Ka Nupepa Kuokoa, Volume XXVII, Number 38, 22 September 1888 — Page 2

Page PDF (1.69 MB)

This text was transcribed by:  Cheryl Mokuau
This work is dedicated to:  Haunani & Na Lei Hulu I ka Wekiu

Ka Nupepa Kuokoa

KE KILOHANA POOKELA NO KA LAHUI HAWAII.

 

luna iho o ka pian, o ko`u ku ae ia no ia a hopu aku la i ua pepa ni a hele aku la e haawi, a kunou hoomaikai mai la kela ia`u no ia mea, a mamuli o ka`u noi, ua ae mai la oia na`u e hoohulihuli na pepa mele ana, oiai oia e hookani ana i ka piano.

 

            “I ka pau ana o kana hookani ana, haawi aku la au i ku`u mahalo no kona akamai, a ia manawa kela i noi mai ai ia`u e hookani, me ka i pu mai ua ano hilahila ka oia no kona hookani e ana. A me he la, ma kona manao iho, aole he kupono o kana hookani ana no ko`u mau pepeiao, oiai, ma kana nana mai, me he la ua oi aku ko`u makaukau ma ka hookani ana mamua ona.

 

            “No keia mea pane aku la au he mea makehewa iaia ka hilahila ana, oiai aohe o`u akamai i ka hookani piano ana, aka, he hiki nae ia`u ke lohe a mahalo aku i na mea a pau e paani mai ana, ina 10 he maikai ka lakou hookani ana, e like me kana i hookani iho la.

 

            “I ka pau ana o ka`u mau kamailio ku ae la o Mr. Braun iluna, a no ko`u ike ole i ka`u mea e ae e hana ai, hoolauna aku la au ia`u iho ma ka inoa o Mr. Sartori, me ka hai pu aku mai ke kulanakauhale mai au o Roma. Haawi mai la kela ia`u i kona palapala hoolauna me kona inoa i pai ia maluna, a eia na huaolelo maluna o ua palapala nei:

LE CONTE DE BRAUN,

Officer d`Artillerie,

Armee Autrichienne,

 

            I ka loaa ana mai o ua palapala nei ia`u ua huli ae la kela i ke kaikamahine a hoolauna mai la ia`u, me ka i pu mai o kana wahine mare ia. O kana wahine paha ia aole paha, he mea akaka ole ia ia`u; aka, he hookahi mea maopopo lea o ke kaikamahine keia i ike ia ma Napela me ‘kuuhaku,’ a ma ona la hoi i holo pono loa ai na hana koloe a ua haku nei.

 

            “He manawa loihi ko makou luanamaikai ana, a i ka manawa i kani hou mai ai o na ohe a na poe puhi ohe, ninau ae la au eia la ihea keia b@na e kani nei, a hai mai la ke kaikamahine eia iloko o ka rumi hulahula o ka hotele, ma kekahi aoao mai o ka hale I keia manawa, ku ae la au a n@i aku la i ua kaikamahine nei ina oia e ae mai ana e hele pu me a`u i kahi e hu lahula ia mai la, a i kona ae ana mai, hele aku la maua a komo ana i ua umi hulahula nei, a ilaila no maua kahi i hulahula ai, i luana ai, a hiki wale i ka wa a Mr. Braun i hele mai ai e hai ua aumoe loa, a e pono e hoi makou e hiamoe.

 

            “I ko`u hoi ana e hiamoe ia po, ua loaa ia`u na kumu kupono e hooia iho ai ua alualu mai au ma ke ala pololei a hiki i ke taona o Basle, a mai laila m i a hiki i Cologne nei au alualu hewa au mahope o ke kaikamahine, a i ke taona hoi o Basle i kaawale ai ua haku m@a lea nei mai ua kaikamahine la.  Mamuli o keia, ua loaa i ua haku nei ka manawa kupono e hoonalowale loa ai iaia iho, ina aole ma ka pee ana, ma ka haalele ana paha ia Europa, aka, no ko`u kanalua ole no i ka paa aku ia`u. hoouna aku la au i ka lono ma na awa kumoku a pau no ua haku nei, he ku mu ia e hiki ole ai i ua kolone nei ke haalele mai ia Europa a holo aku i Amerika. (Aole i pau.)

 

HALAWAI O KA AHAHUI KU LA SABATI O NA MOKUPUNI O MAUI ME MO LOKAI.

 

            I na Kahu Kula Sabati Nui, na Ka hu Kula Sabati Apana, na Elele Kula Sabati a me na lala mau o ka Aha—Ua makemake ia oukou a pau e akoakoa ae ma ka luakini o Wananalua ma Hana, Maui, ma ka Poalua mua o Okatoba e hiki mai ana, ma ka hora 10 o ke kakahiaka.

 

            E hoomanao na Kula Sabati i ko lakou haawina mau. E haawi ma ka lima o na elele a kahu p@ha.

 

W.S. MAULE, Kakauolelo

Waihee, Maaui, Sepatemba 3, 1888.

 

KA HALAWAI O KA AHAHUI O.I.K. O NA MOKUPUNI O MAUI ME MOLOKAI.

 

            E noho ana ka Ahahui O.I.K. o na mokupuni o Molokai a me Maui ma Hana, ma ka Poaha mua o Okatoba oia ka la 4. E hoomanao na Elele o na Ahahui i ko lakou haawina he $2

 

NA HAAWINA HELUHELU A NA PERESIDENA O NA AHAHUI OPIOPIO.

 

            1 Haiao, Mat. 3:2.  Hui o Wailuku

            2   “      “  3:10. Hui o Wainee.

            3   “      “  4:1. Hui o Waihee.

            4   “      “  5:1 Hui o Hana.

            5  “       “  6:32. Hui o Halawa.

            6  “     Ioane 1:16. Hui o Honouli a me Wailua.

J.K. KAUPU Kakauolelo.

Kaluaaha, Molokai, Sept. 6, 1888.

 

Nupepa Kuokou

 

1.@

No Eono Mahina 1.00

KUIKE KA KULA

 

Peaono Sepatemaba 22, 1888

 

KE KANAWAI KOA.

 

            Ma ka pepa o keia la e ike in ai ke Kanawai e pili ana i ka Oihana Koa o ke Aupuni, i kakau inoa ole ia e ka Moi ma o kona vito ana, a i lilo hoi i kanawai no ka aina ma o ka hooholo ia ana e ka elua hapa kolu o ka Hale Ahaolelo, a kakau inoa ia e ka Peresidena a hooiaio pu ia e ke Kakauolelo.

 

KO KAKOU MAKEKE HOU.

 

            O na hoolaana ana no ka makeke hou o Honolulu, eia ke lawelawe ia ne ka papakuhikuhi me ka noonoo akahele ana o ke Kuhina Kalaiaina. Aia i ka wa e makaukau ai o keia mau hoonohonoho ana, e hoolaha ia aku ana ia imua o na poe koho no ke kukulu ana i na hale a mena pono e pili ana i ka makeke.

 

            Aohe he mau lawelawe nui e ae o Honolulu nei ma kona kulana holomua e like me ka loaa ana o kekahi makeke hou i hiki ke hoolawa ia e like me ka lawa kupono a me ka akoakoa ana i kahi hookahi.  Ua hooholo ia iho nei e ka Ahaolelo he $25,000 no ke kukulu ana i kekahi makeke, a oia ka ke Aupuni e hapai nei i ka hana e lawelawe ia me ka hookaulua ole iloko o keia mau la aku.

 

            O ke kahua makai o Halekauwila, oiaa kahi e kukulu ia aku ana na bale, he wahi ua hala loa aku mawaho o ka poai kuwaena o ke kunakauhale, aka, oia ka mea hiki ole ia kakou ke wae no ka hala loa o keia wahi i kai loa, oiai he mea hiki ole ke loaa kekahi kahua nui akea kupono i ke Aupuni, ke

Ole e kiola ia kekahi puu daia mahuahua no ke kuai aina, al@a, e nele ana de dala no ke kukulu i na hale a me na lako e pili ana i ka Makeke.

 

            O keia kahua e manao ia nei no na ka mekeke hou, aole he mau hoolilo, oiai no ke Aupuni ka aina, a o ka hoomoe ia ana o ke alahao ee maalo mau i ka makeke i na hora a pau o ka la, oia kekahi kokua i ka piha laukanaka ia o kela wahi me na holo kaa o ka oluolu.

 

            Ke ake nui aku nei makou me na manaolana o ka hauoli, aia he mau la pokole wale no koe a uluwehi aku kela aoao o ke kulanakauhale nei me ka he luna nui o ka lehulehu.

 

KA AOAO HOOMAEMAE AUPUNI.

 

            Ua waiho ia keka@i mau hoakaka a @a kamailio ia hoi ma ko kakou mau alanui nei, he ano ole ka hoomaemae Aupuni hou i kukulu ia i keia manawa, a he lilo wale i ke kipee ia na kanaka i wae @ e ku ma ke kulana wahaolelo no ka lehulehu iloko o ka Ahaolelo, oia ka makou i makemake ai e hoike aku imua o ko makou mau poe heluhelu i ka olaio, ina o ka oiaio ka kakou i ake ai e lilo i lunakanawai nana e haawi mai i ka olelo hooholo o ke kaulike, alaila, e loaa ana ia kakou keia mau huaolelo: O ka Ahaolelo mua loa keia iloko o ka moolelo o ka hookele Aupuni ena o Hawaii, nana i huai ae keia mau lawelawe hanohano ole, hoh@ wale, a me ke kipaku ia ana mai ka noho kau kanawai aku o Hawaii nei.

 

            O ka hua o keia noii ana iho nei o kela kipe, oia ka na kanaka noonoo akahele a pau o ka aina e haawi ai i ka mahalo i na hoa hanohano maemae a pau o keia kau.  Ina o na kau Ahaolelo i hala o ke au hooponopono Aupuni mua a i noho lakou e lawelawe i na hana kaukanawai o ka lehulehu iloko o na hale aniani, e ike maka no kakou i na kee a me na hakina o ke kipe i oi aku i ko keia, oia na kau o 1884 me 1886.

 

            O ke kipaku ia ana o ke Alii Luhiau a me na Lunakaainana Kahi me Kamaoha, he poe i koho ia no ka aoao hoomaemae Aupuni, aole ia he mea e waia ai kela inoa o ka hoomaemae? O ka oiaio e like me ka makou i olelo mua ae nei, ua loaa kela hana hanohano ole i hoomaa ia i na kau i hala e ka Ahaolelo o ke au hoomaemae a kipaku ia mai ka oihana aku, oia ka makou e naakiki nei—he hoomaemae ia. Ao o ka aai o ke kipe a me ka waia, aia no ia mau koni ana a me na nema ia mai maluna o kakou i na ewe o ka lahui Hawaii, ua hlo ke kino a me ka uhane o Luhiau, Kauhi, Kaniauoha no ke $50; he kumukuai emi; he kumukai haahaa; a he kumukuai o ka holopono loa.

 

            E hoomaka hou ana ke Kula Kahunapule ma ka Poakahi elua o ka mahina o Okatoba 8 a ua keno ia na haumana hou e akoakoa pu me ka elu no ka hoomaka ana i na haawina hana i ka wa hookahi.

 

HE KIPE DALA

 

I KEKAHI MAU

 

Hoa o ka Ahaolelo

 

Kolekole na Iwi o Hua i ka La.

 

Hoike o Kalaukoa.

           

            Ua ho-hiki ia o Kalaukoa no ke ku hoike ana ma ka aoao o ke aupuni

 

            Noi mai ka Loio Kuhina e ae ia ke Kuhina Kalaiaina e kokua aku iaia ma ka ninaninau ana.

 

            Kuhina Kal@aina--Aole anei he poe i kamailio aku ia oe i kela pule aku nei no na mea e pili ana i kela hoololi Kumukanawai Pake?

 

            Kalaukoa—Ae. O Kamauoha me Paehaole ma ka leta.

 

            Kuhina Kalaiaina—I ka wa hea ne i kamailio mua ia aku ai no keia hana?

 

            K@laukoa--I ka Poaono, Sept 1, na Kamauoha.

 

            Kuhina Kalaiaina—E hai mai i ke ano nui o na kamailio ana.

 

            Kalaukoa—Ua ninau mai o Kamauoha ia`u, pehea la ko`u koho ana i ka hoololi, ina no ke apono a no ka hooparee loa paha.

 

            Ua hai aku au iaia aia wau ma ka aoao apono i ka bila kanawai.

 

            Ua hoopau ia ke kamailio ana i keia manawa.

 

            Ma ka Poakahi la 3. Ua kamailio hou no maua maluna o ia mea hookahi no.

 

            Ua loaa ia@u o Kamauoha e puka mai ana mai ka haleole tela o Awana Pake ma alanui Nuuanu.

 

            Ua ninau mai oia ia`u ina aia no au ma ka aoao kokua i ka hoololi e like me ka la mamua.

 

            Ua pane aku au, ae.

 

            Ua olelo hou mai kela, ina wau e hoololi i ko`u manao, alaila, e loaa ana ia`u ka lanah e holo ai o ka mokuahi.

           

            Ua ninau aku au mai a wai ma.

 

            Mai ka Pake mai.

 

            Ua manao anei oe e hana ka Pake pela?

 

            Ae. Ua makaukau lakou i na wa a pau me ke dala.

 

            E iho ana maua i ke keena o ka nupepa Paeaina oiai keia mau olelo e kamailio ia ana. Ua pane hou aku au ia Kamauoha,

 

            Ina e hana ana na Pake pela, alaila, e hoololi koke no au i ko`u koho ana.

 

            He oiaio e hana ana lakou pela. E kamailio pu aku oe ia Kawainui a me ka hoa o Makawao e hoololi i ko`laua koho ana.

 

            Kokoke aku la maua i kahi iho nei o Mokemana, ua pane hou mai no o Kamauoha ia`u,

 

            Ina he kanalua kou, e komo kaua i kahi o Alo.

 

            Ua olelo aku au e iho mua i ke keena o ka Paeaina.

 

            Ua hiki maua ilaila, a e noho ana no o Kawainui iloko o kona keena.

 

            Ua pane hou aku au ia Kamauoha e pii kaua.

 

Nolaila, ua pii aku la maua a hiki i kahi o Alo, a ua ohooho mai ka Pake i kona ike ana mai ia Kamauoha. Ua ninau aku oia,

 

            Auhea o Alo?

            Ua iho aku nei i kai,

            Ua pane hou mai o Kamauoha,

            Aohe waiwai o ka noho ana ia nei.

E iho kaua i kahi o Sing Chong.

            No keaha hoi?

            He makemake au e hoopau ia kou mau manao o ke kanalua.

 

            Ua iho aku maua no kahi o Sing Chong, o ka mua loa ia o ko`u komo ana ia halekuai.

 

            Ua hookipa ia aku maua ma kekahi wahi rumi uuku mahope aku o ka rumi kuai, i ole e ike ia mai e na poe e hele ae ana mawaho o ke alan@i.

 

            Ua hoolauna aku o Kamauoha ia`u i ka Pake me ka pane ana aku,

 

            O Mr. Kalaukoa keia, kekahi hoa o ka apana o Honolulu nei. Ua makemake oia e ike ia oe, a oia ke kumu o ke kumu o ko`u lawe mai iaia imua ou.

 

            Ua pane mai ka Poke, ua ike au i kou inoa iloko o ka nupepa, a o ka mua keia o ko kaua halawai ana.

 

            Ua kamailio hou ae o Kamauoha i ka Pake.

 

            O iane kekahi kanaka e kokua ana ma ko oukou aoao, aka, he mau manao kona o ke kanalua. He makemake kona e ike maka, heaha la kau e hana ai,

 

            Ina ua hai o Kamaoha ia oe e uku no kou koho kue i ka hoololi, e hana ana makou pela. E uku no makou i kela a me keia hoa he $50.

 

            Ua pane mai o Kamaoha,

            Ua pau anei kou mau manao o ke kanalua?

            Ae.

            Ma keia wahi i pau ai na kamailio ana no keia manawa.

            Kuhina Kalaiaina—Aole anei he m@u olelo hou ka olua i koe?

            Kalaukoa—Ae, iloko nei o ka rumi Ahaolelo.

 

Ua pane ma: o Kamauoha, e hoohuli mai au ia Kawainui ma keia koho ana.

 

Ua kamailio au ia Kawainui, a ua pane mai keia, hele pela.

 

I ke ahiahi, ua iho aku au i kahi o Kawainui a kamailio aku iaia,

 

O keia ka manawa e lawelawe ia ai o kahi hana.

 

E waiho mai ia`u a o oe no ke lawelawe i kau hana.

Ma ka Poalua, ua palapala mai o Kamauoha ia`u he elua leia e hooika ika au e komo mai o Kawainui a me Helekunihi.

 

Ua pane aku au, he mea pono e kapae ae ia Kawainui, oiai he kanaka waha nui oia iloko o kana nupepa.

 

Ua hoopau hou ia na kamailio ana i kela manawa.

 

Ua leta aku au ia Mr. Kakela me ka hai ana, e loa ana ia`u he $5 no ke koho kue ana i ka bila.

 

Ua pane mai oia no kuu paaupo o ka lawe ole ana i $250.

 

Ua leta aku au i ke Kuhina Kalaiaina, e loaa ana ia`u he $50 no ke koho ke ana i ka bila.

 

Ua pane mai oia e ku ae au a kamailio i kela mea imua o ka Hale i kela manawa.

 

Ua hai hou aku au i ke Kuhina, mai kamailio no keia mea a hiki i ka wa e loaa pono ai ia`u.

 

I ka haule ana o ka bila, ua iho aku au i ka halekuai o Sing Chong.

 

Aloha, wahi a`u i ka Pake.

 

Pehea mea hou?

 

Ua hai aku au, ua lanakila ko lakou aoao.

 

Ua hoike pu aku au i na ae a me hoole.

 

Makou uku pau loa kanaka makemake $50, mohele lo. Oe pii mai apopo.

 

Ua pii aku la au no ka halekuai o Alo, a ua pane mai ka Pake,

 

Pehea kanaka?

 

Pono no oukou.

 

Ina kanaka kokua Pake, Paqke no kokua ia lakou.

 

Ua komo mai la o Luhiau a holo aku la au e pee mahope o ka ukana, a pane ae la oia i ka Pake,

 

Ua lanakila ko oukou aoao i keia la, a hoike pu aku la i na ae me na hoole.

 

Ua ninau aku oia ia Alo, ua pane mai ka Pake ua hele oia, puka aku la o Lhiau no waho o ke alanui.

 

Kuhina Kalaiaina—Mamua anei, a i ole, mahope mai o ke koho ana?

 

Kalaukoa—I ke kakahiaka Poaha, ua iho aku au i ka halekuai o Sing Chong. Ua ninau a i ke kakauolelo ahea la kela Pake i launa mua ai me au?

 

Aole ia pii mai. Iaia no hele kela halawai ma ka po nei, nolaila iaia hiamoe loa keia kakahiaka.

Ua puka aku au iwaho, ua pane mai la kekahi Pake.

 

Oe pii hou mai hota 6 keia ahiahi.

 

Ua hoi au i ka hale, a hora 7, ua hiki hou aku la no au i ka halekuai o Sing Chong.

 

I ko`u komo ana aku, ua ike koke aku la no au i ka Pake i hoolauna mua ia ia`u e Kamauoha

 

Ua ohooho kona ike ana mai ia`u, a kono mai la e komo maua ma kahi rumi mahope.

 

Kela Mr.Kauhi no iaia no hele keia manawa, like pu elima minute.

 

Ua olelo mai kela Pake ia`u e hiki mai au i ka hora 6 o keia ahiahi?

 

Kela Kauhi olelo, ia oukou waiho kela hana pau loa ma kela lima Mr. Kauhi, a nolaila, wau o haawi kela dala pau loa iaia.

 

Pehea ke dala e mahelehele ia ai?

 

$50 pakahi oukou.

 

Ua haalele aku au i ka halekuai no kahi o Kawainui, a ua ninau mai oia ia`u,

 

Heaha ka hololea o kau hana i ka ekini?

 

Ua pane aku au, ua haawi ka Pake i dala a pau loa ina ka lima o Kauhi i keia ahiahi.

 

Ua ninau ae o H@

 

Kauhi-Ua ike @ oe i ka inoa o kela Pake?

 

Kalaukoa—He hiki au ke kuhikuhi pololei aku ia oe ke ike aku au iaia i       eia manawa.

 

Aole au e hooia aku ana o Sing Chong ia.

 

Ua hai aku au ia Kawainui o keia kee kakahiaka e uku ia ai o kela mau dala Pake.

 

E makaala loa oe ia Kauhi.

 

I kela kakahiaka, ua lohi loa o Kauhi ma.

 

Ninau mai o Kawainui, auhea ua mau kanaka nei?

 

Mamua o ke awakea, ua hiki mai o Kauhi me Kamauoha maluna o ke kaa.

 

Ua komo mai la o Kauhi a noho ma kona noho me ka o`pa pu ana iho i ko`u poohiwi.

 

He mau minute pokole, ua pane mai la o Kauhi,

 

Aohe au kukaepele?

 

Ae, eia.

 

E puka kaaua iwaho e puhi paka a

 

O oe ke puka mua aku iwaho a mahope aku nei au, oiai, ua huhu iho nei ka Peresidena i ka holoholo pinepane o na hoa iwaho.

 

Ua puka aku o Kauhi iwaho, a hai aku la au ia Kawainui ua loaa ke dala aia ia Kaubi.

 

Leta mai na Aina E

 

Ka Makaikai Honua.

 

Hele III

 

KAHUAKAI I BERITANIA NUI

 

Ladana, Enelani,

Augate 8 1888

 

E ka NUPEPA KUOKOA—Aloha oe:

 

            O ka`u leta hope ia oe, oia no ka`u mau kamailio i ke kulanakauhale o Kikaku, ma Amerika. Ua manao au, ma keia let au e hoike aku ai i ka`u mea i ike i ke kulanakauhale o Nu Ioka, aka, i ko`u wa i hiki iho nei i ke kulanakauhale kaulana o Ladana a`u i lohe pinepine ai, ua hoololi koke ae nei wau i ko`u manao ma ke kakau ana aku ia oe no ka`u mau mea i ike ai iloko o Irelani, Sekotia a me Enelani.

 

            O keia mau mokupuni liilii e pili kokoke nei ma ka aoao o ka ainapuniole o Europa, ua kapaia lakou na Mokupuni o Betitania Nui, a o ke kulanakauhale o Ladana, oia ke kahua o ke aupuni e ku nei, a mai laila aku ka mana o ke kauoha e rula ia ai kona mau panalaau iloko o Asia,Aferika, Auseteralia, Fiji, Kanada a me kekahi mau aina e ae, a pela i loaa ai kela olelo kaulana—aohe wa e nalowale ai na kukuna o ka la i ka pa ana maluna o ka lepo o Pelekane.

 

IRELANI.

 

            Ua haalele au ia Nu Ioka i Iulai 21, a kau ma ka mokuahi City of Berlina holo no Irelani. He 9 la o ko makou holo ana ma ka hononu lipolipo o ka Atelanika, ua hiki makou i Queenstown, ke kulanakauhale o Irelani, a o ka home o na Airaki.

 

            He aina maikai keia, a he nui na wahi i mahi ia iloko o na kuleana, me na pohaku a me kumulaau i kanu ia ma kela a me keia mahele.

 

            O ka noho ana o na kanaka o keia aina, he pelapela a me ka ilihune. Ma ka nana aku, he poe ake nui keia i ka hana, aka, he keu keia a ka poe inu rama nui wale, a oia ke kumu ilih me o na ohana lehulehu. He hoohalike kupono keia i na kanaka o Hawaii, e hoopau i ka inu ana i ke gini, waiseke, okolehao, o like pu me keia poe Ailiki ka noho ana o ko lakou ohana iloko o ka uhauha a me ka haunaele.

 

            O na kaa lawe ukana ma keia aina, he elua no huila, a he hiki ke lawe ia na ukana kaumaha o na ano a pau e n@ kekake he ekolu kapuai ke kiekie.

 

            He haahaa loa ka uku hana o na kanaka he 50 keneta no ka la. O ka bipi, oia kekahi holoholona waiwai loa ma ke kumukuai, he waiu momona a me ka waiubata maikai.

 

            O kekahi o na mea i makaikai nui ia ai o Irelani, oia no kona mau kakela ka home o na kanaka a me na koa i make iloko o na kaua i hala he 400 makahiki i hala aku la, a ke ku nei no na paia papohaku e hoike ana i ke kahua kahi e ku nei o ia mau kakela i keia au o ka hanauna hou.

 

SEKOTIA.

 

            Ua haalele makou ia Irelani maluna o kekahi mokuahi e like me Kinau ka nui, a he hookahi no po, hiki ana i Sekotia, he 180 mile ke kowa.

 

            Ua holo, aku makou maloko o ka muliwai Clyde no. 20 mile, a ua ike au i na moku lehulehu e ku ana ma na aoao o kaHe lehulehu na kiahoomanao o Sekotia no ka hoomanao i kona mau kanaka kaulana i make, o ke koa, na Moi me na Moiwahine, na poe kaku moolelo,poe huli noonoo, a pela aku. He lehulehu na halepule o ka wa kahiko loa e ku nei no, na halealii, na kakela, a o na poe i heluhelu i ka moolelo o keia mau kakela o Sekotia,he makemake ko lakou e ikemaka i keia mau wahi kaulana a lakou i heluhlu ai.

 

ENELANI.

 

            Mai keia wahi aku ua holo makou no Livapulu, Enelani. O keia ke awa o na waiwai o Makapolena Ma e hoouna aku nei i Honolulu. He kulanakauhale pupuka keia, he lepo a me ka uwahi, aka, he nui nae ka hana, a na keia kulanakauhale e hoolawa na wai wai e hoouna ia ai a puni ke ao nei, oia hoi ka lole, hao, a pela aku.

 

            Mai keia wahi, ua holo pololei aku makou i Ladana, ke kahua aupuni e ku nei o Beritania Nui a o ke kulanakauhale nui hookahi o ke ao holookoa nei.

 

            O ka nui o ke kulanakauhale o @a.dana, he 700 mile kuea ke kahua aina e ku nei, a ina e hookomo ia ka mokupuni holokoa o Kauai iloko, e poho@ po ia me ke koe hakahaka ao kekahi mau wahi.

 

            Ke ano o ke ku ana o na kauhale mai ka 4 a ka 6 papahele ke kiekie, a he 700,000 ka huina ui o na hale o keia kulanahauhale. O na alanui, ina e houluulu ia ka l@a ma ka @ina hookahi, he 3000 mile kona loihi, a he pokole mai Honolulu a Kapalakiko he 2000 wale no kona loa.

 

            O ka Hale Ahaolelo o Enelani, o kekahi ia a na hale nani alu i ike ai, me kona mau towela e huini oioi ana iluna, a ua paa ke kahua aina i kona anoi he 8 eka.

 

            O ke towela Vitoria, oia ke towela kiekie loa a`u i ike ai, he 340 kapua@ ke kiekie, a e papalua ia ke kiekie o ka pahuhae o ka Helu 2, a ua holo aku ka hale he 940 kapuai ka loa, a he 500 mau rumi nui o loko.

 

            E like me ka nui o keia kulanakau hale, pela ka nui o ka waiwai, nui ka @k ika, nui na hana hou, a nui pu me na lealea. Ina o na hale inu ama o Ladona a hoonoho ia ma ka laina hookahi, e like no ka loihi mai Honolulu a Lahaina he 70 mile.  I ka helu kanaka o 1886, he 4,21,192 ka huina o na kanaka maloko o keia kulanakauhale hookahi wale no, a ina e kukulu pakahi ia ka omole i inu ia no ka ma kahiki hookahi, e like no kona loihi mai Honolulu a Ladana nei he 10,000 mile. O ka bipi e pepehi ia nei no ka makeke, ina e hoonoho ia i 20 bipi ma ka laina hookahi, e like no ka loihi mai Honolulu a Kauai. Pela pu me ka moa, palahu, kaka, ina ma ka laina hookahi mai Honolulu a Kapalakiko. E ai pu ia ana he 180,000 tona i`a no ka makahiki. O ka lanahu, e pau ana he 100,000 tona iloko o ka pule hoo kahi no ka hoolawa i ke kulanakauhale ua like pu ia me na tona kopaa o na mahiko o Hawaii ke hui ia lako a pau no hookahi pule.

 

            He 13,855 makai e malama nei i ka maluhia, a he $7,000,000 na lilo aupuni no ia keena hookahi. He 70,000 na malihini kaahele i kipa mai ma ke alahele o Ladana nei i keia makahiki no Europa, a e noonoo iho oe i kela pihoihoi mau ia e ka poe puni makaikai e ike i keia kulanakauhale nui a kaulana o ke ao nei.

 

            E haalele ana au ia Ladana nei a holo aku no Suedena a mai laila ae a Geremania a hiki loa aku i Farani.

 

            Me ke aloha nui,

A.F.C.

 

HOOLAHA HOU.

HOOLAHA.

 

            Malalo o ka mana o ke kanawai i kapa ia “he Kanawai e hooholo ai i mau Luna. Nana Halepaahao a e hoomaopopo ai i ka lakou hana a me ko lakou mana.” I apono ia i ka la 24 o Iune, 1888, ua hookoohu ia keia mau keonimana malalo he Papa Luna Nana Halepaahao o ke Aupuni:

 

ALFRED S HARTWELL,

THOS. RAIN WALKE,

JOHN EMMELUTH

LORRIN A. THURSTON,

Kuhina Kalaiaina.

Keena Kalaiaina, Sept. 21 1888.

 

HOOLAHA.

 

            O ka POAONO ka la 6 o OKATOBA, 1888, E NIENIELE I@ AI KA POE NONOI LAIKINI LOIO MA KE Kau o Okatoba o ka Aha Kiekie e hiki mai ana.

 

            Naka ha Aha:

 

            HENRY SMITH,

            @ope Kakauolelo.

Honolula, Sepatemaba 21, 1888.

2199td

 

            AHA HOOKOLOKOLO KIEKIE O ko Hawaii Pae Aina. Ma ka hoomaupopo Waiwai. Ma ka hana o ka Waiwai o KAIA (w.) o Honolulu o Oahu, i make.

 

            Ma ka waiho ia ana mai o ka palapala @ a me ka papa hoike a A. Kauhi, Lunahooponopono o ka Waiwai o Kaia i oleloia, e noi ana e apono ia na hoolilo he $116,40 a e hoike ana, ina mea i loa mai iaia he $415,50 a e noi ana e nana a e apono ia kela mau mea, a e kauoha ia e mahele ia na waiwai e waiho ana ma kon a lima i ka poe i kuleana a e hoo kuu ia oia mai kona noho ana ma ia ano.

 

            Ua kauoha ia, o ka POAONO, ka la 27 o OKATOBA, 1888, MA KA HORA 10 KAKAHIAKA MA KE KEENA MA KA Hale Hookolokolo ma Aliiolani Hale, Honolulu oia Kahi o Koho ia no ka manawa a me ka hoolohe ana i ua no; la, a me na papa ho ke i oleloia, o ka poe a pau i pili malaila e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai i na hoike o ka mea i kuleana i ka waiwai i oleloia. A e hoolahaia keia kauoha ma ka olelo Hawaii, maloko o ke KUOKOA he nupepa i pai a i hoolahaia ma Honolulu, o ekolu manawa mamua ae o ka manawa i oleloia no ka hoola he ana.

 

            Kakauia ma Honolulu Sept. 20, 1888.

 

            Na ka Aha.

 

            HENRY SMITH

            Hope Kakauolelo.

2199-3t

 

AHA HOOKOLOKOLO KIEKIE O ko Hawaii Pae Aina. Ma ka hooponopono waiwai Ma ka hana o ka waiwai o Z.Y. SQUIRES o Waialua i make. Olelo Kauoha e koho ana i la e hooiaio ia ai ka Palapalo Kauoha, a no ka hoolaha aoa.

 

            No ka mea, ma ka la 21 o Sepatemaba 1888, ua waiho ia imua o ka Aha kekahi palapala i olelo ia, oia no ke Kauoha Hope Loa a Z.Y. Squires i make aku la; a me ka Palapala Hoopii e noi ana e hooiaio ia kela Palapala Kauoha a e hoopuka ia hoi ka Palapala Luna Hooko ia Mrs. Harriet Squires a Gaspas Sylva, ua waiho ia mai e Harriet Squires i olelo ia.

 

            Nolaila, ua kauoha ia, o ka POAHA, oia ka la 11 o OKATOBA, 1888, ma ka hora @ o kakahiaka ma ke Keena Hookolokolo o ia Aha, ma Aliiolani Hale Honolulu, oia ka ia me ka hora e hoooiaio ia ai ia Palapala Kau@oha a e hookohe ia ai hoi ia noi ana mai, a me na poe a au i pili, e kue ana ia Palapala Kauoha, a me ka hoopaka ana i ka Palapala Luna Hooko.

 

            A ua kaaoha hou ia e hoolaha ia ia mea no ekolu manawa ma ke KUOKOA a e ka @Hawaiian Gazette,” he mau na pepa i pai a i hoo@ha ia ma Honolulu.

 

            Kakania ma Honolulu, Sept. 21, 1888.

 

            Na ka Ana:

 

            HENRY SMITH,

                        Hope Kakauolelo.

2199-3t

 

MA KE KAUOHA

 

KUAI O NA AINA AUPUNI

 

            E KUAI ia aku ana ma @

la akea ama@ua iho o ke alo a Ah@

Hale, i ka hora ia awakea o ka @

kolu Okatoba 17, 1888, he e@

aina aupuni ma Kona Aka@

ni o Hawaii.

 

  1. Maniniowali, Apana @ ili he 84 eka. Koho kiekie, @
  2. Awakee, Apana 0, noia ka@ he 20 eka Koho kiekie 5@

L.A. THURSTON

Kuhina Ka@

Keena Kalaiaina, Sept. 15, 1888

2199 4t

 

KUAI AINA AUPUNI

 

                        E KUAI ia aku ana ma ke kudala

akea, mamua iho o ke alo o @

Hale, i ka hora 12 awakea o ka @

kolu, Okatoba 24, 1888 he a ana @

ma Kaumakani, Kapahulu, m@

o Maui, nona ka ili he 05-100 @

Koho kiekie, $50.

L.A. THRUSTON,

Kuhina Kaia@

Keena Kalaiaina, Sept. 17, 1888.

2199

 

KEENA O KA PAPA HOONA AUAO.

 

            Ke hoike ia aku nei ma keia, @

Hiki ae lakou ma ko lakou haleku@

Pakahi iho, he 15 minute m@maa o ka

hora 9 A.M., ika manawa hoi e wehe @

ai ka hoomaka ana o ke kula.

MA KE KAUOHA A KA PAPA H@

NAAUAO.

2199 3t

 

KUDALA HOOLIMALIMA

 

            E kuai kudala ia aku ana ma ke a iho o Iolani Hale, i ka hora 12 awakea Poakahi, Okatoba 117 1888, kekaha ai na ma Ainahou, alanui Papu, Apana Aina Hlu 15, a oia hoi kahi e ka na ka halehana o J: H. Bruns.

 

            Ka Manawa—He elima maka@ ka hoolimalima, koho kiekie $300 no@ makahiki e uku ia ma ka hapaha nakahiki.

LA. THURSTON

Kuhina Kaiaiaina

Keena Kalaiaina,

Septemba 13, 1888.

2198 4t

 

KEENA O KA PAPA HOONA AUAO.

            E wehe ia ana he Kula Olelo Beretania hou no ke ao ana i na k@ ia mau wahi, ke hiki aku i ka Poak@ la 17 o SEPATEMBA, 1888, ma W@ pilopilo, alanui Moi ma Kalihi.

 

MA KE KAUOHA A KA PAPA H@NAAUAO. 2108 @

 

KUAI O NA AINA AUPUNI

            Ma ka Poakolu, Okatoba 10, 18@ i ka hora 12 awakea, ma ke alo o Aliiolani Hale, e kuai ia aku ana make kudala akea ke ahupuaa o Kahanu@, ma ka mokupuni o Molokai.

 

            He aina mauna keia, nona ka lii he @ @1000 eka.

           

            Kono kiekie $500.

 

LA THURSTON

Kuluna Kalaiaina

Keena Kalaiaina, Sept. 3, 1888.

2197 4t

 

KUAI O NA HOOLIMALIMA AINA AUPUNI

 

            Ma ka poaha, Okatoba 4, 1888, @ ka hora 12 awakea, ma ke aloh iho o Aliiolani Hale, e dujkala ia aku ana ma ke akea ka hoolimalima o kekahi mau aina aupuni ma Kohala, Hawaii.

 

  1. Aina aupuni helu 70 ma k@la Aka@ he 80 eka. Koho kiekie $25 no ka maahiki, e uku mua ia.
  2. Aina aupuni helu 19, 22, A.B, C, D me E, ma Kohala Akau, he @ eka Koho kiekie $150 no ka maka hiki, e uku mua h@ ma ka hapa@ kahiki.

 

He 10 makahiki ka loihi o keia m@ hoolimalima e kuai ia aku ana.

L. A. THURSTON

 

Kuhina aKalaiaina

Keena Kalai,na, Aug. 30, 1888

2196 5t

 

HOOLAHA HOOKO MORAKI

 

            Mamuli o kekahi mana kuai i hoike ia maloko o kekahi palapala moraki i hanaia mawaena o Habdwldu k, me Maria Habdwldu kana wahine mare o ka aoaoa mua, a me Raymond Ke@ o ka aoao elua, ma ka la 21 o Nov 1887, i kakau kopeia ma ka Buke 108, aoao 337 me 338, a mamuli o ka uhaki ia ana o ka aelike o ka moraki, oia ka hooka ole ana i ka ukupanee, nolaila, ke hoolaha aku nei ka aoao elua e hooko ana oia i ka mana kuai.

 

            Aia maloko o na pule ek@lu ma@ keia la aku, e kudala ia no na apana aina i hoike ia ma ka moraki, ma ke keena kudala o J.F. Morgan, ma Honolulu, Oct 16, hora 12 M.

 

            No na mea i koe, e ninau ia S.M. Kaaukai.

 

RAYMOND REYES

Mea Moraki ma@

Sept. 21, 1888

 

            O ka aina i hoike ia ma ka moraki, oia no ka aina e waiho la ma ka aoao makai o alanui Beritania, a ma Waikiki o alanui Puowaina, Honolulu he 47-100 eka ka ii. He mau hale maikai a paa i na poe hoolimalima

2199-3t