Ka Nupepa Kuokoa, Volume XXVIII, Number 5, 2 February 1889 — Page 1

 

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA LOIO

 

WR. KAKELA.

LOIO A HE KOKUA MA KE KANAWAI

Ho Luna Hoolaio Palapala

tf

 

WILDER & CO (WAILA MA.)

Mea kuai papa a me na lako kukulu hale na ano a pau, a me na me ne pono a pau no ka hala.

            Kihi Alanui Moiwahio me Papa.         tf

 

CECIL BROWN,

LOIO A ME KOKUA MA KE KANAWAI ?

Ao Agena Hoololo Palapala no ka Mo hupuni o Oahu

KEENA HANA: Ma alanui Kalepa.

tf

 

A ROSA. (AKONI.)

LOIO A HE KOKUA MA KE KANAWAI

He Luna Hoolalo Palapala.

KEENA HANA: Ma ke Keena Loio Kuhina

tf.

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hoolalo Palapala.

            Ke hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii.  Dala no ka hoaie ma ka moraki ma na waiwai paa.

KEENA HANA : Alanui Kalepa.

 

VOLNEY VAILLANCOURT ASHFORD,

AKEPOKA.

He Loie, Hoakaka, Pale @ia k@@ Hanawai Kaka@olelo, Lunahooponopono a me ka hana ana i na Palapala Hoolilo.

LA WELAWE ILOKO O NA AHA A PAU O KE AUPUNI.

            E hana ia no na Palapala pili Kanawai a pau.

            Keena Hana Helu 21, Alanui Kalepa, Honolulu Hale.

            (2150 1y)

 

WILLIAM C. ACHI.

Loio a he kokua ma ke kanawai imua o na Aha a pau o keia Aupuni.

            He Mea Ana Aina a he Boroka ma na waiwai paa.

            Keena Hana, Helu 15, Alanui Kaahumanu Honolulu oia ke Keena mua iho nei o Kini me Peterson.

            2114-y

 

E G. HITCHCOCK.

(AIKUE HIKIKOKI).

LOIO, A KOKUA MA NA MEA A PAU E PILI ANA MA KE KANAWAI.

E ohi ia no na Rile Aie, me ka’awiwi

HILO , HAWAII .

2114. 1yr.

 

GEORGE P. KAMAUOHA.

He Loio a he Kokua ma ke Kanawai.

A HE MEA

ANA AINA.

E loaa no ma Kohala Akau, Hawaii.

2091-1y

 

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO

BERITANIA A ME KA OLELO HAWAII.

Keena Hana, maluna ae o ha Hanako o Hihopa ma

1 yr.

 

HALEKUAI BIBI HONOLULU

(Hope o Wm. McCandlees.)

HELU 6 ALNAUI MOIWAHINE, MAKEKE MA ULAKOHEO.

            Na Bibi momona, Hipa, Puaa me la, na lak@ ai ulu & co.

            O na kauoha a na ohana a me na moku mai e hooko koke ia no me ka eleu a me ka hikiwawe.

            O na holoholona ola no na moku e hiki no he hooko koke ia.

            Telepone Helu 212                              2185-tf

 

PACIFIC HARDWARE COMPANY

Na Hope o Dilinahama Ma.

MauMea Kuai Lako Hao

Alanui Pavu. Honolulu.

 

OLEO HOOLAHA

            E ike au anei na kanaka a pau ke nana mai i keia, owau o ka mea nona ka inoa malalo ke hoike aku nei au, o ka mea a mea paha e loaa ana kuu mau Lio elua, oia hoi keia : I lio (k) ulaula lae kea, eha wawae keokeo, hao I lio (k) hakeakea, hao like me  keia a he 8 kekahi hao ma ka a-i.  E hoihoi mai a loaa au ma Kaalauea Mill, Koolaupoko, a i ole, ma ka liale Wil Raiki o Aki ma Ewa, e uku  no au I lio he $6000.

                                                AKANA PAKE,

                                    Kaalaea Mill, Koolaupoko.

            Dec. 10, 1888.                                     2011-6t

 

 

NEDE NIKONA

KA

Puuwai Haokila a Hooko Kauoha Poina Ole ;

A O KA

Holapu Hope Loa

A KA

“ALABAMA.”

KE

Ahikanana a Puhipuhiahi o ka Moana Atelanika.

“Elua Kupueu o ka moana A na O-I’a e makaou nei; O ka Alabama me ke Senedoa , I ka uhai loloa mai mahope.”

KA NIUHI HOLAPU MOANA.

MOKUNA IV

KO NEDE LANAKILA MUA LOA.

            Me ke ikaika o Samekona i hapai ae ai o Nede i kona hoa paio a kau ma ka paleku o ka moku.

            “Aole i keia manawa, no ka mea, ina wau e haule, o oe pu ana kekahi,” wahi a ua kanaka nei me kona puliki paa loa ana mai i ko Nede mau lima aohe hookuu.

            O ka Nede pane i keia manawa, oia no ka umii paa loa ana i ka pu a-i o ua kanaka la.

            Ua umii paa aku o Nede i kona hanu a hiki i ka manawa i manana ai o kona mau lima a kaka kona mau wawae, ua hoolewalewa aku la oia iaia mawaho o ka palekai me ka pane iho i na olelo,

            “Ano, owai ka i lanakila e Pilipi Pale?  Ke hoopoino hou oe i kekahi mekini, e hoike mua mai ia’u mamua o kou hana ana.”

            O ka hopena o keia mau huaolelo, oia no kona hookuu ana aku i ke kino a kuhoana iloko o na ale huikau o ka Atelanika.

            Iloko o ia manawa koke no, ua lohe ia aku la ka leo o ke liai maluna ae i ka hooho ana,

            “He kukui mamua pono.  He kukui ma ka aoao hema o kakou ke pu-a iki mai ia.”

            Huli ae la o Nede e nana ma kahi o ke kukui i hooho ia, a pa-e koke mai la he leo mai loko mai o ke kai e kahea ana,

            “Kokua!  Kokua!”

            “He kanaka haule iloko o ke kai!” wahi a ke kanaka e holoholo ana maluna i hooho ae ai.

            “Ae, a he kanaka ia i pau kona helu ia ana ma keia honua, aole e loaa ka Kapena Semisa mau makana iaia no kana hana.”

 

 

MOKUNA V.

HOOHOKA IA O KAPENA SEMISA.

            “Owai ka kanaka i haule iloko o ke kai?” wahi a ka ninau a Kapena Semisa.

            “O kekahi o na kanaka i kepa hou iho nei-o Pilipi Pale,” i pane aku ai o Lutanela Balea.

            “Hoolei aku i mau pahu iloko o ke kai.  Aole hiki ia kakou ke kali nona.  Ke hooho mai nei ke kiai he kukui eia mamua pono, a hookahi ma ko kakou loao hema hope.  E alualu mua kakou i ke kukui mamua,” wahi a Kapena Semisa.

            Ina i lohe o Nede i kela olelo kauoha a ke kapena i mau pahu ke hoolei aku iloko o ke kai i mea hoolana no Pale, ina ua hoohauoli ia oia, no ka mea, aole e lana loihi ke kanaka me ia mau mea.

            No ke ake nui o Kapena Semisa e loaa kela kukui mamua, ua kuupau ia aku ka holo o ua Niuhi au nei o ka moana.

            “Ua ike ia kakou,” wahi a Semisa i pane ae ai.  “Huki ia ae ka hae Beritania @@una,” wahi hou i haawi ia aku ai o ke kauoha.”

            Awiwi aku la ka Lutanela elua e hooko i ke kauoha. a he mau minute pokole, welo ana ka hae o Enelani ma ia po maluna ae o ka oneki o ka moku kipi Alabama, ka hana maa mau hoi ma kana uhaiaholo ana i na moku o ka aoao Akau.

            “He hiki no anei ia oe ke hoomaepopo aku i ke ano o kela moku?” wahi a Balea i ninau aku ai ia Kapena Semisa.

            “Aohe maaopopo loa, he ano kiapa a he haahaa,” wahi a Semisa me ke kau no o ka ohenana po i kona mau maka.  “Ina he moku kaua no ka aoao Akau, alaila, aohe makau ana he wahi moku uuku.  Me he la e kauoha aku kakou iaia e hoohuli mai.  E kauoha aku oe e ki ia kahi pukuniahi o mua. ”

            Iloko o elua minute mahope iho o keia kauoha, ua nakolo aku la ka leo o ka pukuniahi me ka poka maluna o ka ilikai.

            ‟Mahalo.  Ke hoohuli maikai mai la ua moku nei a hoolana i ka makani.  E kauoha aku i na kanaka e pii mai iluna nei.  Ke kokoke aku nei kakou e pili,” wahi a ua Kapena ahikanana ala.

            Hoolana iho la ua moku la me ka lula ana o na pea, a ike ia aku la, aohe kela he moku kaua.

            Holo aku la ka Alabama a hoolai iho la ma kahi kokoke i hona aoao, a hooho aku la kekahi leo mai ka Alabama aku :

            ‟E keia moku mao !  Owai kou inoa ?”

            ‟Heaha kou makemake ?  O ka moku Sepania Isabela keia.” wahi a kekahi leo i pane mai ka moku kalepa mai.

            ‟Owai ko oukou kapena?”

            “O Senoa Monatalado.”

            Me ka leo hauoli o Kapena Semisa i puana ae ai,

            “Ua kamaaina a ike au i kela Senoa.  Ua laki ia kakou i keia po.  E ninau aku i kona wahi e holo nei,” wahi a Semisa.

            “E holo ana oukou ihea?” wahi hou a ka leo i ninau aku mai ua niuhi holapu moana nei.

            “I Bahia,” wahi a ka pane.

            “Alaila, e hoolana malie iho oukou malaila, a e hoopiii aku ana makou ma ko oukou aoao,” i pane aku ai mai luna o ka Alabama.

            Ha elima minute mahope iho, e moe like ana na moku elua ma ka aoao hookahi, a ua kau mai la iluna o ka Alabama he kanaka opio me na helehelena ui me na onohimaka uliuli, a lulu lima pu iho la me Kapena Semisa.

            Na ka laua mau kukai olelo i hoike mai he mau hoaloha kahiko loa laua, a mamuli o ka poloai a Kapena, Semisa ua hoi aku la laua i lalo o ke keena nani o ua ahikanana nei, a wehe ia ae kekahi o na omole waina o ke ano maikai loa, a inu ae la i ke ola o kela me keia.

            “A e holo ana oe i Bahia e ke Senoa?” wahi a Kapena Semisa i ninau aku ai.

            “Ae, e ke Kapena,” wahi a ka pane.

            “He ohua no kau?” i ninau hou aku ai o Semisa.

            “Aole hookahi,” wahi a ke Senoa.

            “Owau ka mea ohua, a ua ake nui au e kaawale mailuna aku o ko’u moku.  Ina hoi e oluolu ana oe e lawe aku a hiki i Bahia-“

            “E ae no au,” wahi a ke Senoa Monatalado; oiai, he kanaka Sepania oia i ake e kokua i ka aoao Hema.

            Haawi aku la o Kapena Semisa i ka mahalo i ke Kapena Sepania no kona lokomaikai, me kona hoike pu aku, aole ona manao nui e holo koke aku i Bahia iloko o ia manawa, oiai, ma kona manao, he nui loa na moku e hiki ana iaia e lawe pio ma ka Atelanika Hema.

            A oiai, aole no i manao nui loa ke Kapena Sepania i ka malama pono ana i na rula a me na kanawai o ka moana iloko o ka manawa kaua, nolaila, ua makaukau loa oia i ka ae ana mai e lawe aku i na ohua pio o luna o ka Alebama a iluna o kona moku a e lawe aku hoi a i ha aina o Bahia, ma Berajila; he wahi hoi no na moku o ka aoao kipi e kipa mau ai no ka hoopiha ana i ka manahu.

            “E hoouna koke aku ana au i kaa mau pio iluna o ko’u moku e ke Kapena: he wahi hana uuku nae ka’u me kekahi o lakou a pau ia hoouna aku.  Ua hiki no ia oe ke hoi aku iluna o kou moku, e hoomakaukau no ka hookipa ana aku ia lakou;” wahi a ua Kapena Semisa nei.

            “He poe kela maoli anei lakou a pau e ke Kapena?” i ninau mai ai ke Kapena Sepania.

            “Aole.  he ekolu o lakou he mau ohua no ka Natila: he hookahi o lakou ke manao nei au e paa iaia me au.  Ua olelo aku au e uku ana au iaia no kona alu ia’u, a ke manao nei au e hooko ia mea.  O kekahi mau mea iho o Nikolasa Fegusona a me kana kaikamahine, a nau no e hookipa aku ia laua e like me ke ano au i makemake ai.  Ke hai mua aku nei nau au ia oe he kanaka kanuha a paakiki ka makuakane ke pii mai kona huhu, a ke manao nei au he lala kulike loa ke kaikamahine i ke kumu,” wahi a Kapena Semisa.

            “He wahine ui anei oia?” i ninau aku ai ke Kapena Sepania.

            “O ka oi keia o ka ui a’u i ike ma keia huakai au moana a’u, a ua hiki no hoi au i Sepania a ike i ko laila ui, e ka Senoa.  e paa ana au i ke kanaka poio, i pio oia nau no kekahi mau la hou aku:” wahi a ua Semisa nei.

            Mahope o ke kike kiaha waina ana no ke aloha, ua huli hoi aku la ke Sepania e noho Kapena maluna o kona moku Isobela, a hele pololei aku la hoi o Kapena Semisa i ke keena e noho ia ana e kana mau pio, a komo aka la iloko.

            “E kaawale ana ko kakou noho pu ana e Mr. Fegusona, wahi ana i ka ona miliona.”  Ua hooponopono mai nei au a ua holo, a au makaukau na mea a pau, no ko olua lawe ia aku iluna o ka moku kiapa Sepania Isobela, Kapena Senoa Momatalatalo, he keonimana karstiano oiaio.  Ua minamina au no ka mawehe ia ana o ko kakou noho pu ana iloko o ka manawa pokole, aka, aole au i hoolawa pono ia no ka lawe ana i na ohua.  O oe a me kau kaikakamahine maikai, e hoomakaukau olua no ka holo aku iluna o ka moku Isobela; aka, o ka mua, ke kauoha aku nei au ia oe e haawi mai i kela mau daimana.”

            Kaemi hope mai la ka ona miliona Fegusona, a pane aku la me ka lea kalakala:

            “Kuu mau daimana?”  Ua kuhi au hoopau oe i kou manao hao wale i na waiwai pilikino.  Aole au e haawi pio aku i ka’u mau waiwai makame.”

            “Alaila, e huli ia aku ana kou mau akana,” wahi a Semisa.

            I ka pane ana ae o ua Kapena nei i keia mau huaolelo, lalau ae la kona lima i kekahi wahi piko kaula lilina e lewalewa iho ana maluna, a huki iho la, kani’ku la he bele, a ia manawa i hoea mai ai kekahi o na aliimoku imua ona.

            “I eono kanaka i keia manawa koke,” wahi ana i kauoha aku ai, a nalo hou aku la ua aliimoku nei.

            I keia manawa, ua hele aku la o Fegusona a ku iho la mamua o ka pahu, kahi hoi ana i huna aku ai i ua mau daimana nei, a kau aku la kona mau maka hulili imua o Kapena Semisa.

            O keia iho la ke kulana i ka wa a na kanaka eono i komo mai ai, a ku iho la me ke kali ana no na kauoha a Kapena Semisa.

            “He mea makehewa ia’u ka hoopuka hou ana i ka’u mau huaolelo imua ou,” wahi a Kapena Semisa imua o ka ona miliona.

            “Ke haawi aku nei au ia oe i ekolu minute nou e ae oluolu mai ai me ke akahai.  Ina e pau ia mau minute me ka mau no o kou paakiki, alaila, e lawe lima ikaika ia ae a hiki i kahi hou i hoomakaukau ia nou maluna o ka Isobela.”

            Huki ae la ua ahikanana nei i kana uwati pakeke a nana iho la i ka manawa e helu i na minute.

            “Ua makaukau, au e hele aku.   E paa no oe i kuu pahu.   Aole oe e hanekarupa ia’u ma ia hana au.  E Nede a me Ruta, e heie kakou, ua makaukau au e hehi aku i ka oneki o kekahi moku okoa mai ka oneki aku o keia moku powa pakaha,” wahi a Fegusona me ka hoeu ana aku e hele.

                        ( Aole i pau. )

 

 

Kau Lio Mazepa

A I OLE IA KA

Noeau i ke Kii’na Kipuka-ili

Ke Kamahele ma na Kula Laula o Nubarasaka.

KE KANAKA KAU LIO O NA KUAHIWI O TESETA.

            Oiai ke kanaka opio o ka ahahui e ku ana malaila a kilohi i na helehelena ui o ke kaikamahine leo lea ma ka hookani pila, ua komo iho la iloko ona kekahi manao kolohe o ka hohe wale ma ke ano e apuka aku i ke kupaa o ke kaikamahine opio, oia kana i hele aku ai a huipu mahope iho o ka pau ana o kana himeni, waiho aku la i ka papale i piha me ke dala a pane aku la me keia mau olelo-

            “E ka wahine opio: Me ke ohohia nui i kou leo himeni-e ke kaikamaui a maikai, owau a me ko’u mau hoa’loha, ke noi aku nei ia oe,-e ae mai e lawe aku i keia mau wahi hoomaikai uuku.  No’u iho, ke noi pu aku nei au i kou lokomaikai ke oluolu mai eo, he home ko’u e hoolawa ia ai kou mau makemake me ka lawa i kekahi koena o keia po, ke-“

            Aohe i pau pono loa aku na olelo kolohe a ua kanaka opio la, ua pane koke aku la ke kaikamahine i keia mau olelo o ke kupaa-

            “Ea!  He kaikamahine au iloko o ka pilikia, a o ke kumu nui nana i kono mai ia’u e himeni ma keia wahi, oia no ka hoopakele ana i ko’u makuakane a me a’u iho mai ka pololi mai.  Ke hoole nei au i ka lawe ana i ka lokomaikai o kou mau hoaloha, mamuli o kou hoao ana e kuai ia’u ma ka hana maemae ole o ka hookahuli i ko’u kupaa.”

            Huli ae la ua kaikamahine nei a hoomaka aku e hele no ka ipuka-pa, ua lele koke mai la ua keiki opio nei a puliki i ke kaikamahine me ka pane ana iho-

            “Aole au e hookuu ia oe a hiki a kou ae ana mai e ike hou au i kou mau helehelena i kekahi manawa o keia po.”

            “E hookuu koke ia’u,” wahi a ke kaikamahine i pane ae ai me na hoao ana e hemo mai.

            “Ke haawi mua mai oe i ka ae ana i ko’u manao,” wahi hou a ua keiki la e puliki nei.

            I keia manawa a laua nei e aumeume ana, ua ike mai la kela kanaka malihini e ku ana mawaho o ka ipuka-pa i ka hana lapuwale a hohe wale a kela keiki o ka ahahui i ke kaikamahine kupaa, ua lele koke mai la oia e like me ka mama o ke dia ahiu a ku ana imua o na mea elua e aumeume nei, me ka pane ole i kekahi huaolelo, ua waiho koke aku la oia me hookahi puupuu oolea o kona mau lima wikani o ka ikaika ma na maka o ke kanaka hilahila ole, na ia mea i kiola aku iaia a waiho ana ilalo o ka honua ma kahi e huli ae la i ke kaikamahine a paa i kona mau lima, a me elua bila haneri dala mai kona pakeke ae, pane aku la i ke kaikamahine me keia mau olelo o ka hoolauna-

            “Eia e ke kaikamahine.  E lawe aku i keia mau dala o ko’u lokomaikai, a aole he mau hoao no kou kupaa,-a aole hoi he hoohaahaa ana i ka maemae o kou kulana wahine.”

            Ua hoopihoihoi nui loa ia ke kaikamahine iloko o ka makau no keia mea i hana ia iho la, a ua makemake loa oia e kaawale koke aku mai loko o keia haunaele hakaka me ka lawe ole i na dala a ke kanaka malihini i hoepakele iho la @aia.

            I ka wa i haule aku la o ua kanaka nei o ka ahahui ilalo o ka honua, ua uwe ae la oia me ka leo nui a me kekahi mau olelo ino i puka mai kona waha ae, ua ike mai la kona mau hoaloha o luna o ka hale ahahui ua hoopoiao ia ko lakou hoa, ua holo mai la kekahi poe no lalo, a oia ka wa a ke kanaka malihini i onou koke aku ai i ua mau bila dala nei i ke kaikamahine, me ka pane ana aku i keia mau olelo hope-

            “E lawe aku i ko’u lokomaikai e ke kaikamahine me keia wahi makana uuku, a na’u ka hooponopono ana i na mea i koe me keia kanaka hohe wale e kulai i kou kupaa.”

            Ua emi hope aku la ke kaikamahine a nalowale iloko o ka pouli, a oia ka wa i hiki mai ai o na kanaka o ka ahahui i kahi a ko lakou hoa e noho ana i ka honua, a me na kiheahea koko e kahe makawalu mai ana mai kona ihu a me na maka, ua hoopia ia ka wela o ka inaina i na hoa e ae o ka ahahoi no keia hoopoino ia ana o ko lakou hoa e keia kanaka malihini.

            Ua hele aku he elua kanaka e hui pu me ua kanaka la, a he hookahi o laua i pane aku i keia mau huaolelo o ke oolea-

            “Owai oe e nei kanaka hookano?  A heaha kou kuleana o ka hiki ana mai ianei?”

            “E ku aku malaila!” wahi a ke kanaka malihini i pane aku ai me ka leo moakaka.  “Ma ko oukou ano keonimana aole loa oukou e ae ana i na hana o ke kulana maemae ole e hoao ia e hooko e kekahi hoa o ko oukou ahahui, a o keia kanaka, ua hoohaahaa maopopo aku oia i ke kulana kupaa o kela kaikamahine me ka maluhia ole, a nolaila, ua lawe au i ke kokua e hoopakele iaia a hoopai aku i keia kanaka hilahila ole a me ka ma@nao hohe wale.”

            I ka pau ana no o keia mau olelo, ua lele koke mai la he hookahi o ua mau kanaka la maluna o ke kanaka malihini, me kana puupuu i makaukau no ka hooko aku, aka, ua apo ia mai la kona lima a me kona kuka, he hookahi pahu ana ihope me ka ikaika a pau i loaa i ke kanaka malihini, walawala aku la ke kanaka o ka ahahui a haole pahu ma kona kua ilalo o ka honua.”

            I ka ike ana mai o kela mau hoa o lakou i ka hoopoino ia ana o keia hoa hou, ua hoomaka mai la lakou e holo mai imua o ke kanaka malihini, oia kana i pane aku ai-

            “E na keonimana,-ke noi aku nei au i ko oukou lokomaikai, e waiho mai ia’u me ka malie, no ka niea, ke hoao oukou e hapai mai i kekahi hana, ua makaukau au me na lako kaua i keia manawa-e pulunai aku ia oukou a pau loa.”

            Ua wehe koke ae ke kanaka malihini i kekahi pupanapana a me kekahi pahi pepehi holoholona oilua a paa ma kona lima na ia mea i hookuemi aku i ke alu ana mai o kekahi mau hoa e ae i ua kanaka la.

            O ke kanaka i hoalohaloha ai i ke kaikamahine a i ku’i ia ai hoi e ke kanaka malihini, ua ala ae la oia iluna me ke oki loa o kona lole i ke koko, a ike mai la i kona enemi e ku aku ana, pane mai la i keia mau olelo o ka hoopaa mua-

            “E ike ana oe i kou kuhihewa i ka la apopo; a ina aole oe e eha ia’u,- aole au e kapa ia ma ko’u inoa ponoi,-o Cata Conarada.”

            “Ua ahona oe aole e hai mai ia’u pela,” wahi a ka malihini i pane aku ai me na huaolelo o ka haaheo.  “Ina he iini makemake kou e hui me a’u, e loaa no au ma ka Paka Hotele i ke kakahiaka o ka la apopo.  O lusiana de Leona ko’u inoa, a mai na pae mauna hema mai au o Teseta, he wahi i kau mau ia e ka ohu a me ka hau.”

            Auhea oe e ka mea heluhelu, akahi no kaua a ike ae la i ka mea nona ka moolelo i ka hoike ana i kela mau huaolelo o ka haaheo, a e hoomanano iho, oe, na ua kanaka opio la i hauhoa aku kekahi kino ola ma ke kua o kekahi lio i kapaia ma keia moolelo- ke kau lio Mazepa ; a i ke kaikamahine hoi, na mahalo no kona noeau i kana kipuka-ili a ke akamai.

            O keia mau hoopaapaa ana iho la a noe na olelo hoopaa mua, na ia mea i hoike mai, he mau helehelena okoa ka mea i ike ia ma ka Paka Hotele i ke kakshiaka, a na ia mea i kono i ka puuwai o Lusiana de Leona no na kula laula o Nubarasaka, i keia mau helu ae.

                        ( Aole i pau )

 

 

Hookapu Aina

Na Moku Manu,

Mawaho ae e Mokapu, Koolaupoko, Oahu

            Ke papa ia aku nei na mea a pau, aole e komo aku ina Moku Manu, Mokulua, oia na moku i oleloia maluna ae, a o ka poe e mala ma ole ana i na kauoha a keia hooiaha, e hoopii’a ma ke Kanawai.

                                    J.A. CUMMINS,

                                    (Keoni Kamaki.)

            2212-3m

 

 

HUI ALAHAO HAWAII

(KAUPALENAIA.)

            Mahope aku o ka Poakahi ; Ianuari 14, o na uku holo o ke KAA ALAHAO, e uka ia no ia ma na Palapala Ae Holo wale no, ma ka pepa manoanoa o elima no ka 25 keneta.

            E waihoia na Palapala Ae Holo iloko o kekahi paku i hookaauale ia ma ke kaa e na ohua e kau ana.

            He hoomama ana mai keia me ka loloiahili ole i na poe e kau ana no na koena, a pela i makemake ia ai ia mau palapala e kuai no ka manawa hookahi. 

            O.G. Thiele, oia ke hele aku ana ma na Poalima me Poaono no ke kuai aku oia ka la 11 me 12 o keia mahina.

            2215-tf

 

PAPA!  PAPA!

AIA MA KAHI

LEWERS & COOKE

(O LUI MA)ma ko kaoua kahiko @@a al@@ ai Pat@@ mi Mo

e loaa ai

PAPA NOUAIKI

o k@la a me keia ano

paniPuka, Na Puka Aniani, Na Olepelep Na Pou, Na O@a, Na Papa Hele, Na Papu Ku, A me na Papa Moe nui loa

Na Pili o na Hale o na Ano a Pau

A ME NA

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili aoa ma ka laua oihana.

NO KA

UKU HAAHAA LOA.

E like me kamea e holo ana mawaone

            LAUA A ME KA MEA KUAI

HELE MAI E WAI NO OUKOU

 

 

Benson, Smith & Co.

Na Mea Laikini ia e kuai Kukaa a me Kuai Liilii aku.

Na Laau Lapaau

O NA ANO A PAU

HELU 113 me 115, ALANUI PAPU

O LAUA NA AGENA NO NA

Laau Lapaau Kuluwai Liilii !

Boreicke & Schrecke, a me na

Wai Lukini OnAonA Waianuhea!

WAIALA MAILE

A ME KE

Onaona Lei Aloha!

O na lakou no ka Lauoho a me ka Ili, a me na mea hoonani o ka Home, e loaa no ia i na makamaka ke kipa mai ma keia halo.

2204-tf