Ka Nupepa Kuokoa, Volume XXVIII, Number 26, 29 June 1889 — Page 2
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
HOOLAHA KEENA KALAIAINA
Ua hookohu ia i keia la, o Mr. Andrew @ hea no ka Papa Alanui o Waialua, Oahu. ma kahi o Jas Gay i waiho mai.
Paa iho na hoa o ka Papa e ku nei i keia manawa
R. Halstead, Lunahoomalu
W. R. Brook
Andrew Cox
L. A. THRUSTON,
Kuhina Kalaiaina.
Keena Kalaiaina, Iune 19, 1889. 2239 3t
Ua hookohu ia aku ma keia la, o M@ H Waipuilani o Kona Akau, Hawaii, i Notari no ka Lehulehu, no ka Apana Hookolokolo Kaapuni Ekolu o keia Aupuni
L. A. THRUSTON,
Kuhina Kalaiaina.
Keena Kalaiaina, Iune 6, 1889. 2237 3t
MA KE KAUOHA A KA PAPA
HOONAAUAO.
HOIKE KULA AUPUNI.
I hoike ana na Kula Aupuni o ka Apana o Honolulu, e like me ka hoomaopopo ana malalo iho nei.
NA K@ MA KA OLELO ENELANI.
Ma ka Poakola la 22 o Iulai, ke kula o Moanalua a me Kula o Kalihi uka
Ma ka Poalua, la 23 o Iulai, ke kula o Kalihi waena me ka kula o Kauluwela.
Ma ka Poakolu, la 24 o Iulai, ke kula Kaikamahine o Pohukaina a me ke kula Pukiki o Marquesville.
Ma ka Poaha la 25 o Iulai, ke kula o Kehehuna a me ke kula o Kamoiliili.
Ma Poalima, la 26 o Iulai, ke kula o Alanui Papu, Manoa a me Waikiki-kai.
NA KULA MA KA OLELO HAWAII.
Ma ka Poakahi la 22 o Iulai, ma ka Hale Kula Aupuni ma Kawaiahao, na kula o Kaumakapili, Kawaiahao, Pauoa a me Roma-wahine.
Na Kula ma Ewa, Waianae a me Koolaupoko.
NA KULA ENELANI.
Ma Makua, Waianae, i ka Poakolu la 24 o Iulai.
Ma Pokai, Waianae, i ka Poaha 25 o Iulai.
Ma Waiawa, Ewa, i ka Poalima la 26 o Iulai.
Ma Waiahole, Koolaupoko, i ka Poaha la 25 o Iulai.
NA KULA HAWAII.
Ma Hakipuu, Koolaupoko, i ka Poaha la 25 o Iulai.
Ma Kailua, Koolaupoko, i ka Poalima la 26 o Iulai.
E hoomaka ana na hoike i ka hora no kela la i hoike ia ae la malama.
E hoomaha ana na Kula Aupuni a @ao mai o a o, mai ka Poalima la 26 o Iulai, a hiki i ka Poakahi la 26 o Sepatemaba, a ma ia le e hoomaka hou ai ke kela ana.
W. JAS. SMITH.
K. P. H.
Keena Hoonaauao, Iune 14, 1889. 2237 3t
Kuai o na Aina Aupuni
- MA -
Kamaole, Kula, Maui.
I ka Poakolu, Iulai 3, 1889, ma ke olu @ Aliiolani Hale, i ka hora 12 awakea, e kuai ia aku ana ma ke Kuai Kudala akea na aina Aupuni malalo @no
1 - Ka apana aina i ikeia o Akanikoea mauka o ka Mahele 406 ia Mawe@ ki nona ka iho i i eka.
Koho kiekie, $55.
2 - Ka apana aina nona ka iho 160 @ka mauka o ke Mahele 3306 ia Ka@ hepu, Luukia, a me kekahi poe e ae,
Koho kiekie, $520.
3 - Ka apana aina mawaena o ka Mahele 3305 ia Kaui me Nalepo, a me @a Mahele 2539 ia Noholoa, nona ka @ o S@ eka.
Koho kiekie, $42.50.
4 - Ka apana aina mawaena o ka Mahele 3371 ia Keanaole, a me ka Mahele 2831 ia Kino, nona ka ili o 17 eka.
Koho kiekie. $85.
5 - Ka apana aina mawaena o ka Mahele 2073 ia Kahuena a me ka Mahele 2473 ia Ili, nona ili o 6 - 10 eka.
Koho kiekie. $34.
6 - Ka apana aina mawaena o ka Mahele 3367 ia Kupapa a me ka palena o Keokea, nona ka ili o 82 1/2 eka.
Koho kiekie, $206.25.
7 - Ka apana aina mawaena o na Mahele 3368 ia Palailei, a me ka palena o Keokea, nona ka ili o 24 1/2 eka.
Koho kiekie, $61.25.
8 - Ka apana aina mauka o ka Mahele 2480 ia Akulau, a me ka Mahele 1205 ia Burns, nona ka ili o 37 eka. me ka helu ole ia o ka apana ma Kula.
Koho kiekie, $185.
9 - Elua apana aina ma ke alanui makai o kahakai, nona na ili o 37 -100 a me 8.66 eka.
Koho kiekie, $100.
L. A. THRUSTON,
Kuhina Kalaiaina.
Keena Kalaiaina, Mei 28, 1889. 2235 5t
NUPEPA KUOKOA
NO KA MAKAHIKI..................$2.00
NO EONO MAHINA.................. 1.00
KUIKE KA RULA
Poaono, Iune 29, 1889.
O HONOLULU, oia kekahi o na kulanakauhale uuku no kona kahua aina e ku nei i keia la, e hiki ai ke hoohalike ole ia me ka holomua o kekahi kulanakauhale uuku e ae malalo iho o ka la, ma na hana hou kuloko a me ka hoomaemae. Mamua o ko kakou hoomau aku i na haawina o na huakai elele i na aina e a me kekahi mau puka nui e ae, ua hoopomaikai ia mai kakou a i ke awakea o ka la kupono, a na keia kau Ahaolelo ae e hoopalalaha loa aku i ko kakou mau hemahema i koe ma na mea e holomua ai ka aina a me ke aupuni. Aka, e koho aku ana kakou i o la honua, he kau koho hahana ae keia a hiki mai, a na ka aoao e lanakila ana, e waele ae a kanu aku i na hua o ke kihapai, ma ka hoomau aku i ko kakou kulana pili lahui ma ka holomua a me na mahalo ana mai a na makamaka o waho.
O na hana ano nui iloko nei o ka aina i keia mau la, oia no na alahao e hoomoe ia nei a puni ke kulanakauhale a ka hui hoahu dala o Enelani, a me ko Dilinahama e moe aku ana i na apana o Ewa a puni ka mokupuni o Oahu nei. E halihali ia aku ana ka makemake kaahele o ko kakou mau kupa ma na apana o waho me ke kokoke loa a me na auhau oluolu, e like me ka kakou e ike nei i keia mau la ma ke kulanakauhale, ua hiki i ke kanaka haahaa loa ke uku i na lilo kaa nona iho a me kona ohana ma ka holo ana mai kahi wahi a hiki i kahi wahi, me ka mama a me ka oluolu.
HOIKE O KE KULA KAMEHAMEHA.
I ka Poakolu nei, ua malama ia ka hoike o na haumana o ke Kula Kamehameha ma ko lakou halekula, a ua akoakoa ae he heluna nui o na makua a me na poe makaikai. Ua hiki kino ao ka Hooilina Moi, ka Lunakanawai Kiekie a me kekahi poe maka hanohano e ae.
Malalo o ke alakai ana a ka lakou kumu Rev. W. B. Oleson a me kona mau kokua, ua hoomaka ia ka hoike mai na haawina heluhelu, haiolelo, himeni, helu, a pela aku, a he hookahi a makou leo e puana ae, o ka haawi aku i na leo e puana ae, o ka haawi aku i na leo o ka mahalo i na kumu i ka ikaika ma ke ao ana i na keiki, a he kia hoomanao hoi e poina ole ia ai ka holomua o keia kula e hapai nei i na Hawaii opio iluna o ke kuamoo o ke akamai a me ka naauao.
Ma na hana lima akamai, na Miss M. F. Hilibarani ke ao i ke keena oihana humuhumu lole, na Hon. H. S. Tausani ke ao i ka oihana paipalapala, na Mr. I. C. Laimana ke ao i ka oihana wili laau, na Mr. J. D. Wiki ke ao i ka oihana kamana, a na Mr. Wm. Wright ke ao ana i ka oihana amara.
I ka po Poaha nei ma ka luakini o Kawaiahao, ua malama ia ka hoike hope loa o ke kula, a ua akoakoa ae he heluna nui o na makaikai a piha pono ka luakini.
O na kakau huahelu ma ka papa eleele a me ka hooikaika kino, ua mahalo nui loa ia na keiki ma ka eleu, ka noonoo, a me ka makaala ana i ka houluulu ana i ka lakou mau haawina me ka hikiwawe. Na keia hoike o ka makahiki elua o ke ku ana o keia kula, e hoomaikeike aku i ko kakou mau apana a puni ka mokupuni, aia ma ke Kula Kamehameha e ku nei i keia ia, kahi e loaa ai o na ike lehulehu malalo o ka hooikaika pauaho ole ana a keia mau kumu, a e hookaulana ai hoi i ka mea nana i kukulu i ka hale o ka imi naauao no na oaic Hawaii Mrs. Pauahi Bihopa.
KO NA AINA E.
Ka Aha Uwao ma Berelina.
Holo ke Kuikahi o Samoa
Ua hooholo lokahi mai nei na hoa o ka Aha Uwao ma Berelina, Iune 14, e ae ia aku ka ninau pili lahui no ka noho kuokoa ana o Samoa. O ka lanakila ana keia o na koi a Amerika maluna o Geremania.
Aole e kukala koke ia ana ua kui kahi la i ke akea, a hiki i ka manawa e kakau inoa aku ai ka mana aupuni o Amerika, ke noho mai ka Aha Senate i keia Dekemaba ae.
He Pauahi nui.
I ka hora 2:30 auwina la o Poaha. Iune 6, ua holapu ae kekahi ahi mui i ka puuwai o ke kulanakauhale o Seattle, ma Wasinetona Teritore, a he puu lehu-ahi ia e waiho la i keia manuwa.
Ua hoomaka keia ahi e "a" a nee paa aku la maluna o na hale oihana o ke kulanakauhale, me ka hoolilo ana i na mea a pau i mea ole mamua o kona alahele, a e holo hele ana na kanaka i o a ia nei me ko lakou mau ohana me ka weliweli nui.
Ua kono ia aku ke poho, aia ma kahi o ka $15,000,000; ke poho o na hui panihakahaka, he $2,304.300; ka nui i ke kahua aina a ke ahi i a ai, he i ao eka.
Ma ka hoonohonoho ana i na hale oihana nui hoopoino ia, he 5 baneko, 3 hale keaka, 8 halekuai lako hao, 8 halehana mekini, 8 halepai nupepa, 7 hale oihana agena, 5 halekuai lapaau, 19 halekuai lole me kamaa, 6 halekuai kika kukaa me ko, 12 halekuai lako hale, 21 halekuai mea ai, 10 hale hotele, 160 hotele rama, na hale uwea olelo, a me kekahi mau hale e ae he lehulehu wale
Na Lono o Samoa.
E hoike ana kekahi lono mai Aukelana mai, ua ku ae i ke awa o Apia, ka mokukaua Geremania Sopie.
E hoike ana kekahi lono mai Kikane mai, aia na aoao elua ke hoala hou la i na kahoaka o ke kaua. Ua hoakoakoa hou ae nei o Mataafa i kona mau koa he 3,000, a o Tamesese hoi he 2,000.
O ka hopena o na hana a ka aha uwao, ke kali ia ala ia me ka pihoihoi nui ma Samoa.
Ua Hookiekie ia aku.
O Eneginia Bourke, ka wiliki nui o ka mokukaua Beritania Caliope i pakele ai mai ke awa aku o Apia, ua hookiekie ia aku oia e ke Keena Kaua Moana o Enelani ma ke kulana, he hoa no ka papa Eneginia o na Aumoku, no ka holopono o kana hoohana ana i ka mekini o ka moku, oiai he hakoko ana ka ikaika pauma o ka mahu me ka makani ino.
Makana ia Mataafa.
Ua hooholo mai nei ke Keena Kaua Moana o Wasinetona, e haawi makana aku ia Mataafa me kekahi waapa maikai o ke ano hou, no kana mau hana kokua aloha i ka hoopakele ana i na koa Amerika, oiai ka ino nui e pahola ana a ulupa ia na aumoku ma ke kaikuono o Apia.
I ka wa e makaukau ai o ka makana no ka lawe aku i Apia, e hoouna palapala pu aku ana o Pereridena Harisona ia Mataafa, e haawi aku ana me ma mahalo kiekie no kana hoopakele a me na kokua aloha i pahola aku imua o na koa Amerika poino, a me kona kulana wiwo ole i ka wa i makemake ia ao no ka hana.
Ua manao ia, e makaukau ana ka makana i keia Augate ae.
Hooholo ia ka hoomakaukau
Kaua Pale
Ma ka Hale Ahaolelo Makaainana o Enelani, ua hooholo ia mai nei ka haawina no na lilo hoomakaukau pale i ka hoopuipui ana ae i ka ikaika kulana kaua ma na kanaka i o Enelani, he 183 balota ia 101.
HOOLAHA HOU.
HOOLAHA HOOKO MORAKI.
I kulike ai me ka mare kuai o kekahi palapala moraki i hana ia e Pikai k@o Kahuku, Koolauloa, mokupuni o Oahu, i kakau ia i Dek 18, 1882, a i kope ia ma ke Keena Kakau ma ka buke 78 aoao 109 me 110.
Ke houiaha ua aka nei ma keia e h@ ko ia aka ana @a mana a@ u keia moraki, no ka uhaki ia o na komo aelike, o ka uku ke ia o ke kumupaa a me ka ukupanee a nolaila e
KUAI KUDALA
ia aku ana ma ka rumi kudala o James F. Morgan, ma Honolulu, no aina a me na lako a pau maluna iho, e like me ka hoike malalo iho nei.
No ma mea i koe loaa no ma ke keena o W R Castle, loio o ka mea moraki ia.
Hanaia ma Honolulu, Iune 29, 1889.
MISS HELEN NORTON,
Mea Moraki mai.
O kahi e kuai ia aku ana oia iho keia:
O kela apana aina a pau ma ka uku i hoike mua ia ae nei, a i ike ia ma ka Palapala Sila Nui 530. L. B. A. 2279, ma ka inoa o Mahila. makuakane o Makaluhi, wahine a Pikai, nona ka ili o 1 15-100 eka.
Me keia wahi pa kekahi i hoike ia ma ka Palapala Sila Nui 243, L. C. A. 2782, ma ka inoa o Malole, nona ka li o 01 100 eka, i hooiaio ia aku ia Makaluhi a, ma kekahi palapala o Feb. 21, 1871, a kope ia ma ka Buke 32 aoao 112. 2239 3t
HOOLAHA HOOKO MORAKI.
I kulike ai me ka mana kuai o kekahi palapala moraki i hana ia e Kekaula (k) me Kamala, kana wahine mare, o Wawaia, mokupuni o Molokai, ia Miss E. K. Bingham, o Honolulu, mokupuni o Oahu, i hana ia i Okatoba 23, 1882, a i kope ia ma ke Keena Kakau ma ka buke 77 aoao 23 me 24.
Ke hoolaha ia aku nei ma keia, e hooko ia aku ana ka mana kuai o kela moraki, no ka uhaki ia o na kumu aelike, oia ka uku ole ia o ke kumupaa a me ka ukupanee, nolaila, e
KUAI KUDALA
ia aku ana ma ka rumi kudala o Jas F Morgan, o na aina a me na lako a pau maluna e like me keia malalo iho.
No na mea i koe, e loaa no ma ke keena o W R Castle, loio o ka mea moraki ia.
Hanaia ma Honolulu, Iune 29, 1889.
MISS E. K. BINGHAM,
Mea Moraki mai.
O keia iho na wahi e kuai ia aku ana.
O kela wahi a pau ma Wawaia, i hoike ia ma ka Palapala Sila Nui 3779, L. C. A. 147 B, ma ka inoa o Kaiuiki, makuakane o Kekaula e olelo ia nei, nona ka ili o 3 eka, 1 ruda, me 59 anana.
E kuai pu ia aku ana kela aina i kuai ia aku ia Kekaula, ma kekahi palapala a J Mott Smith, E O Hall, me S B Dole, na kahu malama waiwai o W C Lunalilo, i kakau ia Okatoba, 18, 1880, a i kope ia ma ka buke 64, aoao 449. Aia keia apana aina ma Kawela, Molokai, nona ka ili o 816 -1000 eka. 2239 3t
HOOLAHA HOOKO MORAKI.
I kulike ai me ka mana kuai o kekahi palapala moraki i hana ia e Monika (w) me Maiola, kana kane mare, o Kaneohe, Koolaupoko, mokupuni o Oahu, ia Chas. T. Gulick, Kahu malama wa-wai, Honolulu, mokupuni o Oahu, i kakau ia i Dekemaba 17, 1883, a i kope ia ma ke Keena Kakau ma ka buke 85 aoao 209 a me 210.
Ke hoike ia aku nei ma keia, e hooko aku ana ka mea moraki ia i kela palapala moraki, no ka uhaki ia o ka aelike, oia hoi ka uku ole ia o ke kumupaa me ka ukupanee, nolaila, e
KUAI KUDALA
ia aku ana ma ka rumi kudala o Jas F Morgan ma Honolulu, na aina a me na lako a pau maluna iho.
No ma mea i koe, e loaa no ma ke keena o W R Castle, loio o ka mea moraki ia.
Hana ia ma Honolulu, Iune 29, 1889.
CHAS. T. GULICK,
Mea Moraki mai.
O keia iho na wahi e kuai ia aku ana.
O kela wahi a pau ma Kapalai, Kaneohe, i ike ia ma ka Palapala Sila 2423, L. C. A. 7233, ia Luluu, makuakane o Monika w, nona ka ili o 5 791 - 1000 eka. 2239 3t
HOOLAHA HOOKO MORAKI.
I kulike ai me ka mana kuai o kekahi palapala moraki i hana ia e Sam. Kapena me Kealoha kana wahine mare, a me Kalima (w) o Makiki, Honolulu, mokupuni o Oahu, ia Mrs. E. Humphreys, o Honolulu, i hana ia i Ianuari 26, 1883, a i kopeia ma ke Keena Kakau ma ka buke 77 aoao 255 a me 256.
Ke hoolaha ia aku nei ma keia, e hooko ia aku ana ka mana o kela moraki no ka uhaki ia o na kumu aelike, oia hoi ka uku ole ia o ke kumupaa a me ka ukupanee, nolaila, e
KUAI KUDALA
ia aku ana ma ka rumi kudala o Jas F Morgan, Honolulu, na aina , a me na pono a pau maluna iho.
No ma mea i koe, e loaa no ma ke keena o W R Kakela, loio, o ka mea moraki ia.
Hanaia ma Honolulu, Iune 29, 1889.
MRS. F. JUMPHREYS,
Mea Moraki mai
O keia iho na wahi e kuai ia aku ana
O kela wahi a pau ma Kahana, Koolauloa, Oahu, i ike a ma ka Palapala Sila 2052, L. C. A. 5231, ma ka inoa o Kapena, nona ka ili o 1 53 - 1000 eka.
O kela wahi a pau ma ka Palapala Sila 2067 L C A 5221, ma ka inoa o Kapena, nona ka ili o 2 687 -1000 eka.
E kuai pu ia aku ana kela wahi i ike ia ma ka Palapala Sila 5079, L C A 5704, ma ka inoa o Kuaio, nona ka ili o 1 eka, oia no kahi i hoolilo ia aku ia Sam Kapena, ma kekahi palapala a Kalima w, i kakau ia Okatoba 5, 1876, a kope ia ma ka buke 44, aoao 483, a oia no hoi ke kuleana pilipaa o Kalima iloko o koa wa ola. 2239 3t
HOOLAHA
HOOLAHA HOOKO MORAKI.
I kulike ai me ka mana kuai o kekahi palapala moraki i hana ia e Kauoho mauna me Kuhimoku kana wahine mare, o Kaalaea. Koolaupoko, mokupuni o Oahu. ia W. F. McWhirter o Makawao, mokupuni o Maui, i hana ia i Feberuari 3, 1885. a i kope ia ma ke Keena Kakau ma ka buke 94 aoao 37 me 38.
Ke hoolaha ia aku nei ma keia, e hooko ia aku ana ka mana kuai o kela moraki mamuli o ka uhaki ia ana o na kumu aelike o kela moraki, oia hoi, ka uku ole i ka ukupanee a me ke kumupaa, a nolaila, e
KUAI KUDALA
ia aku ana ma ka rumi kudala o J. F. Morgan, o Honolulu, o na aina a me na lako a pau maluna, e like me keia malalo iho:
No na mea i koe, e ninau ia W. R. Castle, Loio o ka mea Moraki.
Hanaia ma Honolulu, Iune 29, 1889.
W. F. McWHIRTER,
Mea Moraki mai.
O keia iho na wahi e kuai ia aku ana.
1 - O kela wahi ma Kaalaea, i ike ia ma ka Palapala Sila 5536, ia Kuapalahalaha, nona ka, ili i 1 me 97 -100 eka.
2 - O kela wahi a pau ma ka Palapala Sila 3662. L. C. A. 3364, ia Naihepapa, nona ka ili o 4 eka 30 per. ma Haiku, Kauai, a o Kuhimoku hoi ka hooilina oiaio o ka waiwai i olelo ia.
2239 3t.
MA KE KEENA O KA LU -nakanawai Kaapuni Apana Ekolu, o ko Hawaii Pae Aina.
Ma ka hana o ka waiwai o Wahakole k, no Kamaee, Hilo, Hawaii, i make.
Ua heluhelu ia a ua waiho ia mai ka palapala noi a G. W. A. Hapai, ka lunahooponopono no ka waiwai o Wahakole k, no Kamaee, Hilo, mokupuni o Hawaii, i make, e noi ana e hoapono ia kana hoike hope, a e hooholo ia ka waiwai i na hooilina, a e hookuu aku iaia me kona mau hope ma ka oihana.
Nolaila, ua kauoha ia na mea a pau i pili, o ka
POAKAHI, IULAI 22, 1889,
i ka hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i koho ia no ka hoolohe i ua noi la me na poe kue ke hoike ia.
F. S. LYMAN,
Lunakanawai Kaapuni,
Apana Ekolu, H.P.A.
Hilo , Hawaii , Mei 15, 1889. 2238 3t
MA KEENA O KA LUNAKA-nawai Kaapuni Apana Ekolu o ko Hawaii Pae Aina.
Ma ka hana o ka waiwai o W K Kaainoni, i make.
Ua heluhelu ia a ua waiho ia ma ka palapala noi a R. A. Lyman, Lunahooponopono Waiwai o W. K. Kaainoni, ua make kauoha ole. Ua hoike ia, aole lawa o ka waiwai lewa no ka hookaa ana i na aie, a e noi ana i ka mana o keia Aha, e kuai i ka waiwai paa o ka mea make, i hookaa ia ai kona mau aie oiaio.
Nolaila, ua kauoha ia (o Kuokala k, ua manaoia, oia kekahi hooilina) ma pilikoko a me na poe a pau i pili, o ka
POAONO, IULAI 20, 1889,
ma ka hale hookolokolo ma Honokaa, Hawaii, hora 10 kakahiaka, oia ka la a me kahi e hoolohe ia ai na kumu kue ina he kumu, no ka ae ole ia o ua mea noi la.
S. L. AUSTIN,
Lunakanawai Kaapuni.
2238 3t
HOOLAHA HOOKO MORAKI
ME KE KUAI.
I kulike ai me ka mana kuai o kekahi palapala moraki i hanaia e Frank Enos me Kapahu kana wahine, o Waikiki, mokupuni o Oahu, ia Wm. Wilbur, o Kahului, mokupuni o Maui, i kakauia i Iune 10, 1884, a i kope ia ma ke Keena Palapala Kope ma ka buke 91, aoao 131 me 132, a i haawi ia aku e Wm. Wilbur ia W. R. Castle.
Ke hoolaha ia aku nei ma keia, e hooko ia aku ana ka mana kuai o kela moraki, no ka uhaki ia o na kumu aelike, oia hoi ka uku ole ia o ka ukupa nee a me ke kumupaa, a nolaila, e
KUAI KUDALA
ia aku ana ma ka rumi kudala o Jas F Morgan, o kela mau aina, a me na pono a pau maluna e like me ka hoike malalo iho.
No na mea i koe, e ninau ia W. R. Castle, loio o ka mea moraki.
Hana ia ma Honolulu, i ka la 14 o Iune, 1889.
W. R. CASTLE,
Mea Moraki mai.
O keia na wahi e kuai ia aku ana:
O kela wahi a pau ma Waikiki- waena, Oahu, i hoike ia ma kekahi palapala hoolilo J. a Kahai ia Frank Enos, a i kopeia ma ka buke 15, aoao 53, nona ka ili o 812 -1000 eka, oi a emi mai paba.
2237 3t
HOOLAHA AHA KIEKIE.
AHA HOOKOLOKOLO KIE-kie o ko Hawaii Pae Aina, ma ka Hooponopono Waiwai.
Ma ka hana o ka waiwai o Nancy Wirt, i make me ke kauoha.
He kauoha a ka Luna Hooko e noi ana i ke kuai o kekahi mau waiwai paa.
Ma ka heluhelu a me ka waiho ia ana mai o ke noi a William O. Smith, ka Luna Hooko o ka waiwai o Nancy Wirt. i make, a me J. Keopuhiwa, ka hooilina, o Honolulu, Oahu. e noi ana ma Honolulu, no ka waiwai i olelo ia. no keaha la na kumu a ae ole ia ai o ia kuai ana aku.
Ua kauoha ia ma keia, o na poe a pau i pili e hele mai imua o keia Aha, i ka
POAKAHI, IULAI 15, 1889.
i ka hora 10 kakahiaka, ma ka rumi hookolokolo o ia Aha, ma Honolulu, a malaila e hoike ia mai ai na kumu e ae ole ia ai ke noi no ke kuai aku i ua waiwai la.
A ua kauoha hou ia, e hoolaha ia keia noi no 3 pule mamua o ka hoolohe ia ana, ma na nupepa Kuokoa me Hawaiian Gazette, he mau nupepa i pai ia ma Honolulu.
Hanaia ma Honolulu, Iune 17, 1889.
L. McCULLY,
Lunakanawai o ka Aha Kiekie.
Hoike: J. H. REIST,
Hope Kakauolelo. 2238 3t
AHA HOOKOLOKOLO KIE- kie o ko Hawaii Pae Aina, ma ka hooponopono waiwai.
Ma ka hana o ka waiwai o Kainapau k., o Kalihi, Oahu, i make kauoha ole.
Ma ka heluhelu a me ka waiho ia ana mai o ka palapala noi a J. W. H. Wahineaua, e hai ana, ua make kauoha ole o Kainapau k. o Kalihi, Oahu, ma Honolulu, Oahu, ma ka la 22 o Augate, 1888, a e noi ana, e hoopuka ia ka palapala Luna Hooponopono iaia Ua kauoha ia o ka
POAHA, IULAI 11, 1889,
Oia kahi a me ka manawa i koho ia no ka hoolohe i ua noi la imua o ka Lunakanawai, e noho ana ma ke keena, ma ka rumi hookolokolo o ia Aha, Honolulu, oia kahi me ka manawa no na poe a pau i pili, e hele mai a hoike i ke kumu, ina he kumu io ko lakou e ae ole ia ai ua noi la.
Kakau ia ma Honolulu, i keia la 20 o Iune, 1889,
Na ka Aha:
J. H. REIST,
Hope Kakauolelo. 2238 3t
AHA HOOKOLOKOLO KIE-kie o ko Hawaii Pae Aina, ma ka Hooponopono Waiwai.
Ma ka hana o ka waiwai o John Hamauku, o Honolulu, Oahu, i make kauoha ole. Ma ke Keena imua o Lunakanawai Preston.
Ma ka heluhelu a me ka waiho ia ana mai o ka palapala noi a S M Damon o Honolulu, Oahu, Luna hooponopono o ka waiwai o John Hamauku, o Honolulu i make, e noi ana e apono ia ka huina o $7037. 18, a o na mea i loaa mai iaia he $7037.18. e nana a e apono ia keia mau mea, a e kauohaia e mahele i ka waiwai e paa ana ma kona lima i na poe i kuleana, a e hookuu loa iaia a me kona mau hope ma ka noho Lunahooponopono ana. Ua kauoha ia, o ka
POAONO, IULAI 20, 1889,
Ma ka hora 10 kakahiaka, imua o ua Lunakanawai la ma ke Keena. ma ka rumi hookolokolo o ia Aha, ma Aliiolani Hale, Honolulu, oia kahi a me ka manawa e hoolohe ia ai ia noi ana mai a me ka palapala hoike, a o na poe i pili, e hele mai a hoike i ke kumu. ina he kumu io ko lakou e ae ole ia ai ua noi la, a malaila e hoike mai na poe i kuleana i ka waiwai i olelo ia. Hanaia ma Honolulu, Iune 13, 1889.
Na ka Aha:
J. H. REIST,
Hope Kakauolelo. 2237 3t
AHA HOOKOLOKOLO KIE-kie o ko Hawaii Pae Aina, ma ka Hooponopono Waiwai.
Ma ka hana o ka waiwai o Walter Murray Gibson, o Honolulu, Oahu, i make me ke kauoha, ma ke Keena, imua o ka Lunakanawai Kiekie Judd.
Ma ka heluhelu a me ka waiho ia ana mai o ka palapala noi a J S Walker, Luna Hooko a Kahu o ka waiwai o Walter Murray Gibson, o Honolulu, i make, e noi ana e apono ia ka huina o $72,190.51, a o na mea i loaa mai iaia he $68,426.11, e nana a e apono ia keia mau mea. Ua kauoha ia, o ka
POAONO, IULAI 20, 1889,
Ma ka hora 10 kakahiaka, imua o ua Lunakanawai la ma ke Keena, ma ka rumi hookolokolo o ia Aha, ma Aliiolani Hale, Honolulu, oia kahi a me ka manawa no ka hoolohe ana i ua noi la a me ka papa hoike, a o na poe a pau i pili e hele mai a hoike i ke kumu, ina he kumu oiaio ko lakou e ae ole ia ai ua noi la. Kakau ia ma Honolulu, i keia la 14 o Iune, 1889. Na ka Aha:
J. H. REIST,
Hope Kakauolelo. 2237 3t
AHA HOOKOLOKOLO KIE-kie o ko Hawaii Pae Aina, ma ka hooponopono waiwai. Ma ka hana o ka waiwai o W. E. Kahelemauna o Koloa, Kauai, i make kauoha ole. Ma ke Keena imua o Lunakanawai Dole.
Ma ke noi a me ka waiho ia ana mai o ka palapala hoike a W. O. Smith kahu malama waiwai o W. E. Kahelemauna, o Koloa, Kauai, i make, e noi ana e aponoia ka huina o $109,74, a o na mea i loaa mai iaia he $109.74, e nana a e aponoia kela mau mea, a e kauohaia e mahele i ka waiwai e paa ana ma kona lima i na poe i kuleana, a e hookuu iaia a me kona mau hope ma ka noho ana ma ia ano. Ua kauoha ia o ka
POAHA, ka la 9 o IULAI, 1889,
Ma ka hora 10 kakahiaka, imua o ua Lunakanawai la ma kona keena, ma Aliiolani, Hale Honolulu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia, a o na poe a pau i pili, e hele mai a hoike i ke kumu. ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia.
Kakauia ma Honolulu, i keia la 3 o Iuna, A. D. 1889. Na ka Aha:
J. H. REIST,
Hope Kakauolelo. 2236 3t
AHA HOOKOLOKOLO KIE-kie o ko Hawaii Pae Aina, ma ka Hooponopono Waiwai.
Ma ka hana o ka waiwai o Kaae w, o Honolulu, Oahu, i make. Ma ke keena imua o Lunakanawai Preston.
Ma ka heluhelu a me ka waiho ia ana mai o ka papa hoike o Kanakanui, Lunahooponopono o ka waiwai o Kaae w o Honolulu, Oahu, i make, e noi ana e apono ia ka huina o $909.25 a o na mea i loaa mai iaia he $1,500 e noi ana e nana a apono ia keia mau mea, a e kauoha ia e mahele i ka waiwai e paa ana ma kona lima i na poe i kuleana, a e hookuu aku iaia a me kona mau hope ma ia noho Lunahooponopono ana. Ua kauoha ia, o ka
POAKOLU, IULAI 24, 1889,
Ma ka hora 10 kakahiaka, imua o ua Lunakanawai la me ke Keena, ma ka rumi hookolokolo o ia aha, ma Aliiolani Hale, Honolulu, oia kahi a me ka manawa e hoolohe ia ai ia noi ana mai a me ka palapala hoike, a o na poe a pau i pili, e hele mai a hoike i ke kumu ina he kumu io ko lakou e ae ole ia ai ua noi la, a malaila e hoike mai ai na poe i kuleana i ka waiwai i olelo ia.
Hanaia ma Honolulu, i keia la 13 o Iune, 1889. Na ka Aha:
ALFRED W. CARTER,
Hope Kakauolelo Elua. 2237 3t
HOOLAHA HOU.
MA KE KEENA O KA LUNA-kanawai Kaapuni Apana Ekolu o ko Hawaii Pae Aina.
Ma ka hana o ka waiwai o Kamahiai k, no Wailua, Hilo, Hawaii i make.
Ua heluhelu ia a ua waiho ia mai ka palapala noi a G. W. A. Hapai, ka Lunahooponopono o ka waiwai o Kamahiai k, o Wailua, Hilo, Hawaii, i make, e noi ana e hoapono ia kona hoike hope, a e hooholo ia ka waiwai i na hooilina, a e hookuu aku iaia me kona mau hope ma ka oihana.
Nolaila, ua kauoha ia na mea a pau i pili, o ka
POAKAHI, IULAI 22, 1889,
i ka hora 10 kakahiaka, oia kahi a me ka manawa i koho ia no ka hoolohe aku i ua noi la me na poe kue ke hoike ia, ma ka hale hookolokolo ma Hilo, Hawaii.
F. S. LYMAN,
Lunakanawai Kaapuni
Apana Ekolu H. P. A.
Hilo , Hawaii , Mei 15, 1889. 2238 3t
HOOLAHA HOOKO MORAKI
ME KE KUAI.
I kulike ai me ka mana kuai o kekahi palapala moraki i hanaia e Joseph Paa me Kapena kana wahine, o Kohala, Hawaii, ia John L. Blaisdell, Jr., o Kohala, i kakau ia i Maraki 31, 1883, a i kope ia ma ke Keena Palapala Kope ma ka buke 77, aoao 496 me 497.
Ke hoolaha ia aku nei ma keia, e hooko ia aku ana ka mana kuai o kela moraki, no ka uhaki ia o na kumu aelike, oia hoi ka uku ole ia o ka ukupanee a me ke kumupaa, a nolaila,
E KUAI KUDALA
ia aku ana ma ka rumi kudala o James F Morgan, na aina a me na pono a pau maluna iho e like me ka hoike malalo iho.
No na mea i koe, e ninau ae ia W R Castle, loio o ka mea moraki. Hanaia ia ma Honolulu, i keia la 14 o Iune, 1889.
JOHN L. BLAISDELL, JR.
Mea Moraki mai.
O keia na wahi e kuai ia aku ana:
O kela wahi a pau ina Kohala, i hoike ia ma kekahi palapala hoolilo a Puleha oa o Paa, i hana ia i Feberuari 20, 1877. a i kope ia ma ka buke 48, aoao 474 me 475, oia no kekahi hapa o ka aina o Awaia, i hoike ia ma ka Palapala Sila Nui helu 10908, nona ka ili o 10 eka.
E kuai pu ia aku ana, he 25 eka i hoike ia ma ka Palapala Sila Nui helu 78 o ia Apiki, ea ai, oia no ka 25 eka i mahele ole ia a hoolilo ia aku ia Jos Paa, ma kekahi palapala hoolilo a Pepe ke keiki a Apiki, i kakau ia i Novemaba 7, 1882, a kope ia ma ka buke 76, aoao 497.
2237 3t
NO KONA AKAU HAWAII.
Mamuli o ka ae ana mai o ka mea hanohano ke Kuhina Kalaiaina L. A. Thurston e hoomau i ko'u noho Luna Haawi Palapala Ae Mare ana no ka apana maluna ae, mamuli o ka hooko hu i loaa mua ia'u i ka la 15 o Okatoba, M. H. 1877 mai ia Mr. Smith mai, ke Kuhina Kalaiaina o ia mau makahiki.
Nolaila ke hai ia aku nei ka lohe i na makamaka a pau o ia apana, ua loaa ia mana haawi palapala ae mare no ka pono i ka lehulehu.
D. ALAWA,
Luna Haawi Palapala Ae Mare.
Honolulu , Iune 13, 1889. 2237 3t.