Ka Nupepa Kuokoa, Volume XXVIII, Number 15, 13 April 1889 — KA BALUNA. [ARTICLE]

KA BALUNA.

I ka Poaono i hala, mawaena o na hola 2 me 3 auwina la, ua lele io ae la o Prof. Melavila me kona baluna i ka lewa nona ke kiekie o ekolu tausani kapuai mai ka honua ae. Ua holopono na mea a pau, aka, aole oia i lawe i kela mamalu kokua i kona lele iho i ka honua, aka, oiai oia ma kela kiekie a me ka hiki pono ole ke ike ia aku kona kino, ua hookuu malie ae oia i ka ea e puka iwaho, a oia ka wa a ka baluna i emi malie iho ai a haule iloko o ke kai, mawaho iki aku o Kakaako.

M ka hoike a ua haoie lele baluna la, oiai oia iluna pono o ka hale aupuni ua hai ae oia i ka nanaina maikai o ke kulanakauhale a me ka hiki ke ike ia ma na wahi mamao a pau o Ewa, Waialua, Maunalua a me Koolau. Akahi no a pau ke kuhihewa o kahi poe no ka lele io ana o ua haole la, a e haawi ia na mahalo ia Prof. Melavila no kona ake ana e hooko ia kana mau olelo i kinohi.