Ka Nupepa Kuokoa, Volume XXVIII, Number 31, 3 August 1889 — Page 2
| This text was transcribed by: | Alika Olsen |
| This work is dedicated to: | Uncle George "Sonny" Featheran |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Hoolaha Keena Kalaiaina
Kuai o na Aina Aupuni.
Nui Kuai o na Aina Aupuni ma Kaupo, Hana, Maui
E hookomo ia mai na noi ma ke Keena Kalaiaina a hiki i ka manawa e hai hou ia kau ai, no ke kuai ana i na aina aupuni e waiho la ma Kaupo, Hana, Maui.
Apana 1-Nuholoku, 1260 eka, koho kiekie, $1000.
" 2-Puumanaeoneo, 554 eka, koho kiekie, $225
" 3-Alaakua, 21.4 eka, koho kiekie, $64.
" 4-Lolelole, 17.1 eka, koho kiekie, $51.
" 5-Alaakua, 22.5 eka, koho kiekie, $67.
" 6-Lolelole, 13.4 eka, koho kiekie, $40.
" 7-Kakio, 26.5 eka, koho kiekie, $49.
" 8-Kakio, 21.5 eka, koho kiekie, $64.
" 9-Pohoula, 10.4 eka, koho kiekie, $81.
" 10-Kakio, 12 eka, koho kiekie, $60.
" 11-Hikiaupea, 39.5 eka, koho kiekie, $118.
" 12-Puukaauhuhu, 29 1/4 eka, koho kiekie, $88.
" 13-Puukaauhuhu, 35 eka, koho kiekie, $10.
" 14-Kulanamoo, 13.8 eka, koho kiekie, $41.
" 15-Puukaauhuhu, 9.2 eka, koho kiekie, $64.
" 16-Keahuapono, 30 eka, koho kiekie, $90.
" 17-Mamalu, 34 eka, koho kiekie, $170.
" 18-Pauku, 16 eka, koho kiekie, $80.
" 19-Pauku, 35.7 eka, koho kiekie, $107.
" 20-Mamalu, 50 eka, koho kiekie $150.
O ka palapala aina a me na mea a pau e pili ana i keia mau aina, e loaa no ia ke ninau ae ia Christian Andrews, ke kumukula aupuini o Kaupo, Maui, a ma ke Keena Aina ma Honolulu.
L. A. THURSTON, Kuhina Kalaiaina.
Keena Kalaiaina, Iulai 25, 1889. 2243 2t
Rula o ka Papa Ola
NO NA
Kupapau me ke Kanu ana
1. Aole he luakupapau no kekahi kino make e kanu ia ma kekahi wahi aole e emi malalo o ke ana hohonu he eono kapuai ka hohonu malalo o ka ili o ka honua, aole hoi he hookahi haneri kapuai ma kekahi wai mapuna, luawai, loko, auwai a muliwai; aole hoi he elua kapuai mai kekahi pa okoa mai, ke ole e loaa aku ka ae o ka Agena o ka Papa Ola.
2. Aole he kupapau a o kekahi kino make e ae paha e waiho wale ia, hoopilikia a hoonee aku i kona wahi e kanu ia ai; aole hoi o na pahu kahi o ke kino make e huai ia, wehe a hoonee ia mai kona wahi i kanu mua ia ai, ke ole e loaa aku ka ae ia e kekahi Agena o ka Papa Ola.
Ma ke kauoha a ka Papa Ola.
GEO. C. POTTER, Kakauolelo, 2243 3t
HALEKUAI BIBI HONOLULU
(Hope o Wm McCandles.)
Helu 6 Alanui Moiwahine, Makeke ma Ulako eo.
Na Bibi momona, Hipa, Puaa me Ia, na lako ai ulu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2182 tf
Umeke Poi! Umeke Poi!!
Ua loaa mai he mau Bakeke Umeke Poi o ke ano hou, i hawele ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.
E kipa mai ma kahi o KAKELA ME KUKE.
Alanui Moi. 2221 3m
NUPEPA KUOKOA
NO KA MAKAHIKI...................$2.00
NO EONO MAHINA..................$1.00
KUIKE KA RULA
Poaono, Augate e, 1889.
Ka Haunaele Kuloko.
O ke aia ana mai o ka haunaele kaua kuloko o ka aina malalo o ke alakai ana a kekahi poe kakaikahi, oia ka mua loa ma ka moolelo o Hawaii nei, @he kipa a me ka haunaele kuloko ke hoonaueue ana i ka noho aupuni kuokoa o keia mau mokupuni kukaawale o ka Pakipika. O ka mua loa keia o ka huki ia ana o ka maka pahikaua e halawai me ke koko no ka hookahuli i ke Aupuni Kumukanawai o Hawaii a me kona Kuokoa.
Ua ulono ia ae ma ke ano laula, ua komo pu me ka Moi ma keia mau hoolala ana a Wilikoki e hookahuli i ke aupuni, ua kipa aku kekahi keoniamana i ka hale waapa e hui pu me ka Moi, a hai aku la i keia mau manao e ulonoia ana ma ke kulanakauhale ia la.
Ua kakau iho la ka Moi i kekahi palapala, a hoouna aku la i Kona Kuhina Waiwai, a penei na manao i kakauia:
"Hon. S. M. Damon,
"Aloha oe: O kela lono a Mr. - i hai mai ai ua komo pu Au ma keia mau lawelawe ana a Mr. Wilikoki, ke hai aku nei Au me ka oiaio loa, - aohe oiaio o ia mau lono, a aohe no hoi he like me ka mea i waiho ia aku imua o ka Aha Kuhina ma ka la inehinei. "Kalakaua."
Ka Aha Kukamalu:
Ma ka halawai ana a ka Aha Kukamalu inehinei, ua hooholo ia he olelo hooholo, e ae ana i ke Kuhina Waiwai e uku aku i kekahi mau bila o na wahi i hoopoino ia ma ka la haunaele o ka Paolua nei, nona ka huina o $5,000. Aole keia o ka huina pau o na poino i manao ia, aka, ua lawa keia no ka manawa a hiki i ka wa e noho mai ai o ka Ahaolelo; alaila, mai laila mai na haawina e hoolawa ia ai na koi a pau e like me ke kanawai.
He mea kaumaha no na puuwai aloha Hawaii a pau na hana i hanaia iloko o keia kulanakauhale ia ka Poalua nei. He hookani haneri kanaka, a emi iki mai paha, malalo o ke alakai ana a Robert Wilikoki, ka i hoakoakoa ae ma Muolaulani ma Kapalama i ka po o ka Poakahi. Ma ia po no, mawaena paha o ka hora elua me ekolu o ka wanaao, alakai ia mai la ua puulu kanaka nei e Wilikoki ma ke alanui Alii a hiki i ka pa o ka hale alii, pii aku la mauka ma ke alanui Likeke a hiki i ka ipuka ma ka aoao mauka o ka pa hale alii. Haalele mai la ke koa e kiai ana maloko a holo aku la e hoala i kahi poe o lakou. Pinana aku la kekahi kanaka maluna o ke pani puka a lele aku la iloko o ka pa, a nana i wehe mai ka puka, a komo maalahi aku la o Wilikoki a me kona poe. Lilo ia lakou ka pa alii. Ua hoonoho ia e Wilikoki kekahi o kona poe koa ma ka pa o Aliiolani Hale, a ua paa ia e lakou ia hale a me Kapuaiwa hale. A i ke kakahiaka nui o ia la ua wawa ia ae la a puni ke kulanakauhale ka hana a keia poe kipi. Hoomaka iho la ka Ilamuku e lawelawe i na hana kupono no ka hoopio ana i ka poe kipi. Kahea aku la oia i na limahana a pau o ke aupuni e hele ae i ka hale wai. O na pualikoa Raipela kekahi i kaheaia. I ka wa e hoomakaukau ana na mana o ke aupuni mawaho nei, ke hoomakaukau mai la o Wilikoki me kona poe maloko o ka pa alii. Ua hoonohoia na koa o ke aupuni maluna o ka Hale Mele, maluna o ka Luakini o Kawaiahoa, maluna o kekahi hale kiekie e pili ana ma ke alanui Likelike, maluna o na hale lio o ka Hotele Hawaii, a maloko mai no hoi o ka pa hale o Haalelea, mauka iho o ka pa alii. Mahope iki iho paha o ka hora 10 ua hoomaka ke kani ana o na pu. Aka, ua hoao mua na Kuhina e hoopau i ke kipi a e hoomalu i ke aupuni me ke ki ole ia o ka pu a me ka hookahe koko, aole nae i hiki. Ua hoouna aku ka Aha Kuhina i ke Kuhina Waiwai a me Kapena Kamana o ka oihana makai e hele aku imua o Wilikoki me kekahi palapala e hai aku ana i ko lakou manao. Ua hele pu laua a hiki i ka ipuka makai o ka pa alii, aka ua kipakuia mai, a ia laua e ku ana malaila hoomakaia ke kani ana o na pu o na aoao a elua, a ua hoi mai laua iloko o ka lele makawalu ana o na poka mao a maanei, mai poino ko laua iloko o ka lele makawalu ana o na pone mao a maanei, mai poino ko laua ola. Mai ia wa aku aole i hoomaha ke kaua a hiki i ka hora ehiku o ke ahiahi. I ka hora awakea nae ua lilo hou mai ka pa o Aliiolani Hale iloko o na lima o ke aupuni, a maluna o ka hale aupuni kahi poe koa i noho ai no ia auina la, e kaua aku ana i ka poe kipi. I ka hora ehiku o ke ahiahi haawi pio mai la o Wilikoki me kona koena kanaka iloko o na lima o ke aupuni. Ua mahuka no ia @ poe o lakou, a ua make kekahi mau mea. a hiki i keia wa he ano poe i ike maopopo ia ua make, a e @ aku ana no paha kekahi o ia poe e waiho eha nei.
Na Wai Keia i Hana
O Wilikoki kai ike maka ia iloko o keia hana, a me ka poe i hele pu me ia. Ua manaoia aole o lakou wale. O lakou na lima hooko, ka poe e ae paha ka poe nana i hookoia a @ i ka hana. O kela poe eono i make, a me ka poe e waiho nei me ka eha, aole paha o lakou a pau kai kuh@kunu iloko o ka hewa. Ua hahai naauao lakou mahope o ka poe alakai hawa, a ua hauie iloko o ka poino. Ina i hoole aku lakou, he oi aku ka pono o ia hopena.
O na nupepa o keia kulanakauhale i hoolaha i na manao hoala kue lahui, a me na manao lili a inaina, iwaena o na lahui like ole e noho nei ma ka aina, oia kekahi kumu o keia haunaele. Ua ino loa kekahi mau manao i hoolaha ia. Ina e ho-a ia ke ahi, aole e nele ka wela. Ina e lu ia ke ahi ma o a maanei iwaena o ka pulupulu, he mea maopopo e nui ana ka poino. Pela kekahi mau nupepa o kakou. Ua ho-a ike ahi. Ua hoala i na manao hoohakaka. Ua kena okoa aku i ka poe heluhelu e kii e pepehi i ka poe a lakou i inaina ai. Pela keia wahi pepa e kapa hewa ia nei kona inoa o "Ka Oiaio." Ua hana keia pepa i na mea e ala ai ka haunaele. Ua olelo aku ia i ka poe paa pu e hoomakaukau no ka la e kau pololei aku ai ka pu i ke "kolea kau ahua." Ua ike kona poe heluhelu i ke ano o ia olelo. A ua hua mai kana hana i ka Poalua nei. Aia maluna o ia pepa ke koko o ke kanaka Hawaii kahi i waiho ai. He mea hiki ke kapa pololei ia kela nupepa, "he pepa koko."
Ua puka ma ka Elele he mau pule i hala ae nei, kekahi mau manao e hoala ana i na noonoo ino loa iwaena o kona poe heluhelu. O na olelo a ka waha kekahi mea e hewa ai. He wikiwiki ka poe noonoo ole ma ka olelo. Ua like na olelo ino iwaena o ka lehulehu me na huna ahi. Ua maa kekahi poe i ke kamailio ana ma na mea e naukiuki ai ka noonoo o ko lakou mau hoakanaka. A o keia mau mea a pau ke hui ia, he mau alakai no ia e loaa aku ai ka hana o ka Poalua nei a me kona hopena.
Aka, he poe e ae no paha kekahi i ike ole ia na lima iloko o keia hana, ua huna lakou ia lakou iho. Ua onou aku lakou na hai e hana a hiki i ka wa e maopopo pono ai ka hiki a me ka hiiki pono ole paha. O lakou no ka mana mahope o Wilikoki a me kona puali. Na lakou e koo aku me na manao paipai a me na mea e hiki ai ka hana. He mea pono e imi ia keia poe a loaa maopopo lakou. Aole pono e hoomaha ka luhi, aole hoi e minamina ka manawa no ka imi ana a loaa na mea nana i hookumu keia hana i kinohi.
Naauao ka hapanui o na Makaainana.
Aole he manawa e kamailio nui ai no na hana a ka lehulehu. Mahope aku paha e kamailio mahuahua loa ae ai o keia pepa i na mea e pili ana ia lakou. Ua ku i ka naauao na hana o ka hapanui o lakou. O ka poe e noho kokoke ana i ke kahua o ka haunaele, ua hookaawale aku lakou i na wahine a me na keiki ma kahi e malu pono ai lakou. Ua piha na alanui i ka poe nana kaua o kela a me keia ano lahui. Aole hookeke, aole hana ino. Ua hoopuka iki no kekahi poe i na olelo pono ole. Aka, o na hana o ka hapa nui, ua pololei a ua ku i ka mahaloia. Me he lahui naauao la na hiohiona e kau ana maluna o ka lehulehu ia la.
HOKUAO MA KA HUAKAI HALI MISIONA I KO NA AINA E.
He heluna mahuahua o na makamaka ma ke kulanakauhale nei i akoakoa ae ma ka oneki o Hokuao i ka auina la Poaha nei e launa pu me na hoalawehana o ka Lamaku ma na paemoku o ka hema. He anaina haipule kai malamaia ma ka hora a e Rev. O. P. Emekona; he mele na hana wehe o ia anaina, a he pule na Rev. Westervelt. Na Kauka Durnnel na olelo mua o ka paipai me ka hoolanalana manao, a ua kokua pu ia e na Rev. Walkup me Mahoe, he mau hoalawehana pu i holo aku la, ma ka olelo Beritania me Hawaii. Mahope o ia he pule na Mr. Pali, a o ka panina o na hana ma ia anaina haipule, he mau olelo hoomaikai na Rev. Dr. Lowell Smith. Alaila, hui aloha ae la na makamaka me na lulu lima, a nee paianehe aku la o Hokuao ma kona ala moana o ka hali misiona i ko na aina e, me na manaolana a pau a ko hope nei e maluhia kana huakai me ka holomua.
Ua hoouna ia aku o Mr. Mahoe he elele na koonei mau ahahui i ko na aina e, a e hoohalaia ana e ia he mau la loihi malaila. O Mr. Walkup kekahi i hoi hou aku me kana mau keiki makuahine ole he ekolu.
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o H. K. Kanealai K., me Nah@ni kana wahine o Honolulu, Oahu. o ka aoao mua, a me Eli Gordon o Kalawao, Molokai, o ka aoao elua, ma ka la 25 o Mei, 1882, i kakau kope ia na ka buke 76 aoao 16, a mamuli o ka uhai ia ana o na kumu aelike o keia moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ia aoao elua o keia moraki, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o J. F. Morgan, ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 23 o Iulai, 1889.
ELI GORDON. Mea Moraki Mai.
Penei na aina i moraki ia:
O kela apana aina a pau loa e waiho la ma Pahao, Kohala akau, Hawaii, nona ka ili o 1 eka i hoike ia ma ka palapala sila nui 2768, a oia no kahi i hoolilo ia aku ia H. K. Kanealai i olelo ia ma ka palapala o Kaana i hanaia o Okatoba 21, 1881, a i kope ia ma ka buke 76 aoao 14, 15, 16.
2244 4t
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o J. Nakea me Kahikina kana wahine mare o Oomakaa, S. Kona, Hawaii o ka aoao mua, a me N. J. Malone o Honolulu, Oahu o ka aoao elua, ma ka la 23 o Dekemaba, 1884 i kakau kope ia ma ka buke 92, aoao 378 me 379, a mamuli o ka uhaiia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia ma hope aku o na pule ekolu mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o Jas. F. Morgan ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 30 o Iulai, 1889.
N. J. Malone, Mea Moraki Mai.
Penei na aina i moraki ia:
O kela aina a pau e waiho la ma Oomakaa i oleloia, i hoike ia ma ka palapala sila nui helu 5050 kuleana helu 10515 ia Nakea, nona ka ili o 3 me 90 100 eka.
Kela mau wahi i hoike ia ma ka palapala sila nui 1568 (G) ia Kiekie nona ka ili o 59 1/2 eka e waiho la ma Oomakaa i olelo ia.
Hoolaha Hooko Moraki
Mamuli o kekahi mana kuai i hoike ia maloko o kekahi palapala moraki i hanaia mawaena o Kapule k., o Kaneohe, Koolaupoko, Mokupuni o Oahu, o ka aoao mua, a me Mrs. Bella Johnson o Kohala, mokupuni o Hawaii, o ka aoao elua, ma ka la 27 o Iune, 1881, i kakau kope ia ma ka buke 90 aoao 326 me 327, a mamuli o ka uhai ia ana o na kumu aelike o kela moraki oia hoi ka uku ole ia o ke kumupaa a me ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F, Morgan ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i kea la 23 o Iulai, 1889.
MRS. BELLA JOHNSON, Mea Moraki mai.
Penei na aina i moraki ia:
O kela aina a pau e waiho la ma Kaneohe, nona ka ili o 2 11-100 eka i hoike ia ma ka palapala sila nui helu 1411 ia Kamokuwaiole.
A me kela apana aina ma Kaneohe nona ka ili o 1 51-100 eka i hoike ia ma ka palapala sila nui helu 1385 ia Wahaulaula.
2244 4t
OLELO HOOLAHA.
E ike auanei na kanaka a pau e noho ana ma Waialae-iki me Waialae-nui, mokupuni o Oahu, owau o Paul Isenberg, ke lawe nei wau i ka Hee i i-a hoomalu na ke konohiki, a o na i-a a pau malalo o ua hee nei, ua noa ia i ka poe mea kuleana maluna o Waialae-iki me Waialae-nui, koe ka poe mea kuleana ole e noho ana maluna o ua mau wahi la aole e hele wale e lawaia ma ke kai o Waialae-nui a me Waialae-iki, mokupuni o Oahu.
PAUL ISENBERG, Waialae, Iune 26, 1889.
2240 5t
Hoolaha Hooko Moraki
Mamuli o kekahi mana kuai i hoike ia maloko o kekahi palapala moraki i hanaia mawaena o Luisa Akama, Wm Kini a me kekahi poe e ae o Honolulu, Oahu, o ka aoao mua, a me Mrs. Simpson o Honolulu i olelo ia, o ka aoao elua, ma ka la 3 o Novemaba 1881, i kakau kope ia ma ka buke 90, aoao 326 me 327, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 23 o Iulai, 1889.
MRS F. SIMPSON, Mea Moraki Mai.
Penei na aina i moraki ia:
O kela aina a pau e waiho la ma Kamalo, mokupuni o Molokai, i hoike ia ma ka palapala sila nui helu 7153, kul. 8931 ia Keke nona ka ili o 2 eka me 411 anana a oia no hoi kahi ponoi o ka mea i moraki ia.
2244 4t
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o Akima me S. E. Kaleikou kana wahine, o Waihee, Maui o ka aoao mua, a me Miss E. K. Bingham o Honolulu, Oahu, o ka aoao elua ma ka la 9 o Okatoba, 1883, i kakau kope ia ma ka buke 82, aoao 493 me 494, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu, mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 23 o Iulai, 1889.
MISS E. K. BINGHAM, Mea Moraki Mai.
Penei na aina i moraki ia:
O kela aina a pau e waiho la ma Waihee, Maui, i hoike ia ma ka palapala sila nui helu 7195 L. C. A. 3862 ia Pu, Makuakane o Akima i olelo ia nona ka ili o 2 2-100 eka, a oia no hoi kahi ponoi o ka mea i morakiia.
2244 4t
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hanaia mawaena o Samuela Kekoa o Kaneohe, Koolaupoko, mokupuni o Oahu, o ka aoao mua, a me Mrs. Ida B. Castle o Honolulu, Oahu, o ka aoao elua, ma ka la 11 o Augate, 1883, i kakau kope ia ma ka buke – aoao – a mamuli o ka uhai ia ana o na kumu aelike o kela moraki, oia hoi ka uku ole ole ia o ke kumupaa, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la
26 o Augate, 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 23 o Iulai, 1889.
MRS. IDA B. CASTLE, Mea Moraki Mai.
Penei na aina i moraki ia:
O kela aina ma Kalokohanahou, Kaneohe, Koolaupoko, Oahu, i hoike ia ma ka palapala sila nui 1398 L. C. A. 2491 ia Kamanene, a i hoolilo ia aku ia Sameula Kekoa i olelo ia a kope ia ma ka buke 74 aoao 260 me 261.
2244 4t
OLELO HOOLAHA.
E ike auanei na kanaka a pau ke nana i keia, owau o ka mea nona ka inoa malalo nei, ke kauoha aku nei au ia D. Kahanu, e kii koke mai i kou hale e ku nei maluna o ka apana aina o Kahameke, kaikamahine a Keawe Kaikuahine o Kahaoa k, i make kauoha ole. Oia ka apana 1 o ke kuleana Helu 11,234, Palapala Sila Nui Helu 7880, a me kou hoihoi pu mai i ko'u poho a me na lilo a pau iloko o na la he kanakolu mai ka la e puka aku nei keia hoolaha.
Ina e kii ole mai oe a hala keia mau la, alaila, e lilo loa no ia'u keia hale. He kuli ka make he lohe ke ola.
Owau no me ka oiaio,
JOS. L. KEOKI.
Kalaupapa, Iulai 19, 1889.
2242 2ts
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o Luika Akima a me Akima kana kane mare a me Kaheaku (w) o ka aoao mua, a me Walter F. Frear o Honolulu i oleloia o ka aoao elua, ma ka la 21 o Feberuari 1888, i kakau kope ia ma ka buke 110, aoao 86 a me 87, a mamuli o ka uhai ia ana o na kumu aelike o keia moraki, oia hoi, ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma keena kudala o Jas. F. Morgan ma Honolulu, ma ka la
26 o Augate 1889,
hora 12 o ia la.
Aia ma kahi o W. R. Kaekla na olelo hoakaka no keia mea.
Hanaia i keia la 23 o Iulai 1889.
WALTER F. FREAR. Mea Moraki mai.
Penei na aina i moraki ia:
Kela apana aina a pau e waiho la ma Lonohale, Kalahea, Kolao, Kauai, nona ka ili o 1 eka, 2 roda a me 14 kaulahao, i hoakaka ia ma ka Palapala Sila Nui 7061, Kul 6688 ia Laa i noho mana ia e ka mea moraki aku i oleloia no ke kuleana he hooilina ma ke kanawai no Laa i oleloia.
2244 4t
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o Ekekela Kaulili a me Kaulili kana kane mare, o Kainalu, Molokai, o ka aoao mua, a me H. N. Casete, Kahu Malama Waiwai, o Honolulu, Oahu, o ka aoao elua, ma ka la 14 o Dekemaba 1883, i kakau kope ia ma ka buke 87 aoao 189, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia ma hope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la
26 o Augate 1889,
hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 23 o Iulai 1889.
H. N. CASETE, Kahu Malama Waiwai, Mea Moraki mai.
Penei na aina i moraki ia:
Kela mau apana aina a pau e waiho la ma Kainalu, Molokai, i hoike piha ia ma ka Palapala Sila Nui 3005, L. C. A (G) ia Kahiko nona ka ili o 10 eka, i hoolilo ia ia Ekekela i oleloia ma ka palapala a Kahiko i kope ia ma ka guke 80 aoao 357.
2244 4s
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o J. K. Hoopai o Honolulu, Oahu, o ka aoao mua, a me William Dean o Honolulu i oleloia o ka aoao elua, ma ka la 23 o Dekemaba 1884, i kakau kope ia ma ka buke 89 aoao 493, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ai na aina i hoike ia ma ia moraki no ke kudala ana, ma ke keena kudala o J. F. Morgan, ma Honolulu, ma ka la
26 o Augate, 1889,
Aia ma kahi o W. R. Kakela na olelo hoakaka no keia mea.
Hanaia i keia la 23 o Iulai, 1889.
WILLIAM DEAN, Mea Moraki Mai.
Penei na aina e kudala ia ana:
O kela aina a pau ma ka palapala sila nui 977 L.C.A. 7174 B ia Kauhi 2 nona ka ili o 1 me 88-100 eka e waiho la ma Kaneohe, Koolaupoko, Oahu, a ua hoolilo ia ua mau waiwai la ia J. K. Hoopai, ma ka palapala hoolilo a R. Kaai i kope ia ma ka buke 85 aoao 444.
A pela no hoi me kela mau apana ai na a pau i hoike ia maloko o ka palapala sila nui 2407 L.C.A. 8290 ia Kinona, nona ka ili o 1 72-100 kaulahao e waiho la ma Palolo, Oahu.
2244 4t
OLELO HOOLAHA.
Ma ka la 6 o Iulai 1889, ua hookohu pono ia mai ka mea nona ka inoa malalo iho nei, i Luna Hooko Kauoha no ka palapala kauoha hope a S. Aukai i make.
O ka poe a pau a S. Aukai i aie aku ai, e waiho koke mai i ka oukou mau bila imua o'u iloko o na malama eono, e hoomaka ana ma ka la i oleloia maluna, ina aole pela, e hoole mau loa ia aku no na bila ke hala ka manawa i oleloia, a pela hoi ka poe i aie mai ia S. Aukai e hookaa koke mai ia'u.
J. K. KAPUNIAI. Luna Hooko Kauoha o S. Aukai i make.
Waimea, Kauai, Iulai 19, 1888. 2242 3ts
Hoolaha Hooko Moraki me ke kuai
Ma ka mana kuai i olelo ia ma ka Moraki i hana ia mawaena o Kauhane (k). a me kana wahine mare o Kila a me Kepu (k), me kana wahine mare o Lepeka me Abigaila Kahukina, i kakau kope ia ma ka Buke 110 aoao 241 a me 242, e hoike ana ua hookaa @ ia ke kumupaa me ka ukupanee. Nolaila, e kuai kudala ia no na waiwai hoike ia ma ua moraki la no ka hookaa ana i ke kumupaa a me ka uku panee pu. Nolaila ke hoike ia aku nei ma ke akea, e kuai kudala ia ka apana aina i hoike ia no ka Hooko ana i ka Moraki ma Koloa, Kauai, ke hiki aku i ka
Poaono, Augate 24, 1889.
ABIGAILA KAHUKINA, Mea Moraki.
O ka aina e kuai ia na oia no keia apana aina e waiho ala ma "Unuolona," Koloa, Kauai, a i hoike piha ia na moe ana ma ka Palapala Sila Nui helu 3520, a Kuleana helu 4768 ia J. Nahinu k., i make, he aina maikai, he hale a he mau loi ko luna o ka aina, me ka mea e lilo ai na lilo a pau e pili ana.
No ka mea i koe, e ninau ia
KEKOA, Luna Kudala
A i ole, ia Mikaela, Loio no ka mea Moraki mai.
Koloa, Kauai, Iulai 27, 1889.
Hoolaha Hooko Moraki
Mamuli o kekahi mana kuai i hoike ia maloko o kekahi palapala moraki i hana ia mawaena o NOCHOLAS PETERSON o Honolulu, Oahu, o ka aoao mua, a me S. N. Wilcox o Lihue, Kauai o ka aoao elua, ma ka la 26 o Maraki, 1886, i kakau kope ia ma ka buke 101 aoao 90, a mamuli o ka uhai ia ana o na kumu aelike o kela moraki, oia hoi no ka uku ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia a mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana ma ke keena kudala o Jas. F. Morgan ma Honolulu,
MA KA
La 26 o Augate, 1889,
hora 12 oia la.
Aia ma kahi o W. R. Kakela na olelo hoakaka no keia mea.
Hana ia i keia la 23 o Iulai, 1889.
S. N. WILCOX, Mea Moraki mai.
Penei na aina i moraki ia:
O kela mau apana aina a pau e waiho la ma Kalihi, Honolulu, i hoike ia ma ka Palapala Sila Helu 1253 L. C. A. helu 1207 ia Hopuia nona ka ili o 1 3-10 eka a oia no kahi i hoolilo ia 'ku ia Nicholas Peterson e oleloia nei e William Kapela opio ma ka buke 66 aoao 323.
2244 4t.
AHA KAAPUNI APANA ELUA o ko Hawii Pae Aina, Ma ka Hooponopono Waiwai.
Mokupuni o Maui, Hawaii Pae Aina. SS.
Ma ka Waiwai o H. T. Reynolds no Kahului, Maui, i make.
N ka me, ma ka la 10 o Iulai, M. H. 1889, ua waihoi i mai imua o ka Aha, kekahi palapala, i oleloia, oia no ke Kauoha Hope Loa o H. T. Reynolds i make aku la; a me ka Palapala Hoopii e noi ana e hooiaio ia kela Palapala Kauoha a e hoopuka hoi ka Palapala Luna Hooko no H. G. Treadway ua waihoia mai e Ia.
Nolaila, ua kauohaia o ka
POAHA, AUG., M.H. 1889.
Ma ka hora 10 a.m., ma ka rumi hookolokolo o ia Aha, ma Wailuku, oia ka la me ka hora, e hooiaio ia'i ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
Kakauia ma Wailuku, ko Hawaii Pae Aina, Iulai 15, 1889.
GEO. E. RICHARDSON, Lunakanawai Kaapuni Apana Elua.
2242 3t
Benson, Smith & Co.
Na Mea Laikini ia e kuai Kukaa a me Kuai Liilii aku.
Na Laau Lapaau
O NA ANO A PAU.
HELU 113 me 115, ALANUI PAPU
O LAUA NA AGENA NO NA
Laau Lapaau Kuluwai Liilii!
Boreicke & Schrecke, a me na
WAi Lukini OnAonA Waianuhea!
WAIALA MAILE
A ME KE
Onaona Lei Aloha!
O na lako no ka Lauoho a me ka Ili, a me na mea hoonani o ka Home, e loaa no ia ina makamaka ke kipa mai ma keia hale.
2204 tf