Ka Nupepa Kuokoa, Volume XXVII, Number 48, 1 December 1888 — Page 4
| This text was transcribed by: | Kate Motoyama |
| This work is dedicated to: | edmund keaumalieokalani "buddy" enos |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
--
@@ @a Makahiki . . . $2.00
No @ono Mahina . . . 1.00
--KUIKE KA RULA.--
--
Poaono, Dekemaba 1, 1888.
---
Haawina Kula Sabati
--
HAPAHA EHA.
HAAWINA XXXIX, Dek 9, 1888.
----
Lunakanawai. 7:1--8
--
ALAILA, o Ierubaala, oia hoi o Gideona, a me na kanaka a pau me ia ala ae la lakou i kakahiaka nui, a hoomakaukau iho la ma ka I@awai o Haroda. Aia hoi ka puali o ko Midiana ma ka aoao kukulu akau o lakou, ma ka papu e kokoke ana i ka puu o More.
2 I mai la o Iehova ia Gideona, Ua nui loa ka poe kanaka me oe, nolaila aole pono ia'u ke haawi i ko Midiana i ko lakou lima, o hookiekie anei ka Iseraela imua o'u me ka olelo ino, Na kuu lima iho wau i hoola mai nei.
3 No ia mea la ea, e hea aku oe in a na pepeiao o kanaka, e i aku, O ka mea hopohopo, a makau hoi, e hoi ia, a e haalele hoi i ka mauna o Gileada. A hoi aku la he iwakalua-kumamalua tausani kanaka, a koe he umi tausani.
4 I mai la o Iehova ia Gideona, Ua nui loa na kanaka i koe. E kai mai oe ia lakou ilalo i ka wai, a na'u no e hoao ia lakou nou malaila; a o ka mea a'u e olelo aku ai ia oe, Eia ka mea hele me oe, oia ke hele; a o ka mea a'u e olelo aku ai ta oe, aole hele keia me oe, aole ia e hele.
5 Kai mai la ia i ka ilalo i ka wai; i ho la o Iehova ia Gideona, O kela me keia mea, e nalu ana i ka wai, me on a alelo, e like me ko ka ilio palua ana, oia kau e hoonoho ai ma o lakou la a pela hoi kela a me keia mea e kukuli iho ma kona mau kuli e inu.
6 A o ka helu ana i ka poe i palu, e kapi ana ka lima, ai ko lakou waha, ekolu haneri kanaka. Aka, o na kanaka e a pau loa, kukuli iho la lakou a pau ma ko lakou mau juli e inu wai.
7 I mai la o Iehova ia Gideona, Ma keia pee kanaka, ekolu haneri, ka poe i palu e hoola aku ai au ia oukou, a e haawi iho no i ka Midiana i kou lima; e kuu aku hoi i na kanaka e a pau, e hoi i ko lakou wahi.
8 Lawe na kanaka i wahio, ma ko lakou lima, a me ko lakou mau pu; a hoouna aku la ia i ka Isetaela a pau, i kela kanaka keia kanaka i kona halelewa iho, a hookoe iho la i kela poe kanaka, ekolu haneri. A aia hoi ka puali o ko Midiana malalo iho on a, ma ka pupu.
PAUKU GULA.
Poakahi . . . Luna. 3:1-31
Poalua . . . Luna. 4:1-24
Poakolu . . . Luna. 5:1-31
Poaha . . . Luna. 6:1-40
Poalima . . . Kin. 7:1-25
Poaono . . . Kana 8:10-20
Sabati . . . Ep. 6:10-24
Na koa a Iehova
I Ka enemi e kue mai ana. Owai la ka enemi e kue mai ana i ka Isaraela? No na makahiki ohia? Luna. 6:1. Pehea kana hana i kela lahui? 6:2 6. Mahea kahi hoomoana a keia enemi? Ehia koa ma ia puali? 8:10. He ikaika anei na enemi e kue mai ana ia kakou? Owai? Ep. 6:12. 1 Iob. 2:13:16. Ua like anei ko lakou hookaumana hana ia kakou me ko Midiana hookaumaha ana i kela lahui?
II. Na hoomakaukau ana o ke alakai p. 1. Owai o Gideona? Pehea oia i ka nana aku? 8:18. No ke aha ke kapa ana iaia o Ierubaala? Luna 6:24-32. He mea anei ia e kokua i ka hoomakaukau ana o Gideona no kana hana? Lu. 16:10.
Heaha kekahi hana ma ia hoomakaukau ana? 6:11-14. Heaha kona ano mamua o ka hea ia ana? 6:12. Pehea ko ke Akua hooi@aika ana i kona maraoio? 6:36-40. Ua hahea ia anei ia kakou e lilo i kona no Iesu? Ep 6:11.
III. Ka hoomakaukau ana i ka pooli kaua? 1:8. Owai kai kahea ia e komo ma ka puali kaua o Gideona? 6:34:35. Pehea ka nui o ia puah@? p. 3. Ua like anei me ko ka enemi? No ke aha ka manao ana he nui loa ha puali kaua o Gideona, mamua o ka mea kupono? Pehea ka wae ana i ka poe e hele i ke kaua? Ehia o lakou? Ua hiki anei e hoomaopopo i ke ano o ke kanaka ma na mea uuku? Heaha na mea kaua a keia poe he ekolu haneri. No na alakai na pu in a e hele ana i ke kaua, a in a e lohe mai ana ka enemi i na pu he 300, e manao auanei lakou he puali koa nui launa ole keia e hele mai ana, a e auhee paha lakou.
IV. Ka lanakila ana. Pehea ko ke Akua hookupa ana ia Gideona? 7:10-13. Pehea ka hoomaka ana i kana puali uuku? E hai mai no ia kaua ano.
No hea ko Gideona lanakila ana? Heb. 11:32:33. Heaha kana olelo i na koa? 7:17. Aole anei he mea pono in a hiki i na alakai a pau e olelo me ia? 1 Cor. 11:1.
Ua hoolilo anei ke Akua i na mea i manao ole ia i mea e kokua i kana mau hana? 1 Cor. 1:27, 28. Heaha ke ano o ke koa io o Iesu? Ep. 6:14-18. Rom. 13:12.
I. Ua lawe o Iesu i na mea nawaliwali e hooholo i kana mau hana.
II. Ma ka lawelawe ana i na hana i loaa, e wakaukau ana no na hana e ae,
III. He ano koa, eleu a noonoo, ko ka puali kaua no ke Akua.
IV. Ua hoike ia ke ano o kekahi ma na mea uuku loa.
V. Mai paupauaho ma ka hana.
VI. Ua hoomahuahua mai ke Akua i ka manaoio o kana poe kauwa.
--
Hoole Waiona.
--
[Na ka Ahahui W. C. T. U.]
Ma Kaleleonalani, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kona ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoo@o, "No ke AKUA a me ka HOME, a me ka AINA HANAU."!!
--
E KOA IO.
--
Ke paio nei makou me ka wain@@ ke kahea nei ka poe inu liilii e kakou mai, Ke makemake nei makou ia oukou, ke noi aku nei ia oukou, ke noi aku nei ia oukou e maliu mai. Aole makou i manao e hoino ia oukou--aole hoi i ko uokou pono iho, aka, e noi aku ia oukou e haalele i ka inu liilii ana no ke aloho in a hoa; a ma ka inoa o Iesu, ka mea i aloha i kanaka, e noi ana ia oukou e haalele.
Ua hoohalahala nae kekahi poe me ka i ana, "e imi ana e kaili i ka pono o ka poe inu liilii."
Ua hookipa pinepine kekahi lede i na makamaka, na hoaloha a me na malihini ma kona home. Ua hookipa i ka poe hanohano i ka poe kaulana aole nae i haawi i kau wahi waiona, aole hookahi kulu o na mea e on a ai lakou.
Ua hoomakaukau ia he ahaaina a ua hiki ae he mau keonimana malaila. Penei ka pane ana o kekahi i manao he hanohano oia: "E Mrs. M. ke manao nei au, aole oe i noonoo i kou pono, a me na hoa ou." "No ke aha hoi?" "No keia kumu, ua ike no oe ua inu no au i ke kiaha waina i ka wa e ai ana." Ua maa no au ma ia hana. He mea kokua ia no'u. He mea ono loa ia ia'u. I ko'u hele ana mai i kou hale, a ua i mai ole, aole au e haawi ana i waina nou, no ka mea he inu nui kekahi poe ia mea. Ao e au e haawi ana i wai ia nau, no ka mea, eia no kekahi maanei e poino ana ke inu oia i ka waina. "Ua kaili aku oe i kekahi lealea o'u; ka mea i wale ia'u, a minamina no hoi ke loaa ole ia mea, no ka lilo ka o hai i lapuwale; a no ka hiki ole ia hai ke inu me ka poino ole, ua hoole ia pono no'u.
He pono anei keia? Ma muli e kaili aku auanei oe i na mea ono a pau, na mea hoolealea a pau aole wahi mea i koe. M@hea la e pau ai keia mau kaili ana i ko hai pono? Ano he mea ono ia'u ka mamona; he inai maikai ia no'u, a ke i mai nei oe, ea, he kanaka maanei i hiki ole ke ai i ka inamona me ka pilikia ole, nolaila, aole e haawi ana i inamona nau. Aole au e haawi i kau wahi inamona no na hoaloha ma ka ahaaina, oiai, ua poino kekahi poe ke ai ia mea. He pono, he pololi anei kau."
Eia ka'u, he polo li anei keia hai an aau? Ua lohe ia anei ua ku mai ke kanaka e li ia ana, a hai aku i ka poe i akoakoa mai, me ka i ana, "E ao oukou ma ka nana ana i ko'u hepena, mai no a ai i ka inamona."
Ua lohe anei i kekahi e i ana, "ua make ka'u wahine ia'u no ko'u ai ana i ka inamona," me ka manao e pakele ana oia ma ia kumu?
Ua lohe ia anei he haunaele ma ke alanui i ka po, a ua kahe ke koko a hai pu na iwi, a e hoolaha ana ka nupepa i ke kumu o ia haunaele oia no ka ai 'na i ka inamona?
Ua lohe ia anei ka makuahine e kaniuhu ana no kana keiki i make e i ana "Ina no ua make au nou e kuu keiki e? Aole o'u manaolana iloko o kona make ana, i make i ka ai ana i ka inamona."
Eia wale no ka'u, e hoomaopopo mai imua o'u he hopena ino ma ka ai ana i ka inamona e like me ko ka inu waiona, a ma ko ke Akua kokua ana mai ia'u, e kue aku no au i ka inamona me ka ikaika.
Me e ka lapuwale o keia kamailio ana, e kue ana i ka poe e imi ana e kinai i ka waiona. Aole e imi ana e kaili i keia mea mai a oukou aku, aka i hoomaopopo i na poino a ka waiona, a e haalele oukou i mea e pono ai o hai; no ke aloha i ka hoa. Aole he kumu e ae e like me ia no ka haalele ana i ka inu hihi ana.
Aole he kanaka koa io ma ke ao nei me ke aloha ole iloko on a no hai. O ke koa io ua lawelawe no hai, ua hana no hai, ua kokua ia hai, a e ae auanei e lilo kona ola no hai, oia ke koa io.
Ua hiki i na koa o ke ao nei e hookaulana ia lakou iho; penei ka Iesu: "I hele mai nei pu e imi a e hoola i ka mea nalowale." Pehea? Ma ka haawi ana Iaia iho i mehai ola no lakou. Malaila e nana aku ai e ka poe e manao ana e lilo i koa io, oia ke kumu hoohalike lua ole. Ae aku no kakou he hana koa io no ia.
He mau makahiki mamua aku nei e hoomakaukau ana he elua kanaka e hoopahu i ka pohaku ma ka lua ma Enelani. Penei ka mea mau ia lakou; e oki i ka fuse me ka pahi, alaila pii aku kekahi ma ka pakeke, a iho hou mai ka pakeke, komo kona hoa iloko, ho a i ka uwiki a huki awiwi ia iluna mamua o ke pahu ana.
I kekahi la ua poina ka pahi, a molowa i ke kii ana; o ka a kokeno ia. Lele laua iloko o ka pakeke, aole nae hiki ke huki iluna no ke kaumana loa hookahi wale no e pakele ana, lele hou kekahi iwaho me ka i ana, o pii oe, aole paha e loihi a e komo aku au i ka lani. Huki awiwi ia ka pakeke a pakele ia kanaka.
Aia a pau ke pahu ana, ua iho na kanaka me ka manao e loaa ana i ke kino weluwelu o ke kanaka i noho ma ka lua. Eia nae ka mea kupanaha, ua loaa iaia e ola ana, he wahi eha uuku wale no kona. He mea e kona pakele mahunehune ana.
I ka ninau ana iaia i ke kumu o kona noho ana, a hoihoi i kona hoa iluna ua i mai kela: "Aole o'u pihoihoi no ko'u uhane, ua waiho au i ko'u uhane ma ka lima o ka mea i olelo ia, "o ka pono no ke kaei o kona pukaha, a o ka oiaiohoi ke kakoo o kona kikala." (I 3.11:5.) a ua ike au, aole e haalele mai ana ia'u oiai e paulele ana iaia. O ko'u hoa he kanaka hewa loa ia, a ua ake au e ola oia, i loaa iaia i wa hou aku e mihi ai.
Aole anei e hiki ia kakou e hoole ia kakou iho, no ke aloha i ka hoa.
--
Na Ekalesia.
--
MOOLELO O KA AHA EUANE-
LIO O OAHU
--
Halawai ka Ahahui Euanelio o ka Mokupuni o Oahu, ma Kaumakapili Oct. 3, 1888, Hora 10 a. m.
Wehe ia na hana me ka Haiao a Rev. J. Kekahuna, ma Mataio 26:13.
Hoomaopopo ia na Lala i hiki mai.
Ekalesia. Kahu. Elele.
Kawaiahao. H. H. Pareka, J. Manuela Kaumakapili. J. Waiamau, J. W. Naukana,
Kalihi. & Moanalua. S. Paaluhi, J. J. Moolehua,
Ewa. S. P. K. Nawaa, D. Kaloa, Waianae. J. Kekahuna, S. K. Hui, Waialua. E. S. Timoteo. Haaula. S. Kapu, Haiolelo, Waikane. J. N. Paikuli, Kaoheloahi, Kaneohe. Moeloa, Waiamanalo. Ka-ne, C. M. Hyde, S. E. Bihopa, S. Waiwaiole.
Koho ka Aha ia J. Kekahuna i Lunahoomalu, S. Paaluhi Kakauolelo.
Kohoia o Hyde, Timoteo, Naukana, i Komite Imi Hana.
Waiwaiole, Paikuli, Nawaa, i Komite Imi Haawina.
Pareka, Paaluhi, i Komite Pai Moolelo.
Heluhelu mai o Hyde, ke Komite Imi Hana.
Na Hana.
1 Hapalua hora Naipule.
2 Na hoike Kihapai.
3 Na Palapala Hoopii.
4 Na hoike o na Komite wae.
5 Heluhelu Haawina.
6 Hoonoho ana i na Luna Ekalesia.
7 Ke Kula Kahunapule,
8 Na keiki hou o ka Aha.
9 Na Kula Hoonaauao.
10 Na Ekalesia Ka hu ole.
11 Ke Ola Kahu.
12 Ka Hale Kahu.
13 Na Oihana Kuloko.
14 I waihona no ka Aha.
15 Na Oihana Kuwalo.
16 Na Heluhelu Barbala.
17 Ka Hoole Waiona,
18 Ka Ahahui Opiopio Kristiano.
19 Kahi a keia Aha e halawai hou ai.
Hoapono ka Aha, Kumuhana 2--
Na Hoike Kihapai
Heluhelu mai o Waiamau, Paaluhi, Nawaa, Kekahuna, Timoteo, Ka-ne i ka hoike o ka lakou mau Kihapai.
Heluhelu mai ke Kakauolelo he Palapala Hoopii, na Manuela, e noi mai an ae hoihoi ia aku kona loaa Rev.
Hoopanee ka Aha a ka hora 1 p.m.
Hora 1. p. m. Noonoo ia ka palapala a Manuela. Hooholo ka Aha e kohoia i Komite no ia palapala. Kohoia Waiamau, TImoteo, Paikuli.
Hooholo ka Aha, e lawe i kekahi hapa o ka hoike o ka Ekalesia o Kaumakapili, ma kahi e pili ana no ka pilikia o ka Ekalesia o Kaumakapili, no ke koena aie o ka luakini.
Koho ka Aha Luna ia Waiwaiole, i Komite noi dala.
I ke kuka ana o ka Aha. Ua hoole mai o Waiwaiole--
A ua koho ka Aha ia Waiamau i Komite noi dala ma ka Mokupuni, a na ke Kakauolelo e haawi aku i pala--pala Hoomana.
Heluhelu mai o Moeloa no ka Kihapai o Kaneohe.
Heluhelu mai o Paikuli ke Komite no ka Ekalesia o Waimanalo.
Ua hele ko oukou komite e hooko i ka hana o keia Aha, ma ka la 22 o Iulai, ua hui ke komite me na haumana, ua hai aku wau i ka manao o ka Aha Euanelio i ka Ekalesia o Waimanalo me Kaneohe a e lilo i hookahi Kahu.
Eia na mea i hoole e lakou.
1--Aole o makou makemake e hui me ka Ekalesia o Kaneohe.
2--Ua waiho mai o Rev. S. Waiwaiole ko makou Kahu, a ua pau kona noho Kahu ano no makou i keia wa.
3--E noho kuokoa no makou, a na mokou no e koho i Kahu, a i ole i Komite i mea malama mai ia makou a oia hoi ua mea ano nui a ka oukou Komite i loaa mai.
Heluhelu mai o Waiamau ke Komite o ka Ekalesia o Waianae, Hoike a ka hapa nui a ke Komite e like me ka palapala hoopii a ke Kahu.
Ma ka la 26 Aperiia, haalele ia Honolulu no Waianae, ma ka la 29 ae, ua noho he komite me ka Ekalesia, ua kuka lakou a hooholo.
1--E aua no lakou i ko lakou Kahu.
2--E hanai no lakou i ke Kahu i $25. no ka mahina hookahi.
He mau kokua e ae kekahi e haawi ana i ke Kahu mai waena mai o ka poe aloha mawaho ae o ka ka Ekalesia hanai.
{Waiamau.
Komite {
{Paikuli.
Heluhelu mai o Waiwaiole ke Komite, no ka paipai ana i na Ekalesia ma Koolau, no na kokua no ka waihona kuwaho.
Waimanalo . . . . $10,00
Kaneohe . . . . . . . 10,00
Waikane . . . . . . . 40,00
Hauula . . . . . . . . 15,00
____
Huina - - $75,00
Heluhelu mai o Waiwaiole ke Komite Hoohui ia ka Ekalesia o Kahuku me ko Hauula, i ka la 24 o Aperila, 1888, ua halawai ke Komite me na hoahanau o Kahuku, a ua hooholo lakou--E hoohui ia lakou me ka Ekalesia o Hauula, ma ka inoa ke Ekalesia o Hauula, ma ka inoa ke Ekalesia o Hauula Penei na panela i hooholo ia: Mai ka Lae o ka Oio--a ka wai o Waimea.
Helui élu mai o Hyde, he olelo hooholo. Na ka Ekalesia o keia Aha, e haawi i palapala hoohui, no ka Ekale--isa o ka Kahuku, e lilo oia i Ekalesia Hui, ma ka inoa o ka Ekalesia o Hauula.
Hoike mai o Hyde ke komite no ka laikini hookamakama a heluhelu mai o Timoteo i kona haawina.
E wehewehe ia Heb. 6:4, 5, 6. Hoonoho ana i na luna ekalesia no ka manawa e like me ka rula o ka ahahui euanelio Hawaii, hoooolo ka aha e hoi aku a e paipai aku i ko lakou mau ekalesia.
Kula kahunapule, hoakaka mai o Hyde, ma keiki hou a ka aha, a ma ka hora 7 p. m. o ka la apopo e ninau ia ai na keiki no ke komo ana i ke kula kahunapule.
Na kula hoonaauao. Heluhelu mai o Hyde he olelo hooholo e ao ia na makua ma ko makou mau ekalesia euanelio, mai hookomo lakou i ka lakou mau keiki i na kula Katolika o lilo lakou i oe Pope a pau ko lakou noho kuokoa ana, hooholoia. E hoouna aku i ka papa hoonaauao i wahi palapala hoopii e noi aku ia lakou e ao ia ka heluhelu Baibala ana ma na kula aupuni a me ke kamailio ana o na kumu ao e pili ana i ke kulana o Iesu Kristo i mea e kukulu pono ia ai ke kulana o ka poe opioopio ma ka pono Kristiano, he mea pono no hoi me ka manao haahaa a me ke kaumaha ke noi aku i ka papa hoonaauao, e malama pono i ke kulana maikai o na kumu kula, oiai he mea minamina ka nui o na kumu kula pono ole hoopanee a halawai hou i ka hora 9 a. m. o ka la apopo.
La hana 2 Poaha.
Halawai ka hale i hoopanee ia,hoike mai o Waiwaiole ke komite no na ekalesia o Kaneohe.
Heluhelu mai o S. Kapu no ka ekalesia o Hauula.
Hooholo ka aha e hookuu aku i ko S. Kapu noho kahu ana no ka ekalesia o Waimanalo me ke aloha nui ia e na hoa o keia aha a na ke kakauolelo e haawi aku i palapala iaia, a e haawi pu ia aku i palapala i ka ekalesia.
Koho ka aha ia Pareka i komite malama i ka ekalesia o Kaneohe a me Waimanalo.
Ke ola kahu a me na hale kahu. E hoomau aku no ia Timoteo ke komite o ia mau kumuhana, a heluhelu mai o Hyde he olelo hooholo.
Ke hauoli nei keia ahahui me ka ekalesia o Kaumakapili no ko lakou waiwai paa i loaa wale mai, he kahua hale kahu mai a G. W. Kanoelehua mai; he pono hoi e hooikaika na ekalesia i nele i n akahua hale kahu ole, a koho ka aha ia Waiwaiole a me Nawaa i komite hoaloaloha o ka make ana o Rev. A. O. Forbes.
Ka oihana kuloko. Hooholo ka aha e koho ia i kahuna pule kaahele no na ekalesia o ka mokupuni o Oahu, a heluhelu mai o Hyde i kona haawina.
No ou@ o ka manawa. I waihona no ka aha, a ua kamailio ka aha aole mea i hooholoia, a hoopanee ka aha.
Halawai hou ka aha i ka hora 4 p.m. a heluhelu mai o Paleka a me Paikuli I ka hoike o ko laua kihapai a heluhelu mai o Waiamau i kona haawina.
Ka pili ana o ka oihana kahu waiwai i ko kakou mau hana ekalesia.
Ka heluhelu Baibala, a heluhelu mai o Hyde he olelo hooholo e noi aku i ka Papa Hawaii e hoomakaukau a hoolaha i mau pepa no ka hui heluhelu Baibala e like me na pepa no ka hiui plue.
Ka hoole waiona. Aole mea i hooholoia, a ua heluhelu mai o Paikuli ke komite imi haawina, i e wehwehe ia Isaia 6:3,4. E. S. Timoteo
2 Na ouli o ka ke Diabolo mau hana. C. M. Hyde.
3 E wehewehe ia Hal. 19:1, 2.
J. Waiamau.
4 E wehewehe ia Kanawailua 32:49, 50. J. N. Paikuli.
5 E wehewehe i ke mele a Sol. 8:6
S. Paaluhi.
6 E wehewehe ia I remia 4:21.
S. P. K. Nawaa.
7 E wehewehe ia 1 Pet. 3:9, 10
J. Kekahuna.
8 Ka pili ana o ko ke aupuni mana i na hana ekalesia. H. H. Paleka.
Hoopanee ka aha a halawai hou i ka hora 7 p. m. a pule mai o Nawaa.
Halawai ka aha i ka hora i hoopanee ia, a ninau ka aha ia C. W. Nakaa; a hooholo ka aha e lilo o Nakaa i keiki na ka aha a e hoouna aku iaia e komo ke kula kahunapule, a heluhelu mai ke kakau olelo he palapala hoopii no Hauula, e moi mai ana i ka aha e lilo o S. Kapu i kahu no lakou.
Lawe ka aha e noonoo no ia palapala hoopii a ua hoapono ka aha no ia palapala a koho ka aha i komite poni a S. Kapu, a eia na lala o ia komite. Waiamau, Waiwaiole, Paikuli, Paaluhi, Nawaa, Kekahuna, Timoteo, a hapai hou mai ka aha no ke kahunapule kaahele a hoeueu no na ekalesia o Oahu nei, a hooholo ka aha i ka uku o ke kahunapule kaahele no ka makahiki hookahi, $400.
Koho ka aha ia Hon. H. Waterhouse i puuku malama dala no keia misiona a koho ka aha na ke komite imi kahunapule kaahele e mahele i na haawina o kela ekalesia keia ekalesia o Oahu nei, a penei ka mahele ana:
No ka Ekalesia o Kawaiahao $5
" " Kauniakapili 5
" " Kalihi me Moanalua 2
" " Ewa 4
" " Waianae 4
" " Waialua 4
" " Hauula 4
" " Waikane 3
" " Kaneohe 2
" " Waimanalo 1
Oia ka uku no ka mahina hookahi.
Ka hohui opiopio Kristiano a ua heluhelu mai o Timoteo i kahi olelo hooholo. Hooholoia.
Ke noi ia nei na kahu na elele e hoi a paipai a heeueu a kukulu hou a hooikaika i na ahahui imi pono kristiano ma na ekalesia, a ua heluhelu mai o Waiamau ke komite no ka noonoo ana i ke kahunapule kaahele a keia aha, mo ka noonoo akahele ana a ko oukou komite ua hoeholo lakou o S. Timoteo ke kahunapule o Waialua oia ke kahunapule kaahele.
{Waiamau
Komite { Moeloa
{ Ka-ne
Heluhelu mai o Nawaa ke komite hoaloaloha no ka make ana o Rev. A. O. Forbes, no ka mea aole o kakou kulanakauhale mau maanei, aka, ke imi nei kakou ia mea ma keia hope aku, nolaila, ke uwe nei kakou me ke aloha nui i ka oluolu ana i ke Akua mana loa iloko o kona lokomaikai kupaianaha ma ka lawe ana aku i ka makua Rev. A. O. Forbes, kekahi o na keiki misionari a he kaikuaana hoi ma ka hana a ko kakou Haku Iesu Kristo, i hooikaika pauaho ole no ka pomaikai o ke kino a me na uhane o ka lahui Hawaii, he kakau leta no ka Papa Hawaii, a he hoa paaua pu me kakou e hapai pu ana i ka hana a ko kakou Haku iloko o kekahi mau makahiki loihi i hala. Ke hauli nei kakou me ka manao i kona pii lanakila ana i ka mauna o Ziona a i ke kulanakauhale o ke Akua ola, a i ka Lani Ierusalema, a i ke anaina hiki ole ke helu ia o na Anela, a i ke anaina nui a me ka ekalesia o ka poe makahiapo i kakau ia ko lakou inoa ma ka lani a i ke Akua ka lunakanawai o na mea a pau,a i ka uhane o ka poe i hoohemoleleia, a no kakou ka poe e ola ana e liki a e hoopaa ana ia kakou iho, i ka paio maikaio ka manaoio, mahope aku e waiho mai ana he lei o ka pono ka mea a ka lunakanawai hoopono e haawi mai ana ia kakou mahope aku, aole ia kakou ia kakou wale no, aka i ka poe a pau i makemake i kona ike ia mai.
{Nawaa
Komtie{Waiwaiole.
Ina e hoopanee keia aha e halawai hou aku ma Kaumakapili i ka Poakolu mua o Aperila, M. H. 1889, hora 10 a. m.
Olelo hooholo. Ke haawi aku nei keia aha i ka mahalo nui i ka ekalesia o Kaumakapili no ko lakou malama maikai ana mai i na mea e oluolu ai ke ola o na laha o keia aha. Heluhelu ia ka moolelo a hoaponoia.
Hookuu ia keia aha ma ka himeni 339, pule ka lunahoomalu.
S. PAALUHI.
Kakauolelo.
--
Ka Waiwai o ka Hilina@
--
A AYER Laau Na@apania, kai kaulana a hiiina nui ia no ka hoomaemae koko, ma na wa@ a pau a ka honua, ne aneane 40 mahahiki i hala ae nei, a ua laweiawe nui ia hoiwaena o na oihana la@aau. O keia
LAAU SASAPARILA, no loko ae ia o ka aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka nao.
HE koko inoinio a nawaliwali anei hou? Ua awii pu anei me na ano mai ikaika? A ua hui pu anei me na wai awaawa hoopehu Na keia
LAAU e hoomaemae ia mau mea ino a pau a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ANA i ke koko, a me ka hookanua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi komo holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono i keola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha waha heewale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka
Ayer Laau Sasaparila.
I HOOMAKAUKAUIA @
Banka J. C. Arar & Co., Lowell, Mass.
HOLLISTER & CO.
Na A ena ina ka Paeaiana Hawaii,
Helu 100. . . . . Alanui Pau, Honolulu
2086-tf
Hale Hana Lole Nui
KE "PAIONIA O HONOLULU,"
Helu 17 Alanui Ema, Honolulu.
--
O ka mea nona ka inoa malalo iho, ua makaukau oia e hoolawa aku i ka lehulehu me na @ahu i maiau ia. E loaa no ke kuhikuhi no na ana lole ke ninau ae malaila.
Papale Kekokeo, Paleili, Aahu Moepo, &c.
E hana ia no na kauoha e like me ka makemake. A o na kauoha mai na mokupuni mai e hooko ia me ka leleu.
A. M. MELLIS
Bele Telepone Helu 410 2202 @@@
--
B. F. EHLERS & CO.,
PAINAPA.
--
Poe Kuai i na Ano Lole a Pau.
Helu 99 alanui Papu. - Honolulu.
--
E loaa mau ana na lole hou o na ano a pau maluna o kela a me keia moku.
Pahu Hale Leta 351. Bele Telepone 174.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H. I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa--kuai a hoolilo aku, a me auhau uku ana.
Na Hale hoolimalima, Rumi, Keena, AIna e hoolimalima, a aelike e ohi i na uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Dute e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
O na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.
Agena Oihana Hawaii.
1170 1 yr. M@.
Benson, Smith & Co.
Na Mea Laikini ia e kuai Kukaa
a me Kuai Liilii aku.
Na Laau Lapaau
O NA ANO A PAU.
HELU 113 me 115, ALANUI PAPU
--
O LAUA NA AGENA NO NA
Laau Lapaau Kuluwai Liilii
Bor@i@ke & Schrecke, a me na
Wai Lukini Onaona Waianuhea!
--
WAIALA MAILE
-A ME KE-
Onaona Lei Aloha!
O na lako no ka Lauoho a me ka @@@@ me na mea hoonani o ka Home, e loaa @@@ i na makamake ke kipa mai me keia hale.
2204-tf
--
PAPA! PAPA!
AIA MA KAHI
LEWERS & COOKE
(O LUI MA)
--
ma ke kah!a kahiko ma alanui Papu a me @@
E loaa ai
PAPA NOUAIKI
o kela a me keia ano.
--
PaniPuka, Na Puka Aniani, Na Olepelepe
Na Pou, Na O-a, Na Papa Hele, Na Papu
Ku, A me na Papa Moe nui loa
--
Na Pili o na Hale o na Ano a Pau
--A ME NA--
WIA HOOHINUHINU NANI
O NA ANO A PAU LOA.
NA BALAKI ANO NUI WALE.
A hekai ia aku nei ka lono i na Makamaka a
pau ua makaukau keia mau Kaka@@@@
o oukou e hoolawa aku me
na mea a pau e pili ana
ma ka laua oihana
--NO KA--
UKU HAAHAA LOA.
--
E like me kamea o nol@ an@ mawaena.
LAUA a me ka MEA KUAI.
HELE MAI E WAE NO OUKOU