Ka Nupepa Kuokoa, Volume XXVIII, Number 28, 13 July 1889 — Page 3
| This text was transcribed by: | Paka Westin |
| This work is dedicated to: | Awaiaulu |
IULAI
____
KEKAU ANA O KA MAHINA
_____
5--Hapaha mua................................................................................................7.27.2 P.M.
12--Mahina piha..............................................................................................10.30.2 A.M.
19--Hapaha hope...............................................................................................9.13.4 P.M.
27--Mahina hou.................................................................................................1.29.0A.M.
PUKA A ME KA NAPOO ANA O KA LA
I keia pule i wehe ia ai ke kaa alahao o alanui Beritanai, mai ke kihi aku o alanui nuuana a Punahou.
_____________
Puka Napoo
7--Sabati.......................................................................................................5.27.9 6.41.3
14--Sabati.......................................................................................................5.30.8 6.40.4
21--Sabati.......................................................................................................5.33.6 6.38.7
28--Sabati.......................................................................................................5.36.0 6.36.3
KELA ME KEIA
____
Pauhananuu hou makou i keia kakakiaka.
____________________
Ko kakou Kale Auwana, ko keia pule ae.
________________
He 591 ka nui na moa o ka hui telepone Mutualaa i keia manawa.
_______________
I keia pule i wehe ia ai ke kaa alahao o alanui Beritania, mai ke kihi aku o alanui Nuuanu a Punahou.
_________
I ka hora 12 o keia la, e kudala ia aku ana ka moku kakpepa Pakwan e ku nei ma ka Mekeke o Ulasoheo.
_________
Ma ka lono hope o ka mokumahu i hala, ua pii hou ae na keneta o ke ko paa iluna o ka lani. He o'u ia.
________
Aia ke kaa holo pomumu e like me kou makemake ke holo nei ma Waikiki i keia mau po.
_________
ma keia hoi ana mai o Kinau, e hiu palaka ia ana @@ iluna o ka lani no ka hoomaemae i kona kikala.
________
Laukanaka ke Kinau o nehinei i na ohua ake mu e ike i ka Luahine o Kilauea.
___________
Ma kaa apana o Maemae, ua make aku la o Paio, kekahi o na Pake kahiko a kamaaina.
_________
Pupuka hoi kela ku o ka Makua Damiena maloko o ka nupepa ku o Ladana.
_________
Ua holo aku ka mokukaua Kale Pilikomiu no Valaparaiso, a mai laila ae no Kapalakiku.
______________
Ua hala aku no ka mokupuni kailila o lalom ka Hooilina Moi Liluokalani i ka Poalua nei.
_______
Hui Hawaii me Honolulu ke ulele ana i keia auwina la, ma ke kahua mau, ka manawa mau, a me ko lakou mau helehelena a me ke ano mau.
________
Ua hooponopono hou ia ae nei ka olino o ke kukui helepo o ke awakumoku hookuu heleuma o Honolulu nei i keia manawa.
________
He moku hoopae limahana o na Pusiki ke haalele ana ia Potugala i keia Augate ae no keia awa. Aole no hoi kakou i lawa iho la?
______________
I ka Poakahi nei i holo aku ai ka Alakaa no Faninaa Ailana, a kolo mai i ka mokukaua poino Nipasika no keia awa.
___________
ua hala aku o Prof. Melawila me kona baluna no wailuki, a ilaila oia e lele ai i ka lewa ke hamabaga hou ole hoi ua haluna nei.
______
O ke mele no ka rama ma ka aoao eha, na W.D. W. mai, o ka makamua loa keia o kana haku manao ana ma ka olelo Hawaii.
______
He leta mahalo ka Emepera Wiliama o Germania i ka Moi Kalakaua, no kana leta hoalohaloha pili lahui no na aumoku Germania i nahaha ai ma Samoa.
_______
Ua ahewa ia ma ka ahahookolokolo o Koolauloa i ka Poalua nei, he ekolu wahine o ka hoomana Moremona no ka mare lehulehu, oiai ka lakou mau kane ke wile nei no na ki-pauma, a eia no ke ola nei ma Laie. Oolea no na pausa kino o keia poe wahine.
_______
O na poe kanu i ka lakou maau kupapau maloko o ka pa luakini o Manoa, e oluolu lakou e hoike mua aku i ka lono ia H. Paaluhi, ka luna malama luakini a me ilina o Manoa, i ole hoi e hoonui ia ka hana.
_______
Malalo o ka noho poo anaa o ke Keiki Alii o Wale a Hooilina Kalunu o Enelani, ua hoala ia kekahi ahahui no ka noonoo ana e kukulu ia ona kiahoomanao no na hana wiwo ole a ka Makua Damiana i hui a noho pu me na mai lepera no kekahi mau makahiki i hala ae nei.
_______
Ua hala aku no Kilo ka mokukaua Beritania Ekepikela.
________
I keia Poaha ae e malama ia ai ka hoike hope loa o ke Kula o Iolani.
_______
Ua haalele aku o Mr. Hones i ka no ho kakauolelo no ka Papa Ola maope o na la pokole.
_______
E akahele ka poe hookiki wai mea kanu, he eha hora wale no o ka la i ae ia e hoopulu.
_______
Ma ke koho hou ano o ka puali Moiwahine Ponoi i alu kiekie no lakou, ua hooholo lokahi ia ka inoa o A. Rosa i kapena.
________
Ke upu ia aku nei, e kipa mai ana ai keia awa ka mokukaua Adimariala Farani Duquesne, ma kona ala holo mai Kapalakiko mai no Tahiti.
________
NA HUI KINIPOPO HAWAII.
______
O keia mau huahelu malalo iho, oia ka papahelu i haawi ia ai na paani a me ka lanakila e kela a me keia hui, i ka Poaono, e pau ana i Iulai 6, 1889.
Hui. Lanakila Haule Huina
Kamehameha 4 1 5
Hoku 2 1 3
Hawaii 1 2 3
Honolulu 2 1 3
Kaiulani 0 0 6
__________
KO NA AINA E.
Lono o ke Ao Holookoa
______
Ohuehu i Potugala.
Ma ka la 26 o Iune, ua oehu ae ke aupuni o Potugala i ka hui hoomoe alahao Amerika ma Delagoa Bay, a ua kauoha mai ke Kanikela Beritania i kona aupini, e houna ia aku kekahi mokukaua i ua awa la no ka hoopakele i ke ola a me ka waiwai o ia lahui ke ulu mai ka haunaele.
Ua ulono ia ae, he mau hana pholalo keia na Gemania e hookikina nei ia Potugala, ma o kko Enelani hoho mana nui ana ma kekahi mau mokuaina o Aferika.
Ua tlegarapa mai na agena o ua hui la i Amerika, e noi mai ana no ka hoouna aku i kekahi mokukaua no ka hoopakele ana i ka waiwai o na Ameria ma Potugala.
Ma ka la 29, ua loaa hou ae kekahi lono i Ladana, e noi ana i kekahi kokua i ke aupuni o Enelani, oiai, ua ulaa ia na alahao, ua ki ia na pu, a ua hopu wale ia na malihini ma ke kulana o ke pale aku.
Wahi a Salisebure iloko o ka Hale o na Haku, ua noi aku ke aupuni ia Potugala a hooponopono ia keia hihia me ka malie a me ka nui o ka manawa, a aole hoi ia Potugala ka mana hoole kehapai ia kekahi aha uwao no ka hooponopono ana i ke kueana o na kanaka o na lahui e
Na Lono Huikau
Iune 24, ua make mai nei ka wahine a Hayes, kekahi o na Peresidena o Amerika.
Ma ka la 4 iho nei o Iulai, oia ka la i pakui ia aku ai a piha ka huina o 48 mau hoku ma ka hae poo o na aumoku, he hoohanohano i ke komo ana mai o kekahi mau mokuaina iloko o ke apo hookahi.
E ulele kuikui puupuu pu ana o Suliwana a me Kilirana, ma kae muliwai Mikkipi, Iulai 8.
Ma Penekelewenia, Iune 26, ua make mai nei o Simona Kamerona, kekahi o na kakaolelo kaulana a loea o Amerika, i ka w a ke kukala kaua i poha ae ai mawaena o ka Akau me ka Hema.
Ua hanau ia oia i ka makahiki 1799, a hiki i kona makae ana aku lal, ua piha iaia ke 90 makahiki a oi ma keia ili honua.
Oiai na ma kamalii, ua haaalele ia iho oia he keiki makua ole. I ka 9 0 na makahiki, ua komo oia i ka halepai nupepa a he kukulu huakepau ka hana nua loa ana i lawelawe ai. I ka 21 o na makahiki, ua lilo oia i luna hooponopono nipepa, i ka 1845, he senetoa no ka Aha Senate, he Kuhina Kaua no Linekona iloko o ke kukala kaua, a he Kuhina Noho no Amerika i ke aloalii o Rusia.
Ma ka la 22 o Iune, ua hookohu ia aku o John L. Stevens o ka mokuaina o Maine, i Kuhina Noho Amerika ma ke aloalii o Hawaii nei.
Ke lawe ia nei na dala gula mai Amerika hema aku no Rusia me Auseturia, e like me ka wa e kaua anao Farani me Germania.
Mamulu o ka hoouna nei loa ia o na oihi oia mai Savoy mai no Geremania, ua kauoha aku ke aupuni Farani e huli ia na kumi o keia hoouna hoomakaukau ana.
Ua hoole aku o enelani i na noi a farnai i ke ku ana o kona mau kauai ma Aikupika.
Ua law ae nei o Rusia i ka mokupuni Deer i wahi hoolula no kona mau aumoku.
E hoolawa ia aku ana na pualikoa o Rusia me na pu ano hou e hoomakaukau ia nei ma Farani.
_____________
Kela Wai Ikaika.
____
Elua Miliona Dala na Kokua Aloha.
_____
Na Poe i Pakele mai.
_____
Malalo iho e loaa ai kekahi mau itamu o kela luawai i pahu mai nei o kona kumuwai a piholo he mau tausani oia, a me na koku aloha a kekahi mau kulanakauhale nui o Amerika no kela poe pilikia.
O ka lono weliweli o ka na-ha ana o ka luawai nana i pulami mai nei ke kulanakauhale o Keonikaona a me na wahi kokoke, a piholo na kono ola he ami tausani a oi, ua hapai koke ia na kokua aloha e na kuanakauhale pili makmaka ma Kanada, Irelani a me Enelani, no keia pilikia ulia i pahola aku i na ohana lehulehu o kela mau kulanakauhale aohe ahailono.
Aole o ka wai wale ka pilikia nana i hoomaainoino aku i kela mau tausani kanaka aka oiai ka wai e hoolana hele ana i na hale, ua a pu ae ke ahi a holopapa aku la maluna o na kauhale e paialewa ia ana e ka wai, a he puulehu ahi ia i ike ia mahope iho o ka pau ana o ka wai.
O na kulanakauhale nui ma Amerika i hookupu ae i ka lakou ma kokua aloha no keia poe pilikia i hoonele ia me na home ole, ea iho ko lakou mau inoa me ka huina o ka lakou ma dala:
Philadelphia.............................................................................................................$680,000
New York..................................................................................................................550,000
Pittsburg....................................................................................................................300,000
Chicago.....................................................................................................................110,000
Boston.......................................................................................................................100,000
Harrisburg.................................................................................................................100,000
Washington.................................................................................................................47,000
Brooklyn.....................................................................................................................43,000
St. Louis......................................................................................................................42,000
San Francisco..............................................................................................................37,000
Pennsylvania...............................................................................................................30,000
Cleveland....................................................................................................................28,000
Ahaolelo Connecticut.................................................................................................25,000
Columbus....................................................................................................................23,000
Cincinnati....................................................................................................................26,000
Providence..................................................................................................................20,000
Newark........................................................................................................................17,000
Baltimore.....................................................................................................................30,000
Buffalo........................................................................................................................15,000
Bethlehem...................................................................................................................15,000
New Haven..................................................................................................................13,000
Lancaster.....................................................................................................................13,000
Kansas City.................................................................................................................12,000
Trenton........................................................................................................................12,000
Scranton......................................................................................................................11,000
Albany.........................................................................................................................11,000
Louisville....................................................................................................................10,000
Wheeling.....................................................................................................................10,000
Ahaolelo New Hampshire...........................................................................................10,000
Hui Alahao..................................................................................................................10,000
Erie, Penn....................................................................................................................10,000
Brewer's Nat. Asso......................................................................................................10,000
Mai kekahi mau kulanakauhale e ae.........................................................................260,000
_______
Huina.....................................................................................................2,630,000
ke Kanaka Holo Lio o ke Awawa.
O ka moolelo o ke kanaka kau lio nana i lawe mai ka lono k ke kuanakauhale o Keonikaona i ua kakahiaka la, e hai ana kekahi poe i pakele mai i ke ano o kona holo ana mai, penei:
"O Paulo Revele, oia ka inoa o kekahi kanaka e kau ana maluna o kekahi lio ulaula ua holo mai oia ma ke alanui nui o ke kulanakauhale me ka puahi a me ka hopohopo ole no kekahi mea, a e kuhea ana oia i keia mau huaolelo me ka leo ikaika---"E holo no ko oukou mau ola iho iluna o ka puu!"
He nui o na poe e kuku ana ma ke alanui, ua manao ia ka holo awiwi launa ole mai a me ka kuhea leo nui a ke la kanaka, ua loaa ia la oia i kekahi ma'i huhu o ka pupule, a o kekahi haawina like e ae paha o ia ano. He mau minute pokole wale no i hala ae, aia hoi, ua lohe ia aku la kekahi halulu nui e iho mai ana mai ke awawa mai, a o na kauhale a me na laau o na ano a pau, e olepelepe ia ana lakou i o a ianei, e kakahi ale nui o ka waikahe he ekolu haneri kauai ke kiekie maluna o ka ilihonua.
Ke hooma la ke kanaka kau lio i ka holo hookina i kona lio, a ke ukali aku nei hoi ka waikahe mahope ona. Aia i ka wa ona i hiki aku ai i ka uwapao, aole oia i kaalo aku ma kela aoao no kona palekana, ua hiki koke mai la ka waikahe he kanakolu a oi kapuai maluna o ka uwapo. a e holo mai ana kekahi mau kaamahu o ka hui io Peneselevenia, ua olepe pu ia ae ka uwapo e ka ikaika o ka wai a lumilumi ia aku la na kaa ohua a me ke kanakakau lio a piholo iloko o ka hohunu.
Moolelo a Miss Nina Specks.
E hai ana kekahi kaikamahine opio ma ka inoa o Miss Nina specks, i ka moolelo o kona pakele ana i ka wa ka wai e kahe ana me ka ikaika, penei:
"Aia ko makou hale ma ke kulanakauhale o Keonikaona. I ke kakahikaka Poalima, ua lohe makou i kakahi halulu nui mauka mai o ke awawa, a o ka makou i ike aku ai, he ale nui o kekahi waikahe ikaika e olepe ana i na kauhale o na ano a pau mamua o kona alahele. Me ka haalulu nui o ka makau, ua holo aku al makou me ka pupuahulu nui no k apuu e ku kikoe mai ana, aka, aole hala ka hapalua o ke ala a makou e holo ne me ke kaumaha, ua loaa mai la makou i ka wai a hiki i ka a-i, a ua ko hou ia aku la makou ihope.
Ua au hou aku makou no ka hale, a iloko o ko makou laki nui, ua hiki hou makou mamua o ka hoolewa ia ana o ka hale e ka wai. Iloko o keia manawa au i ike aku ai i na kauhale ma kela aoao a mamua hoi o makou e lana hele ana iluna o ka ili wai me na ohana lehulehu e pinana ana maluna o na kaupoku i pakele mai ke piholo aku iloko o ka wai.
Iloko o keia manawa a makou e noho nei iloko o ko makou hale, oia ka wa i hapai ia ae ai a hooiana heleiaaku la makou maluna o ka ailiwai kupikipiki-o e luli ana ma na wahi a pau, a iho pololei aku la no ka uwapo nui o na kaamahu iloko o ke awawa. A keia pule ae e hoopuka aku ai makou a pau pono i ke koena aku i koe o keia moolelo walohia.
(Aole i pau)
_________
KA AHAHUI POOLA.
_______
Ke kauoha ia kau nei na lala a pau o ka ahahui me na wahine pu kakahi i lilo i lala no ia hui e akoakoa nui ae ma ka luakini o Kaumakapili i ka Poakahi ae nei, la 15 o Iiulai, hora 6:30 p.m., no na mea e pili ana i ko oukou pono i ka lima o ka puuku, aole e noho kekahi lala i keia leo kahea.
W.S. Lokai.
Ko oukou hoa Poola
_________
NA HUNAWAI O HONOKOHAU.
______
Paina Luau o Honokohau Bridge.
Ma ka Poaono, la 22o Iune, i malama ia ai ka paina makaluhi o ka hana ia ana o ka uwapo. Ua lakua ia he i bipi a me 2 puaa. Ua wehi ka uwapo me na lau nahele o ke kuahiwi, a ua nui ka poe i hele mai e paina i ka lokomaikai o ia poe. Ua ai a ua piiha, ua inu a ua kena. Mahalo no.
Ka make ana o Joseph G. Howie.
Ma keia la a'u e kakau nei i keia mau hunwai, a ma ka hora 8 o ke kakahiaka, Iune 27, i make ai o Joseph G. Howie ma kona hale noho ma Honolua. He malihini oia no na aian e, o Greenock, Scotland, Great Britain kona aina hanau. Ua hanau ia oia ma ka makahiki 1849, a ua piha iaia makahiki he 40 o ke ola ana ma keia ao mauleule, Ma ka Poalua ka hele ana mai no Honokohau nei, e kamailio i na kanaka no ke kuni bipi, a ma ke ahiahi no i oa la ua anui loa mai la kona mai, a ma ka Poakolu ae ikaika loa, a ma ka hora 8 kakahiaka no o ka Poaha, make loa aku la.
Owau iho no,
Sam. L.K. Aekaiokaimoku.
Honokohau, Iune 27, 1889
_______
HOOKU'I A LELE I KA PALI.
______
E ke Kuokoa; Aloha oe------
E ahonui hou mai i kou kiu mea hou e hoakaka aku i kakahi moolelo i ku i ka walohia, a ku no hoi i ka manaonao ke nana aku i na hiohiona o ua kanaka 'la, nona ke poo ekau ae la maluna:
I ka hora 10 o ka Poaha, la 27 o Iune aku nei, i hiki aku ai o kauka Kaa i kahi o na kula wai i Wainanao, ma Kapaau, ku ke kaa ahi ilaila e hooopiha i ka wai, a i ka piha ana o ke kaa ahi i ka wai, hoomaka aku la e holo no kai o Mahukona me na kaa ohua, a i ke kaalo ana ae o ke kaa ma kela huli o ka pali e hiki aku ai i ka-honua, o ka wa no ia i hookui mai ai o Kealakai k, i ke kaa ukana a hina aku la oia ihope a lele aku la oia i ka pali.
O kahi a Kealakai i ku ai a hina aku la , he wahi haiki loa ia, oia hoi, he hookahi wale no kapuai a me hapa ke kaaawale mai ke kae mai o ke alahao a hiki mai ma ka niao o ka pali, a o keia pali no hoi ka pali kiekie hookahi i ike ia ma keia wahi, a nona hoi ke kiekie mai lalo ae o ke kahawai a hiki iluna o ke alahao, he 400 kapuai.
I ka wa e waiho mai ana o ke kino make o Kealakai ilalo o ka pali, ua hoomaka aku la o Punahoa e iho ilalo i kahi o ke kino make e waiho mai ana i kona hiki ana aku ilalo o ke kahawai, ike iho la eia a mauliawa ana o Kealakai no kona aho hope loa o kona ola ana ma keia ao.
Ua hoea mai ia kakahi mea, a hapai aku la laua i ke kino make o Kealakai ma kekahi aoao, a malila i waiho ai a hiki mai ai ka lunakanawai a me ka makai nui a me na hoa o ia aha, eia mae ka mea i lohe ia ai o keia lono, oia no ke tlepone ia ana mai ka hale uka na mai o Hawi a i ka lohe ana o ke kapena makai o ka wa no ia i hai ia ae ai ka lohe ia makou a pau, a na laua i kono ae i na mea a pau e hele e nana i kahi o ka mea i pilikia, a ua ae aku na mea a pau i ke noi a ka luna kanawai a me ka luna makai nui, a owau pu kakahi i hele pu aku i kahi o ka mea i poino.
I ko makou hiki ana aku, i ka nana ana ae no hoi ka hana i kahi i lele mai ai mai luna mai o ka pali a haule ilalo o kahawai, he ku maoli no k ka manaonao, ke nana aku i kahi i lele mai ai a haule ilalo, ia wa no hoi i kahea ia aku ai e ka makai nui ka ohana o ka mea i make e lawe mai i ke kino o ka mea i make iluna o ka pali, i kahi kupono ia makou ke nana i ke kino o ka mea i make, kahi no hoi e noho ana na mea a pau, i a wa no hoi i auamo ia mai ai ke kino make o Keakakai a kau iluna o ka honua, a hiki hoi i ka waiho ana mauka iho o ka hale laau o ka pake, a kauoha ia aku la no hoi ke kauka e h ele e nana i ke kino o ka mea i make. a i kona huli ana iho i na wahi a pau o ka mea i poino, ua hoike mai la oia, ua make oia ma o ka pau ana o kona mau iwi aoao ame kona i wi kuamoo i ka hakihaki liilii, a me kekahi mau puka ma ka pepeiao, oia ke kumu o kona make koke ana, no ke kahe nui o ke koko ma ia mau puka, a ma ia wa no i noho ai ka aha koronelo e niele i na hoike. Mai ka hoike mua Punahoa, ua make keia kanaka i ka hooku'i ana me ke kaa ukana o ke kaa ahi a lele i ka pali, no ka haiki loa o kahi ana e ku ana.
Pau ia, ua kahea hou ia ka lua o ka hooike, a hele mai la no hoi oia e hoike i kana ike lehulehu loao, e hiki ole ai ke hoomaopopo ia aku kana mau ike, eia nae, i ka noonoo ana o ka aha, ua make oia ma o kona hooku'i ana me ke kaa ukana o ke kaa ahi a lele i ka pali ke kumu o ka make ana.
I ka pau ana ae o keia, ua kauohaia mai la ka ohana e lawe i ke kino o ka mea i make i ka hale, a nona hoi makou ekumakena pu aku nei me ka ohana ma keia aoao, e paiauma aku ai i ke aloha i keia makamaka maikai a heahea no hoi i na mea a pau e kipa aku ana ma kona hale. Aloha wale oia:
I ka la 3 o Iiulai nei i huli hoi mai ai au mai Niulii mai, a hiki au i Kaiopihi, i ko'u hiki ana mai, ua haki pu ke kolo o ke kaa lawe waiu o waho o Hawi ma o ka hooku'i pu ana me kekahi kaa mahope mai ona, a hooku'i haule aku la oia ilalo; eia nae, aole i eha ke kahu kaa.
Ka la 4 o Iulai.
I ka wa i hoomaka ai na hana o na hui kinipopo i hui ia ma ke kahua lelea i kai o Hau, i ka wa i wehe ia ai na hana, ua piha ku'i mua ae ke kahua i na kanaka i akoakoa ae e ike i na hana lealea o ia la, a i ka iki pono ana ae i ka hora 2 o ka auina la, i hoomaka ia ai na hana lealea o ia la e keia mau hui i hoike ia ae la maluna, he ku maoli no i ka eleu ka hana a na aoao a elua, a hookahi o lakou i hooku'o a eha ma kona waha, oia no ka mea hoopaa peleki o ke kaa ahi. Eia iho na hui i paani:
Hui Lanakila Haule Huina
Halaula 8 3 26
Makapala 3 5 12
Puehuehu 0 0 0
Hawi 0 0 0
He mau lealea e iho no kekahi, heihei holo wawae, hookahi holo ana, eo ia Keoni, heihei a eo hou no iaia. Ke hooki nei au ma keia kukulu mea hou ana, me na keiki ulele hua metala ko'u welina. Me ke aloha,
S. W. B. Kaainoni.
Halaula Mill, Iulai 9, 1889.
MAKE KEENA O KA LUNAkanawai Kaapuni Apana Ekolu o ko Hawaii Pae Aina.
Ma ka hana o ka waiwai o Kamahiai k, no wailua, Hilo, Hawaii, i make.
Ua heluhelu ia a ua waiho ia mai ka palapala noi a G.W. A. Hapai, ka Lunahooponopono o ka waiwai o Kamahini k, o Wailua, hilo, Hawaii, i make, e noi ana e hoopono ia kona hoike hope, a e hooholo ia ka waiwai i na hooihna, a e hookuu aku iaia me kona mae hope ma ka oihana.
Nolaila, ua kauoha ia na mea a pau i pili, o ka
POAKAHI, IULAI 22, 1889,
I ka hora 10 kakahiaka, oia kahi a me ka manawa i koho ia no ka hoolohe aku i ua noi la me na poe kue ke hoike ia, ma ka hale hookolokolo ma Hilom Hawaii.
F.S. LYMAN,
Lunakanawai Kaapuni
apana Ekolu H.P.A.
Hilo, Hawaii, Mei 15, 1889.
2238 3t
HOOLAHA HOOKO MORAKI
_____
@ ku@ke ai me ka mana kuai o kekahi palapala a moraki i hana ia e Kauohouiauna a e Kuhimoku kana wahine mare, o Kaalaea, Koolaupoko, mokupuni o Oahu, ia W.F. McWhirter o Makawao, mokupini o Muai, i hana ia i Feberuari 3, 1885, a i kope ia ma ke Keena Kakau ma ka buke 94 aoao 37 me 38.
Ke hoolaha ia kau nei ma keia, e hooko ia aku ana ka mana kuai o kela moraki mamuli o ka uhaki ia ana o na kumu aelike o kela moraki, oia hoi, ka uku ole i ka ukupanee a me ke kumupaa, a nolaila, e
KUAI KUDALA
ia aku ana ma ka rumi kudala o J.F. Morgan o Honolulu, o na aina a me na lako a pau maluna, elike me keia malalo iho
No na mea i koe, e ninau ia W.R. Castle, Loio o ka mea moraki.
Hanaia ma Honolulu, Iune 29, 1889.
W. F. McWHIRTER,
Mea Moraki mai.
O keia iho na wahi e kuai ia aku ana.
1---O kela wahi ma Kaalaea, i ike ia ma ka Plapala Sila 5536, ia Kuapalahalaha, nona ka ili o 1 me 97-100 eka.
2---O kela wahi a pau ma ka Palapala Sila 3662, L.C. A. 3364, ia Naihepapa, nona ka ili o 4 eka 30 pe@ ma Haiku, Kauai, a o Kuhimoku hoi ka hooilina oiaio o ka waiwai i olelo ia.
2239-3t
MA KE KEENA O KA LUnakanawai Kaapuni Apana Ekolu, o ko Hawaii Pae Aina.
Ma ka hana o ka waiwai o Wahakole k, no Kamaee, Hilo, Hawaii, i make.
Ua heluhelu ia a ua waiho ia mai ka palapala noi a G.W. A. Hapai, ka lunahooponopono no ka waiwai o Wahakole k, no Kamaee, Hilo, mokupuni o Hawaii, i make, e noi ana e hoapono ia kana hoike hope, a e hooholo ia ka waiwai i na hooilina, a e hookuu aku iaiai me kona mau hope ma ka oihana.
Nolaila, ua kauoha ia na mea a pau i pili, o ka
POAKAHI, IULAI 22, 1889,
i ka hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i koho ia no ka hoolohe i ua noi la me na poe kue ke hoike ia.
F.S. LYMAN,
Lunakanawai Kaapuni,
Apana Ekolu, H.P.A.
Hilo, Hawaii, Mei 15, 1889
2238 3t
MA KA KEENA O KA LUNAKAnawai Kaapuni Apana Ekolu o ko Hawaii Pae Aina.
Ma ka ana o ka waiwai o W. K. Kaainoni, i make.
Ua heluhelu ia a ua waiho ia ma ka palapala noi a R. A. Lyman, Luna hooponopono Waiwai o W. K. Kaainoni, ua make kauoha ole. Ua hoike ia, aole lawa o ka waiwai lewa no ka hookaa ana i na aie, a e noi ana i ka hookaa ana i na aie, a e noi ana i ka mana o keia Aha, e kuai i ka waiwai paa o ka mea make, i hookaa ia ai kona mau aie oiaio.
Nolaila, ua kauhoha ia (o Kuokala k,) ua manaoia, oia kekahi hooilina) na pilikoko a me na poe a pau i pili, o ka
POAONO, IULAI 20, 1889,
ma ka hale hookolokolo ma Honokaa, Hawaii, hora 10 kakahiaka, oia ka la a me kahi e hoolohe ia ai na kumu kue ina he kumu, no ka ae ole ia o ua mea noi la.
S.L. AUSTIN,
Lunakanawai Kaapuni.
2238 3t
Benson Smith & Co.
Na Mea Laikini ia e kuai Kukaa
a me Kuai Liilii aku.
na Laau Lapaau
O NA ANO A PAU.
HELU 113 me 115, ALANUI PAPU
_____
O LAUA NA AGENA NO NA
Laau Lapaau Kuluwai Liilii !
Boreicke & Schrecke, a me na
WAi Lukini OnAonA Waianuhea!
_______
WAIALA MAILE
--A ME KE--
Onaona Lei Aloha!
O na lako no ka Lauoho a me ka Ili, a me na mea hoonani o ka Home, e loaa no ia ina makamaka ke kipa mai ma keia hale.
2204-tf
HOOLAHA HOOKO MORAKI
_______
I kulike ai me ka mana kuai o ke kahi palapala moraki i hana ia e Pikai k, o Kahuku, Koo@auloa, mokupuni o Oahu, i kakau ia i @@@ 18, @@@@@ a i kope ia ma ke Keena Kakau ma ka buke 78, aoao 100 me @@@.
Ke hoolaha ia @@@ @@@ @@@ keia, e @@@ @@@@@ aka ana ka nuana @ o @@@@ m@@@@@@@ @@@ uaki ia o na ku@@@ ae@@@@ @@@@ @@@@@ @@@@ k e @amupaa a me ka @@@@ @@@ @@@@ @@@
KUAI KUDALA
IA AKU ANA MA KA @@@ K @@@@ @@@@@ M@@gan, ma Honolulu, @@ a ma @@@@@ @@@@@ pau maluna @@@@@@@@@@@@@@@@@@@ iho nei.
No na mea @@@ @ loaa @@ @@ @@@@@ K Castle, @@@ o ka mea @@@@@@
Hanaia ma H@@@@@@ @@@@@ @@@@@
MISS HELEN NO@@@@@
@@@@@@@@@@
______
O kahi e kuai ia @@ @@@ @@@@@@
O kela apana aina a @@@ ma @@@@@@@@ ke mua ia ae nei, a @@@@@@@na @@@@@@ Sila Nui 530, L.B. A@@@ ,a la @@@@ Mahele, ma@ua@@@ @ @@@@@@@@@@@ Pakai, nona ka @@@ i @@@@@@@@
Me keia wahi pa @@@@@@@@@@ a ka Palapala Sikla Nui 243, L. @ @@@@@ @@@@ka inoa o Makele, nona @@@@@ @@@@@@@@@ ohio ia aku ia Makai@@@ ma @@@@@@@ pala o Feb 21, 18@@ a @@@@ma @@@@@@@ aoao 112.
2239 3t
HOOLAHA HOOKO MORAKI
_____
I kulike ai me ka mana kuai o kekahi palapala moraki i hana ia e Kokau@@ (k) me Kamala, kana w@@@ ma@@@@@ Wawaia, mokupini o Molokai, ia Miss E.K. bingham, o Honolulu, mokupuni o Oahu, i hana ia i Okakoba 23, 1882, ai kope ia ma ke Keena Kakau ma ka buke 77 aoao 23 me 24.
Ke hoolaha ia aku nei ma @@@@@@@@@@ aku ana ka mana kau. @@@@@@@@@@@@ uhaki ia o na kunia aoao, ia @@@@@@@@@ o ke kumupaa a me ka @@@@@ @@@@@@
KUAI KUDALA
ia aku ana ma ka nana k@@@@@ @@@@@@@Morgan, o na aina a me na @@@ @@@ @@@@ @ke me keia mala@@@@
No na mea i koe, e loaa @ @@@ @@ @@@@ W R Castle, loio o ka mea @@ @@@@
Hanaia ma Honolulu, Iune 29, 1889
MISS E. K. BINGHAM.
Mea Moraki mai.
O keia iho na wahi e kuai ia aku ana
O keia wahi a pau ma Waw@@@@ @@@@@ ma ka Palapala Sila Nui 3779. @@@@@@@@@ B, ma ka moa@@ Kaiuiki, makuakani @@@@@@ ula e olelo ia nei, nana ka iho @@@@ i @@@@ me 59 anana.
E kuai pu ia aku ana kela a na i keia @@@@@@ka Kekaulal, ma kekai @@@pala a @ M Smith, E O Hall, me SsB @@@ na ku@@ n@a lama waiwai o W @ Lani@@@ i k@k@@@@@@ Okatoba, 18, 1880, a i kapena ma ka @@@ @@@ aoao 449. Aia keia @@@@ A@@a ma Kawela
2239 3t
HOOLAHA HOOKO MORAKI
______
I kulike ai me ka mana kuai o kekahi palapala moraki i hana ia o M@@@@ (w) me Maiola, kana kane mare, @ Kaneohe, Koolaupoko, mokupuni o Oahu, ia Chas, T. Gala@k, Kaha malama wa-wai, Honolulu, mokupuni o Oahu, i kakau ia i Dekemaba 17, 1883, a i kope ia ma ke Keena Kakau ma ka buke 85 aoao 209 a me 210.
Ke hoike ia kau nei ma kuai, e @@@@ iku ana ka mea moraki ia i keia pal@@@@@@@ moraki, no ka uhaki ia o ka aelike, oia @@@@@@ ia o ke kumupaa me ka ukupan@@ @@@@@
KUAI KUDALA
ia aku ana ma ka rumi kudala o I@@@ Morgan ma Honolulu, na aina a me na @ak@ au maluna iho.
No na mea i koe, e loaa no ma k@ @@@na o W R Castle, loio o ka mea m @@@@@@@
Hana ia ma Honolulu, Iune 29, 1889.
CHAS. @ GULICK.
Mea Moraki mai.
_______
O keia iho na wahi e kuai ia aku ana.
O kela wahi a pau ma Kapalau, Kaneohe, @ ike ia ma ka Palapala Sila 2423, I. C. A. 7233, ia Luluu, makaakane o Monika w, @@@ ka ili o 5 791-1000 eka.
2239 3t
HOOLAHA HOOKO MORAKI
_____
I kulike ai me ka mana kuai o kekahi palapala moraki i hana ia e Sam. Kapena me kealoha kana wahine mare, a me Kalima (w) o Makiki, Honolulu, mokupuni o Oahu, ia Mrs. E. Humphreys, o Honolulu, i hana ia i Ianuari 26, 1883, a i kopeia ma ke Keena Kakau ma ka buke 77 aoao 255 a me 256.
Ke hoolaha ia aku nei ma keia, e @@@@@ ia aku ana ka mana o kela moraki no ka @haki ia o na kumu aelike, oia hoi ka @@@ ole ia o ke kumupaa a me ka ukupan@@ nolaila.
KUAI KUDALA
ia aku ana ma ka rumi kudala o Has B Morgan, Honolulu, na aina, a me na pono a pau maluna iho.
No na mea i koe, e loaa no ma ke keena o W R Kakela, loio o ka mea moraki ia
Hanaia ma Honolulu, Iune 29, 1889.
MRS. E. HUMPHREYS,
Mea Moraki mai
_____
O keia iho na wahi e kuai ia aku ana.
O kela wahi a pau ma Kahana, Koolauloa, Oahu, i ke a ma ka Palapala Sila 2052, L. C. A. 5231, ma ka inoa o Kapena , no na ka io 1 55-1000 eka.
O kela wahi a pau ma ka Palapala Sila 2057 L.C.A. 5221, ma ka inoa o Kapena, nona ka ili o 2 687-1000 eka.
E kuai pu ia aku ana keia wahi @@ke na ma ka Palapala Sila 5079, L C A 5704, ma ka inoa o Kuaio, n ona ka ili o i eka, oia no kahi i hoolilo ia aku ia Sam Kapena, ma kekahi palapala a Kalima w, i kakau ia Okatoba 5, 1876, a kope ia ma ka buke 44, aoao 483, a oia no hoi ke kuleana pilipaa o Kalima iloko o kona wa ola.
2239 3t