Ka Nupepa Kuokoa, Volume XXVII, Number 44, 3 November 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuakoa.

No ka makahiki $2.00

No Eono Mahina 1.00

KUIKE KA RULA

Poaono, Novemaba 3. 1888.

Haawina Kula Sabati.

HAPAHA EHA.

HAAWINA XXXVI, Nov 18, 1888.

Ke kokua ana i kahi i kekahi.

Ke kokua ana i kahi i kekahi. Ios 2:

43-45. 22: 1-9.

A UA HAAWI mai o Iehova i ka Iseraela i ka aina a pau ana i hoohiki ai e haawi i ko lakou poe makua, a ua lilo ia no lakou, a ua noho lakou malaila.

44    Ua hoomaha mai la i Iehova ia lakou a puni, e like me na mea a pau ana i hoohiki ai i ko lakou poe makua: aole kekahi kanaka o ko lakou poe enemi e hiki ke ku imua o lakou; no ka mea, ua haawi mai la o Iehova i ko lakou poe enemi a pau iloko o ko lakou mau lima.

45    Aole haule kekhai mea o na mea maikai a Iehova i olelo mai ai i ka hale o ka Iseraela. Ua pau i ka hookoia mai.

 

1  Alaila, kahea aku la o Iosua i ka Reubena, a me Gada a me ka ohana hapa a Manase,

2  Olelo aku la oia ia lakou, Ua malama oukou i na mea a pau i kauoha mai ai o Mose, ke kauwa o Iehova ia oukou, a ua hoolohe mai oukou i ko'u leo e like me na mea a pau a'u i kauoha aku ai ia oukou:

3  Aole oukou i haalele i ko oukou poe hoahanau i na la a pau a hiki i neia la, aka, ua malama oukou i ka olelo i kauoha mai ai o Iehova, ko oukou Akua.

4  Ano la, ua hoomaha mai o Iehova ko oukou Akua i ko oukou poe hoahanau, e like me kana olelo ana mai ia lakou; ano la, e hoi oukou, a e hele hou i ko oukou mau halelewa, i ka aina i loaa ai oukou, ua haawi mai o Mose, ke kauwa a Iehova ia oukou i kela kapa o Ioredane.

5  Aka, e ao pono oukou, e malama i ke kauoha a me ke kanawai i kauoha mai ai o Mose, ke kauwa a Iehova ia oukou, e aloha aku ia Iehova ko oukou Akua, e hele aku ma kona aoao a pau, e malama aku hoi i kona kanawai, e hoopili aku ia ia, a e hookauwa aku hoi nana, me ko oukou naau a pau, a me ko oukou uhane a pau.

6  Alaila, hoomaikai aku la o Iosua i a lakou, a hookuu aku. A hele aku la lakou i ko lakou mau halelewa.

7  Ua haawi mai o Mose no kekahi ohana hapa o Manesa e noho ana ma Basana; o kekahi ohana hapa hoi, haawi mai o  Iosua no lakou, me ko lakou poe hoahanau, ma keia kapa o Ioredane me ke komokana. Alaila, hoouna aku la oia ia lakou i ko lakou halelewa, a hoomaikai oia ia lakou.

8  Olelo aku la oia ia lakou, i aku la. E hoi oukou i ko oukou mau halelewa, me ka waiwai nui, a me na holoholona he nui loa, a me ke kala, a me ke gula, a me ke keleawe, a me ka hao, a me ke kapa he nui loa. E puunaue oukou i ka waiwai pio o ko oukou poe enemi, me ko oukou hoahanau.

9  A hoi aku la ka Reubena poe mamo, a me Gada a me ka ohana hapa a Manase, a hele lakou, mai ka Isersela aku, mai Silo ma ka aina o Kanaana aku, e hele i ka aina o Gileada, i ka aina a lakou i loaa mai, ua ioaa hoi ia lakou e like me ka olela a Iehova ma ka lima o Mose.

 

PAUKU GULA

E kali kekahi o oukou i na mea kaumaha a kekahi, pela oukou e hooko ai i ke kanawai a Kristo. Gal. 6:2.

 

Poakahi   Ios. 20: 1-9

Poalua " 21: 43-45

Poakolu   " 22: 1-34

Poaha  Nah. 31: 26-47

Poalima   " 32: 1-27

Poaono    Hal. 103: 1-22

Sabati  1 Sam: 30: 9-23

 

KE KUPAA

1  Ko ke Akua kupaa p 43-45.

Mahea ko Iosua noho ana? Heaha ka hoohiki a ke Akua no Iseraela? Ina hea a me wai ia hoohiki ana? Kin. 15:18. Pehea ka nui oia aina e lilo ana ia lakou? Ios. 1:4. Ua lilo anei ka aina a pau i ka Iseraela? Luna. 1: 1-3. 21, 26, Ina ua paa ko lakou manao e loaa ia aina okoa, aole anei i hiki?

Oia mau aina ko ke Akua hooko ana i kana mau olelo kupaa, a hiki i keia wa? 1 Tesa. 5: 24. Rom. 8: 38, 39. Pil. 1: 6. 2 Tim. 4: 18. Iak. 1: 17.

2  Ke kokua ana ia hai. p 1-4. Oawi na ohana i loaa na aina ma ka hikina o Ioredane? Heaha ka lakou olelo i ka wa i noi aku e noho ma kela kapa o Ioredane? Nah. 32: 6.7, 16, 17. Pehea ka hooko ana ia olelo? Ua loihi anei ke kaawale ana mai ko lakou mau ohana aku? Heaha ka Paulo olelo? Pil. 2:4. Gal. 6: 2. Heaha ka olelo nane a Iesu e ao ana i ke aloha i ka hoa? Lu. 10: 25-37. Pehea e hiki ai e kokua i na hoa ano? Pehea e kokua i na Kahu? Na Misionari? Na mea e lawelawe ana i ka hana hoole wai ona?

3  Ka olelo paipai. p 5:6. Heaha ka olelo paipai a Iosua i na ohana e hoi ana i kela kapa o Ioredane? Oiai e kaawale aku ana lakou mai na alakai aku, a mai ka hale lawe kahi i hoomana ia ke Akua, he kumu anei e paipai ia lakou e makaala a auwana, a hoopoina i ke Akua?

Heaha ka Iesu olelo. Lu. 10:27, 28

4  Ka uku no ka malama pono? p. 6-7. Ehia na koa i hele pu aku e kokua i na ohana e ae? Ios. 4: 13. Ehia kanaka i noho aku e malama i na ohana? Nah. 26: 7, 18, 43. He aha ka na koa i hoihoi i na home? Me wai ka mahele ana? Ua pono anei keia? Pela anei ma 1 Sam. 30: 22-25. Ua loaa anei ka uku o ka poe i kokua i na paahana a Iesu? Ina hiki ole ia oe ke hele e lawe i ke ola i na aina e. na hiki no i kokua ia hai e hele.

I   Ua hooko no ke Akua i kana mau olelo kupaa a pau.

II      Ma o Iesu e lanakila maluna o ka hewa a me ka hoowalewale.

III No kakou ka hewa ina ua hemahema.

IV    O ka ae ana e kokua ia hai, he pomaikai no ia.

V He pilikia auanei ke hookaawale loa aku mai na hoahanau  a me na halawai aku.

VI    O ke aloha hoahanau he mea e pomaikai nui ai.

VII   Ua loaa like i ka uku, no na Kahu, na misionari, a me ka poe i kokua aloha ia lakou.

 

HE MOOLELO

NO KE

Koa o Kanahele,

a i ole ia

Ka Naita o ke Kapa

Kila Lahilahi.

MOKUNA XIII.

HE MEA HUNA HOU.

AOLE ia i ike i na mea a pau, hele mai oe me a'u a na'u e hai aku ia oe, aole kaua e pono maanei. Hele aku la laua nei a komo ma kekahi lumi uuku a papani mai la ka moneka i ka puka, ki a paa. Lalau iho la ke keiki alii i kana pahi a pane mai la kela: Mai hopohopo oe. Wehe ae la oia i kona kapa moneka a waiho wale mai la na helehelena o Osterburg ke kauka lapaau o ka hale alii, he kanaka oia ua kanahiku na makahiki, a ua kahiko ka noho ana malaila mai ka wa mai o kona kupunakane.

O oe no ka ia e Osterburg, wahi a ke keiki alii i pane aku ai me ke ano o ke pahaohao nui. 

Ae, e kuu haku, he huaolelo ka'u no kou pepeiao, a e hoolohe mai. Aia me ka Moi Kale o  Palani he naita opiopio o Sir Ulric kona inoa, a he ukali kuapuu kona o Malina kona inoa; ua hala wai anei oe me laua?

Ku ino ae la ke keiki alii iluna a pane ae la: E ka make a ma ka lua ahi, a hea la pau ko'u lohe ana no keia naita opiopio.

Alaila, ua halawai oe me laua, ea?

Aole ka oe i lohe ua halawai a'u me laua, wahi a ke keiki.

O ka oiaio, e kuu haku, aole loa au i lohe, nolaila au i ninau aku nei.

A aole no oe i lohe i kuu hele pu ana me Sana Vita a me Mounataila i ka nahelehele.

Aole loa au i lohe iki, wahi a ianei.

A ina pela, e pono no hoi oe e lohe, e hahai aku la keia i k@ loaa ana o na kaikamahine a me ko laua makau ana a holo, a hoea mai ka naita, a hoea hou mai he elua kaikamahine, a ma ko laua aahu au i ike ai no ke alo alii mai lakou o Kelemania, a ia wa mihi iho la au no kuu naaup@, hoi mai la au a haalele aku ia lakou me ka naita a hiki i keia manawa; ua lohe au o Sir Ularica kona inoa o Celune.

A oia wale ae la no kau mea i ike a lohe nona, wahi a ianei.

Ae, oia wale ae la no, wahi a ke keiki i pane aku ai.

He ano kupanaha no ko olua halawai ana. Ma o kuu uhane la, heaha no ia hoi kou mea o ka hoopau ole ana iho i ka hana malaila, a o ke kaawale no ia o ka mea nana e keakea ae kou ala.

Mai hoopau ia no e a'u ina au i hele makaukau aku no ia hana;  a heaha la kana au e olelo nei.

E makaala pona loa oe iaia a me ke kuapuu; aole e hiki ia'u ke hai ia oe i ka'u mea e manao nei, aia a akaka lea. A eia wale no ka'u e hai aku ai ia oe, he enemi ia nou, a mawaena ona a me ke kuapuu kekahi mea kupanaha loa o komo aku ai oe i ka hohonu o ka pilikia nui.

A heahea hoi ka laua ia'u? i ke keiki i ninau aku ai.

Oia ka'u e imi nei a e malama nae ia oe iho; ua lohe au mai kekahi kanaka i hilinai ia a oia ka'u e hai aku nei ia oe, he mea kupunaha aia mawaena o olua, o ia mea @ nae e hiki ana no ia'u ke hookaawale ae. He mau ekena ka'u e ukali nei i ka naita a ke maikai ia nei na wahi a pau ana e hele ai, a aole loa oia e pakele ana, a nolaila, ua lohe aku ia oe.

A i hele mai nei ka paha oia e hana ino mai ia'u? wahi a ke keiki.

Aole pela; o kekahi mea aia ma kekahi wahi, aia me ia a i ole ia me kona ukali paha, a o  ua mea la oia kou mea e poino ai, a malia paha o hiki no ia'u ke hana. Aole au e hai hou aku, ua makaukau ia'u ka pahi a me ka lima nana e hana.

Ia wa kani mai la ka o le a pane aku la ke keiki alii - aia ke kahea, e hele au e hoomakukau i ko'u poe kanaka, a mahope aku e kamailio hou ai kaua.

O hele e kuu haku, aohe a'u mea e hai aku ai a hookahi wale iho no e makaala oe ia Sir Ularica o Celune e like me kou makaaka ana i na kipi. E noho makaukau oe i kuu wa e kahea aku ai.

Hoi aku la keia a kona lumi e kali mai ana no kana kauwa; wehe ae la ia i kona aahu o ka lumi alii a kahiko ae la i kona kapa kila. Puka aku la oia iwaho kau ae la ma ka lio a holo aku la me kona mau kanaka no ke kahua o ka lealea.

Iwaenakonu o kahi i hoomakaukau ia e noho ana o Lotaire me kona mau alii, a ma kona akau kona kaikaina o Kelemaina me kona mau alii a me ka lakou mau wahine, a ma aoao hema ka muli loa o lakou, o Kale ka Moi o Palani me kona mau ukali.

Ua hoike mai ko Lotaire mau nanaina i ka mohaha a me ka hauoli no kona ike ana ae ua a akoakoa mai na 'lii, na kaukaualii, na koa a me ka lehulehu makaikai, a aole no i liuliu iho loli ae la kona mau helehelena hauoli a ke kaumaha; ninau aku la kona mau pokii i ke kumu a hai mai la kela no ka oluolu ole o kona ola kino.

Aka, i kona kuhina nui, ua hai piha aku la keia i ke kumu oiaio o ke kaumaha, oia hoi no kana keiki a hooilina alii, a oia kana i pane iho ai - he kanaka ahiu no hoi au i ko'u mau la opio, aole nae au i hana ino aku i ka poe o ka aoao palupalu a me ka poe nawaliwali e like me ka'u i lohe ai i keia kakahiaka. Ua lima ikaika aku oia i kekahi mau kaikamahine o ke alo alii o ka Moi Lui, a ua lohe pu no me kekaikamahine alii, - a pane iho la keia iaia iho me ke ano kaukau:

"Ina me keia hana lapuwale ana a kuu keiki e nele ai oia i ka lima o ke kaikamahine alii o Kelemania, alaila, heaha la ka hopena o ko'u aupuni; e kuu keiki, ina oe e haule mai keia kulana, o kou haule ana no ia mai na mea a pau, haule pu me ke kalaunu o ka emepera aole a kau mal@na o kou poo; e na lani, ina paha i haawi mai oe na'u he keiki maikai, a -

Ua oki pu ia iho kana mau olelo maanei i ka wawalo ana ae o ka pihe uwa o na kanaka, a iaia i aloalo ae ai ike aku la oia i ke keiki alii a me kona mau kanaka maluna o na lio.

Hoomaikai mai la 'lii a pau ia Lotaire no ke kapukpau, ke kilakila a me ka eleu maoli no o ke keiki alii i ka hololio, a ma ka lawelawe pu ana i na mea kaua, a iaia e alakai ana i kona p@ali, ua haaheo no kona mau kanaka iaia.

O na aliiwahine o Kelemania aole lakou malaila, a o ke kaikamahine alii hoi keia, ua noi mai la i na kala ia aku aole oia e hiki mai no kona nalulu, a e hooluolu ana oia no ka papaaina a ke alii e malama ia ana ma ia ahiahi, no laila aole oia e hiki mai.

E noho koke ana o Sir Ularica ma ka aoao o ka Moi Kale o Palani, a iaia i hele ai e launa pu me kona kaikuaana Moi o Kelemaina, kono mai la oia ia Sir Ularica kona naita ukali e hele pu me ia a unaele pu aku la.

He elua noho kaawale ma ka aoao o ka Moi Lui no laua; a pau ko na alii aloha ana, hoolauna ia aku la kona naita ukali, Sir Ularica o Celune. Lalau mai la ka Moi Lui i ko ianei mau lima a pane mai la: "E ka naita, ua loheia kou inoa ma Kelemania, a o ke laulana aia ma ka waha o na kanaka."

 

HOOLAHA HOU

AHA HOOKOLOKOLO KAAPUNI Apana Elua o ko Hawaii Pae Aina ma ka Hooponopono Waiwai. Ma ka hana o ka waiwai o KAPULU @, no Waieha, Maui, i make kauoha ole. Ma ke Keena.

Ma ka heluhelu a me ka waiho ia ana mai o ka PalapalaNoi a Kapo @ he hooilina pili koko i ka mea i make e hoike ana @ make kauoha ole o Kapala @, no Waieha, Maui, ma Waiehu, Maui, i  ka M. H. 1864 a e noi ana ana e hooponopono ia ka waiwai  a e hoonoho ia na Hooilina.

Ua kauohaia, o ka POAKOLU, ka la 21 o NOVEMABA, M. H. 1888, ma ka hora i P. M., oia ka manawa i koho ia no ka hoolohe ana i ua noi la imua o na Lunakanawai la ma kona keena, ma ka hale Hookokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kanohi e hoolahaia ma ka olelo Hawaii i ekolu p@le maloko o ke Kuakoa, Nupepa ma Honolulu.

Kakania ma Wailuku. Ko Hawaii Pae Aina, Okatoba 15, M. H. 1888.

GEO. E. RICHARDSON

Lunakanawai Kaapuni Apana Elua.

2203-3@

 

AHA FEA NUI

Malalo o ka noho p@o ana a ka Moiwahine.

E wehe ana ka "Ahahui Hooulu a Hoola Lahui" he

AHA FEA NUI,

no ka pomaikai o ia Ahahui, ma ka

Poaono. Ianuari 5, 1889.

ma ka Halepaikau o ka Pualikoa Honolulu Raifela ma Manamana (kihi o na ALanui Beretania me Puowaina.) O na lede a me na keonimana e makemake ana e kokua ma ma hana ku i ke aloha, e oluolu e hoouna ae i ka lakou mau makana ma kekahi rume e pili ana me ke Keena Puuku.

GRACE KAHALEWAI,

Kakauolelo.

Honolulu, Oct. 17, 1888. 2203.3m

 

OLELO HOOLAHA

E ike auanei na mea a pau ma keia, owau o Ahlo pake (k), no Waimea, mokopuni o Kauai. Ke papa a ke hookapu loa aku nei au i na mea halekuai a pau ma Waimea, Kauai nei, aole loa lakou  e hoaie wale mai i na waiwai a pau o ko lakou mau halekuai, i kuu wahine mare ia Mrs. Henerieta Ahlo, a ina o ka poe mea halekuai e hoolohe ole ana i keia, alaila, maluna no o lakou ko lakou poho, aole lao wau e hookaa iki ana i kona mau aie mahope iho o ka puka ana o keia hoolaha.

AHLO (Pake). Kona kaha, X.

2203-3t

 

OLELO HOOLAHA

No ka mea, o AKUIA a me AKU e malama ana i ka halekuai ma Puna, Hawaii, malalo o ka inoa "Wing Hung Company" ua haawi mai ko laua waiwai a pau iloko o ka lima o na mea nona ka inoa malalo, ma ke ano e malana ia no na poe a pau a laua i aie aku ai. Nolaila, ke kauoha ia nei na mea a pau i aie ia e na mea i oleoia maluna, e hookomo mai: ko lakou mau bila i hooiaio ia mamua o ka la mua o Dekemaba, 1888; a o na poe i aie ia laua, e hookaa koke mai ma ka lima o na mea nona na inoa malalo, a o ko laua loio paha.

C. Y. Aioma,

LUM CHEE.

Na Hope o Akuia me Aku.

Ma o D. H Hitckcock Loio.

Hilo, Sept. 18, 1888.

2200-3t

 

HOOLAHA A KA LUNAHOOPONOPONO WAIWAI.

Ua hookohu ia ka mea nona ka inoa malalo e Hon. J. Hardy, Lunakanawai Kaapuni Apana Eha, ma ka la 25 o Sept. 1888, i Lunahooponopono no ka waiwai o Kilouano Kumahakaua (k.) i make kauoha ole no Kekaha, Waimea, Kauai.

Nolaila, ke kauoha ia aku nei ka lohe i na mea a pau a ka mea i make i aie aku ai e hoike mai i ka lakou mau bila i hooiaio pono ia iloko o na mahina eono mai keia la aku o hoole loa ia aku lakou, a o ka poe i aie i ka mea make, ke kauoha ia aku nei lakou e hookaa koke mai i ka mea nona ka inoa malalo.

DAVID KUA,

Lunahooponopono Waiwai.

Kekaha, Kauai, Sept. 25, 1888.

2202-4t

 

HOOLAHA A NA LUNAHOOPONOPONO WAIWAI.

Oiai ua hookohu pono ia mai na mea nona na inoa malalo iho i mau Lunahooponopono no ka waiwai o KEAKA (k.) no Puna, Hawaii, i make kauoha ole, e ka Lunakanawai F. S. Lyman, nolaila, ke hoike ia aku nei ka lohe i na poe a pau a Keaka i aie ai e waiho mai i ka lakou mau koina i hooiaio pono ia i na mea nona na inoa malalo iho i loko o na malama eono mai keia la aku, a i ole e hoole mau ia aku no ia mau koina; a o ka poe a pau i aie ia Keaka e uku  koke mai.

JNO. K. NAEOLE,

J. W. NUHI,

Na Lunahooponopono o ka Waiwai o Keaka i make kauoha ole.

2201-4t.

 

OLELO HOOLAHA AINA KUAI.

E ike ananei na kanaka a pau loa, owau o ka mea nona ka inoa malalo iho nei, ke hoolaha aku nei au i kuu aina, ua makemake au e kuai lilo aku i kuu aina oia hoi ka aina o Comming, ma Napoopoo, Kona Hema, Hawaii. He aina maikai keia mai kai a uka, ua hoopuni ia i na pa pohaku. He aina maikai no ka mahiko a me ka hanai holoholona, ke hua nei na alani me ke kope a me ka hala kahiki. He eha punawai, hookahi he 1,500 palela wai, a he hookahi he 500. O na punawai keia i hana ia e Kapena no na moku okohola. He oia mau ko lakou piha i ka wai i na wa e pau. Ekolu hale laau, hookahi pa hale, hookahi hale laau kupono no ka oihana kalepa waiwai, o keia mau hale eia i ke awa pae o Napoopoo, Kona Hema. He pa hale maikai nona ke awe pae. Eia ke kumukuai o ka aina: $8,000. Hookahi hale laau hookahi pa ole e lilo ma keia kuai nui ana.

L. LOTA.

Napoopoo, Kona Hema

2201-1f

 

OLELO HOOLAHA NO KA O LIMA

E ike ananei na mea a pau, ua makaukau ka Papa Ola e haawi i ka e lima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o Papa Ola ma Kapamoo, ma alanui Hotele, ma na hora hana o ke Kauka Aupani i hai ai malalo iho nei:

Hora hana

Mai ka hora 8

a  " " 10

kakahiaka.

N. B. Emerson.

Pelekikona o ka Papa Ola. jn 6-6@

 

Ka Waiwai o ka Hilinai

A AYER Laau Sasaparila, kai kaulana a hilinai nui ia no ka hoomaemae koko, ma @ wao a pau o ka honua, ae aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

 

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

 

HE koko inoino a nawaliwali anei kou? Ua awili pu anei me na ano mai ikaika? A ua hui pu anei me na wai awaawa hoopeh@ Na keia

 

LAAU e hoomaemae ia mau mea ino a pau, a maikai. O nakauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae n@ ka hoomaemae koko ana mai na mai i awili pu ia, aka o keia wale no. No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano maii i keia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae  O ke

 

KOKO ino hakuhaku, a nawaliwali hoi kona holo pono ana ma ke kino e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maa lahi a he

 

MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae.

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

 

Ayer Laau Sasaparila.

I HOOMAKAUKAU IA E

Kauka J. C. Ayer & Co., Lowell,  Mass.

HOLLISTER & CO.

Na A ena ma ka Paeaina Hawaii.

Helu 100. - - - Alanui Papu, Honolulu

2086-tf

 

 

OLELO HOOLAHA

 

Ua hookohu aku au ia J.A. MAGOON nana e lawelawe ka'u mau hana pili oihana a pau, oiai au e kaawale ana mai Hawaii aku nei. W.A. KINNEY.

Honolulu, Aug. 27, 1888. 2195-1m

 

PAPA! PAPA!

AIA MA KAHI

LEWERS & COOKE

(O LUI MA)

@@@@@

E loaa ai

PAPA NOUAIKI

o kela a me keia ano

 

PaniPuka, Na Puka Aniani, Na Olepelepe

Na Pou, Na O a, Na Papa Hele, Na Papu

Ku, A me na papa Moe nui loa.

 

Na Pili o na Hale o na Ano a Pau

- A ME NA -

WAI HOOHINUHINU NANI

 

O NA ANO A PAU LOA.

NA BALAKI ANO NUI WALE.

 

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea e pau e pili ana

ma ka laua oihana

- NO KA -

UKU HAAHAA LOA.

 

E likeme kamea e noho ana mawaena

LAUA a me ka MEA KUAI.

HELE MAI E WAE NO OUKOU

 

KE KULA KAMEHAMEHA NO KA KEIKIKANE LIILII.

 

E makaukau ana ke Kula Kamehameha na ka keikikane liilii, no ka apo ana aku i na haumana ma ka POALUA hope o OKATOBA, 1888.

Ua kaupale ia ka heluna o na haumana e komo mai ai i keia makahiki mai ka makahiki ehiku a i ka makahiki umukumamalua, a no ka poe a pau i ake e komo ae ma ia kula no ia mua aku, e hoike ae ma ka la - o Okatoba, 1888.

kekahi mau mea ae e hoolako ia ana e na haumana pakahi, e hoouna ia ae ke ninau mua ae i ke kuma.

E loaa mua i na haumana na apono mai ke kauka no ko lakou kulana ola maikai.

He kula keia e hoomakaukau no ke komo ama aku i ke kulanui Kamehameha, a e hoomaamaa ia no na keiki ma na heluhelu, hupunaolelo, a me ka himeni.

He $60 ka auhau o ka makahiki, e uku mua ia i kela a me keia hookaka ana o ka hapaha.

No na mea i koe e loaa no ke ninua ae i ke kumu nui.

MISS C. A. REAMER

2192-8t.

 

 

Hale Hana Lole Nui

KE "PAIONIA O HONOLULU,"

Helu 17 Alanui Ema, Honolulu.

 

O ka mea nona ka inoa malaolo iho, ua makaukau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.

 

Papale Keakea, Paleili,Aahu. Moepo, &c.

E hana ia no na kauoha e like me ka makemake. A o na kauoha mai na mokupuni mai e hooko ia me ka eleu.

A. M. MELLIS.

Bele Telepone Helu 410    2202-1m

 

B. F. EHLERS & CO.,

PAINAPA.

Poe Kuai i na Ano Lole a pau.

Helu 99 alanui Papu. - Honolulu.

E loaa mau ana na lole hou o na ano a pau maluna o kela a me keia moku.

 

 

Pahu Hale Leta 351. Bele Telepone 274.

KA AGENA OIHANA HAWAII.

No. 68 ALANUI PAPU KIHI O ALANUI KALEPA, HONOLULU, H. I.

HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

Na Waiwai paa - kuai a hoolilo aku, a me auhau uku ana.

Na Hale hoolimalima, Rumi Keena, Aina e hoolimalima, e aelike e ohi i na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, a kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma ma olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

 

O na hana a pau a na makamaka e haawi mai ana no ka hooko aku i ke kauoha, e hooko ia no me la eleu a me ka mikiala.

Agena oihana Hawaii.

3170 1yr. Mar.

 

 

Kakela a me Kike

HALEKUAI NUI O NA WAIWAI

E laa na pahiolo, koi hole,

hamale, koi nui a me liilii, kila,

wili poaa, rula, apuapu, kui o na an@

a pau, kala kaa, hao hoopaa puk@

 

pohaku hoana, kepa lei ilio, kau-

la hoa ilio, pahi, upa, pahi umiumi,

kalapu. kope hulu, pulupulu, oepa k@

lakala, lina hao, ami, keehi, a me

- KAULA OPU -

Palau o na ano a pau,

Oo, ho koala, pe, kipi-

kua, hoa kope, au ho a pe@

a aku, kua bipi, lei bi-

pi, kaula hao bipi, uwea

pa, uwea keleawe, hao p@

 

piula, kaa palala, ipuhao, ipu

 

PA-PALAI, MAKAU MEKE AH@

 

Ili wai, papa holoi, kopa ala, kaul@

@uaina, hu'akai, ehi wawae,

hulu pena, a pela aku.

 

Pena wali, kini nui  a me liilii o @@

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMA

LOO

- a me aniani hale -

AILA MAH@, AILA MIKINI, AILA HAM@

AILA KAA, INIKA KAMAA

 

PAUDA, KUKAEPELE, KIAN@

PAUDA , UIKI IPUKUKUION@

ANO HE NUI A LEHULEHU

 

LOLE MAKEPON@

 

- E aa na -

AHINAHINA, KALAKOA, KEO

KEO, LEPANALO HULUMANU

UWE-WAHINE, KUI HUMUHU

MU A ME KA LOPI.

 

Ko kuike a lona no @@ mu kuki @

 

Kakela & @@@ke

 

NA MEA PIULA

 

Mikini Humuhumu

 

Makini a WHEELER a me WILSON

 

MIKINI A WILCOX ME GIBBS

 

NA MIKINI A

- REMINGTON -

 

He nui loa na mea hao me na ukana ae o na ano a pau, aole hiki ke ha@@@@ ia aku, hewa i ka wai na maka ke ike.

 

Laau Lapaau Kaulana Lo@

 

A DR. JAYNE.

LAAU HOOMAEMAE KOKO

LAAU HOOPAU NAIO, LAAO

KUNU,

PENIKILA HUAALE

PAAKAI, LAAU HOOPAA HI,

Me na laau Hamo a Pela @@@

KAKELA & KUKE.