Ka Nupepa Kuokoa, Volume XXVII, Number 35, 1 September 1888 — Page 1
| This text was transcribed by: | Elizabeth Boisvert |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELU 35. HONOLULU, POAONO, SEPATEMABA 1, 1888.
W. O. SMITH.
Loio ma ke Kanawai.
H@@oo, Alanui Papu, Honolulu. fy 4-1y
WR. KAKELA.
LOIO A HE KOKUA MA KE KANAWAI
He Luna Hooia@o Palapala.
tf
WILDER & CO. (WAILA MA.)
Mea kuai papa a me na lako kukulu hale na ano a pau, a me na me ne pono a pau no ka hale.
Kihi Alanui Moiwahin me Papu. tf
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao Alanui Papu, Honolulu.
HOOLAHA.
G. W. A. HAPAI.
He Luna Hooko Mare. A HE AGENA HOOIAIO PALAPALA.
E loaa no ma Hilo-taona, Hawaii, ma na manawa a pau. 2152-1y
EG. HITCHCOCK. (AIKUE HIKIKOKI).
LOIO, A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, meika'awiwi
HILO, HAWAII. 2114.1yr.
GEORGE P. KAMAUOHA.
He Loio a he Kokua ma ke Kanawai.
A HE MEA ANA AINA.
E loaa no ma Kohala Akau, Hawaii.
2091-1y
VOLNEY VAILLANCOURT ASHFORD, AKEPOKA.
He Loio, Hoakuka, Pale ma k Kanawai Kakauolelo, Lunahooponopono a me ka hana ana i na Palapala Hoolilo.
LAWELAWE ILOKO O NA AHA A PAU O KE AUPUNI.
E hana ia no na Palapala pili Kanawai a pau.
Keena Hana Helu 21, Alanui Kalepa, Honolulu Hale. (2150 1y)
A ROSA. (AKONI.)
LOIO A HE KOKUA MA KE KANAWAI.
H@ Luna Hooiaio Palapala.
KEENA HANA: Ma ke Keena Loio Kuhina.
tf.
CECIL BROWN.
LOIO A HE KOKUA MA KE KANAWAI?
h@ A@ena Hooiaio Palapala no ka Mokupuni o Oahu
KERNA HANA: Ma alanui Kalepa.
tf.
WILLIAM C. ACHI.
Loio a he kokua ma ke kanawai imua o na Aha a pau o keia Aupuni.
He Mea Ana Aina a he Boroka ma na waiwai paa.
Keena Hana, Helu 15, Alanui Kaahumanu Honolulu, oia ke K@ena mua iho nei o Kini me Peterson. 2114-y
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELO MA KA OLELO BERITANIA A ME KA OLELO HAWAII.
Keena Hana, maluna ae @ ka Banak@ @ Bihopa ma.
1yr.
JAMES M. MONSARRAT. (MAUNAKEA.)
LOIO A HE KOKUA MA KE KANAWAI
He Luna Hooiaio Palapala.
E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.
KEE NA HANA: Alanui Kalepa.
W. A. KINNEY, (Kini.)
LOIO.
Ke ena hana ma ke Keena o J. A. Makuna, 2168 Helu 42 Alanui Kalepa. 1y
SAMUEL K. KA-NE.
Loio a he loea ma ke Kanawai.
muai o na Aha Hookolokolo a pau o keia Aupuni Keena hana: Ki@i o na alanui Moi @ me Beela, pili pu me ke keena o ka nupepa
Alakai o Hawaii. 3m-2182
HE MOOLELO
NO KE
Koa o Kanahele,
A @OLE IA
Ka Naita o ke Kapa Kila Lahilahi.
MOKUNA VIII.
KA NAITA ELEELE ME KA UKLI KUAPUU.
Oia o Karla a me kona mau hoa iloko o ka nahelehele, aole lakou nei i haawai iki me kekahi mea e kohu ai ke kaena ana ae, o ko ia nei mau hoa, he mau kanaka lakou aole i oi ae ma mua o kanakolu o na makahiki, ua like no me ia ka puni i ka waina a me na lealea oia ano. O kekahi o Sir Pipena o St Wike, a o kekahi o Sir Rupaka o Maunagole, a o na kanaka iho elua, ua like no me na haku Ma o St Paulo la.
Poluea mai la ka hoi, i hoihoi no ka hoi i ka loaa aku o kahi mea e nanea ai, wahi a Karla i pane mai ai, A pane mai la o Sir Pipena.
Aole no paha oe i hewa, ina no hoi paha e loaa aku ana no hoi na kaikamahine o ka nahelehele nei. Ma kuu ola e Pipena o na kaikamahine e loaa aku ana, he @elemakule ma nei wahi aku nei la, he mau moopuna kana elua, e hele kakou ilaila.
Ia kaalo ana e no o lakou nei ma ka puu, ike aku la lakou nei i na kaikamahine, a pane maila o Karla.
Eia ua mau kaikamahine nei la, e kali ana no paha ia kakou,
Holo aku la keia i ko ia nei ike ana aku e hoomakaukau aku ana lauala e holo.
Noho mai, mai makau olua ia makou, he poe kiai makou no na wahine ui e like me olua ke ano, i imi mai nei no makou ia olua, a e manao aku ana makou e hele i kahi o ke kupunakane o olua.
Ua kuhihewa paha oukou, he mau malihini maua i hele wale mai no e makaikai maanei.
He mau malihini olua, ina hoi ha pela na makou olua e malama aku aole i ike ia aku ke kalohe.
Ike aku la laua nei i ko lakou la manao, hawanawana aku la o Media i kona kokoolua e holo. Kena mai la ke keiki alii i kona mau kanaka e holo ae a mamua alai mai, lele iho la lakou nei mai luna iho o na lio, a hahai aku la ma ka wawae.
Ke holo ala ia mau kaikamahine nei me ka manao e loaa ona kokua mai, lohe koke aku la no laua nei i ka halulu o no kapuai wawae mahope, hoomaka laua nei e kahea me ka leo nui.
E kokua, e kokua ia wa kau ana ka lima o ke keiki alii a pane mai la.
Hilahila ole olua e holo nei. Ua kuhi paha olua he poe powa ma kou. A ike anei olua, aole makou he poe hiki ke hana ia pela.
E alakai ae ia laua i kahi o ka elemakule, eia koke ae no maanei iho, e pani iho i na waha.
Paa ia iho la na waha o laua nei, kupaka ae la laua nei me ka manao e hemo ae, aole nae e hiki ua paa loa. Ioa paha aole i piha ke keiki alii i ka waina, ina no paha aole no e like meneia na hana.
A iua la hookahi nei no, aole o lakou nei wale no Lorraine he mau mea ae no kekahi he naita a me kona ukali kuapuu.
O ua naita nei he kino palahalaha maikai kona, ua kahiko ia me ke kapa kila eleele, a he hulu eleete ko luna o kona papale. he iwakaluakumamalima ona mau makahiki, aka, na ka la a me ka makani ame ka ea o ka lepo, o ke alanui, e manao ia aku ai ua nui aku kona mau makahiki, Ame ia ano a pau, aole no e nalo ko ia nei ui, ua nani keia mai luna a lalo. A oua maita nei, oia no Uleki no ia o Cluny. Na ka moi Alepona a Asturias ame Leon i hookau i ka inoa naita maluna o ia nei, o na kepa holo lio mai ka wawae mai no ia o ke alii.
O ka ukali hoi, aole ia he mea waiho wale aku me ka nana ole ia aku, he he wahi kino puipui kona me na helehelena koa a ui no hoi, ina paha aole ka puu o ke kua, ina ua loihi hou ae kona kino a aole hoi kekahi mea e nana aku ana iaia a mahalo ole aku iaia, a oua mea la, aole ia he mea okoa, o Merina no ia.
O ka poe i ike ia laua nei ma ke kahua kaua ma Sepania, ua olelo mai la lakou aole mau paa i ike ia e like me laua nei ka ikaika o ke aloha mawaena o laua ua like me he mau hoahanau la, ma ke kahua kaua, aohe o laua mea e like ai.
Ma Lamora, ua hoopuni ia lau a nei he hookahi haneri koa Moslem me na kokua koke ole mai, ua hakaka aku no laua nei me lakou a ua nui no ka poe i make, a eha o lakou, a pakele no laua nei, ua hooao ke la poe e hopu i laua nei, A ia laua nei e holo ana, ke nana mai la lakou la mahope' a pane aela ke kapena o lakou.
Ma o Alahe la, he mana kupua ko laua.
Ua kanaha a @oi ae poe i make ia hana ana.
E Merina, aole paha kaua e hiki loa i ke kulanakahale i keia po, e moe kaua i ka nahelehele nei, a kakahiaka hiki mai ka moi me kona mau ukali, a he makemake wau e ukeli aku malalo o kona hae.
O ko kaua manao like aku la no ia e kuu haku.
Ma hea la kaua e moe ai, e hele loa paha kaua a ma kela aoao o ka puu. A he meheu wawae lio hou hoi keia, a ke mamaka nei no e hookolo aku kau a ma keia meheu.
Ia wa, lohe koliuliu aku la laua nei i kekahi leo e kahea mai ana e kokua, kokua mai hoi, a ma ka laua nei hoomapopo aku mehe leo wahine la, hoolohe hou aku la no laua nei a pae hou ana no ka leo,
Ma kuu inoa naita la, aia ka hana ke hea ia mai la, he leo wahine e powa ia ana paha, e hahai mai iau. No ka haawi ana aku i ke kokua no ka mea pilikia.
Hele kaua, ma ka meheu no kaua e hookolo ai, hou na kepa a o ka holo aku la no ia o laua nei pae hau ana no ka leo o ke kolu ia, holo aku la laua nei a huli ma kela aoao o ka puu, ike aku la laua nei he elua mau wahine, e alako ia ana e na kanaka elua, a he ekolu mau kanaka e nana wale mai ana no me he mau ona hakn ia a na lakou ka hana.
I ke Aku ame ka pono, A o Cluny ka hoopakele i paue ae ai o Ulric me ka uhi iho i kona pale maka, a me ka pahi ma kona lima, a he mau minute pokole mahope iho hiki aku laua nei, Ike aku la laua nei he mau wahine opiopio. A o na kanaka hoi no Lorraine aohe hooailona ma ko laua kino, aka, ua mapopo no nae laua nei ia lako @aia nei, aole nae keia i hoike aku ia lakou.
E na kanaka ino e hookuu ae i kela wahinel
E ka mahaoi, owai oe i pane mai ai o Karla me ka inaina, heaha kau maanei o ka hele ana mai e hooio, a hoao e lawe pakaha i ka mea i loaa ia makou, e hookaawale aku o komo oe iloko o ka pilikia.
Aole keia i kali hou iho, lele iho la keia mai luna iho o ka lio a hookahi pai ana i ke kanaka e paa ana i ka wahine mamua a haule ana i lalo, a pela no hoi ko ia nei kokoolua i ka lua o ke kanaka.
Mahope ae e na lede a na maua e hooponopono aku.
Owai ao hoi keia man lede, ua puiwa loa keia i ka hoea hou ana mai eiua mau kaikamahine kou i oi hou ae i ko na mua ka ui, a he mau kul'na oko ano hoi ko laua.
Ike aku la keia mau kaikamahine ia laua la holo kiki aku la laua nei me ke kahea ana aku, e kuu haku.
Ia wa ua piha loa mai la ke keiki alii i ka hulu, me na hua olelo pelapela mai kona waha mai, a unihi ela i kana pahi, me ka uhau ana aku i ka naita eleele, ike aku la keia i ko i ala manao hahau aku la keia i kana pahi ma ke kumu o ka pahi a ke keiki alii, me ka pane ana aku.
E aha mai ana oe, e hoolilo ana anei oe iho i hupo, e aho e kua aku oe i ke kumu laau me kau koi, mamu a o kou hooao ane mei iau, e hookaawale aku oe me ka maluhia.
Aia hoi o Pipena ua lele aku e uho i ke kuapuu me ka manao e eha iaia, aka, ua pa mai la oia i ke kuapuu a hina aku la i lalo.
A ona kahaka i hina mua ai ilalo ua ku ae la i luna, a ike ma la o Karla ia lakou nei a kahea maila, me ka leo uui i piha me ka huhu.
E hopu mai ia laua nei a hookaawale aku.
O Pipena me St Wiki ua like ko laua manao me ke alii, [ako o Rupata, ua like no kona manao aka he noonoo maikai kona ua ike ia i ka mea pono e hana aku ai, apo mai la ia i ka lima o Karla alakai aku la ma kahi e a pane mai la.
E kuu haku ua ike no wau he mea oluolu'ole no kou manao ka hookuu ana aku ia laua, aka, ina oe e hoopaakiki alaila, alaila e minamina ana oe i ka mua o kela mau kanaka, o na oi kela mai nei o ke kahua kaua o Sepania o loko o ka puali o Cluny, Ka lua, e hai aku wau ia oe, o kela poe wahine no ke alo alii o Keremania, a o ko makuakane o Loisu aole ia i mamao mai nei aku, o kau ia oe e hookaawale aku kakou.
Ike iho la keia ua oiaio na mea a Rupata i olelo mai la, a aole no hoi o ia nei makemake e ike ia oia e hana ana pela, a ina e lohe aku ka makuakane o ka ia nei wahine hoopalau, kulou iho la oia i lalo a liuliu a pane mai la ia ia nei.
E ka naita eleele e hele ana paha o e i ke kulanakahale o Lokahire e ike ina lealea e hiki mai ana i loko o keia mau la iho?
Pela kau i manao ai.
A ina pela, e halawai hou aku ana no kaua, A no na kaikamahine ua kuhi makou he poe kamaaina, ina makou i ike he poe malihini ina ua hoihoi makou i ko lakou wahi.
Ua oki aole no ooe ko'u hoa hooponopono no ia mea, e halawai hou aku ana no kaua, aole nae e like me keia ano.
Aia wau malalo ou i na wa a pau, a ina oe e hoole mai ana i kau, Maanei waiho ko nei mau hana, aia malalo o kou mana i keia wa o nui aku kou poino ke hoopaakiki oe.
Aole i pau pono ka ia nei mau ka mailio ana, huli aku la ke keiki alii a kau i luna o kona lio a pela no hoi kona mau hoa, a huli hoi aku la no ka hale alii a liuliu wale ka lakou hele ana pane aku la o Karla ia Rupata me keia mau huaolelo.
He oiaio anei, o ka naita eleele o Ulric o Cluny no ia?
He oiaio, aole nae wau i ike iaia, ua lohe nae wau mai kekahi mea i noho pu ma Sepania no ka wa loihi, a nolaila aole paha wau i kuhihewa, aka, he manao lana no kou oia no.
A o ke kauna keia o Cluny.
Aole wau i ike ia, ke ola nei no paha makuakane aole paha, a ina pela aole ia he kauna, o ke kuapuu he keiki ia na ke alii powa na Taronin o Iuara, Aole ou noonoo nona, aia iho kou noonoo i ke kanaka nana i keakea mai nei ia kakou, a pale ia ae kou makemake.
O keia honua, aole i nui nona ame au, makemake wau ia olua e koku mai iau i kuu wa e kahea aku ana ia ia olua he nita ia aole hiki iaia ke hoole ke a@ aku wau e paio me ia no ka make a me ke ola.
(Aole i pau.)
Lutanela Roge KE Kiu o ke Kaikuono O MOBILE.
Ke Kiu a Adimarala Faragata i hoouna ai e Ana a e holi i na Topido ma ka Papaku o ke Kaikuono o Mobile.
He Moolelo ilok o ke Kaua Kuloko o ka Akau me ka Hema.
KE KIU WAHINE O KE KAIKUONO O MOBILE.
O na huaolelo a ke kiu wahine o Mobile i pane aku ai ia Edita, he mana ka hae o na Mokuaina Kuikahi Hui o ka Hema e welo maluna o na kaupoku hale o ke kulanakauhale o Mobile, oia ka ua kaikamahine puuwai wiwo ole la i pane aku ai –
"Ua ike au i kela, aka, o ia hae kipi o na mokuaina o ka Hema, aole ia he mea e alako aku ana i ko'u kino a me ko'u uhane e aloha i ua hae la? He kuokoa au no ka aoao Akau mamua o ke kukala kaua, a peia no au a hiki i keia manawa"
"A! Aole loa au e poina ana i kela mau olelo au. He kipi oiaio oe e Edita Taila i ka hae o na mokuaina o ka Hema!" wahi a ka wahine kiu i pane mai ai me kona mau nanaina o ka huhu nui.
"Ua makemake loa au e poina ole oe i ka'u mau huaolelo a pau i hai aku nei," wahi hou a ke kaikamahine i pane aku ai. "E hai aku au ia oe i ka oiaio i keia manawa, o ua koa la au e huli nei, aole oia maloko nei o ko'u hale i keia wa, aka, eia oia iloko o Mobile nei i keia hora, a i ka la apopo, e hehi hou no kona mau kapuai wawae ma ka oneki o ka mokukaua Hakapoka. A heaha iho la kau e hana ai e kena wahine kipi?"
"Ina eia no oia iloko o Mobile nei i keia po, alaila, o kona kino uhane ke hoi aku ana imua o Faragata i ka la apopo," wahi a ua wahine la i pane mai ai i kana mau olelo hope, lele aku la iwaho o ka ipuka me ka upa ino ana mai i ke pani, a hoopuka aku la i na huaolelo ino loa ma kona waha iwaho o ke alanui a nalo aku la iloko o ka pouli.
MOKUNA V.
KA HOPU IA ANA O ROGE.
O ke kulanakauhale holookoa o Mobile, ua piha ia me na koa kiu lehulehu i hoonoho ia a puni ke kulanakauhale, a o ke kanaka kolohe e makemake ana e hana i kekahi hana malu, he mea kanalua ole nona ka pakele ana he hookahi manawa iloko o ka haneri. Ua pakele o Roge mai ka uwapo mai a hiki i ka hale o Edita, a i kona wai i holo ai mahope o ka hale puka mawaho o kela pa me ka pupuahulu nui, ua hookui hewa aku oia me kekahi mau kiu e hoohalua ana ma ka lihi pa o kahi hale.
He mau la pokole mamua ae o kela po, ua lawe ia ae na lono liilii iwaena o ka poai o na koa kiu no keia hale o Edita, he wahi hoolulu no kekahi poe kanaka e hele mau ai ilaila i na wa a pau o ka po. A e like me ka pihoihoi o ka manawa kaua a me ke kauoha i haawi ia ia lakou i ua po la, e kiai i ka hale o ke kaikamahine no na kanaka i hoohuoi wale ia he kiu, e hopu a lawe aku imua o ka Alihikaua Nui o Mobile me ka nana ole ia o kana mau kumu pale a me kana olelo.
O ka make a me ke ola, eia ia mau mea elua imua o Roge i keia manawa. O kana e hana aku ai i keia mau kanaka, e make ana oia ke ki wale aku no, e make ana no oia, ina e olelo aku ana he kiu oia no ka aea. Hema mai ka hale mai o Edita ma alo o kekahi hana, alalia, he hoopunipuni loa ia nona. Oiai lakou e ku ana ma kapa alanui, ua pane mai la ke kokooiua o na kanaka elua i keia mau olelo me ka leo wikiwiki –
"Owai oe, – a heaha kau hana ma keia wahi o kou holo ana mai nei?"
"Aole no ka hoi o olua ike mai he koa Hema no hoi au," wahi a Roge i pane aku ai me ka hookuoo nui. "Heaha iho la ko olua kuleana ina wau e makemake ana e holo malalo o kekahi hana?"
"Ina oe he koa Hema, alaila, ao'e oe e komo iloko o keia pa e like me ke kauoha papa i haawi ia mai i keia ahiahi."
"O ua kauoha papa la i haawi ia i keia ahiahi, ua hoopau loa ia, a ua lohi loa ko olua lohe ole ana," wahi a Roge i pane aku ai a hoomaka aku la oia e hele imua me ka pane hou ana iho i keia mau olelo –
"E noho no olua ma keia wahi, a e hele ana au ma ka'u hana."
I kela manawa a Roge i hoomaka aku ai e hele, ua hoomaopopo iho la na kanaka no ka oiaio ole o na olelo a keia kanaka i kamailio mai ai, a iloko no hoi o ia wa pu i holo mai ai ka puali koa i hoouna ia mai e Kapena Davikekona no ka hoopuni ana i ka pa o ke kaikamahine, a lele koke mai la ke kanaka e paa ana me ka ipukukui a hopu ia Roge ma ka a i o ke kuka, me ka hoopuka ana iho i keia mau olelo –
"E ku ma keia wahi, oiai ua ike aku la maua ia oe he kiu oe."
Ua ike iho la o Roge nona iho ua loaa pono oia, aka, aole no he mau hooiaio e hiki ai ke manao ia o Roge kona inoa, koe wale iho no ka wahine kiu o Mobile. No kona makemake ole e lawe i ka hohe wale, ua huli koke ae la oia i ke kanaka e paa nei i kona kuka a haawi aku la me hookahi o kana puupuu oolea loa ma ka ihu o ua kanaka la, walawala aku la oia a waiho ana i ka honua, me kona leo nui e uwa ana i ka eha loa o kona ihu.
Ua lele mai la ke kokoolua maluna o Roge, a hoomaka iho la laua e hakaka me na ai o ka hikiwawe, hopu aku a hopu mai me na puupuu lima e iho ana ma o a maanei. O ke kanaka i ku'i ia o kona ihu, e kuhea ana oia me keia mau olelo –
"He kanaka kiu e! He kanaka kipi e."
Ua holo koke mai la na koa a hoopuni ae la ia lakou nei me na elaupu, a o keia iho la ka lawe pio ia ana o Roge imua o na maua kaua o Mobile.
Ua komo aku o Kapena Davikekona iloko o ka hale o Edita, a oia ka wa i lawe ia ai o Roge imua o Mekia Kenela Levieta, ka Alihikaua Nui o ke kulanakauhale. Aole aoi i hoike koke ia aku imua ona a hale he hapalua hora, a oia hoi ka wa a kela kiu wahine o Mobile i puka mai ai iwaho mai ka hale mai o Edita a lohe iho la i na koa nana i lawe ia Roge imua o ka Alihikaua, ua hopu ia e lakou ke kahi kanaka i holo mai ka pa mai o Edita Taila, he kanaka kiu paha oia aole paha.
O keia lohe i hai ia aku i ua kiu wahine la, oia kana i hoopuka ae ai i keia mau olelo –
"A! O ka'u moeuhane, _– ua hooko ia. E hoike aku ana au ia Kapena Davikekona, aole au i kuhihewa no kela kiu Amerika i keia po maloko o ka hale o kela kaikamahine hoopunipuni. E hele pololei ana au imua o Mekia Levieta a hai aku iaia, o ua kanaka la ke kiu a Faragata i noho ai iuka nei no eono mahina. Ha, ha, ha. Ua olelo mua aku nei au i ua kaikamahine la, o ke kino uhane o Roge ke hoi aku ana imua o kona haku i ka la apopo."
Me keia mau huaolelo hope, ua huli ae la ua wahine nei a nalo aku la iloko o ka pouli, ma kana huakai imua o Kenela Levieta. Aka, i kona wa nae i hiki aku ai ilaila, ua hoouna loa ia aku o Roge iloko o ka halepaahao a Bamuku Noutana e hoomalu ana, me kekahi leta kauoha o ka hilinai e hai aku ana iaia, he kiu Amerika keia i loaa i keia po, a ua makemake ia oia e hoopaa i ke kiu me na kaulahao ma kona mau lima a me na wawae, a e malama loa iaia me ka makaala a hiki i ka wa e loaa hou aku ai o kekahi kaueha iaia i keia po.
Eia ka Leveta mau olelo imua o Roge ma@a o kona lawe ia ana iloko o ka halepaahao –
"E like me ke kauoha i hoopuka ia mai keia keena aku i ka la inehinei, oia kou wahi i hopu ia mai nei i keia po, he wahi i pa@a ia e ke kauoha a ua hoohuoi ia, he wahi no kekahi poe kanaka i manao wale ia he kiu, a o oe kekahi kanaka i loaa aku nei ma ia wahi me ka maopopo ole o kau hana a me kou hoeha ana i kekahi koa, a ua nui na kumu kupono e hoahewa ia ai oe, oia hoi, aole o oe kekahi o na koa kiu o Mobile nei, a eia hoi iloko o keia wa, ke kakali pihoihoi nei na mana kaua o ka hema no ka paa o kekahi kanaka ma ka moa o Roge, o oe paha ua kanaka la a he kanaka okoa e ae paha. Nolaila, mai keia hora kau a hiki i ka puka ana mai o ka la i ke kakahiaka, ke loaa ole kekahi kuma pale kuoono ma kou aoao, e li ia no oe maloko o na paia pa pohaku o ka halepaahao ma ka hewa, – he kiu."
(Aole i pau.)
KAU AHAOLELO O 1888.
POALUA, AUGATE I@
Wehe ia ka Hale ma ka hora io a m@, o ka Peresalena ma ka Noho, Hoomaka ia na hana mau, kahea ia na inoa a hoomaopopoia na hoa i hiki ole mai.
PALAPALA HOOPII.
Na Mr. Nakaleka he palapala hoopii mai 22 poe pakaukau i'a o Ulakoheo, e noi mai ana e hoopau i ka auhau pule me mahina e uku mau ia nei e lakou, a e kuai kukala ia hoi na keena i kela a me keia makahiki aole hoi i na hapalua makahiki, a ua haawi ia i komite o na Ama Aupuni a me na Hana Hou.
NA HANA O KA LA.
Heluhelu ekolu ana i ka bila kanawai e papa loa ana i ka hoopae ana mai i ka opiuma. Hooholo loa ia.
Heluhelu elua ana o ka bila kanawai e kaupale ana i ke kuai ana o ka waiona.
Noi ke Alii Iana e hoopane loa ia ka Pauku 16 B. a ua hoopanee loa ia ka mahope iho o ke kuhea ia ana o na ae a me na hoole.
Hoomaha ka Hale.
NA HANA O KA AUWINA IA.
Hoomau ia ka noonoo ana o ka bila kanawai waiona.
Noi ke Alii Walakahauki e kapae loa ia ka Pauku 9. Holo.
Heluhelu ia ka bila ma ke poo a noi ke Alii Hikikoki e hoopanee loa ia ka bila a ua hoholo loa ia.
HOIKE KOMITE.
Ma ka kapae ia ana o ka rula ua heluhelu mai ke alii Kamika he hoike na ke Komite Hookolokolo. He elua ana hoike i heluhelu.
NA HANA O KA LA.
Heluhelu elua ana i ka bila kanawai e hoakaka ana i ka hana a na Kiaaina, e hooholo ia no ke kakau poepoe a heluhelu ekolu i ka Poakolu.
Noho ka Hale iloko o ke Komite Holookoa, ke Alii Kamika ma ka noho no ka noonoo ana i ka bila kanawai koho balota.
Ua hoakaka ia ma ka Pauku 15 aia he 7 apana o ka Mokupuni o Hawaii,
He mau hoololiloli e ae no kekahi i hana ia no kekahi mau pauku e iho, a no ka hope ua hoopau ia ke komite a hoopanee ka Hale.
POAKOLU, AUGATE 15.
Halawai ka Hale e like me ka mea maa mau.
HOIKE A NA KOMITE.
Heluhelu ke Alii Balawina he hoike ana no ke Komite Waiwai maluna o na lilo o ka hoolewa o ke Kama'lii Like. like. Apono ia ka hoike a kauoho ia e unuhi a e Pa'i.
Na ke Kuhina Kalaiaina i heluhelu ka hoike a kekahi komite ia lakou ka noonoo ana o ka hoololi o ka bila ka-