Ka Nupepa Kuokoa, Volume XXVII, Number 42, 20 October 1888 — Page 4
| This text was transcribed by: | Tamara Moan |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki . . . . . . . $2.00
No E@ Mahina . . . . . 1.00
KUIKE KA RULA.
Poaono, Okatoba 20, 1888.
Haawina Kula Sabati.
HAPAHA EHA
HAAWINA XXXIV, Nov 4, 1888.
Ka hoauhee ma Ai. Io@ 7:1 12.
LAWE hala iho la na mamo a Iseraela ma ka mea laa, no ka mea, o Akana, ke keiki a Karemi, he keiki a Zabedi, ke keiki a Zera, no ka ohana o Iuka, lalau aku la ia i ka mea laa, alaila, wela iho la ka inaina o Iehova i na mamo a Iseraela.
2 Hoouna aku la o Iosua i mau kanaka, mai Ieriko aku a Ai, ma ke alo o Betavena, ma ka hikina o Betela, olelo aku la ia lakou, i aku la. O pii oukou, a e makai i ka aina. Pii aku la ua mau kanaka la, makai iho la ia Ai.
3 Hoi mai la lakou ia Iosua, olelo mai iaia, Mai pii aku na kanaka a pau. Elua tausani kanaka e pii, ekolu paha a e luku ia Ai, mai hookaumaha i na kanaka a pau malaila, no ka mea, ua uuku lakou.
4 Pii aku la ilaila, ekolu tausani kanaka o lakou; a hee iho la lakou imua o na kanaka o Ai.
5 Pepehi mai la na kanaka o Ai i kanakolukumamaono o lakou; a hahai ia lakou mai ka puka mai a hiki i Sebarima, a i ka iho ana, pepehi mai la lakou. Maule iho la ka naau o kanaka, a lilo iho la i mea e like me ka wai.
6 Haehae iho la o Iosua i kona aahu, moe iho la kona alo ilalo i ka lepo imua o ka pahu o Iehova, i ke ahiahi, oia, a me na lunakahiko o ka Iseraela, kau ae la i ka lepo maluna o ko lakou pooiho.
7 Olelo aku la o Iosua, Auwe, e Iehova, e ka Haku e@ No ke aha la oe i lawe iki mai ai i keia poe kanaka, ma keia aoao o Ioredane, e haawi ia makou i ka lima o ka Amora, e make ai makou? E aho i oluolu makou, e noho ma kela aoao o Ioredane!
8 E ho`u Haku, heaha la ka`u e olelo aku ai, i ka wa e huli ai ka Iseraela i ko lakou kua i na enemi o lakou!
9 E lohe auanei ko Kanaana, a me ka poe a pau e noho la ma ka aina, a e hoopuni mai lakou i makou, a e hooki loa lakou i ko makou inoa, mai ka honua aku. Pehea la oe e hana ai i kou inoa nui?
10 Olelo mai la o Iehoaa ia Iosua, E ku mai oe iluna. Heaha la kau e moe nei ilalo ke alo?
11 Ua lawehala ka Iseraela, ua ae hoi lakou maluna o ka`u berita, a`u i kauoha aku ai ia lakou, a ua lawe hoi lakou i ka mea laa, a ua aihue a ua hoopunipuni hoi, a ua waiho pu no hoi ia mea me ko lakou mea iho.
12 Nolaila, aole hiki i na mamo a Iseraela, ke ku imua o ko lakou poe enemi, ua huli lakou i ko lakou kua i na enemi o lakou, no ka mea ua laa lakou; aole loa hoi au e noho pu hou me oukou, ke hoopau ole oukou ia mea laa mai o oukou aku.
PAUKU GULA.
E hoojuli oe i ko`u naau mamuli o kou mau kanawai aole mamuli o ka makee waiwai. Hal. 119:36.
Poakahi Ios. 7:1-15
Poalua " 7:16-26
Poakolu " 8:1-29
Poaha 1 Tim 6:6-2@
Poalima Iak. 1:1-15
Poaono Na Lii 18:1-20
Sabati Mat. 6:19-34
Ka pilikia me ka poino i ulu ae noloko o ka hewa.
I. Ka lanakila ole, p 1-5. Owai ke kulanakauhale i lawe pio ia? Owai ke kulanakauhale i manao ia e lawepio? Mahea o Ai? He kulanakauhale nui anei? Ios. 8:25. Owai kai noho ilaila? p 7. Heaha ka hoike a ka poe i hoouna ia e nana i ke kulanakauhale? Ehia koa i hoouna ia e hele e kaua ia Ai? Ua lanakila anei? Pehea kanaka i ka ike ana i keia auhee ana?
II. Ka imi ana i ke kumu o ka laaakila ole? p. 6-9. Ua aha o Iosua i ka ike ana i keia pilikia? Ia wai e hele aku ai me na pilikia a pau? Mahea ko Iosua pule ana? No ke aha ka pule ana ilaiia? Pehea ka hoike ana i kona kaumaha? Heaha kana i noi ai?
III. O ka hewa, ke kumu o ka lanakila ole, p 10-12. Heaha ke ku mu o ko lakou auhee ana? Ua hewa anei ka lahui a pau? Owai nae ka mea i lawelawe maoli ma ka mea pono ole? Owai o Akana? p 1. Heaha kana i hana ai? Heaha kana olelo no ka hoowalewale i hiki aku iaia? 21. Owai na kanawai ana i uhai ai? Pehea wale no e lanakila ai ka Iseraela? p 12. O ka hewa anei ke kumu nui o na poino? Ina hoomau ma ka hewa e poino mau ana anei?
Ua hiki anei i ke Akua e hoopomaikai ia lakou, oiai e hoolohe ole ana i kana kauoha? Poino anei ka lahui a pau mamuli o ka hewa o ka mea hookahi? Pela anei na ekalesia i kekahi wa? Heaha ka mea e pono ai? E hookaawale aku paha i ka hewa, e malama paha?
IV. Ka hoopai. Pehea ka loaa ana i ka mea i hewa? 16-22. Ua mihi anei o Akana? Ua mihi io anei? Ua kau anei ka hoopai? Heaha ka hoopai? Owai kai poino pu me ia? Ua hiki anei e huna loa i ka hewa ina ua hana hewa, heaha wale no ka mea e pono ai? Ua lanakila anei o Iosua ma ia hope iho? Pehea ka lanakila ana.
I. O ka hewa o ke kanaka hookahi he mea ia e poino ai ka ohana, ka ekalesia a o ka lahui paha.
II. Ua nana; ua kuko; ua lawe; ua huna; ua hoopunipuni; ua ike ia ka hewa; ua kaumaha ka manao; ua kau ka hoopai.
III. E lawe i na pilikia a pau i ke Akua.
IV. E makaala, o hala auanei ka wa e mihi ai.
V. E komo pu auanei ma ka hoopai ana, ka poe i lawelawe pu ma ka hewa,
VI. Aole hiki i ke Akua e hoopo maikai i kekahi ina e hookipa ana i ka hewa ma kona naau; aole ao e pomaikai ka ekalesia a me ka lahui ke ole i hookaawale aku ana i na hewa.
Hoole Waiona.
[Na ka Ahahui W.C.T.U.]
Ma Kaleleonalani, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoo@o,
"No ke AKUA a me ka HOME, a me ka AINA HANAU."!!
KE KINAI RAMA.
Leo -- Yankee Doodle.
He ino weliweli e,
Ka rama, na waiona,
He make, he poino e
Ke hoopa a hoao la.
Cho. He kinai rama ka makou
Hooho nui ae la
E kinai no, a kinai mau,
I pomaikai ka aina.
E ku, e ku, a paikau pu,
Hoomakaukau e kaua;
He kini, lehu, lau a lau,
Na enemi kue la.
E paa na pu, a me na lu,
Ka pauda, na poka la,
Na pahi oi lua no,
Hoouka i ke kaua.
I pau ka ona e ka hoa
Hookapu na laikini;
I pani ia na hale oia
Na wahi kuai rama.
HOOLAHA KUAI MORAKI.
I KULIKE AI ME KEKAHI MANA kuai i hoike ia maloko o kekahi palapala moraki, i hana ia e Emma Crowningburg a me David Crowningburg, kana kane, ia C.R. Bishop a me J.H. Paty, malalo o ka inoa hui o Bishop & Co., i kakau ia ma ka la 20 o Okatoba 1882, a i hoopaa ia ma ke Keena Aina ma Honolulu, Oahu, ma ka buke 74, ma na aoao 400, 401, a me 402, e kuai ia aku ana ma ke kudala akea e L.J. Levey, Luna Kudala, ma kona keena kudala ma alanui Moiwahine, ma Honolulu i olelo ia, ma ka POAKOLU, ka la 24 o OKATOBA, 1888, ma ka hora 12 o ke awakea, o na aina a pau i hoopaa ia ma ua palapala moraki la, oia hoi, "Kela mau apana aina a pau eono e waiho la ma Honolulu i olelo ia, ma Kulaokahua, a oia no na apana aina helu 55, 56, 57, 62, 63, 64, i hoakaka ia ma ka Palapala Aina o ke Aupuni, a o na apana aina hoi i hoolilo ia aku ia Emma Crowningburg ma ka palapala kuai e Cow Mow Kung a me kana wahine, i kakau ia ma ka la 15 o Maraki 1881, a i hoopaa ia ma ka buke 69, ma na aoao 297, 298, a me 299, a me na pono a pau i kukulu ia maluna a e pili ana no ua mau aina la, a me na kuleana a pau o na mea o ka aoao @ua i olelo ia maloko o ua mau apana aina la i hoike ia maluna." BISHOP & CO.
Honolulu. Sept. 28, 1888.
@01-3t
HOOLAHA HOU.
HOOLAHA
E noho ana ka Aha Hoopii Auhau no Hamakua, Kohala Akau, Kohala Hema, Kona Akau, a me Kona Hema, ma na la i kuhikuhi ia malalo iho.
No Hamakua, Okatoba 8, 1888, ma ka Hale Hookolokolo o Honokaa, hora 9 a.m.
Kohala Hema, Okatoba 11, ma ka Hale Hookolokolo o Waimea, hora 9 a.m.
Kohala Akau, Okatoba 15, ma ka Hale Hookolokolo o Kapaau, hora 9 a.m.
Kona Akau, Okatoba 22, ma ka Hale Hookolokolo o Kailua, hora 9 a.m.
Kona Hema, Okatoba 29, ma ka Hale Hookolokolo o Hookena, hora 9 a.m.
S.L. AUSTIN,
Peresidena Aha Hoopii Auhau.
Sept. 10, 1999.
2198 tf
NA HOOPII AUHAU O
KAUAI.
E noho no ka Aha Hoopii Auhau no Kauai, ma na Hale Hookolokolo malalo iho penei.
WAIMEA, Poaha, Okatoba 11, 10 a.m.
KOLOA, (Ma ke keena,) Poakahi, Oct. 15, 10 a.m.
LIHUE, Poakahi, Oct. 22, 10 a.m.
KAPAA, Poakolu, Oct. 24, 10 a.m.
HANALEI, Poaono, Oct. 27, 10 a.m.
J. HARDY,
Lunakanawai Kaapuni.
Pes. A.H.A.
Koloa, Sept. 22, 1888. 2200-3t
HOOLAHA.
Ma ka Keena o ka Lunakanawai Kaapuni Apana Ekolu o ko Hawaii Paeaina. Ma ka Waiwai o Kaanaana k., no Hookena, Kona Hema, Hawaii, i make.
Ua heluhelu ia a ua waiho ia aku ka palapala noi a JOHN NAHINU ka Luna hooponopono no ka Waiwai o Kaanaana no Hookena, Kona Hema i make kauoha ole, e noi ana e apono ia kana hoike hope, a e haawi ia aku ka waiwai i na hooilina, a e hookuu aku iaia mai kona noho ana i Lunahooponopono no ia waiwai.
Nolaila, ua kauoha ia na mea pau i pili, o ka POALUA, oia ka la 30 o OKATOBA. M. H. 1888, i ka hora 9 kakahiaka, ma ka hale hookolokolo ma Hookena, Kona Hema, Hawaii, oia kahi a me ka manawa i koho ia no ka hoolohe ana i ua noi la a me na mea kue ke hoike ia. S.L. AUSTIN,
Lunakanawai Kaapuni.
Hilo, Hawaii, Sept. 19, 1888. 2200-3t
HOOLAHA KUAI KUDALA
MORAKI.
MAMULI o ke kauoha a A. Rosa a i kulike ai me ka mana kuai iloko o kekahi moraki i hana ia e S. Napahukapu a me Kahale (w.) kana wahine mare o Honolulu, Oahu, ia A. Rosa, kahu malama waiwai, i kope ia ma ke Keena Kope ma Honolulu ma ka Buke 84 aoao 479 a me 480.
E kuai kudala aku ana ka mea nona ka inoa malalo iho, ma kona Keena Kuai ma alanui Moiwahine ma Honolulu i oleloia ma ka Poakahi la 1 o Okatoba A.D. 1888, ma ka hora 12 awakea o ia la, i ka aina a pau i hoakaka ia malalo iho (oiai ua hoolaha mua aku ka mea moraki i kona manao e hooko i keia moraki.)
Eia ka Aina: -- O ka aina a pau loa ma ka Palapala Sila Nui 1505 Kuleana 1086 ia Kaui, nona ka ili he 62-100 eka, e waiho la ma Kalaepohaku, Kapalama, Honolulu i oleloia.
JAMES F. MORGAN,
Luna Kudala.
Honolulu, Sepatemaba 14, 1888.
Ua hoopanee ia keia kuai ana a ka POAKOLU la 24 o OKATOBA, A.D. 1888, ma kahi a me ka hora i hoike ia maluna ae.
12201-3t
HOOLAHA HOOKO MORAKI.
MA KE KAUOHA A A. J. CARTwright, Kahu Malama Waiwai o ka Waiwai o R.W. Holt, Luna Hooko o kekahi palapala moraki i hana ia ma ka la 12 o Augate 1885, a i hoopaa ia ma ke Keena Aina ma Honolulu, ma ka buke 94, ma na aoao 395-6, i hana ia e Haaheo (w.) a me Kaaihue (k.) kana kane, ia James R. Holt, Jr., a i hoolilo ia aku e ia ia A.J. Cartwright, Kahu Malama Waiwai i olelo ia, ma o kekahi pala pala kuai hoolilo i hana ia ma ka la 21 o Maraki 1887, a i hoopaa ia ma ka buke 105, ma na aoao 91-2, ua kauoha ia au e kuai ma ke kudala akea, ma ka POAKOLU, ka la 24 o OKATOBA 1888, ma ka hora 12 o ia la ma ko`u keena kudala ma Honolulu, kela mau apana aina a pau e waiho la ma Laie, Oahu, a i hoakaka piha ia penei:
1 Kela mau apana aina a pau nona naili eka he 17-100, a i hoakaka piha ia ma ka Palapala Sila Nui Helu 929, Palapala Komisina Aina Helu 3,809, ia Laielohelohe.
2 Kela mau apana aina a pau nona na ili eka he 2 33-100, a i hoakaka piha ia ma ka Palapala Sila Nui Helu 1,302, Palapala Komisina Aina Helu 4,270, ia Kaeo, a oia no ka aina i hoolilo ia aku ia Haaheo i olelo ia e Manaia, ma kekahi palapala kuai i hana ia ma ka la 1 o Ianuari 1884, a i hoopaa ia ma ka buke 94, ma na aoao 394-5.
No na mea i koe e ninau ia
JAMES F. MORGAN,
Luna Kudala,
A i ole ia J.M. MONSARRAT,
Loio no ka Moraki.
2201-3t
OLELO HOOLAHA.
Ua hookohu aku au ia J.A. MAGOON nana e lawelawe ka`u mau hana pili oihana a pau, oiai au e kaawale ana mai Hawaii aku nei. W.A. KINNEY.
Honolulu, Aug. 27, 1888. 2196-1m
HOOLAHA A NA LUNAHOOPONOPONO WAIWAI.
Oiai ua hookohu pono ia mai na mea nona na inoa malalo iho i mau Lunahooponopono no ka waiwai o KEAKA (k.) no Puna, Hawaii, i make kauoha ole, e ka Lunakanawai F.S. Lyman, nolaila, ke hoike ia aku nei ka lohe i na poe a pau a Keaka i aie ai e waiho mai i ka lakou mau koina i hooiaio pono ia ia na mea nona na inoa malalo iho iloko o na malama eono mai keia la aku, a i ole e hoole mau ia aku no ia mau koina; a o ka poe a pau i aie ia Keaka e uku koke mai.
JNO. K. NAEOLE,
J.W. NUHI,
Na Lunahooponopono o ka Waiwai o Keaka i make kauoha ole.
2201-4t
OLELO HOOLAHA AINA KUAI.
E ike a@anei na kanaka a pau loa, owau o ka mea nona ka inoa malalo iho nei, ke hoolaha aku nei au i kuu aina, ua makemake au e kuai lilo aku i kuu aina oia hoi ka aina o Comming, ma Napoopoo, Kona Hema, Hawaii. He aina maikai keia mai kai a uka, ua hoopuni ia i na pa pohaku. He aina maikai no ka mahiko a me ka hanai holoholona, ke hua nei na alani me ke kope a me ka hala kahiki. He eha punawai, hookahi he 1,500 palela wai, a he hookahi he 500. O na punawai keia i hana ia e Kapena no na moku okohola. He oia mau ko lakou piha i ka wai i na wa a pau. Ekolu hale laau, hookahi pa hale, hookahi hale laau kupono no ka oihana kalepa waiwai, o keia mau hale eia i ke awa pae o Napoopoo, Kona Hema. He pa hale maikai nona ke awa pae. Eia ke kumukuai o ka aina: $8,000. Hookahi hale laau hookahi pa aole e lilo ma keia kuai nui ana.
L.LOTA.
Napoopoo, Kona Hema.
2201-tf
HOOLAHA HOU
HOOLAHA
M@ Keena o ka L@ Apana ekolu o Ko Hawaii @ waiwai o Alapai @ Hawaii, i make. U@ ia ka Palapala N@ na Hooponopono Waiwai o @ Kohala Akau, Hawaii, i make k@ noi ana e apo@ wiia aku ka waiwai: @ ak@ ia ia m@ pono no ia waiwai.
Nolaila ua kau@ AKAHI, oia ka la 17 @ 1888, i ka hora 9 a.m. ma ka H@ lokolo ma Kapaau. K@ me ka manawa i k@ ua noi la, a me na m@
S.L. AUSTIN.
Lunakanawai Kaap@
Hilo Sepatema@ 17, 1888.
2200-3t
HOOLAHA
E noho ana ka Lunakanawai Kaapuni o ka Apana Ekolu o ko Hawaii Pae Aina ma ke Keena penei:
Ma Hamakua, Okatoba 9, 1888, @ 9 a.m. ma ka Hale Hookolokolo.
Kohala Hema, Okatoba 12, hora 9 a.m. ma ka Hale Hookolokolo.
Kohala Akau, Okatoba 16, 17, 18, hora 9 a.m. ma ka Hale Hookolokolo.
Kona Akau, Okatoba 23, 24, 25, hora 9 a.m. ma ka Hale Hookolokolo.
Kona Hema, Okatoba 30, 31, hora 9 a.m. ma ka Hale Hookolokolo.
S.L. AUSTIN,
Lunakanawai Kaapuni.
Sepatemaba 10, 18888.
2198-tf
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o PUKOULA (k.) i make kauoha ole. Im@a o ka Lunakanawai Kaapuni, ma ke keena. Ma ka heluhelu a me ka waiho ia ana mai o ka Palapala Noi a Pohaku (w.) kaikamahine o Pukoula (k.) e hoike mai ana o Pukoula, i oleloia, no Haena, i oleloia, ua make kauoha ole ma Kalihiwai Kauai, ma ka la 13 o Aprila, M.H. 1886, a e noi ana e haawia ka Palapala Hookohu Luna Hooponopono Waiwai ia A.K. Mika, o Koloa.
Ua hauohaia o ka POAONO, ka la 27 o OKATOBA, M.H. 1888, i ka hora 10 a.m. oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Hanalei a me ia manawa a ma laila no e hele mai ai na mea a pau i pili e hoike mai i ke kumu, ina he kumu o`aio ko lakou, e ae ole ia ua noi la. A o keia olelo kauoha e hoolahaia ma ka olelo Hawaii i ekolu pule ma ka NUPEPA KUOKOA ma Honolulu.
Kakauia ma Koloa, ko Hawaii Pae Aina Sepatemaba 22, M.H. 1888.
JACOB HARDY.
2200-3t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Kale Kauakai a me kana kane mare o ka aoao mua, a me William Dean o ka aoao elua, ma ka 25 o Iune 1884, i kakau kope ia ma ka buke 87 aoao 284, a mamuli o ka uhaki ia ana o na kumu aelike o kela moraki, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala ana, ma ke keena kudala o J. Morgan ma Honolulu, ma ka la 15 o Okatoba 1888, hora 12 o ia la.
Aia ma kahi o W.R. Kakela na olelo hoakaka no keia mea.
WILLIAM DEAN,
Mea Moraki Mai.
Hana ia i keia la 8 o Sepatemaba 1888,
Penei na aina i moraki ia:
Kela mau aina ma Kalihi.
1 20-100 eka o ka aina kalo maikai loa he hapa o ke Kila Nui 3287 ia Kale w.
2 62-100 eka kekahi hapa o ke Kila Nui 3270 ia Kale i olelo ia.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Kaolulo k. o ka aoao mua, a me Mrs. L.B. Coan o ka aoao elua, ma ka la 30 o Dekemaba 1884, i kakau kope ia ma ka buke 89, aoao 494, a mamuli o ka uhaki ia ana o na kumu aelike o kela moraki, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei. e hooko ana oia ia mana kuai,
A ke hoolaha hou ia aku nei, mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas Morgan ma Honolulu, ma ka la 15 Okatoba 1888, hora 12 o ia la.
Aia ma kahi o W.R. Kakela na hoakaka no keia mea.
MRS. L.B. COAN.
Mea Moraki Mai.
Hana ia i keia la 1 o Sepatemaba 1888
Penei na aina i moraki ia:
1 Hookahi kuleana hui ma ka hui aina Haiku, he 8 eka, i hoike ia ma ka palapala kuai i kope ia ma ka buke 56 aoao 285.
2 Hookahi hui ma ka hui Ulumalu, Maui.
2197-4t
HOOLHHA HOOKO MORAKI.
I KULIKA AI ME KEKAHI MANA Kuai i hana ia maloko o kekahi mo@ mawaena o Emma Aylett me Louis Jan@ Aylett kana kane mare, ia Geo. S. Houg@tailing ka mea moraki mai, i hana ia ma ka la 20 o Augate 1885, a i kope ia ma ka buke 96 ma ka aoao 273 me 274. Ke hoike nei keia hoolaha e hooko ia ana ia mana kuai o ua moraki la i olelo ia mamuli o ka uhaki ia ana o na kumu aelike, oia ka uku ole ia o ka uku panee a me ke kumupaa, a e kudala akea ia ana ka aina i hoike ia ma ia moraki, a me na pono maluna iho ma ke keena kudala o James F. Morgan ma ka la 20 o Okatoba, 1888, ma ka hora 12 o ke awakea.
No na mea i koe e ninau ia S.K. Kaeo, he loio ma ke kanawai.
GEORGE S. HOUGHTAILING.
Honolulu, Sept. 28, 1888.
Penei ka aina e kuai ia ana: O@ke kuleana a pau loa o L.J. Aylett i kela apana aina e waiho ana ma Kaliu i Honolulu ma ka mokupuni o Oahu, oia hoi ka apana aina kuleana Helu 1092, a Palapala Sila Nui Helu 2247 i hooko ia no Mary Ann Aylett, &c. Penei na p@lena o ua aina la: E h@ ana ma ke kihi hem. makai o keia pili o Kalehua a me Kapena aina a e holo @23 deg. hik. .40 pauku ma ko Kalehua, ak. 2 keg. kom., 1.35 kaul. ma ko Kalehua ak. 63 1/2 kom. 1.27 1/2 kaul. ma ko Kalehua hem. 11 deg. kom., 1.63 kaul. ma ko Kapena, hem. 70 deg. hik. .80 pauku ma ko Kapena hem. 57 1/2 hik. .68 pauku ma ko Kapena a hiki i kahi i hoomaka ai. A maloko o ia apana he 48 1/2 roda, oi iki aku a emi iki mai paha. 2200@t
$6 Makana
I ka mea e loaa ai kuu lio kane hauliuli, i hoailona ia i ka haokuni A C ma ka uha hope akau.
E loaa no au ma Mokauea, Kalihiwaena.
2199-3t* AKAU.
HOOLAHA HOU.
HOOLAHA HOOKO MORAKI.
@
PHILLIP BUTLER,
Mea Moraki Mai.
Hana @ la S@ Sepatemaba 18@8
I @nei na aina i m@k@ ia:
1 2 43-100 ma K@paiena, Kalihi, Oahu. he aina ka@, k@ia a me pa hale, a me ka ka@ e ul@
2 4 1@ eka ma Kamake@a, he hapa o ko P@
2197-4t
OLELO HOOLAHA.
No ka mea, o AKUIA a me AKU e maiama ana i ka haleku@ ma P@na, Hawaii, malalo o ka inoa "Wing Hung Company," ua haawi mai ko la@a waiwai a pau iloko o ka lima o na mea nona ka inoa malalo, ma ke an@ e malama ia no na poe a pau a laua i aie aku ai. Nolaila, ke k@ha ia nei na mea a pau i aie ia e na mea i oleloia maluna, e hookomo mai @ lakou mau @ila i hooia@ ia mamua @ ka la @ Dekemaba, 1888: a o na poe i a@e ia laua, e hookaa koke mai ma ka @ma o na mea @ na inoa malalo, a o ko laua @ paha.
C.Y. AIONA,
LUM CHEE,
Na Hope o Akuia me Aku.
Ma o @ H Hitch@k Loio.
Hilo, Sept. 18, 1888.
2200@
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o Habdw@du k, me Maria Habdwldu kana wahine mare, a ka aoao mua, a me Raymond Reyes o ka aoao elua, ma ka la 21 o Nov. 1887, i kakau kopeia ma ka Buke 108, aoao 337 me 338, a mamuli o ka uhaki ia ana o ka aelike o ka moraki, oia ka hookaa ole ana i ka ukupanee, nolaila, ke hoolaha aku nei ka aoao elua e hooko ana oia i ka mana kuai.
Aia maloko o na pule ekolu mai keia la aku, e kudala ia no na apana aina i hoike ia ma ka moraki, ma ke keena kudala o J.F. Morgan, ma Honolulu, Oct. 22, hora 12 M.
No na mea i koe, e ninau ia S.M. Kaaukai.
RAYMOND REYES.
Mea Moraki mai.
Sept. 21, 1888.
O ka aina i hoike ia ma ka moraki, oia no ka aina e waiho la ma ka aoao makai o alanui Beritania, a ma Waikiki o alanui Puowaina., Honolulu, he 47-100 eka ka ili. He mau hale maikai a paa i na poe hoolimalima.
2199-3t
KE KULA KAMEHAMEHA NO
NA KEIKIKANE LIILII.
E makaukau ana ke Kula Kamehameha no na keikikane liilii, no ka apo ana aku ina haumana ma ka POALUA hope~o OKATOBA, 1888.
Ua kaupale ia ka heluna o na haumana e komo mai ai i keia makahiki mai ka makahiki ehiku a i ka makahiki umikumamalua, a no ka poe a pau i ake e komo ae ma ia kula no ia mua aku, e hoike ae ma ka la -- o Okatoba. 1888.
Kekahi mau mea e ae e hoolako ia ana e na haumana pakahi, e hoouna ia ae ke ninau mua ae i ke kumu.
E loaa mua i na haumana na apono mei ke kauka no ko lakou kulana ola maikai.
He kula keia e hoomakaukau no ke komo ana aku i ke kulanui Kamehameha, a e hoomaamaa ia no na keiki ma na huahelu, hopunaolelo, a me ka himeni.
He $60 ka auhau o ka makahiki, e uku mua ia i kela a me keia hoomaka ana o ka hapaha.
No na mea i koe e loaa no ke ninau ae i ke kumu nui
MISS C.A. REAMER.
2102-8t
Pahu Hale L@a 351. Bele Telepone 274.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H.I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa--kuai a hoolilo aku, a me auhau uku ana.
Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Date e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
@ na hana a pau a na makamaka e haawi mai ana no ka hooko aku i ke kauoha, e@hooko ia no me ka eleu a me ka mikiala.
Agena Oihana Hawaii.
21@1yr. Mar.
B.F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. -- Honolulu.
E loaa mau ana na lole hou o na ano a pau maluna o kela a me keia moku.
Ka Waiwai o ka Hiliinai
A AYER @ O Keia
LAAU SASAFARILA, no loko ae ia o k@ aa Sasaparila Honedura maoli i ua loaa ka a mana hoomaemae ma o ka hui pu ia ana m@ kekahi mau aa laau e ae, a me kekahi ma@mea no loko o ka homua a me ka hao.
HE koko inoino a nawaliwali anei kou? Ua a wili pu anei me na ano mai i kaika? A ua hui pu anei me na wai awaawa hoope@ Na keia
LAAU e hoomaemae ia mau mea ino a pau a maikai. O na kauka lapaau a pau o Amerika ike ke ano o ka AYER SASAPAKILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae i a i hooikaika pu ia no hoi ma o ka ai a na keia LAAU SASAPARILA A AYER. He maa lahi a he
MIAKAI loa hoi keia Laau, aole no ka hoomaemae wale ana no i ke koko, aka, ano ka hookaawale pu ana kekahi i na ma`i, hoomomona hou ana i ke koko ino, a me ka hoo@ kaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o k@ ola kino, ma ka maemae ana o ke koko, hoomake pu ia na ma`i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka
Ayer Laau Sasaparila.
I HOOMAKAUKAU IA F
Kauka J.C. Ayer & Co., Lowell, Mass.
HOLLISTER & CO.
Na A ena ma ka Paeaina Hawaii.
Helu 100. - - - Alanui Papu, Honolulu
2086-tf
PAPA! PAPA!
AIA MA KAHI
LEWERS & COOKE
(O LUI MA)
@
Eloaa ai
PAPA NOUAIKI
O kela a me keia ano
PauiPuka, Na Puka Aniani, Na Olepeiepe
Na pou, Na O-a, Na Papa Hele, Na Papu
Ku, A me na Papa Moe nui loa
Na Pili o na Hale o na Ano a Pau
--A ME NA--
WAI HOOHINUHINU NANI
O NA ANO A PAU IOA.
NA BALAKI ANO NUI WALE.
A ke hai ia aku nei ka lono i na Makamaka a
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka iaua oihana
--NO KA--
UKU HAAHAA LOA.
E likeme kamea e nolo ana mawaena
LAUA a me ka MEA KUAI,
HELE MAI E WAE NO OUKOU
Kakela a me Kuke
HALEKUAI NUI O NA WAIWAI
E l@ na pahiolo, koi hole,
hamale, koi nui a me liilii, k@a,
wili p@an, rula, a puapu, kui o na ano
@au, kala kaa, hao hoopaa puka
pohaku hoana, kepa, lei ilio, kau-
la hao ilio, pahi, upa, pahi umiumi,
kalapu, kope hulu, pulupulu, oepa ka
lakala, lina hao, ami, keehi a me
KAULA OOPU
Palau o na ano a pau,
Oo, ho, kopala, pe, kipi-
kua, hao kope, au ho a pe
a aku, kua bipi, lei bi-
pi, kaula hao bipi, uwea
pa, uwea keleawe, hao pili
piula, kaa palala, ipuhao, ipu t@
PA-PALAI MAKAU MEKE AHO
Ili wai, papa holoi, kopa ala, kaula
@uaina, hu`akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMALOO
a me aniani hale
AILA MAHU, AILA MIKINI, AILA HAMO
AILA KAA, INIKA KAMAA.
PAUDA. KUKAEPELE. KIANA
PAUDA. UIKI IPUKUKUI O NA
ANO HE NUI A LEHULEHU.
LOLE MAKEPONO
E aa na
AHINAHINA, KALAKOA, KEOKEO, LEPONALO, HULUMANU, UWE-WAHINE, KUI HUMUHUMU A ME KA LOPI.
Ke Kuike e loaa no ia ma kahi o
Kakela & Kuke!
NA MEA PIULA
Mikini Humuhumu
m@kini a WHEELER a me WILSON
MIKINI A WIILOX ME GIBBS
NA MIKINI A
REMINGTON.
He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike
Laau Lapaau Kaulana Loa
A DR. JAYNE.
LAAU HOOMAEMAE KOKO
LAAU HOOPAU NAIO, LAAO
KUNU, PENIKILA HUAALE
PAAKAI, LAAU HOOPAA HI,
Me na Laau Hamo & Pela `ku.
KAKELA & KUKE