Ka Nupepa Kuokoa, Volume XXVII, Number 34, 25 August 1888 — Page 3
| This text was transcribed by: | Kala Lindsey |
| This work is dedicated to: | Makalapua Alencaster |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOAH.
Ahaolelo o ke Kau o 1888.
HE KANAWAI
E HOOMAOPOPO AI I NA MOOLELO E MALAMA IA E NA LUNA I HOO
MANA IA E HOOIAIO I NA PALAPALA.
E hooholoia e ka Moi a me ka Ahaolelo o ko Hawaii
Pacaina.
Pauku 1. Ona lunakanawai a pau a me na luna e ae
i ae ia i keia manawa ma ke kanawai, a e ae ia au ana
paha ma keia hope aku, e hooiaio i na palapala, mawaho
ae o ka ollo hoike i kakau ia maluna o ka palapala, mawaho
ae o ka olelo hoike i kakau ia maluna o ka palapala, e
malama lakou i moolelo o kela a me keia hooiaio ana ma
loko o kekahi buke moolelo. Ma kela a me keia moolelo
aole e emi na hoakaka ana malalo o ka hoakaka ana i ka
poe i hooiaio ia me na aoao elua ma ia palapala i hanaia ai a me
kekahi mau hoomanao ana no ke ano o ka palapala i ho
oiaio ia.
Pauku 2. O na buke moolelo i malama i malama ia e like me
ia i kauoha ia ma ka pauku mamua ae nei, e hoihoi ia i
kela me keia elima makahiki, a i ka haalele ana, make ana.
a hoopau ia ana mai ka oihana ae paha o ia lunakanawai
a luna e ae paha.
Pauku 3. E malama pono na Kaukauolelo o na Aha
Hookolokolo Kakau i na buke moolelo i waiho ia aku me
lakou e like me na mea i hoakaka ia ma keia Kanawai,
ma ka waiho pu ana me na moolelo o ka Aha Hookolo
kolo. Ehiki no e nana ia ua mau moolelo nei oiai e
waiho ana me ua mau Luna Hooiaio nei a mahope iho no
hoi o ia hoihoi ia ana i na wa kupono a pau e kekahi mea
kupono me ka uka ole.
Pauku 4. O kekahi o na Luna Hooiaio i olelo mua
ae nei i malama ole i ka moolelo i kauoha ia ma keia Ka
nawai, a i ole ia aole i waiho aku ia moolelelo me ke ka
mea i kauoha ia e hoopai ia oia e uku i kekahi hoopai aole
e emi malalo o kanalima dala aole hoi e oi aku mamua o
elua haneri me kanalima dala, a ua hiki e koi ia ia
hoopai mai ia luna mai a i ole ia i kona mau hookokauoha
a lunahooponopoho waiwai paha imua o kekahi Lunaka
nawai Hoomalu a Apana paha. O ka manawa mua o
elima makahiki i manao ia ma kei Kanawai e pau no ia
ma ka la mua o Iulai, 1893.
Pauku 5. O na Kanawai a me na hapa Kanawai a
pau e kue ana i na olelo o keia Kanawai, ma keia ke hoo
pau loa ia nei.
Aponoia i keia la 4 o Iuoa,i M. H. 1888.
KALAKAUA REX.
Na ka Moi:
LAl Thurstonl
Kuhina Kalaiaina
HE KANAWAI
E HAAWI AI I KA MANA I KE AUPUNI HAWAII E HANA AELIKE NO
KA HANA ANA I NA UWEA TELEGARAPA MOANA UILA MAWAENA
O NA MOKUPUNI O KEI PAE AINA.
E hooholoia e ka Moi a me ka Ahaolelo o ko Hawaii
Paeaina.
Pauku 1. Ma keia ke haawi ia nei ka mana i ke Ku
hina Kalaiaina me ka ae pu o ka Aha Kuhina e hana i
Aelike me J. Sherman Batholomew e noho nei ma Ho
nolulu. H. i., kona mau hoa waihona, a me kekahi poe e
ae paha, a i ole me kekahi hui paha, no ke kukulu a hoo
moe, a malama ana i kekahi Uwea Telegarapa Moana
Uwila, a mau Uwea Telegarapa Moana Uwila paha, e
hoohui ana i na mokupuni o ko Hawaii Pae Aina, mai
Hawaii a Kauai, e like me keia i hoike ia; oia hoi keia:
Mai Hawaii a Maui, mai Maui a Oahu, me ka hoopae
ana ae ma Molokai, a mai Oahu aku a Kaui, me na
uwea kekahi ma ka aina, e hoohui pu ai me na wai a pau.
a i ole ia kekahi mau wahi paha o ka Pae Aina.
Pauku 2. Ua hiki no ma ia Aelike ma kona hoakaka
ana e hoomaopopo no ka haawi, hoolilo a hoopaa ana aku
o ke Aupuni Hawaii ia J. Sherman Bartholomew i oleloia,
kona mau hoa a waihona a me kekahi oe, a hui e ae
aha (hoakaka ia mahope iho nei iloko o keia Kanawai
o na mea hana Aelike), i ka mana a me ka pono kaokoa
e kukulu a e hoomoe i kekahi Uwea Telegarapa Moana
Uila, e hoohui ana i na mokupuni o ko Hawaii Paeaina,
mai Hawaii a Kauai, me ke komo pu ana o Maui, Molo
kai a me Oahu, me na uwea kekahi ma ka aina, i mea e
hoohui ai i keia mau uwea kekahi ma ka aina, i mea e
hoohui ai i keia mau uwea i olelo ia, iloko a no ka mana
wa aole e oi aku mamua o umi (10) makahiki mai ka la
mua o Ianuari, M. H. 1889. Eia no nae hoi ina aole e
hoomoe ia, a paa a makaukau no ka hoohana ana aku,
mna ka la, a i ole mamua aku paha o ka la mua o Iulai,
1889, alaila, o ka mana a pono kaokoa i ae ia mamua ae
nei e haawi ia, ua hiki ina e manao ka Aha Kuhina pela i
hoolilo koke a ma kekahi manawa e ae paha i mea ole ma
ka hoolaha ana aku pela i ua poe hana Aelike nei, ekolu
(9) mahina nae ka lohe e hana ia aku ai mamua o ka pau
ana.
Eia no hoi, ina o kekahi o na Uwea Telegarapa Aina,
e hoohui ana me ka Uwea Telegarapa Moana, aole e ku
kulu ia, a makaukau no ka hoohana ana aku ma ka la a
mamua aku paha o ka la 1 o Ianuari, 1891, ia manawa, a
i ole i kekahi manawa mai paha mahope, ma ka hai ana
aku i ka lohe i ka poe hana Aelike, iloko o ekolu mahina,
ua hiki i ke Kuhina Kalaiaina, me ke aono o ka Aha
Kuhina, e hai aku, ua lilo i mea ole ka ono kaokoa, a
me ka pomaikai i ae ia no ke kukulu a malama ana ia
mau Uwea Telegarapa, a maluna oia mea ma ka aina, ua
lilo ia pono kaokoa, a pomaikai i mea ole. Eia hou no
hoi, o ka pono a me ka pomaikai i ae ia ma keia Kanawai
,
aole ia hoohana ana e papa a hooki i ke Aupuni Hawaii
mai ka ae ana aku i ka hoopae, hoomoe, a malama ana
paha maluna o ka Mokupuni Hawaii, a i ole maluna paha
o kekahi o kona mau Mokupuni, a i loko paha o kekahi o
kona mau wai, i kekahi mau Upea Telegarapa Moana, a i
ole i kekahi mau Uwea Telegarapa e ae paha, i mea e hoo
hui ia ai ua Mokupuni i olelo ia, a i ole kekahi paha o lakou
me na Aina E, a aole no hoi e komo wale aku no iloko o ka
pono kaokoa o kekahi o na Uwea Telepona Hawaii e ku
nei a Hui Telegarapa paha.
Pauku 3. Ua hiki no e hoakaka hou ia ma ua Aelike
nei no ka uku ana o ke Aupuni Hawaii i ua poe hana Ae
like nei i ka huina dala o Iwakaluakumamalima Tausani
Dala ($25,000), a me keia ko ano:
Ma ka pau ana, a makau no ka hoohana ana aku i ka
uwea i olelo ia mawaena o Oahu a me Maui, ka huina o
Ewala Tausani Daola ($8,000): ma ka pau ana, a makau
kau no ka hoohana ana aku i ka uwea i olelo ia mawaena
o Oahu a me Hawaii Ewalu Tausani Dala ($8,000); a ma
ka pau ana, a makaukau no ka hoohana ana aku i ka uwea
i olelo ia mawaena o Oahu a me Kauai, Eiwa Tausani
Dala ($9,000).
Pauku 4. Ka ae ana o kekahi o na pono a me na po
maikai, a me ka uka ana o kekahi o na dala i apono ia e
keia Kanawai, e hooponopono ia no ia, maluna o kekahi
Aelike Pakui malalo nei, penei:
O na olelo a pau mawaho ae o na Olelo Aupuni a Olelo
Nupepa paha, e lawe ia mai no lakou, a e hoouna ia ma
luna o kekahi uwea a mau uwea paha i olelo ia, no ka uku
aole e oi aku maluna o umi (10) keneta no ka huaoloelo
hookahi. O na oolelo a pau i hoouna ia mai i ke Aupuni,
a mai ke Aupuni aku paha, a mai kekahi Luna Aupuni
paha ma kona ano he Luna Aupuni na olelo no na nupep,
e lawe ia mai no, a e hoouna ia aku maluna o na uwea i
olelo ia no ka hookahi hapa (1/2) o ka uku e uku ia ana no
na olelo e ae mawaho o na Olelo Aupuni a olelo nupepa
paha.
Pauku 5. Ma ka hoike ana aku i ke kuhina Kalai
aina i ka pau pono ana o na pauku pakahi o ka uwea i
olelo ia, i hoike ia hoi ma ka Pauku 3 o keia Kanawai, a
e hoohana ia ana hoi no ka hoouna ana aku i na olelo, a i
holopono i kona manao, alaila, ua hoomana ia ke Kuhina
i olelo ia ma keia e uku i ka poe i hana i ka Aelike i na
huina dala pakahi i olelo ia ma ka Pauku 3.
Pauku 6. E lilo keia i Kanawai mai kona la i apono
ia ai.
Apono ia i keia la elua o Iulai, M. H. 1888.
KALAKAUA REX.
Na ka Moi:
L. Al. Thurstonl
Kuhina Kalaiaina
Pahu Hale Lota 35 Bele Telepone 274
KA AGENA OIHANA HAWAII.
No. 68 AOLANUI PAPU HKIHI O ALANUI KALEPA, HONOLULU, H.I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa-kuai a hoolilo aku, a me auhau uku ana
Na Hale hoolimalima, Rumi, Keena, Aina e hoolimalima, a aelike e ohi i
na uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na pepa a pau e pili
ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Pani
hakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Date e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
O na hana a pau a na makamaka e haawi mai ana no ka hooko aku i ke kauoha, e hooko ia
no me ka eleu a me ka miiala.
Agena Oihana Hawaii.
@@@@ 1yr. Mar.
B.F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papa. - Honolulu.
E loaa mau ana na lole hou o na ano a pau maluna o kela a
me keia moku.
Kela me keia.
He maluhia ka la koho balota Alii
o ka Poakolu nei.
Aloha wale ae au ia Paulo I; - a
yes, dear
Ua oluolu ae nei ka mai o Mr. Da
vid Manaku, Kokua Luna Leta Nui.
E mare ana i ka wahine ka eme
pera opio o Kina i keia Feberuari
ae, 1889.
Piha pono ka ahamele o Kaumaka
pili i ke ahiahi Poaha nei i na makaikai.
I keia Poalua ae e haalelo mai ai ka
Australia no ka ipuka gula o Kapala
kiko.
Ua piha oa makou i keia ia, a ua
hookaulua ia na manao o na maka
maka a keia pule ae.
He puali hula mai Samoa mai ke
hiki mai ana ma ka Mariposa o keia
la, a holo loa aku no Kapalakiko,
Ua holo he olelo hooholo imua o ka
Hale na ke Alii Tausani, i elima wale
no minute a nahoa e kamailio ai.
He kuaua ko keia mau kakahiaka e
haule mau nei ma ke kulanakauhale
alii nei.
Ua malama ia ka halawai makaai
nana a ka aoao kuokoa i ka po Poaono
i hala, maloko o ka luakini o Kau
makapili.
Inehinei i ku mai ai ka Malulani
mai kona mau awa mai Maui me Ha
waii, me ka piha ukana me na ohua
mai o Kona kai opua.
Piha makaikai mau ia kahi moku
kialua heihei Koroneta i keia mau la o
keia pule, a i ka Poakolu iho nei ka
heo ana aku no ke awa o Iokohama.
Ua lohe ia, o kela luina paahao o
ka Omaha i lele ai iloko o ke kai a
manao ia oia ua piholo a make, eia no
ke ola nei a ua pee.
Ua holo ae nei ka Bila Kanawai
Kiaaina i ka Poaha nei maloko o ka
Ahaolelo, he 40 ae me 2 hoole maluna
o ka vito a ke Alii ka Moi.
I na ahiahi Poakolu a me Poaha nei
ua hoolele ae ka mokukaua Beretania
Esepikela i kona kukui uwila i ke kula
nakauhale nei.
E pau ana paha ka Ahaolelo i keia
pule ae, a i ole, ia pule aku. O ka
Bila Haawina wale no ka hana nui i
koe ma kona beluhelu ekolu ana.
Eia kekahi palapala hoopii imua o
ka Ahaolelo ke lawe hele ia nei no ke
kakau inoa, e noi ana e ae ia ka Bana
Puhi Ohe e hookani i ka lakou mau
hokeo i na la Sabati ma Ema Kuea
I keia mahina ae o Okatoba, e pau
ai ai ka holo ana o na mokuahi o ka
hui O. S. S. Co. mai Kapalakiko, Ho
nolulu a hiki i Kikane malolo o ka
aelike.
Ua hooakea ia ae nei ke alanui Moi
he 10 kapuai hou ma ka aoao makai
mai ka uwapo aku a Haaliliamanu, a
loaaa ke kowa kupono no na kaalio e
holo ai ma na aoao o ke alahao.
I keia Poalua ae e ku mai ai ka mo
kumahu Arabic mai Kapalakiko mai
ma kona alahele no Iokohanua. O ke
kahi keia o na moku maikai loa o ka
hui hooholomoku Hoku Keokeo o ka
Atelanika.
I keia pule ae, ke pau pono na he
mahema o ka moku Kaimiloa, e hoo
holo ia aku ana oia na na awa o Hama
kua, a o mokumahu Pele e hooholo ia
aku ana no kekahi awa okoa ae.
E hoohui ia aku ana ma ka berita o
ka mare i keia mahina ae, o Mr. James
Cockett o ka mokupuni nui o Hina me
Miss Stella Keomailani o ka na kuka
lahale o Honolulu nei.
Ua oluolu loa ae nei ka nawaliwali
o ka mea kakau o ka kakou Makai
Kiu, a eia mai oia ke pulelo aku la i
keia pule, me ka piha uwila o kana
huakai makaikai honua aku nei i na
apana o Kalauao, mokuaina o Ewa.
Ma ke ku ana mai o ka mokukaua
Amerika lawe kauoha Dolepina me
ka mokukaua Beritania Esekela, ua
hoomahnahua ia ae ka ikaika kaua
moana o ke awa o Honolulu i ka eha
moku.
Ua lono ia ae ma Kapalakiko, e
kapili ia aku ana he elua mau moku
mahu lawe ohua no ka hi Pakipika
Akau R. R. Co., a hoohoio ia no ka
lawwe i na poe makaikai mawaena o
Takoma me Honolulu i keia makalii
ae o 1889.
NA MAKAI KIU
Amerika a me Europa.
HE LEI @@MANA I AIHUA IA ME KE
AKAMAI LOA
I KOU lohe ana ma keia kulanakau
hale o Torina ua hala e iho na ko
lone ia la hookahi no a'u i hoea aku
ai malaila no Switzerland, aohe a'u mea
e ae e hana aku ai o ke kali wale no
ma keia wahi a ao ia po, no ka mea,
aohe kaa e holo hou aku ana ia wa a
hiki i kakahiaka o kekahi la ae.
"No keia mea, ua hooholo iho la au e
hoohala i ka manawa ma ka hoolala
ana i na mea e hiki ai ia'u ke hana aku
no ke alualu ana i ua mau kolohe nei,
a oiai hoi mai keia wahi aku he nui na
mana a ke alanui e kee ana i o a ia
nei, ua hooholo iho a au e kauoha i
Napela i kokua no'u, a mamuli o ka'u
kauoha ua hoouna ia ae ma ke kulana
kauhale o Cologne kekahi makai kiu
wahine o Miss Guori ka inoa, ilaila au
e halawai aku ai me ia, a e kuhikuhi aku
ai hoi iaia i kana mea e hana aku ai.
"O keia wahine kiu o Miss Guoni,
ua hana oia i kekahi hana makai kiu
akamai loa mamua aku, a o keia kau
oha ana o'u iaia e hui mai me a'u ma
keia hana, he mea ia na'u i hilinai piha
e hoopomaikai ia mai ana maua ma ua
hana nei, oiai ua maa mau wau ina he
wahine ka mea nana e hookolo ana ka
meheu o kekahi lwehala, he hikiwawe
ka paa, oiai o na lawehala a pau e holo
ana mai na lima mai o ke kanawai e
hakilo mau ana no lakou i na mea a
pau e hookokoke aku ana ia lakou, a
maluna no nae o na kane ko lakou
hoopapau loa i ka hakilo ana.
"I ka pau ana o keia mau hoolala
a'u, a ma ka auina la hoi o kekahi la ae,
kau aku la au ma ke kaaahi e holo ana
no ke kuianakauhale o Bern, a laila
au i lohe mai ai no kekahi wahine opio
a me kekahi kanaka e kaahele ana ma
lalo o ka inoa 'Dumont, he elua o laua
hora o ka noho ana ma ka hotele i ka
paia 'Berner Wirthsbaus' maloko o a
kulnakauhale. Eia nae kahi mea hilu,
o ka hiohiona o ka lede opio oia kai
kulike me ko ka'u e huli nei, a o ke
kane hoi he okoa loa. O ke kanaka
i ike ia me ka umiumi keokeo loloa ma
Napela me ua lede opio nei aole, a o
keia keonimana e hele pu nei me ia he
umiumi eleele uuku wale no kona e
kau nei; aka nae, o ka ihu, na maka, a
ne na hiohiona e ae a pau loa ua ku
like no me ko ua haku nei, a ma ia
kumu au i hooholo iho ai oia no keia
kanaka me ka umiumi eleele, ua kahi
oia i kona umiumi a hamo ia a eleele i
kumu e hoohuhewa ai i ka mea e hoo
kolo aku ana mahope o kona meheu.
"I ko'u hai ia ana mai la ma keia
wahi ua kau aku keia mau mea maluna
o ke kaaahi e holo ana i ke taona o
Narburg, nolaila, kau iho la au maluna
o kekahi kaaahi e holo ana ilaila, a no
ko'u lohe ole ana i ke kau wahi mea iki
e ioli ana no laua i ko'u hiki ana aku
ma ua taona nei, manao iho la no au
aole no laua i noho malaila, a hoomau
loa aku la no au i ko'u alahele no ke
taona o Basie.
"I ko'u hiki aku ana malaila, hai ia
mai la au ua hoea aku kekahi kanaka
a me kana wahine malalo o ka inoa
'Dumont' malaila i ke ahiahi o ka la
mamua iho o keia a'u i hiki aku la, ua
hoolimalima laua he hookahi rumi, a
iloko laua olaila i moe ai ia po, a ma
ka nana aku me he la e hoohala ana
laua i kekahi mau la malaila; aka nae,
i ko laua ala ana ae i ke kakaiaka, o
ka hana mua a ke kane i hana ai oia
kona noi ana i ka pupepa, a i ka loaa
ana aku iaia he hookahi kope o ka nu
pepa Berner Zeitung, heluhelu malie
iho la oia, me ka hilinai ana iluna o ke
pakaukau o ke keena o ke kupakako o
ka hotele a laua i noho ai, a aole i emo
ua ike ia aku oia i ka nana pono loa
maluna o kekahi mea i pai ia maloko
o ua pepa la, a i ka pau ana o kana
heluhelu ana, ninau koke aku la oia i
ke kupakako i ka wa e holo ai o ke kaa
ahi no ke kulanakauhale o Cologne, a
i kona hai ia ana aku kauoha aku la
oia i ke kupakako e hoouna ae i ke ku
ene i kona rumi me kana bila, oiai e
haalele ana oia i ka hotele i keia wa, a
i kona haalele ana mai i ke kupakako,
lawe pu aku la ua haole nei i ka pepa
ana i noi aku ai e heluhelu.
"I ka=o'u lohe ana i keia, hoohuoi iho
la au i ke kumu o kona haalele koke
ana i ka hotele mahope koke iho o
kona heluhelu ana i ka nupepa, a ha
upu koke mai la no wau ua ke oia i ke
kahi mea e pili ana nona iloko o ka
nupepa, na ia kumu la paha ia i hoeu
e haalele koke no i ka otele. I pau
kuhihewa, kii aku la au i kope o ua
haole nei i ike ia ai e heluhelu ana, a
eia na huaolelo iloko o ua nupepa nei
nana i hoeu ua kolohe ia e lele:
"I keia mau la koke iho nei no, ma
loko o ke kulanakauhale o Napele, ua
hana ia kekahi hana apuka nui hewa
hewa, a o ka nui o ka maalea o ka
hana ia ana ua oi ae ia mamua o na
maalea a makou i lohe ai mamua. He
kanaka i hoea aku malaila, e hoike ana
iaia iho he keonimana kaukaualii no
Beretania, kai hoao e lilo mai iaia ke
kahi lei a i kumukuai nui makamae loa
mai kekahi mai o na mea hana gula
hoonani kaulana loa o Napela, a i ka
paa ana no i ko ia la lima o kona haa
lele koke iho la no ia i ke taona, a ma
muli o ke akaai ua hoohuhewa ia na
makai kiu i hahai aku mahope o kona
meheu. Ma ka nana aku, he hana nui
keia a lakou a ka hanu ana mahope o
keia kanaka apuka akamai nui wale,
aka, ua manaolana ia o ka makai kiu
makaukau a akamai i hookohu ia aku
ai e hanu i ka meheu o ke kolohe nana
e imi aku a huai ae iaia, a o ka mana
o ke kanawai ka hoopai e hookau ia
aku maluna ona.
"Mamuli o keia hoolaha a ka nupe
pa, he mea kanalua ole ko'u manao
oia ka mea hookahi nana i kipaku aku
i ua 'Dumont' nei me kana wahine e
haalele koke i ka hotele, a mameli no
hoi o ia hoolaha ana a ua nupepa nei
ua hoopiha loa ia au i ka huhu, oiai
ma ia hana ana pela ua hoolilo ia ka
hana a ka makai kiu i mea ole, a i ole
ua hoopohihi ia ka lakou hana mamuli
o ka ike ana iho o ke kolohe i kona
uhai ia a hoololi ae i kona alahele mai
kahi a ka makai kiu i manao ai e paa
koke aku ana, e like me keia iho la i
hana ia mai la ia'u; a i ko'u hoomao
popo pono ana iho i ko'u kulana i keia
wa, ua hooholo iho la au he pono ole
ke hookaulua iho, a me ka hikiwawe
loa e hiki ai ia' ke hana, haalele koke
iho la au i ke kulanakau hale o Basie
no ka uhai loa ana aku ia laua a biki i
Cologne.
(Aole i pau.)
KUAI HOOLIMALIMA
Ma ke alo o Aliiolani Hale i ka hora
12 awakea o ka Poaha, Sepatemaba 6,
1888, e kuai ia aku ana ma ke kudala
akea ka hoolimalima o kekahi apana
aina ma Hamakua, Hawaii, mawaena
o Opihilala me Paauilo, nona ka ili he
207 eka.
E hai ia aku no na mea a pau ke
ninau ae ma ke Keena Kalaiaina.
Manawa: Hoolimalima o 10 ma
kahiki, mai ka la 18 aku o Novemaba,
1888.
Kohe kiekie, $1088 no ka makahiki
e uku mua ia ma ka hapaha makahiki.
L.A. THURSTON
Kuhina Kalaiaina.
Keena Kalaiaina, Aug. 1, 1888.
2192-5t
KUAI HOOLIMALIMA.
Ma ke alo o Aliiolani Hale i ka hora
12 awakea, Poaha, Sepatemaba 6, 1888
e kuai ia aku ana ma ke kudala akea
ka hoolimalima o kekahi apana aina
nona ka loa he 40 kapuai, a he 20 ka
puai ke akea, e waiho la ma ka aoao
\ma Ewa o ka Hale Dute Kahiko, ala
nui Moiwahine, Honolulu, a e pili pu
ana hoi.
Manawa: Hoolimalima o 10 ma
kahiki,
Koho kiekie, $30 no ka makahiki e
uku mua ia.
L.A. THURSTON,
Kuhina Kalaiaina.
Keena Kalaiaina Iulai 31, 1888.
2192-5t
KUAI HOOLIMALIMA.
Ma ke alo o Aliiolani Hale i ka hora
12 o ka Poaha, Sepetema ba 6, 1888,
e kuai ia aku ai ma ke kudala akea, ka
hoolimalima o kela mau apana aina e
waiho la ma Kohala, Hawaii, a i ike ia
ma ka inoa o Kokoiki a me Puuepa.
1-Kokoiki, he 330 eka. Uku ko
ho, $100 o ka makahiki, e uku ia i ka
hapaha makahiki.
2-Puuepa, he 69 eka. Uku koho,
$20 o ka makahiki, e uku mua ia i
kela a me keia makahiki.
He 5 makahiki ka manawa hoolima
lima o keia mau apana aina.
L.A. THURSTON,
Kuhina Kalaiaina.
Keena kalaiaina, Augate 2, 1888.
2192-5t.
KEENA KALAIAINA.
He Hoolaha i na mea a pau no ka
hooko i ka Laikini Ae Mare.
No ka hooponopono hou ana i na
buke Laikini Hooko Ae Mare, ke
kauoha ia aku nei na kanaka a pau e
paa nei i kela wau laikini maloko o
keia Aupuni, e hoouna mai i ka lohe i
ke Keena Kalaiaina me keia malalo
iho.
1-Ka la i hookohu ia ai.
2-He laikini anei no ke Aupuni
holookoa, ka mokupuni a o ka apana
paha.
3-Kahi noho o ka mea e paa nei i
ka laikini.
L.A. THURSTON,
Kuhina Kalaiaina.
Keena Kalaiaina, Iulai 26, 1888.
2191-3t