Ka Nupepa Kuokoa, Volume XXVII, Number 51, 22 December 1888 — Page 1
| This text was transcribed by: | Rob Escuadro |
| This work is dedicated to: | ko'u anakala Joseph "Joe" Wells o Hilo, Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELU 51 HONOLULU, POAONA, DEKEMABA 22, 1888. NA HELU A PAU, 2212
HOOLAHA LOIO-
W. O. SMITH
L@ ma ke Kanawai'Helu @6, Alanu, Papu, Honolulu @@ @
W R. KAKELA.
LOIO A HE KOKUA MA KE KANAWAI
He Luna Hooiaio Palapala.
tf
WILDER & CO. (WAILA MA.)
Mea kuai papa a me na lako kukulu hale na ano a pau,
a me na me ne pono a pau no ka hale.
Kihi Alanui Moiwahine me Papu.
tf.
CECIL BROWN.
LOIO A HE KOKUA MA KE KANAWAI?
Ke Agena Hooiaio Palapala no ka Mokupuni o Oahu
KEENA HANA: Ma alanui Kalepa.
tf.
A ROSA. (AKONI.)
LOIO A HE KOKUA MA KE KANAWAI
He Luna Hooiaio Palapala.
KEENA HANA: Ma ke Keena Loio Kuhina
tf.
JAMES M. MONSARRAT. (MAUNAKEA.)
LOIO A HE KOKUA MA KE KANAWAI
He Liuna Hooiaio Palapala.
E hana ia no na Palapala Kuai, Palapala Hoolimalima,
a me na palapala pili kanawai e ae ma ka olelo Hawaii.
Dala no ka hoaie u a ka moraki ma na waiwai paa
KEENA HANA: Alanui Kalepa.
VOLNEY VAILLANCOURT ASHFORD.
AKEKOPA.
He Loio, Hoakaka, Pale ma ke Kanawai Kakauolelo,
Lunahooponopono a me ka hana ana i na Palapala Hoolilo.
LAWELAWE ILOKO O NA AHA A PAU O KE AUPUNI.
E hana ia no na Palapala pili Kanawai a pau.
Keena Hana Helu 21, Alanui Kalepa.
Honolulu Hale.
(2150 1V)
WILLIAM C. ACHI.
Loio a he kokua ma ke kanawai imua o na Aha a pau o keia Aupuni.
He Mea Ana Aina a he Boroka ma na waiwai paa.
Keena Hana, Helu 15. Alanui Kaahamanu Honolulu,
ois ke Keena mua iho nei o Kini Me Peteron.
2114-y
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao Alanui Papu. Honolulu.
HOOLAHA.
@. W. A. HAPAI.
He Luna Hooko Mare.
- A HE -
AGENA HOOIAIO PALAPALA.
E loaa no ma Hilo-taona, Hawaii, ma na manawa a pau.
2152-ty
E G. HITCHCOCK. (AIKUE HIKIKOKI).
LOIO, A KOKUA MA NA MEA A PAU E
PILI ANA MA KE KANAWAI.
E ohi ia no na Bila Aie, me ka awiwi
HILO, HAWAII.
2114-1yr.
GEORGE P. KAMAUOHA.
he Loio a he Kokua ma ke Kanawai.
- A HE MEA -
ANA AINA.
E loaa no ma Kohala Akau, Hawaii.
2091-ty
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELO MA KA OLELO
BERITANIA A ME KA OLELO HAWAII.
Keena Hana, maluna ae o ka Kanako o Bihopa ma.
1yr.
HALEKUAI BIBI HONOLULU
(Hope o Wm. McCandles.)
HELU 7 ALANUI MOIWAHINE, MAKEKE
MA ULAKOHKO.
Na Bibi momona, Hipa, Puaa me Ia, na lako ai ulu & co.
O na kauoha a na ohana a me na moku mai e hooko koke
ia no e ka eleu a me ka hikiwawe.
O na holoholona ola ao na moku e hiki no he hooko koke ia.
Telepono Helu 318.
3185-w
NEDE NIKONA
Puuwai Haokila a Hooko Kauoha Poina Ole:
- A O KA -
Holapu Hope Loa
- A KA -
"ALABAMA,'
- KE -
Ahikanana a Puhipuhiahi o ka Moana Atelanika.
"Elua Ka pueu o ka moana,
A na O I'a e makau nei:
O ka Alabama me ke Senedoa.
I ka uhai loloa mai mahope."
MOKUNA I.
KA NIUHI HOLAPU MOANA
HEAHA ke ano o ka waiwai? wahi a ke Kapena.
"O ka hapanui, ma ka apana daimana, he mea na'u i kuai no ka hoopukapuka," wahi a ua ona miliona nei.
"He hiki wale no ke huna ia mau mea;" wahi hou a ke Kapena.
"Auwe! e manao ana anei oe e lawe pio ia ana kakou e ka Alabama? Ua o'elo mai nei hoi oe he moku holo loa kou" i pane aku ai o Fegus ma me ka pihoihoi a haikea hoi kona mau hiohiona.
"Pela io no, aka, malia o ike ia mai kakou me ke kumu e hoomalie mai ai i ka hoo o ko kakou moku," wahi a Kapena Belodina.
"Ma hoopaa a hoolohi oe i ka holo o kou moku: e Kapena Belodina, e haawi no au ia oe elima tausani dala, ina oe e pakele mai kela moku kipi mai. Aole pakele mai kela moku kipi mai. Aole loa au e ae e hoonani i kela Kapena kipi ne kekahi huna one o ka'u mau daimana. Elima tausani dala ka'u makana ia oe e Kapena Belodina, pela ua ona miliona nei i pane aku ai me ka pihoihoi nui."
"Ae e hooikaika no au elike me na mea a pau e hiki ana ia'u. A mai hai koke aku oe i keia alualu ia o kakou i na opio," wahi a ke Kapena.
"Aole, aka, e hoopakele oe ia kakou, a nau ka $5000"
Lulu lima pu iho la laua, a pii aku la o Kapena Belodina iluna o ka oneki, a hoi aku la ka ona miliona Fegusona iloko o ka rumi, a ike koke mai la o Ruta kana kaikamahine a me Nede, ke kanaka opio, i ka haikea o kona mau helehelena a me ka nui o ka hou e kulu ana; a ninau koke mai la o Ruta ke kumu o kona haikea.
"Aohe," wahi a Mr. Fegusona, "he makemake wale no ko Kapena Belodina e ninau mai ia'u no kekahi mea."
"Alaila he ninau ano he mea pono ia oe e huna mai a'u aku i kekahi mea ano nui, ina paha he nuhou kaumaha, aole loa oe i hana pela mamua'e; a ke hoike mai nei kou mau hiohiona no kekahi mea oia ano. E Papa e hai mai oe i ka oiaio. "O ko'u ake nui mai ka mole loa ae o ko'u puuwai, e loaa ka hopena ia Kapena Semesa a me kona poe a pau i mole lalo loa o ka moana. Ua olelo aku nei au ia kapena Belodina e haawi ne au iaia i elima tausani dala, ke pakele kakou mai kela kipi powa mai. A ma ke ano panai, e haawi no au i na kanaka a pau ona i pine dai nana pakahi."
"Alualu ia e ka Aabama!" wahi a ke kanaka opio Nede, me ka hulili o kona mau onohi a aaki ae la kona mau ku'i. "Pehea ke kulana o ka Natila nei, ua makaukau anei me na pono kaua!"
"He mea lako kona i kupono ole n ka helu ana mai ia ano," wahi a Mr. Fegusona. "E hoomanao oe, he wahi mokuahi kalepa wale iho no keia, aole hoi he mokukaua. O kona pono wale no, oia kona holo, a ua helu ia oia ma kahi o ka papahelu ekahi no ka holo. Aka, pehea la i na e loaa kekahi ulia poino i kona oneki? Auwe? alaila, e haule io ana kakou iloko o ka poho ma o ke kipi. No ke kaua aku iaia, he ake nui ko'u e hiki ia kakou ke hana aku pela. aka, he mea hiki ole ia A ano, ke hoomaopopo nei au ke ano lohi mai nei ka holo o ko kakou moku: heaha la kela?" wahi a Mr. Fegusona i pane ae ai, a holo aku la iwaho mai loko aku o ka rumi a lakou e kamailio pu ana.
He mea oiaio, ua emi mai ka holo o ka Natila iloko oia manawa koke: ua loli ano e loa ae la a me he mea la e ku ana ka moku i kahi hookahi, iwaena hoi o ka moana. Holo aku la o Mr. Fegusona a pii aku ia ma ke alapii a loaa koke aku la o Kapena Belodina e hoomaka aku ana e iho i lalo.
"O kau mea nui i hopohopo ai, ua kau mai maluna o kakou," wahi a ke Kapena.
"Heaha ia mea?" wahi a Mr. Fegusona.
"Ua hai ia kekahi o na apana hana nui o kahi e wili ia ai ke kua'u o ka huila," i pane aku ai o Kapena Belodina me ka huaolelo awiwi.
"Auwe! E kokua mai ke Akua ia kakou," wahi a Mr. Fegusona, a kue ni hope mai la oia. "Alaila. e kaa ana kakou malalo o ka mana o Kapena Semisa."
"Ke hopohopo nei au pela," i pane mai ai ke Kapena.
"Auhea oia?" wahi a Mr. Fegusona.
"Aia ma o," wahi a Kapena Belodina, "me ke kuhi ana aku o kona manamana lima mahope o ka moku "Eia kuu mau ohenan po: he hiki wale no ia'u ke ike i ka moku me ka ohenana ole." Kau ae la ua ona miliona nei i ka ohenana i kona mau maka a haka pono aku la maluna o ka ilikai, a pane mai la.
"Ke ike nei au i kakahi mea pouli nui kiekie i like me he uhane ino la no ka po, ke nee mama mai nei maluna o kakou. O ka Alabama anei kela?"
"Pela ka'u hoomaopopo aku. Aka, he mau minute pokole koe a e maopopo anei ia kakou," wahi a ke Kapena.
"Aole anei wahi o kakou e pakele ai e he Kapena?" i ninau aku ai o Mr. Fegusona.
"He mea hiki ole iloko o ko kakou wa kupilikii. Ua hiki ole ia kakou ke hana i kekahi mea Ina i poloke ole kela apana o ka oneki, ina ua lilo ko elima tausani dala ia'u. Ua hoao au elike me ka hiki ia'u ma na mea a pau, aka, oiai eia he kipi malu maluna nei o ka moku - "
Aole i pau pono loa na olelo a Kapena Belodina, ua pane koke aku la o Mr. Fegusona.
"He kipi maluna o ka moku? He oiaio anei ua kolohe ia ka oneki?"
"E kali oe. E hoomanawanui. E loaa ana no kona uku kupono mahope. E hookuu mai oe ia'u i keia manawa, oiai, he mau hana okoa i keia manawa, oiai, he mau hana okoa ka'u e lawelawe koke aku ana i keia manawa," wahi a Kapena Belodina:
Aole i liuliu loa mahope iho o ko Kapena Belodina haalele ana aku i kana ohua i piha me na manao uluku, ua kokoke loa mai la ka moku alualu mahope o ka Natila.
Ua akoako ae la na sela a pau o ka Natila maluna o ka oneki, oiai, ua maopopo ia lakou, aohe wahi o ka pakele, a e ku ana lakou e nana i ka moku e niau mai nei me ka holo launa ole mahope o lakou.
O ka moana, ma ua po nei, he malino malie, a e owaowaka ana na maka imoimo o na hoku maluna o ka ilikai, a he wahi ahe makani ke peahi maleana mai ke kukulu komohana mai.
Iloko o ka manawa pokole loa, malu ana ua moku nei ma ko lakou nei aoao, a poha maila he leo nui i lohe ia mai mua a hope e ko ka Natila poe.
"E kela moku! Owai oe?"
"O ka Natila, he kalepa mai Nu Ioka mai. Owai oe?" wahi a Kapena Belodina i pane aku ai.
"O ka moku kipi pakaha moana Alabama, Kapena Semisa," wahi a ka leo i poha mai ai mai luna mai o ka Alabama; a na ia leo i hoopuanuanu aku i na poe a pau o luna o ka Natila.
"Kapena Semisa ka lapuwale," wahia kekahi leo i pane aku ai, a huli ae la na mea a pau e ninau, owai la ia.
"Mai kamailio ae pela e Papa," wahi a Ruta i kona makuakane, oiai nona ka leo i lohe ia. "Aole loa e kokua mai ana kena huaolelo ia kakou."
"Heaha ka hewa. E kamailio ana no au, ina no ia he kumu no lakou e liai ia'u. O ka lawe pio ia e na powa, he haawina hoohaahaa a lapuwale loa ia i loaa ia kakou."
(Aole i pau.)
Lutanela Roge
- KA -
Kiu o ke Kaikuono
O MOBILE.
Ke Kiu a Admirala Faragata i hoouna ai e Ana a e huli i
na Topido ma ka Papaku o ke Kaikuono o Mobile.
He Moolelo iloko o ke Kaua Kuloko
o ka Akau me ka Hema.
ILUNA O KA HAKAPOKA.
I
ka a Roge i pili aku ai ma ka aoao o ka Hakapoka, ua pii aku la oia iluna o ka oneki, a o ka leo o Faragata ka i lohe ia aku i ka pane ana ae -
"E hookuu aku i ka Lutanela e hoomaha no kekahi mau hora."
Mahope iho o na ninau a me na hoomakeaka ana, haule aku la oia hooluolu no kekahi mau hora a hiki wale i ka wa a Faragata i hoouna mai ai i kekahi aliikoa e kii mai ia Roge, ala ae la oia a iho la ilalo o ke keena o Faragata, a e kali mai ana oia i ka hiki aku o kona Lutanela.
"Ha-lo, Roge," wahi a Faragata i pane mai ai me ka onou pu ana mai i kona lima akau o ke aloha i ka Lutanela.
"E noho iho ma kela noho, a e hai mai i na mea hou o kau huakai. Mamua o kou hoomaka ana e kamailio mai, e pane mua mai i ka haina o ka'u ninau: 'Ua kanu anei oe i ke kino o kela kiu ioio wahine o Mobile ilalo o ka honua?'"
"Ae. Ua make oia mawaho o ka hale kahi i hoopuni ia ai au me na koa kiu."
"Ha, ha, ha," wahi a Faragata i pane ae ai me ka hilinai pu ana aku ihope o ka noho a lalau ae la i kekahi kika a puhi ae la.
"E hai mai i na mea ano nui o kau huakai e ka Lutanela."
Ua hai aku la o Roge i kana huakai i ke kulanakauhale, e hoomaka ana mai ka hora 10 o ua po nei, kona kipa ana i ka hale o Edita Taila, ke komo ana iloko o ka pilikia ma ka hoopaa ia i ka halepaahao a me ka hoopakele a kela kaikamahine puuwai wiwo ole, na keia mau mea i hookaakaa aku i na maka o Faragata me ka pihoihoi, oia kana i pane ae ai i keia mau olelo -
"Ina wau i manao aia oe iloko o ka halepaahao kahi i hoopaa ia ai, ina ua haawi koke au i kekauoha i na aumoku no ke kipoka pahu aku i kela halepaahao a hiki i kona wa e helelei ai i ka honua."
"A no ke kaikamahine opio, ke noho aie nei ko'u ola no kana mau hana oiaio a me ke aloha ma ka hae kahiko o keia mau aumoku." wahi a Roge.
"Aole ilaila wale ke ana ia ana o ke aloha aina o kela kaikamahine, aka, o ka lahuikanaka holookoa o Amerika i ae ole i ka hookauwakuapaa i kanawai. I ka la e lanakila ai ka'u mau hana iloko nei o Mobile, oia ko'u la e hoike aku ai i na mana kaua o ka Hema, aia no he mau kokua mahope o ke kua o kela kaikamahine opio - owau kona hoopakele."
He kanaka o Faragata no kana huaolelo, a o keia mau olelo ana i pane ae la maluna. ua hooko ia na iniha a pau me ka poina ole.
KA HUAKAI ILOKO O PAPU MOGANA
O keia pakele ana o Lutanela Roge mai ke kulanakauhale mai o Mobile, na ia mea kulanakauhale mai o Mobile, na ia mea i hoomahuahua loa ae i na manao o ka pihoihoi i na kanaka a pau, a o mekia Noutana, ka Ilamuku i apuhi ia ai maloko o kela leta apuka a ke kaikamahine, aia no oia iloko o ka halepaahao o Mobile me kona ipupaka nui e puhi ana, a e kali ana oia i ka hoi aku o na koa i hoouna ia ai e huli i ke ki i Amerika malalo o na kuhikuhi a ke kiu wahine o Mobile.
Ua hoouna i na koa ma o a maanei o ke kulamakauhale, a he hookahi no haawina i loaa ia lakou, he nele a hiki ole ke loaa na a no o kona meheu i pakele ai.
Iloko o ua ahiahi la a ke kulanakauhale e makaala nui nei no ke kiu Amerika, ua lohe ia aku la ka leo o Faragata i ka pane ana mai ia Roge -
"F. Roge, e holo ana oe i papu Mogana i keia po, a e huli oe i ka ikaika kana pale o ka enemi, a me ka nui a me ka loihi o na la a lakou e noho ai ilaila.
I ka wa i loaa aku ai o keia kauoha ia Roge, e like me kona ano mau i na la a pau, pela no kona ano iloko o ia mau minute.
Aole oia i lawe i ke kuihe a me ka hoolauwili i mau mea nana e akeakea ma kona alahele o ka hana. oia kana i haawi aku ai i ka mino aka a me ke kunou ia Faragata, he hoailona hoi no kona ae aku e lawe ana oia i ka hana o ka wiwo ole, i haawina hoohoihoi ma mua o kona alahele.
"He makemake au ae hoouka i keia kaua a hiki i ka wa e hoomaopopo ia ai ka aoao e noho mana ai ia Mobile nei. I ka wa e holopono ai kau mau hana i keia po, e hoi koke mai oe i ke kakahiaka o ka la apopo: a i hala ka la apopo, alaila, e hoomanao no au ua paa pio oe iloko o papu Mogana, a no kekahi la aku au e hoouka ai i ke kaua kue i ka papu."
He po pouii ua po la, a e imoimo malie ana ka maka o ka hoku, ua komo iho la o Roge. ke kahiko maa mau o ke kanaka a ahiahi o na apana kuaaina waho o Mobile, a me kekahi wahi hinai ie i hoopiha ia me ka uwala a me ka uhi, he mau mea ai holopono no ka wa nele ai a me ka pololi iloko o ka wa kaua.
Ua iho aku keia a kau iluna o kahi waipa, pahu aku la i kana hoe i ka aoao o ka moku, a hoe aku la no uka o ka aina mawaena o na papa elua ilalo o ka aina haahaa.
He mau nanaina kamahao kana e nana aku nei i na aumoku, me ko lakou mau kukui e a ana, a me ka uwahi o ko lakou mau pukauwahi e punohu malie ana maluna ae o ka huina o na kia, na keia mau mea i hapai ae na hoomanao ia Roge no keia huakai ana e komo pono aku nei iloko o ka enemi, oia ia hoolai iho ai i kana mau hoe a huli aku la imua, a ua hiki iaia ke ike aku i ka pouliuli mai o ka paia pa pohaku o papu Mogana, a me he mea la ma ka nana aku malalo o ka malamalama o na hoku, ua ike aku oia i na huaolelo weliweli i palapala ma ua paia pa pohaku la e like me keia -
"E hoi hope aku oe e Roge mai kou wahi i hele mai nei. O ke ola - aia aku la ihope: o ka make - eia mamua nei ou. Nolalia, e hoi hope aku oe e Roge ano, mai hookaulua."
I haina no keia nanaina weliweli ana e ike nei, ua ku ae la oia iluna o kona waapa a puana ae la i keia mau olelo o ka wiwo ole -
"E pono au e oiaio me ko'u naau a pau malalo o ka hae kahiko, ina he mau tausani maka e makaala mai ana ia'u, aole no ia he mau kumu no'u e huli hope ai."
He mau minute pokole ia o ka ia nei hoe ana aku la, ua pae aku la keia ma ka lihi kahakai a huna i ko ia nei wahi waapa i ka aeone, paa ae la i kana wahi hinai ma ka lima, a hele auwana aku la no ka hema o ka aina a hiki i ke kakahiaka nui, huli hou ae la oia ihope ma kahi mua no ana i hele mai ai, a he mea ia e kuhihewa ia mai ai e na koa o papj Mogana, he kanaka mahiai o Roge mai kahi koihi mai no ka papu.
O na hoomanao no kela mau huaolelo ana i kuko ai, he make nona ke hookokoke aku i ka papu, ua hoomau aku la oia i ka pii malie ana i kahi kiekie e ku ana o ka papu, a ua ike aku la keia i na aumoku o Faragata e ku mai ana no iloko o ke kaikuono.
"Ha-lo oe e kela koa kiai nou," wahi a Roge me na olelo maalea o ka hoomakeaka. "Aole anei oukou i lohe e pii mai ana na koa Amerika me ka lakou mau pu aunui e ki ia oukou a pau loa?
HE KAAO
- NO -
HAPAIKALA - Hapaikamahina
KA HUA OHIANANI
E LOAA MA KA
Piko Mauna o Farani
Ka Ui nana i Kakele ke Aupuni o ka Lihilihi
o na Manu.
I Kokua ia e HULUPAINA kona Pokii.
Unuhi ia e H. Kane
ALAILA, e ike hou ana wau a me oe i ko'u ohana a me ko'u ai na hanau ma keia mua aku, a e hoola ana aku no wau i ka kaua keiki imua o ko'u makuakane penei e noho mai la ma ke aupuni o Perusia, oia o ko'u makuakane penei, oia kekahi kanaka waiwai loa o ke aupuni o Perusia, ua kaulana oia a puni ke ao hoookoa no ka nui o ka waiwai, a no ko u mare ana ia oe, oia wale no ka ma keia kuahiwi kanaka ole, a pela wau i lilo ai he kanaka ilihune, oiai aohe makemake o ko'u makuakane e mare au i kekahi wahine kulana haahaa loa, aka ua hoo kuli au i kana olelo a ua hele mai au mamuli o ko'u aloha i ka'u wahine a noho ma ke aupuni nei o Farani a hiki i ko kaua mare ana mamuli o ka like o kou mau helehelena me ka'u wahine i make, a ina e kokua mai ana na lani ia kakou mamuli o ka kaua keiki e like me ka kaua e ike nei, alaila e ike mai auanei na poe koikoi a pau loa o ke ao holookoa o kakou kekahi poe i helu pu ia iwaena o lakou.
Iloko o ka wa a ka makuakane o ka kakou koa opio e kamailio ana i kona moolelo imua o ko ia nei makuahine ua lohe aku nei ua koa opio la i na olelo o kona makuakane he mea ia e hoehaeha ana i kona manao no na mea e pili ana i kona mau makua oiai oia e noho ana aloko o kona rumi, a ua puka aku la oia a ku ma ke alo o kona mau makua a pane aku la:
Heaha ka olua mea e kamailio nei?
Pane mai la kona mau makua me ke anbo huna i ka laua keiki, oiai aohe ma kemake o kona makuakane e lohe i kona makuakane e lohe i konba moolelo, he mea ia e hoehaeha ai i ka mana o ka laua keiki, me ko laua manao, aole i lohe ka laua keiki, ua hoole mai ia laua aohe a laua kamailio.
Pane aku a ka laua keiki, mai huna mai olua ia'u, e pono olua e hoike mai i keia manawa.
Paakiki loa mai la no na makua i ka hoole, a no ka pakela paakiki loa o ka laua keiki ua manao laua ua lohe ka laua keiki i ka laua mea i kamailio ai a ua hoike piha mai laua i ko laua moolelo mai ka moa a ka hope.
I ka lohe ana o ke koa opio i ka moolelo o kona makuakane a me kona makuahine he mea e ke kaumaha o kona noonoo, a ua kulu iho kona mau waimaka a pane aku la i kona maua makua:
O ka olua mea i manao ai ua hooko ia, oiai, ke huli hoi mai au mai ka hele ana e ike i ko'u kupunakane e noho mai la i Peruia, a ke hii aku nei au ia olua, e hookuu mai olua ia'u e hele i ekolu makahiki a hoi mai.
Ua ae mai kona makuakane me kona ninau mai i kona manawa e hele ai.
Ua olelo aku kana keiki, he umi la i koe, alaila hele au i Perusia.
Ua ae mai kona makuakane me kona hoike pu mai, ina e holo oe maluna o ka moku, a i ku oe i Perusia e nana pono oe, a i ike oe i kekahi hale kiekie he iwakalua ka nui o na hale e ku ana ma ke alanui Alapalaka, alaila e ninau oe i ka inoa o Men@, a i hoike ia mai kona hale ia oe, e hele poao ei oe a hiki imua o kona aol alaila e haawi aku oe i kuu leta iaia he hoailona ia e hoike aku ana imua o kona alo he keiki oe na'u mai loko aku o ko'u puhaka a ina aole oia e hilinai i ka'u ieka e ka kau ai, alaila e haawi aku oe i keia mau metala hoohanaohano i haawi ia mai e na aupuni nui o ke ao holookaa. ma ke ano makana ia'u kou makuakane nei, mamuli o ka hoohaahaa ia ana o na kanaka naauao loa o ke ao holoo koa a puni, a aole mea hookahi nana i hoohoka mai ia u ma na mea a pau, a pela wau i kaena ai aohe hookahi mea nana oe e hoohoka ma na mea a pau oiai, ua oi ae kou naauao mamua o kou makua nei, ua hiki ia oe ke hooho ka mai ia'u.
Ia wa ua hoi aku la lakou a pau ma ko lakou papaaina a noho iho la, a i ka pau ana o ka lakou paina ana ua hoi aku la no hoi ka laua keiki ma kona rumi a pela no hoi na makua ma ko la ua rumi moe, a pela lakou i noho ai a hiki i ka la o ka kakou koa opio e hele ai i Perusia.
I ke ahiahi o kekahi la oiai lakou e noho ana ma ko lakou papaaina ua pa ne aku ke koa opio i kona makuakane i ka pane ana aku.
Ia olua e ko'u mau makua o ka la apopo e hiki mai ana, oia ko'u la e ha alele ai ia olua ma ko kakou home kua hiwi nei a hele aku au ma ko'u alahele e imi i pomaikai no kakou iloko o keia mau makahiki ekolu a hoi mai, a ma e loaa ana ka pomaikai ma ko'u mau ala hele, pomaikai kakou, a ma no hoi ao le e loaa ana ia'u na pomaikai, oia iho la no, a e kali olua ia'u iloko o ka ma nawa a'u i hai aku nei ia elua he ekolu makahiki, a i hoi ole mai ou alaila ma nao iho olua ua make wau, a hiki hou mai no hoi wau imua o ko olua aoo ala alaila e hoomanao iho olua ua loaa ia'u ka pomaikai ma ko'u alahele
Ae aku la kona mau makua me na waimaka e hiolo ana ma ko laua mau papalina no na olelo a ka laua keiki.
Ia wa hoi aku la lakou a hoaumoe like ia po me ka laua keiki, a i ke ao ana ae ua hoomakaukau mai la kona mau makua i na mea ai a nui maluna o ko lakou papaaina oiai o ko laua paina pu ana ia me ka laua keiki a kaawaie aku no ka manawa loihi.
I ka makaukau ana ua ku aku la laua e hoala i ka laua keiki a i ke ala ana mai o ka laua keiki ua hele aku la oia a ma ka papaaiina i hoomakaukauia e kona mau makua, a i kona ike ana i ka nui hewahewa o na mea ai e lakou ana iluna o ko lakou papaaina ua pane aku la oia i kona mau makua:
Pehea i nui hewahewa ai na mea ai ma ko kakou papaaina nei, oiai ekolu wale no kakou, aole he mea e ae me kakou, a aole hoi pela mamua?
Pane mai la kona mau makua, ua hoomakaukau maua i keia mau mea ai nau oiai o ko kakou paina pu ana no keia a kaawale aku oe no ka manawa loihi mai ia maua aku oiai aole i maopopo ia maua na poino e hiki mai ana ma kou alahele.
I ka lohe ana o ka laua keiki i keia mau olelo a kona mau makua, ua hoopau ae la oia i kona manao kuhihewa a noho iho la paina lakou, a i ka pau ana o ka lakou paina ana ua hoomakaukau iho la ke koa opio i kona mau wahi pono kino a pau a haawi mai nei kona makuakane i ka leta a me na metala he 24 i makana ia mai iaia e na aupuni nui o ke ao holookoa no kana keiki me kona hoike aku e like me ka mea i hoike ia ma na helu i hala he mau hoike oiaio keia imua o kou kupunakane e noho ana ma Perusia oia hoi he keiki oe na'u mai loko aku o ko'u @haka
Ia wa i hopu mai ai ka kakou koa i ka leka a me na metala he 24 a ho o iho la iloko o kona pakeke a kii aku la oia i kana pahu daimana a lawe mai la, a hele aku la oia a haawi aku la i kona aloha i kona mau makua a pela no hoi na makua i panai mai ai i ko laua aloha i ka laua keiki me na waimaka e kiheahea ana ma ko laua mau papalina a hoomaka aku nei ke koa opio e hele, a i kona mamao ana aku ua wehe ae la i kana buke mailoko ae o ka pahu daimana a wehe ae la i na kui he 12 omau ia ke poo o ka buke kahi e paa ana o kona lio.
(Aole i pau.)