Ka Nupepa Kuokoa, Volume XXVII, Number 40, 6 October 1888 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVII, HELU 40      HONOLULU, POAONO, OKATOBA 6, 1888       NA HELU A PAU 2201

 

HOOLAHA LOIO.  W.O. SMITH. Loio ma ke Kanawai. Helu 66, Alanui Papu, Honolulu, fy 4 1y

 

W R. KAKELA, LOIO A HE KOKUA MA KA KANAWAI .  Ho Luna Hooiaio Palapala. Rf

 

Wilder & Co. (WAILA MA.) Mea kuai papoa a me na lako kukulu hale na ano a pau, a me na me na pono a pau no ka hale. Kihi Alanui Moiwahine me Papu. Tf

 

CECIL BROWN. Loio a he Kokua ma ke Kanawai? He Agena Hooiaio Palapala no ka Mokpuni o Oahu Keena Hana: Ma alanui Kalepa. Tf.

 

W. A. KINNEY, (Kini.) LOIO. Keena hana ma ke Keena o J. A. Makuna, 2168 Helu 42 Alanui Kalepa. Ty

 

A ROSA. (Akoni.) Loio a he Kokua ma ke Kanawai. He Luna Hooiaio Palapala. Keena Hana: Ma ke Keena Loio Kahuna. tf.

 

JAMES M. MONSARRAT, (MAUNAKEA) Loio a he Kokua ma ke Kanawai he Luna hooiaio Palapala. E hana ia no na Palapala Kuai, Palapoala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa. Keena Hana: Alanui Kalepa.

 

VOLNEY VAILLANCOURT ASHFOR,  AKEPOKA.  He Loio, Hoakaka, Pale ma ke Kanawai Kahauolelo, Lunahooponopono a me ka hana ana in a Palapala Hoolilo.  LAWELAWE ILOKO O NA AHA A PAU O KE AUPUNI.  e HANA IA NO NA Palapala pili Kanawai a pau. Keena Hana helu 21, Alanui Kalepa, Honolulu Hale. (2150 ty)

 

William C. ACHI.  Loio a he koku ma ke kanawai imua o na Aha a pau o kei Aupuni. He Mea Ana Aina a he Boroka ma na waiwai paa. keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y

 

John Mahiai Kaneakua.  Loio a he Kokua ma ke Kanawai. He mea Unuhiolelo ma ka Olelo Bertania a me ka Olelo Hawaii. Keena Hana, maluna ae o ka Banako o Bihopa ma. 1 yr.

 

PACIFIC HARDWARE COMPANY  Na hope o Dilinahama Ma. Mau Mea Kuai Lako Hao  Alanui Papu, Honolulu.

 

HOOLAHA  G. W. A. HAPAI  He Luna hooko Mare. –A He_ Agena Hooiaio Palapala. E loaa no ma hilo=taona, Hawaii, ma na manawa a pau. 2152-1y

 

E. G. HITCHCOCK (AIKUE HIKIKOKI).  Loio a Kokua ma na mea a pau e pili ana ma ke Kanawai. E oki ia me na Bila Aio, makaawiwi Hilo, Hawaii 2114-1y.

 

George P. Kamauoha.  He Loio a he Kokua ma ke Kanawai. –A HE MEA- ANA AINA. E loaa no ma Kohala Akau, Hawaii. 2091 1y

 

HE KAAO –NO- HAPAIKALA-Hapaikamahina  KA HUA OHIANANI  I LOAA MA KA  Piko Mauna O Farani

 

Ka Ui nana i Kakele ke Aupuni o ka Lihilihi o na Manu.  I Kokua ia e HULUPAINA kona Pokii.  Unuhi ia a H. Kane.  Helu 2.

 

I KONA lohe ana in a olelo a kona makua, manao iho la oia he oiaio na olelo a kona makuakane, nolaila, ua hoopau ae nei oia i kona manao ninau, a mahope lohe hou aku la no oia ia ka leo wawa, a o kana hana no o ka ninau mau no i kona makuakane, a o ka hana no hoi a ka makuakane o ka hole i ka ninau a ka laua milimili.

            A i kekahi la, lohe hou aku la no ia nei, a ku maoli iho la keia i ka luluhua i ka lohe mau i keia leo wawa me he kanaka la, a o ka ninau aku hoi i ka makua, a o ka hole mai hoi ka kamakua me ka olelo pu mai he holoholona, noia mea ua hele aku la oia e no ii kona makuakane, e hele oia a nana i kahi a keia leo ana e lohe ne ii na wa a pau, ua hole aku kona makuakane.

            Aole au e ae aku ana ia oe e hele, oiai aohe kanaka aku o keia wahi aku nei, oiai aole i lawa kou hele ana aku ma keia waonahele oiai he opiopio oe, he nui na holoholona hihiu e hoopoino mai ana ina mea e maalo aku ana ma keia waonahele, ia manawa i hoopau ae ai oia i kana noi ana aku, oiai ua paakiki lo aka makuakane i ka hole.

            I kekahi la,a u a noi hou aku la oia e hookuu mai iaia e hele holoholo maloko o na malapua no ka honi ana aku in a ea maikai, a ua ae mai kona makane ia noi a kana keiki, no ka manawa he elima minute.

            Ia wa i hele holoholo aku ai keia iloko o ka lakou wahi malapua, me kona hoomau ana i ka hele i mua, me kona honi ana iho in a pua, a ia ia nei e kilohi ana i ka nani o na pua, ua hiki aku la keia ma ke kae o kekahi muliwai e kahe ana, aia hoi ua hoopuiwa ia mai oia, mamuli o kona ike ana aku i kekahi mea e lana ana i luna o ka iliwai, a iaia e nana pono ana i ka mea e lana ana, ua hoomaopopo aku la oia he owili lauoho i hookuu ia, ua hele aku la oia iloko o ka wai me ka au ana aku a loaa iaia, a i ka loaa ana iaia, ua hoi maila keia a kula me ka nana pono ana iho, ua hoolele ia koi a nei hauli i kono ike ana iho he owili lauoho gula. Ia wa oia i huli hoi mai ai a hiki i ka hale, me kona huna ana aku i kana ukana maloko o ko lakou wahi pupupuhale me ka ike ole mai o knoa mau makua.

            Ua kahe maila kona mau makua iaia nei, no ka hele ana aku e paina iko lakou wahi paina kakahiaka, hela aku loa no hoi keia a noho iluna o ka papaaian, a i ka pau ana o ka lakou ai ana, hoi aku la keia o loko o kona lumi, a noho iho la oia nanea me kona noonoo pu ana i kea no o kana ukana, a iaia e nanea ana ua hoopuia ia oia mamuli o kona lohe ana aku i kekahi leo manu e kamailio mai ana iaia nei. Ina o kekahi pua rose o keia kihapai, e hui pu ia me ka pua poniaraiga o ko’u aupuni, alaila, ua oi aku ka maika o ke kuahiwi o Farani.

            I koi a nei lohe pono ana i keia leo kanaka, ua kiei aku la keia ma ka puka aniani, me koi a nei manao hoi la he kanaka ka mea nona keia leo ana e lohe nei, eia nae aole ana kanaka i ike aku ai, he manu kana mea o ka ike ana aku e kau mai ana iluna o ka laau, e ku koke mai ana ma kona puka aniani, nalu iho la oia iloko iho ona, he leo kanaka hoi ka’u i lohe ai eia nae ka mea kupanaha, aohe kanaka.

            No kona ike kanaka ole, ua hoopau ae nei oia i kona manao nana hou aku, a hoi aku nei a luna o kona wahi moe, hiolani wale iho la no ia maluna o kona wahi moe a hiki i kona hiamoe ana.

            A iaia hoi e hiolanai ana me Niolopua i ka aina moeuhane, ua halawai aku la kona uhane me kekahi kaikamahine ui, e noho ana iwaena konu o ka la, me ka mahina, i hoopuni ia e na, onohi melemele o na pua rose, ike aku la keia he elua mau pua aala loa e ku ana kona mau aoao, me ka upa hookanikani e waiho ana malalo o kona mau wawae, e kani ana i kela me keia manawa a huli ka makahiki, a he 24 anuenue e hoopuni ana i kona nohoalii, a he hookah hoku e kau ana ma kona poohiwi hema, a oia kona uhane e nana ana, ua hoopuiwa ia oia mamuli o ka nalo honua ana aku.

            Puoho ae nei keia mai ka hiamoe ae, he moeuhane ka paha keia i loaa iho nei ia’u, ia wa i kahe aku ai keia i ka makuakiane e hele mai.

            I ka hiki ana mai o ka makuakane, ua pane maila oia, heha keia e kuu lei, pane aku la keia, heaha mai hoi kau, he moehuhane hoi paha kau, heaha kea no o kau moeuhane i ninau aku ai ka makuakane?

            Ua hai maila ke keiki mai ka mua a ka hope, e like me ka mea i kuhikuhi mua ia aku nei maluna ae.

            Pane mail aka makuakane, ma keia mua aku, e halawai ana oe me na owili lauoho gula eono ma keia mua aku e hiki mai ana, a e loaa aku ana ia oe ka pomaikai ma keia mua aku. Ia manawa i hoopau ae ai oia i ka laua kamailio ana, a hoi aku la hoi ka makuakane no kana hana o ka mahiai, noho iho la ke keiki noonoo i kea no o kana moeuhane, olelo iho la keia iloko iho ona, ua ike no ka paha kuu makuakane i ka owili lauoho gula au i lawe mai ai, pehea la i pololei ai kana hoike ana mai nei, manao no wau nana no paha i lawe e kiola iloko o kela muliwai, aka, he kuhihewa ia manao ana ona pela, o ka oiaio, he mea okoa ka mea nana i lawe mai keia owili lauoho gula iloko o ke kihapai pua, i me hoowalewale i kei keiki.

            Ua puka aku la keia mawaho o ka nanai o ko lakou wahi hale, me ka ike ole mai o kona mau maku, a ia ia nei e nanaea ana i ka holoholo mawaho o ka nanai, ua hoopuiwa ia oia mamuli o kona ike ana aku i kekahi lio wiwi e ku mai ana mamua o kona alo, ia wa i hoomaka aku ai keia e hele aku a kokoke i kahi o ka lio e ku ana, i ka ike ana mai o ka lio e hele aku ana keia, ua kukuli iho la ka lio ilalo, a i koi a nei i ka hana a ka lio, uapane iho la keia iloko iho ona, kupanaha maoli ka hoi keia lio, me koi a nei minamina ana aku hoi no ka wiwi, a pane aku la o Hapaikala Hapaikamahina i ka lio, pehea la oe i wiwi ai, he hanai ole ia paha nou i ka ai.

            Pane mail aka lio ia Hapaikala Hapaikamahina, o ko’u kumu i wiwi ai, ua makemake au e heihei me ka lio helu ekahi o ma moi o Farani nei, i lilo ka mana o keia aupuni, a o oe ka moi o keia aupuni.

            Pane aku nei keia, pehea e lilo ai ia’u keia aupuni?

            Pane mail aka lio ia Hapaikala Hapaikamahina, me keia oie e hana ai ia’u, e pepehi oe ia’u a make, alaila loele oe i kuu ili a pau; kaulai oe a maloo, a o kou kappa pouli ia e hele ai, a o kuu mau kapuai a pau o kau eke kalena ia, a ma keia mua aku he mea ole na mana kupua i mua ou, a o kuu iwi kuamoo, o kou lio ia e hele kaapuni ai ma ka honua a hala loa aku i ka lwea, a e kappa oe i ka inoa a kuu iwi kuamoo, o Kapuai Keleawe, a o kuu koko, e auau oe i mau ai ko nani ma na wahi a pau, au e hele ai. Eia kau makana hope loa ia oe, oia kuu pepeiao nei, oia kau ohe hoonui ike, a e kappa oe i kona inoa, o Kahoe pamilionaia-ka-ike, ua hiki ia ia ke ike ma na mea pohihi a pau loa ke makemake oe, a o ka mea iho e koe ana ma ko’u kino, e hoakoakoa oe, a e kanu ma kahikina o ko oukou wahi hale.

(Aole i pau.)

HE MOOLELO NO KE Koa o Kanahele A I OLE IA Ka Naita o ke Kapa Kila Lahilahi.

MOKUNA XI.

 

E ULIKE, e waiho aku no au nau e nana a ma e loaa ia oe kekahi maita a keonimana o ka poe i akoakoa mai maanei i oi ae ka ui mamua o’u, e kuhikuhi mai oe ia’u, alaila, hoihoi hou mai ka’u mau olelo. E ae no anei oie i keia?

            Hoomaopopo iho la o Ulike a ike maoli iho la no aole io he naita a keonimana ana i ike ai mai kona hoi ana mai Sepania mai, o ka poe wale no ua kanaka makua a o kekahi ua kokoke e pau ko lakou helu ia ana ma ka papa o ka poe naiia, a o ka poe opiopio hoi e like me ianei aole hoi he maemae ka lakou hana.

            Nana pono aku la ka lede ia Sir Ulike a pane aku la” Aole o’u manao e haawi wale mai ana oe ia’u, e hoomaopopo iho oe, o na kana a me na wahine a pau, pela mau no, a pela no i keia wa, a pela no paha in a wa a pau. O ka lakou mea no i aloha ai o no ka ui no ia i ko lakou manao a nolaila e ka naita, mai hoao oe e lawe wale aku i ko’u manaoio ia oe.

            Haawai pio aku la ka naita; honi muki iho la laua me na puuwai e kapalili ana, a hoomau hou aku la ka lede i ke kamailio ana:

            Mai manao oe ua upuahulu loa au i ko’u haawi ana aku i ko’u aloha ia oe, Aole loa pela. Ua ike oe o kau mau hana maikai a kaulana ma ke kahua kaua ma Sepania, ua hiki mai ia lono i o makou nei, ma o ka poe i hoi mua mai, a ua hoolohe wale aku no au e like me ka holohe ana o na wahine in a moolelo kaulana.

            Mahope mai, hoi hou mai kekahi poe, a ma o lakou he mau leo mele ka i  lohe ia, a o ka puana o ke mele no Ulike no ia o Kalune, a e mahalo ana iaia ma na ano a pau. Komo pu au i ka mahalo ana a me ka mela ana. Nieniele aku la au i ka poe haku mele i kea no o keia naita non aka inoa o Ulike o Kalune, a ua hai mai lakou aohe ona lua ma ke koa a me kaui.

            A mai ia wa mai koho iho la au o ka’u naita ia. Iloko o ko’u puuwai e noi mau ana au e ike au i kona mau hiohiona. Nona, ke ike maka keia mau maka i kona mau hiohiona, e haawi aku no au i ka mahalo a keia puuwai i laahia nona, a mahope aku keia kino i laahia pu nona. A i kuu wa i ike ai o ka naita no nana makou i hopakele o ua naita no ia a’u e upu mau ana e ike a e lilo ai no hoi na’u, he mea e ka lele ino o ko’u puuwai. A e hai hou aku au ia oe, ia wa no ike iho la ua oi ae ko’u aloha ia oe, a o kahi kuia wale no a’u e ike nei, ina ua lilo mua kou puuwai ia hai, aia malaila ko’u poino, a e kaa no au iloko o ka mai kau loa. Ua haawi aku au i kuu lei ia oe ma kea no makana a he hoao hoi ina ua lilo oe ia hai. Ike au i ko honi ana iho, a maopopo ia’u na’u oe. A--- “E Leialoha, Kuu lei aloha; Na’u oe, Nau au, Nou keia ilihia.”

            Ano, ke ike nei au na kekahi mana mawaho ae o ka mana kanaka i alakai i ko kaua mau kapuai e halawai maanei.

            Ae, na ia mana io no i alakai ia kaua e hui maanei. O ka’u hana mua i ka wa a kuu kauwa i hai mai ai nou keia lei a-i, honu iho la au iaia a i ihola, ina hoi he haahaa hou iho kou kuluana e like me ko’u—aka, hauoli hou ae la au i ka lilo ana o ka lei a-i o ka Lede Teresa o Damasa ia’u. Ua ike au i ko makuakane he alii keikei no ka aina, a ina he aloha kona i kana kaikamahine, aole paha ia e hole mai ana i ka naita i hookohu ia e kona moi. A, e ike oe, o kou puuwai kekahi i hooluhi ia; aole e hiki ia’u ka hai aku ia oe i ka nui o ko’u mau manao mai ia wa mai. a i ka papaaina kakahiaka lohe iho la au e haawi an aka emepera he lealea nan a nana i keia auwina la, a owau kekahi i manao ia. aole nae au i oluolu ia mea. Na kekahi o ko’u mau hoaloha i hookomo iko’u moa aole nae lakou i manao e hookomo ana lakou ia’u iloko o ka pilikia. E loaa ana ia’u he enemi ma ke kahu lealea main a manao huahua a ka poe manao lili, aka, aole au e emi hope ana. O ka’u ia i olelo ai mai pono iana aole au i hiki mai ianei, a nou hou ua olioli au i kuu hiki ana mai. A o kekahi e ninau aku au ia oe e kuu lede, ua ike auanei oe i ka inoa o kela poe nana i hana ino ia oukou iloko o ka nahelehele?

            Ua ike au a ke hopohopo nei au o hoomauhala a hana ino ia oe ma kahi mehameha.

            Aole o’u manao pele, aole no paha i ike ia kona manao. Aka, o kon hoohaahaa ana no ia iaia iho, e hoomauhala ana no paha oia, aole nae o’u manao e hahau ana oia ia’u ma ke kua.

            A heaha hoi ko’u mau pilikia i oi ae i ko oukou kaikamahine alii? Ua lohe au he wahie ui, aole paha kona makuakane e onou ana iaia i wahiue na Karl me kona makemake ole.

            A e kuu lede Teresa, e hai mai ua ike oe i ke kaikamahine alii oiai no kona alo oe, he hoa pili anei oe nona?

            Ae, he mau hoaloha maua mai ko maua wa liilii mai, a he hilinai nui oia ia/u.

            A pehea kou manao haawi no anei oia i kona lima ia Karl me kona ike no i kona ano?

            Ina aia no me ia kona noonoo mai kai aole ia e haawi i kon lima i ke kanaka i manao e hoopoino i kekahi kaikamahine, ina he hiki iaia ke uhaki i kona hoohiki ana i naita, hiki no iaia ke uhaki i kana mau hoohiki a pau.

            A ina pela e ao aku oe iaia e kupaa; he nui aku no naita ma ko oukou aina, mailia paha o kau naita kekahi e kokua iaia ma kou lilo ana i hoaloha nona. E hoao no au e hopakele iaia. Amau, he mau kapuai wawae ka’u e lohe nei, ae he poe wahine a he kavalia kekahi me lakou.

            Ae, o na wahine he mau hoaloha no’u a o ke kane o Lokare ia kekahi o na kauwa o Karl ke ole au e kuhihewa.

            Makemake ane oe e kamailio au me ia?

            Aole; oi loa aku ai maikai ina aole oe e halawai me ia maanei.

            A ano, e lawe aku i kuu aloha a nana lani e malama ia oe. Hono iho la keia in a lima o ka Lede Teresa a kaha aku la ma kea la no ana i hele mai ai.

            A mamao iki aku huli mai la oia a nana i hope, a ike iho la keia i na wahine ua poai lakou a puni kana aloha, a o ke kavalia hoi e nana pono mai ana iaia me na maka inoino.

 

MOKUNA XIII.

 

HE MAU MEA HUNA HOU.

 

            Ua wehe ia na hana o ka la maloko o kekahi keena o ka hale alii Imiperiela. Ma kekahi keena o ka halealii. E noho ana o ekekela ka wahine a ka Emepera. Ua piha kona mau makahiki he kanalima; he kino puipui maikai kona; e mau ana n ka ui ma kona mau helehelena. Aole he kahiko nani maluna ona ke nana aku iaia, a me he la aia oia malalo o ka noho kanikau; e kali ana kona wahine lawelawe me ke koi mai e kahiko iaia me ke kappa kupono no kona kulana o ia auwina la aka, he hoolalau wale iho no kana me ka olelo ua mai ia aole ona oluolu, a aole ona makemake e hoohui hou iaia iloko o na anaina.

            He auwina la keia a ka emepera wahine e noho nei iloko o kona keena. Ma ka nana aku i kona ano me he mea la e kali ana oia no kakahi mea. A he oiaio, e kali io ana oia no kekahi mea. Ua hoouna aku oia i ke Keikialii Karl e hele mai i kona keena. Ua hiki io aku oia me na kapuai wawae awiwi a me na maka i hele a makue.

(Aole i pau.)

 

Lutanela Roge –ke- Kiu o ke Kaikuono O MOBILE.  Ke Kiu o Adimarla Faragata i hoouna ai e Ana a e huli in a Topido ma ka Pa[aku o ke Kaikuono o Mobile.

 

He Moolelo iloko o ke Kaua Kuloko o ka akau me ka Hema.

 

Ke kaimahaine Wiwo Ole ma kea la o ka Hoopakele.

 

“E puiwa ana ke kanaka pio iloko o kana moeuhane, eia ka ulia laki ke imi nei iaia no ka hoopakele,” wahi a ka Mekia i pane mai ai i ke kaikamahine a ku ae la iluna me ka pane hou ana iho i kei mau olelo.

            “Ua ae mai nei o Kenela Levieta i kona kuhihewa i ke pio no kekahi kanaka okoa aku, a nolaila, aohe a’u mau houlolohi hou ana ia oe i koe. Nao, e ke Kapena, e uhaele kaua i ka rumi o ua kanaka pio la.”

            Na kela olelo a mekia Noutana i hoomama koke ae in a manao pihoihoi o ke kaikamahine, a puka like aku la laua iwaho o ka rumi, a hele aku la no ka aoao komohana o ka halepaahao.

            “ E whe i kela ipuka e Murphyu,” wahi o Noutona i pane aku ai i kekahi kanaka e paa ana i ka huihnuiki o na rumi a pau o ka halepaahao, wehe aku la i ka ipuka, a he pouli wale no o loko o ua rumi nei.

            Ua lalau ae la ka Mekia i ka ipukukui e kau ana a hookomo aku la i kona malamalama iloko o ka rumi, a e ku mai ana no ke kanaka pio me ka paa o kona mau lima a me na wawae in a kaulahao, ua pane aku la ka Mekia i keia mau olelo—

            “ e hele ana oe ia ka holoholo e keia kanaka pio, sir, “ wahi o Noutana i pane aku ai a nee ae la ke kaikamahine mahope o ka Mekia a nana pono aku la ia loko o ka rumi. “A ma kahi olelo ana, ua manao ka Alihikaua Nui ua hopu hewa ia oe no kekahi kanaka okoa aku, a ua makemake oia ia oe e hiki koke aku ikona kahu hoomaha i keia manawa. O keia aliikoa e ku nei, oia o Kapena Buluka o na pualikoa Hema, nana oe e lawe aku a hiki imua o Kenela levieta.”

            I kela wa a ka Mekia e kamailio ana, e pa pono an aka malamalama o ke kukui ma na helehelena o Lutanela Roge, a ua ike maopopo aku la ke kaikamahine wiwo ole i kana ipo aloha e ku mai ana iloko o ka rumi, oia ka Roge i pane mai ai ia Noutana,--

            “Ua ae au e hele pu me Kapena Buluka ia@ua o kenela Levieta me ka maluhi.”

            “E ke kanaka opio,” wahi hou a ka Mekia ia roge. “Ua ku oe ma kahi makemake ole ia e ke diabolo no na hora elua i hala ae nei. aole loa au e ku ma kou kulana a komo i ke kamaa buti o ka hookohu komisina o ke konele no ke ahewa o ke kiu, a ke haawi nei au ia oe malalo o ka hoomalu ana a Kapena Buluka.”

            Ua wehe ia ae la na kaulahao e paaana o Lutenela Roge, a puka aku la lakou nei no waho o ka halepaahao, a pane mai la o Mekia Noutana i kana mau olelo hope,--

            “E Kapena Buluka, e haawi aku oe i ko’u aloha ia mekia-Kenela leviet, a e hai aku iaia, ua hoopiha au i ka makemake o ke kauoha me ka manao hauoli. Nolaila, kukanaika oe.”

            “Kukanaika oe e Mekia Noutana,” wahi a ke keaikamahine i pane aku ai, huli ae la i ke kanaka pio a pane aku la me ka leo nui e hiki ai i ka Mekia ke lohe mai,--

            “E lawe ana au ia oe imua o kenela levieta, a na ka’u pahikaua e komo ia oe e malama i ka maluhia. Nolaila, e hele imua, maki—“

            Ia wa laua ne ii haalele aku ai ika ipuka o ka halepaahao, a kamoe aku la ka laua huakai ma ke alanui mau me na manao hoihoi o ke kaimahine iloko o ke aloha kane.

 

MA KE KAUOHA.  HOOLAHA KEENA KALAIAINA.

            Ke hoolaha ia aku nei ka hoolohe ana mai o na kanaka a pau i loaa ke kuleana Luna Hooiaio no na Palapoala, i ke Kanawai i kapaia “He Kanawa e Hoomaopopo ai in a Moolelo e malama ia e na Luna i hoomana ia e hooiaio in a Palapala,” i aponia i Iulai 4, 1888. E hoopai ia no ka mea e hooko ole ana i keia.

LORRIN A. THURSTON, Kuhina Kalaiana.  Keena Kalaiaina, Sept. 22, 1888. 2200 3t

 

KUAI O NA AINA AUPUNI

 

qE KUAI ia aku ana ma ke kudala ake amamua iho o kea lo o Aliiolani Hale, i ka hora 12 awakea o ka Poakolu, Okatoba 17, 1888, he elua mau aina aupuni ma Kona akau, mokupuni o Hawaii.

1—Maninowali, Apana 21 nona ka ili he $4 eka. Koho kiekie, $210.

2—Awakee, Apana 20 nona ka ili he 20 eka. Koho kiekie. $50.

L.A. THURSTON Kuhina Kalaiaina Keena Kalaiaina , Sept. 15, 1888 2199 4t

 

KUAI AINA AUPUNI.

E KUAI ia aku ana ma ke kudala akea, mamua iho o kea lo o Aliiolani Hale, i ka hora 12 awakea o ka Poakolu, Okatoba 24, 1888 he apana aina ma Kaumakani, Kipahulu, mokupuni o Maui, non aka ili he 65-100 eka. Koho kiekie $50. L. A. THURSTON, Kuhina Kalaiaina. Keena Kalaiaina, Sept. 17, 1888. 2199

 

KEENA O KA PAPA HOONAAUAO.

 

            Ke hoike ia aku nei ma keia, o na Kumukula a pau ma na Kula Aupuni, e hiki ae lakou ma ko lakou halekula pakahi io, he 15 minute mamua o ka hora 9 a.m., ka manawa hoi e wehe ia ai ka hoomaka ana o ke kula. Ma ke Kauoha a ka Pala Hoonaauao. 2199-3t

 

HOOLAHA.

            Malalo o ka mana o ke kanawa i kappa ia “He kanawa e hooholo ai i mau Luna Nana Halepaahao a e hoomaopopo ai i ka la 24 o Iune, 1888, ua hookou ia keia mau keonimana malalo he Papa Luna Nana Hale paahao o ke Aupuni. Alfred S. Hartwell, Thos. Rain Walker, John Emmeluth. LORRIN A. THURSTON. Kuhina Kalaiaina. Keena Kalaiaina, Sept. 21, 1888.

 

KUDALA HOOLIMALIMA.

 

            E kuai kudala ia aku ana ma kea lo iho o Iolani Hale, i ka hora 12 awakea, Poakahi, Okatoba 17, 1888, kekahi aina ma Ainahou, alanui Papu, Apana Aina Helu 15, a oia hoi kahi e ku nei ka halehana o J. H. Bruns.

            Ka Manawa—He elima makahiki ka hoolimalima, koho kiekie $300 no ka makahiki e uku ia ma ka hapaha makahiki. L. A. THURSTON, Kuhina Kalaiaina. Keena Kalaiaina, Septemaba 13, 1888. 2198 4t

 

KUAI O NA AINA AUPUNI

 

            Ma ka Poakolu, Okatoba 10, 1888, i ka hora 12 awakea , ma kea lo o Aliiolani Hale, e kuai ia aku ana ma ke kudala akea ke ahupuaa o Kahanui ma ka mokupuni o Molokai. He aina mauna keia, non aka ili he 1000 eka. Koho kiekie $500. L. A. THURSTON, Kuhina Kalaiaina. Keena Kalaiaina, Sept. 3, 1888. 2197 4t

 

KUAI O NA HOOLIMALIMA AINA AUPUNI.

            Ma ka Poaha, Okatoba 4, 1888, i ka hora 12 awakea, ma kea lo iho o Aliiolani Hale, e kudala ia aku ana ma ke akua ka hookimalima o kekahi mau aina aupuni ma Kohala, Hawaii.

1.       Aina aupuni helu 70 ma Kohala Akau, he 80 eka. Koho kiekie $25 no ka makahiki, e iku mua ia.

2.       Aina aupuni helu 19, 22, A, B, C, D, me E, ma Kohala Akau, he 679 eka. Koho kiekie $150 no ka makahiki, e uku mua ia ma ka hapalua makahiki.

He 10 makahiki ka loihi o kei mau hoolimalima e kuai ia aku ana.

L.A. THURSTON, Kuhina Kalaiaina. Keena Kalaiaina, Aug. 30, 1888. 2196-5t