Ka Nupepa Kuokoa, Volume XXVIII, Number 44, 2 November 1889 — Page 2
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Hoolaha Keena Kalaiaina
Ua hookoho ia aku ma keia a o Mr J K Kaapuwai o Kekaha, i Agena Hoiaio no na Palapala Kepa no ka apana o Waimea, mokupuni o Kauai
L A THURSTON.
Kuhina Kalaiaina
Keena Kalaiaina, Oct. 23, 1889
2256 3t
NUPEPA KUOKOA
NO KA MAKAHIKI $2 00
NO EONO MAHINA . . . 1.00
KUIKE KA RULA
Poaono, Novemaba 2, 1889.
KA NINAU LIMAHANA.
I kela pule aku nei i panee mai ai ka Aha Kuhina i ka lakou pane no ka palapala hoopii hoololi Kumukanawai i ke Komite o na poe Paahana a me Limahana, ma kela ninau e pili ana i ka hoohaiki aku i ke komo nui ana mai o na Pake iloko o na lawelawe oihana ana.
Ua waiho pu mai ka Aha Kuhina i na hoike o kekahi mau lahui e aku ma na huahelu, a ma ko lakou manao, he mea pono e waiho ia keia hana nui na keia kau Ahaolelo ae a hiki mai, a na na wahaolelo o ka lehulehu e hapai ka noonoo ana i keia ninau lahui pili i ka pomaikai o na limahana o na ano a pau.
Ke loaa he kowa kaawale ma ko kakou pepa o keia pule ae, e hoopuka aku no makou i ua hoike la.
He Hoomanao Keneturia
NO
REV. HIRAM BINAMU.
Ma ka hora 10 o ke kakahiaka Poakolu nei, ua akoakoa ae na hoahanau ma Kawaiahao, Okatoba 30, no ka hoolohe a hoomanao ana i na hana i hoolala ia o Rev H Binamu makua, kekahi o na Misionari mua loa i hiki mua ma Hawaii nei, a o ke Kahu Ekalesia mua o ka Ekalesia o Kawaiahao.
Malaila ae ke Alii ka Moi, ka Mea Kiekie ke Kama'liiwahine Liliuokalani Lunakanawai L Makale a me kana lede, Gen J F B Marshall Cola, R H Baker, na kahunapule L Smith, C M Hyde, E G Beckwith, Wastervelt, W B Oleson, S E Bishop, Hon S N Kakela, a me kekahi poe e ae.
Papa Kuhikuhi Hoomanao Keneturia o Rev H Binanu ma ka Luakini o Kawaihao
1 Himeni Hoonani—2 Heluhelu ia ka Hoku Ao Nani ma ka aoao 149—3 Heluhelu ia ka Helelu 97 e Rev C M Hyde 4 Mele ia ka halelu 100 e ka papa himeni, (he halelu punahele loa keia ia Binamu, a oia no hoi ka mea nana i unuhi ) 5 Pule o J K Iosepa
6 Himeni hoonani, na ka papa himeni i mele mai 7 Himeni ia ma ka Hokuao Nani aoao 94—8 Wehewehe no na halepule i kukulu ia ma Kawaihao na Rev H H Paleka—9 Haiolelo o ka la na Rev J K Iosepa—10 Mele ia ka himeni, "aloha ko na mauna" na ka papa himeni i mele mai. A mamua o ka pule hookuu ua hele aku o Mrs I. D Coan e olelo ia Rev H H Paleka he mele punahele loa ia ia Binamu makua, a o kona lohe hope loa ana, oia ka wa a ka Hokuao mua i haalele ai ia Boseton a holo mai i Hawaii nei, e himeni mai ana manka o ka aina.—10 Pulo hookuu ia e Rev L. Smith.
I ka pau ana o na hana maloko o ka luakini ua puka aku ke anaina iwaho ma kahi i hoomoe ia ai o ka pohaku kihi a ku iho la, a malaila hoi i lawelawe ia ai kiea mau hana malalo iho nei penei.
Papa Kuhikuhi no ka wehe ana i ka Papa Pohaku Mabala.
1—Mele na ka Puali Puhi Ohe. 2—Haiolelo no ka pohaku kihi o Kaiwaiaho na J Kua.
(No keia pule ae makou e hoopuka aku ai i kana haiolelo.)
1789 1889
HE HOOMANAO KENETURIA
NO
REV. HIRAM BINAMU.
Hanau ia ma Bennington, Veremoneta, Okatoba 30, 1789, make ma Nu Havena, Konetikuta, Novemaba 11, 1869, a he 80 makahiki o kona ola ana
Ua kau ia keia papa pohaku maanei he pohaku hoomanao aloha no kekahi Misionari Paionia, na na mamo o ka hanauna Hawaii i hala me ke kokua ana mai o kana mau keiki, iwaena o ia hanauna i @ ia Kristo he iwakalua a oi ae makahiki Nana ka haiao mua iloko o keia kulanakauhale i ka la 25 o Aperila, 1820, me keia poole@ "Mai makau oukou, no ka mea, eia hoi ke hai aku nei au i ka mea maikai e olioli nui ai." Maanei oia i ao ai i ka Moi me na 'Lii, a i halawai ai me na popilikia a me ka hoinoia e ko na aina e mai, no ke kokua i ka hoo@ ana i ka olelo i olelo kakau lima, unuhi ana i kahi hapa o ka Baibala, kakau i na buke a i haku ai i na himeni me na leo mele Maanei oia i @ ai he tausani poe i h@ i hookumu ai he ekalesia, i hoonoho ai i na kahua o keia luakini a me kona poe aloha, i hoomoe ai i keia pohaku kihi e pili nei ma keia wahi, i ka la 8 o Iune, 1839, a malalo iho o ia pohaku, ua waiho ia he Baibala Hawaii i unuhi ia e ia a me kona poe hoahana a pau i ka la 10 o Mei, 1839
Mai anei aku, me ka uwe pu ana o na haneri o kona poe, ua holo aku oia i ka la 3 o Augate, 1840, e ike i kona one hanau, aole hoi oia i hui pu me lakou i ka wa a lakou i hoolaa ai i keia luakini i ka la 21 o Iulai, 1842, me na hooho hauoli.
"Ia Iahova ko kakou Akua a mau loa."
3—Haiolelo haole, Rev H Binamu.
4—Haiolelo no ka pohaku kihi o Kawaiahao, olelo haole, J Kua. 5—Wehe ana o ka Papa Mabala. 6—Heluhelu ana o na olelo o ka Papa Mabala. J Kua.
Na Olelo i Kakakaha ia ma ka Papa Keleawe mua malalo o ka Pohaku Kihi o Kawaiahao.
He Luakini no Iehova ke Akua o ka Lani, ka Makua, ke Keiki, ka Uhane Hemolele, he halepule o ka Ekalesia mua a me ke anaina ma Honolulu nei, i hana ai i wahi no lakou e hoomana ai i ke Akua maoli o na mea kokua nui i keia hana.
O Kamehameha III, Kaahumanu II, A@hea, o Liliha, o Kekauonohi, o Kekuanaoa, ke Kiaaina o Oahu, o Paki, a me Keohokalole.
Ua hoomaka ia ka hana i Mei, 1837 ua hookumu ia ka hale o lalo Sept. 18, 1838. Ua hoonoho ia ka pohaku kihi o ka luakini i Iune 8, 1839, i ka 15 o ka makahiki o ko Kamehameha III noho aupuni ana.
7—Heluhelu ana o na olelo o ka Papa Mabala, haole, Rev H H Paleka. 8—Haiolelo ulumahiehie a Gen J F B Marshall. 9—Himeni hookuu, na ka papa himeni i mele mai. 10—Pule hookuu, na Rev J K Iosepa. 11—Ahaaina Hawaii nui.
(E hoopuka aku ana makou i ka haiolelo a Gen. Makela.)
NA NANE A NA MAKAMAKA.
HE NANE HOOHIWAHIWA.
He 23 ka nui o na kukui uwila e hoomalamalama ana i ke Aupuni Hawaii: he 12 ka nui o na mahele o keia mau kukui uwila, he elua i like, a o ka nui iho, he okoa ka nani o kekahi i ko kekahi, a e ike ia no ma na hoonohonoho ana a ka mea hana uwila ma na mokupuni, penei
11, 12, 1, aia keia kuki uwila i ka Uahaao, ke lele ae la kona malamalama mauka o Auaulele.
20, 5, 15, 10, aia keia uwila i ka makani halihali ala, e hoonipo ana me na lehua i Hopoe.
6, 2, 1, 20, 21, aia keia uwila i ka Uapeepapohaku, hoa pili o ka makani honihoni papalina, aloha wale ia aina.
3, 4, 22, 23, 2, aia keia kukui uwila i ka ua Kuahine.
10, 12, 1, 10, 19, ke nihi ae la mauka o Kupanihi.
18, 19, 1, 13, 14, na'u i kaili a hiu a wela ka la.
6, 10, 15, 16, aia ka uwila i ke Kai malino a Ehu.
7, 18, 19, he Eka ka makani olu na kini o Kona.
3, 4, 15, 16, ke hoomalamalama ia ka uwila i ka hale o Limaloa, e hoohalikelike ana i ka nani me ka wai liula. A i ole ia, aia ka uwila i ka hene o Maunakea, kahi hoi a Lilinoe e kahiko la me ka nani i ke kapa hau o Poliahu. (Na mahele like keia.)
8, 9, owau ke kumu ke kumu o ka a o ka uwila, ua kau ia au i ka lewa, ua noho pu au me na kanaka, na holoholona, na manu o ka lewa, na mea kolo, kupu, ua puni ia'u ka lani a me ka honua, aole hoi he mea nalo mai ko'u malamalama aku, he hoa pili no'u kekahi mea kolo, a he hoohie a hoohai na lede makaonaona ia'u
3, 4, 11, 12, 14, e ke kiai, heaha ko ka po? Ua puka mai ka malamalama o ka uwila, me ka pouli pu no.
17, owau ka ona nona keia mau kukui uwila he 23.
Ina e @wila a pau mai Hawaii a Kauai, e loaa no au, he @ohi no ka @ Hawii, a e hoowehiwehi ai i ke aupuni, nani wale ka hanohano.
E loaa no ka makena o @ i ka mea mua loa e waiho mai ana i ka haina pololei, a he 5 poo-leta i ka helu @ Nolaila, e na hoa imi mea pohihihi, e imi a loaa, a waiho koke mai i keia po e ae maloko o ka kakou hiwahiwa, a e loaa no na makana i hai ia ae la maluna.
Me ka welina i na keiki onia hua kepau. J P I Kaumakapili
Honolulu, H I.
(O ka nui o na nane e ae ua hoopanee makou a loaa he wahi kaawale no ka kakou pepa.)
Ua maka welawela loa ia ke Duke o Edineboro, i kona lohe ana i na olelo maikai ole a ka Emepera o Rusia e pili ana i ka mare ana iho nei o ke Kama'liiwahine Beatrice me Eala o Fife, a ma ia kumu, ua hele aku oia e hoike imua o kona makuahine Moiwahine, me kona hai pu aku, ua hui pu paha kona kaikuahine ka Emeperese Ferederida ma keia manao.
Hoolaha Hou.
OLELO HOOLAHA.
Ke hoolaha ia aku nei na mea a pau no na aie maluna o ka waiwai o Jose Espinda me kuu kakau inoa ole, aole loa ia e uku ia. A o na poe makemake kuai i kekahi o na waiwai lewa o ka mea i oleloia, aia wale no me a'u ka mana kuai o ia mea.
MRS MARIA ESPINDA,
Luna Hooko o ka Waiwai o Jose Espinda, i make, o Lahaina, Maui.
Lahaina, Maui, Oct 28, 1889.
Hoolaha Hooko Moraki.
Mamuli o kekahi mana kuai i hoike ia maloko o kekahi palapala moraki i hana ia mawaena o Keaka (w), o Waihee, mokupuni o Maui, o ka aoao mua a me Mrs. S. Robertson, o Honolulu, o ka aoao elua, ma ka la 23 o Iune, 1885, i kakau kope ia ma ka buke 93, a mamuli o ka uhai ia ana o na kumu aelike o kela moraki, oia hoi ka uku ole ia o ke kumupaa, nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, e hoolaha ia aku ana na aina i hoike ia ma ia moraki, no ke
KUAI KUDALA AKEA
ana, ma ke keena kudala o Jas. F. Morgan, ma Honolulu, ma ka la 25 o Novemaba, hora 12 o ia la.
Aia ma kahi o W R. Kakela na olelo hoakaka no keia mea.
Hanaia i keia la 26 o Okatoba, 1889
MRS. S. ROBERTSON,
Mea moraki mai.
Penei na aina i moraki ia :
O kela wahi a pau e waiho la ma Waihee, Maui, i hoikeia ma ka Palapala Sila Nui 5983 ia Kalaekalohe, kupunakane o Keaka, nona ka ili o 1 51-100 eka, a no Keaka w ua mau waiwai la.
2257 4t
HOOLAHA AHA KIEKIE
AHA Hookolokolo Kiekie o ko Hawaii Pae Aina Ma ka hooponopono waiwai Mokupuni o Oahu ko Hawaii Pae Aina @
Ma ka hana o ka waiwai o CHARLES J HARDEE o Honolulu, Oahu, i make. Olelo Kauoha no ka manawa a me ka hoolaha ana i ka waiwai i olelo ia.
O ka palapala kauoha hope loa a Charles J Hardee i make, ma ka 11 o Okatoba, A.D 1889, i waiho ia mai imua o keia aha, e noi ana e hoopukaia ka palapala Luna Hooko ia J O Carter i waiho ia mai e J O Carter
A ua kauohaia, o ka POALIMA, ka la 22 o NOVEMABA, A.D. 1889 ma ka hora 10 a.m o ka la i olelo ia ae la, ma ka rumi hookolokolo o keia aha ma Aliiolani Hale, ma Honolulu, Oahu, oia kahi a me ka manawa i koho a no ka hoolohe ana i ua noi la, a malaila e hele mai ai na poe a pau i pili e hoike mai i ke kumu ina he kumu io ko lakou e ae ole ia ai ka hoopuka ana i ka palapala luna hooko
Kakauia ma Honolulu, ko Hawaii Pae Aina, Okatoba 31, 1889
Na ka Aha :
J H REIST,
Hope Kakauolelo.
2257-3t
AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka hana o ka waiwai o REV. D. BALDWIN M.D., o Honolulu, Oahu, i make Ma ke Keena imua o Lunakanawai McCully.
Ma ka heluhelu a me ka waiho ia ana mai o ka palapala noi a me ka papa hoike o D. D Baldwin, H. P. Baldwin a me W W. Hal , na luna hooko o ka waiwai o Rev. D. Baldwin M D., o Honolulu, Oahu, i make, e noi ana, e ae ia aku ka huina o na hoolilo he $22,064.39, a o na mea i loaa mai ia lakou he $22,701.70, a e noi ana e nana a apono ia kela mau mea, a e kauohaia e hoihoi ia aku na waiwai a pau e waiho ana ma ko lakou lima, no na poe i kuleana malaila, a e hookuu loa ana ia lakou ma ka noho Luna Hooko ana ma ia ano.
Ua kauohaia, o ka
Poakahi, Dek. 2, 1889,
ma ka hora 10 a.m., imua o ua Lunakanawai la i oleloia, ma ke Keena, ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la, a me ka Papa Hoike i oleloia, a o na poe a pau i pili e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai ka poe i kuleana i ka waiwai.
Kakauia ma Honolulu, ko Hawaii Pae Aina, i keia la 21 o Oct. 1889.
Na ka Aha
ALFRED W. CARTER,
Hope Kakauolelo Elua.
2256-3t
AHA Hookolokolo Kiekie o ko Hawaii Pae Aina. Ma ka hooponopono Waiwai. Ma ka hana o ka waiwai o CHUN LUNG, o Honolulu, Oahu, i make kauoha ole.
Ma ka heluhelu a me ka waihoia ana mai o ka palapala noi a C. Afong, o Honolulu, e hoike ana, o Chung Lung o Honolulu, i make kauoha ole ma Honolulu, ma ka la 11 o Augate, A.D. 1889, a e noi ana e hoopuka ia ka palapala lunahooponopono ia J. Alfred Magoon.
Ua kauohaia, o ka
Poalima, Nov. 15, 1889,
oia kahi i koho ia no ka hoolohe ana i ka palapala noi imua o ua Lunakawai la, ma ka rumi hookolokolo o keia aha ma Honolulu, a ma ia manawa a ma ia wahi no e hele mai ai na poe a pau i pili e hoike mai i ke kumu, ina paha he kumu io ko lakou e ae ole ia ai ua noi la.
Kakauia ma Honolulu, ko Hawaii Pae Aina, Okatoba 23, 1889.
Na ka Aha :
J. H. REIST,
Hope Kakauolelo.
2256-3t
Hoolaha Hooko Moraki,
Mamuli o kekahi mana kuai i hoike ia maloko o kekahi palapala moraki i hanaia mawaena o I. M Kaliola me Kahananui kana wahine mare no Kohala-akau, Hawaii, o ka aoao mua a me Mrs Gutie T Coan o Hilo, Hawaii, o ka aoao elua, ma ka la 14 o Okatoba, 1887, i kakau kope ia ma ka buke 109 aoao 188, a mamuli o ka uhai ia ana o na kumu aelike o kela moraki, oia hoi, ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o J F Morgan ma Honolulu, ma ka Poakahi la 25 o Novemaba, 1889, hora 12 o ia la.
Aia ma kahi o W R Kakela na olelo hoakaka no keia mea.
Hanaia i keia la 28 o Okatoba, 1889
G T COAN,
Mea Moraki Mai.
Penei na aina i moraki ia:
O kela apana aina e waiho la ma Hauula, Koolauloa, Oahu, i kope ia ma ka Palapala Sila Nui 4199 me 1356 nona ka ili o 74-100 eka.
2257-4t
Hoolaha Aha Kiekie.
[POO AUPUNI]
ILOKO O KA AHA HOOKOLOKOLO Kiekie o ke Aupuni Hawaii
KALAKAUA, ma ka lokomaikai o ke Akua o ko Hawaii Pae Aina, Moi
I ka Ilamuku o ke Aupuni, a i ole i kona Hope, me ka mahalo
Ke kauohaia aku nei oe e kii aku ia George Wm. Woolsey, ka mea i hoopiiia, ina e waiho mai ana oia i kana pane i kakau ia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie ma ke kau o Okatoba o ua Aha la e malama ia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 7 o Okatoba e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Elisa Woolsey, ka mea hoopii, e like me ka mea i hoakaka ia iloko o kana palapala hoopii i pakuiia.
A e hoihoi mai oe i ka palapala kii me ka hoike piha o kau mau hana no ia mea.
[Sila] Ikea e ka Mea Hanohano A. F. JUDD, Lunakanawai Nui o ko makou Aha Hookolokolo Kiekie ma Honolulu, i keia la 16 o Sepatemaba M H 1889
ALFRED W CARTER
Hope Kakauolelo Elua.
Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la i keia la e hoolaha ia ia mea, a e hoopanee ia ka hihia a ke kau ae o Ianuari e hiki mai ana.
Kakauia ma Honolulu, Okatoba 12, 1889. ALFRED W. CARTER,
Hope Kakauolelo Elua.
2256-6t
AHA HOOKOLOKOLO KIEKIE O KO Hawaii Pae Aina. Ma ka hooponopono Waiwai. Ma ka hana o ka waiwai o MARIA KING, o Honolulu, Oahu, i make ma ke kauoha. Ma ke keena, imua o Lunakanawai JUDD.
Ma ka heluhelu a me ka waiho ia ana mai o ka papa hoike a Alexander J. Cartwright Luna Hooko o ka waiwai o Maria King o Honolulu, Oahu i make, e noi ana e ae ia aku ka huina o na hoolilo he $2,265.63, a o na mea i loaa mai iaia he $7,573.75, a e noi ana e nana a e apono ia keia mau mea.
Ua kauoha ia, o ka
Poakahi, Nov. 25, 1889,
ma ka hora 10 a. m. imua o ua Lunakanawai la ma ke Keena, ma ka Hale Hookolokolo ma Honolulu i oleloia, oia kahi a me ka manawa i kohoia no ka hoolohe ana i ua noi la a me ka papa hoike i oleloia, a o na poe a pau i pili, e hele mai a hoike i ke kumu, ina he kumu ole ko lakou e ae ole ia ai ua noi la, a malaila e hoike mai ai ka poe i kuleana i ka waiwai.
Hanaia ma Honolulu, i keia la 16 o Okatoba, 1889.
Na ka Aha : J. H. REIST,
Hope Kakauolelo.
2255-3t.
AHA Hookolokolo Kiekie o ko Hawaii Pae Aina. Ma ka hooponopono waiwai Ma ka hana o ka waiwai o Z Y SQUIRES, o Waialua, Oahu, i make. Ma ke Keena imua o Lunakanawai Judd.
Ma ka heluhelu a me ka waiho ia ana mai o ka Papa Hoike a William O Smith Lunahooponopono o ka Waiwai o Z Y Qquires, o Waialua, Oahu, i mak , e noi ana e ae ia aku ka huina o na hoolilo he $1831.27, a o na mea i loaa mai iaia he $1843.90, a e noi ana e nana a apono ia kela mau mea, a e kauohaia e hoihoi ia aku na waiwai a pau e waiho ana ma kona lima i ka poe i kuleana malaila, a e hookuu loa ana iaia a me kona mau hope mai ko lakou noho lunahooponopono ana ma ia ano.
Ua kauohaia, o ka
Poakolu, Nov. 27, 1889,
ma ka hora 10 a.m. imua o ua Lunakanawai la ma ke Keena, ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la a me ka Papa Hoike i oleloia, a o na poe a pau i pili e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai ka poe i kuleana i ka waiwai.
Kakauia ma Honolulu, ko Hawaii Pae Aina, i keia la 18 o Okatoba, 1889.
Na ka Aha :
ALFRED W. CARTER,
Hope Kakauolelo Elua.
2255-3t
[Poo Aupuni.]
Iloko o ka Aha Hookolokolo Kiekie o ke Aupuni Hawaii.
Kalakaua, ma ka lokomaikai o ke Akua, o ko Hawaii Pae Aina, Moi:
I ka Ilamuku o ke Aupuni, a i ole, i kona Hope, me ka mahalo:
Ke kauoha ia aku nei oe, e kii aku ia James Keau ka mea i hoopii ia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Aha Hookolokolo Kiekie ma ke kau o Okatoba o ua Aha la, e malama ia ana ma ke keena hookolokolo o ka hale hookolokolo ma Honolulu, mokupuni o Oahu, ma ka
POAKAHI, OKATOBA 7, 1889,
e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Miriam Keau, ka mea hoopii, e like me ka mea i hoakaka ia maloko o kana palapala hoopii i pakui ia.
A e hoihoi mai oe i ka palapala kii me ka hoike piha o kau mau hana no ia mea.
[SILA] Ikea e ka Mea Hanohano A. F. JUDD, Lunakanawai Nui o ko Makou Aha Hookolokolo Kiekie ma Honolulu, i keia la 20 o Iune, M. H. 1889.
HENRY SMITH,
Kakauolelo.
Ke hooia nei au, o ka mea maluna ae, he kope oiaio no ia o ka Palapala Kii ma ia hihia, a ua kauoha ua Aha la i keia la, e hoolaha ia ia mea, a e hoopanee ia ka hihia a ke kau ae o Ianuari e hiki mai ana.
Kakau ia ma Honolulu, Okatoba 7, 1889.
ALFRED W. CARTER,
Hop Kak olelo Elua.
2255-3t
HOOLAHA HOU
AHA HOOKOLOKOLO KAApuni Apana elua o ko Hawaii Pae Aina Ma ka Hooponopono Waiwai. Ma ka hana o ka Waiwai o KALEIAI, no Honomuni, Molokai, i make kauoha ole.
Ma ka heluhelu a me ka waiho ia ana mai o ka palapala noi a S K K@ea, he mea pili i ka mea i make, e hoike ana ua make kauoha ole o Kaleiai, no Honomuni, Molokai, ma Molokai i ka la 22 o Mei, 1889, a e noi ana e hoopuka ia ka Palapala Hookohu Lunahooponopono Waiwai iaia.
Ua kauoha ia, o ka
Poaono, Nov. 23, 1889,
ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona Keena, ma ka Hale Hookolokolo, ma Pukoo, a ma ia manawa a m@ ia wahi @ e hele mai ai na mea a @ e hoike mai i ke kumu, ina he kumu io ko lakou, e ae ole ia ai ua noi la. A o keia kauoha, e hoolaha ia ma ka olelo Hawaii i ekolu pule maloko o ke KUOKOA, nupepa ma Honolulu.
Kakau ia ma Wailuku ko Hawaii Pae Aina Okatoba la @ 1889.
GEO. E. RICHARDSON,
Lunakanawai Kaapuni Apana Elua.
2255-3t
AHA KAAPUNI APANA ELUA o ko Hawaii Pae Aina. Ma ka Hooponopono Waiwai. Ma ka Waiwai o KAILIULI k, no Halawa, Molokai, i make.
No ka mea, ma ka la 10 o Sepatemaba, M. H. 1880, ua waihoia mai imua o ka Aha kekahi palapala, i oleloia, oia no ke Kauoha Hope Loa o Kailiuli k., i make aku la: a me ka Palapala Hoopii e noi ana e hooiaio ia kela Palapala Kauoha a e hoopuka hoi ka Palapala Luna Hooko no Akela Kailiuli, ua waihoia mai e ia.
Nolaila, ua kauoha ia o ka
Poaono, Nov. 23, 1889,
ma ka hora 10 a m., ma ka Rumi Hookolokolo @ Pukoo, Molokai, oia ka la me ka@ e hooiaio ia ai ia Palapala Kauoha a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauohaia, e hoolaha no ia mea no na pule ekolu iloko o ke KUOKOA, he nupepa i pai ia a ia holaha a ma Honolulu.
Kakauia ma Wailuku, ko Hawaii Pae Aina Okatoba, 1889.
GEO. E. RICHARDSON,
Lunakanawai Kaapuni Apana Elua.
2255-3t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o Jane K. Ku a me A. Ku, kana kane mare, o Heeia, Koolaupoko, Oahu o ka aoao mua, a me E. O. White, Kahu. o Honolulu, Oahu o ka aoao elua, ma ka la 10 o Novemaba 1885, i kakau kope ia ma ka buke 94, aoao 488, a mamuli o ka uhai ia ana o na kumu aelike o kela moraki, oia hoi ka hookaa ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 25 o Novemaba 1889, hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 29 Okatoba 1889.
E. O. WHITE, Kahu.
Mea Moraki mai.
Penei na aina i moraki ia :
O kela wahi a pau e waiho la ma Punawai, Heeia, Oahu, i hoike piha ia maloko o ka Palapala Sila Nui 1012, L C. A 7526 ia Kamohoalii, nona ka ili o 1 62-100 eka, a i hoolilo ia aku hoi ia Jane K Ku i oleloia ma ka palapala a Petero Haina et al i kope ia ma ka buke 93, aoao 458.
2257 4t
Hoolaha.
E noho ana ka Lunakanawai Kaapuni o ka Apana II, o ka mokupuni o Hawaii, ma Kona Akau me Kona Hema, ma ke Keena, ma ka hale hookolokolo ma Kailua, Kona Akau, ma ka la
21 me 22 o Novemaba,
1889, hora 9 kakahiaka.
Ma ka hale hookolokolo ma Hookena, Kona Hema, ma ka la
26 me 27 o Novemaba,
1889, hora 9 kakahiaka.
S. L. AUSTIN,
Lunakanawai Kaapuni.
Okatoba 18, 1889.
2256 3t
Olelo Hoolaha.
Ke hoike ia aku nei i na mea a pau ma keia hoolaha, o makou o na keiki a Kaaipohaku a me Kapihenui, ko makou makuahine, kaikamahine ponoi a Kumahoa, ka mea nona ka waiwai a Kaaipohaku i kuai malu ai me Kauhane Afat, ke hoike nei makou ia oe e Kauhane,
Aohe Kuleana
o Kaaipokahu i keia mau waiwai, oiai, eia no makou ke ola nei, na keiki ponoi a Kapihenui a mau moopuna a Kumahoa, ka mea nona ka waiwai.
Nolaila, ke hoole aku nei makou i kela hoolaha a Kauhane i hoopuka ia ma Ka Oiaio, aohe mana.
O makou me ka oiaio,
CHAS. KAIAIKI,
KEAKAKU,
MAKUAHINE,
KAPAHI.
Keei, Kona Hema, Oct. 17, 1889.
2256 1t
Hoolaha a ka Luna Ohi Auhau.
E noho ana ka Luna Ohi Auhau o Hilo a me Hilo Akau, no ka ohi ana mai i na auhau, ma keia mau wahi i hoike ia malalo iho.
HILO.
Hakalau—Nov. 11, hora 1 a 7 P M
Honomu " 12, " 9 a 12 A. M
Pepekeo " 13, " 8 a 12 "
Papaikou " 27, " 9 a 4 P M
HILO AKAU.
Honohina Nov. 18, hora 8 a 11 A M
Mahiko Laupahoehoe " 18, " 3 a 7 P M
" " 19, " 7 a 9 A M
Ookala " 19, " 1 a 5 P M
Awawa Laupahoehoe " 20, " 9 a 4 P M
Ma na la e ae, e loaa no au ma ka hale oihana ma Hilo.
I. TUCKER.
Hope Luna Helu me Ohi Auhau no ka apana o Hilo me Hilo Akau, Hawaii.
2255 4t
HOOLAHA HOOPII AUHAU.
E noho ana na Papa Hoopii Auhau ma na Apana Auhau no ka Mokupuni o Hawaii, iloko o ka malama Novemaba, M.H. 1889, penei
KOHALA AKAU.
Ma ka Hale Hookolokolo, Poakahi, la 18, hora 9 a.m.
KOHALA HEMA
Ma ka Hale Hookolokolo, Poaha la 19, hora 2 p.m.
HAMAKUA.
Ma ka Hale Hookolokolo, Poakolu la 20, hora 1 p.m.
HILO AKAU.
Ma ka Hale Hookolokolo, Poaono la 23, hora 9 a.m.
HILO.
Ma ka Hale Hookolokolo, Poalua la 26, hora 9 a.m.
PUNA.
Ma ka Hale Hookolokolo, Poakahi la 27, hora 1 p.m.
KAU.
Ma ka Hale Hookolokolo, Poaono la 30, hora 9 a.m.
F. S. LYMAN.
Peresidena o na Papa Hoopii Auhau o ka Mokupuni o Hawaii.
Hilo, Hawaii, Okatoba 10, 1889
2256-3t
PAPA! PAPA!
AIA MA KAHI
LEWERS & COOKE
(O LUI MA)
@ alanui Papu @
E loaa @
APA NOUAIKI
o kela a me keia ano
PaniPuka, Na Puka Aniani, Na Olep@ Na Pou, Na O-a, Na Papa Hele, Na P@ Ku, A me na Papa Moe nui loa
Na Pili o na Hale o na Ano a Pau
A ME NA
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono na Maka@ pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E like me kamea e holo ana ma waena
LAUA a me ka MEA KUAI.
EHLE MAI E WAE NO OUKOU