Ka Nupepa Kuokoa, Volume XXVII, Number 50, 15 December 1888 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVII,  HELU 50.  HONOLULU, POAONO, DEKEMABA 15, 1888.  NA HELU A PAU, 2211.

HOOLAHA LOIO.

W. O. SMITH.

Loio ma ke Kanawai.

Helu 66, Alanui Papa, Honolulu.

W R. KAKELA.

LOIO A HE KOKUA MA KE KANAWAI

He Luna Hooioio Palapala.

WILDER & CO. (WAILA MA.)

Mea kuai papa a me na lako kukulu hale na ano a pau, a me na me no pono a pau no ha hale.

Kihi Alanui Moiwahin me Papu.

CECIL BROWN,

LOIO A HE KOKUA MA KE KANAWAI

he agena Hooiaio Palapala no ka Mo-

hupuni o Oahu

KEENA HANA : Ma alanui Kalepa.

A ROSA. (AKONI.)

LOIO A HE KOKUA MA KE KANAWAI.

He luna Hooiaio Palapala,

KEENA HANA : Ma ke Keena Loio Kuhina.

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

Ke Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e @ ma ka olelo Hawaii.  Dala no ka hoaie ma ka moraki ma na waiwai paa.

KEENA HANA:  Alanui Kalepa.

VOLNEY VAILLANCOURT ASHFORD,

AKEPOKA.

He Loio, Hoakaka, Pale ma k Hanawai,

Kakauolelo, Lunahooponopono a me

ka hona ana i na Palapala Hoolilo.

LAWELAWE ILOKO O NA AHA A

PAU O KE AUPUNI.

E hana ia no na Palapala pili Kanawai a @

Keena Hana Helu 21, Alanui Kalepa,

Honolulu Hale.

WILLIAM C. ACHI.

Loio a he kokua ma ke kanawa imua o na aha a pau o keia Aupuni.

He Mea Ana Aina a he Boroka ma na waiwai paa.

Keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson.

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu, Honolulu.

HOOLAHA.

G. W. A. HAPAI.

He Luna hooho Mare.

---A HE---

AGENA HOOIAIO PALAPALA.

E loaa ao ma Hilo-taona, Hawaii, ma na manawa a pau.

E G. HITCHCOCK.

(AIKUE HIKIKOKI)

LOIO, A KOKUA MA NA MEA A PAU E

PILI ANA MA KE KANAWAI.

E @ ia me na Bila Aie, me ka awiwi

HILO, HAWAII.

GEORGE P. KAMAUOHA.

Ke Loio a he Kokua ma ke Kanawai.

---A HE MEA---

ANA AINA.

E loaa no ma Kohala Akau, Hawaii.

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO

BERITANIA A ME KA OLELO HAWAII.

Keena Hana, maluna ae o ka Banako o Bihopa ma.

OLELO HOOLAHA NO KA O

LIMA.

E ike auanei na mea a pau, ua makaukau ka Papa ola e haawi i ka o lima ana me ka uku ole i na mea a pau i @ ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka hale haawi Laau o ka Papa Ola ma Kapamoo, ma alanui Hotele, ma na hora hana o ke Kauka Aupuni i hai ia malalo iho nei:

                        Mai ka hora  8

Hora Hana {       "      "    "     10

                        kakahiaka

N. B. EMERSON.

P@kena o ka Papa Ola.

NEDE NIKONA

---KA---

Puuwai Haokila a Hooko

Kauoha Poina Ole '

---A O KA ---

Holapu Hope Loa

---A KA---

"ALABAMA,"

Ahikanana a Puhipuhiahi

o ka Moana Atelanika.

"Elua Kup@eu o ka moana,

A na o Pa e makau nei ;

P ka Alabama me ke Senedoa,

I ka uhai loloa mai mahope."

MOKUNA I.

KA NIUHI HOLAPU MOANA.

AIA iloko o ke au o ke kaua kuloko nui ma Amerika Huipuia, iloko o na makahiki i mawehe ia'i ka pili o na mokuaina o ka Hema mai na mokuaina mai o ka Akau; oia na la i olelo ia he mau la we@ ma ka moana Atelanika.  Aia ia manawa, e holapu ana ka moku powa kipi Alabama i na moku kalepa o ka aoao Akau, a ua nui kana mau poino i kau aku maluna o ke Aupuni o Amerika a me kona mau makaainana mamuli o ka pakaha ana i na waiwai a me ke puhi ana i na aumoku kalepa i ke ahi.  Ua puni iaia ka moana Atelanika, e hanu ana me he ilio @ae la, a ke loaa aku iaia kona pula kaumaka, hookahi wale no hopena, o ka lawe pio ia.  Aole loa nae oia i alualu a hoao paha e paio aku i kekahi moku kaua, no ka mea, o ka hao i na moku kalepa kana hana.  A mailoko mai o na mea e pili ana i na hana a ua Alabama nei i kakau ia'i keia moolelo penei :

E hoomaopopo ia, ke hoomaka nei ka kakou moolelo maloko o ke keena nani i hoola@wa ia me na mea a pau o kekahi wahi mokuahi Amerika, oiai e palau ana kona ihu i na ale kawaha o ka moana kai ino o ka Atelanika Hema.

O ka manawa, oia no ka hora 10 o ka po o ka la 13 o Maraki, 1864.

Maloko o ua keena nei, e noho ana kekahi poe ekolu, he kanaka aoo nanaina maikai nona na makahiki i ae aku ma kahi o ke kanaono; a he kanaka opio ui o iwakalua-kumamakahi makahiki, he kino maloeloe kona me na helehelena o ke koa wiwo ole; a he kaikamahine nohenohea liula nona na makahiki ma kahi o ka umikumamaiwa.  O lakou na poe ekolu e noho ana iloko o ua keena nei ma ia manawa.

Ua @ke na nana@a o ke kaikamahine me ko ke kanaka ao@ a o na ka m@ ana mawaena o laua ka mea nana i hoike mai he makuakane a kaikamahine ko laua pili.

Mahina ae o ko lakou mua poo, e welo ana ka hae hoku me na kahakahana o Amerika, he hae hoi i manao ia aole i maluhia loa maluna o ia wahi mo@u uuku e au i ke kai ma na palena o Atelanika Hema iloko o ia mau la.  E niau palanehe ana ua wahi moku nei me ka oni a luli ino ole, no ka mea he ano malie a aole hoi he akuku loa na p@lewa ana a na ale, a o ka mea iaia ka huila o ka hoeuli, he kanaka makaukau a ua ike i kana hana, oiai, he kawa ia nana i lele a opu no na makahiki lehulehu.

"Aole o'u manaoio i keia olelo e kaena ia nei aia o Kapena Semesa ma na wahi a pau," wahi a ke kanaka opio i pane ae ai, me ka mino lihi aka ana'ku ke kaikamahine nohea e hilinai ana maluna o kekahi noho nani nolunolu.  "Ua maopopo no ia'u he olali ka holo o ka Alabama; a ua lohe ia mai nei aia oia ma ka moana Inia, a he manawa pokole loa mahope iho ua haawi aku la i kona hoolauna ana i kekahi o ko kakou mau moku kiai awa me na anoano hao o ka waha o kona mau pu aoao.  Ua maopopo no ia'u keia mau @ a pau. aka, aole me i hiki

[line unreadable]

[line unreadable]

kekahi o keia mau la aku. e k@ mai @na no ia me ka poino."

"He hopena ko na mea a pau e hoea mai ana no i kahi wa," wahi a ke kanaka aoo i pane ae ai.

"Aka, ahea ?" wahi a ke kaikamahine.

"Aole no i liuliu loa," wahi a ka pa@e a ke kanaka opio.

"He mau manao maopopo ole ko'u," wahi hou a ua kaikamahine nei.  "He kaena kahiko loa kau e Nede, i ka manawa mua loa o ko Kapena semissa hoo@ka ana e au i ke kai.  Ke mau nei no kona hele lanakila ana, a ke hoomalamalama mau nei oia i ka ilikai moana me kana mau moku e puhi ai i ke ahi.  Heaha ke kumu alualu ole o ka Akau iaia a lawe pio ?

"E hana aku ana no ka Akau pela; e haawi aku nae i manawa." wahi ho@ a ke kanaka opio.

"I manawa; ke hopohopo nei au o ka manawa i haawi ia e kawa loa aku ana a hiki i ka manawa pau ole," @ ka mino aka ua kaikamahine nei i pane ae ai i keia mau olelo.

"Alia, e Ruta, wahi a ka makuakane, "me he la ua mahalo oe ia Kapena Semisa a me kana mau hana.  O ka kou, ma ke ano he poe k@pa oiaio a aloha i ke Aupuni, aole loa e pono e hoohoihoi aku i na kipi.  E hoea aku ana o Kapena Semisa i ka mole o kana kaula mahope.  Aohe o'u aie manao aloha nona, no ka mea, i kela manawa ana i alualu ai a puhi i ke ahi i ke'a moku kialua Greyhound, ua pakaha aku oia mai ko'u waihona he iwakalua tausani dala."

"Ke ana nei oe i kou inaina mamuli o kou mau poino; ina paha he hookahi haneri tausani kou poino, pehea la ka mahuahua aku o kou inaina ia Kapena Semisa," wahi a ua kaikamahine nei i pane aku ai i kona makuakane me kona wiwo ole.

Aole nae i pane koke mai ua makuakane nei, oiai ua hoomaopopo iho la oia ua kuupau ia ka holo o ka moku a e nome awiwi ana ka huila, a huli ae la a niniu awiwi aku la ia Nede.

"Heaha ke kumu o ka hooikaika ia o ka holo ?"

Mamua o ka loaa ana he manawa e pane ai i keia ninau, ua wehe koke ia mai la ka puka o ua keena nei, a ku ana kekahi kanaka, na kona aahu i hoike mai oia ke kapena o ka moku. Kukoke ae la o Nede a me ke kanaka makua iluna.

"He makemake au e kamailio pu me oe, e Mr. Fegusona," hele aku la ua kanaka makua nei me ke Kapena ma kekahi wahi okoa, a koe iho la na opio elua.  I ka hiki ana o ke Kapena me Mr. Fegusona ma kahi kaawale, ua pane mai la ua Kapena nei :

"He makemake au e hai aku ia oe, aia i keia manawa ano, ke alualu ia mai nei kakou e kekahi moku nona na hiohiona a'u e makemake ole nei."

"Auwe ! Aole paha," wahi a Mr. Fegusona.

"Mai hoopihoihoi ia oe iho  Ua kamaaian au me ka Natila, a me na mea a pau o luna ona, ua lawa kona holo e eo ai ka mokuahi holo loa, ke loaa ole kekahi ulia i kona enekini.  Ua maopopo ia'u e lohe ana no oe no keia alualu ia o kakou, nolaila, awiwi mai la au e hai mua aku ia oe, i lilo ai nau e hoike malie aku imua o kau kaikamahine me ka malie.  Ke holo nei kakou i keia manawa ma kahi o umikumanakahi mile i ka hora, a he hiki ia'u ke hooi aku a hiki ole i keal moku ke hoopilipili mai."

O keia na huaolelo hoolanalana a Kapena Belodina o ua mokuahi natila nei imua o Mr. Fegusona, ke kanaka ona miliona i kau mai maluna o kona moku me kana kaikamahine me ka ano he mau eepakeke.

Ninau aku la o Mr. Fegusona, "ma kou manao, owai kela e alualu mai nei ia kakou,---o Kapena semisa anei?"

"Aole au e huna i kekahi mea mai a oe mai, e Mr. Fegusona; ke hopohopo nei au o ka Alabama keia e hahai mai nei ia kakou," wahi a ke kapena.

Me ka leo puiwa o Mr. Fegusona i pane hou mai ai---"e Kapena Belodina ke ake nui nei au aole kela o ka Alabama; ke hoike aku nei au ia oe me ka oiaio loa, eia me a'u iluna nei o ka moku, na waiwai i hiki aku ke kumukuai i ka olua haneri tausani dala a oi." 
 (Aole i pau.)

HE KAAO

---NO---

HAPAIKALA-

Hapaikamahina

KA HUAOHIA NANI

I LOAA MA KA

Piko Mauna o Farani

Ka ui nana i Kakela ke

Aupuni o ka Lihilihi

o na Manu.

I Kokua ia e HULUPAINA kona Pokii.

Unuhi ia e H. Kane.

UA PANE  aku la ke koa opio i ka ona hotele:  Ua makemake au e hoopiha ia kekahi o kou mau kaa me ona ai a me ona aahu, alaila, e lawe aku oukou a mawaho o ka palena o keia kulanakauhale e pili kokoke ana i ka ululaau, a malaila e waiho ai i na ma a pau.

Ia wa, pane mai la ka mea hotele, heaha ka haaha nui o keia mea au i makemake ai e ke lii e lawe a ma ke kuahiwi, alaila waiho, oiai, aole mea kokua ia oe ma ka malama ana i keia mau mea, a eia ka'u ia oe e ka alii opio, ina he makemake oe i kanaka hana nou, alaila, he hiki loa ia'u ke hoolawa aku i kanaka nou.

Pane aku la ke alii opii i ka ona hotele, a hoomalo mai la oia i ke kaulawaha o kona lio, a he manawa ole, ku ana laua nei i ko laua nei home uka iuiu a hoi ae la no ka lio iloko o ka buke a komo loa aku la no hoi keia a ma kona rumi noho iho la keia nanea a liuliu, ua hoi mai la no hoi ko ianei mau makua a komo mai la ike mai la ike mai la i ka laua keiki e noho ana iloko o ka rumi.

Ia wa, ua hele mai la na makua e ike i ka laua keiki me ka ehaeha o ko laua manao i ka nalowale loihi o ka laua keiki a pau ke kaumaha e haanipo ana maluna o na makua, a ua ninau pono mai na makua i ka huakai a ka laua keiki.

Ia wa, ua hoike aku la ka laua keiki i ke ano o kana huakai me kona ano hoopunipuni aole me kona hoike aku me ka oiaio, a ua manao kona mau makua, he oiaio keia mea a ka laua keiki i kamailio aku ai, a i ka hope loa ua hoike aku oia i kona mau makua he nui kana ai a me kona mau pono aahu i lawe mai ai a no ke kaumaha loa, ua haalele aku nei au iwaho o ka ululaau, a ua manao au he ekolu paha hora i koe alaila hiki mai i o kakou nei kela mau mea a pau a'u i hoike aku nei ia olua.

Ia wa ninau aku la na makua i ka laua keiki, owai ka mea nana e lawe mai i kau mau ukana i ko kakou nei wahi e like me kau mea i hoike mai nei ia maua.

Pane aku la ka laua keiki me kona huna i kana mau mea mana a aole hoi ona makemake e hoike i kona mau makua, o ka poe nana e lawe mai i ka'u mea i olelo aku nei ia olua, he poe holoholona hihiu lakou.

Pane mai la kona mau makua, pehea e hiki ai i na holoholona ke hoolohe mai i kau mau olelo ?

Pane aku la ka laua keiki, o ka'u @ ia o ka hele @ ana i keia mau la o ke ao i na holoholona i ka olelo, a @ @ ia lakou ke hoolohe mai i ka'u olelo, ina aole o olua manaoio i ka'u mau mea i olelo aku nei ia olua, alaila e ike no olua i ka oiaio o ka'u mau mea @ hoike aku nei ia olua ma keia la.

Ia wa, aole hona mau makua i manaoio i na olelo a ka laua keiki a ua kono mai la laua i ka laua keiki e hoi lakou e paina i ko lakou paina i ko lakou paina awakea, a hoi aku la lakou a ma ko lakou wahi papaaina i @o makaukau ia a noho iho la lakou paina.

I ka pau ana o ka lakou paina ana, ua hele aku nei na makua i ka laua hana mau o ka mahiai, a noho iho nei no hoi ka kakou koa opio i ka hale.

Ia wa ike iho nei keia, o ka wa kupono wale no keia e hiki ai ke hoohana i kana mau mea mana.  Ia wa lalau aku la keia i ka ohe i pamiliona ia ka ike a hahau aku la maluna o kahi @ daimana, a ia wa, oili mai la ka helu ekahi o na peahi a pane mai ia penei:

Heaha ka hana nui e kuu haku opio o ke kahea ana ae nei.

pane aku la keia, i kahea aku nei au ia oe e hooiaka mai oe i na holoholona hihiu a ma ka puka nei o ko makou wahi hale.

Ae mai la ka helu ekahi o na peahi a nalo aku la iloko o ke sekona no ka hooko ana i ke kauoha a kona haku a aole i hala he hookahi hora mahope iho ike ia aku la i ke kaoo ana mai o na holoholona hihiu e hele mai ana imua o ko lakou nei wahi hale me na ukana a pau loa mai ka liona a ka bea a me na holoholona hihiu e ae e lawe ana i na waiwai a pau loa i hoahu ia mawaho o ka ululaau.

Iloko o ia wa ua ike mai la na makua i na ano holoholona a pau loa e lawe mai ana i na ano waiwai a pau loa imua o ko lakou wahi hale, a i ka ike ana o na wahi makua i ka liona a me ka bea, a me na holoholona hihiu e ae, ua nui loa ko laua makau, ua manao laua e hoopoino mai ana ia lakou, a ua holo aku laua a pee malo ko o ka malapua.

A he manawa ole no hoi, ua nalo aku la na holoholona a pau loa, a ua ike na makua o ka kakou koa i ka nui o na waiwai e waiho ana ma ka puka o ko lakou wahi.

Iloko o ia wa ua hoi mai la laua i ka hale, a ike mai la laua i ka nui hewahewa o ka waiwai e waiho ana ma ka ipuka o ko lakou hale, a ua manaoio iho nei laua he aiaio ka olelo a ka laua keiki.

Hele loa aku la no laua a hui me ka laua keiki, a pane aku la:

I keia wa, ua hooiaio maua i kau mau mea a pau i olelo mai ai ia maua nolaila ua loaa ia kakou ka pomaikai iloko o ko kakou nohona ilihune ana ma keia kuahiwi mai ia oe e ka hua i oili aku mailoko aku o ko maua mau puhaka.

Pane aku la ka laua keiki, o ka'u mau pomaikai ia o ka hele ana i keia mau la e imi na kakou, oiai, ua ike au i ke nui o ko kakou mau pilikia e noho nei ma keia mau kuahiwi i kahi pono aahu ole, oiai ina e hiki mai ana i ka wa hooilo, ua oi aku ke anu me he kui la e houhou ana i ko kakou mau ili a nolaila, ua pomaikai kakou i ka loaa ana o na pono aahu mamua o ka hiki ana mai i ka wa hooilo a ua lawa hoi kakou i na mea a pau mamua o ke kokua ana mai o na lani.

Ia wa ua kii aku la lakou nei i na mea a pau a hoihoi aku la iloko o ko lakou nei wahi hale me ke kahaha o ka manao o na makua i ka hoolohe ana o na holoholona hihiu i ka olelo a ka laua keiki, a ua manao iho laua me ke kuhihewa, na ka nani o na helehelena o ka laua keiki i hoopalupalu aku i na manao ahiu o na holoholona hihiu o ke kuahiwi, pela mau ko laua manao e nune mau ana iloko o laua.

A pela mau lakou i noho ai a hiki i ka piha ana o namahina eono, a o ka hana mau a ka kakou koa opio o ka hele mau maloko o na kihapai pua e makaikai ai a i keahiahi o kekahi la, lohe iho la keia i ka olelo a kona makuakane i ka pane ana aku i kana wahine, oia hoi ka makuahine ponoi o ka kakou koa opio, i ka pane ana aku.  Ina o loaaa ka pomaikai ia kakou ma keia mua aku mai ka kaua keiki mai a lilo paha kakou i mau mea waiwai a koikoi o ke aupuni o Farani nei. (Aole i pau.)

Lutanela Roge

---KE---

Kiu o ke Kaikuono

O MOBILE.

Ke Kiu a Adimarala Faragata i hoouna ai e Ana a e huli i na Topido ma ka Papaku o ke Kaikuono o Mobile.

He Moolelo iloko o ke Kaua

Kuloko o ka Akau me

ka Hema.

KOMO PU ME KA NEGERO JOSH ILOKO

O KA HAKAKA.

UA holo aku na koa ma kahi a ka leo uwe i pa e mai ai, me ko lakou manao, he mau enemi la kekahi e hoopoino nei i ka maluhia  o na ohana kauhale, aka, i ko lakou wa i hiki aku ai mawaho o kela pa, ua hoopuiwa loa ia ko na koa manao i ka ike ana aku i kela kanaka iloko o ka pilikia, oia no o Kapena Maka Venona i haalele aku ai ia lakou iwaho o ke alanui he mau minute pokole i hala ae, a eia oia ma ke kulana pilikia loa i keia sekona, ua hihia ia kona kuka iluna o ka pa.

"E kokua mai ia'u mai luna aku o keia pilikia," wahi a Kapana Venona i pane mai ai no elua a me ekolu manawa.

"O oe no anei ia e Kapena Maka Venona ?" wahi a kahi aliikoa kopala i pane mai ai.

"Ae, e kokua koke mai ia'u mai luna aku o keia wahi pilikia," wahi hou a Venona e hoomau nei i kana kamailio ana.

Ua kokua kau la kahi aliikoa kopala me kekahi mau koa elua i ka hapai ana ae ia Kapena Venona mai luna ae o ka pa, a ike ia iho la kana pahikaua, ua pepee ia ma o keia haule ana.

"E ai ana kela nika ino loa i ka hua o kana mea i hana ai," wahi a Kapena Venona i pane ae ai.  "E hiki mai ana ka la nona a me au ma keia mua iho, owai ka haku a owai ke kauwa kuapaa."

I keia wa i haalele aku ai o Kapena Venona i na koa a huli hoi pololei aku la no papu Mogana, oiai ke wehewehe loa mai la ke alaula o ke ao o kekahi la ae.

Ua hoololi ae la kahi aliikoa kopala i kona manao komo iloko o ka hale o Edita Taila, mamuli o ka hiki ana mai o kekahi koa a hai mai la i ka lono hope loa, ua make ia ke kiu wahine o Mobile, a aohe he hoike ma ka aoao o Mekia Noutana e kue ai i ke kaikamahine ua lawelawe ia e ia kekahi hana apuka.  Nolaila ua huli hoi aku la na koa no ka halepaahao o Mobile.

KA HIKI HOU ANA ILUNA O KA

HAKAPOKA.

I ka wa a Roge a me ke kaikamahine i pakele ai mai kahi hale mai, ua holo pololei aku laua no ka ulunahele mahope o ka hale a nalowale, a ma keia wahi laua i haawi ae ai i ka honi hope loa o ka ipo me na puliki ana i ko laua mau puuwai, oiai o ka hookaawale ana i keia manawa, oia wale no ka mea hiki ia laua ke hana, e laa ke kulanakauhale holookoa iloko o ka ulu puni no ka pakele ana o ke kiu Amerika mai ka halepaahao mai.

Ua holo aku o Edita no kekahi mau kauhale hoaloha e ku kokoke mai ana, a iho pololei aku la hoi o Roge no kai o ka aekai ma kahi hiki iaia ke ike aku i na aumoku o Faragata iloko o ke kaikuono akea.

Hookahi a ia nei ma e noonoo nui nei, oia no ka halawai aku me na koa i hoonoho ia no ke kiai ma na palena waho o ke kulanakauhale, ina keia e loaa ana ia lakou, e komo ana ia lakou ka manao hoohuoi i ka loaa ole ia ia nei o ka olelo kauoha.

"Ina o Josh kekahi me a'u," wahi a Roge i puana malie ae ai iaia iho.  "E loaa no he kokua nui mai iaia mai.

Ke hoomanao nei no au i kana huaka hoopakele iwaho o ke kaikuono i piha me na topido, a oia ka @ hiwa hiwa i loaa ia Adimarala Faragata, a o ke kanaka hoi a'u i aie nui loa ai no kona lokomaikai."

"No Edita Paila," wahi hou a Roge i puana ae ai.  "Aohe lua a ka Makua Lani i hana ai i ka uhane ola o kekahi wahine, e like me ka puuwai hao a aloha aina o kela kaikamahine. Ua lawe mua au iaia a lilo i mea e hooko ia ai ka oiaio."

Ua hiki aku la o Roge ma ka lihi kahakai a ke hoomaka loa ae la ka malamalama o ke kakahiaka nui. ua ike aku la oia i kekahi mea e hoopuiwa ia ai o kona manao, oia hoi, ua ike aku la oia i kona wahi waapa e lana malie ana, me kekahi koa kiai e ku kokoke ana ma ka aekai.

"O ku'u wahi waapa no kela, a he koa keia e kiai nei i ku'u waapa."

Ua kokolo aku la keia o na lima me na wawae a kokoke i kahi a ke koa kiai e holoholo ana, me kona manao e lele aku oia mahope o ke koa a hopu aku i kana pu, aka, ua huli koke ae la ke koa kiai ihope ma o ka lohe ana i kekahi kapuai wawae kanaka a ike mai la ia Roge, kau koke mai la oia i kana pu me ka pane ana mai---

"Heaha kau hana ma keia wahi?" 
 Aole i pane aku o Roge no keia ninau, oiai o kona ola a me ka make, aia ia ma ka waha o ka pu a ke koa kiai i kela sekona.

Ua lele aku o Roge me ka mama nui a hili ae la i ka waha o ka pu a ke koa kiai iluna a kani aku la, hooholo aku la kona mau lima hao imua a paa ka pu ai o ke koa, aia he hakoko ikaika mawaena o laua.

Ua kupaka like iho la laua nei maluna a malalo, me na puupuu lima e iho ana ma o a maanei, a he mau minute pokole wale no ia o ka laua nei nonoke ana iho, ua paa loa iho la ua koa kiai nei malalo, a hoomaka ae la oia e kuhea, aka, hoopiha koke iho la o Roge i kona waha i ke one, a haalele iho la iaia iloko o kona ehaeha nui.

Ua holo aku la keia no kahi waapa a panee aku la no ka hohonu.

Ua lalau iho la kona mau lima i na hoe a huli hoi aku la no ka mokukaua Hakapoka e ku mai ana i ke awa kumoku, a he mau minute pokole, pili ana keia ma ka aoao a malalo hoi o ka malumalu o ka hae kahiko.

(Aole i pau.)

PAA MARE MA WAIKELE EWA.

Ma Waikele, Ewa, Oahu, Nov 8 M.H. 1888 hora 2 p. m. Poaha, ma ka hale noho o John Kaaiahua, ua hoohuiia ma ka berita maemae o ka mare e Rev. sam. Nawaa o Mr. Kihapiilani me Miss. Lokaili'a, a ua lilo laua i hookahi io, a hookahi pana.  Ua haawi pu ia e na makua mea keiki, he papaaina i luuluu me na mea ona Hawaii a mea ai mamao mahope iho o ka mare ana, oi nuu iho-a hakukele Hilo.

HE OHANA I HOONELE IA I

HOME OLE.

E ka NUPEPA KUOKOA---Aloha oe :

E oluolu kou ahonui e auamo ae i ka'u wahi puolo, oia keia :

Ma ka la 25 o keia mahina, ua hamo ae la na alelo manamana o ke ahi i na wahi pupupu hale o Mr. Hauanio a me Mr. Coan o Kalapana, Puna, aole no nae i poino na wahi ukana, oiai ua loaa aku no na wahi puolo i ka poe o ka hale, o ke kumu nae o ka pau ana o keia mau hale i ke ahi oia no ka waio hemahema o na makua i ke kukae o pele, a ma ia waiho hemahema ana ua loaa i na keiki ke ahi a ua ho a aku la lakou la e like me ko lakou manao, oiai, he mau keki kela aole i naauao, me ko laua ia ike ole ae he pono paha keia, aole paha, a eia no hoi, aole i ike na makua i ka ho a ia ana o ke ahi, ma ka uwahi ka ike ia ana, ina paha i kahi kahi i noho ai a peia ka ike ana i ka a o ke ahi ina ua hopu i ka laau o ke Kuokalani ia "Hoolehelehekii" aka he mea ia e ao mai ana ia kakou e malama.

He ma'u wahi mea hou ia o na kuaaina, a me na keiki oniu  hua kepau ko'u aloha.    MRS. HIRAM.

Kapaahu, Kauai, Nov. 26.