Ka Nupepa Kuokoa, Volume XXVII, Number 28, 14 July 1888 — KA NANAINA O KE KAHUA MAI LEPERA. [ARTICLE]

KA NANAINA O KE KAHUA MAI LEPERA.

Ma ko makou hiki kino ana a makaikai i ke kahua o ka mai lepera ma Kalaupapa a ma Kalawao. ua kupu ae ka manao hoohuoi iloko 0 makou, pehea la 1 loaa ai i kekahi poe ka manao e olelo ai—he ino o Kalawao, he luaku papau, he mea a pela aku. Ma ko makou manao, ua oi aku ka maikai o ka noho lanakila a me ka noho oluolu ana o ke kanaka, mamua o kona holo pee ana 1 ka nahelehele a me ka neho ana ma kona home ponoi Inaoka noho huikau ka mea a kakou i makemake ai e hoohaukae i ko kakou mau ohana ma na home, alaila, he kanaka aloha ole ia i kona aina hannu, kana mau keiki a me ka ohana pu. He aina maikai o Kalaupapa me Ka lawao no ka noho ia e ke kanaka, koe wale iho no paha, he mau inoa kela i lohe pinepine a hookae ia e kekahi poe o ka luakupapau ia e kanu ola ia ai ke kanaka mai lepera, a ua kau mai ka inoa o ka mokupuni o Molokai, he inoa weliweli loa i ka mea mai lepera e hiki ole ai iaia ke lohe kona mau pepeiao, a i pau hoi 0 kona noonoo. He kuhihewa nui ioa kela oke kanaka e manao ana pela, oiai, ua like a like ke kupu 0 ka niai iloko ona ke noho ma kona home ponoi a holo paha i ke kua hiwi, mamua o ka noho ana i Kalawao he noho lanakila a me ka oluolu.

Ma ka loaa ana iho nei o ka wai luhi o!e o ka piula mai Waikolu mai a hoea i Kalaupapa, he pomaikai nui kela no ka poe mai o ka panalaau ma ka loaa ana o ka wai maikai me ka maem3e. O na hale he kohu kulanakauhale maopopo ke ano ke nana aku iluna oka moku Oka aina, he nui, a ua kuleana ke kanaka e mahi nona iho, mawaho ae o na kokua manawalea a ke aupuni e hanai nei ia lakou, he pomaikai hou no ia no na ohana 0 ke kahua mai lspera. O ka makou poloai i na poe i loohia ma keia mai hookaawale ohana, mai makau no ka hoihoi ia i Kalawao kahi e loaa ai kou noho lanakila ana, no ka mea, ma keia mua aku, oia wale no kahi e lu ia ai 0 na kokua o ka lehule hu, ma ka hoomahuahua ana i na pono a me na lapaau ana a na kauka akamai a keia au hooponopono aupuni hou e ake nui nei e loaa he o!a a palekana kakou —ka ohana— a me ka lahui holookea no a pau.