Ka Nupepa Kuokoa, Volume XXVII, Number 44, 3 November 1888 — Untitled [ARTICLE]

He mal* pule i hala ae nei, ua hoopuka ia raa na kolamu o ko kakou nei pepa ka meolelo o ke komiie ninaninau ma kela hihia kipe dala iloko o ke kau Ahaoleio o keia makahiki i hala iho la. Ua hoakaka pu aku makou i ka hewa, ka hohe wale a me ka hanohano ole o ia mau lawelawe ana a kekahi mau kalaiolelo a ka lehulehu i wae ai i mau moho no lakou, e hele iloko o kela Hale a hana i ke kaulike ma ka lakou mau kukakuka ana,—no ka pono wale //#, ka hooholomua t na pomaikai a me ka hiipoi i kona inoa Uw a me ka aina, —o keia wale iho la no na mea nui il«ko o na hooponopono pili aupuni kanawai ana o kekahi aina oiai ko ke kanaka wa e ola ana. Ua olelo pu no hoi makou no na kau i hala, ua hoomaa pu ia no keia hana o ke kipe i na hoa o ka Ahaolelo i na poe e nohoalii ana maluna o na oihana aupuni, a ina wale no e ku hoike ka uhane o kekahi kanaka nona iho, e ike ana kakou i kekahi puka nui mahope o kela noho oihana aupuni. Na keia mau • huaolelo i hoopuiwa aku i ka nupepa EleU a pii ae la kona mau manao hoohalahala, a kahea mai la me ka leo nui e hoopuka aku i ka« inoa o ua poe la ! Ina aole i hookaawale ia na ike ekolu —o ka ae, hoole a me ke kanalua i ekolu mahele, ina ua loaa ka huaolelo "ae, ua hooko ia" ma ka lae o ka Eiele. A oiai, he mau lawelawe ana ia o ke au kahiko malalo o ke, Kumukanawai kapulu, he hana naauao ole na makou ka hoopiha wale no ī na kolamu o ka pepa me na*manao ohi'uhi'u oke kuawili. Kia ka makou wahi mea iki e hoike aku i ua makamaka la a ua lawa ia. 1 na la mua o ka malama o Feberuari, iSB6, e hoi ana kekahi luna aupuni haahaa o kekahi o na apana kuaaina o ka mokupuni o Oahu nei ma kona alahele, maluna o kona hoki i hooili ia a kaumaha me na pahu rama. Ua halawai aku oia me kekahi hoaloha ma ke alanui a ninau aku la i ka makamaka —

" Heaha kau ukana e kaumaha nei 0 kou hoki ?" "He mau pahu rama keia na ke Kuhina mai nei, M wahi ana i pane aku ai. "He mea kokua no ka la koho balota ma ko makou apana. Kauoha mai nei ke Kuhina, e lawe au 1 keia ukana a kahi o ka Lunakanawai, ilaila e waihq ai. Olelo aku nei lvoi au i ua Kuhina la, aohe waiwai o ka rama, no ka mea, e pau e ana i ka inu ia mamua o ka wa koho, ina he dala, oia ka mea e puka ai o ke kanaka o ke aupuni. I mai la ke Kuhina, ua makaukau makou, a ka Poakahi ae kii mai i ke eke dala." Aole keia he kipe i na hoa o ka Ahaolelo e like me ko ka Elele makemake e hoike aku makou i ko lakou mau inoa, aka, e like me ka makou i olelo mua ai—ua hoomaa ia keia hana e na luna aupuni, a ua kaulana ma ka waha o na mea a pau i ike i ka heluhelu a i lohe i na hauwalaau. Ua hala ka pee nana i hana ia mau niea, aka, o ka anoano a lakou i lulu ai, ua mau mai no kona kupu ana a hiki i keia kau i huaipukanui ia ae nei e ke au hoomaeniap. He aloha anei ia no ke kanaka Hawaii iaia iho a me kona aina hanau ? E mahalo ia anei kakou e na makamaka o waho he hoopilimeaai ko kakou mau wahaolelo no ko lakou mau pono kino iho maluna o na oihiea ? He ake ko makou e nalohia loa aku ia mau kahoaka o ka hanohano ole, a e lilo kela kioe i ike maka ia iho nei i kumu ao no na wahaolelo a pau o ka lahui, e hele iloko o kela Hale a hana i ke kaulike no ka pomaikai o kona apana iho a me ka hooholomua i ka aina.