Ka Nupepa Kuokoa, Volume XXVII, Number 23, 9 June 1888 — NA WAHINE I MAREIA IMUA O KA AHAOLELO. [ARTICLE]

NA WAHINE I MAREIA IMUA O KA AHAOLELO.

Ua waiho īa ae imua o ka Ahaolelo ka bila kanawai e piii ana i ka waiwai o na wahine i mareia, a penei ka heluhelu ana o ka pauku 1 o ua kanawai la: "Pauku 1. O na waiwai paa ame ka waiwai lewa o kekahi wahine i kona manawa e mare ai e mau no ia i waiwai kaawale nona a e kaawale mai ka hooponopono, mana, a me na aie o kana kane; a e hiki no i ka wahine i mare la e lawe, kakauinoa no ka ioaa ana mai, paa, hooponopono a hoolilo aku i ka waiwai paa a lewa paha e like me he mea la aole oia i mare ia" Malaio o keia kanawai ua ae kaokoa loa ia ka wahine e kakauinoa, hoopono pono a hoolilo aku ika waiwai paa a lewa paha e like me kona makemake, me he mea la, aole oia i mare i ke kane. He kanawai waiwai nui keia oka hookaawale loa ia ana o kela mana i ka wahine, ina nae aia kela wahine ma lalo 0 ke aiakai ana 0 kona mau manao maikai oke akahele. Malalo oko kakou kanawai maa mau, e kau like ka mana o ka wahine me ko ke kane, no ka mea, he iwi aoao waie iho nooia no ke kane, a ua ike pineoine no hoi kakou, aia na waiwai a pau o ka wahine o keia inau la malalo 0 na hooponopono ana ake kane 1 hoonoho ia ma ke kulana he lunahooponopono a malama waiwai paha no ka wahine. Ke huli ae hoi kakou ma kekahi aoao, he nui waie o na wahine o kakou i mare ia a eia ko lakou mau waiwai malalo o ka hoomalu ana a ko lakou kane a ua oi loa aku na mea 1 hana ia ma ka laweiawe ana o kana kane i na waiwai o kana wahine a oi loa aku mamua oke kupono ame ke kaulike, a e iilo no auanei keia kanawai i mea nina e j hoopakele 1 ko lakou mau waiwai maia|lo o na laweiawe ana a ko lakou mau kane i kahi wa. Eia ka olelo kahiko i palapala la no ka wahine— "Aia iloko o ka wahine, —ka puuwai o ke kane;" "A aia hoi me ke kane.— ka naau o ke kamalii." Nolaila, o keia kanawai e hapai ia nei e ko kakou ahaolelo, oia aku ana kekahi o na kanawai waiwai i haawiia i na wahine i mare i ke kane, ke lawe ia keia kanawai a haawi ia ka noonoo aka hele loa e ko oukou mau po& (Aok i pau.)