Ka Nupepa Kuokoa, Volume XXVIII, Number 1, 5 January 1889 — NA MEA HOU O KALAUPAPA. [ARTICLE]

NA MEA HOU O KALAUPAPA.

Ma ka la 28 a me 29 ua pa ikaika mai la ka makani Kona a lawe aku la i ke alapii o ka uwapo o ke awa kumoku o Kalaupapa. He man hale kekahi ua hoonee ia a kuwala ia e ka makani a ua ulaa pu ia o luna o ke pili, a na keia makani i ho ala mai i ke kai a wawahi i kahi mau hale makai o Kalaupapa, a ua hoonele ia ia poe i ka home ole. Ua lohe wale ia mai o ka hana lealea ka lakou e hana ai iloko o ka hale, mamua iho o ka wawahi ia ana, hahai no ka poino i ka poe hewa. Laukanaka. Makai o Kalaupapa ua piha pono i na hale a ma ke ala e holo ana no Kalawao e ku like ana na hale ma ke alanui, a eku ana hoi ma na wahi kaawale o ke kula, ma na makahiki he 10 i hala ae he kula wale no ia wahi, aka i keia wa eku ana lakou me ka makaukau pono 1 na pono piula wai, lako lakou i ka ai, laiki, palena, paona io bibi a koe ka poe 1 pihkia loa na lima, na na lima kokua lakou e kokua aku. Ka hale o ka Luna nui. Aia ka hale o Reynold ma ka hikina akau 0 ka home o na Sister e noho nei, he hookahi paha Kekakia ka mamao, a ke kukulu ia nei na hale me ka pa, e paa ana paha i keia mau pule o lanuari nei.