Ka Nupepa Kuokoa, Volume XXVIII, Number 29, 20 July 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVIII, HELU 29. HONOLULU, POAONO, IULAI 20, 1889.   NA HELU A PAU, 2242

 

HOOLAHA LOIO –

 WR. KAKELA

LOIO A ME KOKUA MA KE KANAWAI

He Luna Hoolaha Palapala

tf

 

CECIL BROWN.

LOIO A HE KOKUA MA KE KANAWAI?

he Agena Hoolaha Palapalaia no ka Mokupuni o Oahu

KEENA HANA: Ma alanui Kalepa.

tf.

 

E G. HITCHCOCK

(AIKUE HIKIKOKI).

LOIO A KOKUA MA NA MEA A PAU E PILI ANA MA KE KANAWAI

E ohi io no na Bila Aie, me ka awiwi

HILO.HAWAII.       

                        2114. 1 yr.

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala

E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.

KEENA HANA: Hale Pohaku hou ma ka aoao ma Waikiki o ka Halewai Alanui Kalepa.

 

WILDER & CO. (WAILA MA.)

Mea kuai papa a me na lako kukulu hale o na @ a pau, a me na @ pono a pau o ka hale.

Kihi Alanui Moiwahine me Papu.

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu    Honolulu

 

GEORGE P. KAMAUOHA.

He Loio a he Kokua ma ke Kanawai.

A HE MEA

ANA AINA.

E loaa no ma Kohala Akau, Hawaii.

2001-1y

 

 

WILLIAM C. ACHI.

Loio a Kakaolelo ma ke kanawai imua o na Aha a pau o keia Aupuni, a he Boroka ma na waiwai paa.

Keena Oihana, Helu 36, Alanui Kalepa, Honolulu, Oahu.

2241:3m

 

A ROSA. (AKONI.)

LOIO A HE KOKUA MA KE KANAWAI

He Luna Hoola@ Palapala

KEENA HANA: Ma alanui Kaahumanu:

 

OLELO HOOLAHA

 

Ke hoolaha ia aku nei ma keia, e kuai kudala ia aku ana na Lako Noho Lio kahiko o Kahamaile i waiho ia mai ia’u i Iune 25, 188@, no ka hoomaemae hou ana, ina e uku ole ia mai iloko o na la he 30 mai keia la aku o keia hoolaha.

GEO. W. YARICK,

Wailuku, Maui, Mei 1, 1889.

2234-@

 

HALEKUAI BIBI HONOLULU

(Hope o @.)

HELU 6 ALNAUI MOIWAHINE, MAKEKE

MA ULAKO @

Na Bibi momona, Hipa, Puaa me Ia, na lako ai ulu & co.

O na kauoha a na ohana a me na moku mai e hooko koke ia no me ka eleu a me ka hikiwawe.

O na holoholona ola no na moku e hiki @ ka hooko koke ia.

Telepone Helu 2@2.               @

 

Umeke Poi!

Umeke Poi!!

Ua loaa mai he mau Bakeke Umeke Poi o ke ano hou, i hawe’e ia me ke apo hao, a o ka ae e komo ana iloko o keia ano umeke, oia ka helu ekahi o ka mikomiko, aala a me ke onaona.

E kipa mai ma kahi o KAKELA ME KUKE.

Alanui Moi.     @-3m

 

NEDE NIKONA

KA

Puuwai Haokila a Hooko

Kauoha Poina Ole;

A O KA

Holapu Hope Loa

A KA

“ALABAMA,”

KE

Ahikanana a Puhipuhiahi

o ka Moana Atelanika.

“Elua Kupueu o ka moana,

A na @ e makau nei;

O ka Alabama me ke Senedoa,

I ka uhai loloa mai mahope.”

 

MOKUNA XXII.

KUKAEPELE ME KE KAULA UWIKI PAUKA.

{Ua hewa ia makou i kela pule aku nei i ka mokuna 20 no ka 21, a i keia helu ka hoomaka ana o ka mokuna 22}

E hoomanao ia, ua haalele aku kakou ia P@ Fale, e noho paahao ana iluna o ka mokukaua Kearsarge, a ua kokoke loa hoi i kona manwa e hookolokolo ia’i no na hewa elua, oia ke araima kipi a me ka manuka mai ka ‘oihana kaua moana aku o ke aupuni o Amerika Huipuia.

Ua maopopo kona hewa, a ua maopopo pu e ukali aku ana kona hoopai mahope o kona ahewa ia ana.

E hoomanao ia no hoi, ua haalele aku kakou iaia iloko o kahi rumi i na hoopaahao ia ai me ke ano hauoli no ka loaa ana iaia he kumuhana e imi ai i wahi nona e pakele ai mai ka make mai ka lima kau o Kapena Winslow.

Nolaila, e hoi hou aku kakou a loaa oia ma ua wahi rumi nei.

Aia i ka wa a Davida i haalele iho ai i ka moku a holo aku no ka hoao ana e hoopakele ia Nede, oia no ka wa a Fale e imi ai i kona wahi a pau o loko o ke Kearsarge; a o ke k@ ana i kahakaha ai ka mea nana i hoomaopopo mai iaia i kahi o ka rumi pauda, a me ke ala e hiki aku ai ilaila.

Nolaila, o kona hiki aku i ua rumi pauda nei a hoomoe i ke kaula awiki pauda a hiki i kahi o ia mea weliweli i waiho ai, kukuni iho i ua uwiki al me ke ahi, a lele aku oia iloko o ke kai, oia ke kumuhana i komo mai iloko o kona poo.

Aole loa i haupu o Kapena Winslwo e aa ana kekahi kanaka e hana ia mea weliweli, nolaila, aole i hoonoho kiai ia ma ka rumi pauda; a ua hoomaopopo o Fale i keia mea.

Noonoo iho la ua Fale nei i ka hoao ana o Belodina e hoopahu i ka Alabama ma Bahia a hoohoka ia ai, aka, ke hoao nei oia e puhi i ke Kearsarge, a e hooikaika ana oia e holopono kana hana.

Me neia mau noonoo iloko o ko Fale poo, hoomaka aku la ia i kana hana weliweli i kokua ia e ka malamalama o ke kukui o ka moku e kau ana maluna ae o kona poo.

Unuhi ae la oia he owili pauda mai kona pakeke ae, a i kona imi ana i loko o ka rumi, loaa iho la he apana kaula, a wehewehe ae la i na maawe a uhi iho la i ka pauda. A i ka makaukau ana o keia mea, ua loaa iho la he kaula uwiki pauda. A me kekahi kui i hooke@ ia, wili aku la iloko o ka puka ki o ka ipuka, a hoomaka aku la e wili, a me kona piha hauoli nui oia i ike iho ai i ka hemo ana o ka puka.

“A-ha, ano ua loaa ia’u ka lanakila,” wahi ana. Ku iho la oia me ka @ ana o kona mau maka ma o a maanei, e kiei ana iwaho o ka pouli, a liuliu iki, puka aku la oia iwaho elike me ka hoopolol a me ka nihi malie o ka @, a ua piha kona umauma me na @, a o kona mau maka ua kau ka @ e like me ko @.

Aohe maalo kanaka ma ua kuono nei, a ua haule iho la ka pou@ o na kua o ka moku me ke anoano a ku i ka @, a ke kokolo aku la ua o Fale i kahi o ka rumi pauda. Aole oia i ike mua i keia wahi, aka, ua maopopo iaia kahi o ka ipuka a ua maopopo pu no hoi iaia kahi e hiki ai ke @ aku i ke kaula uwiki iloko o ka pauka; a i kona ku ana iho, ua kokoke aku la ia i ka puka.

No kekahi mau minute kona pee ana malaila, a ku ae la ia a me na keenina maa oia i nee aku ai a ku iho la ma kahi o ka ipuka. Kukuli iho la oia ilalo a hue ae la mailoko ae o kona poli i ua kaula nei, a me ka awiwi oia i onou aku ai i kekahi piko malalo o ka ipuka.

“E puiwa ana ka hiamoe o na kanaka Farani i keia po, a e puehu liilii ana he mau haole Amerika mai ko lako wahi hiamoe ae. Ke li ‘oe e Kapena Winslow ia’u, e pouli ana ka mahina,” wahi a ua o Fale me ka hawanawana ku i ke kaena.

Huki ae la oia he kukaepele mai kona pakeke ae, a koe iho la, a me ka mino aka oia i kukuni iho ai i ke kaula uwiki pauda. O kona ano a me kona helehelena ia manawa, ina i ike ia, ua like no me ko ka nahesa ke keke o kona mau niho.

He oiaio e ka mea heluhelu, he minute @ ia i ke pihoihoi a me ka weliweli ke noonoo ae i ka hana a keia kanaka. Nana pono iho la oia a ike i ka hoomaka ana o ke ahi e a, aole nae me ka lapalapa, aka, me ka a malie no, a o ka mea ia a Fale i makemake ai, i loaa ai iaia he manawa kupono e mahuka aku ai a lele iloko o ke kai.

Me ke @ e a nei, ke kokoke aku la i kahi o ka make a me ka poino hiki ole ke pale ae.

A i ko Fale manawa i ku ae ai mai kahi ana e kukuli ana, ua hapalua o ua kaula nei kai pau aku la i ke ahi, a he kapuai wale no me ka hapa i koe, loaa aku ka pauda.

Me ka mama o ke tiga a me ka nihi malie o ka popoki, i haalele iho ai o Fale i kana hana weli mahope a ni@ kau la no luna o ka oneki. He kanaka akamai o Fale i ka au, a aohe ona makau i ke kai, a ua maopopo iaia ua lawa ka ikaika o kona mau lima no ka au ana a pae iuka o ka aina, a i ole iluna o ka Alabama.

Hiki aku la ia i ka palekai o luna a pane a e la:

E aloha auanei oe no ka manawa loa e Kapena Winslow; e ahai ana ka pupuhi i ke keiki Fale mamua o ka pulumi ia ana o ko moku i ka lewa,” a pinana aku la ia a kaa mawaho, me ka makaukau e hookuukuu aku iaia ilalo o ka ilikai, aka, kakali hou iho la ia me ka pee ana.

“Owai kela waapa,” wahi a ke kiai o luna o ka moku.

“Owau no, o Davida,” wahi a ka pane. “Eia makou ua huli hoi mai la me Nede Nikona, ua pakela mai nei oia.” O ka waapa keia o Davida, akahi no a hoopili mai.

I ko Fale lohe ana i ka puana ia ana mai o ka inoa o kona hoa paio ua pakele oia, holo ae la ke anu maeele iloko ona. “Heaha keia?” wahi ana iloko iho ona. A ua makemake oia e pee malaila no kekahi manawa hou aku i maopopo ai ke ano o kela olelo, aka, he mea hiki ole nae ia, a oiai o Davida me Nede ma e pii aku ana maluna o ke alapii no luna o ka moku, ua hoohoholo malie aku la o Fale ma kekahi aoao a haule aku la iloko o ke kai.

Ia manawa oia i hoomaka aku ai e au me ka ikaika a me ka palanehe no hoi, e huli pono ana kona alo no uka o ka aina, a o na kukui kona alakai; a @ hope mai la he hapalua mile ka ma mao o ka moku, hoolana iho la ia me ka piha kahaha.

“Heaha la hoi keia? Ke lana malie mai la no ua moku nei. Ua pio anei kuu uwiki? Ma o na lani la, ua @ no au e hoi aku iluna o ka moku e ho-a hou. Pehea la i pakele ai ke Kearsarge.”

O keia no olelo i holo ae iloko o ko Fale noonoo; no ka mea, ua hala ka manawa ana i manao ai e pahu kela rumi pauda a e lele liilii ke Kearsarge.

 

Kale Auwana

KA

Lima Puupuu Hao-kila o Vireginia;

A O KE

KIU A SERIDANA

MA KE

Awawa Malu-make o ke Senedoa.

He Moolelo no ke Kaua Kuloko o ke Akau me ka Hema.

MOKUNA XI.

KA LETA KAUA KAUOHA IA KENELA KALANI.

I ka wa i lawa ia o ka Kale Auwana hakilo ana i na poopoo o keia hale, ua hoohuli ia kona noonoo e nana iho i na mea nona ka hale ma ka papahele ekahi.

He hakahaka ka papahele ma kekahi wahi, a malaila ke kiu i nana pono aku ai ia i ka laua mea e hana ana i kela wa.

O ka laua mau kamailio, he mau olelo e pili ana i ke kiu, aole e hai aku i kahi mea ke kipa mai ilaila, a oia ko laua kumu kanalua, ina he mau olelo hiki ke hilinai ia aku ka keia kanaka malihini i hai mai ai.

I ka wai i maopopo ai i ke kiu ka laua mea e kamailio ana, ua haule aku ia a hiamoe.

No kona luhi nui o ka hele ana mai o ke k@, ua pau kona ike ana a hiki wale i ka wa i napoo aku ai o ka la, ua puoho ae la oia i kekahi halalu nui o na wawae kapuai lio he lehulehu wale i ku iho la mawaho o ka puka-pa o ka hale hookipa.

Na keia mea i hoopuiwa ae i ke kiu, a @la ae la iluna no ke kali aku i kona hopena.

 

MOKUNA XII.

KONO HULI IA ANA.

Ua hoomaopopo iho ke kiu, he poe koa kipi keia e hoohalua mau nei ma na alahele a pau, a nolaila, ua makaukau mua ke kiu no kana mea e hana aku ai ina e ike ia ana oia i kela manawa.

Ua lele iho ua poe koa nei mai luna iho o na lio, a komo mai la iloko o ka hale kekahi kanaka me ka lole aliikoa i ukali ia e kona mau koa mahope mai ona.

I ka wa a ke kiu i nana pono iho ai ma ka hakahaka o ka papahele, ua ike pono iho la oia i ua kanaka la a hoohakui ia kona puuwai.

O kela aliikoa i komo mai la, oia no o Kapena Hawika, koua wahi enemi kahiko.

Iaia no e ku ana iluna, ua pane ae la oia i ka negeto,

“Mehameha ole no olua e noho kokoolua nei i keia wahi?”

“O, nui loa poe hele ma kela alanui pau loa manawa kela la.”

“I ka wa hea i kaalo mai ai ia poe ma kou hale nei?” wahi hou a Hawika e hoohuahualau nei i ka negero.

Na kela ninau i hoopuiwa ae ia Kale Auwana e nana iho nei ma ka hakahaka o ka papahele, o hai aku ua negero la aia he kanaka malihini ke hiamoe nei i ka hale o luna.

Ua nana loihi aku ka negero ia Kapena Hawika a pane aku la,

“He mau la pokole wale no hele mahope.”

He hoopunipuni nui oe,” wahi a ke Kapena.

“He hoopunipuni nui au,” wahi a ka negero me kona mau helehelena huhu. “E hoomanao oe, he pu raifela ka’u e @ nei maloko o ko’u hale, a e hoohana no au i kona wa e makemake ia ai no ka ---.”

“He mea okoa ae no kekahi mawaho o kau pu raifela maloko o kou hale i keia manawa.”

“Ae, o ka’u wahine wale no.”

Ua hoolei ia aku la ko Kapena Hawika ike maluna o kekahi wahi ekeili lawe mea ai o na aliikoa e waiho ana ma ka papakaukau, hopu aku la oia a nana i ka pale maloko, e kau ana keia mau hoa@ o ka aoao Akau U.S.A.

Ua hoomaopopo koke iho la o Hawika, aole keia no kekahi kanaka okoa e ae, koe wale iho no o Kale Auwana, oia ke kanaka wiwo ole i ke komo ma na huakai kaahele e like me keia ke ano.

“He aha ke ano o keia?”

I kela manawa i nana mai ai ka negero maluna o kela ekeili, a loli ae la na helehelena o ke ano makau, pane hou aku la ke Kapena,

“E hai mai oe i ke kanaka nona keia waiwai?”

“He kanaka holo mawaho keia kakahiaka, a iaia no haule kela mea ma ke alanui.”

“Aole oe e hiki ke huki i ko’u mau kuekue maka i mea akaaka ia, ke ole au e lawe ia oe a me kou hale malalo o ka ikaika. Ke manaoio nei au, eia no kela kanaka malalo o ka malumalu kaupoku o keia hale.”

Na kela mau olelo i hoohaalulu ae i ke kino holookoa o ka negero, oia ka wa i kulou iho ai o kona poo ilalo a pane hou aku la o Hawika,

“Auhea oia i kela manawa?”

Ua ala ae la kona poo iluna a nana pono mai la ia Hawika me ka pane ana mai, “Ae, eia ua kanaka nei iluna kahi i hiamoe ai. Ua hoopunipuni nui oia ia’u he elele oia mai a Kenela. Eia mai, a oia kela kumu wau hookipa iaia ma ko’u hale.”

Ua lalau ae la oia i kana pu raifela e kau ana, huli mai la ia Hawika a pane i keia mau olelo, Ua makemake anei oe e lawe pio mai au i ua kanaka la?”

“Ua makemake nui au i kona kino, a o Kenela Ela hoi i kona koko.”

Ua puka aku la o Hawika iwaho a haawi i ke kauoha i kona mau koa no ka hoopuni i ka hale a me ke kiai p@a i ke @l@hele.

“E pii oie i keia manawa i luna a hoi mai e hai ia makou , ina ke hiamoe la no ua kanaka nei.”

Ua iho mai ka pouli o ka po, a he hookahi wale no wahi kukui o ua hale nei e a ana.

Ke makau nei o lalo no ka p@ aku iluna, ua @ nana mua aku ke kiu no kaupoku, a ua hiki iaia ke ike iho i na koa e kiai ana mawaho o ka hale.

O ka uhi koke ana mai o ka pouli o ka pi, he kokua nui loa ia ma ko ia nei aoao no ka pake’e, a o kekahi lala laau e pa ana maluna o ka hale, ua kau aku la keia iluna o laila, a iho malie no lalo o ke kumulaau.

I ka wa a ka negero e pii nei ma ke alanui a hiki i ka papahele o luna, ua pane ae oia i keia mau olelo me ka leo nui, Mai@ki mai oe ia’u e ke kanaka malihini. Owau no keia o B@B R@sh, aia no kou mau enemi ilalo.”

Ku iho la oia ma ia wahi me ka makau o ke io mai ke kanaka malihini, huli ae la ilalo a e ku mai ana no o Kapena Hawika ma ke alapii me ka pu panapana ma ka lima, ua pane mai la i keia mau olelo,

“E pii koke aku oe iluna e kena negero hupo!”

Ua ike iho la ka negero i ka huhu maoli o Hawika, oia kana i hoomanawanui aku ai i kona makau a hiki ma ka rumi a ke kiu @ ai, poha mai la kona leo i keia mau olelo, “Aohe ke kanaka malihini o luna nei, ua mahuka.”

Kauoha koke ae la o Hawika i na koa a pii aku la iluna.

He mau minute ia no ka pihoihoi nui, ina he hoopunipuni keia kahea a ka negero ia lakou.

 

HE KAAO

NO

HAPAIKALA-

Hapaikamahina

KA HUAOHIANANI

I LOAA MA KA

Piko Mauna o Farani

Ka Ui nana i Kakele ke

Aupuni o ka Lihilihi

o na Manu.

I Kokua ia e HULUPAINA kona Pokii.

Unuhi ia e Moss Ma’u

I ka puka ana o ka hoolaha a me ke kii pu kekahi o kana wahine, a ua hele kaapuni aku la ua hoolaha la ma na aupuni a pau loa, a ua lilo hoi ia i mea e hooikaika nui ai kekahi poe ma ka huli ana, e ake ana o ka loaa, e halo ma na kuono, na wahi poopoo, e pii ana i na kuahiwi, a e huli ana hoi ma na kahawai, a ma na wahi no a pau loa o ka aina.

A i kekahi kakahiaka nui, ua ko mai la ka ea huihui o na kuahiwi a loaa aku la ka kaua koa opio, a me he mea la, e kono mai ana iaia e hele oia e hoohala i na hora poniponi o ke kakahiaka maloko o na ululaau.

No ia mea, kii aku la oia i kana buke a wehe ae la i kona lio, a ia wa no hoi i @ mai ai kona lio a ku ana imua ona a pane mai la:

Heaha kou makemake i kahea ae nei ia’u e hele mai, ina he manao kou, alaila, ua hiki loa ia’u ke hooko aku i kou makemake e kuu haku opio i keia manawa.

Pane aku la kona haku, ua makemake au e lawe aku oe ia’u iloko o na ululaau e hoomakaikai ai, oiai, na ka makani o ke kuahiwi i lawe mai i na ea oluolu o ke kuahiwi, a oia ka mea nana i kono mai ia’u e kahea aku ia oe.

E kau mai maluna o’u, wahi a kona @ i pane mai ai.

Ia wa i kau aku ai ke koa opio maluna o kona lio a pane iho la:

E lawe mua aku oe ia’u ma na alanui o ke kulanakauhale e hoomakaikai ai a holo loa aku kaua no ke kuahiwi.

Ia manawa no i hooko aku ai ka lio i na kauoha a kona a holo aku la ma na alanui o ke kulanakauhale.

I ka ike ana mai o ka lehulehu i keia leo nani loa, ua haawi koke ae la lakou i kekahi mau leo huro me ka mahalo nui, a ua holo aku la keia leo huro o na kanaka a lohe ka hapauea Me@, oiai o ke ala ana ae no ia o kona hiamoe, a puka mai la oia a ninau mai la i na kiai.

He leo hauoli a@a keia o ko kakou aupuni a’u e lohe nei?

Pane aku la ke kiai, he leo mahalo no kau moopuna.

He aha kana hana i mahalo ia ai, wahi a ka hapauea.

O kana hana i mahalo ia ai e na kanaka, he lio nani loa i loaa ole i na kanaka o Perusia nei, a ua loaa nae i kau moopuna.

I ka lohe ana o ka hapauea, ua hoopau ae la oia i kana ninau ana a hoi aku la oia no kona rumi.

Ua hoohuli ae la ke koa opio i kona lio a holo aku la no ke kuahiwi, mahope o ka pau ana o ka laua hele makaikai ana ma na alanui o ke kulanakauhale.

I ko laua nei hiki ana aku no loko o ka ululaau, ua hoonanea iho la laua nei no kekahi mau hora a e hooheno ana hoi ua koa opio nei me na lau aala o ka wao, a e walea ana hoi i ke k@ hoohene o ka leo o na manu o ka uka iuiu, a oia ka ua koa opio nei i puana ae ai:

Nani wale kuu home Ainahau i ka iu

I ka holu nape o ka lau o ka niu &@.

I ka pau ana o kana nanea ana maloko o ka ululaau ua hoi aku la oia me kona lio no kona home.

I ka hiki ana aku o ua koa opio nei i kona home, ua hoonanea iho la oia ma kona rumi hookipa, a nana iho la oia i kana nupepa o ia kakahiaka.

A i ka hope loa o kana nana ana, ike iho la ooia i ka hoolaha a ke @. @, a oia kana i pane iho ai @ au i kuu ike ana i keia hoolaha.

No ia mea kii aku la oia i kana pahu daimana a pane iho la:

Ia oe e kuu pahu daimana, e hoike mai oe, he oiaio anei keia mea i hoolaha ia ai ma na nupepa a ma na @ alanui e hoike ana ua nalowale ke kaikamahinealii o Roma.

Ia wa no i pane ae ai kekahi leo mai loko ae o ka pahu daimana i ka nana ae:

O na mea a pau au i ike aku nei @ko o ka hoolaha he oiaio ia mau mea a pau.

Aia ihea ua kaikamahine nei i keia wa? wahi a ke koa opio i pane aku ai.

Ua lawe aihue ia oia e ke @ powa Vahine, ke keiki @ ia ai e oe ma ka hulahula wahi a ka pahu daimana.

I ka lohe ana o ke koa opio i na @ io a kana pahu daimana, ua wehe koke ae la oia i na k@ e @ ana i kona l@o, a he manawa ole no hoi @ ana ko @ a kau aku la oia me ka pane ana iho

Aole e pau ke o ana o ko mau kapuai hiki kaua i @.

Ia manawa i pukui mai ai ke koa opio i ke kaulawa@ o kona lio a i ka hoalu ana aku ne’e ana laua nei iwaena o na ao o ka lewa, a @ o na minute ekolu, hiki aku la laua nei ma ka @ o ka hale ahi o @, a lele iho la ke koa opio ilalo, a pane mai la i kona lio.

E ku malie oe maanei a hoi mai au, a o kou kino maikai e hoo@ oe i @ pupuka, a ma kou @ no hoi e hoolilo mai ai oe i ko’u aahu @ aahu no ka poe ilihune, a o ka pahu daimana e hoolilo ae oe i pila hookani @.

I ka pau ana no o ka ke @      olelo, ua lilo ae la ke kaao @ o @ i pupuka, a o ka aahu @ kou koa opio i aahu no ka poe ilihune @aalele loa, a o kana pahu daimana hoi, ua lilo ae la @  e hoi me ka makemake o ua koa opio nei a kakou.

I ka ike ana o ke koa opio ua hooko ia kana mau mea a @ makemake @ ua hele aku la oia a ma ka @       aku la.

Owai mawaho? wahi a ke kiai @       mai ai.

Owai no o ka Hua O@ Hemolele wahi a ke koa opio.

Heaha kou makemake? wahi hou a ka ninau.

Pane aku la ke koa opio, ua makemake wau e ike i ka moi o @.

E kali oe, a e hele ae wau e hoike i ko’u mau kapena, wahi a ka pane.

Ua ae aku la no hoi ke koa opio, a hele aku la ke koa @       kapena, a mai ke kapena aku, lohe @ aku la ke keikialii.

I ka lohe ana o ua keiki@ ia, pane mai la oia i ke kapena, e hele aku oe a olelo aku iaia, ma @        , alaila, e hookomo mai iaia iloko @, no ka mea, ua @ ia @ no ke aloha i k@ wahine, a o ke aloha wahine ka mea nana i hoano e mai i ko’u no’ono’o maikai a lilo i mea inoino, a hoomaka ae la ua keikialii nei e uwe no kana wahine i nalowale.

Hele koke aku la ke kapena o na koa a ninau aku la:

Heaha kau oihana, he kauka paha aole paha.

Pane aku la ke koa opio, aole wau he kauka a aole no hoi he kulana e ae i loaa ia’u, a no ko’u ike ana @ i ka hoolaha a me ke ano e o na noonoo o ke keikialii, a nolaila hoi wai @ hele mai nei e hoonana aku i kona aloha wahine, a malia o ike mai hoi oia ia’ua me ka’u mea i mana’o ai e ho’ike aku iaia i oi ae mamua o ke aloha wahine a pau ae la hoi kona mau manao aloha wahine.

Manao wau, ina paha oia e ike lihi ana i ka’u mea e hoike aku ana iaia, alaila, aole e h@la he hookahi hora, alaila, e haalele mai no kona manao aloha wahine i kona kino.