Ka Nupepa Kuokoa, Volume XXVIII, Number 13, 30 March 1889 — KA MANU IO. [ARTICLE]

KA MANU IO.

I ka wa i loaa ai ia Kapena Kuke ka mokupuni o Kauai, a ku na moku elua nona ma Waimea, hoike aku na kamaaina iaia i kekahi mau manu nui. Ke hoike nei ka moolelo o Kapena Kuke, ua ike maka oia i ka Pueo, ka Aukee, a me ka Io. Ma keia mau la, ke ike nei no kakou i ka Pueo a me ka Aukuu, aka o wai ka mea i ike i ka Io. O ka Io, he manu akamai i ka hopu i na moa a me na manu liilii. Ina he mea hiki i kekahi kamaaina ke loaa a hopu paha a paa kekahi Io, a laila, ua makaukau mau o kauka V. Knudsen o Waiawa, Mana, e uku mai no ka Io hookahi he $10, a no elua, he $15, a no ekolu, he $20. Ina he ola ka manu, e malama pono i na hulu mai hanainoa. a helelei, ina ua make, pela no. E malama pu nae hoi e pilau, e hookomo i mau kulu o ka aila honua i loko o ka nuku no ka pale ana aku ia mea ino.