Ka Nupepa Kuokoa, Volume XXVII, Number 32, 11 August 1888 — E AHO E HOOPAU KE KOENA NAAUPO. [ARTICLE]

E AHO E HOOPAU KE KOENA NAAUPO.

Ua loaa mai ia makou he leta mai kekahi o na mokupuni mai, hoakaka ana i na hana naaupo a kekahi luna Ekalesia, a penei na hoakaka ana 0 ua leta nei. Eia ka mea kupanaha i keia kanaka, ua hookaawale oia i kekahi mau po o ka pule i mau po e kalokalo ai i na aumakua o ka pouli. A mekeia oia i hana ai, hoomakaukau ka paina ahiahi, alaila mania naua ka awa a pau i loko o ke kanoa. A pau i ka apu alaila kahea elike me keia: Ia oukou, e na aumakua apau mai ka hikina a ke komohana, ka paa iluna ka paailalo, ka hookui a ka halawai, ke kauoha aku nei wau ia oukou e kau i na pomaikai oi ae maluna o ka'u hanai. Ea, pela anei ka pono o na luna ekalesia e hana ai, ke ao mai i ka hana pono a me na hana hewa?'.' No ka ninau a keia makamaka maluna ae, no,ka pono a na luna ekalesia ke hana pela, he hookahi wa!e no haina mapopo aohe pono.

0 keia koena hoomanamana iwaena o kakou, oia kekahi kina nui e kau nei maluna o kalahui i keia wa. Ua kapaia ka lahui Hawaii, hc lahui i paa i ka malamalama Kristiano. A he oiaio no, ua mahuahua na hana pono iwaena oka lahui. Ua komo ka olelo malamalama iloko o ka lahui. Aka nae. ua koe no kekahi mau anoano o na hana hoomanakii o ka wa poeleele, oia no keia mau mea e puka liilii nei ma kekahi mau apana ma ke ano hoomanamana aumakua, pule anaanaa pela aku. - He mea pono ina k?hu ekalesia, e nana pono i keia mau hana, a e lawelawe pu ma ke ano e hoomaem?e i na kihapai o lakou. Ua lohe ia mai o kahi mau kahu o kakou kai komo pu iloko o keia mau hana. 1 na pela he me pono i na hai ena nalio o na mokupuni ke kapaia ka hana kupono e pili ana no na kahu o ia ano. Aohe kupono i ke kanaka e lawelawe ana i na hana hoomanamana, a ano hoomanakii e ae paha, ke noho i kahu ekalesia a luna paha, a kumu kula Sabati paha. E hoopau loa ia mau hana e pono al Ma ko makou hoomapopo ana ua ulu hou keia mau hana iloko o keia mau makahiki pokole i hala ae nei Ina hoi komo nui mai ia mau mea iloko o na ckalesia a me na kula Sabati, he mea kanalua ole ka hoomipopo ana i ka hopena o ia mau hana. Aia no i na kahu a me na ahahui keia mea e waiho nel Ina ulu nui keia mau ano Kana he manawa wale no e hiki mai ana a e pio ka malamalama oka lahui. Elaweia auanei ke kukuī mai na ekalesia aku, a eku wale na ihoiho kukui aohe malamalama, He hopena maikai ole ia no kakou. Aohe mea hiki ke malama i na haku elua. i