Ka Nupepa Kuokoa, Volume XXVII, Number 45, 10 November 1888 — LUNA NUI NO KE KAHUA LEPERA. [ARTICLE]

LUNA NUI NO KE KAHUA LEPERA.

O kekahi na lawelawe pili oiharra e haawi ia ai na leo oka mahalo i ko kakou Papa Ola, oia no ka hookaawale ana i ka oihana Luna Nui o ke kahua mai lepera o Mo!okai na Mr. C. B. Reyno!ds e hoopiha, a e noho paa aku ana oia me kona ohana ma īa kahua aina a hooponopono i kana hana i keia makahiki ae. O ka nana ana i na pono o na mai lepera, ka ike maka ana i ko lakou mau pilikia a me ka hooluolu aku i ko lakou mau ehaeha, oia ke kia hoailona a keia au hou e makemake nui nei, —e hooi aku i ko lakou kulana makaukau ame ka lako, a he lana ko makou manao, o na leo uwe pilikia i pa e mau ai mai Kalawao mai no kekahi mau kau loihi i hala ae nei i ke au o Kipikona, ano, i keia manawa, ke hooko ia aku nei ia niau leo noi—i Luna Nui noho paa no ke kahua mai lepera. O Mr. Reynolds, he kanaka oia i lawelawe loihi i ka hana ma ke ano he Agena no ka Papa Ola no na naakahiki ewalu, a ua ike ia kona makaukau a me ka mikiala hana me ka eleu ma ka hooko kauoha, a ua kamaaina oia i ru hemaheiua o ka mai lepela a me na «uea kupono e loaa ai ko Lkou oluolu ame ka maha. He heokohu oihana kulike keia me ka hana a ke kanaka i makaukau a i kamaaina.