Ka Nupepa Kuokoa, Volume XXVIII, Number 18, 4 May 1889 — KUU LEI SONG. [ARTICLE]

KUU LEI SONG.

Akahi no la ku'u ikemaka I ka hapa kaleponi o Kaaawa Na'u i holo iho i ka la nui Ke kahua heihei uwe-kahahana Ilaila wau la pau kuhihewa I ka lawe malie me ka nanahe Ia'u no a hoalu aku Halakau ana i ke alahao Kuu lei a'u i kui ai Na la inea o ka makemake O ka lio-kea kakele iho ia Haulani na ono i ka puu Puuwai ia no ka nanahe Hooheno i ka pili poli Ke kino ka palai ka'u aloha O ka lipo paoa i ke ala He ala ia na'u i hi'u a-wela A papahi i kuu kino Kuu kino e hana-hu'a nei Mamuli ou e lawe-a-lilo Ua kohu Mazepa ka ihona iho I ka uhaiaholo me ka ohu nee O ke kumu o ka makuu ka'u mahalo I ka piha noeau hoolei kipuka-ili E ala ae oe a e moe loa nei Ei ae Samesa o ka Alabama Ke kuu pau mai nei na mekini Ma ka hoonee kiani malie ana. J.M.B.