Ka Nupepa Kuokoa, Volume XXVIII, Number 36, 7 September 1889 — HE HANA HUPO. [ARTICLE]

HE HANA HUPO.

I ka Nupepa Kuokoa, Aloha oe:—1 Ma ka la 23 o Augate nei, ua hue hou ia'e ke kii pohaku, ke akua kahiko o ea kupuna o kakou o kela au i au« wale aku la. O keia kit pohaku, ua hue mua ia e ka Hon. S. Parker me ka manao no ka hoikeike nui e hiki mai ana, a ua hue ia ia me ke dala, aka, o keia hue ana, ua hue ia keia me ka manao e ku nui mai na i'a, oiai ka nele e hookokoke loa mai ana i na pakeke. A eia ke kumu o keia hue la ana : 1 kela mau la koke aku nei, ua kii aku ka ka uhane o keia kii pohaku ia J. Kama, no N. Kohala, a koi aku la e kii mai e hoala iaia. Wahi a Kama, ina e hoala hou ia keia kii, nui hou mai ka i'a. nui ka pomaikai. No keia mau olelo a J Kama hupo, ua puni aku nei kekahi poe a kokua ma ia ano hupolikemeJ. Kama. Nui ka hilahila o kekahi poe, oka, ua ono ka puu o kekahi poe i na io puaa ahaauia no ka hoala ana i keia mea nui, oia 0 Kane, akua kahiko i ke au naaupo; aka, eia no keia naaupo o J. Kama, ke lawe hou mai nei ma ke ano hoomanamana. Me na keiki o ke keena ko u welina, a me ka Lunahooponopono ko'u lululima. Jas. E. Laau. Kawaihae, Aog. 28, 1889.