Ka Nupepa Kuokoa, Volume XXVIII, Number 15, 13 April 1889 — Page 1
| This text was transcribed by: | Rosemary Mccune |
| This work is dedicated to: | Alexander K. Ngum |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXVIII, HELU 15. HONOLULU, POAONA, APERILA 13, 1889. NA HELU A PAU, 2228
__________________________________________________________
HOOLAHA LOIO-
W KAKELA
@ @O KOKUA MA KE @@@@@
M@ Luna Hoo@@@ Palapala
-
WILDER & CO (WAILA MA.)
Mea kua@ papa a me na loko kukula hale @@ @@@ a pau, a me @@ @@ @@ pono a pau @@ ka hale.
K@@@ M@@@ M@@@@@@ @@ P@@@
CECIL BROWN.
@@@ A HE KOKUA MA KE KANAWAI?
@@ Agena Hooiaio Palapala no ka M@ kupuni o Oahu.
KEENA HANA: Ma alanui Ka@@@.
tf.
A KONA (AKONI.)
@@@@ A HE KOKUA MA KE KANAWAI
No Luna Hooiaio Palapala.
KEENA HANA: Ma ke Keena Loio Kuhina
tf.
WILLIAM C. ACHI.
@@ @@@ kokua ma ke kanawai imua o na A@@@ @@ keia Aupuni.
He Mea Ana Aina a he @@@@ka ma na wa wai paa.
Keena Hana, Helu 15, Alapui Kaahumanu Honolulu ma ke Keena m@@a iho nei o Kini @@ P@@@@@ 2114y
GEORGE @. KAMAUOHA.
He loio a he Kokua ma ke Kanawai.
-A HE MEA-
ANA AINA.
--
@ @@@@ no ma K@haia Akau, Hawaii,
2091 @@
JOHN MAHIAI KANEAKUA.
LOIO A HE KOKUA MA KE KANAWAI HE MEA UNU@@@@@@@ MA KA OLELO BERITANIA A M@ KA OLELO HAWAII
Keena Hana, maluna ae a ka @@@@@@@ @@@@@@ @@. 1 yr.
HALEKUAI BIBI HONOLULU
(H@@@@ WM M@@@@@@@)
HE@@ O A@NA@@ MOIWAHINE, MAK@@@
MA ULAKOHEO.
Na @@@@ momona, Hapa, Puaa me la, na la@@ @lu @ @@.
O na kauoha a na ohana a me na moku mai @ @@ koke ia no me ka eleu a me ka hikiwawe.
O na holoholona oia no na moku e hiki no @ @@@ koke ia.
E @@@@ Helu 212 2185-tf
E G HITCHCOCK.
(AIKUE HIKIKOKI).
@@@@ A KOKUA MA NA MEA A P;AU E PILI ANA MA KE KANAWAI.
E ohi ia no ma @ila Aie, mo@ka a wiwi
HILO, HAWAII 2114.1yr
JAMES M. MONSARRAT.
(MAUNA@KA.)
LOIO A HE KOKUA MA KE KANAWAI
@@ Luna Hooiaio Palapala.
E hana ia no na Palapala Kuai, Palapala Kuai, Palapala hoolimalima, a me na palapala pili kanawai e ne ma ka olelo Hawaii. Dala no ka ho@ie @@ ka moraki ma na waiwai paa.
KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.
PACIFIC HARDWARE COMPANY
-
Na hope o D@@@@hama Ma.
Mau Mea Kuai Lako Hao Alanui Papa Hono
MEA HANA LOLE.
---
Ua wehe ae nei o Mrs. M. B. CAMPBELL i ka o@hana hana a me ka helehele ana i na lole ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke ku pono a ka lole e like me ka @ni. 2203-1y
NEDE NIKONA
-KA-
Puuwai Haokila a Hooko Kauoha Poina Ole;
-A@@KA-
Holapu Hope Loa
-A@KA-
"ALABAMA"
-KE-
Ahikanana a Puhipuhiahi o ka Moana Atelanika.
-
"Elua Kupueu o ka moana,
A na O-I'a e makau nei;
O ka Alabama me ke Senedoa,
I ka uhai loloa ma mahope."
KA NIUHI HOLAPU MOANA.
-
MOKUNA XI
@AW@ PIO HOU IA.
He eha wale no la o ka Alabama ku ai iloko o ke awa o Bahia, a haalele hou iho la; a o Pilipi Fale kekahi o na luina o luna.
O Lutanele Balea, ua hoi mai oia mai kana huakai i Poto Pano, a ua hoike aku la oia i ka moolele o kana huakai i kona poe hoa.
Ua hoike oia, oiai ma kona alahele e hiki aku ai i kahi o ka ui nohea ana i ake nui ai e ike, ua hopu ia iho la ia e kekahi mau kanaka Amerika eha ko lakou nui, he poe luina, a ua paa @a no umikumamalua hora, a hookuu hou ia no.
A i kona hiki ana i kahi ana i manao ai, ua hoopahaohao ia iho la kona noonoo i ka hai ana mai o ua ui la, aole loa oia i kakau i kela palapala, a aole loa oia i lohe iki ua hiki ae ka Alabama iloko o ke awa o Bahia.
Aole loa i moeuhane iki o Lutanela Balea na kona hoaloha kahi ko oia o Kapena Belodina i kakau kela palapala; a i hoouna hou i kela poe laina e hoololoiahili iaia i kaawale ai oia mai luna aku o ka Alabama i ka wa e kuni ia ai ke topido.
Nolaila, i ko lakou haalele ana iho ia Bahia a hoomaka oia e hai i keia moolelo, aole loa oia i haupu iki no ka Kapena Belodina mau hana.
Hookahi nae mea maopopo iaia, he kanaka ino o Pilipi Fale, a ua hooholo oia e homoino i kona noho na iluna o ka Alabama.
I ko Kapena Semisa haalele ana iho i na aekai o Berazila, ua holo aku no ka Akau, a hookokoke aku la no na paemoku I@@a Komohana.
Iloko o ka pule mua, aole loaa moku, aka, ua hooholo oia i kona manao e huli i na wahi a pau o ia mau kai no kekahi mau la.
A i kekahi la, oiai na kukuna o ka la e iho aku ana e napoo malalo o ka ilikai, ua hooho ia mai la he moku aia ma ka aoao maluna o lakou.
Ia manawa, ua hoomaka na haiamu ana o ka oneki o ka moku kipi.
He umi minute mahope ibo, ua hoike mai la ka mea kiai he moku ua poino ia; a i ka huli ana ae o ka ihu o ka Alabama e holo aku no ua moku nei, ua huki ia ae la ka hae Amerika a kuu ia iho la ka hae kipi ilalo a huna ia aku la.
"He mokukaua Amerida kila," wahi Kapena Semisa. "Ua poino paha @@na enekini. E holo malie aku kakou ma ka awiwi ole."
Ke uhi ino nei ka pouli maluna o ka ilikai, a ke nee aku nei na moku e hui pu iwaena moana.
He mea kamahao ka ike ia ana o kekahi mokukaua Amerika ma keia aka, mamuli no @a o ka poino ana o kona enekini.
I ke kokoke ana aku o ka Alabama. @a @a e @@@@ mai la he leo nui ma@@na mai o ua moku ia me ka @i@@@.
"Owai oe?"
Mamua @ko Kapena Semisa pane ana aku, ua haawi aku la ia i ka @@ailo na i kona Lutaneia, a ia manawa i huki ia iho ai ka hae Amerika ilalo a kau ia aku la ka hae o ka aoao Hema: a ia wa i pane aku ai ua kapena kipi nei.
"O ka Alabana keia. Ua poino oe, he makemake paha kou i kokua? He hiki no ia makou ke haawi aku."
"Aole o makou makemake kokua mai ia oe mai," wahi a ka pane.
"O keia ka mokukaua Wisikona, Kapena Rokeke. E hookaawale aku E ki aku ana makou i ko makou mau pu."
Ku iho le o Kapena Semisa me ke ano kahaha, a pane mai la me ka leo nui:
"Mai naaupo oukou. He hiki ia makou ke hoopiholo ia oukou iloko o umi minute."
E hoao mai no paha: aole o makou haawi pio i ko makou hae i na poe kipi," wahi a ka pane.
"E hoomakaukau i na pu, a e haehae aku i kela moku iloko o ka manawa pokole," wahi a ke kauoha a Kapena Semisa.
"He oiaio anei o ka Wisikona kela moku? O kona haalele ana aku nei no ia la ia Bahia he mau la ae nei i hala," wahi a Pilipi Fale.
"Ae, pela ka pane i haawi ia mai nei, a e hoomanao oe, aia iluna o kela moku o Mr. Fegusona me na daimana ana," wahi a Kapena Semisa"
Aole i hakaka maoli ka Alabama me kekahi mokukaua mamua ae o keia mamawa, aka, ua maopopo no nae ia Kapena Semisa he mau ikaika kons, a oiai, ua poino ka enekini o ka moku Amerika, nolaila, aole e hiki iaia ke huli hikiwawe a ke au@ hoi ma o a maanei.
O ke kaulana o na hana weliweli a ka Alabama, he mea ia e ano wiwo ai kekahi poe kapena, aole nae pela o Kapena Rokeke, ua aa oia e hoouka kaua aku i ka enemi o kona hae.
I lawa no a makaukau kona mau pu ua hoomaka koke mai la lakou e luai i na ukana a ka poino me ka hahana a me ka weli iluna o ka Alabama, aka aole i nui ka poino i loaa aku i ua olali kipi nei.
"He makemaike hakaka io ka kolakou," wahi a Kapena Semisa.
"Heaha la ke ano o kela Kapena Rokeke e paio mai nei me ka ike no ua poino ia kona moku. E haawi aku i ko kakou aloha ma ka waha o na pu,"
wahi ana i kauoha aku ai.
Ia mamawa koke no, ua hoomalamalama koke ia ae la ka ikilai e ke ahi o ka pukuniahi nui o ua Alabama nei, a ua lohe ia aku la ka owa a nahaha o kekahi mau mea o luna o ka Wisikona.
A ukali aku la na pu keleawe me ka hahana launa ole.
No kekahi mamawa liuluiu iki, ua maumaua ka hoolei ana mai o ka Wisikona i kona mau poka, aka, mahope koke ino, ua maopopo i na mea a pau, ua nui na poino a ko ka Alabama mau pu e paluku ana i kona hao paio.
Oiai ka poio iloko o ka hahana,maia hoi, ua lohe ia aku la kekahi mea pahu iluna o ka Wisikona, a mahope iho, ua meha ke kani ana o kona mau pu.
Ia wa, ua kahea aku la o Kapena Semisa me ka leo nui:
"E haawi pio mai ana anei oukou?'
"He ma hiki ole ia ke pale ae. Ke hoomaka nei makou e piholo," wahi a ka pane mai luna mai o ka Wisikona.
"O ke kapena anei na e kamailio mai nei?" wahi hou a Kapena Semisea.
"Aole; ua eha ia o Kapena Rokeke i kela pu i pahu iho nei. E kokua mai paha oe me kou mau waapa."
"Ae: ke kau nei no nae ko oukou hae."
He mau minute a huki ia iho la ka hae o ka Wisikona ilalo, a kauoha aku la o Kapena Semisa e kuu ia kona mau waapa, ua hooko koke ia me ka hikiwawe.
Ua nui ka poino i loaa aku i ka Wisikona mamuli o ka pu nui o ka Alabama, a o kekahi poka ua ku malalo o ka ilikai a ua mahae pu ia kekahi papa, a e komo ikaika ana ka wai ma ia wahi iloko o ka opu o ka moku, me ka mao popo aole e loihi kona lana ana a e piholo ana.
Kale Auwana
-KA-
Lima Puupuu Hao-kila o Vireginia;
-A O KE-
KUI A SERIDANA
-MA KE-
Awawa Malu-make o ke Senedoa.
--
He Moolelo no ke Kaua Kuloko o ka Akau ma ka Hema.
-----
KONA IKE MUA IA ANA.
"Ua ike aku la anei oe i kela kanaka ma-o?" wahi a ke kiu o ka Hema i pane ae ai i ke Kapena o na pauli koa mua ma ke kahua hoomaha, i ka wa a ka la i napoo aku ai, a ua hoomalamalama ia ae na o-pu nahelehele pouli me na pauku wahie i ho-a ia no kekahi halawai o na aliikoa e malama ia ana i ua po nei.
"Kela kanaka loihi kino puipui anei e ku mai la ma ke kihi o kela hale?" wahi a ke Kapena i pane ae ai.
"Ae. Ina oe e makaala aku iaia i keia manawa, alaila, e ike pono oe i kona ano a me kana hana."
"He mea huna keia au e hoike mai nei ia'u e Jackson," wahi hou a ke Kapena me kona hoomaopopo aku i ke kamailio ana mai a ko lakou kiu no kela kanaka.
"Oia hoi ka'u i hai aku nei, e makaala loa aku oe i ka hana a kela kanaka ma-o."
"Heaha kana hana au i hoomaopopo ai i kona ano?"
"Ua ike mua au iaia i kela mau la aku nei, i kahi hoolulu o na koa Amerika."
"O oe pu kekahi iloko o ia wahi, a pehea e hiki ole aii kekahi ke kuhikuhi mai he kiu oe iwaena o makou ma ke ano o ke kuhihewa?"
"He mea okoa loa ia, oiai, ua ike a kamaaina oukou ia'u, he kui au na Kenela Ela," wahi hou a ke kiu Hema.
"A nolaila, ua manaoio oe, he kui Amerika kela kanaka?"
"Ae, ke hoomaopopo nei au i kona ano. Ua ike pono au i kona puka ana mai ka halelole mai o Kenela Seridana i ka la mamua aku onehinei, me kona manao paha, aohe poe e nana aku ana iaia. O ka inoa o kela kanaka, oia o Kale Auwana."
"E like me ke kiekie o na lani, ina he mea hiki iaia ke lele iluna, alaila, oia wale no kona wa e pakele ai. E makaala loa oe iaia i keia manawa, oiai au e puka ae iwaho a haawi i ke kauoha i na koa no ka hoopuni ana i ke kahua hoomaha nei."
"E haawi aku oe i ke kauoa i kou mau koa no ka hopu i na kanaka a pau e maalo ae ana maloko o ke kahua hoomaha i hoopuni ia, oiai, ua like keia kanaka ma ka maalea a me ka wahahee me Satana."
"Ina e mau oia malaila no elua minute, alila, ua paa oai ia makou i ka hoo puni ia. E makaala loa oe iaia i keia manawa."
O keia na olelo hope a ua Kapena la i pane ihbo ai, emi hope aku la no ka ipuka aniani mahope o ka hale a lele aku la @waho
Ua holo aku oia me ka mama nui mawaena o na o-pu laau no ka halelole o na koa, a i kona hiki ana aku, ua haawi ia aku la 'ke kauoha no ka hoopuni ana i ke kahua hoomaha.
O ke kauoha i haawi ia aku i na koa, he hana ia i hooko ia iiloko o ka hapalua minute, oiai, ua kau ae na koa he kanakolu maluna o na lio e ku makaukau ana a holo aku la no ke kahua hoopuni.
Ua malama ia keia mau kamailio ana ma kekahi kihi alanui i ke awawa nui akea o ke Senedoa, kahi hoi a na pualikaua o ka Hema malalo o Keneia Ela e hoowe@@we@@ la i ka mokuaina holookoa o Viginia a me ke kulanakauhale o Wasinetona.
Ua hoouna mai o Kenela Kalani ia Seridana me kona mau pualikoa e hoouka kaua aku ia Kenela Ela, ke hoao ia ke kulana komo mai iloko o Viginia, a o kona wahi ia o ka hana o ka lawe mai i ka noho mana o ke awawa Senedoa malalo o ka Akau, e kukai ia ke koko no ke koko, ke ahonui a me ke aloha oiaio no ka hae kahiko.
He eono pule ko Seridana kiai paa ana i ka enemi ma keia awawa, a aole i loaa iaia he mau lono o ka mamawa mua loa a ka enemi e pii mai ai no ka hoouka kaua ana.
Ua ike ia na aoao elua e ku nei i keia manawa ua makaukau, aka, me he mea la, e kali ana laua no kekahi lono.
He mea oiaio, o na kiu ke kumu o ko laua kali, o ko laua hoi aku a hai i na hana a me na hoailona o kahi mua e poha ai ka leo o ka pukuniahi ma na paia o ua awawa nui akea la.
O ke kui a Seridana, eia oia iwaena o ka enemi i keia manawa, a ua ike ia oia e ke kui o ka aoao Hema, oia o Jackson he negero. O ke kanaka keia a Kale Auwana i hoomaopopo mua ole ai i kona ano a hiki i ua po la.
O ua kui Hema la, o kona huli hoi ana mai no ia mai ke kahua hoolulu mai o Kenela Seridana, a oia ke kumu o ka malama ia ana o kela halawai kaua i ua ahiahi la.
O keia ka Seridana huakai mua loa malalo o kana alakai ponoi ana i kekahi pualikoa, oiai o kona inoa a me kona wiwo ole, ua hoakea m@a oia i na haawina o ke koa ma kekahi mau kahua kaua e aku mamua malalo o Kenela Kalani, a oia ka mea nana i ao a hoikeike aku i ke kulana o na koalio iloko o Amerida, a pela i kapaia ai ai na koa a pau malalo o kana alakai ana, -No Seridana ka pualikoa hoohakaka a me ka powa.
O keia wahi hoolulu a kakou e kamailio nei, oia no ke kahua kiai mua loa malalo o Kapena Hawika, a he ekolu mile mai kahi hoolulu mai o ka puali holookoa malalo o Kenela Ela, a e malama ia aku ana kekahi halawai o na aliikoa a me ka lakou kui Jackson i hoike mua ia ae nei, mamua o ka hui ana aku me Kenela Ela a hai aku i na lono hou a ke kui i hoike mai ai i ke kulana pale o Seridana.
E hoomanao ia ma ke kulana kiu o Kale Auwana, he akamai a he maalea kona i oi aku mamua o ka nahesa, a he lua ole kana mau hana hoomakeaka a me ke kupanaha ma ka hoohalikelike i na mea kino ola a pau ma ka papahele o ka hale keaka, a ua kaulana oia ma ia mau haawina no kona hepa a me ka piha eleu.
He wahi kanaka kino pu'ipu'i oia, a na kona mau lala e hoike maopopo mai nona iho, aia he ikaika o ke kamahao lua ole ma kona pauku kino.
Aia ma na wahi hooulu hakaka a me na haunaele, aia malaila e ike ia ai kana mau lawelawe ana o ka eleu, a aole loa hookahi kanaka iloko o na tausani koa o Seridana e hiki ke pai i kona poo i na wa a pau, a pela oia i lilo ai i mea punahele i kela Kenela kaulana. O ke kanaka Ailiki o Irelani, e hoike okoa mai no ia ma na aakoko o Kale Auwana, aia he ikaika kohu pauku hao ma kana mau umi@ a me na hoolei puupuu ana.
I kela wa a Kapena Hawika i alakai aku la i na koalio no ka hoopuni ana i ka kahua hoomaha, ua pane aku oia i na koa me keia mau olelo-
"E na koa: E akahele me ka hoo nakeke ole i ko oukou hooko ana i keia kauoha, a e ae ole i kekahi kanaka e maalo a mahuka mai a oukou aku, no ka mea, eia @waena o kakou i keia minute, he kui Amerika mai kahi hoolulu kaua mai o Seridana. Nolaila, e hooko i ke kauoha, a e hoopuni i ke kahua hoomaha.
I keia manawa iholo aku ai na koa lio a kaawale iki aku mawaho, ua hoohakahaka ae la lakou iloko o na laina elua ma ke kini o na alanui a holo na kihi elua i ka ulunahele e ku mai ana ihope. He 10 apana ke kaawale o na koa ma ka laina, me na maka e ha-lo ana imua me ka makaukau e hopu aku i ka enemi e maalo ae ana ma ke alahele.
(Aole i pau.)
HE MAU HUNAHUNA
-NO KE-
KAHUA MAI LEPERA O KALA WAO ME KALAUPAPA
---
H ina no kou noho ilaila no kou no he ilaila no kou wa nawaliwali a ike oe i kou ikaika a makemake oe e hoi i na hale o waho ae e noho ai, aia no ia ia oe, me kou hai aku i ka hope luna nui e puka aku oe mai laila aku, alaila pau ae la ka malama ana a ia pa mai ia oe, a nau no e hana ponoi nou iho mawaho e like ma na hoike mamua.
Ia oe no nae e noho ana ma na hale a waho, a ku ia hou ka pilikia e aneane aku ana no ka make, a aole he mea nana e malama mai iaia, a ua pono ole paha ka poe e noho pu ana me ia no kona ea ino e hiki ole ai e hoomanawanui iaia a make iho, a aole he mau lako kino ona e hiki ai i ka poe e noho pu ana ke manaolana he pomaikai e loaa ana i lakou mai keia mea mai aku ke make aku ia, alaila e hoopii ia ana oe imua o ka hope luna nui, e hoihoi ia oe i ka haukipila, aole nae oe i ike a hoomaopopo e hoihoi ia ana oe ilaila me kou lohe ole, i ike ia i kou kaikai ia a kau i ke kaa o ka papa ola mamuli o ke kena ia mai o na kahu kaa e ka luna, alaila ua lawe ia oe me ka maikai a hiki i ka halemai a na ia halemai oe e malama maikai i hiki i kou waiho ana i ka luakupapau.
O keia haukipila e huna na iwi i ka lepo o kahi mea kokua ole a pilikana a hoaloha ole a wahi mea pono kino ole, a hilinai ia mai ai e na hoa noho pu, a he wahi huna ino keia e lawe hele ole ia ai e ka waha o ka mea kamailio, e li ke me ke ano mau o na kanaka.
A o keia hale he hale i kau nui ia e ka poe nawaliwali e hoi ilaila, a o ka pono loa no nae ia mamua o ka noho ana i na hale o waho ke ike iho aole e hiki iaia ke lawelawe uona iho.
A he wahi no hoi keia a na mai e hooheno mau ai me kona wahi kokua mai, ke pii ae ka inaina maluna o laua no ka hoi ana ilaila.
He nani a he maikai maoli no na hale e ku nei i keia wa, ua hoomaemae ia a pau na apulu hale mua i ka hoonee ia ma kahi e, a he mau hale hou keia e noho ia nei e na mai me ke kaawale o ka poe mai ikaika mai ka poe mai nawaliwali mai e aneane aku ana e make.
A he kahua keia i kau ia ka makau e na mai e like me na lono ilohe ia mawaho i na la mamua, no ka pono ole o na mai e noho ana malaila, aka, ia au ia, i keia wa ke hoike aku nei keia molelo i ka oiaio, he wahi keia au e i iho ai, oluolu maikai maoli keia wahi, aohe hana, he ai wale no a huli ae ke alo ilu na.
Nui no na hale mawaho ae o ka haukipila i hoomaemae ia a hoopaa hou ia ma na pili hou, a o kekahi mau hale ke ku nei no peia pelapela, aole i pau loa, a e pau loa aku ana paha i ka hoonana ia ma keia hope aku, oiai he au hoomaemae keia no na mea a pau.
He nui no ka ea inoino a pelapela o na hale o na makahiki i kaahope aku la, a i keia wa ke hoopau ia ae nei ia ino oiai hoi, ua lawa like na kauhale e noho ia nei me ka wai piula, mamua, aohe manao nui ia ka holoi ana i ka papahele o ka hale no ka loihi o ka wai, aia a haule ia iho la e kahi ua alaila holoi ia ino @a, o kahi wai e malama ia ai no ka puu a me ka hoomoa i na mea ai.
O ka poe maa mau ole no i ka hoomaikai ana a ano kapulu no hoi, e honi ia ana no na ea inoino, a o ka poe malau no hoi aole no e honi ia aku ana na ea inoino a me he mau hale la aole i noho ia e na mai iloko o kou wa e komo aku ai.
(O). No ka Hon. Bihopa kekahi pa hale i piha i na hale maikai e noho ia nei e na opio wahine o kakou a na makuahine Virigine o ke aloha e malama nei me ka hoomanawanui e like no me ka lakou mau hana ma Kakaako a peia no maanei, e molia ana ia lakou iho no na opio o keia lahui i hoehaeha ia ma ke kino a ma ka naau.
(Aole i pau.)
Benson, Smith & Co.
Na Mea Laikini @@ @ kuai Kukaa a me K@@@ Liilii aku.
Na Laau Lapaau
O NA ANO A PAU
HELU 13 me 115. ALANUI PAPU
---
O LAUA NA AGENA NO NA
Laau Lapaau Kuluwai Liilii!
Boreicke & Schrecke, a me na
WAi Lukini OnAonA Waianuhea!
---
WAIALA MAILE
-A ME KE-
Onaona Lei Aloha!
O na lako no ka Lauoho a me ka Ili, a me na mea honani o ka Home, e loaa no ia i na makamaka ke kipa mai ma keia hale.
2204-tf
Ka Waiwai o ka Hilinai
---
Saseparila Ayer
_____
A AYER, Laau Saseparila, kaikaulana a hilina nuna no ka hoomaemae koko, ma na wa@ a pau o ka honua, ne aneane 40 makahiki i hala ae nei, a ua lawelawe nui ia hoi iwaena ona oihana lapaau. O keia
LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pa ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali anei kou? Ua a wili pu anei me na ano mai
ikaika? A ua hui pu anei me na wai awaawa hoop@hu Na keia
LAAU e hoomaemae ia mau mea ino a pau, a maikai. O na kauka lapaau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i an mea a pau ma kekahi mau ano maii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maa lahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana m@ i keia laau mamua o kahi mau laau e ae.
A HILINAIIA no ka ikaika kupono o ke o@a kino, ma ka maemae ana o ke koko, hoomake pa ia na ma'i, a pela aku. He nui na laau hoomaemae koko i loolaha wahahee wale ia malalo o na inoa luhulehu, aka ona hilinai a me na hooia wale no a ke ao holo okoa. maluna o ka
Ayer Laau Sasaparila.
I HOOMAKAUKAUIA @
Kauka J. C. Aver & Co. Lowell Mass.
HOLLISTER & CO
Na A ena ma ka Paeaina Hawaii.
Heiu 100. Alanui Papu, Honolulu
2086-tf
Hookapu Aina
---
Na Moku Manu,
Mawaho ae o M@@@, Koolaupoko, Oahu.
---
Ke papa ia aku nei na mea a pau, aole e komo aku ina Moku Manu, Mokulua, oia na moku i oleloia maluna ae, a o ka poe e malama ole ana i na kauoha a keia hoolaha, e hoopii'a ma ke Kanawai.
J. A. CUMMINS,
(Keoni Kamaki.)
2212-3m