Ka Nupepa Kuokoa, Volume XXVIII, Number 2, 12 January 1889 — KA HEBEDOMA PULE MA HONOLULU. [ARTICLE]

KA HEBEDOMA PULE MA HONOLULU.

Ma ka luakini o Kauke@@o ua malama ia na halawai pule mai ka Poakahi a hiki i keia Poaono, elua halawai ana o ka la, ma ke awakea hora 11 kekahi a i ke ahiahi hora ehiku me hapa kekahi. O ke kumu hana o na halawai ana a pau oia luakini, no na keiki a me ka poe opiopio. Ua alakai ia keia mau halawai e ke kahu a me na lima hana kokua oia luakini, ua mahuahua mai ka poe hele, a ua lana ka manao no na hua maikai o ka hana. Ua hoohui ae na luakini o Kawaiahao a me Kaumakapili i ko laua mau halawai iloko o keia pule i hookahi anaina, mai ka 10 la Sabati mai a hiki i ka po Poakolu ma Kawaiahao na halawai, a mai ka 10 Poaha mai a hiki ka 10 la Sabati o ka la apopo, ma Kaumakapili na halawai. Ua hookuuia na haumana maa mau o ka hale kula Kahunapule i keia hebedoma, a ua lawelawe na haumana ma na hana paipai iloko o na kauhale o Honolulu nei a me na aha halawai. O ka mele nui o ka luakini i keia wa, oia ka mele manao lana no na hana pono. Ma ke kino, a me ka lealea o ke kino ka manao nui o kahi poe. Ina o na hua o keia mau la pule, he makaala hou i na hana pono, a ikaika hoi ma ka uhane no na hana o ke aupuni o ka Haku, he pomaikai nui ia. Wahi a ka Olelo Oiaio, "ina e lulu oukou ma ko ke kino e make oukou, aka, ina ma ka uhane e paipai oukou i na hana o ke kino e ola no oukou." O na la maikai no keia e hapai hou ai i na hana pono, a hooholo imua ka Pono e ola'i kanaka. Ua hala ka makahiki kahiko, i waho pu ia aku me na hana kahiko i ku i ka naaupo. E hooikaika ma ka hana pono, no ka maemae a me ke ala iloko o keia makahiki hou. Waimea, Ian. 4, 1889Rev. H. H. Paleka, Aloha oe: I Koloa ko makou Hapanuia i ka la waiho nei, ua hui aku ko makou kula Sabati me ko Koloa ia la me ka huoli. I ka hoike Kula Sabati ana, ua nui na makamaka Hawaii i akoakoa ae a me ka poe Hawaii hele mau i kula Sabati. Ma Waimea nei h0i. he nui ka poe hoohalahala no ka makana ole ia la kou ma ko makeu la hoike Kula Sabati ma ka la 25 o Dekemaba. No ia hoohalahala ana ia mau makana m@ewale, ua lilo ia he mea e hoeu i mai ai i ka hapai ana i ka hana, a he hana ia na'u e hele nei e hoolauna pu me ia poe. Ke hana ia nei ka luakini kahiko i keia wa. A ua manaolana ia e komo ana i ka malama o Aperila. He nui ka hihia ma ke kihapai nei, ua like me ka hihi@e@ ana o na @e o ke kuahiwi. Ke hoomanao ae nei au i ke Akua i kona lokomaikai nui ma o I.K.S. ala a me kona ohana Puuwai aloha, na lakou au e hanai nei a me kou ohana. E hai i ko'u aloha i na hoahanau o Kawaiahao Aloha Happy New Year G. L K@pa. Keanae, Ian 4, 1889. Rev. H. H. Paleka, Aloha oe:— Ma ka la 30 o Dec o ka M. H. 1888, he hoike Kula Sabati ma Keanae nei, he elua no maheie o na hana i lawelawe ia. Ka mua, o ka papa o na makuahine i hui ia me kekahi mau opio (w), ka lua o ka papa o na makuakane. O na hana hoike he maikai, o na dala i lulu ia he $13.95Kou oiaio U. K. MAKAENA. I NA LUNA EKALESIA Ua hooko kekahi hapa o na ekalesia i ka olelo hooholo a ka Ahahui Euanelio e pili ana i ka hoopooopono ana i na Luna Ekalesia ma na papa ekolu.

He kupono e hoouna @@@ @ kakauolelo o ka Papa Hawaii i @@ @@ a o na Luna Ekalesia hou, a me ko lakou mau papa o@@@. Ina aole paha i hooponopono ia keia mau hana @@@ @@ kekahi mau ekalesia, oia ka wa kupono ano, a me ka lokahi ka hana. C.M. HYDE Kakauolelo P.O. 67

EKALESIA O EWA.

Eia mai na mea ano nui o na ekalesia o Ewa nei, mai ke Kula Sabati a hiki i ko ka Ekalesia. Sabati Ian. 6, 1889, hora 10 @@ @ @ ua kohoia na Luna Nui a me na kumu Papa o ko makou Kula Sabati, a eia ko lakou mau inoa: Sam P. K. Nawaa, Kahu D. Kalole, Hope John E. Kahoa, Kakauolelo. Josua P. Kanahele, Puuku. Josia K. Kan@halau, Alakai himeni NA KUMU PAPA J. E. Kahoa, P. Kane, Miss ema Mahi, Pokii Wahine, D. Kalole opio, Mrs. M K. Kahulualii, J. P. Kanahele. Mrs M. K. K. Nawaa. E hoomaka hou ana kula Sabati o Ewa nei i ka M H. hou, ma ka haawi na iloko o ka Nupepa "KUOKOA," i na e mau ia haawina ma ka buke Kauoha Hou a puni ka makahiki, pela no makou e mau ai. Ma ia la no, elike me ka hooholo ana a ka Ahahui Euanelio Nui a me ka Ahahui Euanelio o ka mokupuni o Oahu nei no ke koho ana i na Luna Ekalesia iloko o ka la Sabati mua o Ianuari 1889, ma na mahele ekolu, a penei na inoa : Mahele 1. Hopeni Puahiki, M. Keliikui. Mahele 2. J. Kaulualoha, H. N. Kahulu. Mahele 3. D. Kalo'@, J. E. Kahoa, J. P. Kanahele. Ma ia la no i kohoia ai ka Puukuu Ekalesia a me ke Kakauolelo. Hon. A. Kauhi, Puuku, J. P. Kah@a, Kakauolelo. Ua malama makou i ka ahaaina a ka Haku ia la no, a ua komo ma ka hoike manaoio, he elua. Ma Keia wahi, ke kukala leo nui aku nei au, a ke hoike aku nei au me ka oiaio. Penei : O na Luna Ekalesia o ka makahiki i hala, a i komo ole ko lakou mau inoa iloko o ka Aha Luna e hoike ia nei, a i paa ole iloko o ka buke a ke kakauolelo o ka Ekalesia. Ke hoike nei au me ka oiaio, aole lakou he mau Luna no ka Ekalesia, ua pau lakou. E noho lakou iloko o ka ekalesia ma ke ano he hoahanau. O kela ae la na mea ano nui o ka eklesia o Ewa. O wau no me ka oiaio SAM. P. K. NAWAA. Kawehilani Home, Waiawa, Ewa. Ian. 7, 1889