Ka Nupepa Kuokoa, Volume XXVII, Number 49, 8 December 1888 — Page 4
| This text was transcribed by: | Arnold Hori |
| This work is dedicated to: | Hawaiian Collection; University of Hawaii Library |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa.
No ka Makahiki. . . . . . . . . . $2.00
No Eono Mahina. . . . . . . . . . 1.00
---KUIKE KA RULA.---
Poaono . . . . . . Dekemaba 8, 1888.
Haawina Kula Sabati.
HAPAHA EHA.
HAAWINA XL, Dek 16, 1888.
Ka make ana o Samesona. Luna.
16:21-31.
HOOPAA iho la ka Pilisetia ia ia, po@lo aku la i kona mau maka, a lawe ae la ia ia i Gaza, a hoopaa iho la ia ia i na kupee keleawe; a wili ae la ia iloko o ka halepaahao.
22 Hoomaka iho la ka lauoho o kona poo i ka ulu hou, e like me ia i ka wa i kahiia'i.
23 Alaila hoakoakoa mai la na alii o ko Pilisetia e kaumaha aku 1 mohai nui no Degona, ko lakou akua, a e olioli; no ke mea, olelo mai la lakou, Ua mai ko kakou akua ia Samesona ko kakou enemi, iloko o ko kakou lima.
24 A ike aku la na kanaka ia ia, hoomana aku la lakou i ko lakou akua; no ka mea, olelo mai la lakou, Ua haa wi mai ko kakou akua iloko o ko kakou lima, i ko kakou enemi, i ka mea i anai ai i ko kakou aina, a luku nui mai ia kakou.
25 A i ka wa i lealea ai ko lakou naau, i ae lakou, E kii aku ia Samesona, i hula mai no kakou. Kii aku la lakou ia Samesona ma ka halepaahao, a hula mai la ia imua o lakou. A hookuu iho la lakou ia ia iwaena o na kia.
26 I ae la o Samesona i ke keiki e paa ana i kona lima, E hoomaha mai oe ia'u i haha aku au i na kia e paa ai ka hale, i hilinai hoi au ma ia mau mea.
27 Ua piha ka hale i na kanaka, a me na wahine. Malaila no na alii a pau o Pilisetia. Ekolu tausani kanaka me na wahine maluna o ka hale i nana mai i ko Samesona hula ana.
28 Hea aku la o Samesona ia Iehova, i aku la, E ka Haku, e Iehova e, e hoomanao mai oe ia'u; ke nonoi aku nei au ia oe, e hooikaika mai oe ia'u, e ke Akua e, i keia manawa hookahi no, i uku koke mai au e ko Pilisetia, no ko'u mau maka elua.
29 Lalau iho ia o Samesona ma na kia waena elua, a oia hoi na mea e paa ai ka hale. Hilinai iho la oia ma ia mau mea, o ka lima akau ma kekahi, a o ka lima hema ma kekahi.
30 I iho la o Samesona, E make pu au me ko Pilisetia. Kulou iho la me ka ikaika nui, a hina iho la ka hale maluna o na ali, a maluna o na kanaka a pau maloko. Ua nui ka poe make, ana i luku ai i kona make ana, he hapa ka poe ana i luku ai i kona wa i ola ai.
31 Iho aku la kona poe hoahanau, a me ko ka hale o ka makuakane, lalau iho la ia ia, a lawe ae la, a kanu iho la mawaena o Zuro, a me Esetasola, ma ka ilima o Manoa, o kona makuakane, He iwakalua ona makahiki i hooponopono ai i ka Iseraela.
PAUKU GULA.
Aole naauao na elemakule. Iob. 32:9.
Poakahi . . . . Luna. 13:1-25
Poalua . . . . Luna. 14:1-20
Poakolu . . . . Luna. 15:1-20
Poha . . . . . . Luna. 16:1-31
Poalima . . . . . Iak. 1:1-27
Poaono . . . . . . Hoik 2:1-17
Sabati . . . . . . Eze. 36:16-32
1 No Samesona. Mahea ka hanau ia ana o Samesona? Owai kona mau makua? Heaha ka hoohiki nona? Kana 13:5. Heaha kekahi o kana mau hana? Heaha kona ano? Nohea kona mana? No ke Akua anei kana hana? He kina anei ko ke Akua poe kauwa a hiki i keia wa? Owai ke kanaka hemolele? Ehia makahiki ko Samesona noho lunakanawai ana? p 31.
2 Ko Samesona haule ana p 21. Nawai i hoowalewale ia Samesona? Pehea kona pale ana iaia? No keaha kona ae ana mahope? He mana anei ma kona lauoho, he hoailona wale no paha ia? Ua uhai ia anei kona berita ma kona ae ana e ako ia kona lauoho? He pono anei ko Samesona launa po ana me ka mea hoowalewale?
Iloko o ka lima owai kona haule ana? Pehea ka hana o ka Pilisetia ia ia? Nohea ka hana i haawi ia iaia? Kah@ lakou ia Samesona e aha? 25. K@l@ anei i ulu ae na hoopai noloko o @ i hana ia?
3 Ko Samesona mihi ana, a me ko na make ana, mihi anei o Samesona, a launa hou mai ke Akua me ia? Heaha ka hana no ko Pilisetia, i mea e hoike ai no ko lakou hauoli no ka lanakila ana? Heaha o Dagona? Ehia kanaka i akoakoa ma ka hale o Dagona? Heaha ko Samesona pule? Pehea ka make ana o na Pilisetia? Ua ake anei o Samesoan e make, ua imi paha i mea e poino ai ka enemi?
Heaha ka olelo ma Heb 12:32,33 Ua kauoha ia anei ia kakou e ilaika? Ep 6:10. 1 Io 2:14. Nohea ka ikaika io? Col 1:11. 1 Pet 1:. Pehea e lanakila ai maluna o na hoowalewale? 1 Io 4:4. Iude 24,25. 2 Pet 1:38.
I Ua ae no ke Akua i na mea kina e lawelawe Nona.
II Ua hookaawale ia na Kristiano ko ke ano nei aku, a ua laa no ke Akua, e lanakila maluna o ka hewa, ka enemi nui o ke Akua me kanaka.
III Ka uhai ana i ka berita, ua lilo kona ikaika. Ina e haalele ana ia Ie howa, e lilo ana no ka ikaika e lanakila ai maluna o ka enemi.
IV He poino aunei e hahai ana i ka mea e launa aku ana me ka poe hewa.
V O ka uku no ka hewa he make no ia.
VI Ua hoomanao ke Akua i ka mea e mihi ana, a ua hoolohe i kona pule ina.
Hoole Waiona
[No ka Ahahui W. C. T. U.]
Ma Kaleleonalani, oia hoi o "Ema Hale" ma Honolulu.
He halawai i kela me keia Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU."! !
KOA MAOLI O AUNT KATE.
O ka la hanau ia o Ned Thornton; he 18 ona mau akahiki. Ia makahiki mamua ae, he kulana maikai kona; he maemae kona inoa, aka, ua hauie oia mai ia kulana mai, a ua komo iloko o na hana lapuwale.
E kali ana oia ma ka hale inu bia i kiaha bia nona, haohao no hoi i ka hoea ole mai o kona mau hoa. Nanea loa i ka noonoo i na hana hooleale no ia po, no kona la hanau.
Wehe ia mai ka puka mahope ona, i kona huli ana ua halawai me ia kekahi luahine negero, e paa ana i kana mau mea hana ma kona lima. Ku malie iho la ia, a nana pono mai la ia Ned.
"Ea, a Auntie, e hoihoi mai oe ia'u,? wahi a Ned.
He maikai, he maemae ko waho ou; aia kahi ekaeka iloko, kahi i loaa ole ia'u, ',wahi a Kate--oia nana ono ana no.
Ula mai la na papalina o Ned, a i mai la oia "Heaha kau e ka mea naaupo? E hoike aku au i ke ano o kau pane kupono no'u!"
"Ahia! aha," wahi a ka luahine e kau ana i kona lima maluna ona; "aole e hiki ia oe e helu i ka nui o na wa au i komo ai i kou mau lole, aole ou pono e hoino, a hoonaukiuki ia Kate kahiko. He loihi ko'u kali ana e halawai me oe, a e hoike ana au i ko'u manao ano. Ua kokoe oe e lilo i kanaka makua, aka, ia'u, he mau la wale no mai ka wa a'u i hii ai ia oe i ka po a me ke ao, iloko o kou mai nui ana; Elua makahiki ou ia wa.
Ua luhi loa kou makuahine i ke kiai mau ana ia wa.
Ua luhi loa kou makuahine i ke kiai mau ana ia oe. I kekahi la e moe ana ma ko'u uha, me he mea make la ke nana aku, kulou iho la kou makuahie maluna ou, e uwe ana, a penei kana pule ana: "E ka Haku aloha e, e hoola mai i ka'u pokii makamae, e lawelawe mau ma kau hana, a mau--amau."
Aole i liuliu, a ua hoihoi ka Haku maikai iaia e noho pu me ia, a ia'u ka malama ana ia oe a puni ka makahiki me ka'u i hoohiki ai iaia.
Ua maliu mai ke Akua i kela pule, a eia no oe he kanaka makua. Ea, nowai keia ikaika au e hoomaunauna nei, nou anei, no ka Haku paha? No keaha kou hooili ana i ke ino maluna o kou makuahine i hala? Owai kau i hana ino ai i na wa a pau? O ka Haku kau hoalona oiaio. Auwe e Ned, ka'u keiki aloha o Ned!
Ua hoea mai he mea kuai bia me ona mau kiaha bia, a komo like mai la he ekolu mau keiki kane, e hooho nui ana a e akaaka ana: he poe i kaulana no na hana kohuole. Nalowale aku o Kate i ka hoea ana mai o ua poe nei. "E inu pu ana olua," wahi a Max, ke alakai o ka "eha waiwaiole," oia ka inoa o keia mua opio eha.
"Heaha ka pilikia ou?>" I eha kiaha bia, e Pete, a ikaika no hoi
"Heaha ka pilikia e Ned,--aole hiki ia'u e hoomaopopo."
Aia no hoi o Ned ma kahi a Kate i haalele ai iaia, a o kona mau papalina hoi ua haikea. O Iesu hoi ka mea i ike i ko loko o kona naau, ka paio ana ilaila, ka nui o na mea ana i hoomanao ia wa. "E ka Haku e kokua mai ia'u," wahi a Ned, a o ka hoomaka no ia o na mea e paa ana iaia kaawale aku mai iaia aku, a ku olohelohe iho la oia, e like me kona wa mamua i ulu ole ia e na diamonio.
"E Max, aole ou makemake i bia," wahie ana, i ka wa i onou ia mai ai o ke kiaha bia a pili loa i kona lehelehe.
"Ua mai anei oe? Ua haikea loa kou ma papalina," wahi a ka hoa.
"Ae@ e na hoa, he nui ko'u pilikia no'u iho," a uhi ae la o Ned i kona maka me ka papale, a uwe iho la iloko o ke kaumaha.
Ma kekahi ahiahi la Sabati, ma ia hope iho, e malama ana ka Aha Opio i halawai haipule,a komo hapa mai ka Papa huli Baibala, a na ui i kamaaina ma ka Kula Sabati: a mahope o lakou na "eha waiwaiole," malalo o ke alakai ana a Ned,--me na maka hoihoi, a e hehi koa ana.
Ua hooko pono o Aunt Kate i kana hana, he koa wiwo ole no ia, a eia ka hope oia hana. Na ke aloha i ka uhane e iho ana i ka nenelu o ka make i paipai ia e hooikaika e hoopakele ia ka uhane, a o ka manao io i ke Akua i koa iaia e hooko i keia hana aloha, i ka poe hoi i paumaele i na hewa he nui.
Na Ekalesia.
Malalo o keia poo, e hoopuka mau aka ai makou i ka moolelo e pili ana i na Ekalesia a puni ka Pae Aina. E kakau ma na mea ano nui a e hoopuka ia aku no.
NA KOKUA O NA EKALESESIA
HAWAII.
Ma ka hoike a ka Puuku o ka Ahahui Euanelio o ko Hawaii Paeaina, i paiia ma ka nupepa haole "Friend" o ka malama o Novemaba, ua maopopo ua uuku loa na dala ma ka waihona i keia wa. I mea e pau pono ai na hana o keia makahiki e hele nei, e pono ke loaa mai i $5,000,00.
E hoomanao e na Ekalesia i keia, a e hooikaika e hookupu dala nui no ka pono o ko ke Akua aupuni ma Hawaii nei a me na aina e.
J. BICKNELL,
Kokua Kakauleta.
MOOLELO KA AHAHUIKULA
SABATI O KA MOKUPUNI
O OAHU.
Okatoba 3, 1888. Halawai ka Ahahui Kula Sabati o ka Mokupuni o Oahu ma ka Lunakini o Kaumakapili. A hoomaka ia na hana me ka himeni a me ka pule a hoomaopopo ia na lala o ka aha i hiki mai.
Kula Sabati Kahu Elele
Kawaiahao ------- ------
Kaumakapili ------- ------
Kalihi&Moanalua D Kaneheana
Ewa S. P. K. Ikuwa D. Kalou
Waianae ------- Kaaiholei
Waialua ------- ------
Hauula ------- S W Keau
Waikane ------- ------
Kaneohe ------- ------
Waimanalo ------- ------
Koho ka aha ia E S. Timoteo i lunahoomalu, a ia S. Kapu i kakauolelo.
Koho ka Lunahoomalu ia S. Waiwai ole, S. P. K Nawaa, Kaaiholei i komite imi hana, a hoike hapa mai ke komi te i na kumuhana a aponoia.
1 Hapaha hora haipule, 2 Hoike a na kahu kula S. N, 3 hoike o na kahu kula Sabati apana, 4 hoike o na elele, 5 komite hoeueu i na kula Sabati, 6 i dala no ka waihona nui o na Kula Sabati, 7 E noonoo keia aha i dala no ke kia hoomanao o Rev. L. Laiana, 8 na heluhelu haawina.
Na E. S. Timoteo a me S. Kapu i hoike mai no ko laua mau apana.
Na S. P. K. Nawaa i hoike mai no kona mau kula Sabati.
No ke kakauolelo i ko ke kula Sabati o Kalihi me Moanalua, ua kamailio nui ka aha no keia hoike, a mahope o na kamailio ana ua apono ia ka hoike.
Na D. Kaneheana, D. Kalou, S. W. Keau, i ka lakou mau hoike, ma ke ka pae ia ana o na rula ua ae ia o Kaaiholei e hoike waha mai no ke kula Sabati o Waianae.
Kumuhana 5. Ua hoomau ia na K. K. S. N. i mau komite hoeueu.
Kumuhana 6. Ua waiho ia na na K. K. S. N. e mahelehele i na haawina dala o keia aha iloko o ko laua mau Kula Sbasti pakahi.
Kumuhana 7. Ua hoopanee loa ia.
Kumuhana 8. Aole mea i hana ia. Na Rev. E. M. Hyde i waiho mai i keia kumuhana. E imi ia kahi kumu po no e ao ai i na lala o keia aha ma na haawina hana kupono e ao ai iloko o na kula Sabati o lakou. Koho ia o Rev. C. M. Hyde i komite e huli ai i kumu, a hoike mai i keia halawai ae a apono ia.
Na A. P. Kalaukoa i waiho mai i keia kumuhana. E ao ia na kahu kula Sabati a pau a mai ao hoanoe a hookahuli ma ke ao ana i na haawina iloko o ko lakou mau kula Sabati iho, ua kamailio nui ka aha ma keia mau kumuhana a ua lawe ka aha i na olelo ao mai na hoa mai i mea ao aku i na kula Labati. A ua waiwai keia aha i ka lohe ana i na olelo mai ke kahu ekalesia mai o Kaukeano, a ma ke noi ua heluhelu ia a aponoia, a hoopakee keia halawai a ma kahi e halawai hou ai ka ahahui euanelio o ka mokupuni o Oahu nei. Aponoia.
S. Kapu.
Kakauolelo.
HOIKE KULA SABATI O
LAPAHOEHOE, HILO AKAU,
HAWAII.
E malama ana na Kula Sabati o Hilo Akau i ko lakou hoike ma ka luakini o Laupahoehoe, ke hiki aku i ka la Sabati hope o Dekemaba 30, hora 10 a. m. 1888 nei, e hui pu mai ana na Kula Sabati o Puuohua a me Honohina, Hakalau ma ia la, ke oluolu mai ka Mana Kahikolu Hemolele Loa ma ka Lani, a e loaa no na lei o ke ola ma o, ma ke ao malamalama olino a nahi.
E liulu e makaukau na Kula Sabati i ko lakou mau haawina oia na haawina a ka Makua Laiana ma ka Nupepa KUOKOA, a e makaala na Kahu Kula Sabati a me na Kumu, e ala a eleu a hoolana manao mau. Owau no me ka oiaio.
N. Kehaula.
K. K. S. o Puuohua.
Novemab 14, 1888.
PAPA KUHIKUHI
NO KA HOIKE HUI O NA KULA SABATI
O MOLOKAI.
Ma Kaluaaha Ianuari, 1889, Hora 10 a. m.
Himeni Hui . . . . . . . K. S. A. aoao 155.
Pule . . . . . . . . . . . . o D W. Abarahama.
Na Haiolelo makahiki---------
Himeni Hui . . . . . . . H. A. N. aoao 164.
K. S. O. Halawa.
Himeni Hui . . . . . . . H. A. N. aoao 48.
K. S. O. Honouli & C. O-----
Himeni Hui . . . . . . . H. A. N. aoao 196.
K. S. O. Kawela
Himeni Hui . . . . . . . H. A. N. aoao 125.
K. S. O. Kaunakakai.
Himeni Hui . . . . . . . H. A. N. aoao 108.
K. S. O. Pelekunu.
Himeni Hui . . . . . . . H. A. N. aoao 106.
K. S. O. Kaluaaha.
Himeni Hui . . . . . . . H. A. N. aoao 251.
D. W. ABRAHAMA,
Kahu Kula Sabati.
A HA HOOKOLOKOLO KAAPUNI Apana Elua, o ko Hawaii Pae Aina, ma ka Hooponopono Waiwai, Ma ka hana o ke Kahu Malama Waiwai a me ke kino o na keiki oo ole a E. BAKER.
Ma ka heluhelu a me ka waiho ia ana mai o ka Palapala Noi a Chas. Copp, he mea pili i na keiki oo ole, e hoike ana ua mai lolo ia o E. Baker ko lakou makuakane, a nolaila, ua hiki ole ke malama i na keiki oo ole, a e noi ana e hoopuka ia ka Palapala Hookohu Kahu Malama i ka Waiwai a me na kino o Louisa Baker, Mary Baker a me Chas. Baker ia Chas. Copp.
Ua kauohaia, o ka POAHA, ka la 20 o DEKEMABA, M. H. 1888, ma ka hora 10 A. M., oia ka manawa i koho ia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Makawao, a ma a manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kouoha @ hoolahaia ma ka olelo Hawaii i ekolu pule maloko o ke Kuokoa, Nupepa ma Honolulu.
Kakauia ma Wailuku, Ko Hawaii Pae Aina, Okatoba 15, M. H. 1888.
GEO. E. RICHARDSON,
Lunakanawa Kaapuna Apana Elua.
2207-3t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki, i hana i mawaena o Henry Hiki o Honolulu, mokupuni o Oahu, o ka aoao mua, a me Robert Griever, o ia wahi o ka aoao elua, ma ka la 2 o Maraki, 1887, i kakau kope ia ma ka buke 104, aoao 83, a mamuli o ka uhai ia ana o na kumu aelike o kela moraki, oia hoi no ka hookaa ole ia o ka ukupanee, nola la, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 3 o Dekemaba, 1888, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 3 o Novemaba, 1888.
ROBERT GRIEVE.
Mea Moraki mai.
Penei na aina i moraki ia:
O kela mahele aina ma Hauula, Koolauloa, Oahu, i hoakaka ia ma ka Palapala Sila Nui Helu 1312, Kuleana Helu, 3700 ia Mokulama nona ka ili o 13 eka, a oia no kahi i haawi ia aku ma kekahi palapala ia Henry Hiki i olelo ia e S. W. Hiki, i kakau ia ma ka la 22 o Ianuari, 1887, a i kope ia ma ka buke 105, aoao 6.
2205-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hana ia mawaena o Kaena (k) o Waihee, Maui, o ka aoao mua, a me R. Maka o ka aoao elua, ma ka la 27 o Aperila, 1885, i kakau kope ia ma ka buke 93, aoao 228, a mamuli o ka uhai ia ana o na kumu aelike o kela moraki, oia hoi ka hookaa ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 3 o Dekemaba, 1888, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 3 o Novemaba, 1888.
R. MAKA,
Mea Moraki mai.
Penei na aina i moraki ia:
He aina i alo maikai ma Waihee, Maui, i hoomaopopo ia penei:
1 He kuleana hapalua i mahele ole ia iloko o ka aina ma ka Palapala Sila nui h@lu, 5986 ia Laupahuiu a he hale noho maikai maluna iho no ka mea moraki, nona ka ili he 95-100 o ka eka.
2 He kuleana hapalua i mahele ole ia iloko o ka aina i hookaka ia ma ka Palapala Sila n@i helu 5103 ia M@hi, nona ka ili he 3 eka a me @3-100 o @a e@. 2@05-4t
OLELO HOOLAHA AINA KUAI.
E ike aianei na kanaka a pau loo, owau o ka mea nona ka inoa malalo iho nei, ke hoolaha aku nei au i kuu aina, ua makemake au e kuai lilo aku i kuu aina oia hoi ka aina o Comming, ma Napoopoo, Kona Hema. Hawaii. He aina maikai keia mai kai a uka, ua hoopuni ia i na pa pohaku. He aina maikai no ka mahiko a me ka hanai holoholona, ke h@a nei na alani me ke kope a me ka hal@ kahiki. He eha ponawai, hookahi he 1,50 palela wai, a he hookahi he 500. O na punawai keia i hana ia e Kapena no na moku okohola. He oia mau ko lakou piha i ka wai i na wa a pau. Ekolu hale laau, hookahi pa hale, hookahi hale laaa kupono no ka oihana kalep@ waiwai, o keia mau hale eia i ke awa pae o Napoepoe, Kona Hema. He pa hale maikai nona ke awa pae. Eia ke kumukuai o ka aina: $8,000. Hookahi hale laau hookahi pa aole e lilo ma keia kuai nui ana.
L. LOTA.
Napoopoo, Kona Hema
2201-tf
Ka Waiwai o ka Hilinai
AYER'S
A AYER Laau Sasaparila, kai kaulana a hilinai nui ia no ka hoomaemae koko, ma na wa@ a pau o ka honua, ne aneane 40 ma kahiki i hala ae nei, a ua lawelawe nui ia ho iwaena o na oihana lapaau. O keia
LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomamae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali anei kou? Ua a wili pu anei me na ano mai ikaika? A ua hui pu anei me na wai awaawa hoopehu Na keia
LAAU e hoomaemae ia mau mea ino a pau a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASPARILA A AYER. He maa lahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i hoomomona hou ana i ke koko ino, a me ka hooi) kaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a ke ao holookoa. maluna o ka
Ayer Laau Sasaparila.
I HOOMAKAUKAUIA E
Kauka J. C. Aver & Co. Lowell, Mass.
HOLLISTER & CO
Na A ena ma ka Paeaina Hawaii.
Helu 100. . . Alanui Papu, Honolulu
2086-tf
Hale Hana Lole Nui
KE "PAIONIA O HONOLULU,"
Helu 17 Alanui Ema, Honolulu.
O ka mea nona ka inoa malalo iho, ua makaukau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.
Papale Keokeo, Paleili, Aahu Moepo, &c.
E hana ia no na kauoha e like me ka makemake. A o na kauoha mai na mokupuni mai e hooko ia me ka eleu.
A. M. MILLIS.
Bele Telepon Helu 410 2202-1m
B. F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. - Honolulu.
E loaa mau ana na lole hou o na ano a pau maluna o kela a me keia moku.
Pahu Hale Leta 351. Ele Telepon 274.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H. I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa--kuai a hoolilo aku, a me auhau uku ana.
Na Hale hoolimalima, Rumi, Keena, Aina e hoolimalima, a aelike e ohi i ua uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Dute e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
O na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.
Agena Oihana Hawaii.
2170 1yr. Mar.
OLEO HOOLAHA.
E IKE ananei na kanaka a pau ke nana mai keia hoolaha. O maua o H. W. Keawe a me J. William, Kaanaana opio o Ainakea, Kohala Akau, Hawaii. ma ka mana o na palapala kuai hoolilo loa a J. W. Kanaana makua e ola nei, kane mare a Kahikina Kaanaana i make oia wahi hookahi no i hoike ia maluna. Ua hana o J. W. Kaanaana i oleloia i palapala kuai hoolilo ma ko maua inoa ma ka la 2@ o Iulai. A. D. 1888, i kela mau apana aina e 1, 2, e waiho nei ma Ainakea i hoike ia maluna, oia na apana aina a S. Kapela i kuai hoolilo loa ai ia A. Cameron, ma ka la 22 o Sepatemaba, A. D. 1881, a ma ka la 29 o Ianuari, A. D. 1883, i kope ia maloko o na Buke Aupuni, I keia houlilo loa ia mai hoi e A. Cameron, ma ka inoa o Kahikina Kaanaana i make me J. W. Kaanaana e ola nei.
A malalo oia mana kuai a J. W. Kaanaana i hana ai ma ko maua inoa, nolaila, ke pap@ a hookapu loa aku nei maua i kanaka a pau loa o kela a me keia ano, aoie kulena e hele ai maluna o ua mau apana aina ala a lawe wale i kekahi mea, aole noho@ e wawahi i na pa e hoopuni ana, aole nohoi e wehe i ka puka o ka hale a komo iloko, Ua Kapu loa. Ua @apu pu nohoi me na hoiohoiona o kela a me keia a o, aole e hookomo wale maloko o ua pa aina a a, me ko maua ae ole aku. Ina o ka mea a mau mea paha e haihai ana i ka ma@a o keia hoolaha mahope iho o ka puka ana maloko o ka kakou Nupepa KUOKOA. E hoopii no maua malalo o ko kakou mau kanawai.
Me ka Oiaio.
H. W. KEAWE,
J. WILLIAM KAANAANA, (opio.)
North Kohala, Nov. 1 1888. 2206 3t
PAPA! PAPA!
AIA MA KAHI
LEWERS & COOKE
(O LUI MA)
ma ke kahua kahiko ma alanui Pa@u a me Moi
E loaa ai
PAPA NOUAIKI
o kela a me keia ano.
PaniPuka, Na Puka Aniani, Na Olepelepe
Na Pou, Na O-a, Na Papa Hele, Na Papu
Ku, A me na Papa Mo@ nui loa
Na Pili o na Hale o na Ano a Pau
--A ME NA--
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
----NO KA----
UKU HAAHAA LOA.
E like me kamea e holo ana mawaena
LAUA a me ka MEA KUAI.
HELE MAI E WAE NO OUKOU
Kakela a me Kuke
HALEKUAI NUI O NA WAIWAI
E laa na pahiolo, koi hole,
hamale, koi nui a me liilii, kila,
wili puaa, rula, apuapu, kui o na ano
a pau, kala kaa, hao hoopaa puka
pohaku hoana, kepa, lei ilio, kaula
hao ilio, pahi, upa, pahi umiumi,
kalapu, kope hulu, pulupulu, oepa ka
lakala, lina hao, ami, keehi, a me
-----KAULA OPU.-----
Palau o na ano a pau,
Oo, ho, kopala, pe, kipikua,
hao kope, au ho a pe
a aku, kua bipi, lei bipi,
kaula hao bipi, uwea
pa, uwea keleawe, hao pili
piula, kaa palala, ipuhao, ipu ti
PA-PALAI MAKAU MEKE AHO
Ili wai, papa holoi, kopa ala, kaula
_uaina, hu’akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhikuhi,
pena keokeo, aila
pena, aila hoomaloo,
vaniki kaa, a me
vaniki moe,
PENA HOOMALOO
--a me aniani hale—
AILA MAHU, AILA MIKINI, AILA HAMO
AILA KAA, INIKA KAMAA.
PAUDA, KUKAEPELE. KIANA
PAUDA, UIKI IPUKUKUI O NA
ANO HE NUI A LEHULEHU.
LOLE MAKEPONO
--E aa @a—
AHINAHINA, KALAKOA, KEO
KEO, LEPONALO HULUMANU
UWE-WAHINE, KUI HUMUHU
MU A ME KA LOPI
Ke Kuike e loaa no ia ma kahi o
Kakela & Kuke!
NA MEA PIULA
Mikini Humuhumu
Makini a WHEELER a me WILSON
MIKINI A WIILOX ME GIBBS
NA MIKINI A
--R E M I N G T O N.--
He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO, LAAO
KUNU, PENIKILA HUAALE
PAAKAI, LAAU HOOPAA HI,
@o na Laau Hame a Pela ‘ku.
KAKELA & KUKE