Ka Nupepa Kuokoa, Volume XXVIII, Number 42, 19 October 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

NO KA AKAHIKI -- $2.00

NO @O@O MAHINA -- 1.00

KUIKE KA RULA

Poaono, Okatoba 19, 1889.

 

Haawina Kula Sabati HAPAHA EHA HAAWINA VI. Novemaba 10, 1889

 

Ko Davida Kaniuhu ana no Abesalo ma 2 Sam. 18 18-33.

 

            A O Abesaloa i kona wa e ola ana, lawa aku la ia a hookuu ae la i kekahi kia pohaku ma ke awa wa o ke alii, no ka mea, i aku la ia, aole au keikikane nana e hoomau i kuu inoa, a kapa aku la ia i ua kia pohaku la ma kona inoa iho, a ua kapaia aku ia, ko Abesaloma wahi a hiki i keia manawa.

            19 Alaila, i aku la o Ahimaaza, ke keiki a Zadoka, e ae mai oe e holo aku au ano, e lawe aku i ka olelo i ke alii, ua hoopakele aku o Iehova iaia mai na lima aku o kona poe enemi.

            20 I mai la o Ioaba iaia, aole no oe e lawe aku i ka olelo i keia la; e lawe olelo oe i kekahi la ae, i keia la, aole oe e lawe olelo aku, no ka mea, ua make ke keikikane a ke alii.

            21 Alaila, i aku la o Ioaba ia Kusi, o hele o e hai i ke alii i ka mea au i ike iho nei. Kulou iho la o Kusi ia loaba, a holo aku la.

            22 I hou aku la o Ahimaaza ke keiki a Zadoka ia Ioaba, owau hoi kekahi ke noi aku nei au ia oe e holo aku au mahope o Kusi. I mai la o Ioaba, no ke aha hoi oe e holo aku ai, e kuu keiki, aohe olelo e pono nou?

            23 E ae mai hoi oe e holo wau. I mai la kela iaia, e holo. Alaila, holo aku la o Ahimaaza ma ka aoao o ka papu, a oi aku la ia imua o Kusi.

            24 Noho iho la o Davida mawaena o na puka ilua o ka pa, a pii aku la ke kiai maluna o ka puka o ka pa pohaku, alawa ae la kona mau maka, nana aku la, aia he kanaka e holo mai ana, oia wale no.

            25 Hea mai la ke kiai, a hoi ma la i ke alii. I aku la ke alii, ina ha hookahi wale no oia, he olelo no ma kona waha. Neenee mai la no ia a kokoke mai.

            26 Ike aku la hoi ke kiai i kekahi kanaka e ae e holo mai ana, hea mai la ke kiai i ka malama puka, aia hoi, he kanaka e holo hookahi mai ana. I aku la ke alii, ke lawe mai nei hoi i ka olelo.

            27 I mai la ke kiai, ua like ka mea holo ana i kuu manao me ka holo ana o Ahimaaza ke keiki a Zadoka. I aku la ke alii, he kanaka maikai ia a ke hele mai nei ia me ka olelo maikai.

            28 Kahea mai la o Ahimaaza, i mai la i ke alii, aloha oe. A haule iho la ia ilalo ke alo ma ka honua imua o ke alii, i mai la, e hoomaikai ia o Iehova o kou Akua, nana i hoolilo mai i ka poe kanaka i hookiekie ae i ko lakou lima e kue i kuu haku i ke alii.

            29 I aku la ke alii, ua malama ola ia ke kanaka opio, o Abesaloma? I mai la o Ahimaaza, a hoouna mai ia o Ioaba i ke kauwa a ke alii, a ia'u hoi i kau i kauwa, ua ike aku au i ka wawa nui, aole hoi au i ike i ke ano.

            30 I aku la ke alii, e kipa ae oe a e ku maanei. Kipa ae la ia a ku malie iho la.

            31 Aia hoi, hele mai la o Kusi, i mai la o Kusi, he olelo ka'u e kuu haku e ke alii; ua hoapono mai o Iehova ia oe i keia la i ka poe a pau i hoea mai e kue ia oe.

            32 I aku la ke alii ia Kusi, ua malama loa ia anei ke kanaka opio o Abesaloma? I mai la o Kusi, o ka poe enemi o kuu haku o ke alii, a o ka poe a pau i kue mai e hoino mai ia oe, e hoolike ia lakou me ua kanaka opio la.

            33 Haaloulou mui iho la ke alii a pii aku la i ke keena maluna o ka puka, o uwe iho la, a kona hele ana, penei kana i olelo ai, auwe! kuu keiki e Abesaloma e! e kuu keiki, kuu keiki e Abesalome e! ma no wau i make nou, e Abesaloma kuu keiki, kuu keiki e!

 

PAUKU GULA

 

            O ke keiki lapuwale, ke kaumaha ia no kona makuakane, a he mea awahia hoi no ka mea nana ia i hanau mai. Sol. 17: 25.

 

MANAO NUI

 

            Poino no na la a pau o ka poe popilikia.

 

NA HELUHELU LA.

 

Poakahi 2 Sam            15:13-17 Poalua 2 Sam 16:1-23 Poakolu 2 Sam 17:1-23 Poaha 2 Sam 18:1-33 Poalima Hal 3:1-8 Poaono Hal 4:1-8 Sabati Hal 42:43

 

1. Ke Keiki Hookuli. Ka Lulu ana i ka makani, a ohi i ka puahiohio.

            Owai ke alakai ma ke kipi i ko Davida noho alii ana? No ke aha ko Davida haalele ana i Ierusalema? 2 Sam. 15:14. Ihea kona hele ana? 15:23-30. Owai kai hele me ia 15:18. Mahea kona wahi i hoomoana ai? 16:14 17:22. Lilo ke kulanakauhale alii ia wai? 16:15. Pehea ke ao ana o Ahitopela ia Abesaloma? 17:1 3. He maikai anei ia ao ana? 16:23. No ke aha ka hooko ole ana o Abesaloma? Heaha kana i manao ai? 17:11-14. I ka lohe ana o Ahitopela ua hoowahawaha ia kana ao ana, pehea oia? 17:23. No ke aha? Ua aha o Davida i ka lohe ana i ko Ahitopela manao? 17:21 22. Na wai i kokua iaia? 17:27-29.

 

II. Ke Kaua ana.

            Mahea kahi a Abesaloma i hoomoana ai? 17:26. Mahea ke kahua kaua? 18:6. Mahea o Davida ia wa ? 18:4. He nui anei ka pualikoa a Abesaloma? 17:11 18:7. Heaha ka hopena o ia kaua ana? 18:7 8.

 

III. Ka make ana o Abesaloma. 18-32.

            Ua aha ia o Abesaloma? 18:9. He aha ke kauoha a Davida i ka poe koa? 18:5. Na wai i pepehi ia Abesaloma? He mea anei ia e pomaikai ai ka aina? He mea anei e pomaikai ai ke aupuni a me ka lahui, ka lawe ana aku i ka poe ino ka poe kolohe?

            Ua loihi anei ka nohoalii ana o Abesaloma? Ua pomaikai anei oia? No ke aha ka poino ana? Ua kupono anei nona ka Solomona i kakau ai? Sol. 1:24-32. Mahea ke kali ana o Davida i lohe mai ke kahua kaua mai? Na wai i lawe aku i ka lono o ka make ana o Abesaloma? Heaha ka ninau mua a Davida i na elele?

 

IV. Ko Davida kaumaha no ka make ana o kana keiki. 33.

            Pehea o Davida i ka lohe ana no ka lanakila ma ke kaua? No ke aha kona kaumaha? Me ia anei kona kaumaha, kona luuluu, ina he keiki hoolohe oia, a ua malama i ko ke Akua mau kanawai? Pakele anei kekahi ina e hoomau ana ma ka hoolohe i ka ke Akua mau ao ana?

            I He mea e kaumaha i ka ike ana i kekahi e hoolilo ana i na pomaikai nui i loaa iaia i mea poino iaia iho a i mea hoopilikia ia hai.

            II Na ka poe pono i lawe i ka nu maikai o ke ola?

            III Pehea ke kanaka opio, ua pilikia anei oia, i na hoa pono ole, i ka waiona, i na hewa e ae.

            IV E hoopuni iaia me na mea maikai, o lilo i na mea ino.

            V He mea e awahia ai ka manao, ka hoomanao ana i ka hooikaika ole ana e hoopakele i ka poe auwana.

            VI O ka mea e lulu ana i ka makani, e ohi auanei i ka puahiohio.

            VII E pakikaauanei ko lakou mau wawae.

            VIII Ua aloha ke Akua i kana mau keiki a ua minamina no ka poe auwana wale no.

 

HOOLAHA HUI

 

            E halawai ana ka Ahahui Kula Sabati o na Mokupuni o Maui, ma ka luakini o Wainee, Lahaina, i ka Poaha, Oct. 31. E. M. HANUNA.

            Hana, Maui, Oct. 10, 1889.

 

Na Ekalesia.

 

Malalo o kela poo, e hoopoka @ aku ai makou i ka moolelo e pili ana i na Ekalesia a p@i ka Pae Aina. E kakaa ma @ mea ano nei, a e hoopaka ia aka ao.

 

KA EKALESIA O KAUMAKAPILI.

 

            Ma ka halawai ana o ka Aha Luna o ka Ekalesia o Kaumakapili, ua hapaiia e ka Papa ke kumuhana, e p@ni ia na puka o ka luakini no na halawai makaainana. Mahope o ke kuka ana me na manao maikai, ua hooholo me ka manao lokahi i keia olelo hooholo.

            Olelo Hookolo, hooholoia: - Mai keia la aku ke hoopau a ke hookapu ka ia nei ka wehe ana i na puka o ka luakini o Kaumakapili, no na halawai makaainana a me na halawai e ae o na ano a pau i pili ole i ka ka ekalesia mau hana.

            A ua kauoha ia ke Kakauolelo a me ka Lunahoomalu e kakauinoa malo o keia olelo hooholo; a e haawi ia hookahi kope i ka Aha Kahu Waiwai. A ke kauoha pu ia aku nei e hooko pono i keia olelo hooholo; a e haawi i hookahi kope pakahi i na nupepa Hawaii KUOKOA a me Ko Hawaii Pae Aina. J. P. Iwa, Kakauolelo. Kaumakapili, Oct. 4, 1889.

 

            Olelo Hooholo, hooholoia: - Mai keia la aku, ke hoopau a ke hookapu loa ia nei ka wehe hou ana i na puka o ka luakini o Kaumakapili no na halawai makaainana a me na halawai e ae i pili ole i ka ka Ekalesia mau hana ponoi. J. WAIAMAU, Lunahoomalu. J. P. IWA, Kakauolelo. Kaumakapili, Oct. 4, 1889.

 

HOIKE HAPAHA O KE KULA SABATI O KA WAI KAULANA O NA PALI O KOOLAU, MAUI.

 

            Ma ke Sabati, la 6 o keia mahina, i hoike ai ka hoike hapaha o ke Kula Sabati o ka wai kaulana nei, a o ke sila hoi o Maui Hikina, i lohe ia kona o i na paemoku o Hawaii. Aloha no.

            Ke hoike aku nei au ma na mea ano nui, a e ike ia hoi ma keia hoike ana, ua emi iki mai na hana o keia Kula Sabati, a ma ka lulu dala ana, loaa he 16 dala. Nui kela.

            Ma ko'u anaolana, aole no i poho. E like me kela lelo, A i hina iho au, e ala hou ae no. No ka mea, na ke Akua ka hana, me he la e ala hou ae ana no keia kula e like me kona kulana mau ma keia mua iho.

 

Ka Hui Opiopio.

 

            Ua noho keia ahahui malalo o na kumukanawai a me na rula, a ua koho ia na luna nui penei:

            V N Kahea, Peresidena, ma ko M K Makaena wahi i waiho mai. S K Makaena, Kakauolelo. A K Wahamana, Puuku.

            Aole he mau lala e ae i koho ia o keia ahahui iloko o keia makahiki.

            Aole no hoi he hoike makahiki a na luna nui o keia ahahui i kela mau makahiki i hala, a pela aku ana no paha i keia mua aku.

            He hoike hapaha no ka ke Kakauolelo a me ka Puuku i kela a me keia hapaha no na loaa a me na hoolilo o keia ahahui.

            O na hana haipule, he oia mau no ka paa mau i na wa a pau. Aole no hoi he inu rama i ikeia iwaena o na lala o keia ahahui.

 

Ka Ribine Bolu.

 

            He oia mau ke kulana o keia ahahui mai kela mau makahiki mai a hiki i keia mahina. Ua Kohoia na luna nui penei:

            D W Napihaa, Peresidena; S K Makaena, Hope Peresidena; James P Saunders, Kakauolelo; Rev S Kamakahiki, Puuku.

            He hoike hapaha no hoi ka ke kakauolelo a me ka puuku no na loaa a me na lilo o keia ahahui i kela a me keia hapaha.

            O na halawai haipule, he paa mau no, a he nui a lehulehu i kahi wa, a he emi mai no hoi i kahi wa.

 

No ka Ekalesia.

 

            He oia mau no ke kulana o keia ekalesia a me kona aha luna, a ua koho heia aha luna ia Rev S Kamakahiki i haiolelo no lakou, no $10 o ka mahina. Ua koho pu ia he elima mau komite o loko o keia aha luna, na lakou e hooikaika iwaena o na h@hanau a me na makamaka o ka poe e aloha mai ana i na mea e kokua ai i ka haiolelo.

            A ua mahele ia he elima apana iloko o keia ekalesia no na komite elima, a eia lakou ke hooikaika nei i ka hana i haawi ia ia lakou no ka pono o ka haiolelo; a no keia Sabati ae Oct. 13, e ike ia ai ka hua o ka lakou hana.

            He kakauolelo a he puuku ko keia ekalesia, a he hoike hapaha no hoi no na loaa a me na lilo o ka ekalesia. K K MAKAENA. Keanae, Oct. 8, 1889.

 

KA AHAHUI EKALESIA O KAUAI

 

            I ka la 9, 10 me 11 o Okatoba, ua noho ka ahahui ekalesia o Kauai me ka luakini o Lihue, a eia na hoa i hiki mai:

            Ekolu kahunapule, elua haiolelo, ehiku elele, eha lala mau, na lala o na ahahui Kula Sabati, na ahahui Opiopio Imi Pono Karistiano a me lipine bolu, ekolu lunakanawai a me kakauolelo o ka Papa Hawaii.

            Ua malama ia na hana me ka maikai a me ka maluhia, a he hookahi puuwai iloko o ka Haku.

            Ma na hoike kipapai o na kahu ekalesia a me na elele, ua ike ia ua nee iki no na hana pono ma na hana a me na kokua.

            Nolaila, ma keia e maopopo ai ia'u, aole no i haalele loa mai ka Uhane Hemolele ia na ekalesia o Kauai nei, a he mea hoi ia e hauoli ai na haipule iloko o ka Haku Iesu Karisto. S R HAPUKU. Niumalu, Kauai, Oct. 12, 1889.

 

Hoole Waiona.

 

[Na ka Ahahui W. C. T. U.]

 

            Ma Kaieleonalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bolu o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono. "No ke AKUA a me ka HOME, a me ka AINA HANAU." !!

 

HOOLAHA KU MAU.

 

            I ka Poaha auwina la, ma ka hora 2, e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia "KA BANA O KA MANAOLANA," iweana o na keiki o ke kuanakauhale o Honolulu nei. Ke kono ia aku nei na keiki o ka aina makua, a me na keiki o na aina e, e hele mai. E malama ia ana he wahi paina meaono me ka inu ti a me ka haukilima, ma ka Poaha hope o ka mahina.

 

HE MOOLELO.

 

            Na ke keonimana ma Glasgow i haawi mai ia'u i keia moolelo. He kanaka opio, he hana mekini kana,  a he helu ekahi o ke akamai; aka, he kaulana no ka ona. Ua koi nui ia e hoohiki hoole waiona, a mahope ua ae oia, a ua malama oia i kana mea i hoohiki ai no na makahiki eono. Ua pale aku oia i na hoowalewale a pau. A i ka wa i mare ai kona kaikuahine, ua hele aku oia i ka ahaaina mare. Ua ike no lakou i keia, ina e koi aku iaia e inu, e hoole ana oia, ua maka'u lakou i ke noi, no ka mea, he mau pulima ikaika kona, a ua olelo oia, "Ina e hoowale wale kekahi iaia e inu. e hili ana oia iaia." Iwaena nae o na lealea, ua haawi i ti i na hoa, a eia ka mea ano @a bolo a kekahi o lakou i hana ai me keia kanaka: Ua hookomoia iloko o kona kiaha ti i ka wiseke a nui, inu no oia, a mai ia manawa, aole i hanu kela kanaka i ka hanu o ke kanaka hoole waiona. He ekolu pule mahope iho, ua loaa ia oia iwaena o na akaakai ma ka muliwai, me na maka o ke kanaka make, e haka pono ana iluna i ke aouli a ua kakahe ka hu'a mai kona mau lehelehe eleele. O ka mana diamonio o kela kiaha ti i kawili ia me ka wiseke ua paa maluna o kono kino, a ua holo me he ahi la iwaena o kona koko a me kona aa koko, a ua huki ia ilalo iloko o ka ona a me ka make.

 

I KA POE LAWE PEPA O KA APANA O WAIKAPU.

 

            Aloha oukou a pau loa.

            Eia kakou i ka pahu hopu o keia mau mahina e nee nei, a ke kokoke aku nei e pau, oiai au e noho luna nupepa ana na oukou, a e pono oukou e hookaa koke mai i ko oukou koena aie o ka pupepa ia'u o keia hapa hope e hele nei. Oiai, ua kokoke kakou i ka la mua o Ianuari o keia new year 1890 ae. Eia ka'u kauoha ia oukou, e hookaa mai i ko oukou mau aie ia'u, a ina aole oukou e hookaa mai ana, alaila, e waiho ana au i ko'u noho luna lawe pepa ana na oukou, a i ole, e waiho aku paha au i ka hana na ke kanawai e hooponopono i ko aukou mau aie, ke manao nei au aole apha kahi luna hana pololei e like me a'u, a aole hoi o'u aie ia oukou, a o oukou hoi kai aie ia'u e noho nei, e pono oukou e hookaa koke mai i na wahi kenikeni i koe o na nupepa a ekolu, oia hoi ke KUKOA Ko Hawaii Pae Aina a me Elele.

            Owau no me ka oiaio, Oliver Poniaulani White. Luua Nupepa o Waikapu. Okatoba 11, 1889.

 

NA MATERIA O KE KAI MAWANAWANA.

 

E @ Kuokoa: Aloha oe -

            Hiu a wela, laweia a lilo.

            Ma kekahi po o ka pule i @, oiai o Miss Abbie Mana e noho ana ma kahi o kona kupuna Mr Kahili, ma Kawaihae nei, a i ka hapalua paha o na hora o ka po, ua kii ia mai la oia e kekahi hapa haole ma ka inoa i maa i kanaka oia no o Likana opio me kona kokoolua he hapa pake, a me ka makaukau pu no hoi i na lio holo loa, a i ka puka ana ma kahi o ka mea i iini ia, ua hooko ia ka iini, ua ka mai la oia ma kekahi lio o kela eueu, a ua hiu ia aku ia a wela, lawe ia, a lawe loa ia no a lilo ma ia po, a o ka pahu hopu ma ia lawe ia ana me ka ike ole ia, ua holo loa aku la ma ia po a hiki i Waimea, ma kahi o Rev J Kalino, a hai aku la ma ke ano hoopunipuni e kela wahi hapa pake i ke kahunapule. Aka, he mea no na ka lehulehu e ka niuhu iho ai, malalo o keia mare kupanaha, oia no keia:

            O Likana opio, ua maa oia i ke kii e noi i keia Miss Abbie Mana i wahine, aole nae he ae ia e Mr. Mana kona makuakane a me Mr. Kahili ke kupunakane, a me ia ae ole ia ua hilinai loa ka manao o Likana opio o kana wahine keia, nolaila, ua hele oia i Kohala i palapala mare ia D S Kahookano a ua loaa mai, me ka hookolo ole ia i na ohana o ka wahine, a o ka loaa iho la no ia, no Kawaihae nei ka ihu o na lio, iawe ana a lilo i Waimea, paa ana ma ka materemonio maemae paha o ka mare.

            Nui ka hoaa o Mr. Kahili no kana punua (moopuna) aole paha e loaa ia oe, no ka mea, malia paha ua loloa loa ka hulu o na ekeu, ua hei i ke kipuka a ke keiki kia manu o Olaa. Ma keia ano hana, ua uluku loa ae ka manao o Mr. Henry Mana, no keia mea, ua hele e hoopii imua o James Bright luna makai o Kohala-hema, a ma ka lono wale ia mai, e waiho ia aku ana no ke kau jiure ae nei o Novemaba ma Waimea, a ia wa paha e uwi maloo ia ai na iwi o na poe i hui ma ke ano hana lapuwale, iloko o ka minamina no ka waiwai makamae i lawe ia ma ke kua aole ma ke alo, me ka ae ole ia. Eia ka leo paipai ia oukou e ka poe mea kaikamahine, e malama pono i na pu nua, o poi ia auanei e na popoki.

 

Huk@a iwaho.

 

            Ma ka la 8 o Okatoba nei, ua pau a ua paa ioa ka moku o ko makou makamaka Wm. Hookuanui, malalo o na hana pauaho ole ana a kekahi haole o Mr. Dan. McNeil, a ua huki ia iwaho o ka hale hana moku, a e holo ana iloko o keia mau la, nani ke kulana o keia moku a ku maoli no hoi i ka hiehie ke nana aku, a me ia la pu no hoi ua hoomanao ae o Mr. E D Kalua a me kana Madame i ka la hanau o ka laua keiki, a o ka piha ana hoi o na makakiki 4 ma ka ili apuupuu o ka honua, a ua pahola pu ae na makua i kekahi papaaina maikai, ua ai a lawa ka poe i hiki aku.

 

Hanau ia.

 

            Ma ka la 12 o Sept. i hala, ua hanau mai la na I E Laau me kana lede, he kaikamahine, a o ka ekolu hoi o ka laua mau hua ohaha mai ko laua mau puhaka mai. Thos. S K Nakanelua. Kawaihae, Hawaii, Oct 11, 1889.

 

Ka Waiwai o ka Hilinai

Saseparila Ayer

A AYER, Laau Saseparila, kai kaulana a hilinau nu ia no ka hoomaemae koko, ma o@ wah a pau o ka nonua, @e aneane 40 makahiki i hala ae nei, a ua lawelawe nui ia hoi iwaena o na oihana ia@aau. O keia LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao. HE koko inoino a nawaliwale anei kou? Ua a wili pu anei me na ano mai ikaika? A ua hui pu anei me na wai awaawa hoopehu Na keia LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii i keia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke KOKO ino hakuhaku, a nawaliwali hoi kona holo pono ana ma ke kino, e hoomaemae @ a e hookiaika pu ia no hoi ma o ka ai ana i keia LAAU SASAPARILA A AYER. He maa lahi a he MAIKAI loa hoi keia Laau, aole no ka hoomaemae wale ana no i ke koko, aka, no ke hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana me i keia laau mamua o kahi mau laau e ae A HILINAIIA no ka ikaika kupoao o ke ola kino, ma ka maemae ana o ke koko, hoo make pu ia na ma'i, a pela aku. He nui na laau hoomaemae koko i oolaha waha @ wale ia malalo o na inoa @alehu, aka, o na hilinai a me na hooia wale no a ke ao holo okoa maluna o ka Ayer Laau Sasaparila I HOOMAKAUKAU IA @ J. C. Ayer & Co. Lowell Mass. HOLLISTER & CO Na A ana ma ka Paeal@ Hawaii. 100 -- Alanui Papa, Honolulu 2086 tf

 

PAPA! PAPA! AIA MA KANI LEWERS & COOKE @O LUI MAI ma ke ka@ke @a @ Papa a me M E @ ai PAPA NOUAIKI o kela a me keia ana. Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Moe nui loa Na Pili o na Hale o na Ano a Pa@ A ME NA WAI HOOHINUHINU NAN@ O NA ANO A PAU LOA. NA BALAKI ANO NUI WALE. A ke ha@a aku nei ka lono i na Makamaka pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA. E like me kamoa e holo ana maw aena LAUA a me ka MEA KUAI. HELE MAI E WAE NO OUKOU

 

Benson, Smith & Co Na mea Laikini ia e k@ kukou a me Kuai Liilii aku. Na Laau Lapaau O NA ANO A PAU. HELE 113 me 115 ALANI PAPU O LAUA NA AGENA NO NA Laau Lapaau Kuluwai Liilii. Boreicke & Schrecke A ME NA: WAi Lukini OnAonA Waianuhea! WAIALA MAILE A ME KE Onaona Lei Aloha!

 

            O na lako no ka Lauoho a me ka lii, a me na mea hoonani o ka Home, e loaa no ia ina makamaka ke kipa mai ma keia hale. 2204-tf

 

Hale Hana Lole Nu KE "PAIONIA O HONOLULU," Helu 17 Alanui Ema, Honolulu.

 

            O ka mea nona ka inoa malalo iho, ua makaukau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.

 

Papale Keokeo, Paleili, Aahu Moepo, &c

 

            E hana ia no na kauoha e like me ka makemake. A o na kauoha mai na mokupuni mai e hooko ia me ka el@. A. M. MELLIS. 2202-1m Bele Telepone Helu 410

 

B. F. EHLERS & CO., PAINAPA.

Poe Kuai i na Ano Lole a Pau. Helu 99 alanui Papu. - Honolulu.

 

            Ua loaa mai nei, ma keia mokuahi Austaralia he mau waiwai ano hou loa, oia hoi: Na Kakinia, Kinamu, a me na Kalakoa o kela a me keia ano. Nolaila, e kuai makepono aku ana makou no na kumukuai haahaa loa.

 

Pahu Hale Lea 351 Bele Telepone 274.

KA AGENA OIHANA HAWAII. No. 68 ALANUI PAPU KIHI O ALANUI KALEPA, HONOLULU, H. I. HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

 

Na Waiwai paa - kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima a aelike ohii na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ole, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

            O na hana a pau a na makamaka e haawi mai ana no ka hooko aku i ke kauoha, e hooko @o me ka eleu a me ka mikiala. Agena Oihana Hawaii @170 1yr. Mar.