Ka Nupepa Kuokoa, Volume XXVII, Number 30, 28 July 1888 — KE KULA O SANA LUI. [ARTICLE]

KE KULA O SANA LUI.

I a hele makaikai aku makou i ke kula o Sana Lui i keia mau la iho nei, a mawaho ae o na haawina mau a ko lakou mau buke, o ke kaha kii, oia ka makou haawina oi loa aku o ka mahalo i ke akamai, ka noeau a me ka mikioi maoii no oka hana ana. Eia na kii ano nui a makou i lawe mai; Ke kii o ke -Kama'liiwahine make Likelike i kaha ia e Wna. Cuelho; ke kii o ke Kamaliiwahine Kaiulani, ka Emepera Wiliama o Geremania i make mai nei a me Napoliona 1.. i kaha ia e Zero Kakina; ke kii o ka Moi Aleponso o i kaha ia e Wm. Hoapiii; ke kii o kekahi hale malalo ona kua hiwi a ma kapa wai o kekahi muliwai, a me ka pule a ka Haku, i kaha ia e W. F. Kaae, oia kekahi ona mea a makou i mahalo loa ai ma ka mikioi o ke kaha a pena ana.