Ka Nupepa Kuokoa, Volume XXVIII, Number 30, 27 July 1889 — Page 2
| This text was transcribed by: | Ruth S. Goldstein |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Hoolaha Keena Kalaiaina
Kuai o na Aina Aupuni.
Noi Kuai o na Aina Aupuni ma Kau@ Hana, Maui.
E hookomo ia mai na noi ma ke Keena Kalaiaina a hiki i ka manawa @ hai hou ia aku ai, no ke k@ai ana i na aina aupuni e waiho la ma Kaupo, Hana, Maui.
Apana 1 Naholoku, 1280 eka, koha akiekie, $1000
“ 2 Puumaneon@, 554 eka, koho kiekie, $225.
“ 3 Alaakua, 21 4 eka, koho kiekie, $64.
“ 4 Lolelole, 17 1 eka, koho kiekie, $51.
“ 5 Alaakua, 22 5 eka, koho kiekie $67.
“ 6 Lolelole, 13 4 eka, koho kiekie, $10.
“ 7 Kakio, 16 5 eka, koho kiekie, $49.
“ 8 Kakio, 21 5 eka, koho kiekie $64.
“ 9 Pohoula, 10 4 eka, koho kiekie $31.
“ 10 Kakio, 12 eka, koho kiekie $60.
“ 11 Hikiaupea, 39.5 eka, koho kiekie $118.
“ 12 Puukaauhuhu, 29 ¼ eka, koho kiekie $88.
“ 13 Puukaauhuhu, 3 5 eka, koho kiekie $10.
“ 14 Kulanamoa, 13 8 eka, koho kiekie $4@.
“ 15 Puukaauhu@u, 9.2 eka, koho kiekie $64.
“ 16 Keahuapono, 30. eka, koho kiekie $90.
“ 17 Mamalu, 34 eka, koho kiekie $170.
“ 18 Pauku, 16 eka, koho kiekie $80
“ 19 Pauku, 35.7 eka, koho kiekie $107.
“ 20 Mamalu, 50 eka, koho kiekie $150.
O ka palapala aina a me na mea a pau e pili ana i keia mau aina, e loaa no ia ke ninau ae ia Christian Andrews, ke kumukula aupuni o Kaupo, Maui, a ma ke Keena Aina ma Honolulu.
L. A. THURSTON,
Kuhina Kalaiaina.
Keena Kailaiaina, Iulai 25, 1889. 2243 2t
Ua hookohu ia i keia la, o Mr. Andrew Cox, i hoa no ka Papa Alanui o Wailua, Oahu, ma kahi o Jas. Gay i waiho mai.
Eia iho na hoa o ka Papa e ku nei i keia manawa :
R. Halstead, Lunahoomalu
W. A. Buick
Andrew Cox,
I. A. THURSTON, Kuhina Kalaiaina.
Keena Kalaiaina, Iune 19, 1889. 2239 3t
Rula o ka Papa Ola
NO NA
Kupapau me ke Kanu ana
1. Aole he luakupapau no kekahi kino make e kanu ia ma kekahi wahi aole e emi malalo o ke ana hohonu he eono kapuai ka hohonu malalo o ka ili o ka honua, aole, hoi he hookahi haneri dapuai ma kekahi wai mapuna, luawai, loko, auwai a muliwai; aole hoi he elua kapuai mai kekahi pa okoa mai, ke ole e loaa aku ka ae o ka Age na o ka Papa Ola.
2. Aole he kupapau a o kekahi kino make e ae paha e waiho wale ia, hoopilikia a hoonee aku i kona wahi e kanu ia ai; aole hoi o na pahu kahi o ke kino make e huai ia, wehe a hoonee ia mai kona wahi i kanu mua ia ai, ke ole e loaa aku ka ae ia e kekahi Agena o ka Papa Ola.
Ma ke kauoha a ka Papa Ola.
GEO. C. POTTER,
Kakauolelo
2243 3t
Ma ka hora 11 awakea o ka Poakhi i hala, ua malama ia he anaina ike i na Agena Kalepa pake, C. Alee a me Goo Kim. Malaila ae ka Puali Puhi Ohe o ke aupuni kahi i hookaukaulele ai i ka lakou mau hokeo leo leo.
NUPEPA KUOKOA
NO KA MAKAHIKI-------$2.00
NO EO@O MAHINA------$1.00
KUIKE KA RULA
Poaono, Iulai 27, 1889.
O ka M@a Mahaloia Wm. L. Green, Kuhina Waiwai a Kuhina Nui o ke Aupuni, ua waiho aku oia i kona kulana oihana i keia pule iho nei mamuli o ka ma’i a me ka nawaliwali, a ua hiki ole iaia ke hiki ae iloko o loaa manawa hana ma ka Hale Aupuni a me ka halawai ana o ka Aha Kuhina. Ua ho piha oia i keia kulana luna nui o ka lehulehu no na makahiki elua i hala ae nei, mai ka la i malama ia ai kela halawai nui ma Manamana a hiki iloko o keia manawa, ua waiho mai la oia i kana hana me ka poiolei a me ka ma halo ia e ka lehulehu.
I ka Poakahi nei, ua oluolu i ke Alii ka Moi ka hookohu ana mai ia Hon. Samuela M. Demona i Kuhina Waiwai no ke Aupuni, a ua lawe ae oia i kela keena oihana ma ia la. He kanaka o Ms. Demna i hanau ia ma Hawaii nei, a ua lawelawe oihana ma ka baneko o Bihopa Ma no na makahiki he iwakalua a oi i hala ae nei, a he hoa hoi no ko ke Alii ka Moi Aha Kukamalu, he kanalua ole ko makou, ua loaa i ka lehulehu he kauwa hoolohe, hoopono, a ua maa ia kakou na Hawaii na palaleo ana no kona oluolu ma kana mau lawelawe ana me ka oiaio a me ka pololei. Aole o keia wale ka kakou @ ake aku nei e hooko ia na manaolana, aka, e loaa pu ana ia kakou he kanaka e nana a e makaala i ko kakou mau pono a me na pomaikai ma ke ala o ko kakou holomua.
O kela hoopii a Konela G. W. Makapolena, ka Puuku o ka Moi, i ke Kuhina Waiwai W. L. green i waiho mai i ka oiliana, no kona uku o ka Puuku o ke aloalii mai kona la i hookohu ia ai, ua hoop@u wale ia e ka Aha Kiekie mamuli o ka waiho ana mai o Mr. Green i kana oihana, a he mea hiki ole ma ke kanawai e hoopii ia kona pani.
He koi keia i hookolokolo mua ia imua o Lunakanawai Preston, a i waiho ia aku ka hoohalahala imua o ka A@a piha.
I keia pule i hoomaka ia ai ka hoi ke o na kula o kakou, a ma ka lakou mau haawina i ao ia ai lakou, ua ike ia ka holomua o na keiki Hawaii i ka homahele ana e apo aku i ka nani o ka naauao, ke alakai a me ka malamalama o ka noho haaheo ana o kekahi lahui. Malalo o ka hooikaika ana a ka lakou mau kumu e okomo aku i ka ike iloko o na keiki, ua oi ae keia makahiki ma na ike lehulehu i ao ia ai na haumana mamua o ka wa i hala, a ke kanalua ole nei makou me keia mau anuu o na kula Hawaii e pulama nui ia nei, e loaa mai ana he hua maikai i ka hanauna hou e noho aku ai lakou iloko o ka makaukau hana, ka noeau a me ka holomua o ko lakou ike ma ka imi nauao.
E haawi ia na mahalo i na kumu ma ka hooikaika pauaho ole i na keiki, a i ka Papa Hoonaauao hoi ke kiai a me ka makaala ana i keia lala hoonui ike o ko ke kanaka ola ana. E hoomaha ana na kula mai keia la aku a hiki i ka malama o Sepatemaba.
HOIKE O NA KULA O HOLULU.
Kula o Pohukaina me Kauluwela.
I ka Poalua, ua malama ia ke kula o Kauluwela, a i ka Poakolu ua malama ia ke Kula Kaikamahine o Pohukaina, a ua lehuiehu na makua a me na poe makaikai i hiki ae, a ua pihi holomua no keia mau kumu ma na haawina i ao ia ai lakou e ka lakou mau kumu. O na haiolelo, oia kekahi mea makahehi nui ia o na keiki ma ka makaukau kamailio a me ka paanaau.
Paikau Koa ma Sana Lui.
I ka hora 10:30 kakahiaka Poakolu nei, ua malama ia ka paikau koa ana a na haumana o Sana Lui ma ko lakou kahua hoonaauao.
O na keiki o ka mahele elua, oia ka poe liilii, ka mua i kahea ia, malalo o Kapena Iese Makainai a me na Lutanela J. Crowder a me J. Long. He 32 ko lakou heluna; he 4 mau keiki paa hae pakahi Amerika a me Hawaii, a o ke koena aku, he hapalua me na pu kaupoohiwi a he hapalua me na ihe me na lepa liilii ma na huini pakahi o na ihe. Ua paikau ia lakou ma ka pa lua a ma ka paha, a he ku maoli i ka hiehie ke nana aku ia lakou, ma ke hele ana imua a i hope a ma ka huila ana iloko o ka laina, a he ku maoli i ka eleu a me ka makahehi ia e ka poe makaikai no lakou hoi na mahalo i kukai aku me na paipai lima ana.
I ka hookuu ia ana o ka mahele elua, ua kahea ia ka mahele mua, oiana keiki mahuahua ae, e ka ole @hi a Jno. Lane. Ua hoolohe mai na keiki he 24 1 ka leo o ka ohe, a ku ana imua o ka lama, malalo o ka noho Kapena ana o W. F. Kaae a me na Lutanela Iese Makainai a me Richard Lane. O ka mea hoi nana e kaukaulele mai ana kahi pahu uuku, o James Lloyd. Ua maikai ke kai ana o na wawae, ka hele ana imua a i hope, ka hui ana i o a ianei, ka huila ana iloko o ka laina, ka wahi papa ana, ka oo pu, ka p@le ana a pela aku. Ua hoolohe ia ka leo o ke Kapena me ke @aewa ole. Hala ae la ka pono a ka @aikau wawae, alaila ua hoike ia mai la ka ike kaua lio, ma ka hou ana i ka p@hi, ke oki ana, ka pale ana a pela aku. Ua pau like i keia mahele na ike ko@ hele wawae a me koa kaua lio. Aohe mea mahalo ole a ke anaina.
Na makaikaima keia paika, ka Bihope o Oloba, na Komisina Farani a me Pukiki, ka makua Leonoro, na Mrs S. G. Wilder, T. A. Lloyd, Kaae, Clark, rose a me Ellis, C. H. White, J. M. Poepoe, D. Makainai, J. Kaae, G. Barenaba, @ Mea kakau o ka Buletina, Mea kakau o ka Paeaina, na keiki puhi ohe o ke aupuni a me ka lehulehu.
Hoike Kula o Kahehuna.
Ma ka Poaha nei i malamaia ai ke 49 o na hoike makahiki o ke Kula Alii o Kahehuna. Ua nui a lehulehu na poe i hoea ae e ike i ka hoike ana a na haumana i ka lakou mau haawina i ao ia ai i ka makahiki i hala aku la. He aneane e eha haneri ka huina o na hau mana o keia kula, a he umikumamakahi ka nui o na kumu ao.
O na rumi liilii kahi e ao ia ai o na ouo hou akahi no a hoomahele ia ma ka pi-a-pa, aia malalo o na ao akahele ana a na kumu wahine Misses Ladd a me Miss McIntyre. Aia i keia poe kumu ke koikoi nui o na paka pono ana i na kamalii liilii i ka ho@puka pono ana i na huaolelo haole, a o lakou ka poe i ike kumaka i na luhi a me na inea o nei mea he ao ana i na poe uuku loa i na hikimua o ka olelo @aole.
O na kumu o na rumi kiekie ae, oia na Misses Colta Mist, Louisa Brickwood a me Mrs. J. H. Brown. He maikai loa na heluhelu ana a na opio o keia poe rumi, a he nani pu no ho@ na lima kakau.
O na kumu o ka halekula nui iluna, oia na Misses Walker, Julia Taner a me Nellie Brown. Ua holomua na haumana ma na haawina heluhelu, palapala aina a me Alematika. O na haiolelo a na keiki he maikai loa, moakaka pono ka hoopuka ana i na huaolelo haole.
Ma ko Mr. H. W Peck rumi, ka ho pe kumukula nui, ua malama ia na ha awina ma ka heluhelu, haku manao, kakau ma na papa eleele a pela aku, a he mau haiolelo a me paio kekahi i ma lama ia, a ua holomua na keiki ma ia mau mea.
Ua hoomaka ka hoike ma ka rumi o ke kumukula nui rev. Alex. Mackintos, ma ka hora 9, a ua hoomau ia a hiki i ka hora 11. Eleu na keiki ma na ninau ma ka Alematika a me ka hu ina helu, a o keia mau ninau, ua wae ia mai na papa hoike o na kula o Enelani. O na haawina heluhelu me akeakamai, ua holomua loa, a ma ka hora 11 i hoomaka ai na haiolelo e like me ka mea maa mau ma keia kula i na ma kahiki lehulehu i kaahope aku nei, a ua eleu loa na keiki. Ua ike ia aku ka holomua o na keiki ma ia mau hana. O ke Kama’liiwahine Liliuokalani a me ka Luna kula nui kekahi o na poe i akoakoa ae.
Eia na haumana i loaa na makana ma ke kiekie o na helu, Chas, Akau, D. Kapo, G. Kanikau, D. Miranda, ma ka oi o ka maikai ma ka haiolelo ana, ua lilo ia G. Kanikau a me William Young na makana.
HOOLAHA HOOKO MORAKI ME KE KUAI.
I kulike ai me ka mana kuai o kekahi palapal moraki i hana ia e M. S. Ku, a me Kanaloa kana wahine mare no Niulii, Kohala-akau, Hawaii, ia C. f. Hart, no Niulii, Kohala, i oleloia, i kakau ia ma ka la 11 o Augate, 1883, a i kope ia ma ke Keena Kakau Kope ma ka buke 87 aoao 225 me 226 a me 227.
Nolaila, ke hoolaha ia aku nei ka mana hooko o ka mea moraki i ka moraki i olelo ia mamu@ o ka uhaki ia o na kumu aelike oia hoi ka uku ole ia ana o ke kumupaa a me ka ukupanee. Nolaila, e
KUAI KUDALA
ia aku ana ka waiwai e hoike nei amalalo ma Niulii mamua pono iho o ka hale kupakako ma Kohala-akau i oleloia, ke hiki aku i ka la 27 o Iulai, 1889, ma ka hora 1@ o ke awakea o ia la. O ka waiwai e kudala @ aku ana, oia kela apana aina a pau e waiho la ma Kohala i oleloia, i hooliloia mai ia M. S. Ku i oleloia, e na Hooko Kauoha a Kahu Malama Waiwai o Lunalilo ma ka la 10 o Augate, 1883, nona ka nui o na eka he 118 75-100 me na pono a pau a me ke ko e ulu nei maluna.
No na mea i koe, e ninau ia H. L. Holstein, Loio no ka mea moraki.
C. F. HART,
Mea Moraki.
Hanaia ma Kohala-akau, Iune 26, 1889. 2240-4t.
OLELO HOOLAHA.
E ike auanei na kanaka a pau e noho ana ma Waialae-iki me Waialae-nui, mokupuni o Oahu, owau o Paul Isenberg, ke lawe nei wai i ka Hee i i a hoomaiu na ke konohiki, a o na i a a pau malalo o ua hee nei, ua noa ia i ka poe mea kulena maluna o Waialae-iki me Waialae nui, koe ka poe mea kuleana ole e @ ho ana maluna o ua mau wahi la aole e hele wale e lawaia ma ke kai o Waialae nui a me Waialae-iki, mokupuni o Oahu.
PAUL ISENBERG,
Waialae, Iune 26, 1889.
2240-5t.
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e Kau homauna me Kuhimoku kana wahine mare, o Kaalaea, Koolaupoko, mokupuni o Oahu, ia W. F. McWhirter o Makawao, mokupuni o Maui, i hana ia i Feberuari 3, 1885, a ia kope ia ma ke Keena Kakau ma ka buke 94 aoao 37 me 38.
Ke hoolaha ia aku nei ma keia, e hooko ia aku ana ka mana kuai o kela moraki mamuli o ka uhaki ia ana o na kumu aelike o kela moraki, oia hoi, ka uku ole i ka ukupanee a me ke kumupaa, a nolaila, e
I kulike me ka hoolaha i hoike mua ia aku, no ka hooko ana i ka mana o kela palapala molaki, nolaila, e
KUAI KUDALA
ia aku ana ma ka rumi kudala o J. F. Morgan, ma alanui Moiwahine, Honolulu, i ka
Poaha, - Aug. 1, 1889, i ka hora 12 awakea.
O keia iho na wahi e kuai ia aku ana.
1—O kela wahi ma Kalaea, i ike ia ma ka Palapala Sila 5536, ia Kuapalahalaha, nona ka ili o i me 97-100 eka.
2—O kela wahi a pau ma ka Palapala Sila 3662, L. C. A. 3364, ia Naihepapa, nona ka i@ o 4 eka 30 per. ma Haiku, Kauai, a o Kuhimoku Loi ka hooilina oialo o ka waiwai i olelo ia.
Na lilo palapala, ma ka aoao o ka mea kup@i mai.
No na mea i koe, e loaa no ma ke keena o
W. R. CASTLE,
Loio o ka mea moraki.
Hanaia ma Honolulu, Iulai 20, 1889. 2242-2t.
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e Kekaula (k) me Akamala, kana wahine, mare, o Wawaia, mokupuni o Molokai, ia Miss E. K. Bingham, o Honolulu, mokupuni o Oahu, i hana ia i Okatoba 23, 1882, a i kope ia ma ke Keena Kakau ma ka buke 77 aoao 23 me 24.
I kulike me ke hoolaha i hoike mua ia aku no ka mana kuai o kela moraki, nolaila, e
KUAI KUDALA
ia aku ana ma ka rumi kudala o Jas F Morgan, alannui Moiwahine, Honolulu, i ka
Poaha, - Aug. 1, 1889, i ka hora 12 awakea.
O keia iho na wahi e kuai ia aku ana.
O kela wahi a pau ma Wawaia, i hoike ia ma ka Palapala Sila Nui 3779, L. C. A. 147 B, ma ka inoa o Kaiuiki, makuakane o Kekaula e olelo ia nei, nona ka ili o 3 eka, 1 ruda, me 59 anana.
E kuai pu ia aku ana kela aina i kuai ia aku ia Kekaula, ma kekahi palapala a @ Mott Smith, E O Hall, me S B Dole, na kahu malama waiwai o W C Lunalilo, i kakau ia Okatoba, 18, 1880, a i kope ia ma ka buke 64, aoao 449. Aia keia apana aina ma Kawela, Molokai, nona ka ili o 816-1000 eka.
Na lilo palapala, ma ka aoao o ka mea kuai mai.
No na mea i koe, e loaa no ma ke keena o
W. R. CASTLE, Loio o ka mea moraki.
Hanaia ma Honolulu, Iulai 20o, 1889. 2242 2t
Kuai Waiwai Paa a ka Luna Hooko.
Ke hoolaha ia aku nei ma keia, e like me kekahi kauoha i hanaia ma keia la e Hon. E. Preston, Lunakanawai o ka Aha Kiekie, ma ka waiwai o Nancy Wirt, i make kauoha, e kuai ia aku ana ma ke
KUDALA AKEA
ma ka rumi kudala o Jas. F. Morgan, alanui Moiwahine, i ka
Poaono, Aug. 10, i ka hora 10 kakahiaka
O ka aina e kuai ia aku ana, oia no kela wahi o Nancy Wirt ma ke kihi o na alanui Beritania me Young, Honolulu, oi na apana helu 107 me 84 ma ka palapala aina Aupuni ma Kukaokahua, a oia no ka mea i ike ia ma ka Palapala Sila Nui (Grant) helu 299, @e na hale a me na pono a pau maluna iho.
He haneri kapuai ke alo o ka aina ma alanui Beritania a pela no ma alanui Young, a he akea ihope o 296.5 kapuai.
Apana 107 ma ke alanui Beritania he hai maikai, a eia ke noho ia nei i keia manawa e Mr. D. Lyons.
O keia mau apana aina elua, ke uiu mahiehie nei kona mau pua iloko o ka pa, a ke moe nei ke alahao mawaho koke iho no.
He manawa kupo@ lo@ keia e loaa ai ka home mai@ai.
W. O. SMITH, Luna Hooko o Nancy Wirt,
i make kauoha
Honolulu, Iulai 15, 1880. 2242 3t
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e pika: k. o Kahuku, Koolauloa, mokupuni o Oahu, ia Miss Helen Norton, o Honolulu, mokupuni o Oahu, i kakau ia i Dekemaba 18, 1882, a i kope ia ma ke Keena Kakau ma Honolulu, ma kabuke 78, aoao 109 me 110.
I kulike me ka hoolaha i hoike mua ia aku no ka h@k@ ia aku o ka mana kyai o kela moraki, nolaila, e
KUAI KUDALA
ia aku ana ma ka rumi kudala o James F Morgan, ma alanui Moiwahine, Honolulu, i ka
Poaha. – Aug. 1.
1889, i ka hora 12 awakea.
O kahi e kuai ia aku ana, oia iho keia:
O kela apana aina a pau ma Kahuku i hoike ia ma ka Palapala Sila Nui 530, L. B. A. 2779, ma ka inoa o Mahilo, makuakane o Makaluhi, wahine a Pikai, nona ka ili o i 15-100 eka.
Me kela wahi pu kekahi i hoike ia ma ka Palapala Sila Nui 243, L. C. A. 2782, ma ka inoa o Makole, nona ka ili o 61-100 eka, i hoolilo ia aku ia Makaluhi w, ma kekahi palapala o Feb 21, 1871, a kope ia ma ka buke 32 aoao 112.
Na lilo palapala, ma ka aoao o ka mea kuai mai.
No na mea i koe, e loaa no ma ke keena o
W. R. CASTLE
Loio o ka mea moraki.
Hanaia ma Honolulu, Iulai 20, 1889. 2242 2t
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e Monika (w) me Maiola, kana kane mare, o Kaneohe, Koolaupoko, mokupuni o Oahu, ia Chas. T. Gulick, Kahu malama wa-wai, Honolulu, mokupuni o Oahu, 1 kakau ia i Dekemaba 17, 1883, a i kope ia ma ke Keena Kakau ma ka buke 85 aoao 209 a me 210.I kulike me ka hoolaha i hoike mua ia aku no ka hook ana i ka mana o kela moraki, nolaila, e
KUAI KUDALA
ia aku ana ma ka rumi kudala o Jas F Morgan ma alanui Maiwahine, Honolululu, i ka
Poaha, - Aug. 1.
1889, i ka hora 12 awakea.
O keia iho na wahi e kuai ia aku ana.
O kela wahi a pau ma Kapalai, Kaneohe, i ike ia ma ka Palapala Sila 2423, L. C. A. 7233, ia Luluu, makuakane o Monika w, nona ka ili o 5 791-1000 eka.
Na lilo palapala ma ka aoao o ka mea kuai mai.
No na mea i koe, e loa no ma ke keena o
W. R. CASTLE,
Loio o ka mea moraki.
Hana ia ma Honolulu, Iulai 20, 1889.
2242 2t
AHA HOOKOLOKOLO APANA EHA O KO Hawaii Pae Aina. Ma ka hooponopono Waiwai. Ma ka hana o ka waiwai o KAMAE k., o Hanapepe, Kauai, i make. Make Keena imua o ka Lunakanawai Kaapuni.
Ma ka heluhelu a me ka waihoia ana mai o ka Palapala Noi a me ka Papa Hoike a S. Kaiu, Lunahooponopono o ka waiwai o Kamae k., no Hanapepe i make, e noi ana, e apono ia na hoolilo he $________, a e hoike ana, o na mea i loaa mai iaia he $_______, a e noi ana, e nana a apono ia kela mau mea, a e kauohaia, e mahele i @a waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka
POALUA, oia ka la 13 o AUG. 1889,
Ma ka hora 10 kakahiaka, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me na Papa Hoike i oleloia a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ke Kuokoa, he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 6 o Iulai, H. H. 1889.
JACOB HARDY,
Lunakanawai Kaapuni, Apana Eha, H. P. A.
2241 – 3t
HOOLAHA HOU
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e Sam Kapena me Kealoha kana wahine mare, a me Kalima (w) o Makiki, Honolulu, mokupuni o Oahu, ia Mrs. E. Humphres, o Honolulu, i hana ia i Ianuari 26, 1883, a i kopeia ma ke Keena Kakau ma ka buke 77 aoao 255 a me 256.
I kulike me ka hoolaha i hoike mua ia aku no ka mana kuai o kela palapala morki e hooko ia aku ana ma ke
KUAI KUDALA
ma ka rumi kudala o Jas F Morgan, alanjui Mo@wahine, Honolulu, i ka
Poaha, : Aug. 1.
1889, i ka hora 12 awakea.
O keia iho na wahi e kuai ia aku ana.
O kela wahi a pau ma Kahana, Koolauloa, Oahu, i ike @a ma ka Palapala Sila 2052, L. C. A. 5231, ma ka inoa o Kapena, nona ka ili o 1 35-1000 eka.
O kela wahi a pau ma ka Palapala Sila 2057 L C A 5221, ma ka inoa o Kapena, nona ka ili o 2 687-1000 eka.
E kuai pu ia aku ana kela wahi i ike ia ma ka Palapala Sila 5079, L C A 5704, ma ka inoa o Kuaio, nona ka ili o 1 eka, oia no kahi i hoolilo ia aku ia Sam Kapena, ma kekahi palapala a Kalima w, i kakau ia Okatoba 5, 1876, a kope ia ma ka buke 44, aoao 483, a oia no hoi ke kuleana pilipaa o Kalima iloko o kona wa ola.
Na lilo palapala ma ka aoao o ka mea kuai mai.
No na mea i koe, e loaa no ma ke keena o
W. R. CASTLE,
Loio o ka mea moraki.
Hanaia ma Honolulu, Iulai 2o0, 1889.
2242 2t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha, ma keia e hooko ia aku ana e ka mea moraki mai, ma ke kauoha a W. O. Atwater, H. H. Williams a me M. D. Monsarrt, na Kahu Malama Waiwai o ka hui Harmony Lodge No. 3 I. O. O. F., mea moraki ma o kekahi palapala moraki i hanaia ma ka la 12 o Augate, 1887, a i kopeia ma ke Keena Kakau ma ka Buke 105, ma na aoao 239 a me 240. Nolaila, ua kauoha ia au e
KUDALA AKEA, MA KA
Poaha, Augate 1, 1889,
ma ka hora 12 awakea, ma ko’u keena kudala ma Alanui Moiwahine, Honolulu, oia hoi kekahi hapa o na waiwai i hoakaka ia maloko o ka Palapala Moraki, a oia hoi keia malalo iho nei:
O kela apana aina a pau e waiho la ma ke Alanui Lua o Pele, ma Punahoa, Hilo, mokupuni o Hawii, he hapa ia no ka Palapala Sila Nui Helu 1104. L. C. A. Helu 3779, i hoopuka ia hoi no Aipinepine, a o keia malalo ihokona mau palena:
E hoomaka ana ma ke komohana hema (mauka) ma ke kihi o kahi o J. D. Mills ma ke Alanui o Lua o Pele, oia hoi, e holo pololei ana ma keia alanui a hiki ma ke kihi akauhema o ke kuleana o John Nomore, akau 60’, kom 78 kap, (ma ke alo), a holo aku la ma ka lihi aina o John Nomore hem 40 o 15’, komohana 88 kapuai a me hema 52 o 15’, kohohana 39 (127 kapuai huina), e holo lihi ana ma ke kihi komohana-akau o ka aina o Kalae (ma ka aoao mauka) a ma ka aina o Mrs. Hapai hema 46 o 30’, hikina 68 kapuai, holo komohana-hema ma ka laina hikina-hema ma kahi o J. D. Mills, akau 46 o 48’, hikina 82 kapuai a me akau 62 o hikina 65 kapuai (147) a hiki hou ma kahi i hoomaka mua mai ai,
Kuike ke Dala.
O na lilo palapala ma ka aoao o ka mea kuai mai.
No na mea i koe e ninau ia
JAMES F. MORGAN,
Luna Kukala.
A i ole, ia J. M. Monsarrtt, Loio o ka mea Moraki.
Honoluu, Iulai 6, 1889. 2240 4ts
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a J. M. Monsarrat, ka Luna Hooko o kekahi palapala moraki 2 hana ia ma ka la 18 o Ianuari, 1883, e J L. Keaunui, L. M Kaliola Keaunui, a me Joseph M. Keaunui, ia A. H. Spencer i hoopaa ia ma ke keena kakau ma ka buke 79, aoao 160-2, a i waiho ia aku hoi e A. H. Spencer ia A. J Cartwright ma kekahi palapala i hana ia i Aperila 30, 1883, a kope ia ma ka buke 79, aoao 477—8, a mai keia A. J. Cartwright mai a ia J. M. Monsarrat ma kekahi palapala hoolilo i hanaia ma ka la 27 o Sepatemaba, 1887, a i hoopaa ia ma ka buke 79, aoao 160, ua kauoha ia au e
KUDALA AKEA,
MA KA
Poaono, - Augate 3,
1889, i ka hora 12 awakea, ma ko’u rumi kudala ma ke kihi o na alanui Papu me Moiwahine, ma Honolulu, i keia mau wahi a pau i hoike ia ma ka moraki malalo iho:
O kela mau aina a pau e waiho la ma Hauula, mokupuni o Oahu, nona keia mau palena malalo iho:
1—O kela mau apana aina e waiho la ma Hauula, nona ka ili o 1 5-100 eka, a oia no ka aina i hoike ia ma ka Palapala Sila nui helu 1318, L C. A. heul 838. i hoopuka ia ia Kealoha, a i hooili ia aku ia L. W. Kaliola Keaunui me Jos. M. Keaunui e T. Pikai, ma kekahi palapala i hanaia ma ka la @ o Iune, 1880, a i hoopaa ia ma ke keena kakau ma ka buke 75, 1010 33 me 34.
2—O kela apana aina ma Hauula, nona ka ili o 1-10 eka, a oia no ka aina i hoike ia ma ka Palapala Sila Nui helu 1526, L. C. A. heul 8174, i hoopuka ia ia Hoaai, a i hooilina ia ma@ J. L. Keaunui e keia Hoaai i oleloia ae nei, he makuakane pili hanauna.
Kuike ke Dala:
O na lilo palapala ma ka aoao o ka mea kuai mai.
No na mea i koe, e ninau ia
LEWIS J. LEVEY, Luna Kudala
A i ole, ia J. M. Monsarrat,
Loio ma ke Kanawai.
2240 4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a John Farnswroth o Honolulu, mokupuni o Oahu, mea moraki ma kekahi palapala moraki i kakauia ma ka la 23 o Novemaba, 1885, a i kopeia ma ke Keena Kakau ma ka buke 95, aoao 470-2, ua kauoha ia au e
KUDALA AKEA,
MA KA
Poaha, Augate 1,
1889, i ka hora 12 awakea, ma ko’u rumi kudala ma ke alanui Moiwahine, Honolulu, i na aina i hoike ia ma ka moraki malalo iho:
O kela mu aina a pau e waiho la ma ka mokupuni o Molokai, nona na palena i hoikeia malalo iho:
1—O kela apana aina a pau e waiho la ma Kaio, ma Halawa, nona ka ili o 13 eka a me 20 per. A oia no hoi ka mea i ike ia ma ka Palapala Sila Nui Helu 6134. L. C. A. Helu 4934 ia Kameheu.
2—O kela apana aina a pau e waiho la ma Hii, ma Halawa, nona ka ili o a ruda a me 33 per. A oia no ka mea i ike ia maloko o ka Palapala Sila Nui Helu 6135. L. C. A. Helu 4893 ia Kamai.
3—O kela mau apana aina a pau e waiho la ma Kapualei, mokupuni o Molokai, nona ka ili o 3 eka a me 178 anana, a oia no hoi ka mea i ike ia ma ka L. C. A. Helu 5031 B ia Peinoa.
O na mea ae la a pau i hoike ia maluna ae, o ia mau wahi hookahi no hoi ka i hoolilo ia aku ia Samuel K. Kamaipelekane ma kekalu Palapala i hanaia ma la 7 o Okatoba, 1879, a i kopeia hoi iloko o ka Buke 62, ma na aoao 65 a me 66.
4—O kela apana aina a pau e waiho la ma Honouliwai, ma ka mokupuni o Molokai, nona ka ili o 1 ½ eka, a i ike ia hoi ma ka Palapala Sila Nui (Grnat) Helu 695 no Kamaiberetania, a i hoolilo ia aku hoi ia Samuel K. Kamaipelekane e E. P. Kaaipelekane, ma kekahi Palapala i hanaia ma ka la 8 o Iulai, 1876, a i kopeia ma ka Buke 61, aoao 302.
5—O kela apana aina a pau e waiho la ma Kaluaaha, ma ka mokupuni o Molokai,, a i ike ia ma ka L. C. A. Helu 387, nona hoi ka ili o 7 eka.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
JAMES F. MORGAN.,
Luna Kudala.
A i ole, ia J. M. Monsarratt,
Loio o ka mea Moraki mai.
Honolulu, Iulai 6, 1889,
2240 4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki e hooko ia aku ana ia ma ke kau oha a John H. Paty mea moraki mai o kekahi palapala moraki i hana ia i ka la 9 o Dekemaba, 1882, a i kope ia ma ke Keena Kakau ma ka buke 78, aoao 73-5, ua kauoha ia au e
KUDALA, AKEA,
MA KA
Poaono, Augate 3,
1889, i ka hora 12 awakea, ma ko’u rumi kudala ma ke kihi o na alanui Papu me Moiwahine, ma Honolulu, oia keia malalo iho:
O kela wahi a pau e waiho la ma ke awawa o Manoa, mokupuni o Oahu, nona keia mau palen@:
E hoomaka ana ma ke kihi Hi o ka papohaku, a i hui ma ka aoao ak o ke alanui, holo He 31 o , Ko 1.01kaulahao ma ka papohaku, Ak 49 o , 45’, Ko 13.20 kaulahao, Ak 32 o , Hi 2 kaulahao, Ak 47 o , 45’, Ko 8.22 kaulahao, Ak 59 o , Hi 4.10 kaulahao, He 47 o , 45’, Hi 8.45 kaulahao, He 32 o , Lp 5/04 kaulahao a hiki i ka pa pohaku, He 49 o , 45’, Hi 10.92 kaulahao ma ka pa pohaku a hiki i ka hoomaka ana.
O ka ili, he 5 eka, a oia no kekahi lihi o ka Palapala Sila helu 1 36, i hoolilo ia aku e Kauula ia P Kahuhu, ma kekahi palapala ma hele mawaena o lakou, i hanaia ma ka la 7 @ Iulai, 1885, a i kope ia ma ka buke 49, aoao 296-7-8-9.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
LEWIS J. LEVEY,
Luna Kudala.
A i ole, ia J. M. Monsarrat,
Loio o ka mea Moraki mai.
Honolulu, Iulai 6, 1889,
2240 4t