Ka Nupepa Kuokoa, Volume XXVII, Number 39, 29 September 1888 — Page 4
| This text was transcribed by: | Vicki Duffett |
| This work is dedicated to: | Uncle George Na'ope |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki. $2.00
No Eona Mahina. 1.00
KUIKE KA RURULA.
Poaono Sepatemaba 29. 1888
HE MELE KIAHOOMANAO
O KA
MAKUA REV. L. LAIANA
SEPATEMABA, 7, 1888.
Leo—Vote it Out, p. 59.
Temperance Evangel.
I
Ku, e ku, a mele ae,
E na Kula Sabati
No ke Kiahoomanao
O Hawaii aloha e
Eia la ke ku mai nei
Ke Kia@Mabala nani, hoomanao
Na na Kula Sabati, hoomanao
I ka Makua Lainana e
Cho. —Hawaii, Hawaii
Haku Mele o Hawaii
Hawaii e. Hawaii
Ala mai e Hawaii
2.
Ma kou Home Lanie
Na Anela a mele mai
Ma kou Home Mauna nei
Mele leo kanikau
I keia la i hui ai
Me na hoaluhi ou, hoomanao
Mai na mokupuni mai, hoomanao
I ka Makua Laiana e
Cho. Hawaii, Hawaii, etc.
3.
Ke hoonani nei makou
I ke Kiahoomanao oi
Ka Hoku Ao Nani e
Ka Lei Alii Nani mau
Hae hoonani, Gura no
Ka Euanelio maikai, hoomanao
Me na Kula Sabati
Cho.—Hawaii, Hawaii, etc.
4.
Ke hoolaa nei makou
I keia Kiahoomanao ou
I Home nani, noho mau
Waikoloa aloha e
Kau ka Hae o Hawaii
A hui i ke kino ou, hoomanao
A kau ka Hae o lesu, hoomanao
A ola hou ma kela ao
Cho.—Hawaii, Hawaii, etc.
Hawaii Ponoi.
Waimea, Hawaii, Sept. 20, 1888.
Haaawina Kula Sabati.
HAPAHA EKOLU.
HAAWINA XXXII. Oct 14, 1888.
Ka hele ana ma kela kapa o Ioredane. los. 5:5—17
KAUOHA mai la ia lakou, i mai la, A ike oukou i ka pahuberio Iehova o ko oukou Akua, a me ka poe kahuna na Levi e amo ana ia mea; alaila oukou e haalele ai i ko oukou wahi, a e hahai mamuli o ia mea.
4 I wahi kaawale hoi mawaena o ia mea,a me oukou, i elua tausani kubita paha ka loihi. Mai hookokoke aku, i ike oukou i ke ala a oukou e hele ai; no ka mea, akahi no oukou a hele i keia ala.
5 Olelo mai la o Iosua i na kanaka, E huikala oukou ia oukou iho: no ka mea, apopo e hana mai no o Iehova i na mea kupanaha iwaena o oukou.
6 Olelo mai la o Iosua i na kahuna, i mai la, E hapai i ka pahuberita a e hele ae imua o na kanaka. Hapai ae la lakou i ka pahuberita, hele aku la imua o na kanaka.
7 Olelo mai la o Iehova ia losua. I keia la no, e hoomaka au i ka hookiekie ia oe imua o ka Iseraela a p@u, i ike ai lakou i kou noho pu ana me oe e like ma au i noho pu ai me Mose.
8 E kauoha aku oe i na kahuna, i ka poe halihali i ka pahuberita, e i aku, A hiki oukou ma ka lihiwai o Ioredane, e ku malie oukou maloko o Ioredane.
9 Olelo mai la o losua i na mamo a Iseraela, E neenee mai oukou, a e hoolohe o Iehova o ko oukou Akua.
10 I mai la o losua, Eia ka mea e ike ai oukou i ka noho pu ana o ke Akua ola me oukou, a e oiaio no, e kipaku aku ia mamua o oukou i ka Kanaana, a me ka Heta, a me ka Heva, a me ka Pereza, a me ka Giregasa, a me ka Amora, a me ka Iebusa.
11 Aia hoi, ke hele ae nei ka pahuberisa a ka Haku o ka honua a pau, mamua o oukou iloko o Ioredane.
12 E lawe hoi oukou, no oukou, i umi kanaka a me umikumamalua, mailoko mai o na ohana o Iseraela, pakahi ke kanaka i ka ohana hookai.
13 A hiki i ka wa e hoomaha ai maloko o ka wai o Ioredane na kapuai o ka poe kahuna nana e lawe ka pap@u o Iehova ka Haku o ka honua a pau; alaila, e hookaawale ia na wai o
Ioredane, o na wai e kahe ana mailuna mai, a e ku no iluna me he puu la.
14 Pela io no, i ka wa i hele aku ai na kanaka, mai ko lakou wahi i hoomoana ai, e hele aku i kela kapa o Ioredane, a hapai ka poe kahuna i ka pahuberita imua o na kanaka.
15 A hiki ka poe i halihale i ka pahu i Ioredane, a komo na wawae o na kahuna, ka poe i halihali i ka pahu ma ka lihiwai, (no ka mea, i ka manawa e oo ai ka ai, ua halana o Ioredane maluna o kona kapa a pau.)
16 Alaila, ku malie no na wai i kahe maluna mai, a pii aku la, a lilo i puu loihi loa a hiki wale aku i ke kulanakauhale i Adama, e pili ana i Zaretana: a o ka wai i kahe ma ke kai o ka papu, oia hoi ka moanakai, moku iho la ia a maloo; a hele aku la na kanaka i kela kapa. ma ke alo o Ieriko.
17 Ku malie iho la na kahuna, ka poe lawe i ka pahuberita o Iehova, ma kahi maloo, mawaena o Ioredane, a hele ka Iseraela a pau ma ka aina maloo, a pau loa ia lahuikanaka i ka hala i kela kapa o Ioredane.
Pauku Gula. Ia oe e hele mawaena o na wai, owau pu no me oe; a maloko o na muliwai, aoie oe e halana ia lakou. Ios. 3:43, 2.
Poakahi Ios.:2—24
Poalua Ios. 3:1—17
Poakolu Is. 43:1—26
Poaha Hal. 114:1—8
Poalima Puk. 14:1—31
Poaono " 15:1—19
Sabati Hal. 107:1—21
Owai na ohana ekolu i manao e noho ma ka hikina o Ioredane? Ios. 1:12. Heaha ka Iosua kauoha ia lakou?
I Ka hoomakaukau ana e hele hou imua, p. 5. Heaha ka hana mua? Ios. 1:10, 11 Heaha ka lua? 2:1. E hai mai no ka hele ana o ia mau kiu elua. Ehia la ma ia hele ana? Heaha ke kolu o na hana e makaukau ai? 3:1 Heaha ka ha? p. 5. Puk. 19:10. Oihk. 20:7, 8.
Ua pono anei ia kakou e hoomakaukau e, ina e manao e holomua ma keia noho ana, a ma na mea pili uhane paha. Ua hoike ia mai anei no na poino a me na pomaikai paha e loaa ana ma ka noho Kristiano ana? Pehea e makaukau ai? Hal 5:1—10. Io. 3:3.5.
II Ke kauoha e hele imua. p. 6-13. Heaha ke kauoha a Iosua i na kahuna? p. 6, 8. Mahea pahuberita? E lawe ana ihea? Pehea e kaawale mai a lakou aku? 3:4. Heaha ka haawina i ao ia mai ma ka hele ana o ka pahuberita imua? Is. 41:10; 43:1, 2. Heaha ke kauoha ia Iosua? O keia hele lanakila ana i kela kapa o Ioredane he mea anei ia e kau nui ai ka manao o kanaka maluna o Iosua, ko lakou alakai hou? Heaha ke kauoha i kanaka? Owai na lahui e kipaku ia ana ma Kanaana? Pehea e maopopo ai i ka Iseraela e hiki ana ia lakou ke hooko ia hana? Ua koho ia he umikumamalua e aha? 4:2—7.
III 14—17. Pehea ka muliwai ia wa? Ios. 4:19. Ehia kanaka e hele ana i kela kapa? Mal. 25:2, 51. Owai ka i komo mua i ka muliwai? Pehea na wai i ka hehi ana o na kahuna? Mahea ka pahuberita a hiki keia huakai nui ma kela kapa? 4:10. No keia hana mana? p. 7:10: 4:21.
Heaha kekahi hana nui no kakou? Io. 3:3, 5. Owai ka Ioredane no kakou? Lu. 13:3. Oih. 2:38. Rom. 12:1.
1 Ke hana nei no ke Akua i na hana mana no kona poe kanaka: ma ka hoohuli ana i kanaka; ma ka holo lanakila ana o ka Euanelio.
2 Ua hele no ke Akua imua o kona poe kanaka.
3 Ua hooko no ke Akua i kana olelo i ka wa i hala, pela auanei ma keia mua aku.
4 E hoomanao i ko ke Akua lokomaikai.
5 E hahai i na alakai, oiai e hahai ana lakou ia Iesu.
6 He Ioredane mamua o ka loaa ana i kahi pomaikai nui.
.
Hoole Waiona.
[Na ka Ahahui W.C.T.U.]
Ma Kaleleonalai, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU."!!
KA PULE A NA SELA.
1
A makaukau na sela
E holo ma ke kai
Penei ka pule ana,
Alaila holo ae :
"E kiai mai ke Akua
Kou waapa makalii
Akea a hohonu
Kou kai e waiho nei
2
Akea keia ola
He nui na ino e
E kiai e ka Haku
E nana aloha mai
Kokua a hoomalu
Hooholo no a mau
O pa maina makani
Poholo a make e
3
A onou mai na ino
Ooloku ke kai
Lohea ko Iesu leo
E papa ana no
"Hamau, hamau na ino."
A kau ka la lailai
A pae la i ke awa
Ka home lani mau
MOOLELO O KA AHAHUI NUI
O NA
OPIO IMI PONO KARISTIANO
O KA PAEAINA.
Hoakaka : No ke dala ole o ka Waihona e hiki ai ke pai buke ia ka moolelo o ka halawai a ka Ahahui Nui o na Opio o ka Paeaina, i malama ia ma Kaumakapili i ka malama o Iune i hala, nolaila, ua manao ia, he mea pono e hoolaha ia ma ka nupepa KUOKOA ua moolelo la, oia keia e hoopuka ia aku nei.
Halawai ka Ahahui Nui o na Opio Imi Pono Karistiano o ka Paeaina ma Kaumakapili, Iune 6, 1888, hora 7.20 p.m.
Peresidena A. Francis Judd ma ka noho.
Wehe ia na hana me ka himeni, ka heluhelu @aibala me ka pule.
Hoomaiopopoia na Ahahui, na Peresidena, me na Elele i hiki mai.
He 16 ka nui o na Ahahui, 5 Peresidena i hiki mai, 5 i hoouna mai i ka lakou mau hoike papa helu, 6 aole he hoike, a me 16 Elele i hiki mai.
Heluhelu ia ka hoike papa helu a na Peresidena me na Elele o na Ahahui a pau. Iwaena o keia mau hoike, hookahi hoike Elele hui o na A. O. I. P. K. o Maui me Molokai.
Na ka Puuku H. Waterhouse i heluhelu mai i kana hoike makahiki no na loaa a me na lilo o ka Ahahui Nui.
Hoike a ka Puuku.
Na loaa o ka Ahahui $24 00
Na lilo o ka Ahahui 23.90
Koena ma ka Waihona .10
Hapai ka Aha no ke koho ana i na Luna Nui no ka makahiki hou ma ka o lima penei:
A. F. Judd, Peresidena
D. L. Naone, Hope Peresidena
H. Waterhouse, Puuku
S. Kaaikaula, Kakauolelo
F. A. Keliinohopono, hoa.
Papai hoolana manao mai ka Peresidena A. F. Judd i na Peresidena a me na Elele o na Ahahui i hiki mai, e hooikaika ana ia lakou e paio ikaika no na hana maikai a pau o ka pono.
Hookuu ia na hana a noho hou i Iune, 1889, me ka pule a Rev. E. S. Timoteo.
S. KAAIKAULA,
Kakauolelo.
KA HALAWAI
O ka Aha Hui O. I. K. o na Mokupuni o Maui me Molokai, Oct. 4, 1888
E noho ana ka Ahahui O. I. K. na mokupuni o Maui a me Molokai ma ka luakini o Hana ma ke Poaha mua o Okatoba 4, 1888, ma Hana, Maui.
Eia na haawina heluhelu a na Peredena o na Ahahui Opiopio :
Haiao, Mataio 3; 2, Hui o Wailuku.
" Mataio 3; 10, Hui o Wainee.
" Mataio 4; 1, Hui o Waihee.
" Mataio 5; 12, ka Hui o Hana.
" Mataio 6; 33, Hui o Halewa.
" Ioane 1; 16, Hui o Honouli a me ko Waialua.
J. K. KAUPU.
Kaluaaha, Molokai, Sept. 20, 1888.
E HOOLOHE
E na Abahui Opiopio Imi Pono Karistiano o na Apana
Ke ninau aku nei au ia oukou ina ua koho oukoui na Luna Nui a me na Komite Kumau no ka mahina o Augate i hala?
Mai paupauaho oukou, aka, e hapai i na hana me ka ikaika. E hoouna mai oukou i na dala elua i ka Puuku Hon. H. Waterhouse, no keia makahiki e hele nei.
Ina i makemake oukou i mau Buke Kumukanawai, e palapala mai ia Sam Kaaikaula, ke Kakauolelo.
Nau no me ke aloha nui,
A. F. Judd, Peresidena.
Honolulu, Sept. 24, 1888.
KA AHAHUI Y. M. C. A. O KA
HONUA HOLOOKOA.
Ua akoakoa keia ahahui o na elele mai na aina a pau ma Stockholm, ke kulanakauhale alii o Suedena, Aug. 15. Ua hoike ke Komite Hooko i ka huina nui o na ahahui Y. M. C. A. i keia wa he 3,804. Ma Amerika Huipuia, he mau hale no lakou ka uku $7,000,000, me na kakauolelo hooholo hana he 800. He mau Elele 400 no keia Ahahui nui, 200 e namu ana i ka olelo Enelani. C. M. Cooke, oia no ka elele mai Hawaii aku nei, aka nae ua haiolelo oia ma ka olelo Hawaii. Ua konoia na elelu a pau loa e makaikai i ka halealii ma Dwllinghan he eono mau mile mai Stockholm aku. Ma na mokuahi ekolu ko lakou holo ana, a malaila he paina luau i hoolakoia e ka Hoolina Alii. Ua kamailio nui ka ahahui e pili ana i na hana kupono e hooikaika i na kino mamuli o ka olelo hoike a Lutera Gulika, a me na hana kupono e hoomau ai i ka imi pono Karistiano ma na halawai haipule o na ano he nui wale.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Kaolulo k. o ka aoao mua, a me Mrs. L. B. Coan o ka aoao elua, ma ka la 30 o Dekemaba1884. i kakau kope ia ma ka buke 89, aoao 494, a mumuli o ka uhaki ia ana o na kumu aelike o kela moraki, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei. e hooko ana oia ia mana kuai,
A ke hoolaha hou ia aku nei, mahope aku o na pule ekolu mai keia la aku alaila, e hoolaha ia aku na aina i hoike ia ma ia moreki no ke kudala ana, ma ke keena kudala o Jas. Morgan ma Honolulu, ma ka la 8 o Okatoba 1888, hora 12 o ia la.
Aia ma kahi o W. R. Kakela na hoakaka no keia mea.
MRS. L. B. COAN.
Mea Moraki Mai.
Hana ia i keia la 10 Sepatemaba 1888.
Penei na aina i moraki ia :
1 Hookahi kuleana hui ma ka hui aina Haiku, he 8 eka, i hoike ia ma ka palapala kuai i kope ia ma ka buke 56 aoao 285.
2 Hookahi hui ma ka hui Ulumalu, Maui.
2197-42
HOOLAHA A KA LUNAHOOPONOPONO WAWAI.
Ua hookohu pono ia ka mea nona ka inoa malalo iho nei,i Lunahooponopono no ka waiwai o George Morris i make ma Honolulu, Mokupuni o Oahu. Ma keia, ke hoike ia aku nei ka lohe i na kanaka a pau he mau koi ka lakou ma ka moraki a mau palapala e ae paha e hoike koke mai i ka mea nona ka inoa malalo nei iloko o eono mahina mai keia la aku, a i ole, e hoole loa ia mahope aku o ia manawa. A o na poe he mau aie ko lakou i ka mea make, e awiwi lakou i ka hookaa koke mai ma ke keena o J. M. Monsarrat helu 27, Alanui Kalepa, Honolulu.
E. J. WILKINSON,
Lunahooponopono Waiwai me na Palapal
Kauoha o George Morris i hoopili pu ia
Honolulu, Sepatemaba 8, 1888.
2197-5t
Halekula Kaikamahine o Kawaiahao.
E wehe ia ana keia kula i ka Poakahi, Sepatemaba 10, no ka hookomo ana mai i na haumana kaikamaine me na kumu piha no na lalao ka ike.
Ua kukulu ia he mau hale hou, he hoomahuahua ana i oi aku i ko ka wa i hala.
O na pepa pili i ke kula, e loaa no ia ma ke kipa a me ka leta ana aku i na kumu o ke kula.
2197-3t
HOOLAHA A KA LUNA HOOKO
Ua koho pono ia ka mea nona ka inoa malalo iho nei, i Luna Hooko no ka Waiwai o Henry Jacob Hart i make o Honolula, Oahu. Ke hoolaha ia aku nei ma keia, no na poe he mau koi ka lakou e hoike koke mai me na hooiaio kupono, ina ma ka moraki a ma kekahi ano e ae paha iloko o na mahina eono mai keia la aku o hoole loa ia auanei. A o na poe i aie i ka mea make, ke kauoha ia aku nei lakou e hookaa koke mai ma ke keena oihana o A. J. Cartwright, Helu 13 alanui Kaahumanu
A. J. CARTWRIGHT.
W. C. PARKE
Na Luna Hooko Waiwi o H. J. Hart.
Honolulu, Sept. 1, 1888. 2196-4t
AHA HOOKOLOKOLO KAAPUNI Apana Elua o ko Hawaii Pae Aina. Ma ka Hooponopono Waiwai. Ma ka hana o ka waiwai o AUWAIMAKALANI no Wailuku, Maui, i make kauoha ole. Ma ke Keena.
Ma ka heluhelu a me ka waiho ia ana mai o ka palapala noi a Napahuloloa w. a me Palea Mahi kana kane, e hoike ana ua make kauoha ole o Auwaimakalani k. no Wailuku. Maui, m@ Wailuku, Maui, i ka la—o—— 188—, a e noi ana e hoopuka ia palapala hookohu Lunahooponopono Wawai, e hooponopono ia ka waiwai, a e hooholo ia na hooilina.
Ua kauoha ia, o ka POAKAHI, ka la 8 o OKATOBA, m. h. 1888, ma ka hora 10 kakahiaka, oia ka manawai i koho ia no ka hoolohe ana i ua noi la imua o ua Lunakanawai la ma ko@a keena, ma ka Hale Hookolokolo ma Wailuku, a ma ia manawa a ma ia wahi no, e hele mai ai na mea a pa@ i pili e hoike mai i ke kumu, ina he kumu oiaio ka lakou e ae ole ia ai ua noi la. A o keia kauoha e hoolaha ia ma ka olelo Hawaii. i ekolu pule ma ke Kuokoa, nupepa ma Honolulu.
Kakau ia ma Wailuku ko Kawaii Pae Aina, Augate 31, 1888.
GEO. E. RICHARDSON.
Lunakanawai Kaapuni Apana Elua.
2197-31
KE KULA KAMEHAMEHA NO
NA KEIKIKANE LIILII.
E makaukau ana ke Kula Kamehameha no na keikikane i@@@i, no ka apo ana aku i na haumana ma ka POALUA hope o OKATOBA. 1888.
Ua kaupule ia ka heluna o na haumana e komo mai ai i keia makahiki mai ka makahiki ehiku a i ka makahiki umikumamalua, a no ka poe a pau i ake e komo ae ma ia kula no ia mua aku, e hoike ai ma ka la—o Okatoba, 1888.
Kekahi mau mea e ae e hoolako ia ana e na haumana pakahi, e hoouna ia ae ke ninau mua ae i ke kumu.
E loaa mua i na haumana na apono mai ke kauka no ko lakou kulana ola maikai.
He kula keia e hoomakaukau no ke komo ana aku i ke kulanui Kamehameha, a e hoomaamaa ia no na keiki ma na huahelu, hopunaolelo, a me ka himeni.
He $60 ka auhau o ka makahiki, e uku mua ia i kela a me keia hoomaka ana o ka hapaha.
No na mea i koe e loaa no ke ninau ae i ke kumu nui
MISS C. A. REAMER.
2102-8t.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Carrie Kaaukai a me kana kane mare o ka aoao mua, a me Phillip Butler o ka aoao elua, ma ka la 20 o Okatoba 1884, i kakau kope ia ma ka buke 89 aoao 379, a mamuli o ka uhaki ia ana o na kumu aelike o ua moraki nei, oia hoi ka hookaa ole ia o ka uku panee, nolaila, ke hoolaha ia aku nei e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala ana, ma ke keena kudala o J. Morgan ma Honolulu, ma ka la 8 o Okatoba 1888, hora 12 o ia la.
Aia ma kahi o W. R. Kakela no olelo hoakaka no keia mea.
PHILLIP BUTLER,
Mea Moraki Mai.
Hana ia i keia la 8 o Sepatemaba 1888.
Penei na aina i moraki ia :
1 2 43-100 ma Kaluapalena, Kalihi, Oahu, he aina kalo, kula a me pa hale, a me ke kalo e ulu ana.
2 4 1-100 eka ma Kamakela, he hapa o ko Paele aina.
2197-4t
AINA WAIWAI NO KE KUAI.
He pahale nui a me na hale maikai ma ke kanua e kokoke nei iwaena o ke kulanakauha le, he 145 kapuai ke akea, 105 kapuai ma ke alo, a he 208 me 119 ka hohonu ma na aoao. He eiwa ka nui o na hale, a ua hoolimalimaia no ke $75 o ka mahina. O keia pahale, ke waiho hamama ia aku nei i na mea a pau e ma kemake ana.
E ninau i ka
HUI OIHANA AGENA HAWAII,
Kihi o Alanui Papu me Kalepa.
2184-
FRANK GERTZ
103 Alanui Papu
BOOTS & SHOES
UA WEHE AE NEI AU I NA KAHIKO AULII O NA
Kamaa o na Ano a Pau
No na Wahine, na Kane a me na Keiki i wae pono ia e Mr. Gertz iloko o Amerika.
HE OLUOLU KE KUMUKUAI MA KE KU IKE
E loaa mau mai ana na waiwai ma na mokuahi a pau.
mr 31-tfn
Pahu Hale Leta 351. Bele Telepone 274.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H. I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa—kuai a hoolilo aku, a me auhau uku ana.
Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
No Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Dute e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
I@O na hana a pau a na makamaka e haawi mai ana no ka hooko aku i ke kauoha, e@hooko ia no me ka eleu a me ka mikiala.
Agena Oihana Hawaii
2170 1yr. Ma@.
B. F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. — Honolulu.
E loaa mau ana na lole hou o na ano a pau maluna o kela a me keia moku.
Ka Wawai o ka Hilinai
A AYER Laau Sasaparila, kai kaulana a hilinai nui ia no ka hoemaemae koko, ma na wa@ a pau o ka honua, ne aneane 40 ma kahiki i hala ae nei, a ua lawelawe nui ia hoi iwaena o na oihana lapaau. O keia
LAAU SASAPARILA, no loko ae ia o ke aa Sasaparila Honedura maoli ; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali anei kou? Ua awili pu anei me na ano mai i kaika? A ua hui pu anei me na wai awaawa hoopehu Na keia
LAAU e hoomaemae ia mau mea ino a pau a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai no mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kon holo pono ana ma ke kino, e hoomaemae i a e hooikaika pu ia no hoi ma o ka ai ana keia LAAU SASAPARILA A AYER. He maa lahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na mai, hoomomona hou ana i ke koko ino, a me ka hoo@ kaika pu i kona holo pono ana ma na@aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na mai, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holo okoa. maluna o ka
Ayer Laau Sasaparila.
I HOOMAKAUKAU IA E
Kauka J. C. Aver & Co., Lowell, Mass.
HOLLISTER & CO.
Na A ena ma ka Paeaina Hawaii.
Helu 100. Alanui Papu, Honolulu
2086-tf
Kakela a me Kike
HALEKUAI NUI O NA WAIWAI
E @a na puhiolo, koi hole,
hamale, koi nui a me liilii, kila,
wili puaa, rula, apuapu, kui o na ano
@au, kaia kaa, hao hoopaa puka
pohaku hoana, kepa, lei ilio, kauia
hao ilio, pahi, upa, pahi, umiumi,
kalapu, kope hulu, pulupulu, oepa k@
lakala, lina hao, ami, keehi, a me
—KAULA OPU.—
Palau o na ano a pau,
Oo, ho, kopala, pe, kipikua
hao kope, au ho a pe
a aku, kua bipi, lei bipi,
kaula hao bipi, uwea
pa, uwea keleawe, hao pil@
piula, kaa palala, ipuhao, ipu @
PA-PALAI, MAKAU MEKE AHO
Ili wai, papa holoi, kopa ala, kaula
@uaina, huakai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMALOO
—a me anaini hale—
AILA MAHU, AILA MIKINI, AILA HAMO
AILA KAA, INIKA KAMAA.
PAUDA. KUKAEPELE. KIANA
PAUDA, UIKI IPUKUKUI O NA
ANO HE NUI A LEHULEHU.
LOLE MAKEPONO
—E aa na—
AHINAHINA. KALAKOA. KEO
KEO. LEPONALO HULUMANU.
UWE-WAHINE, KUI HUMUHU
MU A ME KA LOPI.
Ke Kuike e loaa no ia ma kaki o
Kakela & Kuke!
NA MEA PIULA
Mikini Humuhumu
M@kini a WHEELER a me WILSON
MIKINI A WILOX ME GIBBS
NA MIKINI A
—REMINGTON.—
He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike
Laau Lapaau Kaulana Lo@
A DR. JAYNE,
LAAU HOOMAEMAE KOKO
LAAU HOOPAU NAIO, LAAO
KUNU, PENIKILA HUAALE
PAAKAI, LAAU HOOPAA HI,
@e na Laau Hamo a Pela ku.
KAKELA & KUKE