Ka Nupepa Kuokoa, Volume XXVII, Number 41, 13 October 1888 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

HE KANAWAI

E HOOLOLI AI A E HOOPONOPONO AI I KE KANAWAI E PILI ANA I KA HOOKOHU ANA A ME KA NOHO ANA MA KA OIHANA O NA LUNA HELU AUHAU A ME NA LUNA OHI AUHAU A ME KA HELU A ME KA OHI ANA I NA AUHAU.

 

E hooholoia e ka Moi a me ka Ahaolelo o ko Hawaii Paeaina.

 

            PAUKU  1.  No na hana i pili i ka auhau ana ua mahele ia a ma keia ke mahele ia nei ke Aupuni i eha mahele, oia hoi:

            1.  Ka Mokupuni o Oahu, e kapa ia ka Mahele Ekahi.

            2.  Na Mokupuni o Maui, Molokai, Lanai a me Kahoolawe, e kapa ia ka Mahele Elua.      

            3.  Ka Mokupuni o Hawaii, e kapa ia ka Mahele Ekolu.

            4.  Na Mokupuni o Kauai me Niihau, e kapa ia ka Mahele Eha.

           

            PAUKU  2.  Na ke Kuhina Waiwai, me ka apono o ka Aha Kuhina, e hookohu ma ka la mua o Aperila, 1889, a mamua ae paha o ia la i Luna Helu a Ohi Auhau, e kapa ia mahope aku nei iloko o keia Kanawai ka "Luna Helu," no kela a me keia Mahele Auhau o keia Aupuni.

 

            PAUKU  3.  Ua hiki no e hoopau ia kekahi o ia mau Luna Helu e ke Kuhina i olelo ia, me ka ae pu ana o ka Aha Kuhina, i na manawa a pau ana i manao ai ua kupono ole ia luna, a hewa a ua hana kupono ole i na hana e pili ana i kona oihana, a e hookohu ia aku ma ia wa i pani ia oihana ma ke ano i hoakaka ia ma ka Pauku 2 o keia Kanawai.  Eia no nae ina ua hoopau ia kekahi mea, na ua Kuhina nei i olelo ia, e haawi aku i ua mea nei i hoopau ia iloko o elua pule mahope iho o ia hoopau ana i hoakaka i kakau ia o na kumu a me na mea e ae i hilinai ia no ia hoopau ana.

           

            PAUKU  4.  Na kela a me keia Luna Helu e hana a hooko aku ma ka Mahele i hookohu ia ai oia i na hana a pau i kauoha ia mamua e hana ia, a e kau ia maluna o lakou na hana a me na hoopai i kau ia mamua aku nei maluna o na Luna Helu Auhau a me na Luna Ohi Auhau no na apana auhau maloko o ia mau Mahele, koe wale no ma na mea i kauoha ia ma ke ano okoa ma keia Kanawai.

 

            PAUKU  5.  E kau ia maluna o kela a me keia Luna Helu ka helu pololei a piha ana i auhau maloko o kona mahele, a me ka ohi ana a me ka hoike ana o ia mau auhau a me ka hookaa ana i ka Waihona, a me na hana pili oihana o kona mau hope.

 

            PAUKU  6.  Na kela a me keia Luna Helu e hookohu aku, a e like me kona makemake e hoopau aku i na Hope ona, i like ka nui me ka mea ana i manao ai, me ka apono ana o ke Kuhina Waiwai, ua kupono e hana pono ia ai ka hana helu a me ka ohi ana i na auhau.  E loaa i kela a me keia hope ma ka apana i hoonoho ia ai oia na mana a pau i loaa i ka Luna Helu, koe nae ka hoonoho ana i mau hope no lakou iho, malalo nae o ka mana o hooponopono ana o ka Luna Helu nana oia i hoonoho aku.

 

            PAUKU  7.  Na kela a me keia Luna Helu mamua ae o kona hoomaka ana e lawelawe i na hana o kona oihana, e kakauinoa a haawi aku i ke Kuhina Waiwai i palapala hoopaa me na hope kupono, no kekahi puu dala aole i emi malalo o $20,000.00 e hoakaka ana no kona hana a hooko pololei i na hana o kona oihana.  O ia mau hope he poe e noho ana iloko o keia Aupuni, a e loaa ia lakou na waiwai hihia ole i helu ia ka waiwai aole i emi malalo o $20,000.00 Na ke Kuhina Waiwai e hoomaopopo i ka lawa pono o ia mau hope, a ma kela a me keia manawa e hoomaopopo no ia mea, a e kuaoha no oia i mau hope hou i kela a me keia manawa e manao ai oia aole i lawa na hope i hoopaa ia.

 

            PAUKU  8.  E koi aku no kela a me keia Luna Helu mai kela a me keia o kona poe hope i palapala hoopaa mena hope kupono, no na dala aole i emi malalo o $2,000.00 no ka hana a hooko pololei ana i kana hana.  O ia poe hope he poe e noho ana iloko o keia Aupuni, a e loaa ia lakou na waiwai paa hihia ole nona ka waiwai i helu ia aole i emi malalo o $2,000.00.  Na ka Luna Helu e hoomaopopo i ka lawa pono o ia mau hope, a ma kela a me keia manawa e hoomaopopo no ia mea, a e kauoha no oia i mau hope hou i kela a me keia manawa e manao ai oia aole i lae i haapai

 

            PAUKU  9.  Nakela a me keia Luna Helu e ohi mai a hoonoho papa malalo o na poo kupono iloko o na buke kupono i ha ano ike i pono no ka hoomaopopo ana i ka waiwai io o na waiwai maloko o ko lakoumau mahele pakahi.  O ia mau ike a me na palapala aina a me na moolelo i loaa a i haawi ia i ua mau Luna Helu nei he mau moolelo ia no ka lehulehu, a ina e make oia a hoopau ia a haalele paha oia, e haawi koke ia aku no ma ka malama ana o kona hope mai,  o ia mau ike palapala aina moolelo a me na moolelo a pau e pili ana i ka mau mea iloko o na hora hana a pau e heluhelu.

 

            PAUKU 10.  I mea e kokua ai i na Luna Helu ma ka hoomaopopo ana i na waiwai io o na waiwai e waiho ana iloko o ko lakou mau Mahele, ma keia ke kauoha ia aku nei ke Kuhina Kalaiaina e kauoha e hooili ia aku i kela a me keia Luna Helu i ka pau ana o kela a me keia hpaha i kope e hoike ana i ke ano nui o na hoolilo aina a me na hoolimalima waiwai paa e waiho ana ma kona mahele, i waiho ia aku no ke kope ana ma ke Keena Kakau Kope, iloko o ia hapaha.  Nana no hoi i kela a me keia manawa e kauoha e hana ia no na Luna Helu i mau palapala ona e like me ka mea e hiki ana me na mea i loaa a e haa ana paha i kela a me keia manawa, o na Mahele Auhau pakahi, e hoike ana i na kuleana kahiko a me ka nui o na eka, a pela no hoi e like me ka mea i hiki no na kuleana i keia manawa.

 

            PAUKU 11.  Na ke Kuhina Waiwai e hoolako aku i na Luna Helu i na buke kupono a pau.  na palapala hookaa pai hakahaka ia a me na palapala pai hakahaka e ae.  E kaawale no na palapala hookaa no na auhau waiwai, a o na kumu (stubs) o na palapala hookaa i haawi ia aku ma ke ano he palapala hookaa no na auhau kino e hoihoi ia no i ke Kuhina Waiwai me na hoike hope o na auhau i ohi ia.

 

            PAUKU 12.  E malama kela a me keia Luna Helu i keena oihana ma na wahi iloko o ko lakou mau mahele e kauoha ia ai e ke Kuhina Waiwai, no ka pomaikai o ka hana o ka lehulehu, i hoolaha ia ai ma ke akea.

 

            PAUKU 13.  E loaa i kela a me keia Luna Helu ka uku e like me ka mea i hooholo ia e ka Ahaolelo i kela a me keia manawa.  E loaa i kela a me keia hope ka uku pa-keneta manawa.  E loaa i kela a me keia hope ka uku pa-keneta o na auhau i ohi ia e ia, aole nae e oi aku mamua o elima pa-keneta a oia kona uku piha no ka helu a ohi ana i na auhau a me na hana e ae e pili ana e l ike me ka mea i hooholo ia e ka Luna Helu me ka apono ana o ke Kuhina Waiwai.

           

            PAUKU 14.  I mea e hoohalikelike ia ai ka helu ia ana o na waiwai paa a me na waiwai lewa e like me ka hiki ma na wahi a pau o ke Aupuni, e lilo ka Luna Helu me ke Kuhina Waiwai ma ke ano lunahoomalu i papa hoohalikelike, a e malama ia papa i halawai ma Honolulu mawaena o ka la mua o Aperila a me ka la hope o Iune o kela a me keia makahiki, i ka manawa e hoakaka ia e ke Kuhina Waiwai, a ma ia manawa e hooholo ia ai na rula e pili ana i ka helu ana a me na ana waiwai i manao ia he kupono a kaulike, a i kue ole hoi i kekahi Kanawai e kau ana.

 

            PAUKU 15.  O na Kanawai a me na hapa Kanawai a pau ma ko lakou mau wahi e kue ana i namea i hoakaka ia ma keia Kanawai, ma keia ke hoopau loa ia nei.

 

            PAUKU 16.  E lilo keia i Kanawai mai ka la mua aku o Maraki 1889.

           

            Aponoia i keia la 21 o Augate, M.H. 1888.                KALAKAUA REX.

Na ka Moi:  L.A.THURSTON, Kuhina Kalaiaina.

 

HE KANAWAI

E HOOPONOPONO ANA NO KA HOOKO ANA AKU I KEKAHI MAU HANA I LAWELAWE IA MAMUA AKU NEI E NA KIAAINA O KELA A ME KEIA MOKUPUNI.

 

E hooloia e ka Moi a me ka Ahaolelo o ko Hawaii Paeaina.

 

            PAUKU  1.  Na ka Makai Kiekie o ke Aupuni maloko iho o ka Mokupuni o Oahu, a na na Luna Makai o kela a me keia Mokupuni mawaho ae o Oahu, e hooko ma keia hope aku maloko iho o ko lakou mau mana hooponopono oihana i nahana i hoakaka ia mahope aku nei, a na Kiaaina o kela a me keia Mokupuni i lawelawe ai a i hooko ai mamua aku nei:  oia hoi keia ma na mea e pili ana:

            1.  I ka hoohiki ana aku i kekahi poe a me ka hoohiki ana aku i na hoohiki i kakau ia.

            2.  Ka paa ana, ka malama ana a me ka hoolilo ana aku i na moku ili a me na waiwai ili.

            3.  Ka hoopaa kepa ana, a me ka hookuu ana i na luina moku.

            4  Ka hooiaio ana i namea kaupaona a me na mea ana.

 

            PAUKU  2.  I mea e holopono ai na lawelawe ana a ka Makai Kiekie a me na Luna Makai i ka lakou hana i hoakaka ia ae la ma ka pauku mamua ae, alaila, o na pono a pau, a me na kuleana a pau, a me na uku koina, o ka wa mamua, i loaa mailoko mai o ia mau hana i lilo i na Kiaaina, a me na bona hoopaa a pau i hoopaa ia i ua mau Kiaaina nei, a i kekahi  paha o lakou, no na mea e piii ana i kekahi o ua mau hana nei i olelo ia mamua, e lilo ma keia hope aku, me na loaa i puka mai, a e hoopaa ia ua mau bona nei i ka Makai Kiekie i olelo ia, a me na Luna Makai, maloko iho o ko lakou mau mana hooponopono oihana pakahi.  O na buke moolelo a pau i malama ia e na Kiaaina e hoihoi ia aku e lakou iloko o na la he umikumamalima mahope iho o ka lilo ana o keia i Kanawai, i na luna i hoakaka ia ma keia Kanawai, e hana i na hana i hooko ia e na Kiaaina mamua.

 

            PAUKU  3.  Na ke Kuhina Waiwai, ma ka la 1 0 Aperila, 1889, e hooko a e hana i na hana a pau o ka wa mamua a ke Kanawai i hooili ai maluna o na Kiaaina o kela a me keia Mokupuni, e pili ana i ka hookohu ana a me ka hooponopono ana i na Luna Auhau, a me na hana e ae a pau e pili ana ia poe, e like me ia i hoakaka ia ma na Pauku 54, 56, 62, 63, 64 a me 65 o ka Mokuna XLIII o na Kanawai o ke Kau Ahaolelo o 1882, a me na Pauku 55 a me 61 o ka mokuna i olelo ia e like me ia i hoololi ia ai e ka Mokuna XXXVII o na Kanawai o ke Kau o 1886, a o na bona a puu ame na palapala hoopaa e ae, a me na pono a me na kuleana a pau o ka wa mamua i lilo aku a e loaa ana i kekahi o na Kiaaina mamuli o kekahi o na Pauku i hoakaka ia ae la mamua,  e lilo aku no ia, a e loaa ma keia hope aku no ke Kuhina Waiwai.  A mai ka wa aku, a mahope mai o ka la ekahi o Aperila, 1889, i olelo ia, e hoomau aku no ua Kuhina Waiwai nei i olelo ia ae la, i ka lawelawe ana, a hana ana, i ua mau hana la, koe nae na hana i haawi ia a e haawi ia ana paha i na Luna Helu pakahi, a mau luna e ae paha o ke Aupuni, mai ua la nei, a mahope mai paha, mamuli o kekahi Kanawai  i hooholo ia i keia wa, a e hooholo ia aku ana paha ma keia hope aku e ka Ahaolelo o ke Aupuni, ma kona kau mau o ka makahiki 1888, a i ole ia, e kekahi Kanawai i kapaia he Kanawai e hoololi ai a e hooponpono ai i ke Kanawai e pili ana i ka hookohu ana a me ka loihi o ka manawa e noho ai o na Luna Helu, a me na Luna Auhau a me ka helu ana, a me ka ohi ana i na Auhau.

 

            PAUKU  4.  O ka mana i loaa mamua aku nei i kela a me keia Kiaaina e hoopaa ai i na keiki oo ole ma na aelike hoopaa hana, e like me ia i hoakaka ia ma ka Pauku 1397 o ke Kanawai Kivila, ke hoolilo ia nei ma keia, na na Lunakanawai o ka Aha Kiekie, a Aha Kaapuni paha, a Aha Kakau e ae paha e noho ana ma ke ano hooponpono waiwai hooilina, a e hiki hoi i kekahi o lakou ke lawelawe ma ia mau hana.

 

            PAUKU  5.  O ka hana i haawi ia mamua aku nei i na Kiaaina e pili ana i ka hoomakaukau ana i na papa inoa o na Jure a me ke koho ana i na Jure, ma keia ke hoihoi ia nei i ke Kakauolelo o ka aha Kiekie no ka Mokupuni o Oahu, a i na Kakauolelo o na Aha Kaapuni, ma na apana Aha Kaapuni pakahi.

 

            PAUKU  6.  O ka mana i haawi ia mamua aku nei i na Kiaaina, e kakauinoa ma ke kua o na kikoo dala no ka uku o na Lunakanawai Apana, ma keia ke hoihoi ia nei no na Lunakanawai Kaapuni o na Apana Kaapuni.

 

            PAUKU  7.  O na Pauku 619 a me 620 o ke Kanawai Kivila ma keia ke hoopau loa ia nei.

 

            PAUKU  8.  E hoololi ia ka Pauku 914 o ke Kanawai Kivila ma ke kapae ana i na huaolelo "a e kekahi Kiaaina paha o kekahi Mokupuni."

 

            PAUKU  9.  E lilo keia i Kanawai mai kona la aku e apono ia ai, a o na Kanawai a me na hapa Kanawai a pau e kue ana i keia Kanawai ma keia ke hoopau loa ia nei.

 

            Aponoia i keia la 21 o Augate, M.H. 1888.                KALAKAUA REX.

Na ka Moi:  L.A.THURSTON, Kuhina Kalaiaina.

 

HE KANAWAI

E HOOI AE AI I NA HOOPAA IA ANA O KA POE HOAHU DALA ILOKO O KA BANAKO HUNAHUNA HALE LETA.

 

E hooholoia e ka Moi a me ka Ahaolelo o ko Hawaii Paeaina.

 

            PAUKU  1.  I mea e loaa ai na hoopaa ia ana a oi ae i ka poe hoahu dala iloko o ka Banako Hunahuna Hale Leta, a i mea e kokua ai i na hookaa hou ia ana o ka poe e waiho dala i oi ae mamua o na mea i maa mau ma ka hana ana, ma keia ke haawi ia nei ka mana i ke Kuhina Waiwai e hoopuka i na bona kupono o ke Aupuni Hawaii no ka huina dala i waiho ia iloko o ka Banako Hunahuna Hale Leta e waiho ana iloko o ka Waihona ma ka la mua o Iulai, 1888, a ma ka la mua o Ianuari a me Iulai o kela a me keia makahiki e hiki mai ana, a ke haawi hou ia aku nei ia ia ka mana e hoopuka aku ia mau bona a hiki i ka piha ana o ka huina o na dala i waiho ia iloko o ka Banako Hunahuna Hale Leta, i hoihoi ia i ka Waihona iloko o na mahina eono mamua iho o ia la e hoopuka ai.

 

            PAUKU  2.  E hana ia ua mau bona nei ma na ano i emi ole malalo o hookahi haneri dala ($100), a e hookaa ia iloko o ka manawa aole e emi malalo o elima makahiki, aole hoi e oi aku mamua o iwakalua makahiki mahope iho o ka la i hana ia ai, a e kau ia ka ukupanee he eono pa-keneta i ka makahiki, e uku ia ka ukupanee a me ke kumupaa ma ke dala gula o Amerika Huipu ia.  E hoakaka ia ma ke alo o ua mau bona nei ua hoopuka ia ma ke ano he hoopaa i na dala i waiho ia iloko o ka Banako Hunahuna Hale Leta, a ua hiki ke hoolilo ia ma ke kakau kua ana o ka Luna Leta Nui a me ke Kuhina Kalaiaina, me ka ae ana o ka Aha Kuhina wale no.

 

            PAUKU  3.  E malama ia ua mau bona nei e ka Luna Leta Nui ma ke ano Kahu,  imea hoopaa no na dala i waiho ia iloko o ka Banako Hunahuna Hale Leta.

 

            PAUKU  4.  Ina e koi ia mai e lawe aku i na dala i waiho ia iloko o ka Banako Hunahuna Hale Leta i oi ae mamua o ke dala e waiho ana i hiki ke lawe ia iloko o ka Waihona, ma keia ua haawi ia ka mana i ka Luna Leta Nui me ka ae pu ana o ka aha Kuhina i kakau ia, e aie aku i dala e lawa ai ia mau koi ana mai, ma na kumu haahaa loa e loaa mai ai, a e haawi aku i ua mau bona nei, a o kekahi hapa paha o ia mau bona, i mea hoopaa no na dala i aie ia pela, a i ole ia, ua hiki ia ia me ka ae ana i olelo mua ia e kuai aku i kekahi huina o ia mau bona mahope iho o ka hoolaha mua ana no na koho i ka mea a mau mea paha e haawi mai ana i ke kumukuai makepono loa no ke Aupuni, a hoolilo aku i na dala i loaa mai ma ka hookaa ana ia mau koi.

 

            PAUKU  5.  Ina i kekahi manawa ua lawe aku Ka @ Leta Nui mai ka Waihona aku i na dala i waiho ia mala@ e ka Banako Hunahuna Hale Leta, i hoopuka ia he @ bona e like me ka mea i olelo mua ia ae nei, e hoihoi no oia ma ia wa no i ka Waihona i na bona i like ke kumukuai me ka huina dala i lawe ia aku, a o ia mau bona i hoihoi ia aku pela e hoopau koke ia no e ka Luna @ Helu ma ke ano he mau bona i hookaa ia.

 

            PAUKU  6.  E lilo keia i Kanawai mai kona la aku e apono ia ai.

 

            Aponoia i keia la 15 o Augate, M.H. 1888.                KALAKAUA REX.

Na ka Moi:  L.A.THURSTON, Kuhina Kalaiaina.

 

HE KANAWAI

E HOOI AE AI I KE PALE IA ANA AKU O KE KUAI MALU@ WAIONA.

 

E hooholoia e ka Moi a me ka Ahaolelo o ko Hawaii Paeaina.

 

            PAUKU  1.  Mahope aku o ka hooholoia ana o ke Kanawai aole no e ku i ke Kanawai i kekahi mea @ mea paha e hana ana a e lawelawe ana paha @ hana o oihana paha i kauoha ia e loaa i laikini @ e ke Aupuni a e kekahi mea e ae paha koe wale @ mea kuai laau lapaau, me na kauka a me ka poe ke waiona i laikini ia, e waiho a malama paha a @ paha e waiho a e malama ia ma kahi, a e @ paha i kahi e lawelawe ia ana ia hana a o @ paha i kahi e lawelawe ia ana ia hana a o @ paha o ia hana, a i ole ia, ma kahi e malama ia @ hapa o na mea i lawelawe ia a i malama ia no @ hana kekahi waiona, koe nae ka mea inu no ka pono@ ponoi o ka poe e hana ana ma ia wahi, aole nae e oi a i ka manawa hookahi mamua o hookahi hapalua @ waina, a bia, a hookahi kuata waiona ikaika.

            O ka hoakaka ana i ke ano o ka olelo waiona iloko keia Kanawai e like no ia me ka mea i hoakaka ia ma Pauku 2 o ka Mokuna LXIV o na Kanawai o 1882.

 

            PAUKU  2.  Aole no e ku i ke Kanawai i kekahi @ kuai, kalewa a mea kalepa e ae i laikini ia, a i kekahi mea malama halekuai, a i kekahi mea malama @ kakauolelo, a kanaka hana e ae o ia mea kuai kalewa mea kalepa, a me malama halekuai paha, koe wale ka poe i laikini ia e kuai i na waiona, e hooili aku pa@ kekahi mea i kekahi kauoha no ka hooili ana aku, @ ana aku a kuai ana a loaa i na waiona me ka manao hooili ia aku ana, a kuai ia ana paha, a i ole ia, e haa@ ia aku ana ia waiona ma ke ano haawi maoli a ma kekahi ano e ae paha i ka mea a mau mea paha i hoouna ia ai kauoha a i haawi ia ai paha ia kauoha i kekahi mea. @ ole ia no kekahi mea mawaho ae o ka mea a poe @ hooili aku ia kauoha.

 

            PAUKU  3.  Aole no e ku i ke Kanawai i kekahi @ aole oia he mea kuai waiona i laikini ia, a i ole ia he @ halihali mau i na ukana e lawe mai, a i ole ia, e ae aku @ lawe ia mai a waiho malalo o kona malu, a malama hooponopono ana paha ma kekahi wahi mawaho aku o @ Kulauakauhale o Honolulu, i kekahi waiona me @ manao e kuai aku, hooili aku no kekahi, a hoo@ paha i ua waiona nei, a o kekahi hapa paha o ia @ i kekahi mea a poe e aku paha.

 

            PAUKU  4.  Aole no i ku i ke Kanawai i kekahi @ ina no he mea oia i laikini ia e kuai i na waiona @ kini ole ia paha, e kau aku, hooili aku a hoouna @@ ma, a i ole ia maluna paha, a kau, kauoha e @ luna o kekahi mokumahu, a moku e ae paha, e @ ana i ka oihana lawe ukana mawaena o kekahi o @ o keia Aupuni i kekahi waiona me ka manao e @ ua waiona la a e hooili maluna paha o ia mokumahu, moku e ae paha, a haawi ia aku i kekahi mea, a mau @ okoa aku, ina aole i hoailona moakaka ia ua waiona i me ka inoa a me ka nui o ia waiona, a o ia hoa@ kau ia, a i ole ia, e pai ia ma ka olelo Hawaii, a i ole ia @ ka olelo Beritania, a e hookomo ia ma ia hoailona na @ o ka mea nana i hooili aku a me ka mea nana ia waiona manao ia ai.

           

            PAUKU  5.  E ku no i ke Kanawai i kekahi makai hopu a hoopaa i kekahi waiona i paa ia e kekahi mea i ke ano kue i na Pauku 1,3 a me 4 o keia Kanawai a kekahi waiona i hopu ia pela e hiki no e hooholo ia e Aha Hookolokolo i lawe ia aku ai ia hihia imua ona, lilo no ka pomaikai o ke Aupuni Hawaii.  O na waiona pau loa i hoolilo ia ma ia ano e kuai ia aku no, a o loaa a pau o ia mau waiona ma ke kuai ana , mahope iho ka lawe ana ae i na lilo o ka hopu ana a me @ a aku, e hoihoi ia aku no e ka Hamuku i ka Waihona e ke ano he loaa Aupuni.

 

            PAUKU  6.  O kela me keia mea e kue ana i kekahi na mea i hoakaka ia iloko o keia Kanawai, ina e ku@ hewa iaia no ia mea imua o kekahi Lunakanawa @ Hoomalu a Apana paha, e hoopai ia oia no kela a me @ hewa, aole e emi malalo o iwakalua-kumamalina dala aole hoi e oi aku mamua o elua haneri dala.

 

            PAUKU  7.  E lilo keia i Kanawai mai kona la aku apono ia ai.

 

            Apono ia i keia la 6 o Sepatemaba, M.H. 1888.         KALAKAUA REX.

Na ka Moi:  L.A.THURSTON, Kuhina Kalaiaina.