Ka Nupepa Kuokoa, Volume XXVII, Number 49, 8 December 1888 — O MINAMINA A ME KALAUKOA UA POLOLEI LAUA. [ARTICLE]

O MINAMINA A ME KALAUKOA UA POLOLEI LAUA.

£ hoike aku au ia oe e ke Kuokoa, ke Kilohana o ka Lahui Hawaii, o Minamina i ike la ma kou heiu o na pule i noaalo aku h i hope, e kamailio ana no ka luakini o Kaumakapiii a me na mea piii ilaila, he oiaio wale np ia, aole he mau manao hakuepa wale iho no me ka ike maka ole, ua pololei wale no ia inau hoakaka ana, a ua kokua nui au ia mau mea, o ke kaumaha o ke amo ana i na lilo o keia luakmi ua lilo ia i mea e kuihe nui ia āi ka noonoo ana o na hoahanau, aole manawa e ae i komo nui ai na hoahanau o keia ekalesia iloko o ke kaumaha, o keia manawa wale no, a he manawa hoi i hoomaha ole ai na lulu ana, a ua hala loa mawaho o ka mea kupono i ka ahahui ke auamo. Ma ka nana aku, o kekahi kumu hoemi mai keia i ka manaolana o na hoahanau ma na hana ekalesia, a ke ike ia nef ke hoi hope nei kekahi poe ma na hana, na lulu luakini, na kokua no na

lilo £kalesia, no ka hanai kahu, mahina hou, a me kahi mau lilo e ae 1 maopopo ole. Oke anaina pule he kakaikahi loa ka hele ia mai • ka pule, a o ka hapanui aia no ma na home kahi i noho ai, o ka nani o ka luakini ka okana na neho hao, na wai hooluu ona pena, na puka nunui moakaka ke nana aku, aole la i lilo i maa ohohia nui ia e na hoahanau, no Ka mea, aia iloko o na hoahanau ke kaniuhu mau ana. O ke koho ia ana o ke kahu i koinite noi dala ma na mokupuni a pau he mea kanalua ka loaa ana o ke dala iaia no ka mea, eia noke kaniuhu ke noho nui iloko o ke kino o ka ekalesia ma o kona mau hoahanau la, oki loia aku hoi ka poe mawaho mai e nuho mai nei ma na mokupuni, ka poe aole i awaawaaina mai iloko o ka hale, he mea nui ka nana ana i ka make o na hana ekalcsia i keia wa.

O Kalaukoa i pane ia e Iwa, ma ka inoa hoenalo Kaumakapili, he hoomahuahua ana aku ia i ka pono o ka aoao o ka poe nana e hoike mai i na kee a me na kina iloko o ka ekalesia o Kaumakapili, a na Kalaukoa hoi i hoike ae no kona pale ana iaia iho no na oleio a Iwa i puka ma ke Alakai, kona kapae ia ana mai ka ekalesia o Kaumakapili, ke kumu o kona kapae ia ana, a ua hiki ke ike ia he mea oiaio loa ka Kaiau laukoa i hoakaka ai, ua kapae hala oie loa ia oia ma keia hana ana oka aha luna, o ko Kalaukoa hoole ana aole e iulu a me ka papa pu ana i kona mau hoa kanaka ua poloiei loa ia.

No ka mea, ua hoike o Kalaukoa i ka nui o ke dala i lu lu ia no ka luakini, a me ka nui o na dala t uku ia no na lilo, ke koena aie: o keia mau mea a pau he oiaio loa ia, aole nae e hiki ia Iwa ke pale i ka Kalaukoa, no ka mea, ua ike na mea a pau ma ka la i hooiaa ia ai ka luakini a pehea )a e nalo iho ai ka mea oiaio loa, o ka wahahee no ke nalowale, a o ka oiaio ku mau aku no oia imua o ke akea. £ he ike hou aku au ia oe e ke Kilohana, ma ke Sabati aku nei Nov. u, ua hoike mai ke kahu o Kaumakapili maluna o kona a*ai i oia kekahi mea hoole loa i ka lulu ana i dala no ka lua kini o Kaumakapili, oiai oia e noho ka hu ana no na ekalesit huiia o Helani a me Kailu.i, Kona, Hawaii, a ua palapala aku o Kuaea iaia e kokua mai, ua hoole mai oia aole e haawi 1 hookahi neta no keia luakini, palua a pakolu ko Kuaea palapala ana oo keia mea, ua mau no kona hoolo ana, a pehea keia hana ake kahu ? Ua lilo anei keia hoole ana ona i mea e kapae ia aku ai tka noho kahu ana no Kaumakapili ? No ka mea, oia no ke kahu eku nei iloko o ka hale ona i hoole ai, a pela e kohu ai ke olelo ia: 4t O Minamina a me Kalaukoa oa pololei laua- n Aka, na laua e nana keia mea, oka pono o na hoike oiaio aole laua e hoka, no ka mea he oiaio na mea a pau. i ItEPOKa