me ka Uhane Hemolele i ka mea e ola'i kakou.

            6 Ua kokua ia mai na hana e holo ai ke aupuni o ke Akua.

            7 O ka ekalesia holomua, oia ka ekalesia e imi ana i ke ola o kanaka.

 

Hoole Waiona.

 

(Na ka Ahahui W. C. T. U.)

 

            Ma Kaleleonalani, oia hoi o "E@a Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waioea, o ka Ahahui o ka Lipine Bo@@ o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilih@ne, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoo@o, "No ke AKUA a me ka HOME, a me ka AINA HANAU."!!

 

(W. C. T. U.)

 

            ua hiki no paha i ko'u makuakane e inu pakiko, he mea hiki ole no nae ia'u -okana keiki-e inu pakiko. Ina ua hiki e ki akahele i ka pu, alaila he mea hiki paha ia ia'u. Aole loa i hiki!

            E i mai ana kekahi, "in a pela he kanaka palupalu ka oe." Oia iho la. Ina he palupalu loa wau, a hiki ole e inu pakiko, ua loaa ia'u ka iakaika e haalele loa i na waiona. I ke Akua no ka hoonani ana no keia.

            Ke i hou mai nei ko'u hoa, "He oiaio no paha, he palupalu loa no ka mea hiki ole e inu pakiko?" He wahi olelo ka'u i keia poe inu pakiko, no ka mea, o lakou ka poe paakiki loa i loaa ia makou. Aole i poino lakou ma ka lilo ana o ka inoa maikai, ua mau no ke ola kino; aole i poino ka waiwai; oia mau no ko lakou kulana, ua mahalo ia e ka poe hanohano, a i ka nana aku aole he pilikia i ili mai maluna o lakou mamuli o ka inu ana i na waiona;-a ua i mai lakou, "No keaha e kakau ai i ko makou inoa ma ka hoohiki hoole waiona, aole i inu nui; aole no i poino."

            Ina e hui mai lakou a e kakau i ko lakou inoa no ke aloha i ka hoa nawaliwali, e paipai ana iaia e hoohiki,-aole paha he kumu e ae e like me ia no ke kakau ana i ka inoa e hoole waiona.

            Eia ka'u i ka mea inu pakiko. Hookahi ou hemahema nui, o kou manao ana e lilo i alakai, ma kou manao ana, he maikai kau hana.

            Eia ka'u ia oe, e inu no oe in a oia kou makemake; e inu no in a hiki ole ke pale aku i ka iini, aka, mai no a aa e hai aku i na opio e launa aku ana me oe, he maikai keia hana au, a ua hiki no ia lakou e hahai ia oe ma ia inu pakiko ana.

            Aole au e hoakeakea i kou inu ana, e inu no oe a kena, eia nae, mai no a hai aku i na ui, he kumu hoohalike maikai ia no lakou.

            O ke kumu hoohalike maikai, heaha ia?

            Oia ka mea i hiki ke hahai ia e na opio me ka poino ole. I hou mai no, "Ina e hoohalike mai na opio me a'u nei"-oia iho la; in a e hoohalike ana me oe, a e inu pakiko ana, alaila aole e poino, eia nae ka hewa he hiki ole!

            Ma Nu Ioka he puoa winiwini nani i hana ia no kekahi luakini hou. He umi kapuai mai ka welau mai, ua lewa kekahi papa i paa me na kaulo iloko o ka puka aniani. He 150 kapuai mai keia papa a i ke alanui. Ua ike au i ka puka ana o kekahi kanaka mai ka puka makani mai a ku ma ia papa e lewa ana.

            Ua hiki anei ia oe e hana me ia? A ehia poe e hiki e hana pela?

            Ua kahea aku keia kanaka i ka mea e ku mai ana ma ke alanui. Hoopa aku i kona lima ma kae a kulou ilalo a kamailio pu me ka mea ilalo.

            Eia ka'u i ike ai, in a ua hoao au e ku ma ia papa, aole i emo ua poniuniu a ua haule au ma ke alanui, aole he mana iloko o'u e hoopakele ia'u iho ia wa; he mea ole ka ike, ka noonoo ia wa, ua haule no au, ua hiki ole loa no au e ku me ke kulanalana ia wa.

            Ano, ua hiki no paha ia oe ke ku malaila, aka, in a e i mai ana oe, "o ko'u ku ana maanei he kumu hoohalike kupono ia nau." e i aku au ia oe, "e ku no oe malaila in a oia kau i koho ai, e ku no mai keia wa a i ka la apopo; a i ole ia e like me Simeona, e hoohala i na makahiki he 30 malaila, aka, mai i mai oe he kumu hoohalike maikai ia no'u.

            Ea, in a paha e ae aku au e hahai ia oe. Ua i mai oe aole he poino maanei, ke ku nei no au maanei, aole pilikia, a nolaila ua hoao no au a haule iho, alaila pehea?

            Aole anei i pipili ko'u koko ia oe? Hiki anei ia oe e pee aku? E hiki io mai ana no na hihia, aka, auwe, ke kanaka nana i hoohihia mai!

            Ina aole oe i poino i ke ku ana ma ia nihinihi a ua alakai ia'u e hoao e ku malaila, a haule au pehea auanei?

            Ua nawaliwali ka oe, wahi a'u. Ina pela ma ke kokua ana mai o ke Akua ia'u aole au e hookokoke aku ma ia wahi nihinihi; oia ae la.

            E hoolohe mai i ka'u. ma kekahi halawai ma Penn. ua ku mai kekahi keonimana mahope o ka haiolelo ana, a ua hai ia mai o Judge H., a penei kana:

            "E na lede me na keonimana, mamua o ka hookuu ana i ke anaina, he mau olelo pale ka'u, no'u a me na hoa o'u. Aole he mea oluolu ka lohe ia ana ma ke akea he alakai hewa wau."

            Aole i olelo ka mea hauolelo, he alakai hewa ka mea inu pakiko, aka aole ia he kumu hoohalike maikai.

            Ea, he inu pakiko no au. Ua kamaaina na mea a pau ia'u, ua inu no au i ke kiaha waina ma ko'u hale, a ua inu no ma kahi e, a he inu pakiko no.

            Owai ka mea hiki ke hoike kue mai ia'u? Owai ka mea i ike ia'u @a on a? Owai ka mea i ike i ko'u hele @alau no ka inu wai o@a? Ina ua hoohalike me a'u alaila he kulana maikai ka lakou, a ua mahalo ia.

            Ke kahea nei au i na kamaaina o ke kaona a'u i noho ai, i ka mahele aina no hoi e hai mai, in a ua hewa ko'u alakai hewa ana. E ae i na opio e kakali ia'u, alaila e like auanei lakou nei me a'u nei.

            Pae mai ka leo mai ke anaina mai e i ana, e paio aku me ia, e kue aku i kana! I mai kekahi e kipaku iaia nei iwaho. E waiho malie iaia, wahi a kekahi keonimana, oia ke keiki hanau kahi a keia lunakanawai.

            Ae, ua hoao kana keiki e hahai iaia, a eia ka hopena, ua hele a pupule i ka waiona, a hoohaunaele i ka halawai.

            Ke hai aku nei au me ka oiaio, o na mea a pau i lilo i poe on a, ua hoao mua lakou e inu pakiko.

 

HE MOOLELO NO

Lonoikamakahiki

-KA-

Puu Alii Kiekie na Kalani.

Ke Alii Nui o Hawaii.

(KAKAU IA NO KA NUPEPA KUOKOA.)

 

I KA wa a ke alii Lonoikamakhiki i maopopo ai no kona huli hoi aku no Napoopoo, ua pane aku la oia i kona hoahanau ka pukaua o kona aupuni me kona mau alii.

            Ua pono ia i ka maka o na alii, a ua kali no kona hoahanau puuku, aole oia i pane mai no kona hoi pu me kona haku alii.

            Pane aku la oia i ke alii Lonoikamakahiki:

            E kuu haku alii, aole au e hele me oe, e noho no au mahope nei, a o oe a me na alii o kaua mahope aku ou, ua pono hoi ha.

            I ka pau ana o na kukai olelo ana a ua mau alii nei ua liuliu ae la ka huakai a na alii ma na waa, a ma ka aina no hoi kekahi poe.

            I ka hiki ana o na alii i ka aina i hoike ia ae nei, ua noho iho la lakou me ka maikai.

            Ua noho iho la na alii no ka wa loihi loa, a ua palaka pu ka manao o ke alii i na wahi ana i hele ai mai Molokai a Oahu a hiki loa aku i Kauai, aole he wai mea a hoomahao ae, ua nanea ia i ka ai kupouli manao o ka aina.

            Nolaila e waiho no kakou iaia e na nea ana i ka aina pohu lai malino, a e huli ae kakou i ke keiki o

 

Maikai Kauai hemolele i ka malie

Kupu kelakela ke poo o Waialeale

He laau pale ia na ke anu

Oo i ka nahele o makahiki

 

eia oia ma ke alahele maopopo ole no ka huli ana i kona hoa o ia uka kanaka ole.

            O keia mea e hele huli mai nei oia no o Kapaihilani ke keiki noho mehameha o ia waonahele kanaka ole, hoolaukanaka o ka leo hone o na manu e hone ana i ka pili o ke ao.

            Ua noho hookahi iho o Kapaihilani i kahi o laua i noho ai, a no ka pilikia, a me ka hoomanao mau hoi i kona hoa i ka po a me ke ao, a hoomanao ae la keia i na olelo hope a kana aikane no ka huli ana iaia.

            Iaia i hiamoe ai ua hui pu aku la ia me ka uhane o kana aikane aloha o Lonoikamakahiki, a pane aku la kona uhane:

            I imi mai nei au ia oe no kuu aloha ia oe, o i noho mai nei i ka hoomanawanui i ke aloha aole e nalo, a ua imi mai la au ia oe a loaa a e hoi kaua i ko kaua aina, ko kaua home mauna, kahi a ke ala a me ke onaona i noho ai.

            Pane mai la ka uhane o ka mea nona keia nanea:

            Aole kaua e hoi i kou aina he pilikia, ua hiki oe e hoi mai e noho i ko'u aina, eia ka aina a me na pono a pau o keia ola ana, he lani iluna a he honua ilalo.

            I ka aina kaua o Hawaii e noho ai pono, aole pono ka hoi ana i kou aina, oiai, ua imi mai la no oe a loaa au ianei, a o ka aina no keia noho iho, pehea ia la?

            I pau ana o na olelo a laua, ua manao no oia he mau kino maoli keia, aole ka.

            Puoho ae la oia mai ka hiamoe ae, a ike iho la oia he moeuhane ka kana a he pahaohao no ka mea e loaa mai ana.

            Ua lilo keia moeuhane i ke keiki o Kauai i mea e hoonaluea ai i kona noonoo, e he mea hoi e moe ole ai no kona po.

            A pela i hooheno ae ai ka poe kahiko i keia mau wahi lalani mele.

 

Kuu aloha i na lae kai elua

O Puunoa no me ka lae ohule

He ohua aku au he noho hale no ia nei.

He noho hoopilimeaai aku mamuli aku o ke aloha

A aloha no la hoi au o aha in a

Ua ku no kau kaena ua eha ia oe

O oe wale no ka ke aloha e li'a nei

E moe ole nei o kuu po ke moe iho

Moe no au a alla pu ae me kuu makemake

Makemake au ia olomana

Oia kuahiwi nani ai o Kailua

Elua no laua me Ahiki

Hiki mai no ko aloha pumehana ka poli

He kokoolua ia no ko'u po hoa ole ke moe iho

Moe no au a alla pu ae me kuu aloha

Hoomama ae no au ia kaua

I walea ai i ka hihipea o ka nahele

Aloha oe, aloha au.

 

            Pane aku la oia ma i kona manao ma kona leo, kai no hoi e imi aku ana au ia oe a loaa, a e noho aku ana au mahope ou, a he ai loaa aku au nau, a nau auanei ka pauaho mai ia'u.

            I ka pau ana o kana olelo kaukau ua kali oia a loaa ka wa pono e huli ai i kana alii.

            I ka loaa ana he wa pono ku ae la oia a iho i kai me ka naku hele ana ia loko o ka nahelehele ma kahi no hoi a laua i naku mua ai me kana aikane alii e noho la i ka lai a Ehu.

            Noho iho la oia a hoopuka ae la i keia mau hooheno ana.

 

E kuawaa mai la no hoi ka ua i ka nahele

E haki opa mai la ka ua i ka nahele,

Ke nu hele ae nei la i ka lau o ka hihikolo

Ke kolo hele nei kamahele i keia uka kanaka ole.

 

            Ke hoomau la no keia i ka naku hele ana i ka naele o Alakai, e hoomanawanui ana i ka eha o ka ili, a ke ohi hapuku la ka nahele i kona wahi p@u, a ke hele aku la i ke olohelohe, a hema kahi malo mai ka hope aku.

            Ua hoomanawanui kei ia mau poino, he mea ole wale no ia i ke kono ae a loko, a na ka manao no e hapahapai ae naue ke kino.

            O Kuh Kino no hoi e luhi i ko aloha, ke aloha ae nei au i kahi a kaua e hele ai e kuu aikane.

            Iaia e naku hele ana a kokoke e puka iwaho o ka nahele, hoomaha iho la keia.

            A pau kona hooluolu ana, iho aku la oia a hiki i kahakai, ua nana keia i waa nona e hiki ai ke holo i ka moana, a ke naku hele nei keia i kahi e loaa ai.

            A he mau la loihi loaa ko ia nei wahi waa, a hoomakaukau iho la keia no ka holo ana.

            Holo aku la oia i ka moana, a ke pa@alewa ia ala keia e na ale ahiu, a e paio mau aku ana no hoi oia me na nalu nui, e ke alo nei oia me ka hoomanawanui.

            Oia ka huli o kona wahi waa i ka moana, ka uhi pu ia e ka ale.

            No elua la me elua po ko ia nei hele ana i ka moana a ku aku la keia i ka aina.

            O kona wahi i pae mua aku ai ma Kalae no ia, aole no i u iho nuae aku la no ia ma na kai o Koolau, Oahu, a he po a ao pae ana keia ma kahi a Lonoikamakahiki i pae ai.

            No kekahi mau la oia malaila, a ua hookipa maikai ia e na alii o Oahu, e like me ke kauoha a Lonoikamakahiki i kauoha ai.

            A he mea no hoi ia na kona naau e mahalo loa ai i kona noho ana i ka hale o ke alii o Oahu, ua ai oia ua inu a ua lawa aohe mea a ka naau e hoowahawaha ai.

(Aole i pa u.)

 

NA MEA HOU O HANA.

 

            I ke Sabati 6 o Mei, ua hoike mai la ke kahu Rev. J. K. Iosepa imua o ke anaina i ke ano o ka lakou hui ma Wailuku. ma ia hui ana ua hoonoho hou mai la iaia i kahu no Hana, a ke noho nei oia e like me kona kulana mua, aole hoi e like me na mea i ike ia ma ka nupepa.

            Ma ia la Sabati he mahuahua no ka poe i hiki ae ma ka luakini, ke nee nei no na hana a ka Haku imua, a ma ia la no i noi mai ai i ka oluolu o na hoahanau e hookuu aku iaia no Kipahulu no kona wahi pilikia, a pau hoi mai; a ua ae ia aku.

            O ke kulana o ka ekalesia he oia mau no ia, a ke malama ia nei ke kula Sabati, a pela no hoi me ko makou ahahui opiopio.

            Ma ka Poakolu Mei 9, ua puni iho la ke akule o Hana mamuli o ka lawelawe ana a K. Kauakahi, aole o kana mai ka nui o ke akule, ua manao ia ua piha ke kini.

            Akahi no a manao ke ola, a e loaa no ke kuai aku ma ka hapalua o ke k@@u, a i ke ahiahi ana iho ma ke eke ke kuai, $1.

            Ua ola ko Hana poe a hala loa aku i Kipahulu ma keia puni akule ana.

            Ma ke Sabati, Mei 13, ua ulu ae la he mau manao hoopaapaa mawaena o kekahi mau keiki lalawai o ka uakea o Hana nei, no ka hiki a me ka hiki ole o ke kaa i Kipahulu, a ua hiki aku la nae ke kaa o Makalena ilaila a kani kai ala aka, a hoka hoi ka poe i hoole.

            Nolaila, he nui na makahiki i kaa hope ae nei, a o ka makamua loa keia o ka hiki pono ana o ke kaa i Kipahulu, a o Makalena ka ihu aa ma keia mea he hookele kaa no ua mau pali haloaloa la.

            Ma'u wahi mea hou ia.

P. PUHALAHUA

 

PAPAI PAPAI

AIA MA KAHI

LEWERS & COOKE.

(O LUI MA)

 

ma ke kakoa kahiko ma ala@ui Pa@a a me @@@

E loaa ai

PAPA NOUAIKI

o kela a me keia ana

 

P@ @@I@I, Na Puka An ia ni, Na Olepelepe

Na pou, Na O a, Na Papa Hele, Na Papu

Ku. A me na Papa Mo@ nui loa

 

Na Pili o na Hale o na Ano a Pau

 

Na P@pa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo-

maloo, he lehulehu wale,

Na Aila e ae o na ano a pau.

 

NA WAI VANIKI

-A ME NA-

WAI HOOHINUHINU NANI!

O NA ANO A PAU LOA.

 

NA BALAKI ANO NUI WALE.

 

A ke hai ia aku nei ka lono i na Maka ma

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

-NO KA-

UKU HAAHAA LOA.

 

E likeme kamea e @olo ana mawaena

LAUA a me ka MEA KUAI.

HELE MAI E WAE NO OUKOU

 

Ka Waiwai o ka Hilinai

 

A AYER Laau Sasaparila, kai kaulana a hilinai nui ia no ka hoomaemae koko, ma na wah a pau o ka honua, @e aneane 40 ma kahiki i hala ae nei, a ua lawelawe nui ia hoi iwaena o na oihana la@aau. O keia

 

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

 

HE koko inoino a nawaliwali anei kou? Ua a wili pu anei me na ano mai i ikaika? A ua hui pu anei me na wai awaawa hoopehu Na Keia

 

LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ole mamua ae o kekahi ano laau e ae O ke

 

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he

 

MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laa e ae.

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. he nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa. maluna o ka

 

Ayer Laau Sasaparila.

I HOOMAKAUKAU IA E

Kauka J. C. Avor & Co., Lowell, Mass.

HOLLISTER & CO.

Na A ena ma ka Paeaina Hawaii,

Helu 100.        Alanui Papu, Honolulu

2086-tf

 

B. F. EHLERS & CO.,

PAINAPA.

 

Poe Kuai i na Ano Lole a Pau.

Helu 99 alanui Papu. - Honolulu.

 

            E loaa mau ana na lole hou o na ano o pau maluna o kela a me keia moku.

 

Kakela a me Kuke

HALEKUAI NUI O NA WAIWAI

 

E laa na pahiolo, koi hole,

hamale, koi nui a me liilii, kila,

wili puaa, rula, apuapu, kui o na ano

a pau, kala kaa, hao hoopaa puka

 

pohaku hoana, kepa, lei ilio, kau-

la hao ilio, pahi, upa, pahi umiumi,

kalapu, kope hulu, pulupulu, oepa ka

lakala, lina hao, ami, keehi, a me

 

-KAULA OPU.-

 

Palau o na ano a pau,

Oo, ho, koala, pe, kipi-

kua, hao kope, au ho a pe

a aku, kua bipi, lei bi-

pi, kaula haula hao bipi, uwea

pa, uwea keleawe, hao pili

piula, kaa palala, ipuhao, ipu ti

 

PA-PALAI MAKAU ME KE AHO

 

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

-a me aniani hale-

AILA MAHU, AILA MIKINI, AILA HAMO

AILA KAA, INIKA KAMAA.

 

PAUDA, KUKAEPELE. KIANA

PAUDA, UIKI IPUKUKUI O NA

ANO HE NUI A LEHULEHU.

 

LOLE MAKEPONO

 

-E aa ua-

AHINAHINA, KALAKOA, KEO

KEO, LEPONALO HULUMANU.

UWE-WAHINE, KUI HUMUHU

MU A ME KA LOPI.

 

Ko Kuike @ loaa no ia ma kahi @

 

Kakela & Kuke!

 

NA MEA PIULA

 

Mikini Humuhumu

 

Maki@i a WHEELER a me WILSON

MIKINI A WIILOX ME GIBBS

NA MIKINI A

-REMINGTON-

 

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike

 

Laau Lapaau Kaulana Lo

A DR. JAYNE,

LAAU HOOMAEMAE KOKO

LAAU HOOPAU NAIO, LAA

KUNU, PENIKILA HUAAL@

PAAKAI, LAAU HOOPAA HI,

@a na Laau Hamo a Pela 'ku.

Kakela me Kuke